Post: #4 Title: Re: مصافحة النساء.. ؟؟ .. !! .. Author: محمد المرتضى حامد Date: 12-02-2010, 04:29 AM Parent: #3
Quote: نرجو المساعدة، كودات بكرى دى ما ماشة معاى عديل!!!
يا أباذر بعد المعالجة أدناه اتضح أنه ذات المقطع،
أتمنى لو تعرفنا بهذا (المفتي) الظريف الذي فتح ناره في كافة الإتجاهات.
Post: #5 Title: Re: مصافحة النساء.. ؟؟ .. !! .. Author: حسين نوباتيا Date: 12-02-2010, 05:20 AM Parent: #4
اول مرة اشوف لي شيخ يشتم و يستهزاء بالسائل والمسئول "والله صحي"
دا مشروع تكفير وهجرة والمشكلة في ناس بتسمع ليهو "والله صحي"
Post: #6 Title: Re: مصافحة النساء.. ؟؟ .. !! .. Author: النصرى أمين Date: 12-02-2010, 05:29 AM Parent: #5
تسجيل ممتع
Post: #7 Title: Re: مصافحة النساء.. ؟؟ .. !! .. Author: دينا خالد Date: 12-02-2010, 05:34 AM Parent: #4
لووووووب يا ابا ذر !! مش الجماعة ديل ؟ مااااايصافحونا.. المشتهى الحنيطير يطير
ــــــــــــــــ فى ناس ما بصافحو النساء لكن بحتكروا السلع وبهربوا وماكلهم حرام ومشربهم حرام !
Post: #9 Title: Re: مصافحة النساء.. ؟؟ .. !! .. Author: محمد المرتضى حامد Date: 12-02-2010, 05:50 AM Parent: #7
الملفت للنظر هو اللغة الممعنة في السوقية التي استخدمها واعظ عصره في الخطاب، قال عن الراحل عبدالجبار المبارك في إشارة إلى وجوده بين يدي خالقه ( هسه بيكون عِرِف حاجه)، قال معلقا عن من عمل بنصيحة غيره ( يركبوا التونسية)، الزول دا لو كان لقا ليهو واحد من رابطة الهواء النقي كان قال ليهو يا شيخنا ارتاح نحن ما بنصافح النساء.. نحن بِنقالِدِن.
ياخ البوست دا لو كان حقي كان نزَّلت ليهو أغنية الجاغريو بلسان أحمد المصطفى (صادفني الحبيب): بحشمه سالمتو..
البوست دا جاب ناس يفرحوا عاوزة أحييهم إبتدا من صاحب البوست سلام يا أباذر وبوستاتك حلوة حسين قريبنا والله مشتاقين ومتلومين النصري امين إن شاء الله ماتكونو كنكشتو من البرد زينا كدا كان الله في عونكم والله ستين دولار ماتروحو البرد العندنا دا دينا خالد لووووووووول وصباحك فل
Post: #11 Title: Re: مصافحة النساء.. ؟؟ .. !! .. Author: محمد المرتضى حامد Date: 12-02-2010, 06:42 AM Parent: #10
الأخت الأستاذة راوية، لك الشكر على الإطراء لكنني ، ودون تواضع زيوف ، لم أضف شيئا بل أعبر عن ما أعتقد وما يلوب بالخاطر وفقا لقاموسي الفقير.. صادق إحترامي ومودتي يا عزيزة،
الأستاذة دينا، الأمر أكبر من ذلك ، دائما ما أسال نفسي لماذا يتناسى أمثال هؤلاء أن الله سبحانه وتعالى خاطب نبيه الكريم الحبيب المصطفى بقوله تعالى( وما أرسلناك إلا رحمة للعالمين ) و ( جادلهم بالتي هي أحسن) و ( إنك لاتهدي من أحببت ولكن الله يهدي من يشاء)( وما أرسلناك إلا كافة للناس بشير ونذيرا ) فيستوعب الحبيب المصطفى الأمر ويختصر للبسطاء أمثالي فحوى مهمته قائلا ( إنما بعثت لأتمم مكارم الأخلاق ) و ( الدين المعالمة) وعشرات من الآيات والأحاديث تصب في ذات الإتجاه ، كل تلك المبادئ يغُض البعض الطرف عنها فيستولوا على حكم جاء بالشورى بالقوة ويذبحوا زملاءهم إن فعلوا ذات الشئ ويرسلوا للمشانق من وجدوا عنده ماله الذي كسب بعرق جبينه في حين أنه حتى لو سرق ذلك المال ما زادت عقوبته على بتر يمينه إذا توفرت شروط الحد عند أشد غلاة الفقه( وفي كل ذلك رأي وخلاف سيستمر حتى قيام الساعة).. عذبوا الناس وسحلوا وجدعوا الأنوف ودقوا الرقاب كما لو أنهم لم يسمعوا بحديث الحبيب المصطفى في المرأة التي عذبت هرة.. ألا يكفي أن يمثل تكفير إخوان الأمس بعضهم بعضا(وهم الذين نهلوا من نفس المنبع كما يزعمون) عظة لكل من ألقى السمع وهو شهيد؟ لماذا؟؟ شئ محزن..
Post: #12 Title: Re: مصافحة النساء.. ؟؟ .. !! .. Author: محمد عبدالرحمن محمد Date: 12-02-2010, 07:07 AM Parent: #11
الصديق ودحامد؛ هنا الشيخ إسماً ورسما:
أبو ذر وضيوفك الأفاضل؛
تحياتي.
[المطرطش]
Post: #13 Title: Re: مصافحة النساء.. ؟؟ .. !! .. Author: محمد المرتضى حامد Date: 12-02-2010, 11:26 AM Parent: #12
محمد عبدالرحمن،
شكرا يا العزيز على التعريف والفيديو..
(والله صَحي).
Post: #14 Title: Re: مصافحة النساء.. ؟؟ .. !! .. Author: abdulgafar mohd saeed Date: 12-02-2010, 11:52 AM Parent: #13
الزول ده بتكلم ذي الفاتح النقر يا ربي يكون واحد دردق الفاتح النقر اصلوا بنظر في اي موضوع
Quote: البوست دا جاب ناس يفرحوا عاوزة أحييهم إبتدا من صاحب البوست سلام يا أباذر وبوستاتك حلوة حسين قريبنا والله مشتاقين ومتلومين النصري امين إن شاء الله ماتكونو كنكشتو من البرد زينا كدا كان الله في عونكم والله ستين دولار ماتروحو البرد العندنا دا دينا خالد لووووووووول وصباحك فل
مافى شك البوسط جاب ناس بفرحوا و أنا بدبل تحياتك، و تظل الفرصة مفتوحة لمضاعفة التحيات..
