Post: #1
Title: البدرى مدربا للمريخ
Author: ياسر معتصم
Date: 12-02-2010, 09:34 PM
فى خبر عاجل لقناة دريم المصريه
قبل فليل ان المريخ اتم اتقافه
مع حسام البدرى مدربا للمريخ
مع طاقمه الفنى بقياده احمد ناجى مدرب الحراس
|
Post: #2
Title: Re: البدرى مدربا للمريخ
Author: عبدالعزيز الفاضلابى
Date: 12-03-2010, 00:17 AM
Parent: #1
بكسر الفاء ,, وتشديد اللام الأولى?!
|
Post: #3
Title: Re: البدرى مدربا للمريخ
Author: يسرى معتصم
Date: 12-03-2010, 05:09 AM
Parent: #2
ياياسر
سلامات
فلم مكرر كل سنة
مدرب جديد
حارس مرمى جديد
محترفين جدد
معسكر فى الأمارات ولا حتة تانية ناجح مية المية
ونفخ من السخافة والأعلام فى الفاضى
أعارات ومخارجة شهر يونيو
رجوع كروجر
خروج من البطولات المحلية والدولية
---------------------------------------------
مع وجودأبوجريشه وحرسه الخاص ونفس الأخفاقات والفشل
وقروش الوالى تروح شمار فى مرقه والحال ياهو نفس الحال
الخلل معروف وين .................
رجــال حول الرئيس
دا سبب فشل وسقوط المريخ من سنين
تخريمة
أها عبده جابر مشى وين
|
Post: #4
Title: Re: البدرى مدربا للمريخ
Author: Ashraf el-Halabi
Date: 12-03-2010, 05:42 AM
Parent: #3
أفلحوا إن صدقوا يا ياسر
|
Post: #5
Title: Re: البدرى مدربا للمريخ
Author: عمار يس النور
Date: 12-03-2010, 07:13 AM
Parent: #4
جيبي البدري
و ألعبي بدري
و أطلعي بدري
و يا نجمة
شوفي كان تنستري
.
.
.
بالمناسبة الناس ديل عملوا شنو في الشلاليك*
============
تحياتي لصاحب البوست و ضيوفه الكرام
===========
*شلاليك تعني مواسير باللغةالتونسية المعتمدة.
|
Post: #6
Title: Re: البدرى مدربا للمريخ
Author: امير عوض الجمري
Date: 12-03-2010, 11:03 AM
Parent: #5
حسام البدري مدرب جيد
لكن لا اظن انه يصلح لتدريب المريخ او اي فريق سوداني
فالطريقة المصرية تقديم اي شيء طابعها الاستفزاز والتقليل من
شأن المتلقي ولاعبينا او كل السودانيين لا يتقبلون هذا الاسلوب
لذلك اعتقد ان المدرب الاجنبي غير العربي افضل من العربي وخاصة المصري
واعتقد المغاربيين افضل العرب لتدريب فرقنا لان طريقتهم لا تختلف عننا كثيرا
فم نفسهم حاار زينا وزي ما اسلفت لاعبنا ممكن يبلع النفس الحار والنهير لكن ما بقبل الاستهزاء .
Quote: *شلاليك تعني مواسير باللغةالتونسية المعتمدة. [/QUOTE
عاد اللغة التونسية انتو بتعرفوها بالحيييييل يا عمار ما بنقدر نقول حاجة كلامك صااااح شلاليك يعني مواسير بالتونسي طالما انتو القلتوها .. لغة المستعمر (بكسر الميم) بتتفشى في المستعمر (بفتح الميم) وانتو مستعمرة تونسية قديييييمة ..هههههههههها
|
Post: #7
Title: Re: البدرى مدربا للمريخ
Author: Deng
Date: 12-03-2010, 11:14 AM
Parent: #6
مازدا هو المدرب المناسب للمريخ اليوم.
لا يوجد أي داعي لوجود مدرب أجنبي للاعبين لن يحققون بطولات خارجية، يدب أن لا نخدع أنفسنا.
وهذا الحديث ينطبق أيضا على فريق الهلال الحالي.
|
Post: #8
Title: Re: البدرى مدربا للمريخ
Author: امير عوض الجمري
Date: 12-03-2010, 11:49 AM
Parent: #7
| Quote: مازدا هو المدرب المناسب للمريخ اليوم. |
مازدا ارتبط بعقد رسمي لتدريب المنتخب يا دينق ولا بحق له تدريب المريخ الا بموافقة الاتحاد العام والاتحاد اعتقد ما
بيدخل نفسه حرج خاصة في الوقت الحالي الذي اشتدت فيه حساسية التعامل بين فريقي القمة في كل شيء.
طبعا مازدا زمان كان متطوعا لتدريب المنتخب لكن اسي الوضع اختلف
|
Post: #9
Title: Re: البدرى مدربا للمريخ
Author: Abdlaziz Eisa
Date: 12-03-2010, 02:49 PM
Parent: #8
العزيز/ ياسر
سلام
المصريون لا ينفعوا معنا في اي مجال..
دمرونا في التعليم..
في التجارة..
في مياه النيل..
في الجيش..
في اي حاجة..
لو جابو شحاتة سيكون أسوأ مدرب يدخل السودان..
عندنا: سيد سليم, أحمد بابكر, ابوعنجة, ابراهومة, جبرة... هؤلاء يوزنوا ألف من أفضل مدرب مصري..
تحياتي
|
Post: #10
Title: Re: البدرى مدربا للمريخ
Author: عبدالعزيز الفاضلابى
Date: 12-03-2010, 04:32 PM
Parent: #9
Quote: مازدا هو المدرب المناسب للمريخ اليوم.
لا يوجد أي داعي لوجود مدرب أجنبي للاعبين لن يحققون بطولات خارجية، يدب أن لا نخدع أنفسنا.
وهذا الحديث ينطبق أيضا على فريق الهلال الحالي. |
غايتو يادينق
كان ابيتنى كان ما ابيتنى
انا بحبك عشان سودانيتك دى
وحبك للسودان ظاهر ماداير ليهو غلاط.
بعد مرات بحس من مداخلاتك
انو فى امل فى الوحدة
وانك راقد ليك فوق راى
وفوق ده انت بتحب المريخ ,, ويكفى
لحبك ان تكون من سكان الكوكب الأحمر
روح ياشيخ ربنا يصلح حالنا وحال الجميع.
|
Post: #11
Title: Re: البدرى مدربا للمريخ
Author: ياسر معتصم
Date: 12-03-2010, 11:31 PM
Parent: #10
الاخوه الكرام
مشكله الكره السودانبه ليس فى عدم حضور مدربين
اكفاء للسودان بل فى فهم اللاعب السودانى
للفكر الكروى واستيعاب طريقه المدرب
والله لوجانا مورينهو لاينجح
ويكفى تجربه كاربونى الفاشله
مع المريخ مع انه افضل من حمل شهادات وخبره ودرب اكبر الانديه
وحقق نجاحات خارجيه
|
Post: #12
Title: Re: البدرى مدربا للمريخ
Author: haroon diyab
Date: 12-04-2010, 06:26 AM
Parent: #11
اذا تم الاتفاق معه
واصبح مدربا للمريخ
فلا نملك الا ان نقول
له : بالتوفيق ياكابتن .
ياسر سلامات
|
Post: #13
Title: Re: البدرى مدربا للمريخ
Author: عبدالله السفاح
Date: 12-04-2010, 08:14 AM
Parent: #12
Quote: المصريون لا ينفعوا معنا في اي مجال..
دمرونا في التعليم..
في التجارة..
في مياه النيل..
في الجيش..
في اي حاجة..
لو جابو شحاتة سيكون أسوأ مدرب يدخل السودان..
عندنا: سيد سليم, أحمد بابكر, ابوعنجة, ابراهومة, جبرة... هؤلاء يوزنوا ألف من أفضل مدرب مصري..
|
كلام في السليم اعتقد ان البدري لن يفيد المريخ
ولن يكون باي حال من الأحوال افضل من سيد سليم او احمد بابكر
واقل منهما خبرة بكثير ... المريخ يحتاج لمدرب اجنبي على مستوى عالي
|
Post: #14
Title: Re: البدرى مدربا للمريخ
Author: عمر المهدى
Date: 12-04-2010, 05:39 PM
Parent: #13
شخصيه البدري متعاليه ولا يناسب المزاج السوداني فلو تم التعاقد معه لابد من المشاكل ايضا الرجل بلا سيره تشفع له لتدريب المريخ لانه ايضا حديث عهد بتدريب الاهلي ولو لم يكن لاعبا بالاهلي لما اعتلى هذا المنصب وايضا رغم ذلك سيغالي في المستحقات تبعا لشخصيته وايضا هو اهلاوي ونحن اي حاجه بتهل(هلال) ماعندنا فيها غرض وكان الله في عون المريخ
|
Post: #15
Title: Re: البدرى مدربا للمريخ
Author: mohmmed said ahmed
Date: 12-05-2010, 06:09 AM
Parent: #14
كارثةجديدة فى انتظار المريخ
البدرى متواضع القدرات
خبرته تنحصر فى عمله مع جوزية
حتكون فى مشكلة مع اللاعيبة ما حيقتنعو بمدرب مصرى
اى مدرب سودانى من الاسماء المعروفة افضل من البدرى
الغريبة الراى العام بيكون متفق فى اراء واضحة ولكن يتم الاصرار علىالاختيارات الخاطئة
مثلا المحترفين فى المريخ من بدرى تم تعبير الراى العام عن ضعف مستواهم النفطى المرابط بن ضيف الله
الواحدما عارف كيف تتم الادارة فى المريخ
بقراءة عامةنجد ان تجربة المدربين واللعيبةالعرب فاشلة مع الفرق السودانية
|
Post: #16
Title: Re: البدرى مدربا للمريخ
Author: الزبير صالح الزبير
Date: 12-05-2010, 01:48 PM
Parent: #15
لنسأل أولا ماهي أسباب فشل البدري مع الاهلي القاهري
السبب يرجع في رأي لعقلية حسام في التعامل مع اللعيبة
البدري ساهم في إيجاد لعيبة من الشباب ولكنة للأسف ركنهم وأعتمد علي اللعيبة الجاهزة وبسبب حدتة مع النجوم خذلوة
حسام البدري لن يستطيع التفاهم مع اللاعب السوداني
|
Post: #17
Title: Re: البدرى مدربا للمريخ
Author: عمر المهدى
Date: 12-05-2010, 02:47 PM
Parent: #16
نامل من اداره المريخ التعامل باحترافيه وعدم التساهل في حقوق المريخ
لان التساهل عاده مايفسر عبطا لدي اخوانا المصريين ياخد حقو ويدينا حقنا
التفريط ممنوع والطيبه الزايده تكون وبال على صاحبها افهموها باه
هذا بعد ان اصبح البدري رسميا مدربا للمريخ مافي داعي لاي حديث عنو
وزي مابقولو اللي يتزوج امك يبقى عمك ربنا يجعل الخير على يديه
|
|
|