لكن ماذا قال هيثم مصطفي لمعتصم جعفر ....

شاهدت الفيديو لحظة تسليم كابتن الهلال الميدالية الفضية ..
رفض السلام وأشاح ولوح بيديه وجر الميدالية من رئس نادي
المريخ الفريق عبدالله حسن عيسي حتى كاد الأخير ان يسقط ..
لم أسمع ماقاله ..
هل شتم أم سخر ؟؟؟
وممن ؟
الإتحاد العام لكرة القدم ممثلا في جعفر ؟
أم شخص معتصم نفسه .؟
في كل الأحول سلوك سىء يستحق عليه اللاعب المحاسبة
يتبع ..

يتألق هيثم مصطفي كرويا بفضل مهاراته ومقدراته الفنية والبدنية
ثم وفي لحظة (يطبزها) سلوكيا لينطبق عليه القول :
كأنك يا أبو زيد ما غزيت ولا شفت الغزو ذاتو .
يتبع .....

تري كيف سيقابل إتحاد الكرة ونادي الهلال سلوك اللاعب هيثم
مصطفي ..؟

اتاكد يا طلحه اخوي انو معتصم ما بقدر يعمل شيء


لانو غلطان واتاكد انو الترضيات دي حدها قريب

وانت متاكد انو المباره دي امس فيها شيء


لو حاسبو هيثم معناها انهم علي حق ولو ما حاسبوه معناها غلطانيين ولا رايك شنو


المهم مبروك افرحو ليكم شوية فرحه بس

مبروكـ يا طلوح يا صديقي ..
هيثم جرّ الميداليو من معتصم جعفر و لا من الزول ده ؟
عشان اللقطة كانت سريعة و كده !!

Quote: اتاكد يا طلحه اخوي انو معتصم ما بقدر يعمل شيء لانو غلطان واتاكد انو الترضيات دي حدها قريب وانت متاكد انو المباره دي امس فيها شيء لو حاسبو هيثم معناها انهم علي حق ولو ما حاسبوه معناها غلطانيين ولا رايك شنو

يا عبس
هيثم مصطفي يفترض ان يركز على لعب الكرة ويترك الإحتجاجات
والشكاوي لمجلس إدارة النادي ..
كما ان الإحتجاجات لا تتم بهذه الطريقة الفجة ..
لا تدافع عن سوء السلوك بدافع الإنتماءات والتعصب يا عباس اخوي.

استاذ طلحة
تحياتي
لا أظن أن هناك قرارات حاسمة للسلوك
وما استنكره على اللاعب هيثم مصطفى سفير النوايا الحسنة
سقطته تلك فقد سبق أن شتم اللاعب فيصل العجب بكلمة
كل من شاهد المباراة عرف معناها
صدقني ما حيعملوا ليهو اي شيء

طلحة ... كيفك

Quote: يتألق هيثم مصطفي كرويا بفضل مهاراته ومقدراته الفنية والبدنية ثم وفي لحظة (يطبزها) سلوكيا لينطبق عليه القول : كأنك يا أبو زيد ما غزيت ولا شفت الغزو ذاتو . يتبع .....

عندما يتألق صديقنا هيثم مصطفى نكون من اوائل المهنئيين له هاتفيا
ولكن هذا السلوك مرفوض ولا يشبه لاعب كرة القدم مهما كان هناك تقصير
يجب ان يعاقب بحلاقة صلعة امام الجمهور حتى يكون عبره لباقي اللاعبين
هيثم لاعب فنان لايختلف به اثنان
ويجب عليه ان يجيد الفن سلوكا ايضا
لاتنتظروا شيء من اتحاد كرة القدم ولا ادارة نادي المريخ

ده الفيديو ،،







التعديل لتكبير الصورة ..

ربما كانت غضبة هيثم مصطفي التى قابل بها رئيس إتحاد الكرة
بسبب يتعلق بالمنتخب الوطني وفي هذه الحالة فقد اخطا اللاعب
وإختار الزمكان غير المناسب لتعبير غير مناسب .
إذا كان فعلا سبب غضبة هيثم هو المنتخب الوطني فلماذا لم يعبر
عن غضبه هذا عندما فاز الهلال على المريخ قبل يومين ..؟
كما أن تجاوزه لإدارة المنتخب وتصديه بنفسه للتعبير عما يعتمل
في دواخله بهذه الطريقة الفجة سوء سلوك ممعن يتوجب تجريد سيف الحزم
والحسم لمقابلته.
يتبع .....

Quote: ربما كانت غضبة هيثم مصطفي التى قابل بها رئيس إتحاد الكرة بسبب يتعلق بالمنتخب الوطني وفي هذه الحالة فقد اخطا اللاعب وإختار الزمكان غير المناسب لتعبير غير مناسب . إذا كان فعلا سبب غضبة هيثم هو المنتخب الوطني فلماذا لم يعبر عن غضبه هذا عندما فاز الهلال على المريخ قبل يومين ..؟ كما أن تجاوزه لإدارة المنتخب وتصديه بنفسه للتعبير عما يعتمل في دواخله بهذه الطريقة الفجة سوء سلوك ممعن يتوجب تجريد سيف الحزم والحسم لمقابلته.

وإذا كان هيثم مصطفي ناقما من رئيس الإتحاد لسبب يتعلق بالهلال
فهنا الخطأ مزدوج يفترض ان يحاسب عليه مرتين ..
مرة من الهلال نفسه باعتبار ان اللاعب تجاوز مجلس الإدارة وأقحم
نفسه في شئونه جهلا او تجاهلا بما يوحي بتقصيره في الدفاع عن
حقوق النادي .
والمرة الثانية من إتحاد الكرة لأنه أساء أدب التعامل مع مؤسسة
حاكمة ممثلة في رئيسها وهو لاعب نادي يتبع لهذه المؤسسة .
يتبع ..

فعـــــــلا سفـــــيــــــر!!!!






....

هيثم أبو قارورة .. سفيه النوايا السيئة قال للسيد رئيس الإتحاد (المهذب) ..
وبالحرف الوااااااحد (إنتو ناس ما محترمين)

عموما وأيا كانت دوافع تفلت اللاعب بهذه الطريقة فهو سلوك
مشين يعكس التردي الواضح في مؤسساتنا الرياضية التى تركت
الحبل على الغارب وتساهلت في التعامل مع الخارجين عن الإنضابط
لدرجة فقدت معها السيطرة ، لأن ما فعله هيثم مصطفي تكرر كثيرا
منه وغيره من اللاعبين وسيتكرر لاحقا طالما ظل ضعف الشخصية
لدي المسؤولين حاضرا أمام التفلت والخروج عن الإنضباط بلا رقيب
أو حسيب ، وستظل الكرة السودانية محلك سر لا كورة ولا أخلاق .
يتبع ..

سلام يا طلحة

هيثم تعرض لاساءات شخصيه وهتافات من جمهور المريخ في امور شخصيه لا علاقه لها بالميدان ..حسب ما قريت انو هيثم لام اداراة الاتحاد علي سكوتهم علي هذه التفلتات وعدم التدخل وحمايه اللاعبين من الظواهر الاخيرة ..ماقامت به جماهير الهلال والمريخ ضد نجمي المنتخب القومي راجي وهيثم نتاج طبيعي ما ظلت تسطرة الصحف الرياضيه في عناوينها الرئيسيه واعمدة كتابها ..كنت اتوقع منك وانت كاتب صحفي ان تدين هذه التصرفات قبل ان تلوم هيثم وتسلك مسلك الصحفييين الرياضييين وكالعادة في تغييب الحقائق لتدمير اللاعبين ..
للاسف مصيبتنا ومصيبة الكرة السودانيه في ما يسمي عندنا جزافا بالصحفييين الرياضييين

لماذا إختار هيثم رئيس لإستلام الميدالية منه؟
لماذا تمسّك رئيس المريخ بالميدالية بعدما إستلمها هيثم؟
لماذا منعت جماهير الهلال من الهتاف وسحبت لافتاتهم؟
لماذا سمح لجماهير المريخ بالهتاف ضد هيثم مصطفى طوال زمن المباراة؟
ماذا قال همد لسكرتير الإتحاد العام؟

هيثم مصطفى


سفير النوايا الحسنة ...!!

Quote: هيثم مصطفى سفير النوايا الحسنة ...!!

وقد أضاع على نفسه لقبا شفيفا

Quote: وما استنكره على اللاعب هيثم مصطفى سفير النوايا الحسنة سقطته تلك فقد سبق أن شتم اللاعب فيصل العجب بكلمة كل من شاهد المباراة عرف معناها صدقني ما حيعملوا ليهو اي شيء

لو علمت يا سيف اليزل ما قالة فيصل العجب لهيثم مصطفي ليستفزة لتركت تشجيع كرة القدم ..

عيب يا كابتن هيثم

ديل هدفين بس

اخ طلحه كل عام وانت بخير ومبروك الفوز

ويوم كاس الممتاز



الزول دا مالو ما اتكلم



في مداخلة للخبير الطاهر عثمان امس أول ما أبتدر كلامه قوله (لماذا حكم نهائي الممتاز مافيه كلام ونهائي كاس السودان غيـر، وهذا يدل على أنه يقصد الهلالاب وعدم تحملهم للهزيمة والشماعـة




الديمـة والأسطوانـة المعتادة عند الهزيمـة والمريخ انتصر على أستحقاق ولو الحكم احتسب ضربة الجزاء بتاعت مصعب لكانت هزيمة نكراء وخاصة أنو ظهر من مجريات المباراة أنو علاء شلاليت خارج الشبكة وكذلك هليفـة وبويا وعمـر بخيت الذي كان يتسحق الكرت الأحمر في عرقلته للجسور طارق مختار ودا من الشحن الإعلامي



والناس دا حالهـم دائما عند الهزيمـة




بس بعد دا باقي ليهـم الشكـوى







وفعلا العجب أميـر الكورة السودانيـة حاليا بالأخلاق الرفيعـة




أبومصطفى

..
.
هيثم مصطفى

قلة ادب ..

-------

وانحطاط اخلاقى

يا تبلدينا هيثم من التسحينة وجماهير المريخ وباصوات جماعيه شغاله قذف في والدتو !!! عليك الله انت لو كنت محل هيثم كنت حا تعمل شنو ؟؟ دي كورة دي ؟ دي اخلاق رياضيين ؟

وفبليها واللقطة الشايلنها المريخاب وحايمين بيها بخصوص اساءات هيثم للعجب العجب برضو اتكلم عن هيثم عن اختو !؟ وحاليا وانا بقرا هنا في ناس ما خلت حتي سيرة المرحوم والي الدين ! مفروض بعد كدا نحن زاتو نفك درب الكورة السودانيه دي

..
.
سلام يا معاوية
وكل عام وانت وطلحة بالف خير

ليس بالسهولة السيطرة على الجماهير ولا التحكم فى اخلاقياتها
وهناك جهات مسؤولة لها حق معاقبة جماهير اى نادى يمارس مشجعيه
تصرفات غير مسؤولة
ولكن موقف هيثم فى المنصه الذى صدر منهموقف مؤسف
ولا يبدر من لاعب له صولات وجوالات فى الملاعب واحسن حاجة يعمل نايم
ويطالب فى موقع اخر بمحاسبة الجماهير.. مش يقلع الميدالية ويلوح بيده
فى وجه رجال دوله ورؤساء نوادى بكل بجاحه وعدم احترام ..

-------

ولا رايك شنو ؟

معليش يا تبلدينا نسينا نعيد عليك وكل سنو وانت طيب


لو متابع الدوري الاوربي قبل فترة بسيطه الحكم اوقف مباراة وهدد بالغائها اذا لم توقف ادارة النادي الصيحات العنصرية ضد اللاعب ايتو وهنا الصيحات اسوا ان كانت ضد هيثم او راجي والموضوع ليس خاص بي هيثم ولا راجي ولا بقية العيبيه دي مسؤوبيه الاتحاد العام ومسؤولية مراقب المباراة والحكم

نوبي سلامات

Quote: هيثم جرّ الميداليو من معتصم جعفر و لا من الزول ده

جراها من الفريق عبدالله حسن رئيس نادي المريخ يا نوبي
وتكون مصيبة كبيرة والله لو كان الزول الجمب عبدالله حسن عيسي دا هو
رئيس نادي الهلال ..
فهمتني طبعا .

هلا يا سيف اليزل

Quote: لا أظن أن هناك قرارات حاسمة للسلوك وما استنكره على اللاعب هيثم مصطفى سفير النوايا الحسنة سقطته تلك فقد سبق أن شتم اللاعب فيصل العجب بكلمة كل من شاهد المباراة عرف معناها صدقني ما حيعملوا ليهو اي شيء

ما ح يعملوا شىء دي حاجة مفروغ منها
الناس ديل همهم كلو المقعد القاعدين فيهو دا
حيث الأضواء والشهرة والبهرجة والبوبار ..
لكن يا سيف دا لا يعني أن نتركهم في حالم
كنت أتمني والله لو مازلت أكتب في الصحف الرياضية هناك .

سلامات يا كابتن وليد

Quote: عندما يتألق صديقنا هيثم مصطفى نكون من اوائل المهنئيين له هاتفيا ولكن هذا السلوك مرفوض ولا يشبه لاعب كرة القدم مهما كان هناك تقصير يجب ان يعاقب بحلاقة صلعة امام الجمهور حتى يكون عبره لباقي اللاعبين هيثم لاعب فنان لايختلف به اثنان ويجب عليه ان يجيد الفن سلوكا ايضا

انتوا الحرس القديم ومحاربي الزمن الجميل
دي المحرية فيكم برضو ..
شكرا للشفافية المعلومة فيكم .

Quote: لاتنتظروا شيء من اتحاد كرة القدم ولا ادارة نادي المريخ

قصدك إدارة نادي الهلال طبعا .

Quote: قذ الحكم خالد عبد الرحمن موسم المريخ وأهداه الفوز ببطولة كأس السودان على حساب الهلال في المباراة التي جرت بين الفريقين أمس على ملعب استاد الهلال، وتغاضى خالد عن العديد من المخالفات التي من بينها ركلة جزاء ارتكبها الحارس محمد كمال مع بكري المدينة غير عدم احتساب الوقت المحتسب بدلاً عن الضائع رغم تعمّد لاعبي المريخ اهدار الوقت ، أحرز هنو الهدف الأول للمريخ في الشوط الأول وفي الشوط الثاني أضاف راجي عبد العاطي الهدف الثاني لينتزع الفوز لفريقه، وبالنتيجة جرّد خالد عبد الرحمن الهلال من لقبه وحرمه من الجمع بين ثنائيتي الدوري والكأس. جماهير المريخ تخرج عن السلوك القويم وتردد هتافات نابية ضد البرنس خرجت جماهير المريخ أمس عن السلوك الرياضي القويم وظلّت منذ دخول لاعبي الهلال لإجراء عمليات الإحماء تردد هتافات بذيئة تستهدف قائد الفريق هيثم مصطفى، وكان لهذه الهتافات أثرها النفسي السيء على لاعبي الهلال الذين فقدوا التركيز تفاعلاً مع قائدهم، ورددت جماهير المريخ هتافاتها في وجود قادة الإتحاد السوداني لكرة القدم الذين اكتفوا بدور المتفرج دون أن يتدخلوا لحماية قائد المنتخب السوداني وعميد لاعبي الكرة بالسودان. برنس الهلال يحمل اتحاد الكرة مسئولية الافرازات السالبة لقمة الكأس خرج قائد الهلال وكابتنه البرنس هيثم مصطفي غاضبا علي اداء حكام مباراة فريقه والمريخ في كاس السودان واكد ان سوء التحكيم وعدم الدقة في القرارات افسد المباراة وادخلها في جو غير اجواء الرياضة وشعاراتها التي تحث علي الاخلاق الحميدة والروح الرياضية. خسائر فادحة في استاد الهلال عقب مباراة الكأس أحدثت جماهير المريخ خسائر فادحة في استاد الهلال عقب نهاية مباراة الفريقين أمس في بطولة كأس السودان، وتسببت الجماهير في اتلاف الكثير من كراسي الاستاد وفاقت الخسائر ماحدث عقب مباراة الاسبوع الماضي على بطولة الدوري الممتاز والتي انتهت بفوز الهلال وتتويجه بلقب البطولة الكبرى، وقال الكابتن زغبير مدير استاد الهلال إن حصر الخسائر الناجمة عن تصرفات جماهير المريخ جارٍ من أجل حصرها بصورة نهائية.

Quote: قصدك إدارة نادي الهلال طبعا .

شفت كيف ياطلحة خطأ من الزعل
ولكن اساءات جمهور المريخ لوالدة هيثم برضو غير كريمة
ويجب على الاتحاد عمل قوانين لكل السلوك داخل وخارج الملعب
مثال
1- الغرامات المالية
2- الايقاف
3- النادي ( خصومات على الاعب في حال الكروت والطرد )
ياطلحة طرد بله جابر من الملعب هل اللاعب متضرر ام النادي
طرد مساوي هل اللاعب متضرر ام النادي
لازم وضع حلول لذلك حتى ننهض بالرياضة
ياجماعة خلاص العالم كله مشى للامام ونحن لسه في محطة قف

Quote: يا تبلدينا هيثم من التسحينة وجماهير المريخ وباصوات جماعيه شغاله قذف في والدتو !!! عليك الله انت لو كنت محل هيثم كنت حا تعمل شنو ؟؟ دي كورة دي ؟ دي اخلاق رياضيين ؟

خطأ كبير من جماهير المريخ بان تقذف والدة هيثم مصطفى

وبالمثل أخطات جماهير الهلال بالهتاف ضد راجي عبد العاطي.

شئ مؤسف مايحدث في ملاعبنا الرياضية .

Quote: اليوم في مباراة انتر-كالياري شهد ملعب سانت ايليا هتافات عنصرية ضد ايتو في اول دقائق المباراة من جماهير كالياري ، الحكم تاليافينتو في تصرف حيكم وغير مسبوق في ايطاليا اوقف المباراة وطالب بإقاف الهتافات ضد الكاميروني ، الهتافات كانت من حفنة قليلة وبعد ايقاف المباراة قام الجميع بالملعب بـ التصفيق لـ إيتو بما فيهم جماهير كالياري وعادت المباراة . من جهتها تحدثت بيدي موراتي شقيقية الرئيس عن هذا الحدث : للأسف لا تزال العنصرية موجودة في ملاعبنا واعتدنا عليها ، وارسلت رسالة شكر للحكم وقالت : الحكم تاليافينتو كان حكيماً بـ تدخله وتعليق المباراة لقد احسن التصرف بتطبيقه للقانون الذي ينص على هذا وانا اشكره ، ولأول مره اشاهد مثل هذا التدخل من الحكام الذي اتمنى ان يعمم .

فمن يحمي عرض وسمعة لاعبينا داخل المستطيل الاخضر

الأخ طلحة والأخوة المتداخلين ,
باترى هل كان من الممكن لهيثم مصطفى ان يمارس تلك الصفاقة واللداحةوالعنظزة وقلة الأدب فى حضور الدكتور كمال شداد, الذى حورب حربا شعواء من قبل الجميع تقريبا لمحاولته تطبيق الأنضباط وسياسة العين الحمرا ؟ وبنفس القدر حورب المدرب قسطنطين لمحاولة تطبيقه لنفس السياسة مع شوية اشباح يعتقدون انهم عباقرة الكرة فى العالم مع انهم ليسوا اكثر من شوية لعيبة محليين .
ياترى هل يستطيع مثلا كابتن فريق برشلونة او ريال مدريد او مانشستر بونايتد ان يفعل نصف مايفعله هيثم مصطفى ؟ حينئذ والله لجعلوه عبرة لمن يعتبر .

رحم الله المرحوم والي الدين رحمة واسعه وادخله فسيح جناته

____

عدل بطلب من الاخ طلحه

العزيزان ابراهيم محمد الحسن وفيصل محمد رشوان
كل عام وانتما واحبابكما بخير وصحة ..
شكرا لكما لمد البوست بالصورة وهو ماكان يحتاج له .

الحبيب معاوية حسين
كل عام وانتم بخير وصحة
قبل ما أصل للرد على مداخلتك الفوق دي
الرجاء حذف الإقتباس بتاع المرحوم والي الدين من البوست
لانو إقتباس قبيح جدا وأصلا أنا صاحبه لا أتداخل معه ولا أريده
أن يتداخل معي في أي بوست .

Quote: هيثم أبو قارورة .. سفيه النوايا السيئة قال للسيد رئيس الإتحاد (المهذب) .. وبالحرف الوااااااحد (إنتو ناس ما محترمين)

والله كلام صعب جدا يا نادر ولا أعرف كيف سيقابله
إتحاد الكرة خصوصا وأن رئيس نادي الهلال او أحد اعضائه
كما اعتقد موجود في المنصة وحاضر للواقعة واكيد سمع
ما تفوه به هذا اللاعب .

يا طلحة إزيكـ
وكل الناس الفوق ديل عيدكم مباركـ
بقرأ في المداخلات وبتسغرب إنو نحن عايزين ننسلخ من جلد (ممارسات الكورة والغنا) عندنا (اليوم)
نعيش على تاريخ كبار النجوم من المجالين ونحلم إنو لسه حاجات الأخلاق وتوابعة متوفرة بين الناس الحايمين حسي
با أخوانا الحاصل مسكوت عنه
قلة الأدب والعنجهية (ومطاطية) القوانين وضعفها وسوء الوضع الكروي والفني وضعف إدارات الأندية والإتحادات وسلطة المال (وعفن إجتماعات الليل) ده واقعنا
هيثم لعاب حقيقة
أدبه لا تدل عليه تصرفاته وعلى ذلكـ قس
مجتمع المدينة يتحدث سراً وجهراً عن علاقات السوء بين المجتمعين
حلقات السكر والبنقو لا تخفى على مجالس الونسة
والنتيجة لا كورة ولا فن حقيقي بل مجرد (أمل) برامج نتمسكـ بيها
نملأ بها حياتنا الخاوية من إنجازات حقيقية تُحسب لنا كدولة وكمجتمع

هلا يا معاوية
وشكرا لسحبك الإقتباس القبيح أعلاه

Quote: هيثم تعرض لاساءات شخصيه وهتافات من جمهور المريخ في امور شخصيه لا علاقه لها بالميدان ..حسب ما قريت انو هيثم لام اداراة الاتحاد علي سكوتهم علي هذه التفلتات وعدم التدخل وحمايه اللاعبين من الظواهر الاخيرة ..ماقامت به جماهير الهلال والمريخ ضد نجمي المنتخب القومي راجي وهيثم نتاج طبيعي ما ظلت تسطرة الصحف الرياضيه في عناوينها الرئيسيه واعمدة كتابها ..كنت اتوقع منك وانت كاتب صحفي ان تدين هذه التصرفات قبل ان تلوم هيثم وتسلك مسلك الصحفييين الرياضييين وكالعادة في تغييب الحقائق لتدمير اللاعبين ..للاسف مصيبتنا ومصيبة الكرة السودانيه في ما يسمي عندنا جزافا بالصحفييين الرياضييين

لكن والله ظلمتني ظلم فظيع جدا ربما لأنك ما متابع ما اكتبه هنا
عن سوء سلوك اللاعبين ( أيا كان صاحبه) ، وكذلك ما اكتبه عن ما تسمي
بالصحافة الرياضية والتى وصفتها بصحافة المدرجات ..
حتى عندما كنت كاتبا صحفيا في الصحف الرياضية بالسودان كانت هذه طريقتي
ولا أعرف المريخ أو الهلال أو أيا كان ولك أن تسأل بعض الزملاء الموجودين
معنا هنا في هذا المنبر من الذين كانوا يتابعون ما اكتبه هناك .
عموما تعرض هيثم مصطفي للإساءات الشخصية مرفوض ومدان وهو بالفعل كما
قلت نتاج هراء صحافة المدرجات من المشجعين المتعصبين وكامل التضامن
مع هيثم بهذا الخصوص .
لكن وبالمقابل هيثم مدان لانه لاعب دولي كبير وقائد لفريقه والمنتخب الوطني
وأي خروج عن السلوك يحسب عليه ولا يمكن تبريره بأنه ردة فعل لما ظل يتعرض له .
تحياتي وكل سنة وانت طيب وجميع الأحباء طرفك .

Quote: يا طلحة هيثم تعرض لاساءات شخصيه وهتافات من جمهور المريخ في امور شخصيه لا علاقه لها بالميدان

الغالي معاوية
لماذا لم تنتقد الهتاف ضد راجي

ما تعرض له هيثم هو ردة فعل لما قام به جمهور الهلال ضد راجي
أحد الاعضاء بمنتدى الهلال كتب بوست جميل بعنوان (أنت من تسببت بالإساءة الي والدة البرنس هيثم مصطفى)
موجها الإنتقاد لجمهور الهلال للهتافات السابقة للاعب المريخ راجي









...

Quote: الغالي معاوية لماذا لم تنتقد الهتاف ضد راجي

كل سنة وانت طيب يا فيصل ..لو قريت كلامي كامل انا انتقدت كل الهتافات المسيئه للاعبين داخل الميدان من جمهور الفريقين وحتي تناول الاعلام لقضية راجي لو راجعت حت تلقاني واقف في صف راجي وضد الهمجيه والسطحية ..لو قاصد اني ما انتقدتها بعد المباراة الاولي مباشره سبب راجع لي ظروف وفاة الاخ بكري وعدم متابعتي للمباراة واحداثها ..ما حدث لهيثم وراجي مسؤولية الاعلام الرياضي واتحاد الكرة ووزارة الاعلام ..ومن بعدها منتديات الهلال والمريخ الاسوأ حالا من الصحف الرياضيه

Quote: أحدثت جماهير المريخ خسائر فادحة في استاد الهلال عقب نهاية مباراة الفريقين أمس في بطولة كأس السودان، وتسببت الجماهير في اتلاف الكثير من كراسي الاستاد وفاقت الخسائر ماحدث عقب مباراة الاسبوع الماضي على بطولة الدوري الممتاز والتي انتهت بفوز الهلال وتتويجه بلقب البطولة الكبرى، وقال الكابتن زغبير مدير استاد الهلال إن حصر الخسائر الناجمة عن تصرفات جماهير المريخ جارٍ من أجل حصرها بصورة نهائية.

يا خلي

بالمنطق كدا الجماهير دي ما احدثت الخسائر دي يوم هزيمة فريقها في الممتاز ، تجي تحدثها الان وهي فائزة بكاس السودان .

شوفوا ليكم سبب تاني لهلهلة الزريبة


وبالمناسبة الإستاد الدولي اخباروا شنو ؟؟؟

بكل أسف الوسط الرياضي عامة أصبح سئ الا من رحمه الله.

عماد عثمان أحمد

Quote: خطأ كبير من جماهير المريخ بان تقذف والدة هيثم مصطفى وبالمثل أخطات جماهير الهلال بالهتاف ضد راجي عبد العاطي. شئ مؤسف مايحدث في ملاعبنا الرياضية .

تشكر يا عمدة على هذا الكلام الطيب.

خليل

Quote: ورددت جماهير المريخ هتافاتها في وجود قادة الإتحاد السوداني لكرة القدم الذين اكتفوا بدور المتفرج دون أن يتدخلوا لحماية قائد المنتخب السوداني وعميد لاعبي الكرة بالسودان

.
خليل يا هندسة هارد لك..بس الصحفي الكاتب الكلام دا كان يكتبو بعد المباراة الاولى التي تعرض فيها راجي لهتافات و قادة الاتحاد كانوا موجودين و لو اتخذوا الخطوات الصحيحة خلال المباراة السابقة كان قلل من السلوك غير القويم لجمهور الهلال و المريخ.

الحبيب / طلحه

عيدك مبارك ومبروك الفوز

ونعود لسلوك هيثم وهو سلوك

مرفوض من لاعب يعتبر قدوة لجميع

اللاعبين داخل الملعب .......

واقول اذا كان تصرف هيثم بسبب

هتافات الجماهير ضده فكان من

البديهي ان تؤثر علي اللاعب الصاعد راجي

لكني اعتقد بان هيثم يتمادي كثيرا في انفعاله

المهم ....

اتفق تماما مع راي الاخ معاوية في ان الصحف

الرياضية تتحمل الجزء الاكبر من الانفلات الذي

حدث امس ودونك تحليل المباراة في جريدة قون

والتي اصبح لها قناة فضائية ويفترض بها المهنية

والحرفية في اداء الامانة الصحفية .....

Quote: قذ الحكم خالد عبد الرحمن موسم المريخ وأهداه الفوز ببطولة كأس السودان على حساب الهلال في المباراة التي جرت بين الفريقين أمس على ملعب استاد الهلال، وتغاضى خالد عن العديد من المخالفات التي من بينها ركلة جزاء ارتكبها الحارس محمد كمال مع بكري المدينة غير عدم احتساب الوقت المحتسب بدلاً عن الضائع رغم تعمّد لاعبي المريخ اهدار الوقت ، أحرز هنو الهدف الأول للمريخ في الشوط الأول وفي الشوط الثاني أضاف راجي عبد العاطي الهدف الثاني لينتزع الفوز لفريقه، وبالنتيجة جرّد خالد عبد الرحمن الهلال من لقبه وحرمه من الجمع بين ثنائيتي الدوري والكأس. جماهير المريخ تخرج عن السلوك القويم وتردد هتافات نابية ضد البرنس خرجت جماهير المريخ أمس عن السلوك الرياضي القويم وظلّت منذ دخول لاعبي الهلال لإجراء عمليات الإحماء تردد هتافات بذيئة تستهدف قائد الفريق هيثم مصطفى، وكان لهذه الهتافات أثرها النفسي السيء على لاعبي الهلال الذين فقدوا التركيز تفاعلاً مع قائدهم، ورددت جماهير المريخ هتافاتها في وجود قادة الإتحاد السوداني لكرة القدم الذين اكتفوا بدور المتفرج دون أن يتدخلوا لحماية قائد المنتخب السوداني وعميد لاعبي الكرة بالسودان. برنس الهلال يحمل اتحاد الكرة مسئولية الافرازات السالبة لقمة الكأس خرج قائد الهلال وكابتنه البرنس هيثم مصطفي غاضبا علي اداء حكام مباراة فريقه والمريخ في كاس السودان واكد ان سوء التحكيم وعدم الدقة في القرارات افسد المباراة وادخلها في جو غير اجواء الرياضة وشعاراتها التي تحث علي الاخلاق الحميدة والروح الرياضية. خسائر فادحة في استاد الهلال عقب مباراة الكأس أحدثت جماهير المريخ خسائر فادحة في استاد الهلال عقب نهاية مباراة الفريقين أمس في بطولة كأس السودان، وتسببت الجماهير في اتلاف الكثير من كراسي الاستاد وفاقت الخسائر ماحدث عقب مباراة الاسبوع الماضي على بطولة الدوري الممتاز والتي انتهت بفوز الهلال وتتويجه بلقب البطولة الكبرى، وقال الكابتن زغبير مدير استاد الهلال إن حصر الخسائر الناجمة عن تصرفات جماهير المريخ جارٍ من أجل حصرها بصورة نهائية.

هيثم مصطفى معاهو حق

أرشح اللاعب راجي عبد العاطي سفيرا للنوايا الحسنة

Quote: وفبليها واللقطة الشايلنها المريخاب وحايمين بيها بخصوص اساءات هيثم للعجب العجب برضو اتكلم عن هيثم عن اختو !؟ وحاليا وانا بقرا هنا في ناس ما خلت حتي سيرة المرحوم والي الدين ! مفروض بعد كدا نحن زاتو نفك درب الكورة السودانيه دي

كرة القدم السودانية...تجاوزت الملعب ووصلت لي امات واخوات...
هادي طرفنا منها...بلا هلال بلا مريخ...

والله ...اتاريه...الحكيم ليه حق....
كل ما يشوفنا بنتفرج علي كورة سودانية

يقول لينا يا اخوانا ما تتلموا علي بيوتكم
دي كوره بلا اخلاق...

دحين انا من هسي اشطبوني من قائمة مشجعي الكرة السودانية...

سلامات ...

ما قاله هيثم هو اعتراض وفي حدود الحدة المتوقعة في مثل المباراة وما صاحبها من احداث ..


تمسك رئيس النادي بالميدالية هو الادي الي الشكل الظهر بيه في الفيديو وقت استلم هيثم الميدالية ما في داعي للجرجرة معاه سلموا الميدالية واعمل نايم هو سامع هيثم اتكلم مع رئيس الاتحاد العباطة في شنو


قبل اليوم احد لاعبي المريخ ((((( جبصوووووون في التلفزيون ))) ثابتة بالفيديو


وكابتن زيكو قلع الكورة عديل وشتت بيها بعد ما كان المريخ مهزوم اتنين صفر وفي بداية الشوط الثاني عند احتساب ضربة جزاء صحيحة للهلال


نادي المريخ عمل ايه فيها


من حق هيثم الاعتراض ومخاطبة رئيس الاتحاد وان كان منفعل ..................

أبو الخل ،،

Quote: أحدثت جماهير المريخ خسائر فادحة في استاد الهلال عقب نهاية مباراة الفريقين أمس في بطولة كأس السودان، وتسببت الجماهير في اتلاف الكثير من كراسي الاستاد وفاقت الخسائر ماحدث عقب مباراة الاسبوع الماضي على بطولة الدوري الممتاز والتي انتهت بفوز الهلال وتتويجه بلقب البطولة الكبرى، وقال الكابتن زغبير مدير استاد الهلال إن حصر الخسائر الناجمة عن تصرفات جماهير المريخ جارٍ من أجل حصرها بصورة نهائية.

كلمهم يقدموا شكوى ،،
ويطالبوا بالتعويض عن الخسائر الفادحة بالزريبة ،،

عسى ولعل تكسبوها المرة دي ،،

خالد درق سلامات
ومبارك الفوز بالكأس
وأتمني أن يستعيد المريخ عافيته المعروفة .

هلا يا عمران

Quote: بقرأ في المداخلات وبتسغرب إنو نحن عايزين ننسلخ من جلد (ممارسات الكورة والغنا) عندنا (اليوم) نعيش على تاريخ كبار النجوم من المجالين ونحلم إنو لسه حاجات الأخلاق وتوابعة متوفرة بين الناس الحايمين حسي با أخوانا الحاصل مسكوت عنه قلة الأدب والعنجهية (ومطاطية) القوانين وضعفها وسوء الوضع الكروي والفني وضعف إدارات الأندية والإتحادات وسلطة المال (وعفن إجتماعات الليل) ده واقعنا هيثم لعاب حقيقة أدبه لا تدل عليه تصرفاته وعلى ذلكـ قس مجتمع المدينة يتحدث سراً وجهراً عن علاقات السوء بين المجتمعين حلقات السكر والبنقو لا تخفى على مجالس الونسة والنتيجة لا كورة ولا فن حقيقي بل مجرد (أمل) برامج نتمسكـ بيها نملأ بها حياتنا الخاوية من إنجازات حقيقية تُحسب لنا كدولة وكمجتمع

صحيح ما قلته ولكن هذا لا يعني غض الطرف عن ممارسات تحدث
أمامنا إذ لابد من زجرها حسما للتفلت والخروج عن الإنضباط والذوق العام
من أجل غاية أنبل وأعف وأطهر وعسى ان تهدي من أحببت .
أذا بليتم فاستتروا وطالما أن بطانة السوء تمارس ما تمارسه
في حجب الليل فليس علينا حرج إن سمعنا ولم نر .
تحياتي

سلاامت يا تبلدينا

Quote: ولكن موقف هيثم فى المنصه الذى صدر منهموقف مؤسف ولا يبدر من لاعب له صولات وجوالات فى الملاعب واحسن حاجة يعمل نايم ويطالب فى موقع اخر بمحاسبة الجماهير.. مش يقلع الميدالية ويلوح بيده فى وجه رجال دوله ورؤساء نوادى بكل بجاحه وعدم احترام ..

هيثم وبسلوكه هذا أدخل رئيس نادي الهلال في أظافره قطعة
قطعة (أو كما قال الأديب تاج السر الملك ).
سلوك هيثم أمام رئيس نادي الهلال دليل على ضعف شخصية مجلس ادارة
النادي وإلا لما واتت الجرأة أي لاعب ليرفع عينه على أصغر عضو في
المجلس .

Quote: لم أسمع ماقاله .. هل شتم أم سخر ؟؟؟ وممن ؟ الإتحاد العام لكرة القدم ممثلا في جعفر ؟ أم شخص معتصم نفسه .؟ في كل الأحول سلوك سىء يستحق عليه اللاعب المحاسبة يتبع ..

تتساءل وتصدر حكمك يا طلحة؟؟؟؟؟
مش كان تنتظر قرار الدكتور معتصم جعفر نفسه!!!!


هل هكذا يكون العمل الصحفي؟؟؟؟

Quote: نفي الدكتور معتصم جعفر سر الختم رئيس الاتحاد الرياضي السوداني لكرة القدم اساءة قائد لاعبي الهلال هيثم مصطفي كرار لقادة الاتحاد وكل الموجودين علي المنصة اثناء تسلم لاعبي الهلال لميدالياتهم عقب نهائي كاس السودان الثلاثاء الماضي وقال جعفر ان هيثم قد عبر فقط عن غضبه من الهتافات المسيئه له وللاعبي الهلال من قبل بعض الجماهير وكان يتحدث عن دور الاتحاد في محاربة العادات السالبة والدخيلة على المجتمع اما عن قذف هيثم لميداليته فقال الدكتور معتصم جعفر انه لم ير ذلك وان هذا لم يحدث جاء ذلك اثناء حديثه لبرنامج (البحث عن هدف) الذي تقدمه الزميلة ميرفت حسين عبر فضائية النيل الازرق

وعان كمان شوف الزميلة المريخابية ميرفت حسين...

ما كان تجيب هتافات جماهير المريخ...بحق هيثم
عشان تبحث عن هدف حقيقي...مش استهداف...
كان لها ان تاتي بهتافات جماهير الهلال بحق راجي عبدالعاطي
حتي يكون البحث عن هدف فعلا برنامج هادف؟؟؟

سلامات يا قلقو الحبيب

Quote: الأخ طلحة والأخوة المتداخلين , باترى هل كان من الممكن لهيثم مصطفى ان يمارس تلك الصفاقة واللداحةوالعنظزة وقلة الأدب فى حضور الدكتور كمال شداد, الذى حورب حربا شعواء من قبل الجميع تقريبا لمحاولته تطبيق الأنضباط وسياسة العين الحمرا ؟ وبنفس القدر حورب المدرب قسطنطين لمحاولة تطبيقه لنفس السياسة مع شوية اشباح يعتقدون انهم عباقرة الكرة فى العالم مع انهم ليسوا اكثر من شوية لعيبة محليين . ياترى هل يستطيع مثلا كابتن فريق برشلونة او ريال مدريد او مانشستر بونايتد ان يفعل نصف مايفعله هيثم مصطفى ؟ حينئذ والله لجعلوه عبرة لمن يعتبر .

دا بالضبط الكنا خايفين وحذرنا منو
قلنا أن سوق الطماطم بتاع الكورة دا ما يقدر يديرو ويضبطو
إلا الخبير شداد لأنه رجل صارم حازم حاسم خاصة إذا تعلق الأمر
بالإنضباط والنظام والقانون ، لكن عصبة المصالح والمآرب إستماتوا
في إزاحة الرجل الذي قطع عليهم الطريق إلى أهدافهم بشفافيته
وشدته وكلو بالقانون .
الوسط الرياضي يا قلقو موعود بأسوأ أيامه في غياب الرجل وعلى
الذين هبطوا بالبارشوت إلى مواقع المسؤولية أن يتحزموا ويتلزموا
ويشيلوا شيلتم وما هم بقادرين .

نزار يا حسين سلامات
لم أقل ان هيثم شتم لأنني لم أسمعه بل بنيت حكمي (إساءة السلوك)
بعد أن رأيته يلوح ويشيح بيديه ويجر الميدالية جر من يدي الفريق
عبدالله حسن عيسي رئيس نادي المريخ حتى كاد الرجل أن يسقط على وجهه
(الفيديو أعلاه يوضح ذلك ) ولم أقل أنه قذف بالميدالية .
التلويح والإشاحة باليدين في وجه الكبار بغض النظر عن من هم
سلوك سىء .
لا تدافع عن الغلط وأنت تعلم يا عزيزي نزار .

الحبيب رشوان

Quote: ما تعرض له هيثم هو ردة فعل لما قام به جمهور الهلال ضد راجي

على المحسن أن لا يتخذ من المسىء قدوة له ..
السباب المتبادل في كورة القدم بين الجانبين غلط فظيع يستوجب
الحسم الفوري من القائمين على الأمر وإلا لتحولت الميادين الرياضية
إلى سوح للتعارك والتشاحن والتباغض ولأحجم الناس عن متابعتها
ولما وجدت هذه الفئة المنفلتة من الجماهير ( من الجانبين) ما تمارس
فيه تفلتها وقلة أدبها .

الحاج حمد الحاج سلامات

Quote: بكل أسف الوسط الرياضي عامة أصبح سئ الا من رحمه الله.

ودا بيؤكد على ما ظللت أردده هنا وفي عدد من المنابر
عن أن القائمون على الأمر ( إلا قليلا) يحتاجون للتهذيب والتشذيب
قبل غيرهم لان فاقد الشىء لا يعطيه .
لن أستغرب إذا تحولت هذه المشاحنات في المرات المقبلة إلى
قتل وذبح طالما بقي هذا التهاون من المسؤولين .

نفي الدكتور معتصم جعفر سر الختم رئيس الاتحاد الرياضي السوداني لكرة القدم اساءة قائد لاعبي الهلال هيثم مصطفي كرار لقادة الاتحاد وكل الموجودين علي المنصة اثناء تسلم لاعبي الهلال لميدالياتهم عقب نهائي كاس السودان الثلاثاء الماضي وقال جعفر ان هيثم قد عبر فقط عن غضبه من الهتافات المسيئه له وللاعبي الهلال من قبل بعض الجماهير وكان يتحدث عن دور الاتحاد في محاربة العادات السالبة والدخيلة على المجتمع اما عن قذف هيثم لميداليته فقال الدكتور معتصم جعفر انه لم ير ذلك وان هذا لم يحدث جاء ذلك اثناء حديثه لبرنامج (البحث عن هدف) الذي تقدمه الزميلة ميرفت حسين عبر فضائية النيل الازرق.
صحيفة قوون

Quote: اللهم اسكنها وأنزلها منازل الصديقين والشهداء اللهم تجاوز عن خطاياها وأغفر لها يالله اللهم انت الحي الباقي ونحن اللاحقون كل من عليها فان

الأخ طلحة
لك التحية
ما ورد الآن في رسالة عبر قون وعلي لسان معتصم جعفر هو( البرنس ابلغنا باحتجاجه علي هتاف الجمهور ولم يخرج عن السلوك الصحيح )
هل تحتمل ما ورد في الهتاف؟؟؟؟
لك التحية
اوردت لك رسالة قون عبر البريد عن لانخرج نحن او نجتهد

.

Quote: لا تدافع عن الغلط وأنت تعلم يا عزيزي نزار .

با طلحة با حبيب..

الله لا ختاني في منصة هيثم..

لمقابلة اكبر ناس مسئولية عن الكرة... ناس كانوا سامعين الجماهير...بتقول في شنو؟
حتي وصلت الاهانات لي الامهات...ولسه يكونوا واقفين عايزين
يوزعوا ميداليات...قطع شك كان جوهم ناس غبش..
بي سواطيرهم...وخلوهم راقدين اردب في الميدان وحرم انا يدي ما ادخلا...
وكان الكورة السودانية اتفرتقت الفرتيقة
اللي يوم الدين...تقول لي رفع يديه وسوء
سلوك...

مافي سوء سلوك اكثر من ان تتجاوز الشتائم الي اهلك وهم في سرايرهم
وسريرتهم...وصمة خشمهم...

نحن دي عندنا بتولع حرب عديل...رفع اليدين دا لي الاشارة بس

بعدين الزول لي بتكلم على الحاجات دي دائما لما يكون مغلوب فقط



ولما يكون غالب بيعمل نائـم ألعب غيرها ياكابتن


اذا الموضوع حرارة هزيمة ساكت \




وحركةاليد ما كان بتدل على كلام عادي





وكااااااااااك ياراجي عملت عمائل بهدفك دا



وما راعيت للكابتن ونصحيته وزدت عليه فضيحـتو



أبومصطفى

وقطع معتصم جعفر قول كل خطيب

استغرب جدا من الهلالاب الجاين يدافعوا

يعني تصرف غير كريم من هيثم مصطفى حاجة جديده
موش ياه نفس هيثم مصطفى الشات القزازة بتاعة الموية في الجهاز الفني والبدلاء بعد تغييره
موش ياه هيثم النبذ العجب

معاوية قال انو العجب نبز هيثم
انت يا معاوية جبت الكلام ده من وين
نحن جبنا نبز هيثم من صورة الشاشة في التلفزيون
انت جبتو من وين ؟

تصرف هيثم قبيح جدا وغير كريم وما اخلاقي
على الاقل الزول الواقف في المنصة ده قدر ابوه كان يحترم عمرو

بالنسبة للاساءات

يا دوب يا هلالاب عرفتو انو النبذ والتدخل في الامور الشخصية حاجة ما كويسة

نسيتو البتقولوه والقلتوه في راجي في المباراة القبيليها بالمكارفونات
نسيتو القلتو في اكرم الهادي سليم

انت يا معاوية بتتباكي عن الانكتب في والي الدين
اجيب ليك الانكتب هنا في اكرم الهادي سليم لدرجة الطعن في نسبو

انتو يالهلالاب بديتو النبز والتانبز
وبتحصدوا الان في ده

كرهتو اكرم الكورة لا خليتو سيرتو لا خليتو سيرة اهلو
قبل اسبوع واحد بس كرهتو راجي الكورة

هسع وكت جاكم الرد من جنس افعالكم بقيتو في الاخلاق


كما تدين تدان
وما تبدو الشي وتتجرسوا منو

كدا يا شباب إستهدوا بالله وراجعوا مطالعة الموضوع دا من أولو
منو القال أنو هيثم رمى الميدالية أو سب أو شتم أو قال أية حاجة ؟؟؟؟؟؟؟
اللقطة التلفزيونية أوردت وبوضوح شديد تلويح هيثم مصطفي وإشاحته
بيده وجر الميدالية من رئيس نادي المريخ حتى كاد الرجل يسقط
وبناء عليه قلنا وحسب فهمنا للحركات الزي دي أنو أساء السلوك
وللذين لم يشاهدوا اللقطة من التلفزيون مباشرة عليهم أن يشاهدوها
في الفيديو اعلاه .

Quote: لن أستغرب إذا تحولت هذه المشاحنات في المرات المقبلة إلى قتل وذبح طالما بقي هذا التهاون من المسؤولين .

الأخ طلحة
تحياتى .. كلامك دا ما نخشاه إذا لم يتم العلاج

هيثم مصطفى رفض إرتداء الميدلية وجذبها بعصبية .. لم يتقبل الفريق عبدالله حسن عيسى ذلك ولم يفوته
هيثم لم يتراجع وتمادى .. مقارنة ذلك بموقف راجى فى المباراة السابقة نجده لم يسئ السلوك
رغم ما تعرض له داخل وخارج الميدان وأيضاً مع مقارنة الفارق فى عمريهما

كلمات هيثم التى وردت على لسان معتصم من حقه قولها وحتى الأسلوب الإنفعالى والخروج عن آداب الحديث
بحركة اليد قد يمكن تقبله على مضض .. أضعف كل ذلك سلوكه فى رفض تقلد الميدالية وإبداء عدم
الإحترام لمن بالمنصة بمن وصفهم بكبارنا ..

لم أشاهد لقاء معتصم ولكن لقطة الفيديو لم توضح إن كانت المذيعة وجهت له سؤالاً مباشراَ
هل رفض هيثم تقلد الميدالية وجذبها بتلك العصبية فيه سؤ سلوك وإساءة للمنصة .. ثم عن أسلوب كلامه معهم
د. معتصم جعفر إختصر شهادته فبما تفوه به هيثم دون التعليق على الأسلوب والحدة والتشنج
معتصم جاوب بدبلوماسية بحكم كرسيه الساخن .. وفى رأيى لم يكن حصيفاً من أساسه أن يقبل
أن يسأل فى هذا الموضوع وهذا يتفق عليه قبل اللقاء

كلمات هيثم كانت ستكون أكثر وقعاً لو فالها لمن بالمنصة قبل خمسة أيام عندما كان الضحية راجى بحكم أنه
لاعب مخضرم وكابتن للفريق القومى .. بل أقوى لو صرح منذ فترة يشجب الحملة على راجى وأنها دى ما كورة
والتنافس ففط فى الميدان ..

الشاهد أن هيثم تكلم فقط عندما نيران الفتنة لسعته .. من أشعلها هم من يتحملون وزرها ..!

Quote: كدا يا شباب إستهدوا بالله وراجعوا مطالعة الموضوع دا من أولو منو القال أنو هيثم رمى الميدالية أو سب أو شتم أو قال أية حاجة ؟؟؟؟؟؟؟

العزيز أُستاذ طلحة
مساء الـخيـر

إنتَ يا عزيزي قُلتَ :

Quote: لكن ماذا قال هيثم مصطفي لمعتصم جعفر ....

وقُلتَ :

Quote: لم أسمع ماقاله .. هل شتم أم سخر ؟؟؟

لذا
أنا شخصيّاً مستهدي بالله
ودخلت فقط لأملّكك تقنيّاً الإجابة علـى تساؤلاتك التـي وردت أعلاه
وذلك حسبما جاء علـى لسان الأُستاذ معتصم جعفر
لا لغرض آخر
أو لتبرئة أو شنق أيّ شخص




وُدّي

ياسر التيجاني سلامات وعوافى يا زول

Quote: نفي الدكتور معتصم جعفر سر الختم رئيس الاتحاد الرياضي السوداني لكرة القدم اساءة قائد لاعبي الهلال هيثم مصطفي كرار لقادة الاتحاد وكل الموجودين علي المنصة اثناء تسلم لاعبي الهلال لميدالياتهم عقب نهائي كاس السودان الثلاثاء الماضي وقال جعفر ان هيثم قد عبر فقط عن غضبه من الهتافات المسيئه له وللاعبي الهلال من قبل بعض الجماهير وكان يتحدث عن دور الاتحاد في محاربة العادات السالبة والدخيلة على المجتمع اما عن قذف هيثم لميداليته فقال الدكتور معتصم جعفر انه لم ير ذلك وان هذا لم يحدث

على حسب مقطع الفيديو معتصم جعفر نفي أن يكون هيثم تفوه
اوقال عبارات مسيئة وهذه لا نستطيع ان نغالطه فيها لأننا لم نسمع
ما قاله هيثم ولكنه لم ولن يستطيع نفي أن هيثم هو اللاعب
الوحيد الذي لم يصافح الموجودين بالمنصة بمن فيهم السيد معتصم
نفسه وأنه لوح وأشاح بيديه وجر الميدالية جرا من الفريق عبدالله
حسن عيسي حتى كاد أن يسقطه على الأرض ، وهو ما اعتبره سوء سلوك
واضح وأظنك توافقني عليه.

الحبيب هرون دياب كل عام وانتم بخير وأبارك لك الفوز المريخي

Quote: سلوك مرفوض من لاعب يعتبر قدوة لجميع اللاعبين داخل الملعب ....... واقول اذا كان تصرف هيثم بسبب هتافات الجماهير ضده فكان من البديهي ان تؤثر علي اللاعب الصاعد راجي لكني اعتقد بان هيثم يتمادي كثيرا في انفعاله

ومن المؤسف والله أن تفرض الإنتماءات الضيقه نفسها على بعض الهلالاب الذين دخلوا هذا البوست أو فتحوا بوستات مستقلة ليدافعوا عن
سوء سلوك هيثم مصطفي الذي نقل على الهواء مباشرة وهو يرفض مصافحة
الجميع ويلوح ويشيح بيديه ويجر الميدالية من رئيس نادي المريخ الذي
كاد بسبب ذلك ان يسقط على وجهه وهو الرجل الكبير .
ومؤسف اكثر والله ان تكون حجة هولاء البعض في الدفاع عن سلوكه أنه
(اي هيثم ) تعرض للإساءات من الجمهور .

الحبيب عمر عبدالله فضل المولي
تحياتي يا راجل ومبارك الفوز ورد الإعتبار

المكاشفي الخضر الطاهر سلامات

Quote: هيثم مصطفى معاهو حق

لا يوجد ما يبرر سوء سلوك قائد المنتخب الوطني

الفاتح سليمان تحياتي وكل عام وانتم بخير

Quote: ما قاله هيثم هو اعتراض وفي حدود الحدة المتوقعة في مثل المباراة وما صاحبها من احداث ..

رفض السلام والتلويح والإشاحة بحركات عصبية سوء سلوك
ينبغي أن يجد الحساب يا عزيزي حتى ولو قلت أنت غير ذلك .

Quote: قبل اليوم احد لاعبي المريخ ((((( جبصوووووون في التلفزيون ))) ثابتة بالفيديو

دا سلوك قبيح وتمت إدانته هنا وفي منابر عديدة

Quote: تمسك رئيس النادي بالميدالية هو الادي الي الشكل الظهر بيه في الفيديو وقت استلم هيثم الميدالية ما في داعي للجرجرة معاه سلموا الميدالية واعمل نايم هو سامع هيثم اتكلم مع رئيس الاتحاد العباطة في شنو

حاجة مؤسفة والله أن تصف رجل كبير برتبة فريق وربما كان في عمر أبيك
أو عمك بالعباطة خصوصا وهو لم يسىء لك وليس لديه القدرة للرد عليك هنا.

عمر محمد ابراهيم تحياتي وكل عام وانتم بخير

Quote: ما ورد الآن في رسالة عبر قون وعلي لسان معتصم جعفر هو( البرنس ابلغنا باحتجاجه علي هتاف الجمهور ولم يخرج عن السلوك الصحيح )

قول معتصم أن هيثم لم يخرج عن السلوك الصحيح يجافي الحقيقة تماما
راجع الفيديو أعلاه لترى ان هيثم رفض مصافحة الجميع بمن فيهم الوزير ورئيس
الإتحاد ورئيس نادي المريخ وكذا رئيس نادى الهلال فضلا عن تلويحه وإشاحته الغاضبة
فكيف يكون السلوك الخطأ إذن ؟
كل الود

يا نزار يا حبيب

Quote: ناس كانوا سامعين الجماهير...بتقول في شنو؟ حتي وصلت الاهانات لي الامهات...ولسه يكونوا واقفين عايزين يوزعوا ميداليات

أنا طبعا ما متخيل أبدا لو أنت كنت في مكان الجماعة ديل
كنت ح تعمل شنو ؟
لا يستطيع معتصم جعفر ولا كل رؤوساء الأندية والإتحادات في السودان
ان يوقفوا تجاوزات الجمهور وتفلته وخروجه عن الإنضباط خلال مباراة
في كرة قدم يتابعها من المدرجات عشرات الألآف ..
اتفق معاك انو ما حصل لهيثم مصطفي وغيره من اللاعبين فوق الإحتمال..
من قبل لاحق الجمهور لاعب المريخ فاروق جبرة بعبارات مسيئة تشكك
حتى في فحولته ورجولته وعندما لم يحتمل اللاعب وجاءت ردة فعله
في شكل صفعة لحكم المباراة أوقفه إتحاد شداد لعامين لم يعد بعدها
اللاعب لمتابعة نشاطه .
اللاعب يا عزيزي يجب أن يضبط نفسه ليكون قدوة للجمهور لا ان يتخذ
الجمهور قدوته..
مهما واجه اللاعب من ظلم فتفلته يجب ان يقابل بالحسم الفوري
وإلا لتحولت ميادين الكرة لساحة للإشتباكات والإحتكاكات بالملافظ والشتائم
والضرب والقتال .

keiga2000 يا حبيب

Quote: بعدين الزول لي بتكلم على الحاجات دي دائما لما يكون مغلوب فقط ولما يكون غالب بيعمل نائـم ألعب غيرها ياكابتن

لو هيثم غالب وعمل الحركات دي فدا برضو سوء سلوك
يجب ان يحاسب عليه خاصة وان من أساء السلوك أمامهم
مسؤولين ولا ذنب لهم في ما أقدم عليه الجمهور .
هيثم إستمرأ التفلت بعد أن آمن العقاب .

تحياتي يااحمد الأمين

Quote: وقطع معتصم جعفر قول كل خطيب

غايتو أنا شايف عكس ما قلته تماما
معتصم جعفر بتصريحه المعنى جعل نفسه عرضة للشكوك
فى أهليته كرئيس لأعلى سلطة كروية في البلد لأن نفيه
لسوء سلوك هيثم الواضح الفاضح يفسر بواحد من إثنين :
يا إما أنه خشى من غضبة الهلالاب عليه فى حال أدان اللاعب
يا إما أنه موافق على مثل هذا التفلت من اللاعبين .
معتصم جعفر الذى لم يتورع في القفز من فوق إستاذه شداد
ليلجس على مقعده في رئاسة إتحاد الكرة عليه أن يحتمل ما
يجره له هذا المقعد من بلاوى لا قبل له بها .
تحسبو لعب يا معتصم أخوى ؟؟؟؟؟؟؟؟؟؟

Quote: لا يستطيع معتصم جعفر ولا كل رؤوساء الأندية والإتحادات في السودان ان يوقفوا تجاوزات الجمهور وتفلته وخروجه عن الإنضباط خلال مباراة في كرة قدم يتابعها من المدرجات عشرات الألآف ..

منو القال ليك الكلام ده ؟؟؟؟ يستطيع حكم المباراه إيقاف اي مباراه لو بدر سوء سلوك من الجمهور ويأمر بإخراج الجمهور بواسطه الشرطه

كما يستطيع قاده الإتحاد إقامه مباريات فريق الجمهور المنفلت بدون جمهور حسب القوانيين واللوائح..

Quote: معتصم جعفر الذى لم يتورع في القفز من فوق إستاذه شداد ليلجس على مقعده في رئاسة إتحاد الكرة عليه أن يحتمل ما يجره له هذا المقعد من بلاوى لا قبل له بها . تحسبو لعب يا معتصم أخوى ؟؟؟؟؟؟؟؟؟؟

ده كلام ما منطقي وبنطلع منه بإستهدافك لدكتور معتصم ومحاوله تصويره بإنه ناكر للجميل وليس كفؤ لتولي المنصب

وفوق شايف وأحد من الأخوان تسأل : لو كان دكتور شداد موجود في المنصه كان هيثم إتصرف التصرف ده ؟؟

فات عليك وعلى المتسأل إن تخبرونا في ياتو نهائي كان شداد موجود طوال فتره حكمه

لم نشهد شداد لا في نهائي ممتاز ولا كاس السودان ولو أنا غلطان وروني ؟؟

كان معتصم جعفر هو من يحضر كل النهائيات

نساند هيثم حتى قبل أن نعرف ماذا قال !!! لثقتنا اللامحدوده في كابتن السودان ولو كره الشامتون .

مع فائق الود

فدياس يا حبيب إزيك وكدا
مشيت ليك بهناك جيتنى بى جاي ..
أها عشان جيتك المقدرة دي ح أفط ليك الناس الفوق ديل كلهم
وأرد ليك قبلهم .. شفت المعزة دي كيف ؟
قلت :

Quote: يستطيع حكم المباراه إيقاف اي مباراه لو بدر سوء سلوك من الجمهور ويأمر بإخراج الجمهور بواسطه الشرطه

أيوة لكن أنا قلت لا يستطيع قادة الإتحاد ضبط تفلتات الجمهور
ولم أتكلم عن الحكم .. اللهم إلا إذا كنت عايز معتصم جعفر ينزل من المقصورة
أثناء المباراة وينادي الحكم يقول ليهو وقف المباراة وطالب بإخراج الجمهور ..
وقلت تاني :

Quote: كما يستطيع قاده الإتحاد إقامه مباريات فريق الجمهور المنفلت بدون جمهور حسب القوانيين واللوائح..

كلامك صاح لكن دا يتوقف على تقرير الحكم ولا يستطيع الإتحاد
أن يقرر فيه منفردا .. وبعدين يا فدياس نحن بنتكلم عن المباراة اللي
كانت لاعبة أصلا .. اللهم إلا إذا كنت عايز ناس الإتحاد يشيلو مكبرات
صوت أثناء المباراة عشان يوقفوها ويطالبوا بإخراج الجمهور ..

Quote: ده كلام ما منطقي وبنطلع منه بإستهدافك لدكتور معتصم ومحاوله تصويره بإنه ناكر للجميل وليس كفؤ لتولي المنصب

إتا يا فدياس اخوي دحين معتصم دا موش
ياهو ذاتو الهللت عشان هيثم ذلاه وإتمنيت لو أداهو كف كمان
ولا دا معتصم تاني غير داك الفي البوست بتاعك ؟

وليد المبارك تحياتي

Quote: استغرب جدا من الهلالاب الجاين يدافعوا يعني تصرف غير كريم من هيثم مصطفى حاجة جديده موش ياه نفس هيثم مصطفى الشات القزازة بتاعة الموية في الجهاز الفني والبدلاء بعد تغييره موش ياه هيثم النبذ العجب معاوية قال انو العجب نبز هيثم انت يا معاوية جبت الكلام ده من وين نحن جبنا نبز هيثم من صورة الشاشة في التلفزيون انت جبتو من وين ؟ تصرف هيثم قبيح جدا وغير كريم وما اخلاقي على الاقل الزول الواقف في المنصة ده قدر ابوه كان يحترم عمرو بالنسبة للاساءات يا دوب يا هلالاب عرفتو انو النبذ والتدخل في الامور الشخصية حاجة ما كويسة نسيتو البتقولوه والقلتوه في راجي في المباراة القبيليها بالمكارفونات نسيتو القلتو في اكرم الهادي سليم انت يا معاوية بتتباكي عن الانكتب في والي الدين اجيب ليك الانكتب هنا في اكرم الهادي سليم لدرجة الطعن في نسبو انتو يالهلالاب بديتو النبز والتانبز وبتحصدوا الان في ده كرهتو اكرم الكورة لا خليتو سيرتو لا خليتو سيرة اهلو قبل اسبوع واحد بس كرهتو راجي الكورة هسع وكت جاكم الرد من جنس افعالكم بقيتو في الاخلاق كما تدين تدان وما تبدو الشي وتتجرسوا منو

رش الرشاشات ...

سلامات يا نادر وكل عام وانتم جميعا بخير

Quote: لم أشاهد لقاء معتصم ولكن لقطة الفيديو لم توضح إن كانت المذيعة وجهت له سؤالاً مباشراَ هل رفض هيثم تقلد الميدالية وجذبها بتلك العصبية فيه سؤ سلوك وإساءة للمنصة .. ثم عن أسلوب كلامه معهم د. معتصم جعفر إختصر شهادته فبما تفوه به هيثم دون التعليق على الأسلوب والحدة والتشنج معتصم جاوب بدبلوماسية بحكم كرسيه الساخن .. وفى رأيى لم يكن حصيفاً من أساسه أن يقبل أن يسأل فى هذا الموضوع وهذا يتفق عليه قبل اللقاء

نفس هذا الكلام قلته لبعض الأصدقاء إذ ان المذيعة لم تكن
حصيفة فى سؤالها ( ما فيهو فهلوة الصحافي) وكان عليها أن تسأله
مباشرة عن سلوك هيثم مصطفي في رفضه لمصافحة من في المنصة وجره
للميدالية بطريقة عصبية فضلا عن تلويحه وإشاحته الغاضبة ..
لم تسأله المذيعة لانها ربما كانت (مسكينة) أو ربما ان المعد لم يدرج
هذا السؤال المباشر ضمن محاور الإستضافة ، لكنني شخصيا كنت اتمني ان
يكون الاخ الدكتور معتصم جعفر أكثر شفافية ووضوحا ويشير ولو بطرف خفي
لرفضهم لأسلوب هيثم مصطفي وهو ما لم يفعله .
دبلوماسية جعفر يا نادر قد تؤلب عليه الإعلام المريخي الذي ربما وصفها
بالهروب أو حتى الجبن وهو محق إن فعل .

Quote: إتا يا فدياس اخوي دحين معتصم دا موش ياهو ذاتو الهللت عشان هيثم ذلاه وإتمنيت لو أداهو كف كمان ولا دا معتصم تاني غير داك الفي البوست بتاعك ؟

ياهو زاتو !!! معتصم جعفر المريخي المعروف الميول

هناك الكلام عن موقف قوي لكابتن الهلال وجد مننا التأييد المطلق

وهنا تلميحات منك بأفضيله شداد الذي لا يدخل المباريات على معتصم جعفر

هنا دعوه منك لعوده ديكتاتور الكوره السودانيه وهي دعوه مبطنه ومغلفه

وهي دعوه تباكي على ماضي مظلم ولن يعود مره آخري ( إنشاء الله بفعل السن )

الحبيب لوىء تحياتي يا جميل ومتعك الله بالصحة والعافية

Quote: ودخلت فقط لأملّكك تقنيّاً الإجابة علـى تساؤلاتك التـي وردت أعلاه وذلك حسبما جاء علـى لسان الأُستاذ معتصم جعفر

صحيح سمعت كلام معتصم يا لؤى وقد برأ هيثم من التفلت اللفظي
لكن سيظل سلوكه الحركى محل إدانة وهو موضوع البوست
كل الود والتقدير .

Quote: تلميحات منك بأفضيله شداد الذي لا يدخل المباريات على معتصم جعفر هنا دعوه منك لعوده ديكتاتور الكوره السودانيه وهي دعوه مبطنه ومغلفه

تلميحات شنو ومبطنة ومغلفة بتاعت الساعة كم يا فدياس أخوي
أنا عديل كدا قاعد اطاب بعودة شداد وكتبت فيها بوستات ولسع ح افتح
بوستات عشان يعود شداد .. تقول لي تلميحات ومبطنة ومغلفة ..
إتا إذا ما عايزو يعود فدا رأيك لكن رأيي أنا عكسك يا اخوي ..
لكن هسع دا ما موضوع البوست ..
كدا تعال نشوفك هنا قلت شنو :

Quote: ياهو زاتو !!! معتصم جعفر المريخي المعروف الميول هناك الكلام عن موقف قوي لكابتن الهلال وجد مننا التأييد المطلق

يعني نفهم من كلامك دا أنو أنت عايز معتصم دا يكون في الإتحاد
عشان يجىء هيثم مصطفي يهينو وربما يديهو كف زي ما قلت في بوستيك
المجاور والله فهمك شنو ؟
إعترف يا فدياس أخوي ..

Quote: صحيح سمعت كلام معتصم يا لؤى وقد برأ هيثم من التفلت اللفظي لكن سيظل سلوكه الحركى محل إدانة وهو موضوع البوست كل الود والتقدير .

يا طلحه يأخي سيبك من إعترافي وخليك في تناقضك ده

Quote: لكن ماذا قال هيثم مصطفي لمعتصم جعفر

من وين كان موضوع البوست سلوك هيثم الحركي وعنوانه زي ما شايف ( ماذا قال )

القواله بقت سلوك حركي

فدياس يا خوي
أمشي نوم احسن لك ..
خلاص فترت من الرد عليك

Quote: دياس يا خوي أمشي نوم احسن لك .. خلاص فترت من الرد عليكggrin.gif[/IMG]

ليه يأخي

خلينا ننظر شويه !!!

هي لكن يا فدياس إتا غالاط شديد.. انا خايفك بعد شوية تقول
إتا ما إسمك طلحة عبدالله ...
هسع في ذمتك دي وينو التناقض في البوست دا ؟

Quote: هسع في ذمتك دي وينو التناقض في البوست دا ؟

أوريك التناقض وين ؟؟
بدأت البوست بسؤال تجريمي لهيثم !!!! حاولت أن قياده البوست لوجهه إن هيثم تلفظ ألفاظ غير كريمه أمام المسئوليين

بعدما لؤي جاب كلام متعصم جعفر

سيب الكلام القال هيثم الهو سبب فتح البوست ومسكت في حركات يد هيثم

يعني ما لفظي حولته لحركي

وما بعيد لو جاء عبدالله حسن عيس وقال هيثم ماقاصد يجرني لمن أقع

تطلع تقول ... ليه مالبس الميداليه في رقبته !!! دي سوء سلوك

المهم عندك يا طلحه يطلع هيثم غلطان

زي مامهم عندي يطلع هيثم ما غلطان

استاذنا لؤي

مشكور جداً على الفيديو الذي يوضح تماماً أن ما قام به

البرنس ( سيدا ) انفعال عادي يحتج فيه عن ما بدر من إساءات بليغة من جمهور المريخ

في حق أسرته وتحديداً والدته ...

وقد ذكر د. معتصم أن هيثم احتج عن ما حدث دون الإساءة لأي شخص بالمقصورة

وهذا ما كان يحتاجه هيثم لوقف الهجمة الشرسة عليه ووصفه بأنه أساء التصرف

مع قادة الاتحاد العام !!!! علماً بأن نصف الإستاد أساء لوالدته !!!! مالكم كيف تحكمون ؟؟؟؟

سلامات يا عبدالله

Quote: وقد ذكر د. معتصم أن هيثم احتج عن ما حدث دون الإساءة لأي شخص بالمقصورة وهذا ما كان يحتاجه هيثم لوقف الهجمة الشرسة عليه ووصفه بأنه أساء التصرف

والله أبو عبدة معتصم جعفر بى رايو في كلامو لكن وحسب مطالعتنا
للفيديو الفوق دا شفنا انو هيثم هو الوحيد اللى رفض السلام على أي زول
كان في المقصورة بمن فيهم رئيس نادي الهلال نفسه كما انه أشاح ولوح تلويحات
واضح انها غاضبة جدا لدرجة أنو الهلالابي فدياس في البوست بتاعو قال ما فاضل ليهو
إلا يدي ليهو زول كف ، إلى جانب جرتو للميدالية من الفريق عبدالله حسن عيسي ..
بعد دا كلو معتصم يقول ما أساء التصرف ما أعتقد أنو في زول ممكن يصدقو ..
إذا قال ما أساء بالكلام فدي مبلوعة وممكن نصدقا لأنو ما سمعنا الكلام لكن
التصرف دا شوفوا ليهو مخارجة تانية غير انو شهادة معتصم جعفر ..
الود يا أبو عبدة .

Quote: استاذنا لؤي مشكور جداً على الفيديو الذي يوضح تماماً أن ما قام به البرنس ( سيدا ) انفعال عادي يحتج فيه عن ما بدر من إساءات بليغة من جمهور المريخ في حق أسرته وتحديداً والدته ... وقد ذكر د. معتصم أن هيثم احتج عن ما حدث دون الإساءة لأي شخص بالمقصورة وهذا ما كان يحتاجه هيثم لوقف الهجمة الشرسة عليه ووصفه بأنه أساء التصرف مع قادة الاتحاد العام !!!! علماً بأن نصف الإستاد أساء لوالدته !!!! مالكم كيف تحكمون ؟؟؟؟

أخـي عبد الله
سلامات

لا شكر علـى واجب
هيثـم وراجي وغيـرهـما
فـي رأيـي يتعرّضان لـحـملة مسعورة
يقف وراءها التّعصّب الأعمـى
ويـمكن للإنتـماء والـحُبّ أن يُعبَّـر عنه بشتّـى الوسائل
دون الـحاجة للتّعرُّض للمنافس والتّنكيل به والـحطّ من شأنه
ما الذي أصابنا ؟



عُذراً عزيزي أُستاذ طلحة

فدياس الغالاط

Quote: بدأت البوست بسؤال تجريمي لهيثم !!!! حاولت أن قياده البوست لوجهه إن هيثم تلفظ ألفاظ غير كريمه أمام المسئوليين بعدما لؤي جاب كلام متعصم جعفر سيب الكلام القال هيثم الهو سبب فتح البوست ومسكت في حركات يد هيثم يعني ما لفظي حولته لحركي

يا فدياس يا حبيب البوست كلو أنا فتحتو لإدانة سلوك هيثم مصطفي
تقول لى بدأته بسؤال تجريمي ..
سألت ماذا قال هيثم مصطفي ولم أحكم على قوله لانني لم أسمعه ..
لكن في نفس الفقرة اللي هي في بداية البوست قلت أنه في كل الأحوال سلوك سىء ..
أها هاك شوف بداية البوست لو ما قادر تطلع تشوفا براك وركز على ما تحت خط

Quote: شاهدت الفيديو لحظة تسليم كابتن الهلال الميدالية الفضية .. رفض السلام وأشاح ولوح بيديه وجر الميدالية من رئس نادي المريخ الفريق عبدالله حسن عيسي حتى كاد الأخير ان يسقط .. لم أسمع ماقاله .. هل شتم أم سخر ؟؟؟ وممن ؟ الإتحاد العام لكرة القدم ممثلا في جعفر ؟ أم شخص معتصم نفسه .؟ في كل الأحول سلوك سىء يستحق عليه اللاعب المحاسبة يتبع ..

غايتو يا فدياس واحد من إتنين :
يا إما اتا مقتنع وعايز تحاجج وتغالط وتكابر بس
يا إما كمان بتناقش في حاجة ما فاهما أصلا ..

Quote: يا إما كمان بتناقش في حاجة ما فاهما أصلا ..

هو شنو المافهما أصلاً

كلامك يا طلحه كان عن هيثم قال شنو ؟؟؟؟ وعندك الكلام ده في العنوان

لمن عرفت !!

قلت حركه يده سلوك غير مقبول !!

بعدين يا طلحه تفتكر سيادتك نحن منتظرين منك ولا من كل الإعلام السالب يقول كلمه إنصاف في حق البرنس

يازول هيثم ده قبلتوا ... رفضتو... دقيتو رأسكم في الحيطه

أحسن كابتن مر على السودان في العشرين سنه الأخيره

ولو عملتوا شنو ..ما راح تغيروا الحقيقه دي


إنتو حلكم بس

هيثم يقول الموسم لجاي آخر موسم لي وراح إعتزل


مودتي

فدياس الغالاط بشهادة

Quote: كلامك يا طلحه كان عن هيثم قال شنو ؟؟؟؟ وعندك الكلام ده في العنوان لمن عرفت !! قلت حركه يده سلوك غير مقبول !!

كضبا كاضب يا فدياس الغالاط
أنا قلت هيثم مصطفي أساء السلوك قبل ما أعرف هو قال شنو ؟
راجع ردي فوق فيهو إقتباس لبداية البوست .

نزولاً عند طلب أخونا أمير الجمري

بقول ليك يا طلحه تصبح على الخير

ونتقابل لو عايشين السنه الجايه



















عقب خروجكم إنشاء الله كالعاده من البطوله الأفريقيه في بداياتها

Quote: أنا طبعا ما متخيل أبدا لو أنت كنت في مكان الجماعة ديل كنت ح تعمل شنو ؟

ما كنت حا اخلي الموضوع لما يصل الي المنصة وتسليم
الكأس...وما كنت حنست لعيبة المريخ بعدم الانسحاب
...وكان ناديت الحكم قبل ما يدخل
وطلبت منه بذات مكبرات الصوت...الغاء المباراة...
بسبب اساءات الجمهور...وعدمارجاع تعريفة حمراء
من تذاكر المباراة للجمهور...واي تفلتات...
وتكسير...بطلب من شرطة الملاعب التصرف...
يندق الجمهور لما يقول بس...

ناس دافعين قروش يستمتعوا بي مباراة
يقلبوها اساءات لامهات وللاعب اخذ عقابه وبمكبرات صوت...؟؟؟

الاخ طلحه و الشباب سلام

انا صراحه ما عارف انتو مستغربين ومستهجنين الكلام الممكن يكون قالوهيثم
مصطفي او اي لاعب تاني ليه,الزول ده ممكن عادي يكون نبز الناس دي باي نوع من
الالفاظ ال######ه حتي لو نفاها معتصم جعفر لانو ببساطه ممكن يكون هلالابي
الكلام ده ما بنطبق علي هيثم براهو الكلام ده ممكن برضو يقولو اي لاعب تاني
في الهلال او المريخ او المورده او ديم سلمان او الوحده في رابطه الصحافه غرب
وممكن اي لاعب في اي رابطه او في الليق اود درجه اولي او درجه عاشره يسمع كلام
ا###### من كده من اي مشجع... المستغربين ليها شنو ماعارف مجتمع الكوره في
السودان يا ساده يا كرام مجتمع تجتمع فيه كل عناصر الانحطاط وال###### وعدم التربيه( الا من رحم ربي)
البسمع كلامكم ده بقول عمركم ما حضرتو كوره في الرابطه ولا الليق ولا الاستاد
وبتشوفوها في التلفزيون بس, ياما في لعيبه سمعو كلام في امهاتهم واخواتهم وحتي
في نفسهم وبرضو ياما في مشجعين واداريين سمعو كلام ا###### من ده من لاعبين.

سلامات يا أبو القاسم

Quote: انا صراحه ما عارف انتو مستغربين ومستهجنين الكلام الممكن يكون قالوهيثم مصطفي او اي لاعب تاني ليه,

أنا ما مستغرب لكن بدين وبستنكر سلوك هيثم أو أي لاعب خاصة الدوليين
لأنهم يفترض أن يكونوا نغمة لا نقمة.

Quote: نزولاً عند طلب أخونا أمير الجمري بقول ليك يا طلحه تصبح على الخير ونتقابل لو عايشين السنه الجايه

هاهاهاهاهاها
يا فدياس تصبح على خير من الظهر
ياخ قلنا ليكم هيثم مصطفى دا ما مديكم فرقة تدافعوا بيها عن سلوكو ..

Quote: والله أبو عبدة معتصم جعفر بى رايو في كلامو لكن وحسب مطالعتنا للفيديو الفوق دا شفنا انو هيثم هو الوحيد اللى رفض السلام على أي زول كان في المقصورة بمن فيهم رئيس نادي الهلال نفسه كما انه أشاح ولوح تلويحات واضح انها غاضبة جدا لدرجة أنو الهلالابي فدياس في البوست بتاعو قال ما فاضل ليهو إلا يدي ليهو زول كف ، إلى جانب جرتو للميدالية من الفريق عبدالله حسن عيسي .. بعد دا كلو معتصم يقول ما أساء التصرف ما أعتقد أنو في زول ممكن يصدقو .. إذا قال ما أساء بالكلام فدي مبلوعة وممكن نصدقا لأنو ما سمعنا الكلام لكن التصرف دا شوفوا ليهو مخارجة تانية غير انو شهادة معتصم جعفر .. الود يا أبو عبدة .

بأبشع الألفاظ وبمكبرات الصوت فالرد الفعل كان طبيعي جداً

وكما ذكر الأستاذ لؤي إي كان اللاعب ( هيثم ...راجي .... الخ )

يجب أن لا يتعدى الانتقاد حده ويسب لاعب بأبشع الألفاظ في نفسه وأسرته

وللأسف الشديد أن من يروج لمثل هذا السلوك صحافتنا الرياضية والتي

تعتبر رأس الفتنة ومنبع ال###### وحتى لا نظلم جميع الصحفيين الرياضيين

ونعمم عليهم الحكم فالسواد الأعظم يجرون وراء الكسب الرخيص بعيد

عن المحتوى والمضمون ولا يسلم من ذلك إلا من رحم ربي...

وخير دليل على كلامي ما ذكر بصحافة بلونيها الازرق والاحمر صبيحة المباراة

طلحه كل سنه وانت طيب

بالمناسبه اى تصرف ياتى به هيثم
مهما كان ونتيجة لردة الفعل مقبول جدا ،
لانه ليس بملاك خصوصا عندما تكون الاساءة متعلقه بوالدته الكريمه - الام يا طلحه

كده خت مكانك فى مكانو واظن لديك تجارب قريبه من هذا القبيل وفى هذا المنبر ...

اذن يا عزيزى طلحه ليست المشكله ردة فعل هيثم مصطفى ولكن المشكله الكبرى
هى التى قادت لانفلاتاته >> وصدقنى وانت تعرفنى جيدا لو كنت مكان هيثم كنت تفيت فى وجه
الوزير و معتصم جعفر ومن معه


اما بخصوص معتصم جعفر فصدقنى كما اتى سوف يذهب وذلك لسبب بسيط فالراجل حسب متابعتنا ليهو
فى السنوات الماضيه فانه يفتقد تماما لكاريزما القياده وقوة الشخصيه فى مثل هذه المواقف
> فترته سوف يقضيها مجاملات وترضيات للهلال و المريخ و السلام ...


الحل هو فى جمهورنا الرياضى الكريم ان يرجع لكل انواع الجمال و التسامح و الحب
وان لا ينساق كالامعه خلف بعض الاعلاميين والذين لاهم لهم سوى التجارة و البيع حتى
ولو على حساب الاخلاق و المبادئ ..

تخريمه
قبل كده بعضا من مريخاب المنابر واعلاميه كتبوا ان هيثم نبذ العجب
وبعدها بكم يوم وفى النيل الازرق تمت استضافة هيثم و العجب > ونفى العجب ذلك تماما مبينا
الصداقه والاخوه التى تجمعه بهيثم

والآن اعلام المريخ يتحدث عن اسائته للمنصه فى كاس السودان > لياتى معتصم جعفر ينفى ذلك
مستشهدا بالحضور بقيادة السيد الوزير

علما هيثم مصطفى فى يوم من الايام وقف ضد الوزير يوسف والروايه هنا لدامر
مطالبا بحقوق لاعبى الفريق القومى والذى كان وقتها 80 فى المئه من لاعبى المريخ

وهو نفس هيثم مصطفى الذى قال اعز اصدقائى لاعب المريخ هيثم طمبل

وهو نفسه هيثم مصطفى الذى وقف بجانب جمال الوالى متحديا جميع اعلام الهلال ومنصفا الرجل
ومقالات الرشيد على عمر تشهد بذلك > ليكون مكافاة بعض جماهير المريخ له بالاساءه لوالدته الكريمه
والتى تمثل اما لنا جميعا كهلالاب ونتشرف بذلك >>>>> اسفى


واسفى ايضا لبعض السلوك القبيح والذى اتت به بعضا من جماهير الهلال
تجاه اللاعب الموهبه راجى عبد العاطى > فالسكر هو مساله شخصيه ويجب ابعاد كل الخصوصيات فى تشجيعنا

وبشكر بعض المريخاب والهلالاب بهذا المنبر والذين ادانوا سلوك جماهير الناديين فى تلك المباراة
وياريت يواصلوا بذات النهج ليكون هذا المنبر جاذب



تحياتى يا جميل ودام الود بين الرياضيين