يا وليد محمد المبارك يحلك الحله بله

لايخفي ان وليد الشفت زول كورنجي مافي اتنين تلاته وعندو وعي كروي ماهول مافي شك
وبقرأ مالات المباريات برؤيه عميقه ما اختلفنا.................................بس
الليله شايف العاطفي غلب الموضوعي عندو,وده لانو مريخابي فعمل رايح من الكلام الفوق ده كلو
وجاب تلاته سته واحد كطريقة لعب لي فريقو الكحيان ده,والواضح انو مستبطن الخوف بدليل الطريقه الدفاعيه الاقترحها
ومعروف اي زول خايف وكابي الجلسرين بلعب مدافع,عشان كده دقس وخلا لاوعيو اكشفنا لينا كبكبتو دي.............
فدحين يا وليد اتحزم من اسي وخلي روحك رياضيه للخبت..............

يا فاروق

الواقع بقول انو قوة الهلال الهجومة كبيرة وقوية على مستوى التحرك
ضعيفة على مستوى التهديف

وانه اي ضغط على مهاجميكم بشتت انتباهم وبخليهم يشوتو في المدرجات زي مباراة الصفاقصي
ومباراة الامل
ومباراة النيل



كما ان الضعف الواضح في دفاعكم لا يخفى على شخص

قوتكم تكمن في خط الوسط

انا لو مدرب بطمبج ليكم الوسط واملاه ناس
عشان تطير ليكم

والقون بجي فيكم ساهل
وطرطشة مهاجميكم برضو ساهلة في حالة اللعب مان تو مان


بعد الكورة بنتقابل

وليد ازيك
الحزن علي بكري خلانا ما جينا دورناك
عموما هاردلك...........
ونتلاقي في الكاس وبرضو ارجي البل علي قول امين