درب النور ،،،

اشهد انك أفضل من سار على هذا الدرب، على الأقل في مدانا العمري ، واشهد على ذلك وأنا العارف المحترف (سابقا ) ، وأقول انك أفضل ممثل لجيلنا وان خُتِمَت حياتك دون انجاز خارجي تستحقه، ولكنها الأقدار وما هو مسطر .
وأتشرف أن تكون أنت ايقونة تمثل جيلنا في مستقبلا ، رمز، حين يذكر تكون الإشارة إليه والى كل الجيل الذي عاصره ، فبرغم الهفوات وبعض الخروج عن النص إلا أنني اشهد لك كذلك بالاحترام والأدب، على الأقل أكثر مني، فاني في مواقف مشابهة لفعلت أكثر من الذي فعلته .
اذكر أول مرة شاهدتك فيها العام 1993م في تدريب مشترك بين الفريق القومي للشباب تحت سن 19 سنة وكنت من ضمن المختارين له، وبعض اللاعبين المختارين لتجارب الاختيار للفريق القومي للناشئين تحت سن 17 سنة وكنت أنت منهم، جالسين شخصي وصديقي المرحوم عبد العظيم ادم نملة ( الدش ) والكابتن انس النور بعد تدريبنا نشاهدكم، كنت تلعبون على الجزء الشمالي لاستاد الخرطوم ونحن نلعب على الجنوبي منه ، أثرت انتباهنا دونا عن أقرانك وكنت ترتدي سروال حده الركبة ( برمودا ) ازرق اللون وقميص اصفر إن لم تخني الذاكرة ، تحدثت أنا مع الدش وقلته له : الولد ده لعاب ، تدخل انس النور فقال : بمسك الكورة كتير وما بفكها ، قال الدش : ما لسع صغير عاوز يمسكها أطول فترة، واتفقنا على انك أحرف من أقرانك بمراحل وتنبأنا لك بالمستقبل الكبير ، وقد صدقت نبوتنا .

يا هيثم مصطفى
لا تحزن فما كل ما يتمنى يُنال، اعلم انك تشتهي بطولة خارجية لتختم مسيرتك الرياضية الناصعة خير ختام ، لكن نسوي شنو ؟

أبت بت الكـــــلب ..

وصدقني أيها البطل، أنت تستحق تلك الكأس قياسا على مسيرة رياضية طويلةمشرفة وناصعة ، لكن ، للمجنونة تصاريفها وخططتها ، ورفضت لك هذا الانجاز .. فلا تحزن

لا تجزن لأنك خلدت اسمك بحروف من نور في سجل عظماء اللعبة من السودانيين، منحك الشعب السوداني نوط الكفاءة والاقتدار والقيادة الواعية المحنكة واهم من هذا
منحك الجمهور
نوط الخدمة الطويلة المشرفة

يحترمك المريخاب قبل الهلالاب ، ويعترفون بمقدرتك وتميزك، قد يناكفوك بل قد يغمطونك حقا، لكنهم في سرهم يعترفون لك بأنك من أفضل الذين أنجبتهم الملاعب السودانية إن لم تكن أفضلهم

دربك من نور يا هيثم
ومستقبلا حين يذكر جكسا وقاقرين وبرعي والنقر وبريمة وعمار خالد سيذكر هيثم مصطفى معهم .. وحين يرمز إلى فترة التسعينات والألفية ستكون إيقونتها ومعك صنوك الحريف فيصل العجب ، بيد انه سيذكر انك كنت كابته ورئيسه في المنتخب القومي .

فلا تحزن ،
وان كنت انا نفسي حزين

_________________________________________

لبقية الهلالاب غير هيثم مصطفى

كاااااااااااااااااااااااااااااااااااااااااك

هسع أعيد عليك كيف وانت بتفقع في مرارة الخروف زاتو
قوم لف
هلالنا فوق

يا حيدر معروف فلكيا انو النجوم فوق الهلال


ورياضيا برضو معرف ذلك


قلت لي كاس الكنفدرالية العفن ده

غلبكم ؟


كاااااااااااااااااااااااااااك

ولي كل سنة وانت كيب ياخي


والله ياوليد بعد ماقريت تحفتك الادبية الفوق لمن بكيت

لكن للاسف جيت خربتها بي دي

Quote: لبقية الهلالاب غير هيثم مصطفى كاااااااااااااااااااااااااااااااااااااااااك

خالص الود

كل سنة وانت طيب ياولى بس مافى اى مقارنة بين هيثم والجيل الذهبى لانو هيثم ماعندو اى اخلاق رياضى

والديليل اخر مباراة فى الدورى اعتداء واضح على لاعب حى العرب قصى

الرشاشات الفوق
خلونا نرد على الصفوة ده اول شي


يا حسن سنادة

تجد ردي هنا

Quote: فبرغم الهفوات وبعض الخروج عن النص إلا أنني اشهد لك كذلك بالاحترام والأدب، على الأقل أكثر مني، فاني في مواقف مشابهة لفعلت أكثر من الذي فعلته .

بالنسبة للجيل الذهبي
كانوا يفعلون اكثر من الذي فعله هيثم مصطفى بمراحل، صدقني
لقد سمعنا الحكايا والقصص والطرفات من اللسنتهم كفاحا ولكن ليس كل ما يسمع يحكى


خالص الود

هيثم مجتهد كان يستحق نصيبه
لكنها الاقدار

ازيك يا جنابو


خليهم تاني يقولوا كان الكنفدرالية بتاع الحمام الميت

Quote: يا هيثم مصطفى لا تحزن فما كل ما يتمنى يُنال، اعلم انك تشتهي بطولة خارجية لتختم مسيرتك الرياضية الناصعة خير ختام ، لكن نسوي شنو ؟ أبت بت الكـــــلب .. وصدقني أيها البطل، أنت تستحق تلك الكأس قياسا على مسيرة رياضية طويلةمشرفة وناصعة ، لكن ، للمجنونة تصاريفها وخططتها ، ورفضت لك هذا الانجاز .. فلا تحزن

كااااااااااااااااااااااااااااااااااااااااااااك
وليد يأبن هيثم مصطفي
هههههههههههههههههههههههههههههههههههههههههههههههه
والله يا وليد وكادتك عينه
قلته لي خلاص نهيت خدمتو؟؟؟؟


والله تفلق وتداوي
لووووووووووووووووول
احب المريخاب البيعرفوا الواجب
ههههههههههههههههههههههههههههههه

سفيان اذهب الى تابوتك

ياسر بيناوي يا صديقي

ما خربتها ولا اي حاجة


اسع دي

كااااااااااااااااااااااااااااااااااااااااااااك


لكن بالنسبة لهيثم والله تمنيتها ليه يقفل بيها مشوارو الرياضي

والله بعد الحصل امس ده
تابوت مافي كلو كلو

ياولي وحاة النبي
انا عجبتني ثقتك
بنهاية مشؤار هذا
الرجل

Quote: والله تمنيتها ليه يقفل بيها مشوارو الرياضي

قلته لي خلاص بقي في القفبل!!!!

دي نهاية ما سعيده كلو كلو


يا بيناوي
كااااااااااااااااااااك

Quote: قلته لي خلاص بقي في القفبل!!!! دي نهاية ما سعيده كلو كلو

يستاهل هيثم حتى فى الكاسات الخارجية فرق من الملك

يا سنادة

وعلاقة الملك بالكاسات الخارجية شنو ؟

يا نابري

لكل بداية نهاية

هيثم مصطفى حسب ما اعلم مولود 73 يعني داخل على الـ 38 تاني شنو

هي الكورة دي شبع ؟

يا جماعة زول يهبش لينا الود نوبي بتلفون ولا اي حاجة
انا شفقان عليه شديد

عمر الفاروق شكلو حاجي السنة دي

ووهبة عامل فيها بدافع عن قضية منال

وتمبس يظهر انو اصبح كائن اسري بحت

وود الصايم عامل حمييييل