احتفالات الرابطة السودانية بسويسرا بعيد الاضحي..صور وفيديوهات

رئيس الرابطة عماد شمت في استقبال الضيوف

وصول افراد الرابطة وابناء الوطن

الاكل يحمل الي قاعة الطعام

جانب من الحاضرين بمدينة زيورخ
توافدو من كل كنتونات سويسرا
وضاقت بهم القاعة الواسعة

الجميع تناولو وجبة دسمة,,,,,,

الفنان ياسر وردي القادم من هولندة
اطرب الحاضرين,,,,,,,,,,,

يوم جميل كجمال القائمين على امره , ورغم ان الحفل أقيم يوم أحد والذى يليه يوم عمل
ومدارس الا أن أبناء السودان بكل ألوان طيفهم توافدوا من كل حدب وصوب , يحدوهم امل عظيم
فى يوم سعيد يجترون فيه ذكريات العيد فى وطن قد ادمته الحروب والشقاق , التحية وعالى
التقدير لكل الفضليات والافاضل الذين اخجلونا بحسن استقبالهم وافاضوا علينا من كرمهم
الاصيل , كيف لا والامر تحت قيادة واشراف الفارسة منى ميرغنى طه ودكتورة شادية زاهر وفى
معيتهم جمال الشيل عماد شمت والجعلى القح عبدالحليم سلمان وفى المطبخ نادر ورانى وخالد
صالح وآخرين , والشكر موصول للأخت الكريمة عفراء البرير التى تكفلت بهدايا الاحتفال للكبار
والصغار , والهدايا ليست عادية وانما ثياب سويسرية فاخرة , الشكر موصول لكل بناتنا السمحات اللواتى أبدعن فى اعداد الطعام والحلويات والشكر وعالى التقدير للفنان الراقى ياسر وردى الذى اطربنا واشجانا وقد رقص الجميع شيبا وشبابا على صوته الباذخ بالتطريب , شكرا للرابطة السودانية بسويسرا فقد كنتم عند حسن ظننا بل اكثر , ونسأل الله أن يوفقكم ويسدد خطاكم فى ربط أبناء السودان
بعاداتهم السمحة .

center>



شخصى السمين , الصديق العزيز يوسف دينق , الصديق عبدالحكيم نصر عضو المنبر , كلما تحدثت للعزيز
يوسف دينق أشعر باسى عميق يعتريه لحال البلد الذى فى طريقه للاندثار , وكلما تحدثنا كان الهم الوطنى
هو المقدم على همومنا الاخرى , يوسف دينق يصنع الضحكة فى احلك الظروف , حدثنا عند الاحتفال بحفيد رأفت
ميلاد قبل شهر تقريبا قائلا أسع اذا حصل الانفصال انا اعمل شنو فى البيت البنيتو فى أم درمان , وقبل ان يجيبه أحدنا استدرك قائلا : بيتى جنب بيت على تميم فرتاك و لو شالو بيت على تميم خليهم يشيلو بيتى كمان.

شدة جمال اليوم وروعته خلاك ماتفرز 9 من 10 ..انا الرئيس السابق

والآن نائب للسكرتير الدكتورة شاديه زاهر

والرئيس الحالي هي الاستاذة مني مرغني

ونائبها الاستاذ عبدالحميد زكريا

والسكرتير المالي الاستاذ عبدالحليم سلمان

والسكرتير الثقافي الدكتور علي جبريل




واصل

الاطفال في انتظار الهدايا

فاتنى ذكر أسماء الأفاضل , عبدالحميد زكريا , عمر داؤود , يوسف محمد خير , عبدالله , الطيب العربى
هؤلاء الرجال من الذين أبلوا بلاءا حسنا فى انجاح ذلك اليوم التاريخى , الذى تجمع فيه معظم أبناء السودان المقيمون بسويسرا , وقد هنينا بعضنا البعض بمناسبة العيد السعيد , اعاده الله على الجميع بالخير واليمن والبركات , والتقينا بكثير من الاعزاء الذين باعدت بيننا وبينهم المسافات وظروف الحياة , اكرر عظيم شكرى واكيد تقديرى للاخوة فى الرابطة السودانية بسويسرا الذين يسروا لنا ذلك التلاقى الحميم , واسال الله أن يسدد خطاهم ويوفقهم فى كل ما من شأنه أن يقوى علاقاتنا الاجتماعية أكثر فأكثر .

Quote: الفنان ياسر وردي القادم من هولندة اطرب الحاضرين,,,,,,,,,,,

الاخ عبدالخالق لك التحايا ولكل افراد جاليتكم بسويسرا وكل سنه وانتم طيبين
الفنان ياسر وردي اطربنا واشجي كل الحاضرين ايضا في احتفالات جالية انتويرب
ببلجيكا قبلكم وبعد انتهاء حفلنا توجه مباشرا اليكم بصحبة العازف الماهر معتز بشيشي
فله التحيه ايضا فقد اطربونا فلهم التحيه مجددا

شكرا حبيبنا فيصل شكرا لكل الحضور الجميل

الي ان اعود دمتم في رعاية الله وحفظه

up

يا عماد وين باقى الصور , شايف فى كاميرات كثيرة كانت حايمة , رسل الصور لأمن الله
لأنوشايف عبدالحكيم مسجل غياب , يبدو ان العيون ما زالت ملتهبة امنياتنا بالشفاء العاجل , الشكر الجزيل للعزيز أمن الله على المجهود المقدر .

سلام عبدالخالق و كل زوار البوست وكل سنه وأنتم طيبين
والله الحفل كان جميل و ظريف
نرجو أن تجدوا باقي الصور العند عبد الحميد
يا أخوانا الطيب العربي جنا ألحقوا ودوه المستشفى قبل ما يبدأ تفلق
تحياتي
يوسف

Quote: نرجو أن تجدوا باقي الصور العند عبد الحميد يا أخوانا الطيب العربي جنا ألحقوا ودوه المستشفى قبل ما يبدأ تفلق

تعرف يا دكتور يوسف زى الطيب العربى ده علاج مستشفيات ما بنفع معاهو , ما شفتو
شايل ليهو صوت عنج فى الحفلة , الزول ده تسفروه كدباس , أو تودوهو لى اهلو ناس
الدبيبة بلقو ليهو صرفة , سلامات يا أبو الطيب كلام دكتور يوسف ده اشاعة ولا جد .
يا عبدالحميد اتحرك معانا شوية وساعدنا بالصور .

دكتور يوسف وسعادته فيصل والعمدة شكرا علي التشريف
الصور لسع في الطريق,,,,,,,,,,,,

شكرا حبيبنا امن الله , كويس انك جبت لينا صور الطيب العربى , الطيب العربى من أهم الشخصيات
الموجودة فى هذه البلاد , يعطى احتفالاتنا ومناسباتنا طعم خاص , يساهم فى طهى الطعام والمساعدة
فى كل امر يطلب منه , هذا بالاضافة للعرضة الما خمج , لكن يوم واحد ما ملص جلابيتو وقال حرم
تجلدونى عشان يثبت لينا جعليتو القادينا بيها دى , يوم شكرك ما يجى يا ابو الطيب .

شكرا ياامن الله علي الصور ماقصرت تب

يااخي الطيب ودالقبائل ده فاكهة زيورخ ..

يافيصل يااخوي الناس شردت من ضرب السوط اه احكي ليك ..

شافو محمدزروق قال افو !!قلت ليهو بلا افو بلا بتاع معاك ..انت مش قلت جعلي !!!

تعال نازل لينا الطيب ده ...وحاتك تاني ماشفتو لي نهاية الحفلة ...

عبدالخالق امنة الله رجل الحوبة والله وقف معانا لحدي نهاية الحفل وشارك في كل

الاتجاهات من اكل ورص كراسي لحدي النظافة ووثق لينا الحفل بالصور وانشاء الله

نحن بدورنا سنضعها في الويب سايت بتاع الرابطة

لحدي مااجي راجع سلام من الله

سلام عبدالخالق و عماد و فيصل
كل سنه و انتو طيبين - ده اسمو الكعك البعد العيد -
النيه لحضور الحفل كانت في و مرتب كل شئ لكن العوارض و المحن ... يا فيصل ما تشوف لينا فكى من النوع اياهو .... اخوك ساجورو ده ما طبيعى
عماد ... ياخى الزره الفاتت دى ما حصلت ... قربت الحق "ساتى"
نتلفن في الايام الجايه يا شباب ... لو ما نزلت كارثه جديده

تحت تحت : الصور تبغر .... شكلها كانت حفله قاجه و عضه نضيفه

Quote: سلام عبدالخالق و عماد و فيصل كل سنه و انتو طيبين - ده اسمو الكعك البعد العيد - النيه لحضور الحفل كانت في و مرتب كل شئ لكن العوارض و المحن ... يا فيصل ما تشوف لينا فكى من النوع اياهو .... اخوك ساجورو ده ما طبيعى عماد ... ياخى الزره الفاتت دى ما حصلت ... قربت الحق "ساتى" نتلفن في الايام الجايه يا شباب ... لو ما نزلت كارثه جديده تحت تحت : الصور تبغر .... شكلها كانت حفله قاجه و عضه نضيفه

أووووو صاحبنا الرافع القزاز وعامل ما شايفنا ذاتو , ياخ من اقوى دوافعنا
لحضور ذلك اليوم هى مقابلتك والعزيز طارق , نسوى شنو ما لينا فى الطيب نصيب
ما الطيب العربى , تعرف يا عصام كلما أقول انا منحوس بذكرك وأقوم أطمئن , مالك
عاوز تودر على الطمأنينة الانا فيها دى , عماد عويس قلع يدو منى وفات , خليك معاى
شوية ولوك الصبر .

Quote: شافو محمدزروق قال افو !!قلت ليهو بلا افو بلا بتاع معاك ..انت مش قلت جعلي !!! تعال نازل لينا الطيب ده ...وحاتك تاني ماشفتو لي نهاية الحفلة ...

يا عمدة ياخ الطيب شايل صوت وخنجر , يعنى لو الجلد سخن معاهو بطلع الخنجر
محمد زروق عندو وليدات عايز يربيهم كويس انو اتخارج , وين الزول اللخدر
عبدالحليم سلمان دحين الزول ده مو من نواحى شندى .