Post: #1 Title: أحوال الفارات !! Author: عمران حسن صالح Date: 11-21-2010, 11:17 AM
رسائل الـ SMS أحدث وسائل اختصار الاجتماعيات ، جبرتنا عليها ظروف الغربة ، قلة الإجازات وبعد المسافات ، العيدين هم أقصى حدود الاجتماعيات هنا ، لا مناسبات أخرى خلاف ذلكـ . أحياناً كثيرة تكون رسائل مناسبة العيد UPDATE فقط لقائمة الأسماء لديكـ ، أحد الفلسطينيين كانت رسالته لي في العيد : كل عام وانت بخير اللهم أحفظ والدنا ملك الإنسانية " بخل حتى بالشولة داخل عبارته السمجة " محبكم د. فلان الفولاني لم أملكـ إلا أن أبتسم وأردد دون إرادتي وبلهجة سودانية صرفة : أمشي يا فاره !! الجنني شنو؟ الكلمة دي انتهت مع نهاية عهد السياسة ، الخلاني أردده شنو في حضرة رسالة الوهم الفلسطيني ده ؟؟ رغم اني ما زلت مُصر عليها . . . . . يتبع
Post: #2 Title: Re: أحوال الفارات !! Author: عمران حسن صالح Date: 11-21-2010, 11:19 AM Parent: #1
() التعبير عاصمي ، وقد يكون ديامي يتناقله عوام " الحلَة " وبني طالب المدارس والجامعات وبعض أزقة المدينة " قد لا يكون لأزقة المدينة هنا كبير اهتمام فالمقام مقام ونسة بريئة " فلان ده فاره، ده يمكن يكون رد تلقائي عند سرد قصة مــا ، عنه
. . . . يتبع
Post: #3 Title: Re: أحوال الفارات !! Author: عمران حسن صالح Date: 11-21-2010, 11:27 AM Parent: #2
() يا فارات بجيكم يوم ! قوم يا فاره! قوم لف يا فاره! عبارات اتكررت هنا كتير " نادية بابكر استخدمت لغة الشماسة في عنبر المجنونات ، كررت معظمها إلا هذه العبارة " العبارة استخدامها ذكوري فقط ، ولا تقال إلا للذكر برضو لا توجد إلا في بلادنا العجيبة في كل شي . أحياناً كثيرة تلخص الرأي في أحدهم ، رغم انها لا تمثل إساءة ، قد يتم استخدامها بين الأصحاب أكثر ، يعني ما ممكن تلقى ليكـ اتنين متشاكلين يقوم واحد يقول للتاني أمشي يا فاره عليه أرددها اليوم لحالة معينة ، وأشخاص معينين ، يعني مثلاً : محمد عمر الفكي ، الجمري ، صلاح شات ، أساسي ، ود القاضي ومن خارج الحوش هشام أحمد خيرالله بالرياض وخالد ليمونة بأمدرمان أحوالكم شنو يا فارات ؟ . . .
كاااااااااااااااااااااااااااكـ
Post: #4 Title: Re: أحوال الفارات !! Author: عمران حسن صالح Date: 11-21-2010, 11:30 AM Parent: #3
Post: #5 Title: Re: أحوال الفارات !! Author: محمد يوسف الزين Date: 11-21-2010, 11:34 AM Parent: #3
هسي يا عمران فارات في البوست دا كلها باللون الاحمر؟! وكااااااااااك بالازرق
المهم..
الكلمة دي متداولة لسة عند اخوي الحتالة مراهق البيت وشلته امس دي بحضر معاي كورة قال لي مع قون ابرايموفتش بالدبل كيك (الحارس دا فارة ساكت) انا زاتي قلت ليهو وانا منتشي بقون اسي ميلان..(والله مافارة فارة انت دا ، ولدنا لعاب بس)
Post: #10 Title: Re: أحوال الفارات !! Author: عمران حسن صالح Date: 11-21-2010, 11:59 AM Parent: #5
Quote: لكلمة دي متداولة لسة عند اخوي الحتالة مراهق البيت وشلته
محمد يوسف الزين ياخي دي أهم حاجة ( عشان ما يجوا يقطعوها لي في راسي )
Post: #6 Title: Re: أحوال الفارات !! Author: خالد المحرب Date: 11-21-2010, 11:35 AM Parent: #3
ابو محمد مع انو البوست مستفز لنا كمريخاب ولكن الكوره اهداف فى الاخر وانا بقول مبروك للهلال اخد راحتك يا حبيب وبينا الايام القادمات عندنا كاسات جايه on air
Post: #11 Title: Re: أحوال الفارات !! Author: عمران حسن صالح Date: 11-21-2010, 12:04 PM Parent: #6
Quote: ابو محمد مع انو البوست مستفز لنا كمريخاب
ما عاش ولا كان اليستفزكـ يا أبو أحمد بس الكلام ده مفروض يكون جاء على خاطركـ وأخونا البشاري ساكي البوستات ويخت في كاركاتيراته وكاكته ؟ البشاري حمانا النوم ياخي والكورة جمالة في المكاواوة دي يا أبو أحمد انت ما شفت بوستات ود القاضي ( قريبي الثقيل )
Post: #7 Title: Re: أحوال الفارات !! Author: عمران حسن صالح Date: 11-21-2010, 11:37 AM Parent: #3
يا تفيده ياخي متأسف ، عيدنا كان طويل شويه عيديتكـ وصلت والله بس ناس الصفاقص مسخوهو علينا وانتي ما قصرتي والله
Post: #8 Title: Re: أحوال الفارات !! Author: عمران حسن صالح Date: 11-21-2010, 11:43 AM Parent: #7
معقول ده كرت عيديتكـ ياخي ؟؟
الصورة طلعت ممطوووووووووطة غيرناها
Post: #9 Title: Re: أحوال الفارات !! Author: عمران حسن صالح Date: 11-21-2010, 11:52 AM Parent: #8
Post: #13 Title: Re: أحوال الفارات !! Author: عمران حسن صالح Date: 11-21-2010, 12:20 PM Parent: #12
يا أساسي كمان ما تبقى مفتري ياخي ؟! انت قصرتَ في شنو ؟؟ ده ما ( تارارت ) بايتة من المبارايات الأفريقية الداخلية دي شهراً ما عندكـ ليهو أيِ حاجة :)
_____________________ ياخي أنا مرارتي مفقوعة من الحولي دقيت لي والد أم محمد بودنوباوي شنو يا حاج مافي مبروكـ ؟ قال لي الكاسات الجوة كوووووووولها مبروكة عليكم بس كاس خارجي ما في ليكم
Post: #14 Title: Re: أحوال الفارات !! Author: عمران حسن صالح Date: 11-21-2010, 01:13 PM Parent: #13
منقول من منتديات كورة
Post: #15 Title: Re: أحوال الفارات !! Author: عمران حسن صالح Date: 11-21-2010, 01:16 PM Parent: #14
كان تقول ليهم زووووووط وتكسر في اضانك قشة .. اساسي طبعا كالعادة بعد القون الأولاني بتاع المريخ .. رسل لي الفرمالة اياها .. لكن المسكين بلع بعد أقل من دقيقتين .. والغريبة إني خليتو يبلع براهـو بالطريقة البتريحو .. يعني ما رسلت ليهو زوط ولا حاجة لكن بعد الكورة عرف حاجات .. ومن ثم قفل تلفونو كالعادة
Post: #23 Title: Re: أحوال الفارات !! Author: عمران حسن صالح Date: 11-22-2010, 12:42 PM Parent: #21
Quote: كان تقول ليهم زووووووط وتكسر في اضانك قشة ..
كااااااااااااااكـ يا علاء بنخاف من الساطور يا عمكـ ؟؟
Post: #22 Title: Re: أحوال الفارات !! Author: عمران حسن صالح Date: 11-22-2010, 12:33 PM Parent: #20
تتباركـ أيامكـ يا سني يا فنان وربنا يغطي عليكـ وعلى أسرتكـ
Quote: الفارات ديل صعبين ..
صدقت يا سني ، أخير نحن بيى عبارات المكاواة دي بس، شوف الأخلاق وصلت وين ؟؟؟
_______________________ الصورة من ما يسمى بوهج الصفوة ونازلة بالنت
عمـــران ياااااخ الصلح خير عارف نحن دايماً موجودين فايزين ولا خسرانين عكسكم وقت الغلب نفتش ليكم فتيش اها هاك الهدية البسيطة دي ادونا شوية صبر من صبركم دا
Post: #25 Title: Re: أحوال الفارات !! Author: عمران حسن صالح Date: 11-22-2010, 10:44 PM Parent: #24
Quote: عارف نحن دايماً موجودين فايزين ولا خسرانين
ما ده الفرق بينا وبين الفارات ياخي طبعاً يا وصيفاب إحساس انكم بره المربع الذهبي أو النهائية ده ما حسيتوهو قريب عشان كدي متعودين حسي بكرة بتاخد تلاتة وتجي عادي تتحاوم بي جاي ؟؟؟؟؟؟؟
يا عمران يا اخي ما تحنسولنا الفارات ديل يجو يلعبوا يخلونا نتخارج. والله العظيم بطلنا شغلنا وقعدنا، لقينا الحكاية جابت لها حرداب كمان. غايتو جنس مِحن !!!
، الخلاني أردده شنو في حضرة رسالة الوهم الفلسطيني ده ؟؟ 
