بالله واصلو الحفله دي ممكن ود الحوري - ود مديني ان شاء الله الكنينه يا رطب الجنينه
Post: #19 Title: Re: اهدا عمر ودالباوقه Author: ود الباوقة Date: 11-06-2010, 07:25 AM Parent: #18
Quote: بالله واصلو الحفله دي ممكن ود الحوري - ود مديني ان شاء الله الكنينه يا رطب الجنينه
حبيبنا علي الكرار
خليك قريب يمكن الشغلانة دي تجيب ليها بطان
Post: #20 Title: Re: اهدا عمر ودالباوقه Author: عثمان محمد كرار Date: 11-07-2010, 07:09 AM Parent: #19
قريب تب ياودالباوقه وجاهز والله للجلد ...بمناسبة الكنينه داير احكي ليكم قصة نسيبي العميدعلي شنان الله يرحمو ويغفر ليه ...كنا في زواج عصام الحاج والحفله بي اللحو والناس مبسوطه والسلاح ضارب جو ناس الامن قالو وقفو السلاح والله نوقف الحفله طبعا مافي زول اشتغل بي كلامهم قامو مشو فصلو الكهربا من الهيئه الجماعه جاهزين دورو الجنريتر والسلاح لانو الناس الطربانه وتضرب في السلاح كلها رتب في الجيش والشرطه والامن وكان حاضر الحفله قائد الحاميه اللواء وكت شاف ناس الامن حايمين يوقفو الحفله طوالي عمل انسحاب تكتيكي اها نرجع للقصه ناس الامن لما شافو مافي طريقه اخدو اللحو علي جنبه وقالو ليه تقيف مااشتغل بي كلامهم جو راجعين ولسه اللحو ينتر طوالي دخلو وساقوه اها الناس رسلو المرحوم علي شنان (والذي كان ينتظر علي احر من الجمر غنية الكنينه)اها مشي عليهم اتكلم وحاور وحنس معاهم وكت لقاهم مصرين قال ليهم ياناس عليكم الله خلوه بس يغني لينا الكنينه وسوقوه بعد داك
Post: #21 Title: Re: اهدا عمر ودالباوقه Author: عثمان محمد كرار Date: 11-07-2010, 07:22 AM Parent: #20
بالله واصلو الحفله دي ممكن ود الحوري - ود مديني ان شاء الله الكنينه يا رطب الجنينه
والله الكنينه دي عندنا معاها قصص كتيره خلاص بس ابقي قريب والزول دا ماتشغل بيه راسك كتير داير يجي يطرب حبابو الف وكان ماشالتو الداره (الداره دي لمابيعرفوها دي محل العرضه وسط ) نشيلو فوق راسنا اها كان ماداير خليهو في فسوه دا مافي زول شغالبو الشغله
Post: #23 Title: Re: اهدا عمر ودالباوقه Author: عثمان محمد كرار Date: 11-07-2010, 07:35 AM Parent: #16
الجماعة طربانين وملو ليك الدارة وكل اثنين ماسكين في عكاز ويسوي في عم عم عو عو حم حم هم هم زي حركات الجابودي لكنهم مطيننها شوية .. وانت عارف الجابودي عند الحوري حالاته خاصة... والحكاية غاظت الحوري والظاهر عليه قام يشتم فيهم وهم ما جايبين خبر...
بعد ما اتفرقوا مجموعة منهم مشوا على حوشهم وفي وسط الحوش لقوا جدهم قال ليهم جيتو من اللعب دا ياولاد .. قالوا ليه بالحيل جينا... وشتومة الغناي ده ما سمعتوها ؟؟ قال شنو ؟؟ قاعد يسوي ليكم انتو يا غجر وحقو يرموكم البحر وانتو شغالين ليه هو هو هو هو هو ؟
البحر اليشيلو ... أها عاد الليلة اليرجا الدميرة
وجري عليه بعكاكيزهم عليك أمان الله راقد ستة شهور...
Post: #27 Title: Re: اهدا عمر ودالباوقه Author: عثمان محمد كرار Date: 11-07-2010, 08:12 PM Parent: #26
ههههههه عمك بالغ لاكين قالو السكران في ذمة الواعي ياخي