Post: #3 Title: Re: خش إنت .. لا خش إنت .. يمين تخش .. لا حرّم ... Author: محمد البشرى الخضر Date: 11-22-2010, 08:30 AM Parent: #2
هلا ياخلّي شوف التعليقات المجنونة دي
Quote: الشغيل: شايفين الزول دا بيعمل في شنو..اتعلم ياتونسي الحاله جايبنك بالطيارة وشكلوا كدا حنبيعك بالخسارة
سفاري: كدي خلينا هسا...أنا حسب خبرتي دي قووون قوووون مافيها أتنين تلالاتة لكن حيجبوها كيف
المرابط:أنتو الزل دا كان بيركب عجلة طوالي ...دي مابدلات نصاح
المرابط بينو وبين نفسو: أنا بعد القوون دا حعمل فيها أتعوقت زي صحبي ونمشي تونس نعمل أشعة
الحكم: أنا حقوا أرجع النص طوالي ...القون ظاهر
كاريكا: أنتو جاين تتونسوا هنا ...تعالوا شيلوا الكورة دي
Quote: الشغيل : يا جماعه انا ما كل سخينه مابقدر على الفرفار ده ... ادخل عليهو يا سفاري
سفاري : يا جماعه انا وقفو راتبي ولي فتره ما اكلت وعلى قدر القروش العندي جبت بيها ساطور .. ابقى داخل يا مرابط
المرابط : يا جماعه انا عندي غضروف وانزلاق في الركب وصعلتي جرت الزول ده ببشتني ساكت.. الحقنا يا ابو شنب
ابوشنب : الحقكم كيف اكتر من كده انا لو فيني لياغه اجري وراهو كنت اكون حسي قاعد قدام مع طمبل ... يا كاريكا روق شويه
كاريكا : والله يا ابو شنب عشانك بس حالعب الكوره لي ب.. ب.. ب.. كملو يا طيشاب
هههههههههههههه من نفس المصدر السابق
Post: #4 Title: Re: خش إنت .. لا خش إنت .. يمين تخش .. لا حرّم ... Author: فدياس نجم الدين Date: 11-22-2010, 08:41 AM Parent: #3
ودالبشرى
كل سنه وإنت طيب
Post: #5 Title: Re: خش إنت .. لا خش إنت .. يمين تخش .. لا حرّم ... Author: محمد يوسف الزين Date: 11-22-2010, 08:46 AM Parent: #4
Quote: ودالبشرى
كل سنه وإنت طيب
ريحك بالصورة بتاعتو؟
Post: #7 Title: Re: خش إنت .. لا خش إنت .. يمين تخش .. لا حرّم ... Author: فدياس نجم الدين Date: 11-22-2010, 09:01 AM Parent: #5
محمد يوسف الزين كل سنه وإنت طيب
تصدق الكوره دي كانت فيها حاجات أحلى من الفوز على وصيفنا الدائم
شوف الصوره دي !!!
وشوف لقطه هيثم مصطفى وهو بيهرش في هيثم طمبل
ولقطه هيثم حفظه الله وسدد خطاه وهو يهدي راجي لجاده الطريق القويم
ولقطه المعز وهو يحتفل بالكأس ويمشي مشيه قاطعها من رأسه
ولقطه سادومبا وهو يطلق النار على لاعبي الهلال وهم يتساقطون أرضاً
ولقطه كاريكا والمعز وعمر بخيت وهو يجلسون على الكراسي والرجل فوق الرجل ( قاعدين فوق عديلهم )
والحاجات دي بالذات جعلتني أتسأل هل خطط لاعبوا الهلال لهكذا إحتفالات
أم إنها جاءت وليده الصدفه
غلب المريه يا محمد لم يعد غايه بالنسبه لنا وبصراحه شديده
لم نشعر بفرحه حقيقيه لهذا الفوز لأن المنافس كان أقل مننا في كل شئ
نحتاج لرجوع المريخ قوياً... حتى نستمتع بالفوز عليه
المريخ قبل لقاءنا فاز على الخرطوم بهدف في الوقت بدل الضائع وكانت الخرطوم الأقرب للفوز
وفاز على المورده في الوقت الضائع بعد أن كان مهزوماً
فريق بهذا التواضع لا يستحق أن نفرح كثيراً لهزيمته
بل علينا العمل على توقيته حتى لا يختل ميزان المنافس أكثر مما هو عليه
ومعليش للبريه الطويله دي
Post: #6 Title: Re: خش إنت .. لا خش إنت .. يمين تخش .. لا حرّم ... Author: عمران حسن صالح Date: 11-22-2010, 08:49 AM Parent: #4
أردم ود القاضي ده ما يفرفر أصلو
Post: #8 Title: Re: خش إنت .. لا خش إنت .. يمين تخش .. لا حرّم ... Author: محمد البشرى الخضر Date: 11-22-2010, 09:01 AM Parent: #6
وانت طيب يافدياس ينعاد عليك بالخير و السعادة إن شاء الله
هلا عابد
هلا عمران
شنو يا خوانا ما عندكم تعليقات ولاّ كيف؟
Post: #9 Title: Re: خش إنت .. لا خش إنت .. يمين تخش .. لا حرّم ... Author: محمد يوسف الزين Date: 11-22-2010, 09:16 AM Parent: #8
أجزم بأن كل اطالة لسان تعب فيها الوصيفاب طوال موسمهم الخاوي على عروشه قد بـُلعت وزمطوها مع قعدة المعز في الكرسي مباشرةً
لماذا أحس أن الجمهور الأزرق أكثر ذكاءاً وتميزاً حتى في الطعمية!
مثلاً أعظم كتاب المريخ وعرابهم الأول لا يتمتع بروح الدعابة والمرح في الكتابة فتجده دائماً حانقاً غاضباً إن انتقد تحدث بلغة قناة الجزيرة وإن تجميل فريقه فكأنه كوز يمسك بالمايك وأمامه الرئيس! محمد عبدالماجد عبداللطيف أحمد فدياس نجم الدين وهكذا...
_______________ ود البشرى حتجدع البوست ولا نشارك؟ عندك حركة جديدة كدا ما حلوة بتاعت جدعة البوستات ارقد عافية فقد ارحتنا كذلك
Post: #10 Title: Re: خش إنت .. لا خش إنت .. يمين تخش .. لا حرّم ... Author: فدياس نجم الدين Date: 11-22-2010, 09:22 AM Parent: #9
Quote: محمد عبدالماجد عبداللطيف أحمد فدياس نجم الدين وهكذا...
قال ليك لمن رأسي دق في السقف زاتو !!!
نرجع لموضوعنا
سفاري : ياشباب ثبتوا الزول ده لمن أصل العربيه أجيب الساطور هو قايلها فوضي ولا فوضي
أنا لحدي هسه ريقي ناشف من حركه أمبيلي في واحد من كور الهلال الكرهتنا الكوره دي !!
Post: #11 Title: Re: خش إنت .. لا خش إنت .. يمين تخش .. لا حرّم ... Author: مرتضى احمد عبد القادر Date: 11-22-2010, 09:26 AM Parent: #9
سفاري للمرابط: خش انت انا ساطوري في العربيه
Post: #12 Title: Re: خش إنت .. لا خش إنت .. يمين تخش .. لا حرّم ... Author: نصر الدين عثمان Date: 11-22-2010, 09:28 AM Parent: #8
ود البشري .. تحياتي وكل عام وأنت بخير
هاك دي كمان:
Post: #13 Title: Re: خش إنت .. لا خش إنت .. يمين تخش .. لا حرّم ... Author: محمد سنى دفع الله Date: 11-22-2010, 09:33 AM Parent: #12
اها في النهاية الخشا منو؟؟؟ حرم دي منو القالها فيهم ؟؟!!
Post: #14 Title: Re: خش إنت .. لا خش إنت .. يمين تخش .. لا حرّم ... Author: محمد البشرى الخضر Date: 11-22-2010, 09:45 AM Parent: #13
عابد لكن الطعمية ما عند
Quote: عندك حركة جديدة كدا ما حلوة بتاعت جدعة البوستات ارقد عافية فقد ارحتنا كذلك
هههههههههههههههه ياخوي البوست حدو التلاتاء يا انجدع براو تلقائيا يا فتحنا واحد تاني بلقطات التلاتاء كمان لحينها اخد راحتك
مرحب بالجميع مورتا و نصر و السني
Quote: اها في النهاية الخشا منو؟؟؟
قعدوا يتعازموا كدا لغاية ما جا بشة
Post: #15 Title: Re: خش إنت .. لا خش إنت .. يمين تخش .. لا حرّم ... Author: عمران حسن صالح Date: 11-22-2010, 10:11 AM Parent: #14
يا هندسة التعليقات الحايمة كلها الناس لمَته
Post: #16 Title: Re: خش إنت .. لا خش إنت .. يمين تخش .. لا حرّم ... Author: محمد يوسف الزين Date: 11-22-2010, 10:25 AM Parent: #15
حلوة يا عمران
Post: #17 Title: Re: خش إنت .. لا خش إنت .. يمين تخش .. لا حرّم ... Author: فدياس نجم الدين Date: 11-22-2010, 12:20 PM Parent: #16
