أبداً ما هنت يا مريخنا يوماً علينا ...

رغم الظروف رغم المحن
ظللت شاااامخاً ...
فقدت دوري الممتاز في اخر مباراة رغم مطاردة المحن لك في نفس المباراة
واصابة نجميك النفطي ونجم الدين ....
مات ايداهور اصيب كليتشي وهيثم وعبد الحميد السعودي ..
وبقيت متصدرا للدوري ووهدافه ...
اصيب النفطي ولاسانا .. وظللت بكامل قوتك وعنفوانك .. وظللنا وسنظل نردد باعلى الصوت :
مريخنا فوووووووووووووووووووووووووووووووووووووووووووووووووووووووووووووووووووووووووق
فانت الحياة وانت واهب الفرح وانت الجمال وانت البهجة وانت مدوّن الوطن بحروف من نور في
المحافل الدولية ... انك انت المريخ انت الزعيييييييييييييييييييييييييييييييييييييم ..
وسنظل نحملك في حدقات العيون ومكامن القلوب .
احبك يا مريخ واحب كل البحبك .

اخوى عوض المريخ عظيم ويظل اجمل حب فى حياتنا باقى فى دواخلنا وقلوبنا مادام فيها نبض الحياة
ومقتنعين تماما مافى انجاز عظيم يفرح كل السودان الا والمريخ هو سيده .
ومن غيرنا يعطى لهذا الشعب معنى ان يعيش وينتصر .. من

Quote: المريخ عظيم ويظل اجمل حب فى حياتنا باقى فى دواخلنا وقلوبنا مادام فيها نبض الحياة

نعم اخي الصفوة نور الدين المريخ من نعم الله علينا ونحمد الله عليها كثيييرا ويظل حبا عظيما لهذا الكيان العظيم ..

مودتي .. وحبي
ومريخنا فووووق

قوم لف لفاكـ قطر كهربائي

عفوا نزلت في بوست خطأ
قاصد بتاع معاوية عوض الكريم

عمران يا نحس
اخبارك واخبارك حمادة وامه (العاقلين).

Quote: قوم لف لفاكـ قطر كهربائي

والله كان لفاني قطر وللا لفاني ( هيثم طمبل ) ..
ياهو المريخ اسمه مكتوب في القائمة في لوحة الشرف الفي مكتب عيسى حياتو
هههههههههههههههههههههههههههههههههههههههاي كااااااااااااااااااااااااااك

المريخ عظيم و كبير و اي شي يا امير لكن النصيحة معولقنوا براكم
اولا قصة الابتلاءات و العوارض دي مكنة و شماعة مسكوكم ليها ناس ابوشيبة و مزمل في حين هم نفسهم كانوا شابكننا بمن حضر بمن حضر لمن ركبوكم القطر
ثانيا بياتو منطق تعيرو في نص الموسم هداف الدوري و تقعدو بعد داك للتوليف و البكا فلان معوق و فلان حردان
و تعيرو الباشا الكان جوكر في الدفاع و تقعدو نهاية الموسم في السعودي يرجع لا كاساروقا كعب
مشكلة المريخ يا جمري ما عوارض
مشكلة سوء ادارة للحد البعيد
و مشكلة انسجام لاعبين و فقدهم لروح الفريق لاعبي المريخ فيهم شلليات و خلافات كبيرة وحسد
ومدرب متعجرف مستعد يضحي بنصف الفريق في سبيل ارضاء ذاته
وقبل دا مشكلتكم الرئيسية في اعلامكم البدل ما ينقد و يشير لمواطن الضعف شغال تفتيش للشماعات و خلق معارك هلامية و تخدير
وحتى عندما يلتفت للنقد بطريقة مؤذية وو قاتلة لروح اللاعبين
اقرب مثال بعد هزيمة الدوري الممتاز اللاعبين تبادلوا السلام وروح طيبة سادت و جمهور المريخ خرج بسلام
تاني يوم الجرايد المريخية شعللت النيران و تحدثت عن "تصفية " لاعبي الهلال للنفطي
و ضرورة اخذ الثأر وهلم كلام فاضي
وكانت المصيبة في احدى الجرائد المريخية ما متذكرعها ياتها كتبت عنوان رئيسي " الهلال يهزم اشباه الرجال".... !!!!
تخيّل ... اشباه الرجال والله دي مؤذية اذى يفوق كل ما كتبه و سيكتبه اعلام الهلال عن لاعبيكم


طبعا كلامي عن اعلام المريخ شيلو بالنص و غير مكان المريخ الهلال دا رأيي في الجرايد الهلالية ايضا - خاصة بعد سقوط صحيفة الهلال في نفس المستنقع
عشان ما نبقى في مقارنات و يضيع البوست ساي

ههههههههههه
ودي تكرار
دي بشتنة شنو يا خوانا

قاعدين ومنتظرين نشوف الحاصل
.
.
غايتو الليله خايف عليكم
.
.
عندما انهزم الهلال والكاس طار تذكرتك
وقلت خلاص امير ماحا يسافر
لان تحققت احلامه
هههههههه
انتو عالم حاقده كيف

Quote: يا زول ابعد من الطلاقات و الحلايف في التيوة بتلحق ابقوتة اسي

ود البشرى .. (حرّم) المريخ ما هان ولا حا يهون يوماً علينا .. اها شنو ليك !!

هههههههههههههههه

Quote: ود البشرى .. (حرّم) المريخ ما هان ولا حا يهون يوماً علينا .. اها شنو ليك !!

يا جمري مداخلتي ديك نزلت غلط لكن شكلها مناسبة هنا برضك

ولي يا حبيب كل سنة وانت طيب

Quote: قاعدين ومنتظرين نشوف الحاصل . . غايتو الليله خايف عليكم

.
ما تخاف يا حبيب .. من يضحك اخيراً .. وكاس السودان ده لعبتنا بقى ..
رغم موت ايداهور اب شبحة .. لكن الكأس لنا باذن الله .

Quote: عندما انهزم الهلال والكاس طار تذكرتك وقلت خلاص امير ماحا يسافر لان تحققت احلامه هههههههه

تعرف يا وليد في بوست : املنا في الصفاقسي سالني اخونا وحبيبنا بابكر التوم عن اذا خيرت بفوز الصفاقسي على الهلال ام فوز المريخ على الهلال ؟
قلت ليهو : بختار فوز الصفاقسي .. لانه فوز الهلال على المريخ والعكس دي حاجة عادية وممكن الهلال يغلبنا ويشيل الدوري ونجي نغلبو ونشيل كاس السودان .. وألان تحقق ثلثي التوقع وثلث الأماني وتبقى ثلث الاماني والتوقعات .. وان شاء الله الكاس للزعيم رغم الظروف !!

Quote: يا جمري مداخلتي ديك نزلت غلط لكن شكلها مناسبة هنا برضك

هههههههههههههههههههههههها ... تعرف يا ود البشرى انا رجعت لي فوق قلت يا ربي انا طلذقت فوق وللا شنو لمن ما لقيتني طلقت قلت كان كدي ود البشرى دا متحسّب عشان كدي ما نخيب ظنو ...

على العموم تسرني جدا مداخلاتك .. وكل سنة وانت طيب وكل افراد اسرتك منك ولغاية يمنى .

يا وليد كل سنة وانت بالف خير
تعرف وااارغو دا المريخ غلط غلطة عمرو باعارتو ...
ياخي دا لاعب فنااان جدا ومافي زيو في السودان ...
وفي افريقيا امثاله قليييييل جدا ..
بس الله يجازي الكان السبب .... وان شاء الله يا رب يرضى ويرجع تاني للزعيم .

Quote: المريخ عظيم و كبير و اي شي يا امير لكن النصيحة معولقنوا براكم اولا قصة الابتلاءات و العوارض دي مكنة و شماعة مسكوكم ليها ناس ابوشيبة و مزمل

المريخ عظيم والهلال عظيم وهما صنوان ووجهان لعملة واحدة لا تكتمل قمتها الا بهما معا لكن بالجد والكل يعلم ان المريخ مر بظروف عصيبة يا ود البشرى لا تحتاج لمزمل ولا مامون لتوضيحها لاي احد .

Quote: في حين هم نفسهم كانوا شابكننا بمن حضر بمن حضر لمن ركبوكم القطر

المريخ بمن حضر يا ود البشرى لكل فرق الممتاز عدا الهلال او بما فيها الهلال لان مريخ هلال لا تخضع لمقاييس ..

Quote: ثانيا بياتو منطق تعيرو في نص الموسم هداف الدوري و تقعدو بعد داك للتوليف و البكا فلان معوق و فلان حردان

دي اكبر غلطة في تاريخ المريخ العظيم ويجب ان يحاسب كل من كان له مساهمة في اكمال هذه (الصفقة الملعونة) .

Quote: و مشكلة انسجام لاعبين و فقدهم لروح الفريق لاعبي المريخ فيهم شلليات و خلافات كبيرة وحسد ومدرب متعجرف مستعد يضحي بنصف الفريق في سبيل ارضاء ذاته

ديل مشكلتين كبيرتين جداً .. الشلليات ومزاجية المدرب ولابد من حل جذري .. وعلى فكرة يا ود البشرى الهلال غير متعافي من المشكلتين ودي ثقافة بلد باكمله عشان كده الحلول مفروض تكون جذرية من اجل البلد عشان نعمل حاجة لي قدام ترفع اسم البلد .. لانو صدقني جوة البلد القصة ما محتاجة شغل كتير والمريخ بكل ظروفه الحصلت والاتكلمنا عنها وهو يواصل حصد نقاط الممتاز متساويا مع الهلال الكان في احسن ظروفه وتساويا حتى اخر مباراة ... اذاً الحلول للخارجي ..

Quote: تاني يوم الجرايد المريخية شعللت النيران و تحدثت عن "تصفية " لاعبي الهلال للنفطي و ضرورة اخذ الثأر وهلم كلام فاضي

ود البشرى انا قرأت مقال للرشيد علي عمر يهدد ويتوعد ويشتم في النفطي وفي المريخ بصورة ابدا ما جميلة ... واظنها تعني ما قالته الصحف المريخية الذكرتها .

Quote: وكانت المصيبة في احدى الجرائد المريخية ما متذكرعها ياتها كتبت عنوان رئيسي " الهلال يهزم اشباه الرجال".... !!!! تخيّل ... اشباه الرجال والله دي مؤذية اذى يفوق كل ما كتبه و سيكتبه اعلام الهلال عن لاعبيكم

دا امر غير مقبول اطلاقا .. وانا باعتبره سقوط وتفريغ لحالة غضب مشجّع واكرر (مشجع) لانه ليس من المهنية بما كان ان تكتب للقراء بهذا الشكل .

Quote: طبعا كلامي عن اعلام المريخ شيلو بالنص و غير مكان المريخ الهلال دا رأيي في الجرايد الهلالية ايضا - خاصة بعد سقوط صحيفة الهلال في نفس المستنقع عشان ما نبقى في مقارنات و يضيع البوست ساي

قريت البوست بتاعك عن راي صحيفة الهلال وحييتك عن بعد حتى لا يقال اننا نصب الزيت على النار .


تسلم يا ود البشرى ..

Quote: وسنظل نحملك في حدقات العيون ومكامن القلوب . احبك يا مريخ واحب كل البحبك

صفوة الصفوة امير .. سلام

سوف نظل نحب المريخ الى الابد واحبك يا مريخ



مودتى ..

أخى العزيز أمير الجمرى الزول الخلوق...لك التحية والتقدير...

رغم بدايات نشأتى لقرب إستاد المريخ الذى إذا أطفأ كشافاته نتأثر بها..لم يقودنى ذلك لتشجيع المريخ..كنا عندما نتمرن فى إستاده ايام الدورة المدرسية أحس بوحشة المكان.. وسبحان الله كان ينتابنى إحساس غريب وجميل وحب وانا فى إستاد الهلال...والقلب وما يهوى..

Quote: ما تخاف يا حبيب .. من يضحك اخيراً .. وكاس السودان ده لعبتنا بقى .. رغم موت ايداهور اب شبحة .. لكن الكأس لنا باذن الله .

من جوه قلبى اليوم أتمنى ليكم الفوز..تسألنى لماذا ؟أقول لك:

حتى لايهن المريخ ويسهل الهوان عليه..ولكى تكون روح المنافسة بين الفريقين موجودة....

لا طعم لفرح الهلال بدون مريخ والعكس...

من نناكف؟

كل هذا التاريخ ومن قبل نشأتنا هلال مريخ..فالهلال عليه اليوم أن يهدى الفوز للمريخ..وإللا الشغلة بتكون بايخة بعد كده..

تقديرى وأحترامى يازول يا نبيل.

اخبار الغد

مشاطيب المريخ يعادلون عدد ركاب عربة هايس


ازيك يا برنس

اتيمنت مشتاقين

حبيب الكل .. صفوة وهلالاب .. اسماعيل عباس
تحياتي يا سيد الناس وكل سنة وانت طيب .

Quote: رغم بدايات نشأتى لقرب إستاد المريخ الذى إذا أطفأ كشافاته نتأثر بها..لم يقودنى ذلك لتشجيع المريخ..كنا عندما نتمرن فى إستاده ايام الدورة المدرسية أحس بوحشة المكان.. وسبحان الله كان ينتابنى إحساس غريب وجميل وحب وانا فى إستاد الهلال...والقلب وما يهوى..

المشكلة دا كان ايام الجهل والمشكلة الاكبر انك قمت بي جهلك عاااد (ههههههههههها) رغم معرفتي التااامة بنبوغك وامتيازك في كلللل حاجة الا دي ما عارفة جليت فيها مالك .

برجع اكمل معاك .... انشغلت

يا امير الجمري يا امير

امير الجمري لو تسمح ظروفك ياامير
كل كل كورنر كل هدف من سيدا مشتاق اشوفك


والله بزعل شديد لمن اشوف زول بعرفو ينهار عند الهزيمة
وانا عشان بعزك حاول تتقرب للموج الازرق عشان يمكن نقبلك
معانا في تسجيلات مشجعي الموج الزرق السنة الجاية
ودي بواسطة من صديقك الارزق الوهاج عبدالغفار محمد سعيد

حبيبنا اسماعيل .. عودة من جديد

Quote: من جوه قلبى اليوم أتمنى ليكم الفوز..تسألنى لماذا ؟أقول لك: حتى لايهن المريخ ويسهل الهوان عليه..ولكى تكون روح المنافسة بين الفريقين موجودة....

والله طبعا دا احساس نبيل جدا من زول جميل جدا لكن يا سمعة بعدين وقت الزنقات والعصرات بتزوغ من الكلام دا .. ياخي المريخ غلب الهلال 8 متواليات في الستينات والهلال ما جاتو عوجة ونحن لغاية اسي قابضنكم بيها .. غايتو ديل اسي تلاتة وراء بعض وكانت جات الرابعة (لاقدر الله) برررررضو بنحبك يا مريخ وبنحبك يا اسماعيل .

خلي الغالي

Quote: اخبار الغد مشاطيب المريخ يعادلون عدد ركاب عربة هايس

والله يا خليل المريخ محتاج تجديد دماء ... المشكلة المريخ حا يفوز اليوم ونروح نايمين في العسل .

Quote: ازيك يا برنس اتيمنت مشتاقين

جزم بالاكتر .

زمرا كل سنة وانت طيب .

Quote: وانا عشان بعزك حاول تتقرب للموج الازرق عشان يمكن نقبلك

لا حولاااااااااااا يا زمراوي ياخ .. ولو ما بتعزني كنت تعمل شنو !!! تديني طلقة في راسي!! هههههههههها

Quote: ودي بواسطة من صديقك الارزق الوهاج عبدالغفار محمد سعيد

ياخي عبد الغفار دا ما صديقي .. دا احبّ اخواني .... واكيد ما بيرمي بي للتهلكة ... وحا نجيبك انت وهو بواسطة عبد الرؤوف .هههها


كل المودة يا حبيب

يمين ماعندي نفس اشوف الكورة

لكن....

كلامك ده اعادني الي جادة الصواب

يابخت المريخ بيك

Quote: رغم الظروف رغم المحن ظللت شاااامخاً ... فقدت دوري الممتاز في اخر مباراة رغم مطاردة المحن لك في نفس المباراة واصابة نجميك النفطي ونجم الدين .... مات ايداهور اصيب كليتشي وهيثم وعبد الحميد السعودي .. وبقيت متصدرا للدوري ووهدافه ... اصيب النفطي ولاسانا .. وظللت بكامل قوتك وعنفوانك .. وظللنا وسنظل نردد باعلى الصوت : مريخنا فوووووووووووووووووووووووووووووووووووووووووووووووووووووووووووووووووووووووووق فانت الحياة وانت واهب الفرح وانت الجمال وانت البهجة وانت مدوّن الوطن بحروف من نور في المحافل الدولية ... انك انت المريخ انت الزعيييييييييييييييييييييييييييييييييييييم .. وسنظل نحملك في حدقات العيون ومكامن القلوب . احبك يا مريخ واحب كل البحبك .

واحبك انت زاااااااااااااااااااااتك

الحبيب هارون .. اشواق شديدة ووحشة ياخي

Quote: لكن.... كلامك ده اعادني الي جادة الصواب يابخت المريخ بيك

المريخ عشق ابدي يا هارون ذاده انت وامثالك ممن يصنعون الحب وينثرونه ويطوقون به الالباب قبل القلوب

Quote: واحبك انت زاااااااااااااااااااااتك

المريخ حديقة غنّاااء يا صفوة من دخلها حبّ واتحبّ وبس .

Quote: المريخ حديقة غنّاااء يا صفوة من دخلها حبّ واتحبّ وبس .

العزيز الغالى ...ما كل داخل الحديقة بتحب....إنتوا غنوا جوه حديقتكم دى ونحن نشيل نفوز....كلامى اكيد حول فوز المريخ اليوم مافى أى زوغة ياجميل...

والله ماخايلة فيكم المريخية إنت وعمر عثمان وهارون دياب....

لكن ده قدر الله وما عندنا غير أن نؤمن بالقدر خيره وشره..

لك التحية..

مبروك يا زعيم
هنيئاً لنا بك فريقا مفرح
احبك يا مريخ واحب كل البحبك...




سمعة شكرا على شعورك الحميم ...


المريخ حلو المريخ جميل .. بس ناقصك انت وخليل ....

ود الجمري المريخي الاصيل

الف مبروك النصر وعودة كاسنا المحبب لقلعتنا الحمراء



والله والله مريخنا عظيم لكن ادارتنا هزيله وجلبت لينا الذل والمهانه


قسما يا ودالجمري الغضب خلانا ما نذوق حلاوة النصر

مبروك كتيرا للابن راجي الفش غبينتو وفش لي غبينتي معاهو

الصفوة فرحات
سلامات وكل سنة وانت طيب

Quote: والله والله مريخنا عظيم لكن ادارتنا هزيله وجلبت لينا الذل والمهانه

ابدا والله يا فرحات لا يوجد مريخي هزيل والكل يعمل من اجل هذا الكيان العظيم لكن نقول التوفيق من عند الله .

Quote: قسما يا ودالجمري الغضب خلانا ما نذوق حلاوة النصر مبروك كتيرا للابن راجي الفش غبينتو وفش لي غبينتي معاهو

القادم احلى ان شاء الله يا فرحات ... وراجي سيكون له شأن كبير في عالم المستديرة ونتمنى له التوفيق .

بعودة كليتشي اليوم وتزيين كشف الزعيم بالثلاثي عاصم عابدين
وحسن جزيرة ومحمد المقدم نكون قد وضعنا اقدامنا في بداية تحقيق المراد
في الموسم الجديد واتمنى ان تتم عملية الاحلال والابدال برؤية فنية دقيقة





وربنا يبعد عننا العوارض وان شاء الله سنرى المارد الأحمر كما عهدناه ...



مريخنا فووووووووووووووووووووووووووووووووووووق

احبك يا مريييييييييييييخ واحب كللللل البحبك .