المخطـوطـة الاصـل !! صورة ...

عنوان البوست هل على السودانيين حج الان ؟؟
الايستطيع السودانيون الحج من منازلهم ؟؟

السير هنري جيد ده كان بتحشر لشنو كان سألوه ؟

انت في السير هنري الخواجة الكافر ولا في الكتابة البين قوسين تاريها من الزمن داك قاعدة

Quote: عنوان البوست هل على السودانيين حج الان ؟؟ الايستطيع السودانيون الحج من منازلهم ؟؟

???????!!!!!!!!!!!!!!!

ده البوست الرابع أشوفو بصورة المجلة دي.
ياخ ذليتوالعرب ديل ذلة الكلـــب بالميتين و تلتاشر جنيه حقتكم دي.
أديكم تلتمية جنية و تنسو وريقكتم دي ؟

المخطوطة دى زمن السودان ورجاله برسلوا دعمهم
الاراضى المقدسة فى زمن الحج لاحظ التاريخ
فى المخطوطة ...


اها هسه بعد ما بقينا نتلقى الدعومات
من السعوديين هل ما زال علينا حج ؟؟

فى اعتقادى انو ما يتدفق من اموال السودانيين
على الحج اولى بيه بلدهم

فيكيف يحج الرجل واطفال الشوارع يقتاتون السلسيون
جراء الجوع الكافر ..

كيف يحج الرجل واهل طوكر فى العراء ؟
كيف يحج السودانى والرجال والنساء والاطفال فى المعسكرات
ماكلهم ومشربهم وكساءهم ودواءهم من الخواجات ..؟؟
كيف يحج السودانى ومافى حقنة فى المستشفيات ؟
كيف يحجوا فى بلاد افتقد اهلها الاكل والشرب والدواء والكساء
قالوا الاقربون اولى بالمعروف ...







ــــــــــــــــــــــ
افتكر انو الحج من السودان ممكن !
يس وى كان ...

تُرى ما المقصود بالسرى الكبير؟!!

و هل هي السرى الكبير ابتداءً؟!!

بالمناسبة ياجماعة

الفتوة بتاعت الحج من داخل السودان دي زي السنعتها قبل كدا ايام الدفاع الشعبي في أوج العمليات العسكرية وأعتقد أن من أفتى

بها ذلك الحين هو د/ حسن الترابي

والله عليم

عاصم فقيري

Quote: ياخ ذليتوالعرب ديل ذلة الكلـــب بالميتين و تلتاشر جنيه حقتكم دي.أديكم تلتمية جنية و تنسو وريقكتم دي ؟

يا حمور ياخ الجنيه في الوقت داكـ كان بساوي ما أقل من 20 ريال سعودي

والمبلغ دا كان بساوي حالياً 213 مليون دولار يعني بالريال قريب مليار ريال




عليكـ الله ما لينا حق نتبجح ونتفشخر بيها ؟؟؟؟

Quote: يا حمور ياخ الجنيه في الوقت داكـ كان بساوي ما أقل من 20 ريال سعودي

يا هشام اول شي الزمن داك كان الجنيه مصري ..
تاني شي ما كان في ريـال سعودي زاتو. كانت العملة عثمانية و مصرية على ما أظن.


ــــــــــــ
انا اكرر سؤال حسين ..
هل الصفة : السري الكبير ؟

Quote: افتكر انو الحج من السودان ممكن ! يس وى كان ...

يس وي كان...
يا سعادة العقيد القائد الأممي!
__
الأستاذه دينا، وبعد إذنك:
والله بدون النظر لهذا الموضوع من باب الهزر،
أعتقد أنه ماده جديره بالنقاش الجاد.. ويا ريت الناس
العندهم المقدرة على الفتيا فيه ألا يبخلوا..

محمد عبدالرحمن [المطرطش]

غريب امر هذا الزمان

ها أنت تطلب وده بعد ما فعله بك

لقب السير الحاصل عليه السيد عبد الرحمن المهدي مكتوب : السر.
و بمقارنته (بعد تكبير الصورة ) بالسري يظهر لي شبه تطابق.

يا أخوانا حضرتني نكتة واقعية كانت أحداثها في الجامعة عاصرها الدفعات التي سبقتنا حينها

أرويها لكم:

قالوا كانوا ينتظرون البرلومات بفارغ الصبر وبمجرد أن ينزل كشف بأسماء الطلاب الجدد تجد السناير يقسمون بينهم الغنايم (جمع

غنيمة) وكل يختار إسم وفي واحد قالوا قام لقى في الأسماء إسم دينا (طبعاً ما دينا الكاتبة البوست دا) وقال بس أنا دينا دي

حتكون الجكس بتاعي.

عندما حضر الطلاب الجدد (طلبة وطالبات) وإستقروا في مواقعهم فإذا بصاحبنا يجد أن دينا تلك إسمها دينار وقد سقط حرف الراء

كخطأ مطبعي ودينار ذلك يقال أنه كان رجلاً جيهامة وضخم (يعني لو لفحك بنية بتروح فيها)

من اليوم داك بقيت أخاف من إسم دينا

يا دينا قلتي إسمك بالكامل منو ؟


مع تحياتي وإحترامي

عاصم فقيري

Quote: لقب السير الحاصل عليه السيد عبد الرحمن المهدي مكتوب : السر. و بمقارنته (بعد تكبير الصورة ) بالسري يظهر لي شبه تطابق.

لا يمكن أن يكون حضرة صاحب السيادة الحسيب النسيب السر الإمام
الحبيب السيد عبد الرحمن المهدي مجرد سير بينما البقية سير .. كبير.

ما قصدت كده يا حسين ..
قصدت انو الألف و اللام و السين في كلمة "السر " ( السير ) و في أول كلمة "السري الكبير " متطابقة تقريباً.
أي انها فعلا السري و ليس الثري أو غيرها.



لكن كل هذا ظني لأن الصورة سيئة للأسف.

صحيح يا حمور .. تخيل لو أن استمر الحال على ما كان عليه؛ و أرادوا
تثبيت لافتات "لشارع السيد عبد الرحمن" فكم سيكون حجمها لتحتوي التالي:

شارع حضرة صاحب السيادة الحسيب النسيب السر الإمام الحبيب السيد عبد الرحمن المهدي.

حتى صفحة بكري لم تحتمل؛ فأنزلت "المهدي" للسطر التالي .. فتأمل!

ما ذكرته هو بالضبط لقبه الرسمي الذي كان يذكر به في الصحف.
قرأت هذا بعيني في أرشيف الرأي العام في دار الوثائق.
لكن بعد ذلك لم يعد الانصار يحبون ذكر لقب السير في ألقابه.
و كذلك الحال مع السيد علي الميرغني الحاصل على الباشوية اضافة للقب المذكور.

رحم الله ذلك الزمن.


ـــــــــــــــ
من الملاحظ ان الوثيقة فيها ثلاثة من ال البيت المهدوي و اثنين من الانصار و واحد من التجارالمعروفين بالعلاقة مع السيد عبد الرحمن و تاجر من اسرة انصارية ( ربما كان انصاريا ايضا لكني غير متأكد الان ) بينما يغيب عنها تماما اي ممثل لطائفة الختمية.

Quote: من الملاحظ ان الوثيقة فيها ثلاثة من ال البيت المهدوي و اثنين من الانصار و واحد من التجارالمعروفين بالعلاقة مع السيد عبد الرحمن و تاجر من اسرة انصارية ( ربما كان انصاريا ايضا لكني غير متأكد الان ) بينما يغيب عنها تماما اي ممثل لطائفة الختمية.

ثلاثة من ال البيت المهدوي :
1- السيد عبد الرحمن
2- السيد علي المهدي ( مؤلف كتاب جهاد في سبيل الله )
3-السيد عبد الله الفاضل ( المهدي )

اثنين من الانصار :
1- بابكر بدري (مقاتل سابق في المهدية و لم تنقطع علاقته بالسيد عبد الرحمن)
2- دفع الله شبيكة (مقاتل سابق في المهدية و لم تنقطع علاقته بالسيد عبد الرحمن)

واحد من التجار المعروفين بالعلاقة مع السيد عبد الرحمن :
حسنين أبو العلا

تاجر من اسرة انصارية ( وربما يكون انصاريا لكني لا اذكر )
الشيخ عثمان صالح

Quote: فيكيف يحج الرجل واطفال الشوارع يقتاتون السلسيون جراء الجوع الكافر .. كيف يحج الرجل واهل طوكر فى العراء ؟ كيف يحج السودانى والرجال والنساء والاطفال فى المعسكرات ماكلهم ومشربهم وكساءهم ودواءهم من الخواجات ..؟؟ كيف يحج السودانى ومافى حقنة فى المستشفيات ؟ كيف يحجوا فى بلاد افتقد اهلها الاكل والشرب والدواء والكساء قالوا الاقربون اولى بالمعروف ...

يا قوم
القول ما قالت البنت دينا بنت أبي دينا الله ينصر دينا

لها ولكل المتداخلين هنا التحية والاحترام

Quote: كان عبد الله بن المبارك يحج سنة ويغزو سنة فلما كانت السنة التى يحج فيها خرج بخمسمائة دينار الى موقف الجمال ليشترى جملا فرأى امرأة على بعض الطريق نتنف ريش بطة فتقدم اليها وسألها ماذا تفعلين؟ فقالت: يرحمك الله انا امرأة علوية ولى اربع بنات مات ابوهن من قريب وهذا اليوم الرابع ما اكلن شيئا وقد حلت لنا الميتة فأخذت هذه البطة اصلحها واحملها الى بناتى فقال عبد الله فى نفسه :( ويحك يا ابن المبارك اين انت من هذه؟ ) فأعطاها عبد الله الدنانير التى كانت معه ورجع عبد الله الى بيته ولم يحج هذه السنة وقعد فى بيته حتى انتهى الناس من مناسك الحج وعادوا الى ديارهم فخرج عبد الله يتلقى جيرانه واصحابه فصار يقول الى كل واحد منهم : ( قبل الله حجتك وشكر سعيك ) فقالوا لعبد الله : ( وانت قبل الله حجتك وشكر سعيك انا قد اجتمعنا معك فى مكان كذا وكذا) (اى اثناء تأدية مناسك الحج) واكثر الناس القول فى ذلك فبات عبد الله مفكرا فى ذلك فرأى عبد الله النبى يقول : ( يا عبد الله لا تتعجب فأنك اغثت ملهوفا فسألت الله عز وجل ان يخلق على صورتك ملكا يحج عنك )

هل كان سيسمح لأحدهم – إن أراد - أن يتبرع بأعلى من قيمة تبرع
حضرة صاحب السيادة الحسيب النسيب السر الإمام الحبيب السيد عبد الرحمن المهدي؟!!

Quote: بينما يغيب عنها تماما اي ممثل لطائفة الختمية.

اعتقد لهذا السبب

Quote: هل كان سيسمح لأحدهم – إن أراد - أن يتبرع بأعلى من قيمة تبرع حضرة صاحب السيادة الحسيب النسيب السر الإمام الحبيب السيد عبد الرحمن المهدي؟!!

قيمة التبرع او وجود السيدين في قائمة واحدة ايهما يكتب أول ممكن يخلق ازمة دستورية ..

Quote: قيمة التبرع او وجود السيدين في قائمة واحدة ايهما يكتب أول ممكن يخلق ازمة دستورية ..

الحمد لله الذي عافانا و أصلح شأننا.

Quote: هل كان سيسمح لأحدهم – إن أراد - أن يتبرع بأعلى من قيمة تبرع حضرة صاحب السيادة الحسيب النسيب السر الإمام الحبيب السيد عبد الرحمن المهدي؟!!

ما أظن في واحد في القائمة كان ممكن إتبرع بأعلى من السيد عبد الرحمن المهدي ..لأنو هو متبرع بـ100

والبعدو طوالي متبرع بـ20 معقول الفرق الكبير ده مقصود؟

وكاااااااااااااااااااااااااااااك


وكيف يحج الانسان وفلسطين محتله
وكيف يحج الانسان والعراق محتله
وكيف يحج الانسان وافغانستان محتله
وكيف يحج الانسان ومعدل الفقر العالمي في تزايد
وكيف يحج اخوها وعلوية بت الحسن طلقوها
وكيف يحج بتاع الحافلة والبولتين ضارب قبل ما يصلحو
وكيف يحج الانسان وولده ممتحن شهادة قبلي ما تطلع النتيجة
وكيف يحج الانسان وولم يزوج بناته
و
و
و
و
و
و
و
و
و
وكيف يحج الانسان ولم تقم يوتوبيا على الارض حتى الان ؟



_______
المستطيع الذي اخرج زكاته الشرعية ولا دين عليه حجه فرض
تحسبيه لعب
ده ركن من اركان الاسلام

ورويت هذه القصة عن ابن المبارك رحمه الله بشكل أكثر روعة وأكثر قربا من مقصد الأخت دينا شديد النبل والإنسانية في هذا البوست

Quote: لما حج ووصل إلى الكوفة ، وهو في طريقه يخترق من خراسان يريد مكة ، فمر بـالكوفة فوجد أهل الكوفة في سنة مجدبة، في قحط لا يعلمه إلا الله، بلغ بهم الجوع إلى أن خرجت جارية من بيت إلى مزبلة -قمامة- فأخذت غرابا ميتا وذهبت به إلى البيت فقال لغلامه: بالله اذهب واسألها لماذا أخذت الغراب فسألها فقالت: والله مالنا من طعام منذ ثلاث ليال إلا ما يلقى في هذه المزبلة، فلما أخبروا ابن المبارك ، بكى وجعل يده على وجهه وقال: الله المستعان نحن نأكل الفالوذج وهم يأكلون الغربان الميتة، قسموا هذه القافلة على أهل الكوفة وعودوا لا حج لنا هذه السنة، فقسموا على أهل الكوفة كل ما على القافلة من البر والزبيب والمأكولات والمطعومات، ورجع بدون حج من الطريق، فلما وصل إلى خراسان ونام أول ليلة. رأى قائلا في المنام يقول: حج مبرور، وسعي مشكور، وذنب مغفور -فعسى الله أن يتقبل منا ومنه الحج، فإن هذا من أعظم المقاصد التي قد تكون أعظم من الحج؛ لأن بعض الناس يتنفل بحج وجاره جائع بجانبه، وجاره فقير ولا يجد أكلة، فهذا من فقه ابن المبارك وعلمه، وهذا من سعة إدراك ابن المبارك - ونريد أن نكرر من تلاميذ الإسلام من مثل ابن المبارك .

Quote: قيمة التبرع او وجود السيدين في قائمة واحدة ايهما يكتب أول ممكن يخلق ازمة دستورية

ابدا يا عمر ..
عادة ما يقدم السيد علي الميرغني
لأسباب ..
اولها كان انه الاكبر سنا.
ثانيها انه حاصل على لقب الباشوية دون السير عبد الرحمن.
ثالثها انه حاصل على لقب سير من الدرجة الاولى بينا حصل عليها السيد عبد الرحمن و ابوسن بدرجة اقل.

المشكلة قد تكون فقط في قيمة التبرع.
فقد عرف السيد عبد الرحمن بالكرم و البذخ. بينما السيد علي الميرغني كان يمسك يده في التبرعات.
و واضح ان تبرع السيد عبد الرحمن كان مبالغ فيه.
كما ان للسيد علي أملاك و اموال في المدينة قد لا تحوجه للتبرع في قوائم يتصدرها تبرع ضخم للسيد عبدالرحمن.

لكن يا دينا

قولي هذا الكلام لقوم مقصدهم ومعبودهم الله الواحد القهار
وليس لمثل هؤلاء الذين يوشك أن يكون مقصدهم ومعبودهم الفلس والدرهم والدينار
المتحكمين في بلادنا فئة من الفاسدين الذين يفوق نظامهم الرأسمالي الفظ كل النظم وحشية
المهم عندهم الربح والكوميشن والمحافظة على ما جنوه من السحت وتنميته
على حساب دمائنا .. ونحن أحياء
وعلى حساب دمائنا .. ونحن موتى

يا دينا

وأنت تهيلين معنا التراب على هذا العهر الإنقاذي غير المحدود

شكرا لك هذا الدعم المعنوي والروحي غير المحدود


لسادتنا الفقراء

Quote: بينما السيد علي الميرغني كان يمسك يده في التبرعات.

البنية حا تدور ..

حمور خرب البوست ووداه الخور

يا وليد اليومين دي الموضة في البورد الاتهام بدون دليل ثم التستر خلف : انا مسئول تماما عن اقوالي.
أها انا الليلة لابسا.

ثم الختمية ديل أهلي.
انا خايف الهوا من جيهة الانصار. ديلاك بيطعنو ساي ما بيفاهمو.

Quote: ُرى ما المقصود بالسرى الكبير؟!!

Quote: و هل هي السرى الكبير ابتداءً؟!!

أتراها من "سر التجار" فالراجح أن جميعهم من كبار
التجار .. و لكن .. التجار ديل أصلو عندهم كم سر؟!!

Quote: ما المقصود بالسرى الكبير؟!!

دي بتعني كبار منسوبي السرايا VIP members

بالنسبة لسرايا الحاكم العام

والله أعلم

عاصم فقيري

جرى التعديل لخطأ إملائي

وردتني الرسالة التالية من الاستاذ عبد العزيز صديق على بريدي :

Quote: الاستاذ حمور السلام عليكم و رحمة الله اضطلعت على البوست المذكور فى سودانيز اونلاين و اود لو سمحت لى بالرد على بعض الاستفسارات الواردة فيه اولا اعتقد ان كلمة السر الواردة كلقب للسيد عبدالرحمن هى نفس كلمة سير (فارس) و هو اللقب الذى منح له من ملك بريطانيا ثانيا كلمة السرى الواردة كألقاب لعدد من الاشخاص الاخرين المقصود بها مفرد سراة و هم اكابر القوم و خاصة انه تبعها صفة (الكبير) ثالثا بالتأكيد السيد عثمان صالح كان انصاريا بل من كبار الانصار رابعا لو لاحظت ان عنوان القائمة هو (القائمة الاولى) مما يعنى ان هناك قوائم اخرى و هذه القائمة كل الذين عرفتهم منها هم من اعيان امدرمان و جلهم من الانصار او على الاقل من المقربين للسيد عبدالرحمن مما يرجح ان القوائم الاخرى (ان وجدت) توزيعها اما جغرافى او حسب العلاقة بين السيدين. ارجو ان يكون استنتاجى هذا صحيحا و لكم التحية و التقدير

و تفسيره لسري يبدو وجهاً .. اما تفسير القائمة الأولى الخالية من غير الانصار و المقربين لهم ففيه نظر عندي.
و الله أعلم.

Quote: وكاااااااااااااااااااااااااااااك وكيف يحج الانسان وفلسطين محتله وكيف يحج الانسان والعراق محتله وكيف يحج الانسان وافغانستان محتله وكيف يحج الانسان ومعدل الفقر العالمي في تزايد وكيف يحج اخوها وعلوية بت الحسن طلقوها وكيف يحج بتاع الحافلة والبولتين ضارب قبل ما يصلحو وكيف يحج الانسان وولده ممتحن شهادة قبلي ما تطلع النتيجة وكيف يحج الانسان وولم يزوج بناته و و و و و و و و و وكيف يحج الانسان ولم تقم يوتوبيا على الارض حتى الان ؟ _______ المستطيع الذي اخرج زكاته الشرعية ولا دين عليه حجه فرض تحسبيه لعب ده ركن من اركان الاسلام

المداخلة الوحيدة التي حاولت مناقشة لب موضوع البوست تقريبا

شكرا صديقي على (المكاكاة) هنا رغم عدم يقينيتي عن مكان (التبييض)!!
بيض الله أيامك
كلامك عن المستطيع سليم في أحوال (غير كارثية) كالتي نعيشها الآن
راجع كيف حج عبد الله بن المبارك عاليه

لك الود

المحيرني إنهم عشان ما يكرروا مثلاً كلمة حضرة أو السيد بيستعيضو عنها بي " " "..
طيب ليي في القروش ما بيعملوا الحركة دي ؟؟
يعني بدل يكررو 20 جنيه دي يختو تحتها " ولا شنو ؟

تخريمة :
وثقتك دي يا دينا انا عندي في ايميلي من قبل 9 سنوات رسلا لي واحد من اولاد ناس بدري..
اصحى يا برييييش

Quote: كيف يحج الرجل واهل طوكر فى العراء ؟ كيف يحج السودانى والرجال والنساء والاطفال فى المعسكرات ماكلهم ومشربهم وكساءهم ودواءهم من الخواجات ..؟؟ كيف يحج السودانى ومافى حقنة فى المستشفيات ؟ كيف يحجوا فى بلاد افتقد اهلها الاكل والشرب والدواء والكساء قالوا الاقربون اولى بالمعروف ...

الاخت دينا
أري أن هناك تدخلا لا مبرر له في عقائد الناس و خصوصياتهم..
الحج عقيده و كفي...
من أراد أن يحج فهذا شأنه الخاص فقط له أن يحدد ان اهالي طوكر أحق بماله ام لا؟
مواضيع الدين و العقيده لها منابرها و طرق نقاشها... و لا أعتقد أننا يجب أن نفتي فيها
هنا يمكننا أن نقول ان الحكومة يجب أن لا تدعم الحج و كفي ... و أن توجه أموال البعثة لموضوع طوكر.. و أن تتولي أمر الحج شركات خاصة
فيا أختي زي ما قال السكران للذي نصحه "مالك و مالي... سكران بقروشك"
حمور
إنت ما سمعت بانو ست النفر بت الخبير كان عندما ذهبت للسيد علي أداها الفاتحة... و ذهب للسيد عبدالرحمن اداها الفيها النصيب فقالت
"فاتحه أبوعلوه ...بتصرف عند أبوعبده"
كدي بحت لينا ... إمكن تلقاهو رشا ليك ناس السعودية ديل بفاتحة

إن كان من تحفظ على الحج في ظل الظروف القاسية التي يعيشها السودان هذه الأيام فحج الوفود الحكومية الذي تدفع تكاليفه من
المال العام يرقى لدرجة التحريم و الله اعلم.

Quote: لكن كل هذا ظني لأن الصورة سيئة للأسف.

http://center.jeddahbikers.com/uploads/jb12887965081.jpg

ارى ان لغطا قد دار حول الاسماء فى اللستة
1_ 100 جنية حضرة صاحب السيادة الحسيب النسيب السر السيد عبد الرحمن المهدى
2 _ 20 جنية حضرة السرى الكبير ابراهيم بك عامر
3 _ 20 جنية حضرة السرى الكبير عبد المنعم افندى محمد
4 _ 20 جنية حضرة حسنين ابو العلا واولاده (لا حظ تساقط كل الالقاب عنه عدا حضرة)
5 _ 10 جنية حضرة السرى الكبير الشيخ سليمان الحاج حسن سعد (عاد هنا لقب السرى الكبير)
6 _ 10 جنية سيادة السيد على المهدى
7 _ 10 جنية سيادة السيد عبد الله الفاضل
8 _ 5 جنية حضرة السرى الكبير الخواجة هنرى جيد
9 _ 5 جنية حضرة السرى الكبير الشيخ عثمان صالح
11 _ 5 جنية حضرة السرى الكبير الشيخ عبد الحميد المهدى
12 _ 5 جنية حضرة السرى الكبير حسين افندى خليل واولادة
13 _ 5 جنية حضرة السرى الكبير الشيخ دفع الله شبيكة
14 _ 3 جنية حضرة احمد افندى حسون
15 _ 2 جنية حضرة محمد على افندى شوقى
16 _ 2 جنية حضرة الاستاذ الشيخ بابكر بدرى
17 _ 1 جنية حضرة السرى الكبير الشيخ صديق عيسى



ــــــــــــــ
حسين ملاسى الامر بسيط فلن يغلبوا فى مكان الاسم
يمكنهم كتابة الاسم بطول الشارع نفسه فى الظلط
فهو يمتد من شارع القيادة شرقا وحتى الاستاد غربا
سمحة المقدرة !!

وليد ناس فلسطين ديل يحجوا ساااى مليانين قروش فل
مافى اى زول جعان فى فلسطين يمشوا ويجوا البيت محروووس
ما عندهم مشكلة بس انتو طوااالى شايفنهم بصورة الاعلام
العربى ..
محمد شمس الدين
اذا كانو اهل بيتك بياكلوا فيهم الخواجات
انت تحج ؟؟ الاستطاعة وهى شرط الحج تشمل
خلو الطرف من كل واجباتك بالذات الملحة منها ..

واى زول عنده عوجة الاولى انو يفكها فى الاول
كيف الناس تمشى الحج وقفاها اعووج .. ؟؟
ايهما اولى حسب مرامى الدين العظيمة
ان تمد يدك للمريض الذى يموت من عدم الدواء ..
وان تساعد فى انقاص الموت بسبب الفقر والجوع
وان تساهم فى تامين حياة اهلك فى معسكرات
قاسية تفتقد ابسط مقومات الحياة ..
ام تدفع الملايين ليستفيد منها غيرك ؟؟ والاجر
ثابت باذن الله ..











ـــــــــــــــ
عمر الفاروق عشان كدا انت ما بتمشى الحج ؟

فتحى البحيرى سيد الفهم والراى
طبعا دى غير سيد الواردة فى اللستة لووووب
اعدت للبوست قضيته
ومداخلاتك اقوى من فكرة البوست نفسها
فشكرا جزيلا يا بحيرى ويدك معاى






ـــــــــــــــــ
ما واجعنى الا سكنة حمور فى هذا البوست !!

فتحي البحيري يسعد نهارك وعساك طيب اينما كنت

انا ما عندي مانع في انه شخص يتبرع بحجه للمحتاجين واحتمال اصفق ليه واندهش كمان واشيل سيرتو احي بيها للناس

لكني ضد التشريع وكان ذك هو القاعدة


تحياتي

Quote: فيكيف يحج الرجل واطفال الشوارع يقتاتون السلسيون جراء الجوع الكافر ..

أتفق مع دكتور سيف في التحفظ على حج الوزراء و المسئولين من المال العام. لكن أختلف مع منطقك يا دينا... لأن هذا المنطق سيقودنا لأسئلة من شاكلة كيف يذهب بعض الناس لقضاء شهر العسل في المكان الفلاني و الحوامل في قرى بلادنا لا يجدن سيارات إسعاف تقلهن إلى المستشفيات؟ و كيف تلبس بعض الناس ثيابا بالمبلغ الفلاني و هناك عراة في بلادنا؟ و كيف يبعث الناس أبناءهم للدراسة خارج السودان بمئات الآلاف من الدولارات في بلد لا يجد طلابه ظلا يؤيهم أو كنبا يجلسون عليه؟ بل قد يسأل سائل كيف تشرب دينا (دينا إنت ولا واحدة تانية ما فرقت) فنجانا من الكابتشينو بالمبلغ الفلاني في أوزون و هناك من لا يجد كوب ماء نظيف في السودان أو غيره حتى؟
طبعا لست ضد الاتساق في تصرفاتنا و التشجيع على أن نتحلى بشيئ من الإنسانية و نحن نعيش حياتنا و تذكر معاناة الناس. لكن لا أفهم أن تحل علينا هذه الإنسانية فقط عندما يتعلق الأمر بعبادة كالحج أو الأضحية. السؤال حول الحج و مشروعيته في ظروفنا مقبول جدا عندما يأتي وسط هذه الحزمة من الأسئلة.
كم يبلغ مجمل ما يصرفه السودانيون على الحج إذا ما قارناه بما يصرفونه على السفر إلى دبي أو ماليزيا مثلا؟ فلنبدأ بالظواهر السالبة كالصرف المبالغ في الأعراس و المناسبات و الكماليات من أثاث و سيارات و غيرها مما يحير كل عاقل في سوداننا بعد داك الحج هين.

بوستة ..
دينا خالد ..
بوستة ..

خطاب من الاستاذ يوسف عثمان :

Quote: 17 _ 1 جنية حضرة السرى الكبير الشيخ صديق عيسى صديق عيسى جدنا و لم يتلقاء لقب السيرو هو المالك لارض بنك السودان الجديد علي النيل و اغلبية سوق امدرمان وابنة حسن صديق عيسي مدير عام البوليس و الحكاية طويلة

http://الذكرى السنوية 42 للحسيب النسيب مولانا السيد علي الميرغني والثانية لنجله...يد أحمد الميرغني...

دندون

سوال تقني

من اين جمع المتبرعين ثروتهم في ذلك الزمان

Quote: أتفق مع دكتور سيف في التحفظ على حج الوزراء و المسئولين من المال العام.

الوزراء هينين كلهم كم وسبعين ولو طرحنا الجنوبيين والعلمانيين ببقوا اقل من كدة
لكن انا فى السعودية دى من 15 سنة اى ضابط فى قواتنا النظامية الباسلة كلها حتى
حرس الصييد برتبة نقيب ولفوق سنويا بيحج ملح وناس قنصلية جدة يعجبوك خدماتهم خمسة نجوم
لاصحاب الرتب الكبيرة عربية وسواق وخط موبايل وسكن فاخر فى جدة فياجماعة ماتجوطوا ساى
فى ناس الحكومة وتتهموهم باكل قروشكم ساى , القروش دى حججوا بيها اهلكم كلكم اى زول فى
السودان بيتهم فيه ضابط وبعدين دينا دى مالها ومال الحج , الحج فيه منافع للناس لو عندكم
حاج برسل ليك معاه سبح وزمزم

Quote: كيف يحج الرجل واهل طوكر فى العراء ؟ كيف يحج السودانى والرجال والنساء والاطفال فى المعسكرات ماكلهم ومشربهم وكساءهم ودواءهم من الخواجات ..؟؟ كيف يحج السودانى ومافى حقنة فى المستشفيات ؟ كيف يحجوا فى بلاد افتقد اهلها الاكل والشرب والدواء والكساء قالوا الاقربون اولى بالمعروف ...

و الله يا دينا و يا فتحي البحيري ما في شئ محيرني وفاقع مرارتي الا هجرة الحكومة و رؤساء المؤسسات الي الاراضي المقدسة كل عام و تعطيل مصالح البلاد و العباد لدرجة تخيلت انه ستتكون مؤسسات موازية في الاراضي المقدسة
اذا افترضنا انهم يحجون ويكرررون الحج باموالهم (وفي هذا شك كبيييييييير) اين هي مصالح العباد؟
والرهبنة الحجية بهذه الصورة الجماعية تشكل ظاهرة تستحق الوقوف عندها طويلاً
لا الرسول صلى الله عليه و سلم ولا الصحابةرضوان الله عليهم فعل ما فعله هولاء القوم

دينا
مقصدي لم يفهم
1. فوضي الفتاوي الدينية أدخلها الوهابيه في السبعينات.. و نحن هنا ضد طريقه الحبيب بورقيبه و ضد فوضي الفتاوي الدينية
2. أنا و أنت يمكننا أن نقرر لانفسنا فقط
3. الدين بين العبد وربه فقط.. لا دخل للدوله او لي او لك فيه .. و الحج أمر من الدين.. يعني لو أن شخصا ما قرر الحج من عدمه...هذا الموضوع لن يغير نظرتي له... لان هذا موضوع خاص به وحده
4. لو واصلنا في هذا الطريق سنقول للمسيحيين لا تحتفلو بالكريسماس و تبرعو بمبلغ الاحتفال لطوكر.. و لا تبنو كنيسة جديده
5. موضوع طوكر موضوع دولة و مسئولياتها و ليس موضوع دين
6. اذا نترك الدين جانبا و كل انسان حسب معتقده و طريقته في تتبع أمر دينه .


و لك الود

أها اتبرعنا للسعوديين زمااااااان
نستفيد شنو من لواكة الموضوع دة بعد كم وسبعين سنة ؟.
مش تبرع قروش وبس الثابت انه كان فى تبرع محاصيل غذائية عبر البحر الاحمر كمان
أها يا دينا
وبعدين ؟؟؟؟؟

سيف شيخ الدين

يبدو انك ما قريت البوست بس شوفت
المخطوطة الاصل وجيت ختيت ردك
البوست دا كلو عبارة عن وبعدين
اعد








ــــــــــــــ
قلنا بعدين الحال اتغير ما عاد ذى زمان
راجعوا السلوك .. بس

1