Post: #2 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-30-2010, 06:25 PM Parent: #1
ودشيقوق
اخي مشاقي حالنا مالك
سلام يازمن
Post: #3 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 06:27 PM Parent: #2
ان شاء الله انت غاطس يا سيف مساعد انت مالك بتهبش براك؟
قلنا ناس الجوعير برة
Post: #4 Title: Re: تعالوا كلكم مع سيد حوشكم (بكري) ابكوا هنا بس Author: احمد محمد بشير Date: 10-30-2010, 06:36 PM Parent: #3
ود شيقوق سلامات... إنت دائما بتجيب الدرر.... الإغنية السابقة اللي جبتها لي خضر بشير "مثل الغزالة مع الصباح" انا بسمعها في اليوم أكثر من ثلاثة مرات
حاولت اجيب الشفرة بتاعة التضمين لجعل الفيديو يعمل تلقائي هنا البوست بس شايفها معطلة من الشخص اللي نزل الفيديو في اليوتوب.
الحاجات الدرر دي مشفرة, بس ممكن نحملها تاني وننزلها من جديد.
Post: #62 Title: Re: تعالوا كلكم مع سيد حوشكم (بكري) ابكوا هنا بس Author: Haitham Labib Date: 10-31-2010, 04:38 PM Parent: #3
ياود شيقوق ...
أنا لسه دايخ من زينة إفتاميوس .. ومن وين يا أسمر ولى هسه ببكي من الله السلامة .. تجيني شايت لينا ماهو عارف ... ياخي والله في ناس لابرحموا ولابخلوا رحمة ربنا تنزل .. بقيت أنت وصاحبك أحمد القرشي .. نبكي بس من غير قطرة أو مس ..
Post: #83 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-04-2010, 07:18 PM Parent: #3
فوووووق لمزيد من البكاء
Post: #98 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-05-2010, 08:10 PM Parent: #3
فووووووق
Post: #5 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 06:37 PM Parent: #2
علم من اعلام النوبة الشاعر خليل فرح
ولد خليل فرح بقرية دبروسة مركز حلفا وكان عام 1894م نشأ وترعرع فيها وكانت حلفا معبرا لدخول العلماء والمهندسين وجميع المهن المختلفه وكان يقف على مدخلها آنذاك خليل فرح يشاهد بعينى رأسه تلك الحشود الوافدة من المثقفين فنال من كل نبع قطرة وأخذ من الثقافات المختلفة التى كانت بمثابة الخميرة .
هاجر خليل فرح إلى أمدرمان حيث أسرة أبيه فدخل كلية غردون التذكارية قسم البرادة الميكانيكية فوجد صفوة من الطليعة القادمين من الأقاليم الذين التحقوا بالكليات المختلفة فاختلط بهم وتعرف على ثقافاتهم فكانت له إضافات جديدة ثم واصل خليل إطلاعه فى الأدب الجاهلى ووعى إبداعات أدباء مصر أمثال طه حسين – العقاد – حسن أحمد الزيات وقرأ مجلاتهم وصحفهم وحفظ من عيون الشعر العربى الكثير ومما لفت نظره قصيدة عمر بن أبى ربيعه ( أعبدة ما ينسى ) التى لحنها وسجلها مع قصيدة (عزة فى هواك ) فى مصر فى أواخر أيامه بصوته فكان حدثا هام فى ذلك الوقت الذى كانت الأغانى فيه ممجوجة فأدخل اللحن المميز والموسيقى والمقدمة التى نسمعها الآن فى (عزة ) ولا أبالغ لو قلت أنها كانت قليلة فى تلك الفترة فترة الثلاثينيات حتى فى الدول العربية المجاورة.
أشتهر خليل فرح داخل الكلية بعمل الشعر فعلم به شعراء أمدرمان مما حدا بحضور الشاعر محمد على عثمان بدرى إبن عمه وسلطان العاشقين يوسف حسب الله ومعهم المبتدىء (مركز ) ليختبرا خليل فرح فى هذا المجال.
بدأ المبتدىء مركز والحكمان يراقبان الموقف بدأ ببيت شعر فرد عليه خليل فرح ثم كانت الثانية والثالثة والرابعة حتى أقتنع الحكمان فأوقفا المعركة واعترفا له بالشاعرية ومنحاه الشهادة بذلك . ومنذ ذلك الوقت سمى بشاعر الحديقة نسبة للميدان المنجل نمرة واحد الذى يقع فى الجزء الشرقى من الجامعة الى الآن . وصار خليل فرح يواصلهم ويجتمع بهم حتى استفاد منهم الكثير.
توسع خليل فرح فى علاقاته مع الأدباء والشعراء وتمكن من ارتياد المنتديات ، كمنتدى أبر روف ومنتدى الهاشماب ومنتدى الموردة ثم منتدى (دارفور) لتخرج جل أناشيدة وأغانيه الوطنية منها تباعا ، وجاءت من ثم جمعية إتحاد الأدباء التى تكونت لجنتها من دار خليل فرح بالخرطوم . وفى بداية العشرينات اشتد ساعد المناضلين والتحم الشعب بهم وظهرت الأناشيد تغنى فى كل موقع. ثم كانت المظاهرات العنيفة ومن ثم جاءت جمعية اللواء الأبيض بكوادرها المدنية والعسكرية ومؤسسها وصانع إسمها الباشمهندس محى الدين جمال أبو سيف وصحبه.
قامت ثورة 1924 م وخرجت الكلية الحربية بمظاهرة قوية ثم تبعها الثوار بقيادة المناضل الباشمهندس محمد سر الختم الملقب ( بالصائغ ) وهو من اولاد حلفا وهو أول ثائر يدخل السجن . طالبت الجماهير بوحدة وادى النيل وعلى رأسهم خليل فرح الذى تغنى وقال
من تبينا قمـنــا ربينــا ** ما اتفاسلنا قط فى قليل دا ود عمى ودا ضريب دمى ** إنت شنو طفيلى دخيل
وقد واجه خليل المستعمر والقصيدة طويلة : ((نحن ونحن الشرف البازخ)) وأردفها ماك غلطان دا هوى الأوطان ثم انفرط زمام الأمن وانزعج له المسؤولون فبثوا عيونهم بالجواسيس خلف خليل فرح
عاش خليل فرح فترة وجيزة لا تزيد عن التسع عشرة سنة منذ تخرجه عام 1913 م من الكلية إلى وفاته فى 30/يونيو 1932 م عاش عيشة الكفاف لا يملك فى هذه الدنيا الا شبرا واحدا فقط فى مقابر أحمد شرفى ولكنه وجد الكثير من هذا الشعب الوفى وهو من الأوائل الذين كرموا حينما أقاموا له حفل تأبين بنادى الخريجين والمستعمر قابع بكل قوته وجبروته وعلى رأسهم إسماعيل الأزهرى ، وقد طبع ابن عمه الأستاذ / حسن عثمان بدرى كتيبا جمع فيه كل الكلمات والمقالات والأشعار التى قيلت فى تلك الليلة ، وما زال التكريم مستمرا . وقد جاء تكريم جامعة الخرطوم وطلبة جامعة القاهرة فى عهد الرئيس نميرى كرم بنيشان العلم الذهبى وأيضا مع ثوار 1924 م وقد كرم نفسه بنفسه حين قال
من فتيح للخور للمغالق ** ومن علايل ابروف للمزالق قدلة يا مولاى حافى حالق ** فى الطريق الشاقى الترام
وهذا يدل دلالة واضحة على حبه لأمدرمان فتغنى بها فى كثير من المواقع الشعرية ، وكان خليل فرح يعشق أماكن منتديات الأدب ولا يتحدث الا نادرا وكان صبورا وهو يعانى من مرض الدرن ولم يكن منزعجا وكان على يقين إن وفاته قريبة جدا وقال عن الجلد وعن الصبر:-
جنّ ليلى وشاب رأسى فما كلت ركابى وهمتى للصعود أنا والدهر توأمان كما أشكو يشكو تجلدى وصمودى
وخرج ديوان لخليل فرح بتحقيق البروفيسور على المك بعد جهد جهيد لعدم وجود مصادر فأخذنا الأشعار من أفواه الشعراء والحادبين لإخراج أدبه للوجود ورغم كل ذلك نحن ما زلنا نحاول جمع ما ضاع للطبعه القادمه ولا بد فى هذه العجاله أن اترحم على البروفيسور على المك والله يسكنه فسيح جناته فلولا مجهوداته لما رأى ديوان خليل فرح النور علما بأنه طبع بعد وفاة الشاعر بكثير ، كما أود أن اوضح هنا الأسباب التىدعتنى لكتابة السيرة الذاتية لخليل فرح وهى شعورى بأن معظم المعجبين يستفسرون عن كيفية نبوغه وبلاغته ومعرفته للفصاحه بهذه المقدرة وهو الآتى من شمال السودان ، من بلاد العجم ويقينى أنهم سوف يدركون المعنى بعد ما عرفوا مراحل حياته حيث دخل كلية غردون ثم اتصاله بشعراء أمدرمان وأدباء المنتديات والكم الهائل من السياسيين المتأدبين أمثال يوسف مصطفى التنى ومحمد أحمد محجوب وكل ذلك إضافة لا ختلاطه بالأدباء والعلماء ومكتشفى الآثار حينما كان متواجدا بالبوابة الشمالية بحلفا حين قدوم الوفود تباعا لداخل السودان من مصر..
منقول لكن انا ذاتي ما عارف منقول من وين اقروا ساى ومحل رهيفة تنقد
Post: #6 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 06:48 PM Parent: #5
ود شيقوق سلامات... إنت دائما بتجيب الدرر.... الإغنية السابقة اللي جبتها لي خضر بشير "مثل الغزالة مع الصباح" انا بسمعها في اليوم أكثر من ثلاثة مرات
حاولت اجيب الشفرة بتاعة التضمين لجعل الفيديو يعمل تلقائي هنا البوست بس شايفها معطلة من الشخص اللي نزل الفيديو في اليوتوب.
الحاجات الدرر دي مشفرة, بس ممكن نحملها تاني وننزلها من جديد.
اخي احمد محمد بشييييييييير
عليك النبي احبس دموعك زي كدا - ما تنفضح يا اللخو
معذرة الية الاقتباس معطلة عندي
Post: #8 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-30-2010, 07:13 PM Parent: #6
هذا ماكتبته عن خليل فرح بصفحة طابت
خليل فرح 1892-1932
اما شاعرنا هذا ولد بقرية دبروسة بحلفا القديمة حيث ملتقي ومهبط الحضارات جمع النوبية والعربية وذكرت في مقدماتي لشعراء الحقيبة ان خليل فرح اثرت طقوس الاسرة في شعره وملكته الشعريه فهو نشأ في بيت فيه الرقص والغناء والشعر, دخل الخلوه ولكنه حرم من التعليم لكبر سنه والتحق بمدرسة الصناعاات بكلية غردون والتقي هنالك بالمثقفين والشعراء واهل الغناء, , وشعره يدل علي تمكنه واشهر اغانيه والضواحي , وعازه الضواحي
في الضواحي وطرف المدائن يلا ننظر شفق الصباح قومو خلو الضيق في الجناين شوفو عز الصيد في العساين النهار ان حر الكماين يلا نطرد ونقنص نعاين ######ي ياجمجوماصلو خاين شوفوكيف يبرا الملاين
هبا شالها وكشح المراح للقنيص الخيل خف راسن نحن مابنخاف منمراسن المجاهل من غيرنا ساسن والمكارم غرقنا ساسن وان عطشنا نمز مر واسن وان عشقنا بنعشق مححاسن
Post: #9 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-30-2010, 07:16 PM Parent: #8
عازة في هواك عازة نحن الجبال ولليخوض صفاك عازة نحن النبال عازة ماسليت وطن الجمال ولاابتغيت بديل غير الكمال وقلبي لي سواك ماشفته مال خذيني باليمين انا راقد شمال عازة ماسليت جنة بلال وملعب الشباب تحت الظلال ونحن كالزهور فوق التلال تشابي للنجوم وانا ضافر الهلال عازة في الفؤاد سحرك حلال ونار هواك شفا وتهيك دلال عذابي في هواك حلو كالزلال تزيدي كل يوم عظمة وازداد جلال عازة جسمي صار زي الخلال وحظي في هواك صابو الكلال وقلبي لسعه ماعرف الملال لانه ود قبيل وكريم الخلال عازة ماشكت مر الحجال ولا السوار بكي وفي يمنها جال عازة في الفريق للطيق مجال قبيلة بت قبيل ملاء الكون رجال عازة في ربوع ام در شمال عازة في حذا الخرطوم قبال عازة من جنان شمبات حبال وعازة في الفؤاد دوي يشفي الوبال رحم الله خليل فرح
Post: #10 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 07:21 PM Parent: #9
تسلم يا اخي سيف ود المساعد
امسح دموعك وتعال راجع يا بكاي
Post: #7 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 07:06 PM Parent: #5
هيييييييييييييييييغ
Post: #13 Title: Re: تعالوا كلكم مع سيد حوشكم (بكري) ابكوا هنا بس Author: الفاتح ميرغني Date: 10-30-2010, 07:59 PM Parent: #7
سلام يا شيقا ياخ أنت مبالغة! كويس إنك قلت ناس الجوعير برة. أنحنا جاينك ناس " جفت مقلتي الباكية" لكن مع ذلك نردد مع خليل الود والفرح: " مـــا يئسنا الخير عودو سايق الحي يعود إن أتي دونه عايق"
ربنا يرحم خليل الفرح الخرافي.
محبتي
Post: #11 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 07:32 PM Parent: #2
استروا حالكم
Post: #12 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 07:37 PM Parent: #11
نعم كان هذا هو الفن ايام حنتوب و خور طقت ووادي سيدنا والخرطوم القديمة وبورتسودان وسنار الثانوية
ابكوا بس
Post: #14 Title: Re: تعالوا كلكم مع سيد حوشكم (بكري) ابكوا هنا بس Author: mona altom Date: 10-30-2010, 07:59 PM Parent: #12
الطيب شيقوق السلام و الرحمه اه كملت العنكوليب ولقيت ليك حتة ارض في الجنوب اه يعني مافضل ليك الا مغصة الناس وبكاهم اسمع الاخو ادوني حق المواطنه قبل اسبوع وعيني فيك داخل مارق ماديتني التحيه الا قلت احسن اكون ست فضلا عليك
Post: #15 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-30-2010, 08:03 PM Parent: #12
قومو خلو الضيق في الجناين شوفو عز الصيد في العساين النهار ان حر الكماين يلا نطرد ونقنص نعاين ######ي ياجمجوم اصلو خاين وشوفو يبراالملاين هب شالها وكشح المراح للقنيص الخيل خف راسن نحن مابنخاف من مراسن المجاهل من غيرنا ساسن والمكارم غرقنا ساسن وان عطشنابمز مر واسن وان عشقنا بنعشق محاسن
وفي المحاسن كفي يومناراح يالطبيعة الواديك ساكن مافي مثلك في الاماكن ياجمال نال في ثراكن ياحلاوة ابرعن واراكن وفي قضاهن تور قرنه ماكن لاغشن لاشافن مساكن وفي الحزام والشيح والبراح يام لسانا لسع معجن كلمة كلمة وحروفه لجن ديل شلوخك غير داعي وجن ودموعك من نظره ثجن وحواجبك ياسيده زجن ده دلال ايه ده دلال معجن محن الامات يارداح
Post: #16 Title: Re: تعالوا كلكم مع سيد حوشكم (بكري) ابكوا هنا بس Author: الفاتح ميرغني Date: 10-30-2010, 08:09 PM Parent: #12
مـــــاهو عارف قدمــو المفارق يـــــا محط آمالـــــي الســـلام في سَموم الصيف لاح لو بارق لـــم يـــزل يرتــــاد المشـــارق كان مع الأحباب نجمو شــارق مالــو والأفـــلاك فــي الظــــلام = يا دهـــر أهوالــك تســــــــارق منها كــم كــم شـابت مفــارق مـــا علينا الفـــات كلـو فــارق رُقنــــا ولا نعيــد المــــــــــلام = مــن حطامك أنــا غصني وارق فــيَّ شِـــن أبقيت للطـــــوارق غيــر قليبا فــي همومو غــارق ولســــانا بـرده الكــــــــــــلام = ويـحَ قلبي المــا إنفك خــافق فارق أم درمان بـاكي شــافق يا أم قبايـــل ما فيك منـــــافق سَقي أرضـــك صــوب الغمام = يا بـــلادي كــم فيـك حــاذق غيـــر إلهـــك مـــــا أمَّ رازق مـن شعـــارو دخول المأزق يتفانـــي وشرفـــك تمـــــــام = مسرح الغزلان فــي الحـــدائق والشوارع الغُـــــر والمضايــــق قول لي كيف أمسيت دمت رايق دام بهــــاك مشمول بالنظـــــــام = مجلس اللذات فـــي النمـــــــارق والترف لا زال وصفـــــــو خارق ضاري حِسك فـــــاح جانا مارق ولا قاطعـــو الريـــح مـا هــو لام = فـي يمين النيـــل حيث سابــــق كنا فـــوق أعراف السوابـــــــق الضريح الفــــــــاح طيبو عابـق الســــــــلام يا المهدي الامـــــــام = أين مني الودعتــــــو شــــــــاهق بـــــــاكي نــــاهد لسه مُـــراهق عيني ما بتشـــوف إلا شـــــاهق أيـــن وجه البــــــــدر التمــــــام = أين مني الفـــي زهـــــوه باسق في شبابو نقــــي مـــــن مفاسق بين ثيـــــابو البيــض المناسق حــــولك أشبه رُتـــــــل الحمام = يا بريد الجـــو فــــــوقي حالق مِيـــل عليَّ الروح ليها خــــالق عُـــدت سالم قــــول وإنت عالق مُقــــرن النيلين كيلو كـــــــــــام = الحبايب لفتــــوا الخلايـــــــــق بيني وبينهم قطعــــوا العلايــق إن دلال إن تيه كـــــلو لا يـــــق حِن ماهـــو مجينا الخصـــــــــام = يا جميل يـا نــــور الشقـــــايق أملأ كأســـك وأصبـــــر دقائق مجلسك مفهـــوم شوفو رايق عقدو نــــاقص زول ولا تــام = مِــن فِتيح للخــــور للمغــالق مِن علايل أبوروف للمـــزالق قدلة يا مـــولاي حافــي حالق بالطريق الشاقــــو التـــــرام = مـــا يئسنا الخير عودو سايق الحي يعود إن أتي دونه عايق إلا يوم اللقـــا وانت رايــــــق الســـلام يا وطني الســـــــــلام
Post: #17 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-30-2010, 08:19 PM Parent: #16
الفاتح ميرغني
مرحب زيد من الدحاليب دي
ود شيقوق بجيك بكره صاد
Post: #19 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 08:33 PM Parent: #17
الفاتح ميرغني الدبلوماسي الشفيف و القانوني المخضرم. -
تسلم يا العزيز فانت تاج وقار يتلألأ على جبين هذا المنتدى
اطيب المنى
Post: #20 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 08:37 PM Parent: #19
سيف ود مساعد
في الضواحي وطرف المداين يلا ننظر شفق الصباح
قومو خلو الضيق في الجناين شوفو عز الصيد في العساين النهار ان حر الكماين يلا نطرد ونقنص نعاين ######ي ياجمجوم اصلو خاين وشوفو يبراالملاين هب شالها وكشح المراح للقنيص الخيل خف راسن نحن مابنخاف من مراسن المجاهل من غيرنا ساسن والمكارم غرقنا ساسن وان عطشنابمز مر واسن وان عشقنا بنعشق محاسن
وفي المحاسن كفي يومناراح يالطبيعة الواديك ساكن مافي مثلك في الاماكن ياجمال نال في ثراكن ياحلاوة ابرعن واراكن وفي قضاهن تور قرنه ماكن لاغشن لاشافن مساكن وفي الحزام والشيح والبراح يام لسانا لسع معجن كلمة كلمة وحروفه لجن ديل شلوخك غير داعي وجن ودموعك من نظره ثجن وحواجبك ياسيده زجن ده دلال ايه ده دلال معجن محن الامات يارداح
يا اخي انت مالك على والله الاغنية دي بصوت مصطفى سيد احمد تب ........... ل عديل كدا
Post: #21 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 08:37 PM Parent: #19
سيف ود مساعد
في الضواحي وطرف المداين يلا ننظر شفق الصباح
قومو خلو الضيق في الجناين شوفو عز الصيد في العساين النهار ان حر الكماين يلا نطرد ونقنص نعاين ######ي ياجمجوم اصلو خاين وشوفو يبراالملاين هب شالها وكشح المراح للقنيص الخيل خف راسن نحن مابنخاف من مراسن المجاهل من غيرنا ساسن والمكارم غرقنا ساسن وان عطشنابمز مر واسن وان عشقنا بنعشق محاسن
وفي المحاسن كفي يومناراح يالطبيعة الواديك ساكن مافي مثلك في الاماكن ياجمال نال في ثراكن ياحلاوة ابرعن واراكن وفي قضاهن تور قرنه ماكن لاغشن لاشافن مساكن وفي الحزام والشيح والبراح يام لسانا لسع معجن كلمة كلمة وحروفه لجن ديل شلوخك غير داعي وجن ودموعك من نظره ثجن وحواجبك ياسيده زجن ده دلال ايه ده دلال معجن محن الامات يارداح
يا اخي انت مالك على والله الاغنية دي بصوت مصطفى سيد احمد تب ........... ل عديل كدا
Post: #18 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 08:24 PM Parent: #16
منى التوم المسنوووووووووووحة
السلام و الرحمه اه كملت العنكوليب ولقيت ليك حتة ارض في الجنوب اه يعني مافضل ليك الا مغصة الناس وبكاهم اسمع الاخو ادوني حق المواطنه قبل اسبوع وعيني فيك داخل مارق ماديتني التحيه الا قلت احسن اكون ست فضلا عليك
هههههههههههههههههها
بالله هسع جاية ناطة في حلقي كدا ذنبي شنو انا - يا زولة ابكي بكاك في الصقيع الاسفيري دا زول بقول ليك حاجة مافي
وحاة الرسول انا ذاتي ما شفتك يوم في سودانيز دي - بركة في البنية الطلعتك من جحرك دي
اتاري في ناس لابدين ما بطلعهم الا عينة الغناء دا
Post: #22 Title: Re: تعالوا كلكم مع سيد حوشكم (بكري) ابكوا هنا بس Author: osama fadlalla Date: 10-30-2010, 08:41 PM Parent: #18
انا ذاتي عجبتني شكراً كتير
Post: #23 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 08:47 PM Parent: #22
اسامة فضل الله
مالك يا سجم ملحقني ليها دي انا بتلحقني المقابر يا اخي
Post: #24 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 08:47 PM Parent: #22
اسامة فضل الله
مالك يا سجم ملحقني ليها دي انا بتلحقني المقابر يا اخي
Post: #25 Title: Re: تعالوا كلكم مع سيد حوشكم (بكري) ابكوا هنا بس Author: محمد أبوالعزائم أبوالريش Date: 10-30-2010, 08:53 PM Parent: #24
أهي جابوها ليك ......
بعد ما عملت ليها Conversion وجاي أنزلها .... لقيت الجماعة ما قصّروا.
يالاّ أبكوا
Post: #27 Title: Re: تعالوا كلكم مع سيد حوشكم (بكري) ابكوا هنا بس Author: osama fadlalla Date: 10-30-2010, 08:59 PM Parent: #25
Quote: مالك يا سجم ملحقني ليها دي انا بتلحقني المقابر يا اخي
انا كان داير اعمل فيك كده كان خليتها ليك مدوره....يعني دي مع الرأفة
Post: #26 Title: Re: تعالوا كلكم مع سيد حوشكم (بكري) ابكوا هنا بس Author: احمد محمد بشير Date: 10-30-2010, 08:54 PM Parent: #24
يا سلاااااااام ياخ/ حاجة ترد الروح
Post: #28 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 09:00 PM Parent: #26
ابو الريش
بعد ما عملت ليها Conversion وجاي أنزلها .... لقيت الجماعة ما قصّروا.
يالاّ أبكوا
شكرا ليك يا اخي -لكن ود البشير دا شايفو من قبيل بتكل بالحيطة عايز يعمل حاجة لكن خجلان لكن يبدو وجعو الداخلي غلب على حيائه فراح كابي ليك النغم بالقنطار
تسلم تسلم تسلم يا احمد اخوي
الفاتح ميرغني الحلو
تعالي ابكي بس
Post: #32 Title: Re: تعالوا كلكم مع سيد حوشكم (بكري) ابكوا هنا بس Author: عبدالمجيد المقابل Date: 10-30-2010, 09:09 PM Parent: #28
حبيبنا شيقا, جيناك جاريين جري,لقينا الشباب سبقونا !!!. لكن برضو حصلنا ..
= د.حسن بسلم عليك
Post: #29 Title: Re: تعالوا كلكم مع سيد حوشكم (بكري) ابكوا هنا بس Author: Osman Musa Date: 10-30-2010, 09:02 PM Parent: #26
الطيب انا محاربك ياخ
Post: #30 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-30-2010, 09:07 PM Parent: #29
والله جنس كلام
اها النوم يجي كيفن
Post: #31 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 09:08 PM Parent: #29
عثمان موسى اخوي
مالك عايز تحميني النوم - يا اخي في شنو محاربني ؟
حالف ترفع الحرب وتجيني تسلم لي في راسي واسلم ليك في راسك
Post: #33 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 09:13 PM Parent: #31
دكتور عبد المجيد المقابل
والله الشوق ليك بحور - سلم لي شدييييييييييييييييد على الزعيم العالم حسن لف
Post: #34 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 09:15 PM Parent: #33
ود مساعد
استر حالك ما براك كلنا بنبكي معااااااااك يا سجم
Post: #35 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-30-2010, 09:20 PM Parent: #33
اسااااااااااااامة
انا كان داير اعمل فيك كده كان خليتها ليك مدوره....يعني دي مع الرأفة
كده رايح تقصف عمري قبل ما أختشي .. هذه الاهزوجة الفريدة تهزني وتذهب بعقلي .. فانا مثل الخليل دخلت امدرمان (نازحا) فاحببتها واحبني اهلها .. ويوم حان خروجي منها الي الحبشة نعاني اصحابي باداء جماعي لهذه المرثية واسقطوا كل اقنعة عشقي لها .. فبكيت في حضرة الخليل ولم اجد جلدا احتمل به الذهاب .. ولم يحتمل اصحابي فانتحبوا جميعا كانهم هم الراحلون .. وظلت كلمات الخليل تمس غور وجداني وتلمس اوتار هذا الحب الخالد لمدينة لا تشبهها مدينة في العالم .. ولا اخفيك ان من اكبر امنياتي ان يتم رحيلي في طريق الوداع الذي تمناه الخليل من فتيح للخور للمغالق ومن علايل ابروف للمزالق (في) قدله يامولاي حاقي حالق في الطريق الشاقو الترام
Quote: ويـح قلبي المــا إنفك خــافق فارق أم درمان بـاكي شــافق يا أم قبايـــل ما فيك منـــــافق سَقي أرضـــك صــوب الغمام
كانه يتحدث بلسان قلبي .. رحمه الله
سهرتني يا مولانا .. ولا بد ان نومي سيكون خزازا ... ومع ذلك : اسعدك ربي
عمر علي حسن
Post: #38 Title: Re: تعالوا كلكم مع سيد حوشكم (بكري) ابكوا هنا بس Author: كمال سالم Date: 10-30-2010, 10:43 PM Parent: #37
ياود شيقوق طبعا أنا بكيت بالجد ,, بكى بمخاخيتو وإرتعشت كل أوصالى وإتخلخلت دواخلى . كان ذلك بسبب تأثير الأغنيه فى حد ذاتها , إضافة لأننى كنت من الحضور الذى فى هذا التسجيل والذى كان فى آواخر السبعينات , والمناسبه كانت أحد إحتفالات أعياد ثورة مايو ,, ذلك كله كوم وحنان الصغيره كوم آخر , فقد زاملتها وهى موظفه بقاعة الصداقه إلى أن تزوجت من صديقى وأخى جمال حسونه مدير المراسم بقاعة الصداقه, وهى الآن أم لعدد من البنين والبنات , وقد تركت الغناء قبل فتره طويله من زواجها, أضف إلى ذلك إنها من بنات أم درمان الواعيات , فأسرتها من حى ودنوباوى العريق والذى ولدت وترعرعت فيه . يالطيب شيقوق والله ماعافى ليك السويتو فينى ده . فما زال قلبى خافق وشافق وأنا بعيد عن أم درمان التى إحتلها التتار ووضعوا لافته كبيره فى قلبها كتبوا عليها ( أمانة المؤتمر الوطنى بأم درمان ) ,, تخيل كيف هو حال أهل أم درمان وهم يقرأون هذه اللافته كل يوم جئية وذهابا فى محطة مكى ود عروسه .
Post: #58 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-31-2010, 03:32 PM Parent: #38
كمال سالم
دي براها فائدة نتلم عند ابوعبدالله
سري يردد ليتني كنت معهم
شوف الزمن يا كمال البلد كانت ليها شنة رنة
Post: #60 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-31-2010, 04:28 PM Parent: #38
كمال سالم
Quote: فما زال قلبى خافق وشافق وأنا بعيد عن أم درمان التى إحتلها التتار ووضعوا لافته كبيره فى قلبها كتبوا عليها ( أمانة المؤتمر الوطنى بأم درمان ) ,, تخيل كيف هو حال أهل أم درمان وهم يقرأون هذه اللافته كل يوم جئية وذهابا فى محطة مكى ود عروسه .
التتار دخلوا كل مكان كل مكتبة حروقها
كلامك ده ماقريتو لانو وفت البت دي تغني تاني لابسمع لا بشوف
Post: #39 Title: Re: تعالوا كلكم مع سيد حوشكم (بكري) ابكوا هنا بس Author: خالد المحرب Date: 10-31-2010, 03:51 AM Parent: #29
Quote: لطيب انا محاربك ياخ
عثمان موسى انا برضو محا ربو معاك
Post: #40 Title: Re: تعالوا كلكم مع سيد حوشكم (بكري) ابكوا هنا بس Author: سيف الدولة كامل Date: 10-31-2010, 03:57 AM Parent: #39
أبكي يا مسنوح لامن مخاخيتك تسيل وتقشها بطرف كم عراقيك الملان ###### عنكوليب.
وانا مخاصمك كمان مسنوح وثم مسنوح.
Post: #41 Title: Re: تعالوا كلكم مع سيد حوشكم (بكري) ابكوا هنا بس Author: باسط المكي Date: 10-31-2010, 04:06 AM Parent: #40
يالله يالطيب شيقوف حنان حمدا اوحنان الصغيرة صوت رهيب ونادر جدا تربطني بها صلت رحم ياخ خليتالكل يتمايل ويعيد زكرياته بطعم صباحات امدرمان مدينة التراب كما وصفها الراحل علي المك شكرااا طربنا بعد زمن
Post: #42 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 06:01 AM Parent: #41
Quote: الله عليك يا ابو عبدالله يارائع
شكرا ام احمد بت القبائل عارفك بالحيل ذواقة للنغم الجميل
تسلمي
Post: #43 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 06:12 AM Parent: #42
خالي ابو امير
Quote: كده رايح تقصف عمري قبل ما أختشي ..
هههههههههها انا قاصد تجينا بعين قوية مشنق طاقيتك في الهامة وتاااح تدق كراعك في الواطة دي نامن العلال يعكل في الوليدات ديل عشان يزحوا ليك وتصنقر مرتاح في شان تسمع وتروض شرايين القلب لعمر مديد .
Quote: هذه الاهزوجة الفريدة تهزني وتذهب بعقلي .. فانا مثل الخليل دخلت امدرمان (نازحا) فاحببتها واحبني اهلها .. ويوم حان خروجي منها الي الحبشة نعاني اصحابي باداء جماعي لهذه المرثية واسقطوا كل اقنعة عشقي لها .. فبكيت في حضرة الخليل ولم اجد جلدا احتمل به الذهاب .. ولم يحتمل اصحابي فانتحبوا جميعا كانهم هم الراحلون .. وظلت كلمات الخليل تمس غور وجداني وتلمس اوتار هذا الحب الخالد لمدينة لا تشبهها مدينة في العالم .. ولا اخفيك ان من اكبر امنياتي ان يتم رحيلي في طريق الوداع الذي تمناه الخليل من فتيح للخور للمغالق ومن علايل ابروف للمزالق (في) قدله يامولاي حاقي حالق في الطريق الشاقو الترام
يا سلام يا سعادتك كلمات تكتب بالذهب وتعلق على بوابة عبد القيوم ليقرأها رجال ونساء امدرمان
Post: #44 Title: Re: تعالوا كلكم مع سيد حوشكم (بكري) ابكوا هنا بس Author: Abdlaziz Eisa Date: 10-31-2010, 06:27 AM Parent: #43
المسنوح جيت طالع بي ود فرح..
سلالمك ولا سلامك عينة.. العنكوليب ليهو مفعوله!!
وفيسل لسه ما شرّف!! يا كافي البلاء..
Post: #45 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 07:28 AM Parent: #43
استاذنا كمال سالم
Quote: ياود شيقوق طبعا أنا بكيت بالجد ,, بكى بمخاخيتو وإرتعشت كل أوصالى وإتخلخلت دواخلى . كان ذلك بسبب تأثير الأغنيه فى حد ذاتها , إضافة لأننى كنت من الحضور الذى فى هذا التسجيل والذى كان فى آواخر السبعينات , والمناسبه كانت أحد إحتفالات أعياد ثورة مايو ,, ذلك كله كوم وحنان الصغيره كوم آخر , فقد زاملتها وهى موظفه بقاعة الصداقه إلى أن تزوجت من صديقى وأخى جمال حسونه مدير المراسم بقاعة الصداقه, وهى الآن أم لعدد من البنين والبنات , وقد تركت الغناء قبل فتره طويله من زواجها, أضف إلى ذلك إنها من بنات أم درمان الواعيات , فأسرتها من حى ودنوباوى العريق والذى ولدت وترعرعت فيه . يالطيب شيقوق والله ماعافى ليك السويتو فينى ده . فما زال قلبى خافق وشافق وأنا بعيد عن أم درمان التى إحتلها التتار ووضعوا لافته كبيره فى قلبها كتبوا عليها ( أمانة المؤتمر الوطنى بأم درمان ) ,, تخيل كيف هو حال أهل أم درمان وهم يقرأون هذه اللافته كل يوم جئية وذهابا فى محطة مكى ود عروسه .
تسلم تسلم يا كمال اخوى خلفية تاريخية قمة في الروعة احتاجها انا ويحتاجها الكثيرون الذين حضروا تلكم الايام الزاهية بعبق براءه ذلك الزمن الطاهر .
اطال الله عمر الاخت حنان
التحية عبر هذه النافذة لها ولصديقكم جمال حسونة ولجميع افراد اسرتها الميامين
Post: #46 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 07:32 AM Parent: #45
المحرب
Quote: عثمان موسى انا برضو محا ربو معاك
والله اقبل عليك انت وعثمان موسى بالعنكوليبة دي هسع اشهيكم العافية
Post: #47 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 07:34 AM Parent: #46
ود المكي الجميل
Quote: يالطيب شيقوف حنان حمدا اوحنان الصغيرة صوت رهيب ونادر جدا تربطني بها صلت رحم ياخ خليتالكل يتمايل ويعيد زكرياته بطعم صباحات امدرمان مدينة التراب كما وصفها الراحل علي المك شكرااا طربنا بعد زمن
يعني حنان دي يا باسط اخوى طلعت قريبة الناس ديل كلهم - عليك ربك امشى فوق اقرا ما قاله عنها صديقي كمال سالم
Post: #48 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 07:38 AM Parent: #46
صديقي ود الكامل المسنوووووووووح نامن غلط
Quote: أبكي يا مسنوح لامن مخاخيتك تسيل وتقشها بطرف كم عراقيك الملان ###### عنكوليب.
هههههههههههههههههههههههها الله يغطسك كتلتني بضحكة يا حلبلب
Quote: وانا مخاصمك كمان مسنوح وثم مسنوح.
يا اخوانا الحرب في شنو ؟
أجيب ليكم عنكوليب عازم فيهو فكي ؟
Post: #49 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 07:42 AM Parent: #46
عبد العزوووووووز عيسى الحاشاك ما كيشة
والله ...... نامن غلط كمان
Quote: المسنوح جيت طالع بي ود فرح..
سلالمك ولا سلامك عينة.. العنكوليب ليهو مفعوله!!
وفيسل لسه ما شرّف!! يا كافي البلاء..
انت غير تطرأ السجم داك ما عندك حاجة
اوع يجي يودي لينا بوستينا السكر دا للكوشة
Post: #50 Title: Re: تعالوا كلكم مع سيد حوشكم (بكري) ابكوا هنا بس Author: dardiri satti Date: 10-31-2010, 10:31 AM Parent: #49
مولانا ،
الله يجازيك ،
لوعت قلبي إذ علتني كبرة!!
Quote: فأدخل اللحن المميز والموسيقى والمقدمة التى نسمعها الآن فى (عزة ) ولا أبالغ لو قلت أنها كانت قليلة فى تلك الفترة فترة الثلاثينيات حتى فى الدول العربية المجاورة.
المقدمة الموسيقية للموسيقار الأرمني ""أرمنابو" ، عندما سمع خليل يوقع اللحن قبل التسجيل ، طلب أن يعد المقدمة الموسيقية ، فوافق خليل ، وقد كان.
Quote: وكانت وفاته فى 30/يونيو
سبحان ربي .
Quote: معظم المعجبين يستفسرون عن كيفية نبوغه وبلاغته ومعرفته للفصاحه بهذه المقدرة وهو الآتى من شمال السودان ، من بلاد العجم
عزيزي ، هل تعلم أن هؤلاء العجم هم من علموا االسودانيين العربية نحواً وصرفاً وبلاغة وأدباً ؟؟ وهل تعلم أنهم هم الذين علموا أعراب السودان وباديته القرءآن وأصول الدين الإسلامي ؟؟ دونك ""ود ضيف الله"".
مولانا ،
تااااااااني الله يجازيك ،
لوَّعت قلبي إذ علتني كّبْرَة!!
تحياتي
Post: #51 Title: Re: تعالوا كلكم مع سيد حوشكم (بكري) ابكوا هنا بس Author: Gaafar Ismail Date: 10-31-2010, 10:40 AM Parent: #50
الحبيب ود شيقوق يا ســــــــــــلام عليك شكرا على نثر البهجة ..تسلم يا حبيب
تحياتي ومودتي ووافر احترامي
Post: #52 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 11:47 AM Parent: #51
ود ساتي
سلام
Quote: هل تعلم أن هؤلاء العجم هم من علموا االسودانيين العربية نحواً وصرفاً وبلاغة وأدباً ؟؟ وهل تعلم أنهم هم الذين علموا أعراب السودان وباديته القرءآن وأصول الدين الإسلامي ؟؟ دونك ""ود ضيف الله"".
والله كلامك صاح لكن مافي شيئ غلبهم الا مسادير الدوبيت
Post: #53 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 11:51 AM Parent: #51
استاذنا جعفر
الله يكرمك بهذه الطلة الجميلة
Quote: شكرا على نثر البهجة ..تسلم يا حبيب
اين نحن الان من هذا الابداع يا زعيم ؟
Post: #54 Title: Re: تعالوا كلكم مع سيد حوشكم (بكري) ابكوا هنا بس Author: عمر علي حسن Date: 10-31-2010, 12:02 PM Parent: #51
Quote: هل تعلم أن هؤلاء العجم هم من علموا االسودانيين العربية
الاستاذ الدرديري ساتي
واضف لهم ان جمال محمد احمد واخاه محجوب دخلاها (لكّة) لا يعرفان من العربية ما يؤهلهما للمشي في الشارع فخرج منها جمال علما في الادب وسفيرا واستاذا زائرا بالجامعات الغربية ..
قال له علي المك في حوار بالاذاعة السودانية ان الخروج من عمق الرطانة الي قمة اللغة العربية وصدارة ادابها انجاز لا يحققه الا عبقري ! .. فرد عليه الاستاذ حمال محمد احمد ( بتواضع جم) هذا ثناء استحقه ...
وهكذا الخليل ارتقي الي قمة التفرد في التعبير بلغة ،تعلمها علي صباه ، باخيلة الرطانة الصافية فطار بمشاعر الناس وخيالهم الي عنان السماء ..
رحمه الله .
عمر علي حسن
Post: #55 Title: Re: تعالوا كلكم مع سيد حوشكم (بكري) ابكوا هنا بس Author: Mohamed Yassin Khalifa Date: 10-31-2010, 12:34 PM Parent: #51
يا بـــلادي كــم فيـك حــاذق غيـــر إلهـــك مـــــا أمَّ رازق مـن شعـــارو دخول المأزق يتفانـــي وشرفـــك تمـــــــام عاد يالطيب بكانا مش أصبح ضرورة مع الكلام ده ولا لع؟ تعرف زمان كان لامن يسألوني فنانك المفضل منو؟ أقول ليهم عشة الفلاتية!
إتخيل طفل عاشق للكلام دة أها لامن يكبر ويصير بضروسو.. حالته تكون كيفن؟ حنان تجلت في هذة الغنية
نحنا نحمد الله الولدونا بضروسنا في زمنا فات بغناينه وفضل غناه
..............
يا أخوانا طلب خاص للغنية دي بصوت عشة الفلاتية لو امكن
Post: #56 Title: Re: تعالوا كلكم مع سيد حوشكم (بكري) ابكوا هنا بس Author: طارق جبريل Date: 10-31-2010, 01:02 PM Parent: #55
يا شيقا زمان حتى الطلح كان براهو
Post: #57 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 01:37 PM Parent: #55
الاستاذ الدرديري ساتي
الخال عمر على حسن
الاستاذ ود يس
الاخ طارق ود جبرين
عبقرية الخليل ( فنان الوطن)
نقلا عن رزنامة كمال الجزولي في صحيفة السوداني الصادرة اليوم ـ الثلاثاءـ 4/9/2007م.
ضمن كلمته الشائقة عن اسماعيل عبد المعين أشار صديقي كامل ابراهيم حسن إلى أن خليل فرح استلهم المقدِّمة الموسيقيَّة لأنشودته الخالدة( عازَّة في هواك) من مارش (ود الشريفي) العسكري المعروف (السوداني، الجمعة 20/7/07 ( . أشعلت هذه الكلمة في ذاكرتي عبق مناخات كنا عشناها، الحبيب الراحل عبد الهادي صديق وشخصي، منتصف سبعينات القرن المنصرم، في محاولة باكرة لتحقيق ديوان الخليل بتكليف من ابنه المرحوم فرح. لكن تلك المحاولة سرعان ما انقطعت بنقل عبدالهادي إلى السفارة ببيروت، ثمَّ اعتقالي، بُعَيْدَ ذلك، لأشهر تطاولت. ولمَّا صعُب التكهُّن بميقات انقضاء تلك الظروف، فقد زارني فرح بالسجن، ووجَّهت بتسليمهالمخطوطة من مكتبي، حيث حوَّلها إلى الراحل المقيم علي المك الذي تولى إنجازها على أفضل ما يكون. حمَلَ إلينا استغراقنا في مناخات ذلك العمل، على قِصَره، معارف مدهشة الثراء، ويكفي أنه أخذنا، من حيث لم نحلم، إلى .. حدباي احمد عبد المطلب، وماأدراك ما حدباي، ودنياواته الواسعة التي قد لا تبدأ من النهود، على شغفه بها، ولاتنتهي في الجيلي، على ما ربط بينه وبين احمد الطريفي الزبير باشا من محبَّة نالنامنها نصيب، والحمد لله، عبر نهارات الأنس العبقة الدبقة التي لطالما سلخنا ساعاتهاتحت ظلال (راكوبته) الفيحاء، يجاورنا النيل، وتحفُّ بنا الخضرة، ويحلق بنا النسيم على مخدات الندى .. ليس أروع ولا أمتع! الشاهد أن كليهما كان من أخلص خلصاءالخليل. وكان الكلام لا يحلو لأيٍّ منهما إلا بسيرته وفنه. بل ان أكثر ما كان يحيِّرنا أن حدباي ما كان يطيق أن ينحرف الأنس، قيد أنملة، عن ذلك، حتى ولو إلى فنههو نفسه، وهو هو الشاعر المجيد والمُغنِّي العذب الذي أنشد في زمانه: "الليلة كيفْامسيتو يا مُلوك امْ دُرْ"، والتي روى لنا قصَّتها بعد تمنُّع، وكان كثيراً مايُبرِّر تمنُّعه ضاحكاً: ـ "يا وليداتي خلونا نحكي عن خليل .. العُمُر ما فضلفوقو شي .. وانا ما قاعد ليكم"! وحكى كثيراً. وحكى احمد الطريفي كثيراً. أشياءجُلها ليس للنشر، رغم أن ثمارها منشورة ومذاعة يتذوَّقها الغاشي والماشي! ولعنةالله على هذه (التابوهات) التي تعتقل أكثر التاريخ الاجتماعي لإبداعنا، وسوف تواصلذلك لزمن سوف يطول، في ما يبدو، للأسف .. وكثيراً! كان مِمَّا حدَّثنا عنه حدباي المقدِّمة الموسيقيَّة لـ (عازَّة)، قال: كنا نسكن أنا وخليل في منزل بالحيالكائنة فيه كليَّة الصحَّة حالياً بالخرطوم. لكننا كنا كثيري الأسفار في أنحاءالبلد، ما نكاد نستجمُّ من سفرة، حتى نقوم بأخرى، دون أن نشعر بالتعب، رغم أن الطرق والوسائل لم تكن ميسورة كما هي الآن! وفي الفاشر سمعنا بنات الجلابة يغنين أغنيةفولكلوريَّة قديمة، بذات ميلوديَّتها، ولكن بكلمات مترجمة إلى عربيَّة هجين عنالأصل الذي كانت أنشأته، في لغتها الأصليَّة، صبيَّة فوراويَّة في الخامسة عشر أرادأبوها تزويجها من عجوز ثري، فصارت تنوح مستعطفة أمَّها: "يا إيَّا/ راعي ليَّا/ فيشانْ هَوَانْ دَاكْ نَمُوتْ بَلا دُرِّيَّة/ الكَرْكَدي ما بَقوُمْ غَلة/ حِلوُنِي مِن جَقودْ يا رُجالْ الله"! إنفعل الخليل كثيراً بالأغنية، حكايةومغزىً ولحناً، حيث بدت له حالة الوطن شبيهة بحالة تلك الصبيَّة! و(جقود) تصغيرلكلمة (جقد)، في معنى الشخص ضئيل الشأن، وهي لهجة في لغة الفور يجري استخدامها،أكثر شئ، في منطقة الفاشر، حسب صديقي (الشرتاي) الكبير صالح محمود. وحدَّثتني صديقتي سعاد ابراهيم احمد بأن هذه الكلمة موجودة، بذات معناها، في بعض اللغات النوبيَّة في أقاصي الشمال، كما علمت أنها موجودة، أيضاً، في بعض لغات النوبا بجنوب كردفان، فوقع عندي هذا ضمن حُجَج الصلة القويَّة بين النوبيين وبين بعض الإثنيات في غرب السودان! كرَّت مسبحة السنوات، وانهزمت ثورة 1924م، واجتاح الخليل حزن عميق أورثه داء ذات الرئة العُضال، فسافر إلى مصر للعلاج برفقه صديقه الحميم حدباي. وهناك اتفق للصديقين أن يسمعا تلك الميلوديَّة العذبة، ولكن في سياق آخر! فقد كان الخليل غافياً، ذات ظهيرة، على فراش المستشفى بالقاهرة، حين مرَّت فرقة (الكشافةالنوبيَّة) وهي تعزف بعض المارشات. إنتبه الخليل، وأفاق متسائلاً: ـ "دحين ياحدباي دي ما غنية البت الفوراويَّة"؟! فأرهف حدباي السمع قليلاً، ثمَّ سرعان ماأمَّن على ملاحظة الخليل الذي ما لبث أن عاد للاغفاء تحت وطأة العِلة. تعافى الخليل شيئاً، وغادر المستشفى. وكان على موعد مع صاحب استديو (لتعبئة) الاسطوانات كي يسجِّل له أغنية (عازة في هواك) قبل عودته إلى السودان. وكان بالاستديو بيانويلعب عليه خواجة. فصار الخليل يعزف الميلوديَّة الأساسيَّة للاغنية الفوراويَّة بالعود، على إيقاع الفالس، بينما العازف الاغريقي يتابع الميلوديَّة على البيانو،حتى أتقن عزفها، فطلب الخليل تسجيلها كمقدِّمة للأغنية، ترجمة للتشابه الذي كان يجده بين الحالتين! وختم حدباي حكايته قائلاً: علمنا، في ما بعد، أن صول( المزيكة) في جيش الزبير باشا كان قد سمع الاغنية بعد دخولهم الفاشر، إثر انتصارهم على السلطان ابراهيم قرض في معركة منواشي، فأعجب بميلوديَّتها، وقام بإعادة توزيعهاوتنويتها كمارش عسكري صار يُعرف، لاحقاً، بـ (مارش ود الشريفي)، لكن بكلمات مغايرة تقول: "وَدَّ الشَّريفِي رايُو كِمِل/ جيبوا ليْ شَايْلاتا مِن دارْ قِمِرْ"! وهكذا، فإن الخليل لم يستلهم مقدِّمة (نشيد الانشاد السوداني) من (مارش ودالشريفي)، وفق الرواية الشائعة، وإنما استلهمه، وفق حدباي، من اغنية الصَّبيَّةالفوراويَّة .. شبيهة الوطن.
اطيب الاماني
Post: #59 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 04:04 PM Parent: #55
طارق جبرين
زمان قلت شنووووووووووووووو؟
سيف ود مساعد
دي براها فائدة نتلم عند ابوعبدالله
سري يردد ليتني كنت معهم
شوف الزمن يا كمال البلد كانت ليها شنة رنة
يا حليل ايام زمان كان العنكوليب ذاتو بدوهو الناس ساى بدون فلوس
Post: #61 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 04:38 PM Parent: #59
كلامك ده ماقريتو لانو وفت البت دي تغني تاني لابسمع لا بشوف
هاهههههههههههههههههههههههههههها
عجبني ليك الكسير يا ود مساعد
يا اخي فعلا كلمات واداء فايت حد الروعة
Post: #63 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 04:57 PM Parent: #61
هيثم لبيب
أنا لسه دايخ من زينة إفتاميوس .. ومن وين يا أسمر ولى هسه ببكي من الله السلامة .. تجيني شايت لينا ماهو عارف ... ياخي والله في ناس لابرحموا ولابخلوا رحمة ربنا تنزل .. بقيت أنت وصاحبك أحمد القرشي .. نبكي بس من غير قطرة أو مس ..
يا اخي طلتك مبااااااااااااااااااااالغة افتقدناك وافتقدك الحبيب ود القرشي
الحمد لله الواحد عرف البخور البطلعك من استكانتك
اكيد ود القرشي بيكون هسع يتوحوح عايز الدخلة لكن عارف كان سواها بتفتح ليهو نوافذ
ود القرشي كان جانا لفرحنا لازم يمر على كل الاهل
المرتضى بكون مات عديل
وعثمان موسى قال لي محاربك وغيرك يا هيثم اخوى مافي حد برضي لي عثمان موسى دا باقي لي جعلي عندو حبة غشامة
Post: #64 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 05:07 PM Parent: #61
عدل نزولا لطلب ود مساعد
Post: #65 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 10-31-2010, 05:18 PM Parent: #64
ودشيقوق
بعد المنقة مافي داعي للشمام
Post: #66 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 10-31-2010, 08:40 PM Parent: #65
اها يا ود المساعد
بعد التشاور مع ام عبد الله فقد قررنا التامين على طلبكم
حنان وبس
Post: #67 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-01-2010, 08:22 AM Parent: #2
للبكايين فوق
Post: #68 Title: Re: تعالوا كلكم مع سيد حوشكم (بكري) ابكوا هنا بس Author: saif massad ali Date: 11-01-2010, 05:11 PM Parent: #67
ام عبدالله ابوعبدالله
تسلمو
والله من امس النوم ماجايني تب بفكر في شعب انجب خليل فرح وحنان الصغيرة
يحكمو البشير معادلة السواد و الرماد
كدي خليني انا الناس دي رايها شنو
في ناس مكسرين يسمعو ويبكو ويطلعو ما قاعدين يقولو حاجة
Post: #69 Title: Re: تعالوا كلكم مع سيد حوشكم (بكري) ابكوا هنا بس Author: عبدالرحمن إبراهيم محمد Date: 11-01-2010, 07:06 PM Parent: #68
Post: #70 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-01-2010, 07:33 PM Parent: #69
صديقي ود مساعد
ام عبدالله ابوعبدالله
تسلمو
والله من امس النوم ماجايني تب بفكر في شعب انجب خليل فرح وحنان الصغيرة
يحكمو البشير معادلة السواد و الرماد
كدي خليني انا الناس دي رايها شنو
في ناس مكسرين يسمعو ويبكو ويطلعو ما قاعدين يقولو حاجة
يا العزيز ابكي وقش دموعك بس هذه هي ابتلاءاتنا ربنا يصرف هولاء ليسود الحب بيننا ونعود كما كنا قبل قبل جميع الانظمة الشمولية البغيضة
Post: #71 Title: Re: تعالوا كلكم مع سيد حوشكم (بكري) ابكوا هنا بس Author: عبدالعزيز الفاضلابى Date: 11-01-2010, 07:45 PM Parent: #70
اول مرة تجيب لك شيتا سمحة يا سجم الرماد.
Post: #72 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-01-2010, 07:47 PM Parent: #70
البروف عبد الرحمن
الف مرحب بيك يا زعيم ولكم ايها .... العتبى حتى ترضوا - النقاط دى لو قلتها بتزعل صديقي ابو بكر سيد احمد دعني اغض الطرف عنها فما زال عشمي في عودته قائما
لم يكن كلامي عنكم في الدوبيت الا ضربا من المزاح فانا ادرك تماما اين انتم من ادب البادية وثقافة البادية ومسادير البادية ولا غرو فقد قال الخليل في رائعته الضواحي وطرف المدائن
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
######ي يا جمجوم أصله خاين
شوفوا كيفن يبرأ الملاين
هب شال وكشح المراح
للقنيص الخيل**خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
يا الطبيعه الواديك ساكن
ما في مثلك قط في الأماكن
*****
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح
فوالله حتى ناس البادية لا يجيدون وصف نباتات البطانة بالطريقة التي تناولها الراحل المقيم خليل فرح
تخيل يا استاذي الخليل وهو يحكي عن النال والاراك والخزام والشيح والبراح آآآآآآآآآآآآآآآآآآه يا الخليل
Post: #73 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-01-2010, 07:50 PM Parent: #72
الفاضلابي
اول مرة تجيب لك شيتا سمحة يا سجم الرماد.
جيت آآآآآآآآآآآآآآآ الفقر بهنا
Post: #74 Title: Re: تعالوا كلكم مع سيد حوشكم (بكري) ابكوا هنا بس Author: عبدالرحمن إبراهيم محمد Date: 11-01-2010, 08:17 PM Parent: #73
Post: #77 Title: Re: تعالوا كلكم مع سيد حوشكم (بكري) ابكوا هنا بس Author: Haitham Labib Date: 11-02-2010, 10:32 AM Parent: #75
Quote: وعثمان موسى قال لي محاربك وغيرك يا هيثم اخوى مافي حد برضي لي عثمان موسى دا باقي لي جعلي عندو حبة غشامة
والله ياود شيقوق عثمان موسى ده لو محاربك بعد زينة دي .. غايتو ماعارف إلا يكون متسبب ساكت .. دي زولة بتزرع الفرح بشوفتها وبصوتها بتنسيك الخصام ..
يا الطيب يا أخوي أنت الأولاد في السودان وله الكمبيوتر البتدخل منو مافي البيت ..
ياخي دي سمعتها مرة واحد في البيت المرة التانية على طول في المكتب ومن ديك وعيييييييك .. دي عاملة زي العلاج البيوصفوه ليك مرة واحدة في اليوم .. لو أخدتو مرتين قدام الأولاد بيودروك ..
عثمان موسى .. قول يا الله السلامة .. ود شيقوق ده قليبو رهيف ومابقدر على زعلك وصوت زينة في عز الصيف ..
Post: #78 Title: Re: تعالوا كلكم مع سيد حوشكم (بكري) ابكوا هنا بس Author: الفاتح ميرغني Date: 11-02-2010, 10:51 AM Parent: #77
Quote: يضم ارشيف الادب السودانى روائع مثل قول شاعرنا خليل فرح الذى نفاخر به :
قول نحن فى روض الجنان المولى يرخيلنا العنان رعيا لمخضوب البنان خلانى دن بين الدنان ناولته كأس قال لى عجب مازحته مال عنى أحتجب دابرونى ياناس ايش عجب ود الدروع صايم رجب
هذا النسيب الرقيق جاء به شاعر نوبى من جزيرة صاى فى اقصى الشمال ، لم يرضع العربية مع لبان أمه الا انه غالب اهلها فى البلاغة وغاص اكثر من اكثرهم فى بطونها. ( الدكتور منصور خالد)
شكرا يا سيف على الترحيب. سلام يا شيقا واريتك طيب يا حبوب.
محبتي
Post: #79 Title: Re: تعالوا كلكم مع سيد حوشكم (بكري) ابكوا هنا بس Author: لؤى Date: 11-02-2010, 12:00 PM Parent: #1
ياخي دي سمعتها مرة واحد في البيت المرة التانية على طول في المكتب ومن ديك وعيييييييك .. دي عاملة زي العلاج البيوصفوه ليك مرة واحدة في اليوم .. لو أخدتو مرتين قدام الأولاد بيودروك ..
صحيح يا هيثم اخوى حنان دي حاجة غير
عثمان موسى .. قول يا الله السلامة .. ود شيقوق ده قليبو رهيف ومابقدر على زعلك وصوت زينة في عز الصيف ..
احسنت احسنت
Post: #82 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-02-2010, 09:07 PM Parent: #80
الفاتح ميرغي
شكرا يا سيف على الترحيب. سلام يا شيقا واريتك طيب يا حبوب.
حبابك حباب عبقري السودان في طوكيو
الاستاذ لؤي
لا يا الحبيب انت ما بتقصر ابدا رحم الله امواتنا
Post: #84 Title: Re: تعالوا كلكم مع سيد حوشكم (بكري) ابكوا هنا بس Author: خالد علي محجوب المنسي Date: 11-04-2010, 07:38 PM Parent: #82
مـــا يئسنا الخير عودو سايق الحي يعود إن أتي دونه عايق إلا يوم اللقـــا وانت رايــــــق الســـلام يا وطني الســـــــــلام
Post: #85 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-04-2010, 07:59 PM Parent: #84
مـــا يئسنا الخير عودو سايق الحي يعود إن أتي دونه عايق إلا يوم اللقـــا وانت رايــــــق الســـلام يا وطني الســـــــــلام
ويييييييييييييييييييييييييييينك يا سيد الناس
مبروك هذا المنهج الجديد في التخاطب
مسنوووووووووووووووووووووح لكن عامل فيها ما مسنوووووووووووح
Post: #86 Title: Re: تعالوا كلكم مع سيد حوشكم (بكري) ابكوا هنا بس Author: Kostawi Date: 11-04-2010, 10:05 PM Parent: #85
.
Post: #87 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-05-2010, 05:21 AM Parent: #86
كوستاوي
ازيييييييييك
مالك جايينا يدك فاضية ؟ ام ان في الصمت كلام؟
Post: #88 Title: Re: تعالوا كلكم مع سيد حوشكم (بكري) ابكوا هنا بس Author: Abdlaziz Eisa Date: 11-05-2010, 07:56 AM Parent: #87
Post: #89 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-05-2010, 07:59 AM Parent: #88
عزو
امشي شوف بوست السناحة الجد جد
بعنوان اوصيكم اخوتى الاعضاء
يحكي عن الشباب البباركوا العيد للحسناوات بس ويجوا فللي في الشينات
امشي ادخل فيهو
Post: #90 Title: Re: تعالوا كلكم مع سيد حوشكم (بكري) ابكوا هنا بس Author: Abdlaziz Eisa Date: 11-05-2010, 07:59 AM Parent: #88
المسنوح
جمعه مباركة
و و
Post: #91 Title: Re: تعالوا كلكم مع سيد حوشكم (بكري) ابكوا هنا بس Author: الطيب شيقوق Date: 11-05-2010, 08:10 AM Parent: #90