ما هو حكم الشريعة فى هذه القضية

ما هو حكم الشريعة فى قضية السرقات القوقلية. نحن نسأل لان الاخ بدر الدين ينتمى الى عصبة الانقـــاذيين التى تزعم -بالكذب- انها تطبّق شرع الله. نحنا عارفنهم كضابين و شرع الله منهم براء لكن سوف نأخذهم بزعمهم هذا عليه ما هو حكم الشريعة فى السرقة القوقلية.



اللفحي والقلع واللطش والهبر الاسفيرى (مولانا بدر الدين اسحق انموذجا)!!

ما هو نصاب السرقة القوقلية؟
السرقة القوقلية تقاس بالذهب، مجرد توظيف الافكار دون الاشارة لاصحابها يعد أمر غير أمين، ناهيك عن سرقة الجمل و العبارات بكاملها.
اذن السرقة القوقلية تقاس بميزان الكسبره ... و هو اكثر حساسية من ميزان الذهب.

بعد أن علمنا ما هو نصاب السرقة القوقلية و وجدنا سرقة الشيخ بدر الدين مسؤول تدريب الشباب بالمؤتمر الوطنى موافق للنصاب الشرعى، عليه الان نشرع فى التسائل عن مقدار العقوبة الشرعية لمثل هذا النصب. و بما انه لا توجد عقوبة شريعة منصوص عليها فى شأن السرقة القوقلية، فهى من محدثات الامور، عليه وجب على علماء هذه الامة الاجتهاد فى اٍستنباط الاحكام الخاصة بهذه السرقة وفق هدى القرأن الكريم و السنة المطهّره.

هسع الزول دا ناس حزبه يثقوا فيهو كيفن بعد دا؟؟
هل عندو عين يواجهن بيها؟ بعد الغش دا،
هل يقبلوا له شهادة أبدا؟

Quote: هسع الزول دا ناس حزبه يثقوا فيهو كيفن بعد دا؟؟ هل عندو عين يواجهن بيها؟ بعد الغش دا، هل يقبلوا له شهادة أبدا؟

سلامات يا أسامة. ياخى انتا ما فاهم النظرية. فكى بدر الدين ح يترقى فى الحزب بتاعهم
اصلا النظرية عندهم عاملة كدا تسرق تترقى !! لانه كل ما يسوء عملك بتتشبّث بسفينة الانقاذ اكتر.

عقوبات مقترحه:

1- قطع اليد و مصادرة الكمبيوتر؟
2- قطع اليد مع قطع الانترنت من خلاف؟

تحويل السارق اب عنقرة من جهاز الامن - قسم المعلومات- الى حرس الحدود
والله اعلم

الأخ بدر الدين اسحاق طلب مساعدة: دكتور جامعي و ملحق إعل...مي سابقا و حرامي نت

إنت بتعرف الشريعة ؟؟
سؤال أجب عليه ؟



طيب من قال أنها سرقة ؟؟؟

يعني أي زول نسى المصدر يعتبر سارق ؟؟

طيب خليك من دا أي زول

قل لى من الأعضاء نسب حديث من الغير له ؟؟؟
القصة كلها التى غرق فيها هشام آدم وتروتسكي وبدر الدين هي نسيان المصدر وهذه كثيرة جدا

انا اريدك يا ابوبكر أن تكون دقيقا معي هل ما تزعم أنه سرقة فقط قد وقع فيه هشام آدم وبدر الدين وتروتسكي ؟؟؟ ارجو ان تكون لاجابة مرتكزة على هذا ؟؟

انتا يا كجاااام زينة فوق زينة. بالله هى القصة من الوكت داك و انتا لابد؟.

حباب المكاشفى

Quote: إنت بتعرف الشريعة ؟؟ سؤال أجب عليه ؟

أيوة، بالحيل يابا بعرف الشريعة.

Quote: طيب من قال أنها سرقة ؟؟؟ يعني أي زول نسى المصدر يعتبر سارق ؟؟

يا ابونا المكاشفى، لو زول نسى المصدر ممكن نشوف عذرو. لكن الفكى بدر الدين ما نسى المصدر بس
لا لا الراجل كان بياخد الكلام الاصلى و يستبدل فيهو، اها بالطريقة دى ما بستفيد من نقطة نسيان المصدر
لانو السرقة هنا تبدو انها حصلت عن عمد و مع سبق الاصرار و الترصد بغرض الاستفادة من افكار الاخرين
و كلامهم دون الاشارة لهم.

Quote: انا اريدك يا ابوبكر أن تكون دقيقا معي هل ما تزعم أنه سرقة فقط قد وقع فيه هشام آدم وبدر الدين وتروتسكي ؟؟؟ ارجو ان تكون لاجابة مرتكزة على هذا ؟؟

مراحب تانى بابونا المكاشفى، انا لم اكن متابع من قبل، خاصة موضوع هشام ادم، لا أعرف ماذا سرق، لكن تابعت بوست عن معتز تروتسكى الذى لم يذكر المصدر ايضا. لكن مشكلة بدر الدين انه عمل اٍحلال و اٍبدال من وثائق الحزب المصرى و المجتمع المصرى و غيرها للمجتمع السودانى، عشان كده جريمة بدرالدين أكبر و افظع.

طرف من السيرة الذاتية:

Quote: بدر الدين اسحاق احمد محمد ديقــه مدير المركز القومى للتدريب واعداد القادة وزارة الشباب والرياضة ( الثقافة شلعوها مننــا ) الموقع شرق المقر الدائم لارض المعسكرات سوبا ( جنوب جامعة افريقيا العالمية ) الدوام الرسمــى ( 7.30 _ 3.30 ) يوميا ما عدا الجمعة والسبت القهوة والشاى متوفرات ..

مدير المركز القومى للتدريب و اٍعداد القادة ( يا النبى نوح)

Quote: أيوة، بالحيل يابا بعرف الشريعة.

طيب لو تكرمت ممكن تذكر لينا 11 (أحد عشر ) من الضرورات التى تبيح للمسلم أن يؤخر الصلاة عن وقتها المحدد؟؟؟

أصلو أنا عندي اربعة أسئلة هذا واحد وتاني في اربعة وما تنسى بالله القرضاوي زاتو أسألو لأن الرضاوي قطع شك حايجاوب على عشرة فقط وما حا يعرف الحداشراوي


انا منتظرك يا حبيب

وانت قبل ما يفكك شيخك من الرباط ما قال ليك مافي دين بلا عجين
تحاظ في احاديث الوضوء والتيمم ساااااي وتقعد تناصر في الظلمه
الله يفك كربتك بعد ما فكا رباطك

Quote: انا منتظرك يا حبيب

يابا، نان كدى ما حرفتا علينا البوست!. ولا ما ياه؟.

هل يعفي ان اثبت انه القي المشاركة شفاهة؟,,,,,

هاك يا عبد الخالق

Quote: عــلا الكلام ما مجرد عمل اقتباس ...الاقتباس حق مشروع فى كل انواع الكتابات ..لكــن حيــن تعمل قلمك فى تغيير مفردات داخل ( اصــل نص لشخص اخــر ) ثم تنســب هذا الامــر الى نفسـك دون الاشارة الى صاحب النــص ... الممارســة دى بيسموهــا (( السرقات الادبية )) الممارس ليها بيسموهو (( سارق نصوص ))

من اقوال فكى بدر الدين فى شأن السرقات الاسفيرية الادبية.

يا المكاشفى الخضر

شايفك فى البوست التانى طلبت منى مساعدة. تعال بهنا فى البوست لانو مرق خلاص للرباء و التلاف
تعال ورينى اساعدك بشنو؟

الاخ خالد العبيد
الاخوة الذين قلدونـــى وشاحات عــز وفخــر
الاخوة الذين بحثــو عن الحقيقة
الاخوة القراء
الاعتذار أدب اجتماعي في التعامل بين الناس ، ينفي عنك شعور الكبرياء، وينفي عن قلب أخيك الحقد والبغضاء، ويدفع عنك الاعتراض عليك، أو إساءة الظن بك، حين يصدر منك ما ظاهره الخطأ.



والجهة الملطوش منها التعبير كانت في الخيط التالي:

http://w99of.com/vb/showthread.php?t=4251&p=82839&

وبهذه العبارة
: الاعتذار أدب اجتماعي في التعامل الإسلامي، ينفي منك شعور الكبرياء، وينفي من قلب أخيك الحقد والبغضاء، ويدفع عنك الاعتراض عليك، أو إساءة الظن بك، حين يصدر منك ما ظاهره الخطأ.
ومع أن الاعتذار بهذا المعنى حسن، فالأحسن منه أن تحذر من الوقوع فيما يجعلك مضطرًا للاعتذار، فقد جاء في الوصية الموجزة من رسول الله صلى الله عليه وسلم لأبي أيوب الأنصاري رضي الله عنه: "ولا تكلم بكلام تعتذر منه غدًا". .............

حقوق الكشف محفوظة لهشــام هباني الكشاف الاعظــم

يا عبد الخالق دى شنو؟ مقبوضات جديده؟ لا حولا و لا قوة الا بالله!

هدية ل هشام هباني
وكوستاوي
وابوبكر صالح حفظهم الله ورعاهم من كل مكره وابعد عنهم عيون الحساااد


الناس كالفواكه فتعامل معها بحسب نوعها

المجموعة الكاملة لسرقات بدر الدين إسحق أحمد ....

Quote: ود العبيد ( انت معلم سابق ) والمعلم ذكــى ولماح ويــنو السؤال ؟ سيد السؤال جدعــو وفات حيــن ( طالبته بالنص والنص المسروق ) اتعب شويــة بالبحــث فانا عندى مكتبــة تعين على البحــث فيها السؤال : *انت تروتسكى ده عضو فى الحزب الشيوعــى ؟ *عشان اعرف دواعــى استعدادك للزود عنــه ظالما ؟ * السرقة الادبيــة انت رايك فيها شنو ؟ * ورأى الفكر الشيوعــى ( الفكر ) فى السرقة الادبية شنــو ؟ * ادانــة منك لتروتسكى لا اطمع فيها انــا ( للمعاييــر )

مشاركو لبدالديـــن في بوست محاكمـــــة تروتسكـــــــــي
طبعا ما نسالو من راي حزبـــــه في السرقـــــة,,,,,,,

يجمـــر وبتشمــر ويجي داخل المنبر
والله اعلم

شايــف الفكي شرف
قنا يمكــن يشرف بهنــا بدل ما يبحث في قوقــل
نقنطــرها ليو

تصدق يا عبد الخالق انا اخذتنى به شفقه للحظه، قلتا هذا السارق اٍحتمال ينتحر ولا يعمل مصيبة فى نفسه جراء الازمة النفسية
بالله طلع ما شغال بالموضوع الشغله و جاء عااااادى يتلاطع بعين قوية مثل المومسات

,

.

حكم شريعة الكيزان
ان سرق ليـــلا اتركوه

Quote: يعني أي زول نسى المصدر يعتبر سارق ؟؟

نسى المصدر فى المرة الاولة وفى الثانية وفى الثالث

عليه فان فى المنبر علامة تعديل او اضافة المصدر بعد المداخلة مباشرة


السرقة سرقة ان كانت فى المرة الاولة او فى الثانية والحرامى حرامى اصلا لو سرق مرة او الف مرة


--------
تبرير فطير لشخص يدعى المعرفة بالدين الاسلامى راى لم يتغير ابدا فى ادعيا الدين