الحاج ادم :: المؤتمر الوطنى لم يعرض على منصبا او مالا !!

فتـــــــــأمل !!













ـــــــــــــــ
ثم ارجع البصر كرتين
وتامل تانى !

هذا الخبر العنوان الرئيس لجريدة الصحافة
الصادرة صباح اليوم فتألم !!!

Quote: ثم ارجع البصر كرتين وتامل تانى !

البصر راح ورجع مليون مره
وبرضو نتأمل ونتعجب....


آل لم يعرض آل
هي العرضة دي إلا يدقو ليها دلوكة؟؟؟؟


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

الأعزاء دينا خالد والشايقي

تحياتي وعيدكم بخيت وسعيد

با الله يا أخوانا خلونا نعيد بقنابير بدل الأدمغة . عشان نتأمل ولا نتألم أنه ليس هناك منصب أو اي مصلحة غير تلك التي قال بها الدكتور الحاج آدم من أن وحدة السودان هي الفاصل بين الشعبي والوطني ونشوف بعد شهر واحد الجاي دا كيف قنابيرنا دي تستمر ولا حتكون هي ذاتها.

بحيراوي

شكرا بكرى
شكرا كتير

فى منتصف التسعينات ونحنا اطفال فى الابتدائى النظام كان عمل حملة للتبرع لدعم محرقته فى الجنوب واظنها كانت مشهورة بجبل الدهب تقريبا
المهم الحاج ادم كان وقتها والى الشمالية تقريبا او مسؤل فيها ما متذكر بالظبط جا فى تنقاسى وخطب فى الناس بعد صلاة الجمعة عشان يتبرعو فقام حكا قصة عن واحد اتقتل فى الجنوب
وقال عنو انه كان بعيد منهم لكن لقوه بى تعقب ريحة المسك الكانت فايحة وطالعة مع دمه وانهم لما وصلوهو لقوهو"استشهد" وهو قاعد يقراء فى سورة يس وإنهم لما كانو بيدفنو فيه كان بكر وبهلل وبقول انو مشتاق للجنه وانو لحدى ما انتهو من دفنو كانو بسمعوا صوت التكبير وإنهم لحدى ما رجعوا من الجنوب كانت ريحة المسك مالية الشجرة الدفنوهو تحتها
القصة دى السبب المخلينا متذكرا شديد انو فى واحد رد ليه طوالى وقال ليه دفنتو حى ما كبر حمزة عم الرسول (ص) يكبر زولكم دا

لوووووووب يارغيم !!

Quote: وقال عنو انه كان بعيد منهم لكن لقوه بى تعقب ريحة المسك الكانت فايحة وطالعة مع دمه وانهم لما وصلوهو لقوهو"استشهد" وهو قاعد يقراء فى سورة يس وإنهم لما كانو بيدفنو فيه كان بكر وبهلل وبقول انو مشتاق للجنه وانو لحدى ما انتهو من دفنو كانو بسمعوا صوت التكبير وإنهم لحدى ما رجعوا من الجنوب كانت ريحة المسك مالية الشجرة الدفنوهو تحتها

يعنى هو من زمان بدرعاااااااااا

Quote: المهم الحاج ادم كان وقتها والى الشمالية تقريبا او مسؤل فيها ما متذكر بالظبط

الاخت داليا

تحياتي ,,,

يا رغيم زولك بالفعل كان والى الشمالية ونحن ما نسينا أفعاله ... آخر أفعاله هناك انه كان بيرحل الشتول من السليم بحجة زراعتها فى دنقلا وإذا بالأهالي يكتشفون بانه كان يرحل الشتول الى الغرب (موش مشكلة بس ما بالسرقة) ... وكان كثير الحضور الى السليم ... فى مرة من المرارير زولك دهـ واقف امام البنطون (بنية التعدية الى السليم) جابوا ليه تهديد واضح وصريح مفادهـ ... لو عديت للشرق للسليم لا تلوم إلا نفسك والناس دي منتظراك بهناك (زولك رجع وخاف ما شايف لسليم بعدهـ)... ياخي دهـ حول خيراتنا كلها لهناك ... حرامي وحاقد فى نفس الوقت ... الله لا جاب ايامه فى الشمالية.

تخريمة:
قبل ما يجي والي ... ما سمعت إسم حاج آدم دهـ إلا فى الكماسرة والمساعدية بتاعين اللوراي

الشايقى ؟
يكون هو العرض ؟

Quote: تخريمة: قبل ما يجي والي ... ما سمعت إسم حاج آدم دهـ فى الكماسرة والمساعدية بتاعين اللوراي

فتألم...

______________________
لووووووووووووووووووب يا دينا...
بوسطيك ده جاب ناس الدغش قبال ما الواحد يغسل وشو...

علي كلام عثمان رغيم ... الزول ده دفن ليهو زول حي

الفاتح شلبي ياقريبي

التخريمه بتاعتك دي تفتت النسيج الوجداني للتركيبه الاجتماعيه المعقده للوطن الواحد وتشكك في مصداقية قومية الشعب النوبي الذي تمتع بوسع الأفق وإستيعاب معطيات الواقع الراهن

كن بخير

Quote: الفاتح شلبي ياقريبي التخريمه بتاعتك دي تفتت النسيج الوجداني للتركيبه الاجتماعيه المعقده للوطن الواحد وتشكك في مصداقية قومية الشعب النوبي الذي تمتع بوسع الأفق وإستيعاب معطيات الواقع الراهن Icon:

اقريبي أمير

التخريمة دي بالتحديد قالته إمرأة مسنة أيام ما حاج آدم والى ... ولا أشك فى ان المساعدية وسواقين اللواري حظيوا بإحترام فى منطقتنا أكثر من حاج آدم الوالي لانهم مصنفون ضمن شرفاء بلادي

عذراً ان فهم التخريمة بعكس ما أعني

Quote: قبل ما يجي والي ... ما سمعت إسم حاج آدم دهـ إلا فى الكماسرة والمساعدية بتاعين اللوراي

شلبي
الفرص التعليمية متاحة لحملة كل الاسماء و كل الولايات (ما النوبة بس باسمائهم المصرية المموسقة). صاحبك (رغم كل شي) عمل رئيسا لاحد
اقسام كلية الهندسة بجامعة الخرطوم، و مستخسر عليه وظيفة والي "الهينة دي"؟ ليتك لا "تعنصر" البوست حتى لا يفقد
قيمته، على اهميته للتبصير بالانتهازية السياسية.

Quote: مستخسر عليه وظيفة والي "الهينة دي"؟ ليتك لا "تعنصر" البوست حتى لا يفقد

بالذى فعله هذا المدعو حاج آدم دهـ ... شخصياً أستخصر فيه كوب موية شراب

والعنصرية دي نحن عرفناها (كعرفة) إبان تقلدهـ منصب الوالي ...

الاخ الصادق

بماذا تفسر تحويل خيرات منطقة الى منطقة اخرى؟

تصويب:

جدي من أبي رقم 11 هو شلبي ... تركي وليس مصري ... لا تكون ربطت إسمي بيونس شلبي ود امبارح دهـ
نبذ كما تريد (تعودنا) بس أبعدنا من المصريين ديل

Quote: شخصياً أستخصر فيه كوب موية شراب

بس عشان ما تتلخبط لينا الاختساسات

Quote: التخريمة دي بالتحديد قالته إمرأة مسنة أيام ما حاج آدم والى ... ولا أشك فى ان المساعدية وسواقين اللواري حظيوا بإحترام فى منطقتنا أكثر من حاج آدم الوالي لانهم مصنفون ضمن شرفاء بلادي

يا زول ها ... خلي المسنة تقول ذي ما هي عايزة .... و انت ذاتك قول اللي في بالك ذي ما عايز ...
بس لما تتعصر خلي المسنة دي بعيد بعيد...

Quote: يا زول ها ... خلي المسنة تقول ذي ما هي غايزة .... و انت ذاتك قول اللي في بالك ذي ما عايز ... بس لما تتعصر خلي المسنة دي بعيد بعيد...

يا محجوب أصحي ... اتعصر فى شنو ؟ ... فى كلام كتبته ؟

زولك دهـ بأفعاله ما اتعصر


وبعدين المسنات عندنا ما بتاعين غيز



حيرتني عديل يا محجوب ... نحن بنقرف لمن تجي سيرة الراجل سئ الذكر دهـ ... إنت المزعلك شنو ؟

Quote: وبعدين المسنات عندنا ما بتاعين غيز

يا زول ها...
انا زول عجمي و الكيبورد ظاتو طلع عجمي ... اسوي شنو بعد ده...

_______________
لوووووووووووووب
فضحتنا يا كيبورد

Quote: بماذا تفسر تحويل خيرات منطقة الى منطقة اخرى؟

المنطقة الوحيدة في دارفور كلها اللي فيها نخيل هي كتم في اقصي شمال دارفور ... بس عندنا بتبقي عجوة فقط...
هها الزول ده رغما انو هو مش من اندنا بس قال الا يجيب الشتل ده لاندنا ... شحن ليهو كم لوري و جابهم سوق كتم وقال للناس ده نخيل دنقلا و مضمون 100% ...
الناس مجربة الشغلانة من زمان و عارفين انو في النهاية عجوة ... دق الجرس ما في زول هبب ليهو الا لمن السعر دق الواطة
علي كل حال ... خيراتكم وصلت لاهلك في كتم و نشكركم عليها...

________________________
لووووووووووووووووووووووب علي قول دينا...
خيرات بلدنا كثير يا هبيب ... و يا ها ماشا للصين و بدلها سلاح ... ايش فيها يعني لو جات من اندكم لاندنا حتي لو بالسرقة

بس الزول ده ما زال في رأي انو دافنين ليهم زول حي ...

Quote: وقال عنو انه كان بعيد منهم لكن لقوه بى تعقب ريحة المسك الكانت فايحة وطالعة مع دمه وانهم لما وصلوهو لقوهو"استشهد" وهو قاعد يقراء فى سورة يس وإنهم لما كانو بيدفنو فيه كان بكر وبهلل وبقول انو مشتاق للجنه وانو لحدى ما انتهو من دفنو كانو بسمعوا صوت التكبير وإنهم لحدى ما رجعوا من الجنوب كانت ريحة المسك مالية الشجرة الدفنوهو تحتها القصة دى السبب المخلينا متذكرا شديد انو فى واحد رد ليه طوالى وقال ليه دفنتو حى ما كبر حمزة عم الرسول (ص) يكبر زولكم دا

دا الشغل اصلو الواحد لمن يجي يقنبلا يا يقنبلا زي دي يلاش

لكن زي دي

Quote: الحاج ادم :: المؤتمر الوطنى لم يعرض على منصبا او مالا !!

صغيرة ما بتقسم معانا



خالص الود

Quote: بماذا تفسر تحويل خيرات منطقة الى منطقة اخرى؟

شلبي
لا ادافع عن سارق، هو تحت تصرفك كما تشتهي... تهمني الاشارات العنصرية في خطابك... بعدين سيبك من الترك و المصريين، الاسم "ادم"
كان يحمله اول خليفة لله في الارض. ما يجئ من كبار السن ممن لم يحظون بادوات المعرفة الحديثة لا يمثل حجة للاستخفاف باسماء الاخرين.

شلبي مرة أخرى
حتى اكون منطقيا مع نفسي و معك، اشير الى جزء من مداخلة "الهبيب" محجوب لتأكيد واقعة تصدير حقكم الى كتم، او سرقته كما تكرمتم بالذكر.
و لكم ان تستردوا حقكم بالطرق التي ترونها مناسبة، و اعتذر عن بعض كلامي ان استنتجت منه اساءة، تأكد لم يكن ذلك مقصدي

دينا خالد

تحياتي


العرض بيظهر بكره


عندما يقول انه اتي تلبية لنداء الوطن

وبالامارة الوطن تطير عيشتو


نداء جيبوتي ما جاب فايدة



علي فكرة قد طالت الفرقه والبعاد من شيل الشليه للحاج ادم رب يحميه



قاتل الله الفساد بكره قريب والحاج ادم المغطغط بيستبان


احتمال يكون كادر سري للشعبي؟؟

الله المستعان لغتنا انحطت جدا

زمان بنتحدث عن الشيوعي واقلاها حزب الامة والاتحادي

الان نقول وطني وهو جبهة مستتره تقديرها الارهاب والفساد

وشعبي هو ايضا يعمل بالسر في اجندة نشر ومواصلة الفساد


يا الهي الم يتعب شعبنا من عذاب الارهاب

الأخ شلبي .. أولا اي زول ينتمي الي الحركة الاسلامية في صورها المختلفة فهو (كوز) بالماركة الثابتة وما ينطبق على الحاج أدم ينطبق على عمر البشير او عبدالوهاب الافندي .. وبالتالي توصيف هؤلاء لدي كثير من السودانيين العارفين بقضايا السياسة بانهم انتهازيين ومنافقين وانقلابيين فاسدين في انفسهم مفسدين لغيرهم ..
ولكن لماذا تجاوز الموضوعي في هذا البوست الي الذاتي بروح عنصرية لا تؤسس إلا للتبشير بخطاب عنصري يفرق ولا يجمع .. حديثك ادناه غير لائق

Quote: آخر أفعاله هناك انه كان بيرحل الشتول من السليم بحجة زراعتها فى دنقلا وإذا بالأهالي يكتشفون بانه كان يرحل الشتول الى الغرب

(

الغرب هذا حزء من الوطن الذي يسمى حتى اليوم بالسودان لا ينبغي ان يزعج اي سوداني توطين محصول من مكان ما الي اي موقع في السودان بل بالعكس كان علينا من تأسيس فهم لذلك كي ينعم كل أهل السودان بما يملك من خيرات (خاصة) وان النخيل ليس نبات ينمو حيثما ذهب .. وهذا الكوز من منطقة البقارة في جنوب دارفور لا يصلح مناخها ولا ارضها للنخيل ( ونتمنى ان يصلح ) لنضتعف انتاجنا من التمر بدل ان يكون قليل وغالي وليس في متناول اي مسكين اللهم إلا في رمضان او المناسبات الرسمية

ثانيا حديثك ادناه ..

Quote: ياخي دهـ حول خيراتنا كلها لهناك ... حرامي وحاقد فى نفس الوقت ... الله لا جاب ايامه فى الشمالية.

ماهي خيراتك هذه التي تتحدث عنها .. ان لم يرحل ذهبا او يورانيوم او بترول (جماد) بل كائن متجدد وهي شتول مجهزة في الاساس للزراعة والبيع ربما احيانا .. فروحك الوطني هل تقبل ان يتحول النخيل الي زينة في شوارع الخرطوم ويزعجك توطينها في مكان هو السودان مثلا؟

علينا ان نسمو فوق الطموح القبلي الضيق وان نكبر بعقولنا وتفكيرنا حين يتعلق الأمر بوطن يعاد تشيكلة وفق أهواء الكيزان عليهماللعنة جميعا

Quote: حيرتني عديل يا محجوب ... نحن بنقرف لمن تجي سيرة الراجل سئ الذكر دهـ ... إنت المزعلك شنو ؟

يا اخي انت الحيرتنا ... هسي شايف كل الناس دي بقت ترد علي كلامك الهباب ده و خلت موضوع البوست الاساسي ظاتو...
يا خي مفترض يربطوك تحت شجرة تخيل و يهوززو ليك من فوق عشان تتفلق بالتمر...

______________________________
لوووووووووووووووووووووووب
و بعدين شايف بعد عملتك المهببة دي ... نوارة البوست ظاتها جرت و خلتنا نعتل ليها
انتي لو ما قادرة علي بوسطيك ده ... من الاول الشلاقة في شنو

دينا خالد سلام

ياخ قدرما تأملنا ما لقينا حاجه نقولا غير:


" الحاري ولا المتعشي"

والله محن

لك الود

دينا خالد سلام

ياخ قدرما تأملنا ما لقينا حاجه نقولا غير:


" الحاري ولا المتعشي"

والله محن

لك الود

مش قالو شر البلية ما يضحك



__________
ممكن الزول ده مندس يا جماعه

يا الفاتح شلبي

كلامك والله العظيم عنصري وبغيض جداً جداً

والشمالية تتبرأ منه قولاً واحداً


أقرأ الكلام التحت ده كويييس

Quote: 0, 01:38 ص طارق أحمد أبوبكر تاريخ التسجيل: 24-12-2005 مجموع المشاركات: 757 Re: القيادي الكبير/الحاج آدم يتخلى عن (الشعبي) وينـضـم لـ«الوطـني» (Re: فايزودالقاضي) الاخوة و الزملاء الافاضل الكل ببريطانيا او السودان يعرف موقفى من حكومة الانقاذ و لكن اريد ان اقول كلمة حق فى شخص الدكتور الحاج ادم لانى اعرفه قبل مجئ الانقاذ الى الحكم و التقيته بعد الانقاذ خارج السودان و هو حاكم للولاية الشمالية فكان كما عرفته تقيا ورعا مهذبا لدرجة لا يتخيلها احد متواضعا بارا بأصدقائه حتى و ان اختلف معهم سياسيا و انا من اقصى اليسار هذا الرجل لم و لن تغيره السلطة و كما قلت سابقا يكفيه فخرا ان جميع اهل الولاية الشمالية التفوا حوله و ذكر عهده بكل خير مع العلم انه من غرب السودان يعنى الحكاية ما اعراق و اجناس الشعب يحب الحاكم المتواضع الذى يخدمه و عندما حكمهم ابن الولاية عادل عوض لعنوا حظهم العاثر و طالبوا المركز باعادة الحاج ادم الذى كان يجدونه فى افراحهم و اكراههم و يعمل ليل نهار لخدمتهم و كان نموذجا للحاكم العادل التقى الورع .. فقد المؤتمر الشعبى لاعبا مهما وكسب المؤتمر الوطنى لاعبا من العيار الثقيل مهما اختلفنا معهم لكنها الحقيقة و سيكون له اثر واضح بدارفور فى قادمات الايام . لو كانت الانقاذ كلها مثل الحاج ادم لما وصلنا ما نحن فيه اليوم ..

Re: القيادي الكبير/الحاج آدم يتخلى عن (الشعبي) وينـضـم لـ«الوطـني»

بالنسبه لاى عاقل يعتبر التحول من شعبى الى وطنى او العكس هو نوع من الاستهبال واللعب على الدقون فهولاء الناس لا تهمهم مصائر الناس حرقوا دارفور على رؤوس اهاليها دونما احساس بتأنيب ..ويريدون اليوم خداعنا بأن بعضهم مع المعارضه والبعض مع الحكومه لكن هيهات فسيد البشر يقول ان المؤمن لا يلدغ من جحر مرتين...ليذهب الحاج ادم الى الى الوطنى او ليظل حيث هو فهو متهم بجرائم كبيره فى حق الشعب السودانى وسيأتى اليوم الذى سيحاسب عليها هو وبقية عصابته بأى مسميات سموا انفسهم.

بالامس اتصلت بى صديقة ما ح اقول ليكم اسمها
تضحك على هذا البوست
قالت لى الراجل يرفع فى علبة الشعير المكتوب
عليها خالى من الكحول قال ليهم
هو فى زول هسه قال ليكم
فيها كحول ؟؟؟؟ لوووووووووووووب
قالوا الفى راسو بطحة بيحسس عليها !

محجوب يا راقى ..
شكرا للعتالة وتعليقاتك الظريفة ..

شلبى !! ما كترت المحلبية شوية ؟
د. محمد بابكر القول ما قلته انت فكل سنة
وانت طيب من قبل ومن بعد ..
صادق عبد الله
شكرا برضو لكلامك ريحتنى من كلام كتير

 

مختصر سيرة حركية للدكتور الحاج آدم يوسف-المتهم بقيادة المحاولة الانقلابية الاخيرة

سودانيز اون لاين
10/11 2:37am

 

بسم الله الرحمن الرحيم
الدكتور الحاج آدم يوسف
أمين الإتصال التنظيمي
بالمـؤتمر الشـعبي السودان
مختصر سيرة حركية:
 ولد عام 1955 في قرية السبيت في منطقة عد الفرسان ـ في ولاية جنوب دارفور
 درس الهندسة بجامعة الخرطوم وتخرج فيها العام 1979 .
 حصل على الماجستير من جامعة نيوكاسل بإنجلترا.
 حصل على الدكتوراة في الهندسة الزراعية من جامعة الخرطوم .
 عمل أستاذا بالجامعة ورئيسا لقسم الهندسة الزراعية .
 عمل وزيرا للزراعة بالولاية الشمالية الكبرى
 ثم واليا للولاية الشمالية بعد تقسيم الولايات إلى 26 ولاية.
 ثم واليا لولاية جنوب دارفور.
 عمل وزيرا للزراعة حتى العام 2000م حين إختار مغادرتها للإنضمام للمـؤتمر الشـعبي .
 أنتخب نائبا لأمين ولاية الخرطوم2000م.
 أنتخب أمينا لولاية الخرطوم2002م .
 أنتخب أمينا للإتصال التنظيمي 2004

http://www.sudaneseonline.com/anews/oct11-45506.html

إنت مستغربة ليه يا دندون ؟
مش الناس ديل مؤتمر وطني في دواخلهم - أو كما قال خالد ابو احمد ذات بكية
يعني ما محتاجين منصب أو مال
ولاّ عايزاهم يخلّوها لناس علاء الدين - برضو يا قول ابواحمد

ود البشرى الراجل الراقى احيانا ..
صاح ناس الشعبى قلوبهم مؤتمر وطنى
لكن جيوبهم شعبى ..

الان على الحاج اصبح مؤتمر وطنى قلبا وجيبا ..






ـــــــــــــ
علاء دا صاحبى يمين لا قلب لا جيب
مكاواة ساى ... لما كان صغير ما كاووا ولعب ..

البحيراوى يا عزيز تبرا من القنابير
تراكا صاااحى ومفتح ..

يا شلبى براحة على اصحاب المهن الشريفة
دا كلو من سياسات التهميش والتغييب عن التعليم
خلت اسماء لابناء مناطق بعينها خارج هذه العملية ..

محجوب عبد الله صاحبى
ازيك ياخ كانى كنت موجودة هنا شكرا
لطرحك ارائى ..

الصادق يحيى
العنصرية مرفوضة فى البوست او خارجه
شكرا على وضع الامور فى نصابها ..

بيناوى اهو كبرو ليك اللفة ..

محمد حلا
مداخلتك ضافية ووافية وفيت وكفيت
دى ماذى بتاعة حسنين لوووووب

الصادق سلفاب
اوع تكون بتتا القوى لوووووب

الصادق ضرار
هسه هم ذاتهم محتارين مدسى وين
هنا ولا هناك ؟

الشفيع وراق
لعن الله العنصرية والعنصريين
بس نحن كلامنا تانى

تحياتي للجميع

أعتذر عن التاخير وعدم التعقيب على المداخلات التى أثارتها فقرة من مداخلتي السابقة, واعتذر للاخت دينا وعزائي أن حتى هذهـ الجنحة تصب فى اتجاهـ تأمل

المهم فى الامر أن العنصرية شئ بغيض وأستطيع ان أقول انه قد يكون بمداخلتي إيحاء ومن حقكم الإعتقاد كذلك ... الى أن تستبينوا ... وها انذا أبين لكم أنني لا أقصد سوى شخص هذا المدعو حاج آدم, بدليل أنني أحظى بصداقة ورفقة عدد كبير من أبناء غرب السودان وعلى مستوى أسرتي الكبيرة والصغيرة واتمنى أن يكون الحال كذلك معكم جميعاً

"ليس كافياً أن نقول لا للعنصرية"

Quote: أعتذر عن التاخير

شلبي يا هبيب...
قلقنا عليك لما اتاخرت ... كويس انك جيت ...
ان تأتي متأخرا خير من الا تأتي...
علي كل حال لم نتهمك بالعنصرية ... بس كنا مستغربين انك ما قابلت زول اسمو ادم الا في كمساري ...
دي بالغت فوكها شوية...

______________________
نحكي ليك نكتة ادم دكان و لا سمعت بيها؟

Quote: نحكي ليك نكتة ادم دكان و لا سمعت بيها؟

الأخ محجوب

أحكي نكتة آدم دكان وأتمنى صادقاً أن تكون مداخلتي الفوق دي مقنعة لك ولبقية المتداخلون اللى خلوني أراجع مداخلاتي زي عشرة مرات

العنصرية قبل أن تطفو الآن فى الآفاق وبحدة أي زمان لمن الناس هداوة بال كان البعض يعتبر تفاهمنا بلغاتنا المختلفة بجانب من لم يعرفونها ... نوع من العنصرية ... وكنا وما زلنا نرفض نعتنا بهذهـ الصفة البغيضة ... هذا مع التثبيت بأن التحدث بلغة غير مفهومة أمام الغير أسلوب غير حضاري ولكنها لا ترتقي بأن نسميها عنصرية (وعلى قول أهلنا هناك ... يعني ما نتكلم ول شنو؟) ويا ريت واحد يتبرع ويعرف (بتشديد الراء) لينا الجزئية دي بكلمة ثانية غير العنصرية.