Post: #1 Title: قضينا ليلة ساهرة في ضيافة شيخ العرب خالد المحرب Author: الامين موسى البشاري Date: 11-17-2010, 01:07 AM
صفا لنا الدهر حينا في سماء الرياض فانتقينا لأنفسنا لحظات من الفرح في أول ايام العيد قضينا ليلة ساهرة تضمنت محاسن من كل روضة عينة ومن كل عينة زهرة قضينا ليلة ساهرة تتوجت قياصر وتتلأت كواكب من أطيب المناظر .. ..
يتبع
Post: #2 Title: Re: قضينا ليلة ساهرة في ضيافة شيخ العرب خالد المحرب Author: الامين موسى البشاري Date: 11-17-2010, 01:16 AM Parent: #1
اذا كان عمر الانسان يقاس باللحظات السعيدة فاكتبوا هذه الليلة في سجل حياتنا الزمان : أول ايام عيد الاضحى المبارك المكان: قلوبنا العامرة بالحب والسعادة بلقاء الاحباب من البورداب
البوردابي شيخ خالد المحرب وأســـرته الكريمة البوردابي الشايقي بالانجليزي (فــاوضني بلا زعل) البوردابي طارق ميرغني البوردابي صلاح هاشم السعيد بالاضافة الى شخصي الضعيف وانضم الينا لاحقا الفنان حسن (الذي عطر الليلة باغاني المبدع عثمان حسين) ومن ثم انضم الينا عبر الهاتف بدر الدين الأمير مهاتفاً ومناوشا .. ..
يتبع
Post: #3 Title: Re: قضينا ليلة ساهرة في ضيافة شيخ العرب خالد المحرب Author: الامين موسى البشاري Date: 11-17-2010, 01:20 AM Parent: #2
حقا كانت ليلة ساهرة سأدع الاحباب يحكوا عنها وربما الصور تنقل الحدث بدون رتوش لتحكي عن روعة اللقاء في سماء الرياض روعة هؤلاء البورداب ليست صدفه الجمال احد صفاتهم والابداع من صنع ايديهم ابو احمد ابقى مارق بالصور
____ التعديل لحذف الاغنية بسبب وفاة الزميل سمندلاوي
Post: #4 Title: Re: قضينا ليلة ساهرة في ضيافة شيخ العرب خالد المحرب Author: الامين موسى البشاري Date: 11-17-2010, 01:27 AM Parent: #3
Post: #16 Title: Re: قضينا ليلة ساهرة في ضيافة شيخ العرب خالد المحرب Author: محمد عبدالرحمن محمد Date: 11-18-2010, 01:52 AM Parent: #11
Quote: حسي دعوتك دي كان أصابت ساعة إستجابة العندو بواسير يمشي وين؟؟؟؟
Quote: جلال يا حاقد.... بالله خليت للرباطاب شنو؟؟
ودّعمي الشايقي؛ [إنت] الخليت للرباطاب شنو؟ ياخي الريس الخته بدلو النقط داك يرجع للشربوت، ما للحمه! وعليه، المحّلو نقط، يكون في صالح [البللحمر الفوق داك]، ما لم تكن تود توجيه الرساله [لآخرين] __ البشاري؛ والله كانت فرصه أشارككم [بالتلفون]، لاكين عارف رقبتي مطرطش ما عرفت أضربو.. أي والله ما عرفتا لي درجة قت لي شيخ العرب ياخي اتأكد من نمرتك دي! __ الفوق كلكم؛ علي بي جملة الأيمان إنتو أجمل ناس، دامت أيامكم سعادة وحلاوه..
أخوكم، [المطرطش]
Post: #17 Title: Re: قضينا ليلة ساهرة في ضيافة شيخ العرب خالد المحرب Author: Al-Shaygi Date: 11-18-2010, 02:29 AM Parent: #16
يا المطرطش طرطشت طرطشتي زاتا....
Quote: ودّعمي الشايقي؛ [إنت] الخليت للرباطاب شنو؟ ياخي الريس الخته بدلو النقط داك يرجع للشربوت، ما للحمه! وعليه، المحّلو نقط، يكون في صالح [البللحمر الفوق داك]، ما لم تكن تود توجيه الرساله [لآخرين]
أصلي ما غلطان ولا مطرطش ولصالح منو خليها في سرك.....
بس برضك ما قلت لي ولا رديت على سعالي ولا على سعال مامان صاحبي
Post: #18 Title: Re: قضينا ليلة ساهرة في ضيافة شيخ العرب خالد المحرب Author: Al-Shaygi Date: 11-18-2010, 02:35 AM Parent: #17
ود المحرب على قول صاحبك بدرالدين الأمير في روايتو البداها من مكالمتك ديك الشايقي والطمبور والبطحاني داير يدوبي..... كدي عليك الله شوف مأساتي الما بتنقال:
Post: #20 Title: Re: قضينا ليلة ساهرة في ضيافة شيخ العرب خالد المحرب Author: أحمد الشايقي Date: 11-18-2010, 02:49 AM Parent: #19
يا سلام
كرام عند كريم
أحمد الشايقي
Post: #21 Title: Re: قضينا ليلة ساهرة في ضيافة شيخ العرب خالد المحرب Author: Al-Shaygi Date: 11-18-2010, 03:03 AM Parent: #20
Quote: أحمد الشايقي
بالله يا مولانا المسافة الزمنية بين أتصالك وركوب النيسان والتفحيط من أم الحمام لمخرج تمنتاشر. هل كانت أكتر قيمة من حسرتنا على عدم تواجدك معانا؟؟ حساب دائن ومدين.. ومرافعة قانونية...........
Post: #22 Title: Re: قضينا ليلة ساهرة في ضيافة شيخ العرب خالد المحرب Author: خالد المحرب Date: 11-18-2010, 04:45 AM Parent: #21
Quote: اخي امين
كان لنا عظيم الشرف في حضور هيك جلسات " كما يقول خالد المحرب"
ومع هذه الكوكبة المتميزة من الفنانين والحبايب
ربنا يديم الفرح وكل عام والجميع بالف خير
نحن ايضا سعدنا مع الصلعه والابداع طروقى ياخ ابوصلعه ياخ على وزن معجبى ابو اللمين ياخ البارح نمت بكير خالص والله كنت مرهق جدا
Post: #23 Title: Re: قضينا ليلة ساهرة في ضيافة شيخ العرب خالد المحرب Author: خالد المحرب Date: 11-18-2010, 04:50 AM Parent: #22
Quote: خيانة ...
إن شاء الله اللحمة تنفعكم .. و شاحت ربي الشربوت ما ينفعكم و يجيب ليكم ....... مزمن طيلة أيام العيد.
البشاري كيفنك و مشتاقين و كل سنة و إنت طيب
تاريس ابوجهينه دعوتك دى نحن نبرى منها نحن ما صدقنا لقينا قنزب يسيط من الوقت عاوز انت تخلينا نملص سراولينا ونجاور الحمام عد م المواخزه يعنى
Post: #24 Title: Re: قضينا ليلة ساهرة في ضيافة شيخ العرب خالد المحرب Author: خالد المحرب Date: 11-18-2010, 04:56 AM Parent: #16
Quote: لفوق كلكم؛ علي بي جملة الأيمان إنتو أجمل ناس، دامت أيامكم سعادة وحلاوه..
أخوكم، [المطرطش]
شبل السناجك المطرطش كما يحلو لك انت الجميل والله لقيت تلفون من U S A باقى لى دا انت او واحد الاحباب انا نمت بكير البارحه لك التحيه يا سيدى
Post: #25 Title: Re: قضينا ليلة ساهرة في ضيافة شيخ العرب خالد المحرب Author: محمد عبدالرحمن محمد Date: 11-18-2010, 05:08 AM Parent: #24
Quote: انت الجميل والله لقيت تلفون من U S A
تصدق.. ياني انا ذاتو! بعدما سألتك تأكيد النمره لقيتك متصل في تلفون صاحبي ناصر، وأتاريني، وانت عارفني [مطرطش]، ما كت عارف إنو لازم أخت 011 فشان اطلع من امريكا! طوالي يا خينا ضربت والبركه في النومه ودعوة الريس الما صادفتلها ساعة استجابه!
Post: #26 Title: Re: قضينا ليلة ساهرة في ضيافة شيخ العرب خالد المحرب Author: صلاح هاشم السعيد Date: 11-19-2010, 01:07 AM Parent: #25
Post: #27 Title: Re: قضينا ليلة ساهرة في ضيافة شيخ العرب خالد المحرب Author: صلاح هاشم السعيد Date: 11-19-2010, 01:34 AM Parent: #26
دون مساومات في التدابير وشئون الليل المهرج ـ فجأة ـ تلقفناها بمشيئات البطحاني "بتمامه" ليلاً ـ كنا نعلمها "دعوة" نختلس منها الكنز الفاحش (ترفاً، كرماً وغمراً).. ـ أصيل "ود بلد" متعدد ومجتزأ من "سديم" المعاني ـ طالما فزعنا إليه "نحن" الموكلون بـ"إقامة الحد ولحد الحكاية" ـ طالما استقبلنا بشغف يعوض عن كل نهاية.. جميل يا طارق أن نقايض طحن العوالم بليلة من الفرح الفاتك ـ أن نشاكس بقايا العمر ـ أن نعابس ما يشاكل الدربة على شفاعة الخوف ـ دعه "يا طارق" يأخذنا من سياق الدرب الملفق "ألقاً" ـ من الاحتماء بخلافة "الواجب" عن الرفاهة المروضة "مذهباً".
Post: #28 Title: Re: قضينا ليلة ساهرة في ضيافة شيخ العرب خالد المحرب Author: صلاح هاشم السعيد Date: 11-19-2010, 11:36 AM Parent: #27
إعتراف.. الشايقي "فاوضني بلا زعل".. راجل ضكران .. جداً...
Post: #29 Title: Re: قضينا ليلة ساهرة في ضيافة شيخ العرب خالد المحرب Author: Al-Shaygi Date: 11-19-2010, 11:56 AM Parent: #28
Quote: إعتراف.. الشايقي "فاوضني بلا زعل".. راجل ضكران .. جداً...
صلاح يا أخوي داير تجيب لي الهوا مالك.... حسي ينط لينا جعلي شايل سوطو داير يباطنوهو؟؟ وده شيتاً ما عندنا ليهو ضهر.... إلا كان عند فضل ظهر يبقى مافي مانع.... تقول لي ضكرنه!!!!
Post: #30 Title: Re: قضينا ليلة ساهرة في ضيافة شيخ العرب خالد المحرب Author: صلاح هاشم السعيد Date: 11-19-2010, 12:24 PM Parent: #29
Post: #31 Title: Re: قضينا ليلة ساهرة في ضيافة شيخ العرب خالد المحرب Author: صلاح هاشم السعيد Date: 11-19-2010, 12:32 PM Parent: #30
Quote: صلاح يا أخوي داير تجيب لي الهوا مالك.... حسي ينط لينا جعلي شايل سوطو داير يباطنوهو؟؟ وده شيتاً ما عندنا ليهو ضهر.... إلا كان عند فضل ظهر يبقى مافي مانع.... تقول لي ضكرنه!!!! أعترافاتك دي بس حدها هنا ما تمشي لي قدام......
الجعليين: ما فيهم كلام ـ (ولاد عم وما بنقدر نقول فيهم شي..).. لكن ناس الكُنيَّسة .. يا زووول... ولو ما خايف من زعل الأخوان، كنت قلت ليك : شبا وعسوم خبارن لا تجيبو .. طريت البركل البنقر دليبو . وصاحبك ـ طارق ـ ما تشوفوا محمرب كدا .. دا زول اصلي .. وذي ما قال البطحاني (أصلوا النسيب عين شمس...) ..
Post: #32 Title: Re: قضينا ليلة ساهرة في ضيافة شيخ العرب خالد المحرب Author: Al-Shaygi Date: 11-19-2010, 02:15 PM Parent: #31
Quote: الجعليين: ما فيهم كلام ـ (ولاد عم وما بنقدر نقول فيهم شي..).. لكن ناس الكُنيَّسة .. يا زووول... ولو ما خايف من زعل الأخوان، كنت قلت ليك : شبا وعسوم خبارن لا تجيبو .. طريت البركل البنقر دليبو . وصاحبك ـ طارق ـ ما تشوفوا محمرب كدا .. دا زول اصلي .. وذي ما قال البطحاني (أصلوا النسيب عين شمس...) ..
طيب يا صلاح بعد ما قلت،،، زعل الأخوان تاني شنو؟؟ ونسيبك طارق ..
Post: #33 Title: Re: قضينا ليلة ساهرة في ضيافة شيخ العرب خالد المحرب Author: صلاح هاشم السعيد Date: 11-20-2010, 07:11 AM Parent: #32
Quote: طيب يا صلاح بعد ما قلت،،، زعل الأخوان تاني شنو؟؟
اصلو المنطقة واحدة يا الشايقي ـ وانا عندي لحمة تربطني بشبا وعسوم بالرغم من أني من البركل تحت .. أها يا الشايقي: أول يوم عرفنا .. في الاستراحة .. تاني يوم كيف ..
Post: #34 Title: Re: قضينا ليلة ساهرة في ضيافة شيخ العرب خالد المحرب Author: Al-Shaygi Date: 11-20-2010, 01:29 PM Parent: #33
Quote: تاني يوم كيف ..
تاني يوم ده زاتو القرب يلحقني أمات طه... غدا مامان بنوعين من الشطة خلطات خاصة!!!!!
[/ur
