Post: #1 Title: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 10:57 AM
يوم الاتنين الجاي..29-11
عارفكم كتار ياناس برشلونة
بس عندي احساس انو أولادنا في ريال مدريد حيعملوها السنة دي.
يلا يا ميرينقاب ويا كتلوناب ارجو الراجيكم!
البروف دا عمل تيم مجنون..
موسم 2009 2010 حصلت أغرب حادثة في الدوري الاسباني وصل ريال مدريد للنقطة 95 وما شال اللقب! لانو برشلونة وصل للنقطة 99 كانجاز تاريخي!
في السنة دي بدا برشلونة متذبذب بعد غياب تشافي هرنانديز بس استعدالتهم كانت مرة شديد ميسي وصل امس لـ 13 قون 8 اقوان امس في الميريا المسكين ورد مباشر من ريال مدريد بـ 5 اقوان في فريق الباسك البتساوي 16 قون في الميريا
ومين المتصدر هسي؟!! ___________
باقي البوست ان شاءالله حاحاول اشرح فيهو ليي ريال مدريد أقوى فريق في العالم في الوقت الحالي يلا بوست الكورة مع بوست الـ Moviez لحدت يوم 29 ربنا يحيينا
بسم الله..
Post: #2 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 11:15 AM Parent: #1
مورينهو دا يا إما بالجد داهية زي ما بقولو عليهو المذيعين الخليجيين بتاعين الجزيرة الرياضية الدمهم تقيل يا اما زول مرزق لمن غلط!
ياخي دا بالضبط طلع الزول الكان ناقصو الريال بالذات كريستيانو وهيقوين ريال بليجريني كان معتمد على كريستيانو كصانع العاب. وكانت انطلاقاتو من الجناح هي الحل الوحيد والباصات المهارية بس النص كان فيهو خلل كبير. لمن كان بخش غوتي (الله يطراهو بالخير) كان النص بتصلح بس بطئ مسعود أوزيل اللاعب الغير شكل ريال مدريد نهائي. ربط حقيقي بين حيط الارتكاز خضيرة والونزو باصات باليمين للموهوب دي ماريا (أحييي دي ماريا دا لو جا الهلال)! وباصات بالشمال للغزال كريستيانو واقوان هو زااااتو ومع مورينهو لازم أوزيل يرجع يقلع الكورة (ايتو بذات نفسو بقى مدافع في الانتر مع مورينهو) ما ببالغ لو قلت ليكم 9.5 من 10 اللاعب دا في اداء مهامو لعاااااااااااب. وسريع!
بركاتك يا شيخ أوزيل
Post: #3 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 11:21 AM Parent: #2
اضافة بالنسبة لمسعود أوزيل
كاكا دقس!
Post: #4 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 11:43 AM Parent: #3
حاجة عملها مورينهو برضو
الموسم الفات ما كان في تفاهم بين الاتنين ديل. مع انهم سجلو مع بعض اكتر من 50 هدف! رقم مذهل لكن مع كراهية وغيرة بائنة والسنة دي اهداف وأسيست متبادلة رونالدو سجل 5 اهداف الموسم دا من باص مباشر من هيغوايين
مورينهو.....
Post: #5 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 12:05 PM Parent: #4
مورينهات.. * مارسيلو الراستا البرازيلي تحول الى فولترون..فجأة من لاعب جيد الى نجم متألق. طلعت ظهيرية وخيت وابرة في الخصوم * سيرجيو راموس من زمن كابيلو كان بطلع قدام ويعكس الكورة وبجيب اقوان مرات..السنة دي الموضوع دا انتهى. سيرجيو راموس اقعد قبلك بلاش كلام فارغ * كارفالهو حصلت معاهو نفس قصة لوسيو مع الانتر..تشيلسي في نهاية عقد كارفالهو لاعب كبير في السن خلاص قعد معانا 6 سنة موضوعو انتهى ، مورينو قال دايرو بيعوهو. فجأة احسن مدافع في اللا ليقا الزول دا. كما كان لوسيو ابو تلاتة كرعين السنة الفاتت. * الونزو دا مدافع بالله ناس الريال السنة الفاتت كان قايلنو لاعب نص وصانع العاب؟ لوووول * دي ماريا.. دا اصلاً لعاب؟ ولا شرب ريد بول من الجردل بتاع مورينهو مع الجماعة؟! ، الزول دا لعاب شديد ياخ. طبعن ما ميسي! لانو ميسي ما لعاب داك مجنون. المهم صواتة بالجنبة اليمين دي وعكسات وباصات وكتل في القون. هيغواين زاتو متحير من المطرة الصابة دي.
طبعن لا يعلى على ميسي. لا رونالدو ولا مارادونا زاتو (شيل الكاس العالم برة). بس الصورة دي مفروض تكون بالجنبة اليمين مورينهو بدل رونالدو
_______________________ لو متابعين امس الحصل في تنفيذ ضربة الجزاء الشاتها خضيرة بدل كريستيانو الاصلن جاب 3 اقوان في المبارة متابعين صاح؟
Post: #6 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: صبري طه Date: 11-21-2010, 12:11 PM Parent: #5
لك التحية أخي محمد يوسف ...
ورغم تألق الريال في هذه الأيام ... إلاّ أن الكرة الشمولية التي يقدّمها البارسا لم أشاهدها منذ أن حفروا البحر ...
ولعشاق الريال أنصحهم بعدم الشرود في العسل ...
أتوقع فوز البارسا في الكلاسيكو ... والسبب أن دفاع البارسا أقوى من دفاع الريال ... وطبعاً خط الوسط دي ما بتغالطو فيها اتنين حتى ولو مجانين فهو في صالح البارسا
دمت بود ،،،
Post: #7 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 12:28 PM Parent: #6
Quote: ورغم تألق الريال في هذه الأيام ... إلاّ أن الكرة الشمولية التي يقدّمها البارسا لم أشاهدها منذ أن حفروا البحر ...
ولعشاق الريال أنصحهم بعدم الشرود في العسل ...
أتوقع فوز البارسا في الكلاسيكو ... والسبب أن دفاع البارسا أقوى من دفاع الريال ... وطبعاً خط الوسط دي ما بتغالطو فيها اتنين حتى ولو مجانين فهو في صالح البارسا
يا زميل ما اختلفنا انت قايلنا اختلفنا؟
برشلونة بتاعكم دا احسن 11 نفر لابسين زي بعض وبتبادلو كورة في نجيلة، من الله خلقني بالجد بعد تحضر كورة لبرشلونة ما بتقدر تاني تحضر كورة..نهائي..نهااااااااااااائي بس نقطة ضعفكم وضحت شديد ياخ! بالله تشابي يغيب اربعة كور تتبهدلو كدا! الزول دا شايل الفريق في كتافينو وماشي، وغالطني لحدت بكرة هو زاتو طماعين هو وانييستا. ياخ جارينها من 2008 كاس اوروبا على التشامبيونز على الليقا على كاس عالم. المهم ما ينفعكم انا غايتو راجي ميسي يموت وتشابي يجيهو الالزهايمر الجا لرونالدينو وداني الفيش اصلاً ماشي ما قاعد. بعد داك نشوف البارسا
انا زاتي مستغرب ما شجعت برشلونة من زمان ليه؟! مع انو في اسباب كتيرة تخليني اشجع برشلونة.. 1- أول مرة اشوف برشلونة كانو بلعبو فيهو روماريو وستويتشكوف وكومان وغودزيلا مدربكم الحالي. والمدرب كان كرويف! 2- برشلونة دا فريق البرولتاريا. مفروض كل البرولتاريا الزيي يكون عندهم ولاء فطري للبارسا 3- ريال مدريد اول ما شفتو ما كان ممتع!
لكن تقول شنو! الرويال إيفكت
Quote: أتوقع فوز البارسا في الكلاسيكو ... والسبب أن دفاع البارسا أقوى من دفاع الريال ...
كلامك غير مقنع يا زميل
خليك في معركة الوسط. بسكويت بتاعكم ما بياكل عيش معانا رغم انو الاقوان حتجيكم من الريال بالاطراف. اطرافكم تعبانة يا حبة. ونفس السبب الخلى قوارديولا يلعب بويول باك شمال في نهائي دوري الابطال 2009 موجود
1- صفر لريال مدريد في الكامب نو
Post: #8 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: Hisham Ibrahim Date: 11-21-2010, 01:06 PM Parent: #7
البرشا حديد
كاتولني أنا
Post: #10 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 02:04 PM Parent: #8
هشام امين يا كاتلوني ولا جوك موعدنا يوم 29
Post: #11 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: Abdlaziz Eisa Date: 11-21-2010, 02:06 PM Parent: #8
العزيز/ محمد يوسف الزين..
كل عام وانتم بخير..
معاديني جوة وبرة!! ياخي مالك علينا؟
البارسا ده فريق الكرة.. الشئ الوحيد البيجعلنا دائما مستمتعين بكرة القدم..
بارسا بارسا
تحياتي
Post: #13 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 02:27 PM Parent: #11
عزو الفنان
Quote: البارسا ده فريق الكرة.. الشئ الوحيد البيجعلنا دائما مستمتعين بكرة القدم..
وانا برضو فريق البارسا ده الشئ الوحيد البخليني دائماً مستمتع بكرة القدم ومعاهو الارسنال مافي اتنين تلاتة
بس يا حبة انا بشجع ريال مدريد اخوك في الحتة دي حركة شعبية عدييييييييل
_____________ مرة زمااان ساقتني الاقدار وحضرت برشلونة الريال في نادي الـ11 الثورة يازول قاعد ليك في التراب مع البرولتاريا زملائي ورونالدينو أجيب مرة لووووول ، بالله رونالدينهو يمسك الكورة تدور لي الـ وي وي وي المهم نهاية القصة ريال مدريد غلب 4 واخوك جاتو حتة من طوبة طايرة من ورا لانو كنت الوحيد البكورك مع اقوان الريال الطوبة دي في هلال مريخ ما جاتني لمن خشيت قعدت في مساطب المريخ وصلاح الضي جاب قوون
Post: #9 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: صبري طه Date: 11-21-2010, 01:48 PM Parent: #7
يا عمّك في حتة الأطراف دي بالغتا ...
الطرف اليمين للبارسا مؤمن بدانيال الفيس ...
الطرف اليسار يوجد 4 لاعبين يمكنهم اللعب فيه وبروح عالية وهم:-
1- أبيدال 2- بيجول 3- ماكسويل
وبالعدم كدة اللاعب الرابع هو قابريال ميليتو ...
مع العلم أن بيجول يمكنه التحوّل إلى الطرف الأيمن ...
دمت بود ،،،
Post: #12 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-21-2010, 02:11 PM Parent: #9
ما عشان كدا يازميل قلنا ليك باكاتكم تعبانة داني الفيش دا زول بتاع هجوم بس في الدفاع اخير منو موسى الزومة ، بالذات انو الطرف الشمال كريستيانو يا حبة اذاً ما حيطلع هجوم يبقى واطاتكم اصبحت اما ماكسويل دا شفت. وعندو حافز اضافي كمان عندو تار مع مورينهو. لكن برضو ما دفاع مية مية
بيجول! بويول ما عندو طريقة يعملوهو باك يمين لانو شايل الدفاع هسي مع بيكيه. جبرايل ميليتو معوق ومافي خيارات كتيرة
Post: #14 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: مرتضى احمد عبد القادر Date: 11-21-2010, 02:44 PM Parent: #12
برسا يرسا بااااااااارسا
نتمنى إنتصار البرشا على الريال فسيكون إنتصار لكرة القدم الممتعه على التكتيك
Post: #15 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-22-2010, 08:49 AM Parent: #14
هي لكن حكاية انتصار الكورة الجميلة دي حدها متين؟
فالينتصر ابناء مورينهو الوغد
Post: #16 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-22-2010, 09:02 AM Parent: #15
نتوقع مباراة غير ممتعة وعادية كما حدث العام الماضي، عندما فاز البارسا في الذهاب بهدف ابرايموفتش فنان الميلان الحالي برشلونة حالياً في قمته حيث شهد صعوداً ونزولاً في هذا الموسم: هزم على يد هيركوليز صغير الليقا ثم تبهدل على يد روبن كازان في روسيا الكلاسيكو أقوى مواجهة على الكرة الأرضية من حيث الشحن الجماهيري العاطفي. لذلك لا توجد فيها فنيات كثيرة على العموم بهدلة ماف لريال مدريد ومورينهو موجود..يعني ميسي ما بجيب تاني أقوان بالسدر زي السنة الفاتت
الود دا غايتو عندو قون
Post: #17 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فدياس نجم الدين Date: 11-22-2010, 09:12 AM Parent: #16
Quote: لو متابعين امس الحصل في تنفيذ ضربة الجزاء الشاتها خضيرة بدل كريستيانو الاصلن جاب 3 اقوان في المبارة متابعين صاح؟
يا محمد
لو ببتكلم عن كوره بلباو فضربه الجزاء الأولى سجلها سيرجيو راموس والوقت داك كريستيانو كان جاب قونيين بس
وفي الوقت بدل الضاع حصل جيرانيرو البديل على ضربه جزاء ودي سددها رونالدو ليصل للهاتريك وبالتالي صداره الهدافيين
ودي حاجه بتكوريك الإهتمام بمصلحه الفريق بدلالبحث عن مجد شخصي وده شئ بداء يغرسه مورينيهنو في لاعبي الميرنغي
عموماً نتنمنى أن تصدق نبؤه ماردوانا ويفوز الريال بالكلاسيكو
Post: #18 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-22-2010, 09:44 AM Parent: #17
أخيراً!
بالله الوحشة الدخلتني في البوست دا! أخيراً ميرينغابي فزعني
ايوة كدا ياخ بالله ناس برشلونة زي الزومبي في البوست دا
___________ أيوة كورة اتلتيك بلباو فريق الباسك لمن مورينهو زعل انو كريستيانو ما شات البلنتي الكورة كانت 2-1 في الساعة ديك ولو ضربة الجزاء كان ضاعت كان المباراة حتبقى صعبة
Post: #19 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-22-2010, 11:18 AM Parent: #1
Post: #20 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فدياس نجم الدين Date: 11-22-2010, 12:32 PM Parent: #19
محمد
مورينيهو قد يكون مدرب شاطر وقد يكون شخص محظوظ
والحظ مطلوب في كره القدم
لكنه لن يلعب يوم 29 القادم
ننتظر في ذلك اليوم لنرى قيمه آوزيل ورونالدو وآنخل زي ماريا وهيغواين
هؤلاء من يعتمد عليهم الريال لإحراز الأهداف
فإن نجحوا فاز الريال
وإن فشلوا تنتهي المباراه بالتعادل .... بسبب الدفاع القوي للريال
وخط الإرتكاز العالمي المكون من أفضل لاعبي الإرتكاز في العالم ألونسو وخضيره
Post: #21 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-22-2010, 01:05 PM Parent: #20
منو القال ليك مورينهو ما حيلعب؟
Post: #22 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فدياس نجم الدين Date: 11-22-2010, 02:41 PM Parent: #21
تعرف يا محمد برشلونه ده كله لاعب واحد هو الظاهره ميسي
لو تمكن الداهيه من القبض على ميسي يبقي البارسا ... ببح
ولو لم يتمكن من ذلك فيبقي الرماد كال الريال
Post: #23 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: Abdlaziz Eisa Date: 11-22-2010, 03:02 PM Parent: #22
Quote: عزو الفنان
Quote: البارسا ده فريق الكرة.. الشئ الوحيد البيجعلنا دائما مستمتعين بكرة القدم..
وانا برضو فريق البارسا ده الشئ الوحيد البخليني دائماً مستمتع بكرة القدم ومعاهو الارسنال مافي اتنين تلاتة
بس يا حبة انا بشجع ريال مدريد اخوك في الحتة دي حركة شعبية عدييييييييل
_____________ مرة زمااان ساقتني الاقدار وحضرت برشلونة الريال في نادي الـ11 الثورة يازول قاعد ليك في التراب مع البرولتاريا زملائي ورونالدينو أجيب مرة لووووول ، بالله رونالدينهو يمسك الكورة تدور لي الـ وي وي وي المهم نهاية القصة ريال مدريد غلب 4 واخوك جاتو حتة من طوبة طايرة من ورا لانو كنت الوحيد البكورك مع اقوان الريال الطوبة دي في هلال مريخ ما جاتني لمن خشيت قعدت في مساطب المريخ وصلاح الضي جاب قوون
عزيزي/ محمد يوسف الزين
كل عام وانتم بخير
ياخي شفت ليك صفوة بيجدع بالطوب؟ حرام عليك...
لكن دي خليها جانب طالما طلعت بتشجع لي ارسنال..
على كدا ليك شهادة كرونجية هائلة..
بس أؤكد فوز البارسا...
دمت بخير..
Post: #24 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فدياس نجم الدين Date: 11-22-2010, 03:13 PM Parent: #23
Post: #25 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد الطيب يوسف Date: 11-22-2010, 05:41 PM Parent: #24
يا محمد يوسف اتذكرت حوارنا في الموضوع ده يوم الحلة الشهيرة ميسي ده مع مورينيو ماعندو اي طريقة ياخي ده لسة ما جاب قون في مباراة كان مورينيو مدرب للفريق الخصم واللذيذ انو مافي رقابة لصيقة بفكو في السهلة دي يخلي يتلفت زي السخل الرايح من امو الريا ل السنة دي بقي استرليني اقبض ياعمك
Post: #26 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-23-2010, 07:46 AM Parent: #25
الريال بقى استرليني لوووووول
طبعن يا دكترة انا كنت شامي ليك مورينهو دا لمن غلط. زول بايخ وبيخ لينا كورة القدم بس أول مرة اعرف انو لمن يدرب ليك فريق بتشجعو بريحك في حنانك قدر دا!
Quote: واللذيذ انو مافي رقابة لصيقة
ياخ كامبياسو السنة الفاتت لمن اتخلع هو زاتو بالله قطعو النفس! وبأقل مجهود
Post: #27 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: صبري طه Date: 11-23-2010, 08:00 AM Parent: #26
يا محمد يوسف يا عمّك ...
هسي شفت ليك برشلونابي مجقلب زيّكم ...
المباراة عندنا أكثر من عادية ... والانتصارات عندنا زي الطماطم في الشتاء ... عشان كدة نحن باردين زي الشتاء ظاطو !!!
خلّي الجقلبة دي لي بعد الكورة ...
دمت بود ،،،
Post: #30 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-23-2010, 10:28 AM Parent: #27
يا صبري ياخ لينا كم سنة ماكلنها في حنانا وساكتين انت قايل شنو؟ حالتنا بقت صعبة لمن شجعنا برشلونة ضد المانشستر في النهائي داك
عشان كدا السنة دي حرررررررررم دي ما جقلبة
Post: #28 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: جمال الباقر Date: 11-23-2010, 08:07 AM Parent: #26
محمد الزين صباحاتك بيض ان شاء الله بوست جميل وانيق يديك العافية
ان شاء الله ملكية مية المية عشان الفارق يكون 4 نقاط
Post: #29 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-23-2010, 08:44 AM Parent: #28
صاحب البوست والمتداخلين سلام أنا شايف الناس مركزين شديد مع ميسى وناسين أهم لاعبين فى برشلونة .... تشافى هيرنانديس وأندريس إنيستا... ياخى ديل ثنائى لوختوهو فى أى فريق يعملو العجب ...
Post: #32 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-23-2010, 10:40 AM Parent: #29
Quote: أنا شايف الناس مركزين شديد مع ميسى وناسين أهم لاعبين فى برشلونة .... تشافى هيرنانديس وأندريس إنيستا...
ياخ حرام عليك معظم مداخلاتي الأولى كنت بتكلم عن تشابي هرنانديز
باذن الله اليوم داك يجيهو اسهال وما يلعب
Post: #31 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-23-2010, 10:33 AM Parent: #28
مرحب بالميرينغي جمال الباقر
شوف الناس الراقية دي كيف! جمال الباقر
يازول ملكية لمن بيغادي نحن الجيش لقينا منو شنو!
Post: #33 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-23-2010, 10:46 AM Parent: #31
Quote: باذن الله اليوم داك يجيهو اسهال وما يلعب
Post: #34 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: صبري طه Date: 11-23-2010, 10:50 AM Parent: #33
Quote: باذن الله اليوم داك يجيهو اسهال وما يلعب
أقول ليك حاجة: شوف ليك بتاع كجور في سنار
حالتك صعبة خلاص ...
Post: #35 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عمران حسن صالح Date: 11-23-2010, 11:02 AM Parent: #34
الريالاب آزول جاينكـ بس خلي نخلص على الفطائس ديل
Post: #37 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-23-2010, 11:11 AM Parent: #35
عمران لا لا لا
سيد بلد وشايقي وميرينغابي ملكي؟ ها زول ما كملتهم جت ان شاءالله تطلع حركة شعبية عشان ما يسحروك في انتماءاتك الذكية دي
____________ ابقى عشرة على الوصيفاب. اديناك تلاتة يوم ناس برشلونة كتار ولواييق!
صبري طه.. شوف ليك بوست تاني
Post: #36 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-23-2010, 11:05 AM Parent: #34
صبري والوليد
دي المداخلتين بتاعتكم سوا في الصدة دي..
ايوة تشابي هرنانديز أهم لاعب في برشلونة. واحسن لاعب نص في العالم وللناس البقولو ميسي لي ما شال كاس العالم مع الارجنتين لو عامل فيها احسن لاعب نقول ليهم خلي ناس اسبانيا يسلفوهم تشابي كاس عالم واحد
Post: #38 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-23-2010, 11:36 AM Parent: #36
خضرمة لمن بيغادي
___________________ طبعن انا بكون شاركت في شراء اللاعب دا انتو قايلني ميرينغابي ساكت، وبحضر الكورة في التلفزيون؟
اشتريت ترينينق بتاع ريال مدريد أصلي من الوكيل بتاع أديداس قبل ما يجيبو كارفايو واوزيل ودي ماريا بكم يوم طوالي حولو ارباح التريننق وتمو بيها قروش اللاعب انتو قايلين شنو؟!
Post: #39 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فدياس نجم الدين Date: 11-23-2010, 12:39 PM Parent: #38
Quote: سيد بلد وشايقي وميرينغابي ملكي؟ ها زول ما كملتهم جت ان شاءالله تطلع حركة شعبية عشان ما يسحروك في انتماءاتك الذكية دي
لا لا لا يأخي
سيد بلد وجعلي وميرينغابي كده بتضمن تدخل الجنه
فيما يختص بالحركه الشعبيه فأنا أدين هذه العنصريه وأدعو دينق وتراجي ومن لف لفهم للتصدي لمحمد يوسف الزين إنشاء الله يتسلفوا ساطور سفاري زاتو
لووووووووووووووول
Post: #40 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فدياس نجم الدين Date: 11-24-2010, 07:26 AM Parent: #39
نرجع من العك للمتعه الكرويه
بالأمس تلاعب ريال مدريد بآياكس الهولندي وهزمه في إمستردام برباعيه كامله
أرح مورينيهو بالمس عدد كبير من الأساسيين
حيث دفع برآول اربيلو وسيرجيو راموس في قلب الدفاع بديليين للبرتغاليين بيبي وكارفيلهو
كما أراح سامي خضيره وهيجوايين
وأبقي على آنخل زي ماريا في دكه الإحتياط على ماقبل النهايه بربع ساعه
أتاح الفرصه لبيدروليون وبن زيمه ولاسانا ديارا من البدايه
رغم هذه التغييرات إلا إن الريال تمكن وباقل مجهود وبفضل هدفين لكريستيانو أحدهما من ركله جزاء أرتبكت مع آوزيل
بالإضافه لهدف لكل من بن زيمه وهو من أفتتح التسجيل وهدف المدافع الأيمن بالأمس الفارو اربيلوا
أكد المرينغي بالأمس كمال جهوزيته للكلاسيكو وفي إنتظار رد البارسا اليوم
Post: #41 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-25-2010, 08:11 AM Parent: #40
Quote: أكد المرينغي بالأمس كمال جهوزيته للكلاسيكو
يا زميل دي حاجة متأكدين منها
بخبرتنا المتواضعة في الدوريات والكاسات الاوروبية عرفنا انو أي فريق داير يصل المراحل النهائية أو يشيل بطولة لازم تكون دكة البدلاء بتاعتو زي الجوة أو اقل شوية. الحاجة دي منتهية تخمة في ريال مدريد من حيث خط الوسط، خيارات الدفاع تعبانة شوية، بس ارتكاز شبع عديل لاسانا ديارا دا لو خت الرحمن في قلبو زمان وقعد قبلو في ارسنال كان بقى أهم لاعب هسي في الارسنال! لكن هو شليق تقول شنو عمل فيها لاعب كبير ما نفع مع تشيلسي وفي النهاية احترم نفسو في دكة البدلاء. ياخ فريق قاقو برة الحسابات، كاكا برة الحسابات
انت سؤال ياخ؟ الحارس الثاني في ريال مدريد اسمو منو؟
____________________________ نكتب شوية عن ريال مدريد لأنو حاكون مشغول الايام الجاية اديتك البوست يا فدياس هدية لله..كان ربنا حيانا بنجيك فيهو يوم التلات صباح الكورة.
لمــاذا احتاج ريال مدريد لمدرب كبير؟!
منذ أن غادرنا صاحب السر الباتع ذا قريت ديل بوسكي تخبط الريال. ودا كلو بسبب الزول الما عندو علاقة بالكورة عمك فلورونتو بيريز دا زول أهبل وسياستو بليدة، يكمل قروشو في لاعبين تلاتة ويبيع الفنايل! زيدان وفيجو وبيكهام ورونالدو البرازيلي وكريستيانو البرتغالي وكاكا الخ
سنين ودفاع ريال مدريد اسوأ ما يكون! مشكلة كبيرة في خط الوسط بعد أن ودع أفضل لاعب ارتكاز في العالم في الوقت داك ميكاليللي الفرنسي، المشى لأنو ما قدروهو وعمل الثورة الشهيرة مع رفاقو في تشيلسي ناس روبين وبيتر تشيك ولامبارد (بالمناسبة تشيلسي دا فريق ادارتو ممتازة بالجد وما عندو علاقة بالعوارة البعملوها ناس ريال مدريد ومانشستر سيتي مثلاً، تشيلسي ما قروش بس، تشيلسي قروش وإدارة).
في عهد ديل بوسكي آخر العهود الذكية كان الفوز بالالقاب القارية والمحلية بدون لاعبين مشهورين! راوول ود النادي ما مشكلة، مورينتس كان احد الاكتشافات الديلبوسكية، روديندو افضل لاعب ارتكاز ارجنتيني في التاريخ لقى شهرتو مع ذلك الريال! ماكمنمان أنجح انجليزي في غير الدوري الانجليزي الخ.. ايكر كاسياس يفوز بدوري ابطال اوروبا وعمرو 19 سنة!
تاه الريال حقيقة وشالو في سنين طويلة تألق الحارس كاسياس مع لمحات من زيدان وغوتي وكم لاعب أو خبرة كابيلو مثلاً في السنة الاخدو فيها اللا ليقا
من أكبر الأخطاء الكانت بتحصل في ريال مدريد انو فرطو في افضل اللاعبين حول العالم..بس لأنو تسويقهم ما كان جايب حقو!
صمويل إيتو..
اريين روبين
ويسلي شنايدر
والقائمة طويلة بالمناسبة. وكلهم بسبب الادارة السيئة للنادي! ريال مدريد اوضح مثال في العالم انو باربعة أو خمسة نجوم ما بتقدر تعمل حاجة! الادارة دائماً كانت أقوى من المدرب. وكلهم ضحايا..لوكسمبورجو، كابيلو، شوستر، بليقريني، خواندي راموس أي مدرب درب ريال مدريد أضر بعملو! بجو عشان اضواء ريال مدريد وعشان الشرط الجزائي في الاقالة والقروش الحياخدوها. لكن وين هسي المدريبين ديل؟ (ما عدا كابيلو)..كلهم كانوا نجوم في انديتهم قبل لعنة ريال مدريد! وكلهم ما نفذو ليهم رغباتهم!
ليه مورينهو؟ لأنو بعمل الحاجة على كيفو! يا موراتي دايرني جيب لي فلان وفلان، يا ابرايموفتش دايرني جيب فلان، يا بيريز تجيب لي لعيبتي ولا على كيفك
أمس بحضر في استوديو التشامبيونز البالانجليزي.. قاري لينيكر سأل الان شيرر عن لو إنت رئيس نادي بتختار فريجسون ولا مورينهو؟ (والكلام كان عبقرية فريجسون)..قال ليهو بختار بنيتيز (في انجلترا في نكتة هسي انو بنيتيز طلع زول ماسورة زي وارقو يعني) انا بقول لو أنا رئيس نادي بختار فريجسون أو ارسن فينجر أو بالعدم ديل بوسكي..عشان ديل بكتشفو لي المواهب. وعباقرة ومافي زيهم في الناحية دي. لكن لو أنا مشجع نادي وما عندي علاقة بالادارة بختار مورينهو
لأنو مورينهو بشكل ورم لرؤساء النوادي، وبجيب للمشجعين الدايرنو. البطولات. مع انو يعلم الله ما عندو أي متعة في كورتو،
كان الله ادانا وقت بنجي نتكلم عن الـ 4 3 3 بتاعت مورينهو. وانو غير التاريخ بتلاتة ارتكاز ومدافع واحد شفت وصانع العاب وراس حربة كلاسيكي
اسف للاطالة، فيفا ريال دو مادريد
Post: #42 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فدياس نجم الدين Date: 11-25-2010, 09:08 AM Parent: #41
Quote: اسف للاطالة،
محمد
بتعتذر لمنو ؟؟
علي بالحرام المفروض تمشي تقعد في كرسي التحليل بتاع قناه الجزيره بدل طارق دياب
مش عشان تونسي لكن كلامك ده أحسن من اي تحليل بيحلله طارق دياب
أوع يكون بيأخد مرتب على الكلمتين البيقول فيهم في كل كوره ديل
Post: #43 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: صبري طه Date: 11-28-2010, 02:23 PM Parent: #42
Quote: صبري طه.. شوف ليك بوست تاني
يا الريالاب أها الرجفي بدأ ولا لسة ؟
Post: #44 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: جمال الباقر Date: 11-28-2010, 08:34 PM Parent: #43
]We won't change our working methods for Barcelona or any other team. We have the same respect for all our opponents. Barcelona may be better than other teams in La Liga, but we have the same respect for all and we always have to look for their weakest points."
التصريح الفوق ده للعبقري مورينيو شوف الثقة والكلام المرتب اليكم اللينك وفيه فديو كامل للمؤتمر الصحفي
Post: #45 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: جمال الباقر Date: 11-28-2010, 08:40 PM Parent: #44
صبري طه
بعد كلام مورينيو والثقةدي تاني البرجف منو نحن ولا ناس برشلونة
I'm not worried about the referee. I think referee Iturralde is a referee supporter, not a Barcelona supporter. It will be easier for him to do his job well if the players help him. It will be harder if they don't. Our intention is to help the referee."
كلام من دهب
Post: #46 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-29-2010, 07:45 AM Parent: #45
جمال الباقر يا خطير اديلهم
_____________ ياخي البوست دا اصابني بلعنة اقسم بالله ما قادر احك راسي، الكورة زاتو يمكن تكون في تلتلة (حالة صعبة)!
البوست ياخ ملكية خالصة للميرينقاب الأعزاء، فدياس، محمد الطيب، الباقر وجماهير الأبيض السادة
ما تفرطو فيهو يا جمال الباقر،
Post: #47 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فدياس نجم الدين Date: 11-29-2010, 07:51 AM Parent: #46
Quote: البوست ياخ ملكية خالصة للميرينقاب الأعزاء، فدياس، محمد الطيب، الباقر وجماهير الأبيض السادة
نحن لها
يازول نوم قفا
تمشي وتجي ...تفتح فوز الإنتصار العظيم
Post: #48 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: حامد محمد حامد Date: 11-29-2010, 08:15 AM Parent: #47
فعلا انه لقاء مختلف اخى محمد يوسف يختلف عن لقاء الاعوام السابقة لان الريال يدربه المدرب العبقرى قارى الميدان بكل اركانه البرتغالى مورينهو ..... امل الاستمتاع للجميع ..
لاعب كسبه الريال
عندما كان مترجماوقد يختلف الحديث اليوم كثيرا
الخطورة تكمن فى هذا الثنائى ...
Post: #49 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عبد اللطيف بكري أحمد Date: 11-29-2010, 09:03 AM Parent: #48
التحايا لرواد كرة القدم الحقيقية (لا ليغا)، والتحايا الخاصة جداً لعشاق الفريق الملكي سيد أندية العالم ، فناً وأدباً ومالاً أحمرا،،
اليوم هو المحك الحقيقي لمورينهو ورجاله!! اليوم يوم الموقعة الفصل بين محظوظية جوارديولا وواقعية the special one == شكرا ود الزين على البوست المتعة ،،
Post: #50 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: Faris Mohamed Date: 11-29-2010, 09:51 AM Parent: #49
أجمل ما في هذا البوست
جميع الهلالاب طلعوا بشجعوا الريــال الفريق الأول في العالم منذ إنشائه وحتى الآن
بالتوفيق لرفاق أوزيل و دي ماريا
Post: #51 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: خالد Date: 11-29-2010, 10:04 AM Parent: #50
هلالي موت اذا ملكي حد الثمالة!!
Post: #52 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عبد اللطيف بكري أحمد Date: 11-29-2010, 10:17 AM Parent: #50
Quote: من أكبر الأخطاء الكانت بتحصل في ريال مدريد انو فرطو في افضل اللاعبين حول العالم..بس لأنو تسويقهم ما كان جايب حقو!
صمويل إيتو..
حبيبنا ود الزين: هذه المعلومة غير صحيحة،، بخصوص صامويل إيتو تمت إعارته لمايوركا ومن ثم بيعه لعدم توفر خانة للأجانب حينها ولم يكن بهذه الشهرة،،
بخصوص روبن : فهو لاعب مهاري ولكن يعيبه كترة الاصابات (يعرف بالرجل الزجاجي)، وأنظر إلى غيابه الطويل الان عن البايرن،،
أما شنايدر : فهو طلب الخروج لأنه أراد فرض أن يكون أساسياً بالتشكيل ، والريال يختلف عن بقية الأندية أي لاعب يريد الخروج يسمح له بذلك فوراً مهما كان حجمه ، تماماً كما حصل مع روبينهو البرازيلي الذي يعض أصابع الندم على تركه الفريق الأول في العالم ،، =
روبن : تعوضنا بداله دي ماريا وهو سيخدم الفريق لسنوات عديدة وبفعالية أكتر،، سنايدر : لم يكن فعالا في الريال ، ولا أظنه سيكون أساسيا لو عاد اليوم مع وجود أوزيل وكاكا ، وتألقه مع الأنتر والمنتخب هي ردة فعل قوية لخروجه،
فريق الريال فريق ضخم وأنصاف المواهب لا تجد مكانها في تشكيلته : أنظر إلى كناليس : إنه منبهر وتائه في وسط الفريق ولا أظنه سيكمل عامه هذا في البرنابيو بعد أن كان أكثر اللاعبين تألقاً في سانتاندير ،،
=
Post: #53 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: Abdlaziz Eisa Date: 11-29-2010, 11:07 AM Parent: #52
سلام
كلها سويعات ونعرف آخر الرهان على المدعي مورينو..
النتيجة 2/ صفر لبرشلونة
تحياتي
Post: #54 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: حامد محمد حامد Date: 11-29-2010, 11:19 AM Parent: #53
يقول المحللون الرياضيون اذا كان الريال والبرشا يلعبون فى الدورى الانجليزى كان ترتيبهم ياتى فى الوسط او متاخرا عن فرق القمة
هل هذا صحيح..؟ فى رائى صحيح الى حد ما
اما مورينهو فيا اخى عبد العزيز عيسى غير مدعى فانه صاحب نظريات فى كرة القدم بل مدرسة بذاتهاسواء مع الريال او مع اى فريق يدربه فى اى زمان واى مكان انهاالموهبة Innate Talent
Post: #55 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: Hisham Ibrahim Date: 11-29-2010, 12:08 PM Parent: #54
روحنا دي مرقت ...
الإنتظار كتلنا
المتعه دي خلوها براها يوم الإثنين دا
كوره زي دي للجميع متعه ..
Post: #56 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: شهاب الفاتح عثمان Date: 11-29-2010, 12:59 PM Parent: #54
بوست رياضي راقي ,
في انتظار المباراه , رغم سخف توقيتهافي ماليزيا , ياخي تبدا الساعه الرابعه صباحا ,
ان شاء الله تكون سهره بحجم العشم ,
Post: #57 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد الطيب يوسف Date: 11-29-2010, 02:50 PM Parent: #56
ياعمك تحيات وانت في زنقة الامتحانات
Quote: كان الله ادانا وقت بنجي نتكلم عن الـ 4 3 3 بتاعت مورينهو. وانو غير التاريخ بتلاتة ارتكاز ومدافع واحد شفت وصانع العاب وراس حربة كلاسيكي
نفلفل ليك النقطة دي طالما انت مزنوق شوية
الريال بلعب بي 4 2 3 1 رباعي دفاع مع اتنين ارتكاز خضيرة والونسو وتلاتة لعيبة وسط مهاجمين اوزيل ورونالدو ودي ماريا وهيجوين وفي الهجوم وحيد الخطة بتخلي الفريق يهاجم بي 7لعيبة واذا اتقدم واحد من الظهيرين ببقو تمانية ويدافع بي 8 برضو غير السيطرة علي منطقة الوسط وده بيعتبر اشتقاق هجومي بالمناسبة في اشاعات بتقول انو مورينيو ناوي يكنب اوزيل الليلة في الحالة دي حيلعب بي تلاتة ارتكاز الونسو وخضيرة وديارا واتنين متوسط هجوم ومهاجم واحد وبالتالي حيكون اشتقاق الخطة دفاعي وحتتحول لي 4 3 2 1 الشق الهجومي بتاع الخطة ظهرت بيهو المانيا في كاس العالم الأخير والشق الدفاعي للخطة اتميزت بيهو هولندا
Post: #58 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-29-2010, 03:08 PM Parent: #57
الليلة يوم الرجال نعيد ليكم كلام حكيمنا( حكيم قرية أوز)
Quote: قال أحد الحكماء : لم أرى أتعس من أربعة رجل يلبس القديم ولديه الجديد ورجل يدعى للعشاء ويطلب المزيد ورجل يريد الإنتحار وعمره مديد فسألوه ومن بعد ؟ فأطرق رأسه وأدمعت عيناه وقال : رجل فى هدا الكون يشجع ريال مدريد ثم أطلقها داوية كاااااااااااااااااااااااااك
Post: #59 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عبد اللطيف بكري أحمد Date: 11-29-2010, 03:16 PM Parent: #58
2/2
Post: #60 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عبد اللطيف بكري أحمد Date: 11-29-2010, 03:39 PM Parent: #59
Quote: الخطة بتخلي الفريق يهاجم بي 7لعيبة واذا اتقدم واحد من الظهيرين ببقو تمانية ويدافع بي 8 برضو غير السيطرة علي منطقة الوسط وده بيعتبر اشتقاق هجومي بالمناسبة في اشاعات بتقول انو مورينيو ناوي يكنب اوزيل الليلة في الحالة دي حيلعب بي تلاتة ارتكاز الونسو وخضيرة وديارا واتنين متوسط هجوم ومهاجم واحد وبالتالي حيكون اشتقاق الخطة دفاعي وحتتحول لي 4 3 2 1
كلام رائع يامحمد الطيب وعملي ويمكن تطبيقه بسهولة وذلك لوجود اللعيبة التي تعرف واجباتها،، أنا اميل إلى أن مورينهو سيلعب بلاسانا ديارا وهو لاعب بخمسة لاعبين طاقة لا تعرف النفاذ، عيبه كثرة الفاولات ، وعلى ما أظن أن مشكلة مورينهو تمكن في صعوبة إجلاس واحد من اوزيل ودي ماريا،، = صعود أحد المدافعين لمساندة الهجوم تبدو صعبة لدى الطرفين خصوصا مارشيلو ودانيل الفيس،، حيث يتواجد ميسي وكرستيانو،، = إحتمالات الكروت الحمراء واردة جدا لدى كل من : بيكيه ، سيرجو راموس ، وكرستيانو رونالدو،، = لو فاز البارسا اليوم يكون هو الفريق الوحيد الفائز على ريال مدريد منذ المقابلة السابقة بينهما، لذا النتيجة حتكون كارثية على الريال من الناحية المعنوية ،،
Post: #61 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: خالد عبد الله محمود Date: 11-29-2010, 03:49 PM Parent: #60
عبد اللطيف البكري كل سنة و أنت طيب ياخ السنة دي غايتو شايفكم فرحانين و ليكم حق والله لأنو الريال السنة دي شكلو مطمئن و ما زي السنين الفاتت لكن أعتقد إنو مباراة برشلونة هي الإختبار الحقيقي للفريق برشلونة قدم مستويات متفاوتة في الدوري و مرة فوق و مرة تحت و ما معروف يكون وين الليلة لكن بنلقي ليكم طريقة حتى لو بالشكل ده : هههههههه
Post: #62 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عبد اللطيف بكري أحمد Date: 11-29-2010, 04:11 PM Parent: #61
Quote: مباراة برشلونة هي الإختبار الحقيقي للفريق
الحبيب خالد (العريس القديم ، دا إذا ماعرست تاني)) هههه،، سلام وتحايا وكل سنة إنت والأسرة الصغيرة بألف خير،،
اليوم هو فعلا المحك الرئيسي للفريق ، وهذا السبب الذي من أجله تم التعاقد مع اللاعبين الجدد والمدرب مورينهو،،
الفريق فعلا شكله يعجب ودكة بدلاء تمام،،
برشلونة عليها مسئولية مضاعفة اليوم وهي إخماد ثورة إنطلاقة الريــال في مهدهاـ لأنو لو فاز اليوم فيعني ذلك زيادة إحتمالات الفوز بالتشامبوينز والليغا وما دونهما ولسنوات طويلة لأن الفريق شاب وبه أفضل لاعبين ومهيأ يكون أفضل ريـــال بالتاريخ،، =
نتمنى أن تخلو المباراة من التشنجات بين كرستيانو وبوسكيتس وألفيش وبعض تفلتات الكتلونيين ،،
مشاهدة طيبة ياحبيب،،
Post: #63 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عبد اللطيف بكري أحمد Date: 11-29-2010, 04:52 PM Parent: #62
خبر جميل لعشاق الميرنغي :
تأكد غياب هيجوين من الكلاسيكو مما يعني اللعب بكريم ينزيما أو الزج بلاسانا ومن ثم يتحول كريستيانو لعمق الهجوم واوزيل ودي ماريا في الاطراف
Post: #64 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: خالد عبد الله محمود Date: 11-29-2010, 05:22 PM Parent: #63
هيغوين ده يا عبد اللطيف قالو عامل زي عبد الحميد السعودي يعني بتاع حمام ميت و فرق ضعيفة بينما يغيب تماماً في المباريات الكبيرة .. لذلك فعلاً عدم وجودو في تشكيلة الريال خسارة لبرشلونة.
كريم بنزيمة ليس أفضل حالاً من هيغوين و الدليل أن هيغوين يلعب أساسي على حسابه لذلكـ لا تتفاءلوا كثيراً
Post: #65 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: جمال الباقر Date: 11-29-2010, 05:29 PM Parent: #63
Quote: أجمل ما في هذا البوست
جميع الهلالاب طلعوا بشجعوا الريــال
فارس
بلاش الزج بالهلال والمريخ هنا رجاءا
خلي البوست راقي وجميل زي ماسيدو امنا عليهو وزي ما قال شهاب
Post: #66 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عمران حسن صالح Date: 11-29-2010, 05:44 PM Parent: #63
___ يا ود الزين حارسين التلفزيون من حسي ( التقول عندنا عِرِق في الأندلوسيين) شوف كمية القنوات الناقلة الحدث ، قاليكـ الساعة حداشر ؟؟ والله كان بقت أربعة زي شهاب يانا الحارسنها (بكرة الدوام ما حبابو ) بيعجبني إفتراء مورينهو ، العالم في مجالو مرات أخير يكون مفتري عشان ناس قريعتي ما يجوا ينظروا . التاريخ للريال ، البرشا نبت شيطاني أدتو الدنيا في غياب كثير من الحظ لإدارة ولعيبة الريال خلال كم موسم لى وراء ( لا تتعدى الخمستاشر سنة بكثير ) هاكـ شوف :
الجميل انو الشوالي وعد أمس إنو يكون موجود في وصف المباراة طبعاً هو بيعشق الدوري الإسباني وبالتالي بيمتع في الوصف أمس كان باهت وكان ما الخيانة الوطنية كان قال الهلال ما يستاهل يخرج بركلات الجزاء صدقني البتاع المغربي ده كان أديناهو الفي النصيب بدري بدري خلي الوصيفاب يضحكو ما عليا منهم
Post: #67 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: وليد التلب Date: 11-29-2010, 05:58 PM Parent: #66
الريال الملكي
Post: #68 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: جمال الباقر Date: 11-29-2010, 06:01 PM Parent: #67
I do not have to adjust to Barcelona's style of play. I have to adjust to Real Madrid's. We have no reason to fear anyone. During the match I will see if I have to spend more time attacking or defending."
من اقوال Marcelo: عن الموقع الرئيسي للملكي
Post: #69 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: abuguta Date: 11-29-2010, 06:10 PM Parent: #66
Quote: كلها سويعات ونعرف آخر الرهان على المدعي مورينو..
النتيجة 2/ صفر لبرشلونة
عبد العزيز عيسى
انا معاك الليلة فى خندق واحد,,,,
ياخى اسف مارجعت ليك بوست الحج,,, تشكر على المداخلة,,,,
بوست جميل
Post: #70 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عمران حسن صالح Date: 11-29-2010, 09:00 PM Parent: #69
ثلاثة طوابق مليانه بشر ( نُضاف) إنا لله وجو ماااااااطر
Post: #71 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عمران حسن صالح Date: 11-29-2010, 09:16 PM Parent: #70
Post: #72 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-29-2010, 09:41 PM Parent: #71
رش تقيييييييييييل 2 صفر لى برشلونة والشمس حية
Post: #74 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: مرتضى احمد عبد القادر Date: 11-29-2010, 09:52 PM Parent: #72
ياويلي اللابسين أبيض ديل ريال !!؟ القوون التاني دا بعدأكتر من 15 باص الريال منتهي خالص ياحليلهم حننوني والله ؟
كااااااااااك يا عبد اللطيف بكري
Post: #76 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-29-2010, 10:28 PM Parent: #74
Quote: كااااااااااك يا عبد اللطيف بكري
k اااااااا k لمن بهناك الله حى الرابع جاى
Post: #73 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عمران حسن صالح Date: 11-29-2010, 09:44 PM Parent: #70
Post: #75 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عمران حسن صالح Date: 11-29-2010, 09:54 PM Parent: #73
Post: #77 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: مرتضى احمد عبد القادر Date: 11-29-2010, 10:50 PM Parent: #75
كفاية حرام
Post: #78 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-29-2010, 11:09 PM Parent: #77
معقولة لا كورة لا أخلاق أسى راموس ده فرقو شنو من بله جابر خمسة وخميسة يابرشلونة
Post: #79 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عمران حسن صالح Date: 11-29-2010, 11:16 PM Parent: #78
سنة جفاااااااااااااااااااااااااااف
Post: #80 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: مرتضى احمد عبد القادر Date: 11-29-2010, 11:30 PM Parent: #79
انت يا ولي عمران دا روحو رياضيه ولا الخمسه دي لفت ليهو راسو
Post: #81 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: مرتضى احمد عبد القادر Date: 11-29-2010, 11:35 PM Parent: #80
سنه خمسه وسنه سته ااااااي،، سمح انت وعسل انت ااااااااااي
Post: #82 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-29-2010, 11:35 PM Parent: #80
والله يامورتا الخمسة دى تلف راس أتخن تخين
Post: #83 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: صبري طه Date: 11-29-2010, 11:36 PM Parent: #80
Post: #84 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: مرتضى احمد عبد القادر Date: 11-29-2010, 11:37 PM Parent: #80
عزيزي حكم مباراة اليوم، بالنسبة للشلالاليت بتاعة ناس الريال العملته رايح منها دي، يعني كنت متخيل نفسك حاكم مصارعة مثل !!!!!؟
Post: #85 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-29-2010, 11:48 PM Parent: #84
مسؤول من الخير يا مورتا وييين أهل المرحوم ؟؟؟؟؟
Post: #86 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: مرتضى احمد عبد القادر Date: 11-29-2010, 11:53 PM Parent: #85
والله الجماعة ديل شكلهم مشو الدافنه يا ولسه ما جو، سؤال فني يا وليد انت مورينهو دا موش قالو جابوهو مخصوص عشان بعرف للبرشا !!!؟ نان الزول دا ما عارف الناس اللعب ضدهم ديل ناس البرشا ولا شنو ؟؟
والله مورينهو طلع بعرف للبرشا جنس عرفه مورينهو يا عراااااااااااف
Post: #87 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-30-2010, 00:20 AM Parent: #86
الصورة دى جازفتها من بوست الجيران والله كيفتنى لمن بهناك زاتو
الخ5اسية
Post: #88 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: abuguta Date: 11-30-2010, 04:31 AM Parent: #87
يا شباب وين صاحب البوست,,,
الريال له لعيبة ممتازين,,,بس عاوزين ليهم كم سنة عشان ينسجموا دا كله حظ كاكا بعد ما كان معروض للبيع
اذا اراد مورينو هزيمة البرشا عليه تسجيل فريق الانتر القديم فى الريال,,,قال عاوز يدافع فاكر نفسو فى الدورى الايطالى,,,
الخمسة دى سوف تاثر على الريال مع الفرق الصغيرة,,,
لا يقدر على برشلونا الا برشلونا,,,
اهم شىء الهدف الخامس,,,خلى المشجعين يرفوا الاصابع مرتاحين شكرا
Post: #89 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: haroon diyab Date: 11-30-2010, 06:10 AM Parent: #87
Post: #90 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فيصل نوبي Date: 11-30-2010, 07:27 AM Parent: #89
Dude ما عجبني ليكـ / م
Post: #91 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: حاتم أحمد آدم Date: 11-30-2010, 07:47 AM Parent: #89
الاخ هارونا هي دى متعة بس!!!!! دي فاقت حد الخيال. لقد عانيت اشد المعاناة لمتابعة الايقاع المجنون عندما يستحوذ البارشا على الكرة. يا اخي ديل ذكرونا مسلسل كابتن ماجد.
تقول لي هلال مريخ ؟؟؟؟؟؟؟؟؟؟
Post: #92 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: Abdlaziz Eisa Date: 11-30-2010, 07:53 AM Parent: #91
أحييييييييييي يا محمد
حمسة ونظيفة... ومتعة ما منظور مثيلها..
تاني تجوا المولد...
صفوة صفوة يا البارسا
تحياتي
Post: #93 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: عمران حسن صالح Date: 11-30-2010, 08:31 AM Parent: #92
يا مرتضى عامل السِن ياخي عشان كدي رياضية لامن بيى هناكـ ولا يمكن الناس ديل عشان ما عندهم صحافة رياضية ولا إسبانيوس أون لاين دوت كوم بشجع الريال والله يا مرتضى من زمن مامون الطاهر بيقدم رياضة عالمية في تلفزيونات الأبيض والأسود لكن الحق يقال البرشا كورته ممتعة حد الجنون تسلم يا زول يا رياضي يا روحكـ ما رياضية
Post: #94 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 11-30-2010, 10:18 AM Parent: #93
Quote: Dude ما عجبني ليكـ / م
Dude دجاج كنتاكي سالورا سيس شفت الشلاقة دي كيف؟
يا اخوانا برشلونة أي نعم كانو مجانين! والمثلثات والمربعات كانت شغالة شغل غريب! وتبادل المراكز كان غريب والخمسة القصـار: (ميسي ، تشافي ، انيستا ، بيدرو ، فيا) كانو بعملو في حاجات غريبة ما عندها علاقة بكرة القدم!
لكن ياخ الريال كان كعب شديد ياخ!
الخطوط متباعدة شديد! خضيرة والونزو فقدو المنطق! دي ماريا معزول زي اللاعب براهو. زكروني لعبة معلقة الزمان ديك بتاعت الحيقطع الكورة منو! أوزيل ماف! بيبي وراموس اسوأ ما يكون! رونالدو! ياخ رونالدو؟! الحمدلله من زمان اتعودنا من الكورة في اوروبا لمن واحد يخش على واحد في الكورة بكون زميلو بي وراهم اذا الكورة اتقطعت، معقولة يا ريال مدريد؟!
شفتو كيف؟ الباصات واللاعب متحرك؟ تباصي بدقة شديدة بدون ما تقيف وبعداك تقيف في الحتة الصاح برضو عشان زميلك حيباصي ليك بنفس الدقة الاديتو بيها الباص وبعداك هو زاتو حيقيف ليك في الحتة الصاح. انعل ابو دي كورة زاتو كابوس حقيقي! ياخ حسيت ليك بالكورة دي شغالة ليها 6 أو 7 ساعات! لوووووووووووول
حظكم يا البتشجعو برشلونة. نرجى غايتو الجيل دا ينتهي ويعتزل كان ربنا مد في عمرنا مع انو في ماتشات كتيرة ما بجضمو زي أمس! الله لا كسبهم
Post: #95 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: Abdlaziz Eisa Date: 11-30-2010, 10:30 AM Parent: #94
معليش يا ود الزين
ابعدوا من منازلة الصفوة اينما كانوا..
عزيزي/ابوقوتة
ياخي أنا قلت 2/صفر لكن البارسا كانوا أكثر كرما ضاعفوها وبزيادة كمان..
وشف وصف ولا أحلى من الشوالي:
الخماسية الخامسة....
Post: #96 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: الوليد الرشيد وراق Date: 11-30-2010, 10:31 AM Parent: #94
ياخ والله كورة أمس دى من شدة ما سريعة لمن جانى شد عضلى
Post: #97 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد الطيب يوسف Date: 11-30-2010, 11:47 AM Parent: #96
قوموا لفو كلكم انشاء الله تجيكم ارتكاريا في الاضنين
Post: #98 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: فيصل نوبي Date: 11-30-2010, 01:25 PM Parent: #94
Dude ياخ شوف القون الاول في الاعادة ناس الفاضل ابوشنب كان زمان رفعو رايتهم و عملو تسلل لأنه ما كان بيكون قادر يتابع مع السرعة دي
_ التعديل عشان همزة و القطار
Post: #99 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: مرتضى احمد عبد القادر Date: 12-01-2010, 00:18 AM Parent: #98
الي محمد يوسف سلامات
Quote: عندي احساس انو أولادنا في ريال مدريد حيعملوها السنة دي.
يا عايش في دنيا من اوهام خيالك،، يا متابع مشاعرك وما دريان بحالك
Quote: بهدلة ماف لريال مدريد ومورينهو موجود
و ما أحلها من بهدله في وجود مورينهو
فدياس المتفائل سلام وينك نت ياراجل
Quote: ننتظر في ذلك اليوم لنرى قيمه آوزيل ورونالدو وآنخل زي ماريا وهيغواين هؤلاء من يعتمد عليهم الريال لإحراز الأهداف فإن نجحوا فاز الريال وإن فشلوا تنتهي المباراه بالتعادل .... بسبب الدفاع القوي للريال وخط الإرتكاز العالمي المكون من أفضل لاعبي الإرتكاز في العالم ألونسو وخضيره
لم ينجح احد وحكمة الله ما انتهت تعادل
Post: #100 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: haroon diyab Date: 12-01-2010, 05:44 AM Parent: #99
جمعتني جلسة اليوم مع عدد
من المدربين واللاعبين السودانيين
بالدوحة منهم الكابتن حمدان حمد
وانور سيد احمد ومنقستو واسماعيل حامد
وكثيريييييين......
صدقني الناس ماقدرت تتفق .....
علي ان الريال ضعيف ام البرشا قوي
فريق يضم احسن صانع العاب في العالم
في العصر السابق والحالي الساحر ( اكسافي )
ووزيره المبدع ( انيستا )
انا اصر وازيد اصرار انو اي مهاجم في العالم
نعم ....اي مهاجم في العالم لو لعب بجانب
هؤلاء السحره لاصبح هداف .
بالنسبة لميسي فاعتقد انه كان مفأجاة البرشا
لمورينهو والذي توقع ان يقوم ميسي بدور الهداف
ليتفأجا به كصانع العاب من الطراز الفريد .
يقيني الثابت انها مباراة الاحلام التي لو اعيدت الف
مرة فلن تكون بتلك المتعة .
حتي برشلونة لن يستطيع اللعب بذات المستوي في القريب العاجل
امتاع حتي الاشباع
Post: #101 Title: Re: أقوى فريق في العالم (ريال مدريد) x أمتع فريق في التاريخ (برشلونة)...الكلاسيـكو العظيم Author: محمد يوسف الزين Date: 12-01-2010, 04:25 PM Parent: #100
