Post: #1
Title: خير اللهم أجعله خير...
Author: محمد البشرى الخضر
Date: 11-03-2010, 05:37 AM
رأيت فيما يرى النائم سناريو مباراة الهلال و الصفاقسي في المقبرة
الشوط الأول أداء هجومي وضاغط رهيب على دفاعات الصفاقسي
سادومبا يصول و يجول كاريكا يجمع بالجملة و يطرح البرنس يقسم فيها كما الكمونية
بشة أينما نظرت تراه علاء يوسف صلاة النبي لاكورة لا لاعب لا الحكم زاتو ما يعدي خط نص ملعب الهلال
أها الدقيقة 12 قون للهلال يحرزه سادومبا من باص النوع البلف الراس بتاع لو ما فاطر ما تخاطر
الدقيقة 37 قون تاني للهلال يحرزه يوسف محمد من تهديفة خارج المنطقة
و تنطلق الأفراح الهلالية و الهرجة و الزيطة و القيامة الرابطة
بداية الشوط التاني ومن خطأ دفاعي يحرز الصفاقسي هدف يوقّف بيه قلبنا و يكاد يشرّبنا الزيت و يرجع يتكتل في مناطقه
الزمن يجري
المدرجات كأن على رؤوسها الطير
هجمات هلاللية تتطاير ولا هدف
القلوب بلغت الحناجر أو كادت
الرجفيبة في حدها الأقصى
الوصيفاب يرقصون طربا و اشتكت الموبايلات من رسائلهم السفيهة
ميشو يغير سادومبا ببكري المدينة في الدقيقة 40
في آخر ثانية من عمر المباراة إثر تهديفة من عمر بخيت يصدها الحارس ترتد لتجد بكري المدينة أمام المرمى و الحارس على الأرض
فيهدف بقوة لـ....
تيت تيت تيت تيت تيت
صوت المنبه فصحوت في بحر من العرق و و اطراف مرتجفة ولا أدري إن كان بكري المدينة دخلّها ولاّ وداها الكشّافات مع آمالنا و أحلامنا
لي اسي ماسكاني الرجفة الله يسالني
ياربي دخلّها بكري المدينة
اللهم إن بكري المدينة عبدك غبن عبدك ابن امتك
ناصيته بيدك وأمره إليك و عليك
اللهم سدد رميته و أحسن وقفته ولا تشمت به و بنا الأعداء يا حنّان يا منّان
|
Post: #2
Title: Re: خير اللهم أجعله خير...
Author: حمور زيادة
Date: 11-03-2010, 05:44 AM
Parent: #1
يا ود البشرى انا ما عندي علاقة بالكورة نهائي ..
لكن حلمك ده خلعني ليك انا زاتي.
عاين ..
الحلم ده ركب ليو موسيقى تصويرية و بيعو برومو للمباراة. بتكسب و الله.
|
Post: #3
Title: Re: خير اللهم أجعله خير...
Author: حمور زيادة
Date: 11-03-2010, 05:46 AM
Parent: #2
لا حولاااا يا ود البشرى ..
دي اول مره من قبل كم أخش ليك بوست ؟
أتاري بوستاتك طاعمة ياخ.
|
Post: #4
Title: Re: خير اللهم أجعله خير...
Author: محمد البشرى الخضر
Date: 11-03-2010, 05:56 AM
Parent: #3
| Quote: أتاري بوستاتك طاعمة ياخ. |
حمور ياخي اليومين دي - وبعد قصة الليمون - بقى منك خوفة بالله حدد وخليك دقيق
طاعمة مالها يعني ؟
|
Post: #5
Title: Re: خير اللهم أجعله خير...
Author: حمور زيادة
Date: 11-03-2010, 06:02 AM
Parent: #4
شنو يا محمد ياخ ؟
|
Post: #6
Title: Re: خير اللهم أجعله خير...
Author: omer osman
Date: 11-03-2010, 06:06 AM
Parent: #4
Quote: صوت المنبه فصحوت في بحر من العرق و و اطراف مرتجفة ولا أدري إن كان بكري المدينة دخلّها ولاّ وداها الكشّافات مع آمالنا و أحلامنا
|
انشاء الله يكون دخله ........
بس عشان خاطر صحتك .........
غايتو انت اخير ... اهو بتنوم وتحلم .....
صاحبك خليل بقي مابنوم كلو كلو ..........
انعل ابو الشعيرية ذاته ... تاني بتجو .......
|
Post: #7
Title: Re: خير اللهم أجعله خير...
Author: محمد البشرى الخضر
Date: 11-03-2010, 06:08 AM
Parent: #6
يا جنابو بركة الجيت
شوف ابصلعة الفوق دا بتحرّش بي
قول ليه اقعد ساي ولاّ بكلّم ليه خالو
|
Post: #8
Title: Re: خير اللهم أجعله خير...
Author: محمد البشرى الخضر
Date: 11-03-2010, 06:10 AM
Parent: #7
الله يسامحك يا ذو اليد جهجه لينا البورد
|
Post: #9
Title: Re: خير اللهم أجعله خير...
Author: omer osman
Date: 11-03-2010, 06:11 AM
Parent: #7
| Quote: قول ليه اقعد ساي ولاّ بكلّم ليه خالو |
غايتو اذا قاصد خالو الدكتور المفكر احسن ماتكلمو ..
كلم ليهو ذواليد ...
|
Post: #10
Title: Re: خير اللهم أجعله خير...
Author: Amany Elamin
Date: 11-03-2010, 06:12 AM
Parent: #6
ود البشري كيفنك,
ماعارفه ليه حلمك ده ذكرني مسودة المخطط المزعومه لاسقاط النظام 
غايتو يالقصتين حلم .. يالقصتين سيناريو هههههههههههه
|
Post: #12
Title: Re: خير اللهم أجعله خير...
Author: محمد البشرى الخضر
Date: 11-03-2010, 06:22 AM
Parent: #10
اهلا أماني
دا حلم يا أماني لكن ديك جاكات
و الفرق واضح طبعا
|
Post: #11
Title: Re: خير اللهم أجعله خير...
Author: عاطف عمر
Date: 11-03-2010, 06:14 AM
Parent: #1
Quote: حمور ياخي اليومين دي - وبعد قصة الليمون - بقى منك خوفة بالله حدد وخليك دقيق
طاعمة مالها يعني ؟ |
كان جينا للجد
إنت وحمور الإتنين منكم خوفة
طلعتونا ما فاهمين أى حاجة في أى حاجة
______________________
أضغات أحلام يا عمك
دا كلو من مصاقرة سودانيزأونلاين
وتلفونات القرضابي
|
Post: #13
Title: Re: خير اللهم أجعله خير...
Author: محمد البشرى الخضر
Date: 11-03-2010, 06:25 AM
Parent: #11
ههههههههه
عاطف يا عمك أنا زاتي احترت فيك كيف ما تكون فاهم اي حاجة في اي حاجة
انت مهندس ولاّ شنو؟
Quote: أضغات أحلام يا عمك
دا كلو من مصاقرة سودانيزأونلاين
وتلفونات القرضابي |
يعني نطمئن ؟؟
هو الحلم الشوط الأول كان كويس بس لولا ديمبا وتقلة حركتو هم الجهجهونا
|
Post: #14
Title: Re: خير اللهم أجعله خير...
Author: حمور زيادة
Date: 11-03-2010, 06:32 AM
Parent: #13
يا جنابو ..
كلامك ده كيف ياخ ؟
|
Post: #16
Title: Re: خير اللهم أجعله خير...
Author: omer osman
Date: 11-03-2010, 06:41 AM
Parent: #14
Quote:
يا جنابو ..
كلامك ده كيف ياخ ؟ |
لالالالالالالالالالا ماكده والله
كلو منك يا ذواليد ...
|
Post: #15
Title: Re: خير اللهم أجعله خير...
Author: Hassan Senada
Date: 11-03-2010, 06:34 AM
Parent: #13
والله ياود البشري كاس الجعرانية زى ما قلت تشوفو فى الحلم بس
|
Post: #17
Title: Re: خير اللهم أجعله خير...
Author: ابراهيم محمد الحسن
Date: 11-03-2010, 06:47 AM
Parent: #15
| Quote: والله ياود البشري كاس الجعرانية زى ما قلت تشوفو فى الحلم بس |
المشكلة إنه حتى في الحلم ،،
ما شافو ...
وأملو بقى معلق في كراع بكري المدينة ،،
|
Post: #23
Title: Re: خير اللهم أجعله خير...
Author: محمد البشرى الخضر
Date: 11-03-2010, 07:21 AM
Parent: #17
شيخ سنادة و ابراهومة قلتوا لي ما نشوف الكاس إلاّ حلم
طيب اقلاّها اهو بنحلم بي كاس
اها انتو بتحلموا بشنو؟
مشاركة مزمل في اختيار افضل لاعب ولاّ مسيرة تحنيس الوالي
|
Post: #18
Title: Re: خير اللهم أجعله خير...
Author: حمور زيادة
Date: 11-03-2010, 06:51 AM
Parent: #15
الله يهديكم و تخلو جضيع الكلام.
|
Post: #19
Title: Re: خير اللهم أجعله خير...
Author: haroon diyab
Date: 11-03-2010, 06:53 AM
Parent: #18
احلم ابوي...احلم
هو الحلم بي قروش.....؟
|
Post: #21
Title: Re: خير اللهم أجعله خير...
Author: ابراهيم محمد الحسن
Date: 11-03-2010, 06:57 AM
Parent: #19
حلم الجيعاااان ... عيش ،،
وحلم الصفرابي ... كاس ،،
|
Post: #25
Title: Re: خير اللهم أجعله خير...
Author: محمد البشرى الخضر
Date: 11-03-2010, 07:43 AM
Parent: #19
دياب يا عمك
اهو احنا بنحلم بي حقّنا ومن واقع تقدمنا في البطولة حتى نصف النهائي و عينا على النهائي
إنتو آخر مرة حلمتو متين وبشنو؟
اجاوب ليك انا
آخر حلم كان كيف تفوزوا على الخرطوم تلاتة
|
Post: #20
Title: Re: خير اللهم أجعله خير...
Author: khaleel
Date: 11-03-2010, 06:55 AM
Parent: #18
ود البشري
صباح الخير
انت قاعد تتذكر هلال مريخ الافريقية كتير ومعلقة في راسك
التلاتة واحد عشان كدة وكما قال الشاعر
وما الحلم الا ما تريه الخواطر
انا زاتي بقول الهلال بفوز تلاتة واحد
ممكن سيف مساوي يجلط
|
Post: #26
Title: Re: خير اللهم أجعله خير...
Author: محمد البشرى الخضر
Date: 11-03-2010, 07:49 AM
Parent: #20
هلا خلّي , صباحك زين
يمكن كلامك صاح لكن الفرق ديك مع الوصيف
و طبعا شتان ما بين الوصيف و السي اس اس Quote: انا زاتي بقول الهلال بفوز تلاتة واحد
ممكن سيف مساوي يجلط |
لكن باقيلك عندنا ركب و اعصاب للواحد دا
انا لي اسي حيلي ما شايلني *
_______________
* هوي يا حمور ما تجي تقراها ما شادي حيلو
|
Post: #22
Title: Re: خير اللهم أجعله خير...
Author: Hassan Senada
Date: 11-03-2010, 06:57 AM
Parent: #15
Quote: أثارت قضية وفاة مشجع هلالابي غيور عقب نهاية مباراة الهلال والصفاقسي التونسي مباشرة الكثير من علامات الاستفهام حتى من قبل الجهات الرسمية للدرجة التي ادت الى تحويل الجثة لمشرحة الخرطوم لتشريحها بواسطة الطبيب المختص ومن ثم تحديد اسباب الوفاة خاصة وان
المرحوم تاجر خضروات كبير بالسوق المركزي يقوم بشراء الخضروات بالجملة ويوزعها للتجار.
وتعود التفاصيل الحزينة الي ان المواطن عبد العزيز سعد ( 40 عاما) ويعمل تاجر جملة في سوق الخضروات كان جالسا في لوكاندة بالسوق المركزي يشاهد مباراة الهلال والصفاقسي التونسي وكان يشجع مع زملائه الاخرين بكل حماس فهو هلالابي غيور وبعد انتهاء المباراة مباشرة واعلان هزيمة الهلال عندها صرخ وقال انه يحس بطعنة على صدره وانهارت قواه حينها سارع من كانوا معه محاولين البحث عن المساعدة الطبية له ولكنهم حينها عادوا ووجدوه قد لفظ انفاسه الاخيرة وجرت محاولة لانقاذه ولكن الطبيب اكد وفاته منذ اللحظة التى صرخ فيها.. وبعد ابلاغ الجهات ذات الاختصاص تم تحويل الجثة لمشرحة الخرطوم لتحديد اسباب الوفاة بعد استخراج اورنيك 8 جنائي.
وقال شهود عيان ان المرحوم كان يهيئ نفسه للمباراة منذ الصباح الباكر وكان يحدّث كل من حوله بهزيمة الفريق الاخر في مواجهة الهلال وكان يحدثهم عن ثقته في فوز الهلال فوزا ساحقا وانه عاد الى اللوكاندة التى تقع فوق الدكاكين قبل فترة من المباراة وطلب منهم الصمت التام لانه يريد مشاهدة فوز الهلال بهدوء وكان يشجع من مكانه وحينما اعلنت نهاية المباراة صرخ وقال انه يحس بطعنة في صدره وانهارت قواه وفارق الحياة.
وقال اهله ان المرحوم تاجر خضر بالجملة في السوق المركزي يشترى الخضروات بالجملة ويبيعها للتجار. وقال النور يعقوب من ذوي المرحوم ان المرحوم عمره 40 عاما وهو متزوج واب لمجموعة من الاولاد والبنات وانه يقطن بمنطقة الحاج يوسف دار السلام وقال ان المرحوم مشجع هلالابي غيور جداً على الهلال.
وقال فضل اسحاق عبد الرحمن ان المرحوم كان عاشقا للهلالف ويحرص على مشاهدة كل المباريات بالاستاد.
|
ياود البشري وضعكم بقى صعب خلاص
|
Post: #24
Title: Re: خير اللهم أجعله خير...
Author: ابراهيم محمد الحسن
Date: 11-03-2010, 07:33 AM
Parent: #22
ود البشرى ،،
شكلك لسة مخلوع فعلا ..
ياخي مداخلة ود سنادة وابراهومة دي قبيييل ،،
في بعدها (3) مداخلات ،،
ولا ديل ما شفتهم ،،
ذي شوتت بكري المدينة الما معروف وصلت وين؟
كااااااااااااااااااك ،،
|
Post: #28
Title: Re: خير اللهم أجعله خير...
Author: محمد البشرى الخضر
Date: 11-03-2010, 07:57 AM
Parent: #24
يا ابراهومة يعني لا زم ترد على كل المداخلات واحدة واحدة , ما في بعضها عبارة عن غثاء
صرف النظر عنه رحمة
ولا أقول ليك : ماشي بالترتيب , كدا كيف
|
Post: #27
Title: Re: خير اللهم أجعله خير...
Author: محمد البشرى الخضر
Date: 11-03-2010, 07:53 AM
Parent: #22
(وما تدري نفس ماذا تكسب غداً وما تدري نفس بأي أرض تموت)
رحمه الله يا سنادة و غفر له
|
Post: #29
Title: Re: خير اللهم أجعله خير...
Author: ابراهيم محمد الحسن
Date: 11-03-2010, 07:57 AM
Parent: #27
نسأل الله تعالى له الرحمة والمغفرة ،،
|
Post: #30
Title: Re: خير اللهم أجعله خير...
Author: محمد عبد الماجد الصايم
Date: 11-03-2010, 08:04 AM
Parent: #27
أبوي الله يرحمه .. لما تجي تحكي ليهو حلم
كان بيديكـ من الآخر ويقول ليكـ **** كان عريان!!!!
ما عارف دي من أقوالو ولّ مثل أمثال محسن خالد!!
|
Post: #31
Title: Re: خير اللهم أجعله خير...
Author: Ashraf el-Halabi
Date: 11-03-2010, 08:33 AM
Parent: #30
شايف الكوابيس ضاربة العرضة شمال وجنوب!!
عيك يا ود البشرى.. يا مان دا نصف النهائي!!
أومال لو الهلال وصل النهائي الحالة حتبقى كيف؟
لكن يتخيل لي في النهائي ما حيكون في كوابيس،
لأنو أساساً ما حيكون في نوم نوهائي
|
Post: #32
Title: Re: خير اللهم أجعله خير...
Author: طلحة عبدالله
Date: 11-03-2010, 08:47 AM
Parent: #31
حلم ممجوج ومكرر وإتحلم قبل كدا
وعايز أضيف وأقول أنو الحلم دا
في زول حلمو قبل كدا ..
قوم لف .
|
Post: #33
Title: Re: خير اللهم أجعله خير...
Author: محمد البشرى الخضر
Date: 11-03-2010, 05:30 PM
Parent: #32
والله يا ود الصايم نمت متغطي وأي شي
لكن تعرف مرات بتقلّب
يا حلبي من لم يرجف قبل مباراة زي دي ولم تحدثه نفسه بالرجفيبة معناها ما بعرف شي للكورة
هسي المريخ دا مش منتهي وسجمان و الغنماية تاكل عشاه أها رجفة كورتنا معاه واقفة اهنديك تسمع في كلامي راجية رجفة الصفاقسي تعدّي اول
تنظير ما كرّهتنا و بطّيت جبدنا بتنظيرتك الفرمالة المكررة دي
وين البقرة الوالدة بالمناسبة
|
Post: #34
Title: Re: خير اللهم أجعله خير...
Author: امير عوض الجمري
Date: 11-03-2010, 07:17 PM
Parent: #33
Quote: لي اسي ماسكاني الرجفة الله يسالني
ياربي دخلّها بكري المدينة |
قووووووووووووووووووووووووووووووووووووووووووون يا ود البشرى بكري دخلها احرز الهدف الاول للهلال في الدقيقة 90 واصبحت
النتيجة 1/2 .. حلم سعيد في المرات القادمة .. هههههههههههههههههههههههها .
الله ينهي ليكم الموال ده عشان تتخلصوا من الجرسة والجقلبة دي يا محمد .
عليك الله سلم لي على عمر الفردابي ودعمي سلام كتييير .
|
Post: #35
Title: Re: خير اللهم أجعله خير...
Author: فايزودالقاضي
Date: 11-03-2010, 07:30 PM
Parent: #34
حلم الاولياء لاينسخه حلم الجعانين ..
[/B]
|
Post: #36
Title: Re: خير اللهم أجعله خير...
Author: لؤى
Date: 11-03-2010, 07:50 PM
Parent: #1
برّاحة برّاحة ولاّ زي كروجر ؟ 
مـحمّد العزيز سلامات
ووقف لينا أحلامك دي ياخـي أسبوعين بس
مودّتـي
|
Post: #38
Title: Re: خير اللهم أجعله خير...
Author: Hassan Senada
Date: 11-04-2010, 07:59 AM
Parent: #37
مبروووووووووووووووووووووووووك ياود البشري
|
Post: #39
Title: Re: خير اللهم أجعله خير...
Author: ابراهيم محمد الحسن
Date: 11-04-2010, 08:14 AM
Parent: #38
حسن سنادة،،
| Quote: مبروووووووووووووووووووووووووك ياود البشري |
مبروك على شنو بالضبط؟
الكاس؟!!!!!!!!!!!!
ولا
يمنى؟
كااااااااااااااااااااك ،،
|
Post: #40
Title: Re: خير اللهم أجعله خير...
Author: Hassan Senada
Date: 11-04-2010, 08:45 AM
Parent: #39
الحبيب ابراهومة الكاس فى الحلم
لاكن مبروك فى الواقع ليمني
|
|