رجاءا توقفوا عن هذا يا بعض اعضاء سودانيز

اذا اخطأ الرجل او كان مخطئا او عنده معلومة خطأ، فلا اظن انه من اللائق
تقام له المشانق، ومن معظم المتداخلين

عرب السودان هم احفاد ال 360 عبدا نوبيا سنويا الى جزيرة العرب

قوموا مفاهيمه ان كانت غير صحيحة، ولكن بأدب

تحياتي للجميع

الاستاذ أحمد بن عوف

لك التحايا الطيبة و الاشواق

Quote: قوموا مفاهيمه ان كانت غير صحيحة، ولكن بأدب

اتفق معك تماما , و كما عهدناك فانك دوما رجل حق و خير و واجب

اشكرك و اثنى دعوتك
الطيب رحمه قريمان

شكلك ح تصبر كتير يا صابر

التقويم بحد السيف والمقصلة في منبر حواري!!؟؟

شكرا ليك انت يا الطيب اخوي

Quote: اشكرك و اثنى دعوتك الطيب رحمه قريمان

تحياتي

اخي احمد

قبل ان نقومه نريد ان نعرف عمرو كم سنة

ود الباوقة تحياتي

Quote: قبل ان نقومه نريد ان نعرف عمرو كم سنة

لييه داير تقيم عليه الحد الشرعي وللا شنو؟؟

كدي ارمي السيف الفي ايدك دا بعدين اساله

Quote: لييه داير تقيم عليه الحد الشرعي وللا شنو؟؟ كدي ارمي السيف الفي ايدك دا بعدين اساله

ابن عوف

يا زول كمان داير تطلعنا ارهابيين


سالنا من عمرو دايرين نشوفوا بتقوم ولا فات

فيهو الفوات

عشان ما نتعب معاه ونضيع زمنا

مراحب أخ أحمد
وبس ملاحظة وتنويه : يا ريت كتبت مداخلتكـ دي في أصل الموضوع وفندت بعضاً مما جاء في كلام السيد أتير ( بأدب طبعاً) لأني لا أعتقد أن الأدب قد جانب أحداً
غير سيد البوست بس ياها سياسة الكيل بمكيالين الحافظتها هنا من سنة 2002 " يبدو إنكـ ما ذاكرت كتير من الحصل هنا من إهانات وإسفاف " .
أنا من الذين سخروا من كاتب البوست وسأظل لأن الأمر قد وصل خشم البيوت " بطريقة أو بأخرى " .

Quote: ولكن بأدب

الاخ عمران
تحياتي
كيف نفند ما جاء في كلامه والبوست بقى ماشي في اتجاه واحد!!
على سبيل المثل المصري "تنضرب لمن يبان لك صاحب"
وفعلا الآن كتبت مداخلة هناك وتفضل صديقي الطيب رحمة بنقل رابط هذا البوست
الى ذلك البوست المشرحة ايضا.
اي موضوع في الدنيا دائما له وجهة نظر مختلفة، فيبقى السخرية لا مكان لها
في ادب الحوار.

Quote: اي موضوع في الدنيا دائما له وجهة نظر مختلفة، فيبقى السخرية لا مكان لها في ادب الحوار.

كويس إنكـ قلت موضوع وده بيت القصيد ، والموضوع من المفترض له أساس
علمي ، تاريخي ، أو إن شاء الله ونسة جيران ساي !! ( تفتكر العفن الهناكـ داكـ فيهو ما يؤكد ) ، والسخرية مرادفة للحوار حتى بين من يفرقون بين الأشياء بفهم وموضوعية ناهيكـ عمن يطرح نفسه كإعلامي وبدايته كما ترى
وصدقني على قدر أهل العزم تأتي باقي الآشياء .
لو فتح الراجل الموضوع طالباً العون المعلوماتي عن ما كتب لأنتهى الموضوع ولاستفدنا ممن يملكونها .

الرفق الرفق يا اخوي عمران، الزول لو طاشي شبكة افكو عكس الهواء
وللا اقعدوا في بطن الواطة دي واشرح ليهو؟؟

الزول الجاء لسيدنا وحبيبنا محمد عليه افضل الصلاة والتسليم وساله الاذن في الزنى
وكاد احد الصحابة ان يطير عنقة (واحسبه سيدنا عمر رضى الله عنه) فترفق به رسولنا
وادار معه الحوار المعلوم.. هل ترضاها لاختك او امك ... الخ

دا منبر حوار، ومنبر عام، ولم ياتي الى ابواب بيوتنا وسالننا ان نعترف باننا عبيد
او ابناء عبيد. الاماكن العامة لها حرمتها، والرجل الآن اصبح اضحوكة الدنيا لكل قراء
سودانيز لا لذنب جناه الا لانه هبش الوتر الحساس بتاع العربان.

اها، انا شايقي، والزول دا هبشني في مهيرتنا، اقعد اكورك وللا اقدم للعالم كيف ممكن سودانيز
واعضائها ان يغيروا من تفكير شخص واحد.

اربعين نفر تداخلوا ولم يعمل اي شخص على تصحيح مفاهيم الرجل؟؟ ودا الغرض من البوست
بالاضافة لاشياء خاصة بي.

ود الباوقة اخوي

Quote: ابن عوف يا زول كمان داير تطلعنا ارهابيين

ما انا، دي امريكا مصنفاك انت وانا معاكم ساكت باننا دولة راعيه للارهاب
حسي السويتوهو دا في بوست الراجل ما اسمه ارهاب، الزول التقول جاب وثيقة من ويكيليكس
ياخي كلنتون ما سوت سواتكم دي في الوثائق الاخيرة.

Quote: سالنا من عمرو دايرين نشوفوا بتقوم ولا فات فيهو الفوات عشان ما نتعب معاه ونضيع زمنا

كلام زي الورد، بس حتى لو كان عمره كبير برضو في امل

الأخ أحمد سلام

أنا واحد من الذين سخروا من البوست المعني

و السبب لأن موضوع البوست يدعو للسخرية و الغرض منو السخرية.

Quote: المك نمر اجبن مخلوق فى وجه الارض ودليلى هروبه وتركه لبناته وزوجاته ولم يرجع ابدا حتى وان كان فارا ولكنه لم يكر , وفى باب اخر زكرت ان مهيرة بنت عبود كانت شيخة انداية , دى حقائق تاريخية لن نتوانى فى نشرها

تحياتي

.

سلام يا ابو حسين
تحياتي

Quote: الأخ أحمد سلام أنا واحد من الذين سخروا من البوست المعني و السبب لأن موضوع البوست يدعو للسخرية و الغرض منو السخرية.

والله انا معاك في كل كلمة قلتها، بس الزول خففوا عليه شوية
وناقشوه براحه، اساسا احنا ما خسرانين حاجة، كلام اتكتب وما بنقدر نمسحه
واصلا العارف عزو مستريح والافلام دي، واحنا عارفين منطقه ضعيف وبالتالي موقفه ضعيف
والجماعة ما شاء الله، كل شوية بزيدوا في البوست، والل جاي بشومة واللي جاي بمطوة ..الخ

الغرض من بوستي دا زي ما قلت ليك، لا اجب ان ارى انسانا في موقف ضعيف واستغل هذا الضعف لتدميره

فضلا عن ذلك الزول جديد، وما عارف من اين تؤكل كتف البورداب هههههه

هسع انا ممكن افتح لي بوست بحمل نفس المعنى الداير يوصله الزول دا، لكن اتعلمت الدريبات
في سودانيز.

غايتو الدرب السوقتو فيهو الزول دا صعب خلاص

Quote: بس الزول خففوا عليه شوية

أحمد بن عوف
تحياتي
الزول دة نخفف علية مقابل شنو لو كان يحمل معلومات حتي ولو مغلوطة بس عندة سند يدعم كلامة ممكن نقول اتي لحوار

ولكنة أتي للشتم والســـب ونال ما يستحقة وإن كنت أري انة لم يحصل بعد علي كامل ما يستحق

Quote: كلام اتكتب وما بنقدر نمسحه

ممكن يعتذر عنة ودة كان المطلوب ان تفعلة قبل أن تطلب منا أن نرأف بة يعني يجي يكتب ويعتذر رغم أنني أعلم بأنة لن يعتذر لانة متعمد

Quote: الغرض من بوستي دا زي ما قلت ليك، لا اجب ان ارى انسانا في موقف ضعيف واستغل هذا الضعف لتدميره

الرجل لايستحق غير ضرب البرطوش ودة شرف لية لانة يستحق اقذر من البرطوش

Quote: فضلا عن ذلك الزول جديد، وما عارف من اين تؤكل كتف البورداب هههههه

بالعكس الرجل راقب وعرف من أين بالضبط تؤكل الكتف وبقية الجسم كلة

Quote: غايتو الدرب السوقتو فيهو الزول دا صعب خلاص

هو من ساق نفسة عامدا متعمدا في هذا الدرب وأحسب أنة أعتقد أن الدرب سيتوة خلفة ولن يلاحقة أحد بعد أن يجد مناصرة من ناس الهامش ومن سار في دربهم
ولكن هيهات