Post: #1 Title: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغاني) Author: عبد الحكيم نصر Date: 10-28-2010, 09:16 PM
Post: #2 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-28-2010, 09:19 PM Parent: #1
فلنبكي علي وطن لم نستطيع ان نحافظ عليه كاناس اولو عزم لم يبقي لنا الا الفن والكورة لنجتمع ونتوحد
Post: #3 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-28-2010, 09:25 PM Parent: #2
هل سيظل وردي فنانهم المفضل؟؟ هل سيتعصبون للهلال والمريخ؟؟ هل سيحتفلون كل بداية عام بعيد الاستقلال؟؟ ام سينتظرون اسبوع اخر ليحتفلوا باستقلالهم منا؟ هل ستعتبر ثورات ابريل واكتوبر من المناسبات الهامة في الجنوب؟ فهذه الثورات لم يصنعها السودان الشمالي فقط..
كان جنوبيا هواها كااااااااااااااااان جنوبيا هواها
Post: #4 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-28-2010, 09:39 PM Parent: #3
هل كان يمثل اقليم بعينه ام كان رمز لكل الوطن ووحدته؟ الملايين التي تدافعت لاستقباله الم يكونوا من كل فئات هذا الشعب المغلوب علي امره؟ ما ذنب هؤلاء؟
Post: #5 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: JOK BIONG Date: 10-28-2010, 09:47 PM Parent: #4
متى كان السلام في مساجد ومساجد كانت اماكن دعاة لقتل وابادة الجنوبيين؟!!!. انا شخصيا سمعت خطب كثير من مساجد تدعو لقتل الجنوبيين وحرقهم وتدمير ديارهم دون رحمة.. عندما تتغير افكار المسلمين حينها سنصدق ان خطابهم في مساجد ستكون دعوات للسلام. الاستقلال جاء في الجنوب ..لو دايره او ما دايره ياهو جاء!!!. ملاحظة: لو ان الاخوة المسلمين طبقوا العدالة في القرآن الكريم بصورة صحيحة ما كنا نتوصل لقناعة ان دولة حرة هو الحل لنا في الجنوب. نحترم اديان لكن نكره افعال افراد والذين نصبوا انفسهم علماء الاسلام في الخرطوم.
Post: #7 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-28-2010, 09:56 PM Parent: #5
Quote: متى كان السلام في مساجد ومساجد كانت اماكن دعاة لقتل وابادة الجنوبيين؟!!!. انا شخصيا سمعت خطب كثير من مساجد تدعو لقتل الجنوبيين وحرقهم وتدمير ديارهم دون رحمة.. عندما تتغير افكار المسلمين حينها سنصدق ان خطابهم في مساجد ستكون دعوات للسلام. الاستقلال جاء في الجنوب ..لو دايره او ما دايره ياهو جاء!!!. ملاحظة: لو ان الاخوة المسلمين طبقوا العدالة في القرآن الكريم بصورة صحيحة ما كنا نتوصل لقناعة ان دولة حرة هو الحل لنا في الجنوب. نحترم اديان لكن نكره افعال افراد والذين نصبوا انفسهم علماء الاسلام في الخرطوم.
جوك سلام سلام الحرب التي خرجت من المساجد شلمتنا نحن ايضا ان التعصب والهوس الذي عم الوطن اوصل المسلمين لقتل بعضهم داخل المساجد في اشهر حرم.. ما ننشده ان تكون دور العبادة مكانا للتعبد وليس لنشر البغضاء واعلان الحروب يا جوك..نعلم اوجاعكم..وعليكم ان تعلموا اوجاعنا.. نحن لا نقل عنكم الما..
Post: #6 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-28-2010, 09:51 PM Parent: #4
منعونا من التوحد ولكن لن يستطيع احد من ان نغني ان كانت هنالك عوامل للفرقة والانفصال فهنالك معينات للتوحد .. قد ننفصل كعاشقين هجرا كل منهما الاخر الا اننا سنغني اغاني الوحدة والتوحد سنغني لميري وعشة سنغني لجوبا ..وللباباي للغابات ورا تركاكا لعلي عبداللطيف ولجوزيف قرنق سنحلم بقرنق آخر ياتي مثل طاير الفينيق العظيم طائر يغلب عليه لون الطمي طويل الرقبة مثل النيل ليتحول صرختك الاخيرة علي قمم الاماتونج اصداء تعم الوطن من ادناه لاقصاه
Post: #8 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-28-2010, 10:01 PM Parent: #6
علي صوتك علي صوتك بالغنا لسه الاغاني ممكنا ..ممكنا فلربما بالغنا نستعيد بعض ما فقدناه اعلم ان الفقد كبير وان المحظور قد وقع فقط اريد ان نحتفظ باجمل العواطف لبعضنا الاخر
Post: #9 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-28-2010, 10:18 PM Parent: #8
قد يمنعوننا وطن وقد نمنع من الحرية ولكن لا احد يستطيع ان يمنعنا من ان نحلم
Post: #10 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-28-2010, 11:21 PM Parent: #9
عَشّه .. كلّمينا
ميرى.. ذكّرينا
كل سنكى أحسن
يبقى ..مسطرينا
*
نحن شعب أسطى
يلا ..جيبو مونا
نبنى ..نبنى نبنى
مسرحاً..ونــــادى
مصنعــاً ..وبوسته
حرب لا لا لا لا
كبرى..استبــاليه
صالــه للثقــافــه
تســرح الغزاله
جنبها ...الزرافه
ركَ قمرى طار
قيره قيره قيره
نطَط الصغار
صفّق الترولى
طمّن ..القطار
حلقت ..وحلقت
حمامة المطار
كلّ طلقه..بينا
نحن تبقى وفر
سمسماً ..وبفره
سكراً وشاى
تترا سايكلين..
جاى وجاى وجاى
مافى حاجه ساى
كلّو عندو دِين
كلّو عندو راى
بور..وبورسودان
بارا.. والجنينه
عبرى ..ولاّ واو
حاجه مش كويسه
كلّ زول براو
هى سودانا بكره
من سودانا ناو
تكتب انت تقرا
تعرف السياسه
فى محل حراسه
حجرة الدراسه
تمشى انت تلقى
فى الضلمه..لمبه
ألف ضحكه حلوه
تسندك بجنبه
بى تمن طبنجه
أحسن الكمنجه
أحلى شتل منقه
أحسن الحليب
إيد .. وإيد وإيد
نزرع الجديد
غابة النشيد
إيد..وإيد وإيد
مافى بينا سيد
إيد..وإيد وإيد
نلحق البعيد
نحنه مش مرقنا
حته واحده جينا
جينا لى السرقنا
حقّنا..وعصينا
دمّنا..وعرقنا
ولّعوا الرتينا
*
عَشّه..كلّمينا
ميرى ..ذكّرينا
كلّ سنكى أحسن
يبقى ..مسطرينا
Post: #11 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-29-2010, 01:22 PM Parent: #10
ليس في شرعتنا عبد ومولي
Post: #12 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: عبد الحكيم نصر Date: 10-29-2010, 10:03 PM Parent: #11
تاني لن نقدر ان نغني وطنا بالباسمك كتبنا ورطنا لانه سنكون دولة عربية..سيكون هنالك تعريب اكثر قسرية فشوكة الحوت تم بلعها سيحاول كل منا ان ينتسب للعباس والزبيدي بل لن نخجل من الانتساب لابي جهل وابي لهب فكل الطرق تؤدي لجزيرة العرب
Post: #13 Title: Re: بعد ان فرقتنا السياسة تعالوا نغني ....سلام سلام علي الكنائس والجوامع لوحدة السودان(توجد اغا Author: احمد محمد بشير Date: 10-29-2010, 10:07 PM Parent: #12
شكرا يا حكيم.... إنت دائما حكيم... وبوست في وقته أصلك ما حتتخيل كمية الإحباط الأنا ماري بيها اليوميين ديل