قريبا...في ذكري الشهيد محمود: الاصل السوداني (الكوشي)، للفلسفة الاغريقية.

في سلسلة الاصل السوداني للحضارة، تناولنا:

*الاصل السوداني للتصوف.
* الاصل السوداني للاديان: اليهودية(1).
*الاصل السوداني للاديان : المسيحية(2).
اما الاصل السوداني للاديان: الاسلام (3)، فمشروع قادم في الطريق، سنكتفي بنشر الجزء الاول منه، المتصل بتاريخ شبه الجزيرة الكوشية المسماة اليوم عربية.

اما بوست الاصل السوداني للفلسفة الاغريقية، فهو مقدمة لمشروع الاصل السوداني للعلوم، وحينها سنتناول الاصل السوداني للرياضيات تحديدا.

عزيزي القارئ،
مهم للغاية تعرف، كيف ليس لبشاشا غير اجر المناولة ولا غير في نشر هذا النوع الجديد من التفكير، في ظرف السودان المصري الحالي، يلفظ انفاسه الاخيرة!

اذن الوقت مناسب، وان اتي هذا الطرح متاخر نصف قرن، تاريخ اكتمال ميلادو الحقيقي.

ليه ااوقت لازال مناسب؟

لاننا في حوجة قطعا لاساس نظري جديد، نبني عليه السودان البديل، الكوشي، القادم لا محالة علي مدي نصف القرن القادم، سوي سلما او حربا.

هذا طرح حركة المركزية الافريقية او المدرسة الافريقية في مجال تاريخ افريقيا او السودان.

العام القادم ننوي تقديم رموز هذه المدرسة او ظروف نشاتها للقارئ.

بدأنا من قبل عمل متصل بتعريف المركزية السودانية، هنا ولم نكمله. اعلم ان المكتبة خالية تماما ولا ادري السبب، من هذه الاعمال، يا بكري ابو بكر، امين الموقع.

بل حاولت نبش الارشيف ولم اوفق في العثور علي ايا من بوستاتي الرئيسية.

لاهي في الارشيف ولا هي خارجه!
نعم بعض اللنكات لا تعمل، مع غياب هذه البوستات اامذكورة اعلاه عن مكتبة بشاشا!

أووووو سلام يا امير

مشتاقين رسمياً كده ( جد جد )

Quote: سنتناول الاصل السوداني للرياضيات تحديدا.

عليك الله يابشاشا دى بالذات أديها مساحة بتاعت نقاش جيدة جداً ، إحتمال تحلنا أفرج الزوايا الضيقوها على وعينا لحدى ما الشعب بقى يعاين مثلثات مثلثات
و فى أحسن الحوال دوائر يا كاروهات . افرض للشمولية (جتا) و الطائفية (غتا) و شوف لينا حل لناموس مجارى الاسلام السياسى ، و سلعلع الخديوية المعلوف
بامباز اسيادو، و ماتنسى الجراقيس اللاعقين احذية اسيادم الجلابة او كما تفضلت.
حاجز قدام ( النصيحة المرة دى ناوى استفيد )

هذا مع كامل إحترامى لتاريخنا و أميرنا المفدى

Quote: اما بوست الاصل السوداني للفلسفة الاغريقية، فهو مقدمة لمشروع الاصل السوداني للعلوم، وحينها سنتناول الاصل السوداني للرياضيات تحديدا.

سلام بشاشا
زوجتي اغريقية خريجة رياضيات ترجمت ليها الكلام ده
انت عارف رد فعلها كان شنو ؟
عيييييييييييك ما بوريك

المهم واصل و اثبت لينا الكلام ده عشان نطالب بي حقوقنا التاريخية في البلد دي

و الله انت راجل تحفة يا بشاشا

عبد الرحمن عزاز مرحب بيك،

معليش لو كلامنا عن اصل سوداني للعلوم، والرياضيات تحديدا، ما بنزل من "زور" الوعي الاستلابي الحالي!

مقدرين تماما!

ماعارف الوهابية حيعملو شنو لما نصل بوست الاصل السوداني للاسلام!

Quote: زوجتي اغريقية خريجة رياضيات ترجمت ليها الكلام ده

نبيلو مرحب بيك،
لو زوجتك اغريقية، نصيحة اخوية ليك وانا جادي ما تجيب سيرة اصل اسود او ذنجي او افريقي او سوداني تحديدا، لما يسمي بالفلسفة الاغريقية، لي اي زول في اليونان بالمناسبة!

ردود افعال بعض البيض علي هذا الكلام والذي نشر في الخمسينات بالمناسبة الي هذا التاريخ، هو الرفض القاطع، وقد دفع بعض رواد المدرسة الافريقية في امريكا في مقابل هذا الكلام ثمن، ولقد سمعت هذا شفاهة من قبل!

علي المستوي الاكاديمي ابرز الرافضين بهستيريا لهذا الطرح نجد اليمينية المتطرفة

Mary Lefkowitz
صاحبة كتاب Not out of Africa
عديل كده Not Out of Afric!

هذا الكتاب هدية مننا نقدمه للرافضين مقدما كلام الطير بتاع بشاشا ده!

تسلحو بهذا الكتاب مقدما يا حواريي المركزية الاوربية!

يا ريت لوفي طريقة نجيب الزولة دي هنا في المنبر ده!

حبيبنا بشاشا
سلام

Quote: Mary Lefkowitz صاحبة كتاب Not out of Africa عديل كده Not Out of Afric! هذا الكتاب هدية مننا نقدمه للرافضين مقدما كلام الطير بتاع بشاشا ده! تسلحو بهذا الكتاب مقدما يا حواريي المركزية الاوربية! يا ريت لوفي طريقة نجيب الزولة دي هنا في المنبر ده!

كتاب Egypt Versus Greek للمؤلفين إيما وموليفى أسانتى يفند ما ذهبت اليه مارى ليفكويتز المدافعة عن المركزية الأوربية... هذا الكتاب هو ابلغ رد على الكاتبة العنصرية التى ترفض ان افريقيا هى أصل ومنبع الحضارة الإنسانية..

شكرا على الإضاءة..

نورالدين منان

Quote: زوجتي اغريقية خريجة رياضيات ترجمت ليها الكلام ده انت عارف رد فعلها كان شنو ؟ عيييييييييييك ما بوريك

ياراجل منتظرك لى زمان انته خارج العاصمة ولا شنوا ابقى تعال علينا


بشاشة بوست موفق وجميل لسنه جميلة ابقى عافية بجيكم تانى

Quote: ياراجل منتظرك لى زمان انته خارج العاصمة ولا شنوا ابقى تعال علينا

مرحب عامر
تصدق ما كنت عارف انك مقيم في اثينا حتي اليوم النزلت فيهو صور ندوة الحزب الشيوعي

جيتكم في رمضان انت ما كنت موجود فطرنا في المكتب مع منصور و معاوية و ماجد
قلت لي منصور يبلغك تحياتي
بجيكم و الله داير اتعرف عليك من قريب

و خليك قريب من البوست ده قلنا اخيرا ممكن نطلع بي حاجة من تنظيرات بشاشا هههههههها
نطالب بي حقوقنا التاريخية في البلد دي

Quote: الاصل السوداني (الكوشي)، للفلسفة الاغريقية

يا بشاشا عليك الله خليك في موضوع البوست و جيب لينا الاثباتات
و بالمناسبة انا شغال مترجم في البوست ده
و حنتحمل النتائج ان شاء الله تطلقني بس ناخد حقنا من الناس ديل

انا جادي يا بشاشا

العزيز بشاشا
تحياتي لك والمتداخلين

بوست كنت بانتظاره منذ انضمامي للمنبر قبل شهور بسيطة
سنكون متابعين معاك بشدة
لا سيما وانا قاب قوسين او ادنى ان انتهي من كتاب Stolen Legacy للكاتب George G.M James
والذي اعتير من اهم 100 كتاب في العالم
الراجل ما خلى للناس ديل الاغريق جنبه يرقدوا عليها، ولطنني بحاجة لاعادة القراءة، الكتاب صعب ولغته
اصعب، واخوك انجليزتو ليس بالمستوى المطلوب لفهم الكتاب.

قصة المركزية الافريقية استهوتني بعد معارك مع صديقك العزيز وصديقي اللدود منعم سليمان
ولدي في مكتبتي الآن كتاب شيخ انتا ديوب و كتاب سيرتيما وبصدد دراستهم بعمق اكبر. طبعا استمتعت جدا بترجمة
كتاب برنال اثيناء السوداء (الجزء الاول)
لكن كنت بحاجة الى تتبع شرح بلغة عربية اولا وشرح متأني ثانيا وهو ما كنت منتظره منك.

تحياتي مجددا

Quote: لا سيما وانا قاب قوسين او ادنى ان انتهي من كتاب Stolen Legacy للكاتب George G.M James والذي اعتير من اهم 100 كتاب في العالم

شكرا اخي احمد
بحثت عن الكتاب في النت و وجدته علي هذا الرابط
ارجو التاكيد ان هذا هو الكتاب المعني كاملا و ليس جزء من الكتاب

http://www.blackherbals.com/Stolen_Legacy_by_George_G..M_James.pdf

الاخ بشاشا
نحن الافارقة نفتخر باننا اصحاب الاصل فى الحضارة الانسانية
ولا نمانع ان تنسب لنا نحن الافارقة كل التقدم العلمى اذا ما كان الدليل التاريخى متوفرا
لاننا لا تريد ان ننسب لانفسنا انجازات الغير
نواصل متابعة بوست بشاشا
و نحن نفتخر كافريقيا بانجازاتنا الحضارية
واصل بشاشا
ربنا يوفقك فى ايراد البراهين و الادلة التى تؤكد كلامك
ملحوظة :
المركزية الاوربية سعت لتزوير التاريخ و نسب الانجازات لاوربا و البيض
لا نريد للمركزية الافريقية ان تتعامل بردود الافعال و تسعى هى ايضا لتزوير التاريخ لصالح افريقيا

العزيز نبيلو
تحياتي

Quote: شكرا اخي احمد بحثت عن الكتاب في النت و وجدته علي هذا الرابط ارجو التاكيد ان هذا هو الكتاب المعني كاملا و ليس جزء من الكتاب

ياهو بضبانته، وكويس عرفت درب الملح، اشتريته من امازون دولار ينطح دولار (كله بعشرة دولار)
عندي مشكلة من القراية من الكمبيوتر عشان كده بفضل الورق، لكن مع الآي باد المشكلة اتحلت، بس ايدك على 3 الف ريال هههه

الكتاب لو قريته بتقدر تتابع مع بشاشا بصورة كويسة جدا، لكن استعد للمدام، الكتاب بتطلع ليك ناس افلاطون وارسطو
وسقراط ناس وهم وحرامية وانتاجهم اكبر سرقة في تاريخ البشرية

وكله ياهو حقنا احنا ديل

العزيز الفرعون بشاشا
الدكتور نبيل واهلنا من كوش و كجبار
و الناس اجمعين لكم الحب و السلام






متوكل مصطفى الحسين

Quote: الكتاب لو قريته بتقدر تتابع مع بشاشا بصورة كويسة جدا، لكن استعد للمدام، الكتاب بتطلع ليك ناس افلاطون وارسطو وسقراط ناس وهم وحرامية وانتاجهم اكبر سرقة في تاريخ البشرية وكله ياهو حقنا احنا ديل

انت عارف يا ابوحميد
بشاشا عندو مشكلة في اسلوبو... في توصيل المعلومة
ولو شككت او طلبت منو توضيح طوااالي بيختك في خانة الاعداء
.. بيزكرني جورج بوش و مقولتو الشهيرة
و طبعا عندو شطحات كده ما بتعرف بجيبا من وين
و الحاجة التانية بيحب يلمع نفسو و يطبلو ليهو
يعني في مداخلاتو بقول بشاشا قال و بشاشا عمل
بدل ما يقول انا قلت و انا عملت كدة
و انت عارف نحن السودانيين جننا و جن الزول المتكبر

الف شكر يا ابو حميد و الله ما قصرت تب
و شكرا لبشاشا اخيرا طلعنا بي حاجة مفيدة من بوستاتو المهببة دي ههههههههه

يا نبيل انتا نايف دا اخوك ولا كومارى ساى

Quote: متوكل مصطفى الحسين

متوكل صحبي كيفك يا راجل و الله الشوق بحر
و الله لو ما كتبت اسمك بالكامل ما كنت عرفتك
علي ما اذكر اسمك في المنبر كان بالانجليزي
راجع المسنجر الداخلي

Quote: يا نبيل انتا نايف دا اخوك ولا كومارى ساى

تصدق اخوي بس فاكيهو كوماري ساي
ههههههه
بالله انت مزكر

منان تحياتي او مرحب بيك.

نعم لوفكوتز هذه صاحبة كتاب "ما من افريقيا" عديل كده، اتلحت بروف George G.M James اللي هو اساس البوست القادم، والرجل لاحظ كتب كتابو Stolen Legacy في الخمسينات، او ابدا ما قربت زولم مارتن برنال صاحب سفر "اثينا السوداء" الضخم حقيقة مع انو صدر في الثمانينات!

طبعا مارتن برنال زول مسنود او محمي كسامي، او مش زي بروف جورج جيمس الافريقي الامريكي، الكانو امثالو وحتي العشرينات بيعلقو علي الاشجار او يرجمو احياء، فقط اذا تجرأ احدهم او ملي عينو زي ما بنقول من امثال لفكويتز هذه!

مرة اخري احنا سنعتمد علي عمل بروف جيمس، ثم شيخنا ديوب، برنال، وقليل من دكتور "بن" كما كنا نناديه نحن تلاميذه، او اسمو الكامل بروف يوسف بن جكنان، المعروف لدي الناشطين في النوبة المصرية، واشهر اعمالو "Black Man of The Nile"!

كل هذا عندما نحتفل بذكري استشهاد رسول امون، محمود محمد طه، اول الكوشيين!

وا شوقاه، لاخوانه الذين لم ياتو بعد!

بشاشة بوست موفق وجميل لسنه جميلة ابقى عافية بجيكم تانى
امير كتر خيرك او مرحب بيك.

تحياتي لك أخى العزيز بشاشا .. يا حبوب ..

وشكرا ليك كثير على هذا البوست التوثيقى والتعريفى لإعادة وتصحيح عجلة من عجلات التاريخ

وشكرا ايضا على كل المتداخلين والمساهمين فى هذا البوست الهام وجاء فى زمن هام ...

وهذ البوست كان معظم الجميع فى انتظاره وخاصة المهتمين بابراز واظهار الحقائق التاريخية التى حاول

أن يشوه لها الأخرون أى بسياسة نفى الحقائق واثبات الخزعبلات وحشو الاذهان ما تنسجه أخيلتهم

ونحن سنكون متابعين معاك بشدة .. ولا سيما كتاب Stolen Legacy للكاتب George G.M James

والذي يعتير من اهم الكتب التى صدرت في العالم ...

ولك منى كل الود ...

آدم جمال

متابعين يا زول
وكلنا عيون بتقرأ..
رغما عما يشغل القلب من حزن.

للذين يحبون أن يتابعو هذا البوست إليكم نسخة pdf للكتاب تجدزنها في الرابط أدناه

http://www.jpanafrican.com/ebooks/eBook%20Stolen%20Legacy.pdf


الصادق

George G M James


Dr. George Granville Monah James was born in Georgetown, Guyana, South America. He was the son of Reverend Linch B. and Margaret E. James. George G. M. James earned Bachelor of Arts, Bachelor of Theology and Master of Arts degrees from Durham University in England and was a candidate there for the D. Litt degree. He conducted research at London University and did postgraduate work at Columbia University where he read for his Ph.D. Dr. James earned a teaching certificate in the State of New York to teach mathematics, Latin and Greek. James later served as Professor of Logic and Greek at Livingston College in Salisbury, North Carolina for two years, and eventually taught at the University of Arkansas, Pine Bluff.

Dr. James was the author of the widely circulated Stolen Legacy: The Greeks Were Not the Authors of Greek Philosophy, But the People of North Africa, Commonly Called the Egyptians--a controversial text originally published in 1954 and reprinted a number of times since. Professor William Leo Hansberry reviewed Stolen Legacy in the Journal of Negro Education in 1955, and noted that:

"In Stolen Legacy an author with a passion for justice and truth champions a startling thesis with which most of the little volume's readers--Hellenophiles in particular--will no doubt strongly disagree. In this work Professor James dares to contend and labor to prove, among others, that 'the Greeks were not the authors of Greek philosophy', that 'so-called Greek philosophy' was based in the main upon ideas and concepts which were borrowed without acknowledgement--indeed 'stolen'--by a few wayward and dishonest Greeks from the ancient Egyptians."

Stolen Legacy was written during Dr. James' tenure at the University of Arkansas at Pine Bluff. As of today, there is not even a copy of the book in the University library. There is no statue or bust of Dr. James on the campus. There is no plaque of Dr. James adorning the campus walls. There is not even a certificate to note Dr. James' existence or that he even lived. This is at an historically Black college!

Dr. James's tragic death, under mysterious circumstances, reputedly, came shortly after Stolen Legacy's publication. To date, no significant biography of James has been presented.

Sources:
Stolen Legacy, by George G. M. James
Nile Valley Contributions To Civilization, by Anthony Browder

Quote: يا نبيل انتا نايف دا اخوك ولا كومارى ساى

شنو يا نايف معترض علي شنو ؟

انك اخوي ولا انك كوماري ساي ؟

سلام يا متوكل مرحب بيك،

او مكانك جد شاغر في مشروع البوست ده، الجاي.

مودتي.

دكتور حيدر بدوي لو موجود مطلوب حضورك في يناير الاسبوع الثاني، للقيام بالترجمة، كان حيينا!