Post: #1
Title: حـــكــومــــة الدكاترة
Author: د.محمد حسن
Date: 11-04-2010, 08:26 AM
د. علي الحاج
د. غازي صلاح الدين
د. مجذزب الخليفة ( نسال الله له الرحمة والتخفيف)
د. المتعافي
د. مصفى عثمان
والغريبة الوزارات المسكوها
- علي الحاج طريق الانقاذ الغربي وقروش السكر
-غازي اعلام وثقافة وبعد كدة مستشار حتى الان
مجذوب الخليفة وزارة الزراعة وازمة الخيش واليوريا
- المتعافي وزارات كتاااااااااااااار اخرها زراعة البنجر في الجزيرة
- مصطفى عثمان ده وزير معجزة من الصداقة العالمية ( جمعية طوعية) لي وزير خارجية لرئيس الهيئة العليا للاستثمار ( عجبي)
- الطيب محمد خير الشهير بسيخة ( الزول ده احتفي في ظروف غامضة)
الملاحظ انهم كلهم ما فيهم واحد اشتغل وزير صحة
كلهم متشبهين بعثمان بن عفان رضي الله عنه
ابوذر رضي الله عنه مالو؟
|
Post: #2
Title: Re: حـــكــومــــة الدكاترة : البلد مليانه علم ....والقلم مابزيل بلم
Author: محمد مصطفي مجذوب
Date: 11-06-2010, 09:58 AM
Parent: #1
د. محمد حسن
سلام الله عليك
انا في الحقيقه حسبت لي زي كام وخمسين واحد كده ما بين بروفسير ودكتور منهم الساده:
الفريق د. سلفاكير ميار ديت
د. نافع علي نافع
أ.د إبراهيم أحمد عمر
د.رياك قاي كوك
أ.د أحمد علي الإمام
د.مصطفى عثمان إسماعيل
د.غازي صلاح الدين العتباني
أ.د بونا ملوال
د. احمد بلال عثمان
د.الصادق الهادي عبد الرحمن المهدي
د. لوكا بيونق
الفريق أول ركن/د. عبد الرحيم محمد حسين
د. محمد بشارة دوسة
د. بيتر ادوك نيابا
د. كمال محمد عبيد
د. جلال يوسف الدقير
د. لوال أشويل دينق
د. عبد الباقى الجيلاني
د. مهندس أسامة عبد الله محمد الحسن
د.عبدالحليم اسماعيل المتعافي
د. عوض أحمد الجاز
أ.د جورج بورينق نيامي
د.فيصل حسن ابراهيم
د. عبد الله تيه جمعه
د.كمال عبد اللطيف عبد الرحيم
د. احمد بابكر نهار
د. أزهري التجاني عوض السيد
د.امين حسن عمر
د.محمد مختار حسن حسين
د. الفاتح على صديق
أ.د أبوش أجوك أكو
د.صلاح يوسف
د.محمد على الحاج علوبة
د.سامي يس عبدالدائم
د. أمنة صالح ضرار
د. مطرف صديق
د.عمر محمد صالح
د. الفاتح علي الصديق
د. عمر محمد خير
د. محمد عبدالرازق عبد العزيز
د. نجم داؤود محمد داؤود
أ.د عواطف عبد الباقي العجيمي
د. الفاضل علي آدم
د. سعيد عبد الله سعيد
د.زهير الفاضل الابجر
د.عمر أحمد عثمان المقلي
د. المعتصم عبد الرحيم
د.عبدالله عيسي عبدالله
ده غير المابعرفهم ..
ضيف علي كده هيئة اسمها هيئة مستشاري مجلس الوزراء
وبعدين كمان ما تنسي ناس الولايات
ومديرين الجامعات
وفي غيرهم كتار ....حمدهم في بطنهم
تصور كده في اجتماع مجلس الوزراء والرئيس يقوم يقول يا (دكتور ) اممممممممممممممممممممممم
بصراحة كده البلد متنور نحمد الله
ده غير الناس المركبين مكنة دكتور الواللا الجماعة الاختشو علي دمهم وشافوا ليهم ورقة شهادة كدة من المحطة الوسطي واللا من ميدان جاكسون لزوم التوثيق
سمح العلم ... سمحة الشهادة ......
|
Post: #3
Title: Re: حـــكــومــــة الدكاترة : البلد مليانه علم ....والقلم مابزيل بلم
Author: د.محمد حسن
Date: 11-09-2010, 06:18 AM
Parent: #2
اخي محمد مصطفى
والله بغرتني بي عدد الدكاترة الكتار وبقو وزراء
دكترنا راحت بين رجلين الكفيل
يا حليلي هسة لو كنت في السودان كا بقيت وزير وود الباوقة يقول لي يا سعادتك
الف شكر ليك على الاضافة الوافرة
مودتي
|
Post: #5
Title: Re: حـــكــومــــة الدكاترة
Author: د.محمد حسن
Date: 11-09-2010, 07:06 AM
Parent: #4
دكاترة عشرين سنة
وغلبهم يحلو مشكلة انهم حاكمين بالغلط
اظنهم اتخرجو من ست فلة
|
Post: #6
Title: Re: حـــكــومــــة الدكاترة
Author: طارق ميرغني
Date: 11-09-2010, 07:30 AM
Parent: #5
اخي د. محمد حسن
قديما قال اهلنا القلم ما بزيل بلم
والاكاديمي غير السياسي سوي حمل درجة الدكتوراه ام الاستاذيه
مشاكل السودان جلها من المتعلمين والمثقفين او المتثاقفين
وهم من دعموا كل الانظمة الشمولية في السودان وعلي مر التاريخ .
هؤلاء الذين يديرون السودان كادارة اتحاد طلبة جامعة الخرطوم
والذين اغتنوا من مواقعهم وجاع بقية الشعب السوداني
انا اتذكرهم جيدا ونحن طلبة في جامعة الخرطوم
واي منهم يلبس بنطلون وقميص واحد منذ مجيئه الخرطوم
وحتي تعيينه حين كان التعيين لا يتعدي ايام بعد التخرج
اما الداخليات فكانت عباره عن فنادق خمسة نجوم
لا يغادرونها حتي في الاجازات للتمتع بالباسطه والحليب اليومي.
الفقران وعينو ما ملانه لمن يلقي فرصه ياحبيبي بياكل حقو وحق غيرو !!!!
اذن لا يفيد نا كشعب سوداني ان حملوا درجة الدكتوراه او الاستاذية في شيء
فهم غير جديرين وحكمهم زي حكم ام تكو.
|
Post: #7
Title: Re: حـــكــومــــة الدكاترة
Author: د.محمد حسن
Date: 11-11-2010, 12:47 PM
Parent: #6
Quote: اذن لا يفيد نا كشعب سوداني ان حملوا درجة الدكتوراه او الاستاذية في شيء
] |
طارق يا حبيب
ده كلام زول موجوع شديد
|
|