Post: #1
Title: النافع:إسرائيل لها تدخل واضح في السودان، كما أن لها خبراء في دارفور!أها أبقوا رقاق!
Author: jini
Date: 11-09-2010, 06:13 PM
| Quote: وأضاف نافع في حديث لصحيفة القدس العربي الصادرة في لندن أن "القيادة السياسية في الحركة الشعبية كانت مرتبطة باللوبي اليهودي المنحاز لإسرائيل، وبالنسبة لنا لم يكن مفاجئا أن تعلن بعض قيادات الحركة إقامة علاقات مع إسرائيل، وإسرائيل لها تدخل واضح في السودان، كما أن لها خبراء في دارفور". |
إسرائيل!
يتقرن فيها العدو!
غايتو ديل البتورط معاهم يمرقو الشديد القوى!
والعجب كانوا اشتروا ليهم كم هكتار او دنم فى الجنوب وبقى ملك حر!
يمين الله يخلوا بهايمهم فى السهلة بدون زريبة ما تجيهم الحبة!
يا اخى ناس حماس بفتخروا غزة عدمت نفاخ النار علا العسكرى الاسرائيلى جلعاد شاليط حتى وجع الراس ماصادو ناس هنية محافظين عليهو فيشان اسرائيل ماتتهمهم بى كتلوا يات من حتة فيها ضرب يمرقوبوا منها!
اسرائيل دى العسكرى حقهم قالوا الخوذة حقتوا مربوطة بالكنيست ومجلس الوزراء الاسرائيلى بالاقمار الصناعية وبواسطة قوقل ايرث والجى بى اس بيلحقوا والداير امه تثكلوا يهبشوا ساكت انشاء الله كان القاعدة!
ديل من زمن الحرب العالمية عساكرهم الماتوا ما تموا الألف!
جنى
|
Post: #2
Title: Re: النافع:إسرائيل لها تدخل واضح في السودان، كما أن لها خبراء في دارفور!أها أبقوا رقاق!
Author: jini
Date: 11-09-2010, 06:28 PM
Parent: #1
قدامك حل واحد
تفتحوا ليها سفارة فى الخرطوم وتسعة قنصليات وتدوها ادارة مشروع الجزيرة وخزان الرصيرص وسنار وخشم القربة ومروى!
ولو قالت دايرة قاعدة فى بورتسودان الشغلانة بتتباصر!
وبالمرة ادوها حق الاستثمار للتنقيب والتعدين فى مثلث حلايب !
يمين الله المصريين يمرقوا منها مرقة الخروج الكبير!
جنى
|
Post: #3
Title: Re: النافع:إسرائيل لها تدخل واضح في السودان، كما أن لها خبراء في دارفور!أها أبقوا رقاق!
Author: jini
Date: 11-10-2010, 11:48 AM
Parent: #2
اها قلتوا شنو يا الجبهجية فى خارطة الطريق دى!
جنى
|
Post: #4
Title: Re: النافع:إسرائيل لها تدخل واضح في السودان، كما أن لها خبراء في دارفور!أها أبقوا رقاق!
Author: الشامي الحبر عبدالوهاب
Date: 11-10-2010, 12:12 PM
Parent: #3
| Quote: إسرائيل لها تدخل واضح في السودان، |
دي بطبطة ساكت ما بتنفع طالما وضعوا
حق تقرير المصير ضمن الاتفاقية الاشيلو
شيلتم
|
Post: #5
Title: Re: النافع:إسرائيل لها تدخل واضح في السودان، كما أن لها خبراء في دارفور!أها أبقوا رقاق!
Author: jini
Date: 11-10-2010, 02:12 PM
Parent: #4
Quote: دي بطبطة ساكت ما بتنفع طالما وضعوا
حق تقرير المصير ضمن الاتفاقية الاشيلو
شيلتم |
اها جماعتنا ديل ما اخير ليهم يعلنوا السودان دولة مواطنة متعددة الارديان والارعراق والثقافات بدل يجاوروا عزرائيل (إسرائيل)!
ما أخير من البطبطة دى عصفورين بى حجر دولة مواطنة وكفاية شر الصهاينة!
جنى
|
|