بدء هجرة عائلات نشأت وترعرعت في الخرطوم الى مناطقها في جنوب السودان (صور)

باالهي!

لعنة الله تتنزل في الذي فعل هذا الخراب والدمار

يالها من ايام سوداء بتاريخنا!!


علموها خضاب الحنه....وتركوها ترحل.....وقالوا عنها ليست سودانيه!
غادرت لانها خائفه ان يحتاج طفلها حقنه فيمنعهوا عنه لانه جنوبي!!






علموها لبس الثوب....وقالوا لها انت غير سودانيه فغادرينا!!




علموهوا لبس الجلابيه وقالوا له غادرنا انت لست مننا!!سنسحب جنسيتك ونقتلك لو ظليت بيننا.



الله لا يبارك فيهم من اذلوكم وازعجوكم في موطنكم وموطن اجدادكم.....
الله لا يبارك فيهم من ادعوا بان مغادرتكم ستقلل نسبة الجريمه بينهم!!
ويعرفون انهم اكبر حراميه!!سرقتهم بالمليارات!!



الله لا يبارك فيهم.....من اذعركم وارعبكم وهجركم حينا شمالا والآن جنوبا.

قصفوكم قديما بطائراتهم.....والآن يقصفونكم بكلماتهم!!


يا رب ارينا فيهم يوما
بحق.....جاهك...وعدالتك...من يفعلون هذا بشعبنا وهم مسالين
لو عثرت بغلة بالشام...لسؤالوا...عنها فباي اسم دينا هم يحكمون!!

Quote: علموها خضاب الحنه....وتركوها ترحل.....وقالوا عنها ليست سودانيه! غادرت لانها خائفه ان يحتاج طفلها حقنه فيمنعهوا عنه لانه جنوبي!!

Quote: علموها لبس الثوب....وقالوا لها انت غير سودانيه فغادرينا!!

Quote: علموهوا لبس الجلابيه وقالوا له غادرنا انت لست مننا!!سنسحب جنسيتك ونقتلك لو ظليت بيننا.

كلام عجيب !!!!!!!
اكيد قاصدة تم التاثير عليهم ثقافيا وطمست هويتهم وعادات ملبسهم وماكلهم ... الخ
الكلام المكتوب بقلمك دة له تفسيران
1 - تراجى غير متابعة الموقف الراهن وما عارفة من الذى يود الانفصال وينال سيادته كاملة على اقليمه
2 - تراجى عارفة لكن بتسنهبل ولا تدخر شاردة او واردة لسب وشتم السودانيين الشماليين وتحميلهم مسئولية
اى حاجة بتحصل حتى انقراض طيور البلطيق فى القطب الجنوبى

لمذيد من المثاقفة انصحك بمشاهدة SSTV
اما لو سالتينى عن راى فى هذه الهجرة فاننى اؤيدها بشدة لانها الاكرم لهم بدل حياة البهدلة فى عراء
الخرطوم والمنازل تحت التشييد دون ماء او انارة او صرف صحى وهو عار كبير فى جبين الحركة الشعبية
التى نالت المليارات من نصيب البترول ولم تلق بال لهؤلاء الجياع والان يتم تحريكهم للاستفتاء
وعار عليكم ان تصمتوا عن هذه المظالم لتتباكوا الان بذرائع الحناء والثوب والجلابية اين كانت اقلامكم
طوال الست سنوات السابقة ولم تطلبوا من الحركة الشعبية وهى فى موقف قوة تحكم كل الجنوب ونصف الشمال
ان تهتم بشعبها القابع فى العشوائيات والطرقات والعراء - هو النفاق دة كيف يعنى ؟

صور تدمى القلب
جنى

بل هذي هي أبلغ صور الوحدة الجاذبة للحركة الشعبية..

Quote: علموها خضاب الحنه....وتركوها ترحل.....وقالوا عنها ليست سودانيه!

حكمة اليوم
تعلًم ان تستوعب بذهنك...


لا باُذُنيك

هزيمه عميقه زلزال

يا الله!

Quote: علموهوا لبس الجلابيه وقالوا له غادرنا انت لست مننا!!سنسحب جنسيتك ونقتلك لو ظليت بيننا

تراجى
من الذى هدد الاخوة الجنوبيين بالقتل؟
كلامك فيهو اتهام مباشر لجهة معينة
سؤال يجب التوقف عنده...

قبال ما يحرجوك ..

هذة هزيمة لنا جميعا


فوا اسفي عليك يا وطني

هذة هزيمة لنا جميعا


فوا اسفي عليك يا وطني

موسم الهجرة الي الجنوب

مكتوب الجبين لا بد

تراه العين ...........

أما أنا فمسـرور لهم سـرورا عظيمـاً

أنظروا ما يخلفون وراءهم سـوى الدمار و بيوت الكرتون.. هل نظرتم الى ما يتركونه وراءهم؟ هل نظرتم
الى خلفيـة الصــور؟ أم انها الانانيـة أما مستوى عيشهم ومستقبلهم لا يهمكم؟ هؤلاء يذهبون الى حيث حياة
أفضل من البيوت التى فى الصـورة، ذاهبون الى الخضرة والماء والأبقار والصحـة والتعليم.. فلماذا تحسدونهم؟
ذاهبون الى الإحترام والحقوق كمواطنين درجـة أولى لهم السيادة على أرضهـم. قطيـة وسط اشجار وارفـة
وسهول خضراء ترعاها الأبقار اللبونة أفضل مليون مرة من قصـور الخرطوم القميئـة دع عنك العشش وأطراف
المدينة.. نفس هـذا المنظر لأم تحمل طفلها امام بيتها (المخلع) تكرر فى الماضى، ولكن بسبب الكشات
وإزالة السكن العشوائى.. فهم كانوا مواطنين عشوائيين فى الشمال وما زالوا.. أما الان فقد أزالوا هم
السكن الشعوائى ويسافرون من هـذه الدولة العشـوائيـة.

فليذهب من شاء منهم دون إكراه، وليبارك الله لهم فى وطنهم، ثم لتكون علاقات طيبـة مبنية على الثقـة
المتبادلة والاحترام المتبادل والمنافع الإقتصادية المتبادلـة.


.
شكـرا يا واصل.


.

Quote: أما أنا فمسـرور لهم سـرورا عظيمـاً أنظروا ما يخلفون وراءهم سـوى الدمار و بيوت الكرتون.. هل نظرتم الى ما يتركونه وراءهم؟ هل نظرتم الى خلفيـة الصــور؟ أم انها الانانيـة أما مستوى عيشهم ومستقبلهم لا يهمكم؟ هؤلاء يذهبون الى حيث حياة أفضل من البيوت التى فى الصـورة، ذاهبون الى الخضرة والماء والأبقار والصحـة والتعليم.. فلماذا تحسدونهم؟ ذاهبون الى الإحترام والحقوق كمواطنين درجـة أولى لهم السيادة على أرضهـم. قطيـة وسط اشجار وارفـة وسهول خضراء ترعاها الأبقار اللبونة أفضل مليون مرة من قصـور الخرطوم القميئـة دع عنك العشش وأطراف المدينة.. نفس هـذا المنظر لأم تحمل طفلها امام بيتها (المخلع) تكرر فى الماضى، ولكن بسبب الكشات وإزالة السكن العشوائى.. فهم كانوا مواطنين عشوائيين فى الشمال وما زالوا.. أما الان فقد أزالوا هم السكن الشعوائى ويسافرون من هـذه الدولة العشـوائيـة. فليذهب من شاء منهم دون إكراه، وليبارك الله لهم فى وطنهم، ثم لتكون علاقات طيبـة مبنية على الثقـة المتبادلة والاحترام المتبادل والمنافع الإقتصادية المتبادلـة.

ومن قال لك اننا نتمنى لهم هذا المستوى من المعيشة!
كنا نحلم بسودان يتسع للجميع بقدر عالى من الرفاهية!
اذا حدثت حرب فلن يجدوا حتى مثل هذا المستوى من العيش!
مرات بتجينى رغبة قوية ان اعضيك فى نص راسك!
نحن نحلم بوطن مواطنة وطن محجوب شريف الحدادى مدادى وطن عشة وميرى!
هذه اقسى صور مررت بها فى حياتى
جنى

درب اخضر
مع اطيب الاماني


والي واقع افضل


والي حياة اكرم











...

الملح يفنصل عن الارض والروح تنفصل عن الجسد والجمر ينفصل عن البخور
برحيل هؤلا الاحباب وانفصال جزء عزيز من الوطن لن يعود السودان حديقة مونقة ومثمرة
جنى

Quote: الملح يفنصل عن الارض والروح تنفصل عن الجسد والجمر ينفصل البخور برحيل هؤلا الاحباب وانفصال جزء عزيز من الوطن لن يعود السودان حديقة مونقة ومثمرة جنى

الاخ جنى تحياتى

يااخى انت رجل رائع الاحاسيس نافذ البصيرة

لك تحياتى

Quote: الملح يفنصل عن الارض والروح تنفصل عن الجسد والجمر ينفصل البخور برحيل هؤلا الاحباب وانفصال جزء عزيز من الوطن لن يعود السودان حديقة مونقة ومثمرة جنى والله يا جني انتا راجل حنيــــن بالحيــل تقبل احترامي يا رجل

الاخ حذيفة تحياتى

تعجبنى دوما مداخلاتك العاقلة.

ابناء الجنوب عانوا كثيرا وكل حكومات السودان المتعاقبة وجميع الاحزاب السياسية ملامة على ذلك.

اتمنى ان يختار ابناء الجنوب خيارا يرضيهم.

نسال الله ان يكفيهم شر المتاجرات السياسيه وشر دعاة التشرزم والتفتت من اعضاء هذا المنبر.

تحياتى للجميع.

Quote: الملح يفنصل عن الارض والروح تنفصل عن الجسد والجمر ينفصل عن البخور برحيل هؤلا الاحباب وانفصال جزء عزيز من الوطن لن يعود السودان حديقة مونقة ومثمرة جنى

جنى رجل يكتب برومانسية عالية...فى هذه المعضلة...واجزم انه لو اجرى استطلاع اراء وسط هولا ء لادرك
كم هو رجل طيب وعلى نياته....وحسن السريرة.... لقد احتضن الشمال هولاء بكل طيبة وسماحة وقت الشدة والمسغبة
دون منّ واذى......ووجدوا الامان والرحمة........ولكن ما هو المقابل؟؟ الكراهية والبغضاء والحقد ...والتامر على
الدولة من لدن قيادتهم السياسية...وما زالت الكراهية والغل تجاه الشمال قائمة.....وستظل الى ان يرث الله الارض
ومن عليها...لانها مبنية على امراض نفسية ...لا علاج لها.....لذا عليهم ان يرحلوا الى فردوسهم الموعود حيث تسود
العدالة والمساواة والحقوق ...والواجبات متقابلات...لا شريعة ولا مواطنة منقوصة ولا استرقاق....ولا تذويب ....اليست
هذه هى الدعاية الرخيصة والاكاذيب والفبركات... التى اشانوا بها سمعة البلاد وطعنوا فى استقلالها وتاريخها ورموزها
ولو انفقنا ملء الارض ذهبا لما الفنا قلوبهم....لذا لا تضيعوا وقت البلاد ومواردها وطاقاتها فيما لا طائل من ورائه
نريد ان نجنب اجيالنا فى المستقبل المنظور هذه المعضلات المزمنة...ونرسى دعائم الامن والاستقرار وحمايتها من الفتن
الاثنية والثقافية.....وما كتبته تراجى مصطفى فى المداخلة اعلاه....هو لسان حال هولاء ونظرتهم للشمال السياسى
والاجتماعى...كما هى ايضا رؤية حركات دارفور المتمردة....ان صبرنا على هذا السخف ...سنؤسر ونكبل الدولة
والمجتمع والتاريخ والفرد ضمن هذا الفضاء العنصرى ....وسنقابل القيامة ولم نستطيع بعد الفكاك من هذه (الورطات)
هولاء يجهلون ويتناسون السنن الكونية التى اجراها الله فى خلقه...(ولو شاء الله لجعل الناس امة واحدة...)
فالتنوع والتعدد والاختلاف.....كلها سنن الله...الله خلق هذا فقير و ذاك غنى....هذا اسود وذاك ابيض.... هذا سمح وهذا
شين.....وهكذا دواليك....التضاد الايجابى ....موازين قسط....وانبنت عليها فلسفة الثواب والعقاب....ولكن اصحاب العقد
النفسية...نظروا لمسالة التنوع والاختلاف ....نظرة سلبية ووظفوها فى الصراعات الاثنية والثقافية والدينية ومازالوا
ياججون نيران الفتن...لذا نحن نضحك على الذين يعولون على وحدة فى ظل هذا الفضاء العنصرى الحاقد البغيض
فالانفصال اخف الضرر....

well comes back to yours homes

تمزيق الوطن في زمن الكوليرا

اشياء كثيرة تجول بخاطر الانسان وهو يرى هذه الصور
لكن كخلفية لهذه الصورة استوقفني رائ الاخ أبوالريش

خيار الهوية خيار صعب وليس قرار يمكن أن يحدث بين يوم وليلة أو يمكن أن يقرر فيه لفئة دون الاخرى أو يمكن ان يكون صاحب القرار فيه لاقلية
الذين وضعو هولاء المساكين في هذا المأزق هم يسكنو في قصور وليس لهم هم لقمة العيش أو العلاج والدواء والتعليم

الذين يصرحو من الطرفين ويقررو في مصير هولاء هم ليس منا ولم يكن يشبهونا في يوم من الايام (تصريحاتهم تطلق الشائعات وسط هولاء المهجرين وتجعلهم يرحلو خوفا على حياتهم)

انا ليس ضدد حركة المواطن داخل بلده ولكني مع أن يكون هذا الانتقال من واقع قرار شخصي أو زاتي من غير ممارسة أي ضغوط أو وصاية من أحد أو فئة أو جماعة مهما عظم امرها

ارائي كلها هنا أخ ابو الريش
الحلال بين والحرام بين
الحلال بين والحرام بين

حقيقة دي هزيمه وطن

شي محزن جدا والله

أدلة موثقة على فشلنا في إقامة دولة موحدة

تجمعنا بتنوعنا


هل سيكونوا آخر المغادرين؟


هاهي دولة شمالستان تولد

على وهم النقاء العنصري والديني

كما فعلوا في باكستان وغزة

وكما حاولوا إنشاء إمارات للهوس في العراق والصومال


أقوى أقوياء العالم يتجهون يزدادون قوة بالتوحد

ونحن نزداد ضعفا بالتفتت


الباقر موسى

..
.
يعنى الاراضى حتنزل والسودان سيسع
الهجين فقط ..

----------

بالله ركز لينا فى حى العمارات
داير اشوف اسرة جورج بوك ( دينق )
جابوا دفارات ولا لسه ..

السؤال الأهم ...ترى هل جهزت الحركه الشعبيه وحكومة الجنوب (الإنفصاليه) لهؤلاء قرى نموذجيه ومشاريع إعاشه (حتى ولو زي حقة الجلابه السووها لي ناس الحامداب والمناصير وجعفر نميري في الجنوب (زمان)) ...أم ستتركهم يستظلون الأشجار ويجلبون القش لعمل القطاطي ويأكلون من الطبيعه ونحن في القرن الواحد وعشرين ؟

مسكين شعب الجنوب ضائع تحت الكرعين ومغامرات الحركه الشعبيه

لا تخدعنكم هذه الصور. لكونها من البسطاء الذين خدعتهم الدعاية الكاذبة بأن جنة الله ستكون بالجنوب

فتوجهوا للجنوب، حبا لمراتع الصبا وحنينا للأوطان وهو أمر فطري بالإنسان، ثم سرعان ما يكتشفوا الكذب

والتدليس فيكروا فارين، حيث ترميهم الأقدار، للشمال أو الجنوب، أو الشرق.... ولكن السؤال الذي يطرح

نفسه أين صور باقان أموم وهو يبيع بيته بالخرطوم ويغادر ... فعلا غير مأسوف عليه... أو كل زلنطحية

الحركة الشعبية ممن سكنوا أفخم البيوت وركبوا أحسن العربات بالخرطوم .. أين مواكبهم للرحيل... ألم

أقل لكم لاتخدعنكم الصور.......

رسالة بلا عنوان، ومرسلة لكل من يستحقها:

ليت أن يرحل كل الأبواق التي تنادي بإنفصال الجنوب .... ولا يتبقى إلا الوحدويون من الجنوبيين وهم إخواننا، لهم

ما لنا وعليهم ما علينا وإن لم تسعهم الأرض، ستسعهم حدقات عيوننا........

..
.

Quote: ليت أن يرحل كل الأبواق التي تنادي بإنفصال الجنوب .... ولا يتبقى إلا الوحدويون من الجنوبيين وهم إخواننا، لهم ما لنا وعليهم ما علينا وإن لم تسعهم الأرض، ستسعهم حدقات عيوننا........

ديل ما برحلوا ؟؟ ديل حيقعدوا يشوفوا اخر مهلة للانفصال حتى ولو حددت بعد
الإستفتاء ب 6 شهور او 6 سنوات ..

-----------

عسى ان تكرهوا شيئا وهو خير لكم

بس البرحل لينا دينق من منبر الهجين دا شنو ؟؟

Quote: الملح يفنصل عن الارض والروح تنفصل عن الجسد والجمر ينفصل البخور برحيل هؤلا الاحباب وانفصال جزء عزيز من الوطن لن يعود السودان حديقة مونقة ومثمرة جنى

والله يا جني انتا راجل حنيــــن بالحيــل




تقبل احترامي يا رجل












..

أولاً هؤلاء لم يهاجروا
بل هجروا
الحكومة بشقيها تسببت في هجرتهم
المؤتمر الوطني يناديهم لوحدة لا تتوفر عواملها
والحركة الشعبية تفرض عليهم العودة باكراً لمن أراد أن يحتفظ بهويته
بشرط ان يصوت للانفصال ، والويل كل الويل لمن تحدثه نفسه بالوحدة ...

ولو تركوهم لاختاروا البقاء في بيوتهم هذه للابد
يحلمون ببيوت من الاسمنت المسلح في وطن آمن مستقر.

Quote: أنظروا ما يخلفون وراءهم سـوى الدمار و بيوت الكرتون

بل ماذا تركوا في جنوبهم عندما قدموا الى كرتونهم هذا ؟
بل لماذا جاءوا أصلاً إن لم يكن هذا الحال أفضل مما كان !

نسأل الله لهم العون ... ولنا ...

Quote: بس البرحل لينا دينق من منبر الهجين دا شنو ؟؟

يا تبلدينا

دينق خلي يبرطع، مثل الدحيش الأكل ليه مشك. بس البفكنا من باقان أموم وأمثاله شنو؟

بالمناسبة كنت مصاحب أكيج، وما سمع كلامي راح الجنوب ومات مغدورا...

عرض مفتوح لكل من يجد في نفسه الكفاءة والشروط:

مافي طريقة أصاحب دينق عشان نعمل لينا شركة تصدير لحوم من الغرب والجنوب ونصطاد عصفورين بحجر واحد في

حالتي الوحدة أو الإنفصال، من حيث أكفله بالشمال ويكفلني بالجنوب ( إن لم يتمزق الشمال والجنوب لدول أخرى)..

( وطبعا كراهيتي لباقان أموم ومحبة دينق له تكون حاجة شخصية لا يتأثر بها النشاط)....

وإنت يا تبلدينا لسع حاجز صورة ( الخرطوم تحترق ) ولا خليتها، لو ما عايزها أنا بحجزها وبشتريها وبكسرها ليه في

راسو وخلي يركب أعلي خيلوا لو بعرف ركوب الخيل ( القدر بنات سعدان ) !!!!

لعنة الله علي الحركة الاسلامية ومن يناصرها من الرجال والنساء


ناس في بلادهم لم يعيشوا الامان ولا السلام

ســــــــــــيئــات الحــــــرية أفـضـل مـن مـحـــــــــاسن الاسـتبـداد

بالرغم من الحســـرة على هذا الرحيل المـــر الاختياري
اتمنى للجنوبيين كل الخير في تحقيق ذاتهم عبر دولتهم الجديدة
وهم الذين حاربوا الشمال وحكومات المركز بكل انتماءاتهم الايدولوجية
عسكر وشيوعيين واســلاميين واحزاب طائفيه .. الخ من أجل بناء دولة الجنوب التي تعبر عنهم
اذن عليكم تحمل مرارة الرحيل من أجل واقع افضل لابنائكم والاجيال القادمة
..
..
الجنوبيين لا يشبهون الشماليين عرقا ولا دينا ولا ثقافة ولا عادات ولا تقاليد
كل ما كان يربطنا بهم هذه الأرض المسماة الســودان
ولم نتمكن من الانصهار وتكوين امة سودانية تستوعب تنوعنا
بل مارسنا عليهم ظلم الحسن والحسين فما كان منهم إلا اختيار هذا الطريق
اليوم تتوفر في الجنوب كل مقومات الدولة الارض والموارد وشعب كريم وطيب
فلتذهبوا وتبنوا ذاتكم ودولتكم وسنظل نذكركم دوما فقد تقاسمنا معكم الارض واكلنا العيش والملاح
..
..
التحـــدي الأكبر هو ان يتبقى الباقي من أرض الشمال موحدا
في اعتقادي أن الدولة السودانية كلها في حاجة الى إعادة صياغة
حتى تستوعب كل السودانيين بتنوعهم الثقافي والعرقي والديني والفكري
من المهم جدا النظر الى مظالم الاخرين حتى لا نكرر تجربه انفصال الجنوب
في اجزاء أخرى من الوطن لأن انفصال الجنوب سيكون سابقة
واما السنجاكة فســـوف يظلوا يسنجكون الى ما لا نهاية
على أمل أن يرمي اليهم الســادة فتات يقتاتون به

Quote: الميدان/الوجود المصري بمشروع الجزيرة لم يعد سرا.] طرد و ابـعـاد أبناء البلد و جلب المصريين قال مصر يا أخت بلادى يا شقيقة

---

Post: #38 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Amani Al Ajab Date: 10-28-2010, 02:03 PM Parent: #37 هل دنا يوم ذهابكم يا ميري ودينق واجوك وملوال من أرض الديار؟ وجعي على وطني بلد ترهاقا الجبار !

---

Post: #40 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: elnawrani margan Date: 10-28-2010, 03:08 PM Parent: #38 ................ شالوا االهناء ورحلوا

---

Post: #41 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: أحمد الشايقي Date: 10-28-2010, 03:11 PM Parent: #38 هو يوم يؤرخ للفشل السوداني الكبير

---

Post: #42 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: khaleel Date: 10-28-2010, 03:19 PM Parent: #41 الرحيل المر حتما يعود السودان موحدا ولو بعد حين

---

Post: #43 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: احمد محمد بشير Date: 10-28-2010, 03:25 PM Parent: #41 عــديلة * الله يسهِلا ويفتح أبواب الرزق عليهم....... الجنوبيين إتبهدلوا شديد في الخرطوم.

---

Post: #44 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: عوض الصديق Date: 10-28-2010, 03:56 PM Parent: #43 واصل وضيوفه تحياتى هل هذه الصور حديثة؟ وسؤالى بالطبع ليس تشكيكا فى صدقيتها لكنى اعتدت على مشاهدة مثل هذه المناظر منذ اكثر من ثلاثة اعوام وانا اعبر النهر من كوستى الى ملكال فبعض الجنوبيين يترحلون بين المدينتين وينقلون اطنانا من العفش جنوبا ثم يعودون الى الشمال

---

Post: #46 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: JOK BIONG Date: 10-28-2010, 04:10 PM Parent: #44 نعم للعودة الي الديار . نعم للعودة ارض وطن منفصل عن العرب والمسلمين. لا للوحدة في ظل العبودية. من عاش مع المسلمين في وطن واحد كابد الظلم والقهر والعبودية طيل الحياة. لا عدالة ولا مساواة في حقوق في وطن موحد مع العرب والمسلمين.

---

Post: #59 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Mudather Kunna Date: 10-28-2010, 06:43 PM Parent: #44 Quote: نعم للعودة الي الديار . نعم للعودة ارض وطن منفصل عن العرب والمسلمين. لا للوحدة في ظل العبودية. من عاش مع المسلمين في وطن واحد كابد الظلم والقهر والعبودية طيل الحياة. لا عدالة ولا مساواة في حقوق في وطن موحد مع العرب والمسلمين. بسلامتكم وماحدش حاشكم ولن تستطيع أنت وغيرك أن تنسى افضال العرب والمسلمين عليك وكلامك انت واخوانك الجنوبيين تفوح منه رائحه الكراهيه العنصريه المقيته أذهبوا الى الجنوب الامريكان بأنتظاركم ... ربما تكون صحبتهم أفضل منا

---

Post: #45 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Abureesh Date: 10-28-2010, 04:03 PM Parent: #43 Quote: بل ماذا تركوا في جنوبهم عندما قدموا الى كرتونهم هذا ؟ تركوا قطاطى كانت قوية تصارع الأعاصير مسـورة ومزروعة حيشاهنا، تركوها بعد ان دمرتها طائرات انتونوف على رؤوسهم. تركوا مزارع احرقت وبهائم نفقت بواسطـة ارتال المجاهدين وقبلهم الجيش النظامى... وهم يعودون الان بعد ان لاح لهم فى الافق انهم سيعيشون مجدهم المفقود، الذى عاشوا عليه ملايين السنين حتى دمرته قوات الحكومة المركزية على مدى خمسين عاما.

---

Post: #47 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: فاروق عثمان Date: 10-28-2010, 04:12 PM Parent: #45 في تقديري ان محاولة تخويف الاخوه الجنوبيين من مالات الانفصال بان دولة الجنوب ستكون سئيه وطارده وسيسكن الجنوبيين في العراء وسيعانون الامرين هي محاولةمن محاولاتنا العديده لفرض الوصايه عليهم وتحديد اشياءهم وهو يدخل في حيز الاستعلاء الذي مارسناه عليهم سنين طويله كانت نتائجه الحتميه اختيارهم ان يكونو هم لا يفكر احد بالانابه عنهم او يحدد لهم اشياءهم...... وهل كان الحنوبيين يسكنون الفلل في الخرطوم ام كانو طول وجودهم علي اطراف المدن حيث لا حياه ولا خدمات لا كهرباء ولا ماء نقي ولا ادني مقوم لحياه كريمه... الجلوس والسكن تحت ظلال المانجو والمهوقني وفق اراده وحريه وتحقيق ذات وعدم اضهاد اكرم وافضل ملايين المرات من الجلوس علي هامش حياة اخريين يمارسون كل انواع القهر والفرض والوصايه... فلتنعمو بوطن سعيد

---

Post: #51 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: بكري عباس علي Date: 10-28-2010, 04:34 PM Parent: #47 والله احسن ليهم هسي خرطوم الجن دي دايرين منها شنو؟ ما لقو فيها غير المرمطة الناس ديل جابتهم الحرب وهسي الحرب وقفت احسن ليهم يمشو لارضهم يزرعوا ويربوا ابقار في امانة الله والكلام دا بينطبق علي كل ناس الاقاليم حتي الشماليين ذاتهم والشراقة والغرابة لو كل زول رجع بلدو الاصلي احسن بدل متكومين كلهم في كرش الفيل البقت ما شايلة ناسها دي

---

Post: #48 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: JOK BIONG Date: 10-28-2010, 04:19 PM Parent: #45 Quote: تركوا قطاطى كانت قوية تصارع الأعاصير مسـورة ومزروعة حيشاهنا، تركوها بعد ان دمرتها طائرات انتونوف على رؤوسهم. تركوا مزارع احرقت وبهائم نفقت بواسطـة ارتال المجاهدين وقبلهم الجيش النظامى... وهم يعودون الان بعد ان لاح لهم فى الافق انهم سيعيشون مجدهم المفقود، الذى عاشوا عليه ملايين السنين حتى دمرته قوات الحكومة المركزية على مدى خمسين عاما. تاكد لنا انه لا عدالة ولا مساواة وحقوق لغير مسلم في وطن موحد مثل السودان. لا تلومونا لو اخترنا استقلال او حرب بدل وحدة باكراه!!!!.

---

Post: #50 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: معاوية عوض الكريم Date: 10-28-2010, 04:33 PM Parent: #45 مش عايزين يكونوا درجة اولى ؟!

---

Post: #49 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: صلاح الفكي Date: 10-28-2010, 04:26 PM Parent: #11 ربنا يوفقهم في حياتهم التى اختاروا .. فرب ضارة نافعة..

---

Post: #52 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Zakaria Joseph Date: 10-28-2010, 04:37 PM Parent: #49 I'm proud of my people.

---

Post: #53 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-28-2010, 05:13 PM Parent: #52 امر غريب بعض المداخلات تغيظ وهل متنفذى الحركة الشعبية وكثيرين من اهل الجنوب يعيشون مثل هذه العيشة البائسة وهل كل اهل الشمال يعيشون مرهين يتناولون تلاتة وجبات! احصائيات الامم المتحة تقول ان 90% من اهل السودان يعيشون تحت خط الفقر! يا ترى العشرة فى المائة الباقية كم فيها من منسوبى المؤتمر الوطنى والحركة الشعبية! جنى

---

Post: #54 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-28-2010, 05:21 PM Parent: #53 والله انا ما عارف تراجى غلطت فى شنو! الشينة منكورة! الناس ديل جهجهتوهم فهم يحتاجون لاعادة تاهيل ليندمجوا فى مجتمعاتهم! يعنى هم فى النص لا المجتمع العربى المسلم قبل بهم و مجتمعهم الافريقى الذى يفتخر بثقافته سينظر اليهم بريبة! جنى

---

Post: #57 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: hassan gadein Date: 10-28-2010, 05:50 PM Parent: #54 لن يرحمنا التاريخ ولن نعفى انفسنا من السؤلية اه يا بنى وطنى

---

Post: #56 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Zakaria Joseph Date: 10-28-2010, 05:34 PM Parent: #53 Quote: امر غريب بعض المداخلات تغيظ وهل متنفذى الحركة الشعبية وكثيرين من اهل الجنوب يعيشون مثل هذه العيشة البائسة وهل كل اهل الشمال يعيشون مرهين يتناولون تلاتة وجبات! احصائيات الامم المتحة تقول ان 90% من اهل السودان يعيشون تحت خط الفقر! يا ترى العشرة فى المائة الباقية كم فيها من منسوبى المؤتمر الوطنى والحركة الشعبية! جنى انا كنت فى مرحلة المتوسطة ايام الكشات فى اوئل الثمانينات و ريت اهلى يشحن كالابقار فى القطارات المتجهة الى اويل. بعض من اهلى احرقوا احياء فى الضعين و الجيلين. الحرب فى الجنوب كانت حرب ابادة حقيقية و لكن الاكثر ألما هو سكوت المريب لمعظم اهل السودان. انت يا جنى لا تعرف مدى اعتزاز الجنوبين بكرامتهم و شرفهم. التهديد بعدم اعطاء الحقن و فقدان الجنسية ليس هو السبب الرئيس لهذه الهجرة المفاجئة, السبب هو سكوت الناس الطيبين من هذا النوع من التجاوزات.

---

Post: #55 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: ibrahim alnimma Date: 10-28-2010, 05:32 PM Parent: #52 مع خالص امنياتي للاخوة الجنوبين بحياة هادئة ،فقط لا اعتقد ان من ادمن الاستغلال والاستبداد يمكن ان يتحول الي كائن عادل فالعنف العنصري لابد ان يبحث عن ضحايا جدد ، فلا الاسلام كان محصناً ضد الاستبداد السياسي فالعنف والاستغلال السياسي والذي حدث بدارفور لم يكن بسبب الدين ولا الاصلاح الديني انما هو بسبب التهميش والاستغلال والموالاة السياسية، لم يكن الموالاة السياسية سبباً دون بيع مشروع الجزيرة وحرمان اهلها من خدمات التعليم والعلاج. وكذا لا اعتقد ان الاسلام سيحمي سكان جبال النوبة والنيل الازرق من الاستغلال والاستبداد والتهميش. والاقباط الذين تميزو بالون الابيض كانو اكثر حظوة من منسوبي المؤتمر الوطني الاولين . فكان لهم من التشريد والطرد والمصادرة . مع اقراري الكامل بالتهميش السياسي والعرقي الذي قابله شعبنا من الجنوب ، الا اني لا اعتقد ان الجنوبين سوف يعشون كما يحلمون في دولة مثالية خالية من الاستغلال والاضطهاد ، اذ ان الاستغلال السياسي والطبقي لا يعرف الاديان فالمؤتمر الوطني الذي همش الجنوبين واذلهم ايضاً اذاق اهل الشمال المسلمين والذين يدعون انحدارهم من اصلاب الاموين(هههههههه) اشد الاذلال ، واذا قيض له الاستمراد فانه حتماً سيريهم المر الامر، وللعلم فلم يكن المؤتمر الوطني لوحده فقد تم تطعيم التشكيلة الطفيلية منذ مجئها للحكم باناس من الجنوب والشرق والغرب .وليس هناك عاصم ضد اضهاد الشعوب الا الشعوب نفسها. فما الفائدة في تحويل مستبد مسلم باخر مسيجي او وثني؟ ومالفائدة التي يرجوها الجنوبين من استبدال مستبد ابيض(هكذا يدعون) بمستبد اسود؟ اما لشمال السودان فان الفاشي لا يمكن ان يجلس بلا ضحايا .....فل نبل رؤسنا ان نحن رضينا بحكم النبوت والعصا او فالنشمر ساعدنا لازالة الاستغلال والاضهاد. وكم كنت احلم بقيام سودان واحد ديمقراطي يحتم كل شعبه بدرجة متساوية ......يقام هذا السودان بسواعد الشمالين والجنوبين والمشرقين والمغربين. والحلم مازال موجود ان رجعت الحركة الشعبية الي برنامجها المسمي يالسودان الجديد، وتخلت عن هواها الجنوبي الصرف.

---

Post: #58 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-28-2010, 06:15 PM Parent: #55 Quote: انا كنت فى مرحلة المتوسطة ايام الكشات فى اوئل الثمانينات و ريت اهلى يشحن كالابقار فى القطارات المتجهة الى اويل. بعض من اهلى احرقوا احياء فى الضعين و الجيلين. الحرب فى الجنوب كانت حرب ابادة حقيقية و لكن الاكثر ألما هو سكوت المريب لمعظم اهل السودان. انت يا جنى لا تعرف مدى اعتزاز الجنوبين بكرامتهم و شرفهم. التهديد بعدم اعطاء الحقن و فقدان الجنسية ليس هو السبب الرئيس لهذه الهجرة المفاجئة, السبب هو سكوت الناس الطيبين من هذا النوع من التجاوزات. الاخ زكريا يسعدنى جدا اهتمامك بمداخلاتى انا اتفق معك تماما ولكنى ارى ان الانفصال بالنسبة للطرفين هو هروب من الطوة الى النار وان الحل يكمن فى سودان مواطنة وتنمية مستدامة جنى

---

Post: #60 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: بدر الدين اسحاق احمد Date: 10-28-2010, 07:19 PM Parent: #58 بالله ركز لينا فى حى العمارات داير اشوف اسرة جورج بوك ( دينق ) جابوا دفارات ولا لسه .. ======================================== تبلدينــا انت جادي .. الدفارات دى ليه ناس صاحبنــا شول اشوانق ناس اسرة دينق ديل طوالــى امريكــا .. انت الله ما ليك .. ترمــة : دينق دا خط 22 جنوب ما يعنبـو تقول ليه دفارات

---

Post: #61 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: عماد شمت Date: 10-28-2010, 07:54 PM Parent: #60 هذة هزيمة لنا جميعا فوا اسفي عليك يا وطني

---

Post: #62 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Adam Omer Date: 10-28-2010, 07:55 PM Parent: #61

---

Post: #64 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-28-2010, 07:59 PM Parent: #60 لا ادرى كيف كيف يتناول البعض امر الوحدة والانفصال بهذا السخف والاستهزاء لوطن يتكالب الاعداء على تمزيقه وطن يحتل المركز العاشر من كوكب مساحة اليابسة فيه 20% فقط والباقى محيطات وطن حباه الله بنهر النيل اطول انهار الدنيا ةو عدة انهار وروافد اخرى تمثل جزءا مقدرا من المياه العذبة التى تعادل 3% فقط من مياه العالم والباقى %75 ملح اجاج يصرف العالم المليارات فى مفاعلات نووية لتحلية مياهه! وطن فى اول سابقة ينتقل اليه كل اعضاء مجلس الامن الدولى ليقضوا فيه اربعة ايام! وطن لا يعرف اهله قيمته فكيف يحافظوا عليه! الواحد عشان يكتب البكتبوهوا البعض هنا لازم يشرب ليهو قزازة عرقى ويلف ليهو سيجارة بنقو وما اظن يتجرأ! جنى

---

Post: #63 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: عاصم المشرف Date: 10-28-2010, 07:58 PM Parent: #58 ملعونة نيفاشا وملعونةماشوكس وملعونة كودكام وملعون مؤتمر القضايا المصيرية .....ومن سار فى سيرهم لتفتيت تراب هذا الوطن السودان هكذا يحدثنى قلبى كلما نتصفحت اخبار السودان على المواقع الالكترونيةواجهزة الاعلام عامة حيث اصبح شبح التوترات والمشاكسات والحرب يطل علينامن جديدواصبحت العلاقة حتى الخاص منها بين الجنوبى والشمالى يشوبها نوعا من الارهاصات والشوائب الناتجة عن مايدور حالياعلى ارض الواقع .وعل (الملاعبن) اعلاه هم من اتونا باقرار (مبدأ تقرير المصير)الذى تم الموافقه عليه من القيادات السياسية دون بعد النطر للامر الوطنى العام والارتكاز للهم الحزبى الخاص فالكل اصبح الان مسؤول مسؤلية تامة عن هذه النتيجة الحتمية لعدم اللامبالاة والتقدير الغير صائب للامور والذين طنوا ان الموافقة على تقرير المصيرفى اسمرا رغم مخالفة ذلك لمبادئهم السياسية ومرتكزاتهم الفكرية المعلنه سيدخلهم جنة السلطة فى الخرطوم او ارضاءاولاد العم سام فهاهم يتحسرون الا من دولاراته التى انفقت على البعض وجعلتهم اثرياء الزمن البأس وهاهم الان يذدادون حسرة ويطلقون من التصريحات ماتشيب له الابدان (وحدة السودان خط احمر)عن اى خط احمر تتحدثون وانتم بصمتم على تقرير المصير فى اسمرامنذ اكثر من خمسة عشرة سنة او اقل تقريبا هل الشعب السودانى شعبا فاقدا للذاكرة؟؟ وللذين كانوا يطنون ان عجلة الزمن سوف تتوقف عندنيفاشافهاهى قد دارت ووضعت الجميع امام ترماى الانتحار ونخشى على الوطن من القادم المجهول (جبال النوبة- دارفور- الشرق)مع احترامى لهذه الكيانات واذكر هؤلاء بالطامة الكبرى التى احدثوها من خلال الموافقة البرلمانية على نسب التصويت وكأن الامر مقضى منذمن امدبعيدلانفصال بعضنا البعض . والذين جاءونا من واشطن بوجه غير الذى عاهدونا به نقول لم يكن مفكركم ومنطركم صاحب دعوى انفصالية ولم يكن صاحب شطط فى ذلك او فى الخصومة وللتاريخ انا من المؤمنين بان مايسمى ب(تقرير المصير)باس كروى رماه الساسة الشماليين امام الزعيم الراحل قرنق واستخدم من غير السودانيين بصورة جعلتنا نقف هذا الموقف العسير الان وادلل اذكر ونحن فى منتصف التسعينيات والدكتور قرنق فى اول زيارة له لمصر ا التقيته ومحموعة من الصحفيين السودانين منهم المعارض ومنهم غيرذلك وكنت قد وقفت وصارحته ضمن اخرين بالقول اننى محرر لصفحة فى جريدة معارضة تعنى بالتواصل والتكامل بين بلدين ناهيك بين وحدة داخل بلد واحد وانك متهم بالانفصالى وماحربك للنطام لا من اجل ذلك وان بعضا من الدول خاصة العربية تتوجس منك لذلك فكان رده وبعدترجمه من احد مرافقية لا انا رجل وحدوى وما تدعو اليه الحركة هو سودان جديد مبنى على اهداف ومنفستو محدد ذكرهاوحاول ان يبددتلك المخاوف التى نقلت اليه خاصة مخاوف الانفصال وهناأتسال هل استطاع ساستنا الاستفادة من هذه المعطيات لطرد شبح الانفصال حينهاوقد كانت هناك فرصة ذهبية باندماج مبادرتى الايقاد والمصرية الليبية المشتركة وكانت اكبر عامل لازالة الشبح البعبع الماثل الان ولم تمانع الحركة حينها على الاندماج. عاش السودانيين بالقاهرة شماليهم وجنوبيهم درجة من الاندماج والتواصل جعلت بعضهم كالاسرة الواحدة يتواددون ويتوانسون بانتماءهم لسودانيتهمويحمل بعضهم هم البعض الاخر ....الخ من المعانى الانسانية والوطنية الساميةالا ان المخروقة (الاستفتاء- تقرير مصير)دقت جرس وجعلت الانكماش يدب فى تلك المشاعروالعلاقات ولذلك حاولت من خلال رفع هذا البوست البوح بماهومؤلم فى دواخلنا وامل ان يتحقق شعاره وان نتعاطف فى المنبر معه وتطوير فكرته اعتقادا ويقينا بان العواطف الانسانية لاتعرف الحدود وان الجراحات يمكن ان تدمل وان حصل امر الله فنجعل الود بيننا دائم وان نتسامح حتى تهدى النفوس ويعود الكل الى الاصل (الوطن الواحد والشعب الواحد) وما المانيا بعيدة عن الازهان فلنتشارك الهم فى المنبر وننبذ الشطط فى الخصومة حول وحدتنا او انفصال العزيز منه وليكن دائما شعارنا سلام دائم ووطن امن سواءدولةواحدة اودولتان متجاورتانولعل ريح الصفاء التى تهب من الجنوب نحو الشمال وببقاء هؤلاء الاخوة وممتلكاتهم تعيد النسائم والمياه الى مجاريها

---

Post: #65 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Sabri Elshareef Date: 10-28-2010, 08:19 PM Parent: #63 يا الهي صورة حزينة ورؤية بعيده

---

Post: #66 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Adam Omer Date: 10-28-2010, 08:21 PM Parent: #63 http://www.alrakobasite.com/alshadin/AbuDavid/ya7leilom-shadin.MP3 يا حليل الدوام بطراهم يا حليل ناس حفظو محبة يا حليلهم كانو أحبة

---

Post: #67 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: محمد على حسن Date: 10-28-2010, 08:22 PM Parent: #63 Quote: ما أنا فمسـرور لهم سـرورا عظيمـاً أنظروا ما يخلفون وراءهم سـوى الدمار و بيوت الكرتون.. هل نظرتم الى ما يتركونه وراءهم؟ هل نظرتم الى خلفيـة الصــور؟ أم انها الانانيـة أما مستوى عيشهم ومستقبلهم لا يهمكم؟ هؤلاء يذهبون الى حيث حياة أفضل من البيوت التى فى الصـورة، ذاهبون الى الخضرة والماء والأبقار والصحـة والتعليم.. فلماذا تحسدونهم؟ ذاهبون الى الإحترام والحقوق كمواطنين درجـة أولى لهم السيادة على أرضهـم. قطيـة وسط اشجار وارفـة وسهول خضراء ترعاها الأبقار اللبونة أفضل مليون مرة من قصـور الخرطوم القميئـة دع عنك العشش وأطراف المدينة.. نفس هـذا المنظر لأم تحمل طفلها امام بيتها (المخلع) تكرر فى الماضى، ولكن بسبب الكشات وإزالة السكن العشوائى.. فهم كانوا مواطنين عشوائيين فى الشمال وما زالوا.. أما الان فقد أزالوا هم السكن الشعوائى ويسافرون من هـذه الدولة العشـوائيـة. فليذهب من شاء منهم دون إكراه، وليبارك الله لهم فى وطنهم، ثم لتكون علاقات طيبـة مبنية على الثقـة المتبادلة والاحترام المتبادل والمنافع الإقتصادية المتبادلـة.

---

Post: #68 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: محمد على حسن Date: 10-28-2010, 08:29 PM Parent: #63 Quote: أم ستتركهم يستظلون الأشجار ويجلبون القش لعمل القطاطي ويأكلون من الطبيعه ونحن في القرن الواحد وعشرين ؟ يا استاذ امير على الاقل في ظل الاشجار و القش و القطاطي حيكونوا في مامن من باحثي الحور العين و الفردوس العروبيين الاسلامويين الذين لا يخافون الا من الاميركان الكفار ليكم تسلحنا الانفصال هزيمة للجميع خاصة للعروبيين الاسلامويين الواهمين الذين لم يروا في السودان غير السودان العربي المسلم .

---

Post: #69 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-28-2010, 08:42 PM Parent: #68 ملعونة نيفاشا وملعونةماشوكس وملعونة كودكام وملعون مؤتمر القضايا المصيرية .....ومن سار فى سيرهم لتفتيت تراب هذا الوطن السودان هكذا يحدثنى قلبى كلما نتصفحت اخبار السودان على المواقع الالكترونيةواجهزة الاعلام عامة حيث اصبح شبح التوترات والمشاكسات والحرب يطل علينامن جديدواصبحت العلاقة حتى الخاص منها بين الجنوبى والشمالى يشوبها نوعا من الارهاصات والشوائب الناتجة عن مايدور حالياعلى ارض الواقع .وعل (الملاعبن) اعلاه هم من اتونا باقرار (مبدأ تقرير المصير)الذى تم الموافقه عليه من القيادات السياسية دون بعد النطر للامر الوطنى العام والارتكاز للهم الحزبى الخاص فالكل اصبح الان مسؤول مسؤلية تامة عن هذه النتيجة الحتمية لعدم اللامبالاة والتقدير الغير صائب للامور والذين طنوا ان الموافقة على تقرير المصيرفى اسمرا رغم مخالفة ذلك لمبادئهم السياسية ومرتكزاتهم الفكرية المعلنه سيدخلهم جنة السلطة فى الخرطوم او ارضاءاولاد العم سام فهاهم يتحسرون الا من دولاراته التى انفقت على البعض وجعلتهم اثرياء الزمن البأس وهاهم الان يذدادون حسرة ويطلقون من التصريحات ماتشيب له الابدان (وحدة السودان خط احمر)عن اى خط احمر تتحدثون وانتم بصمتم على تقرير المصير فى اسمرامنذ اكثر من خمسة عشرة سنة او اقل تقريبا هل الشعب السودانى شعبا فاقدا للذاكرة؟؟ وللذين كانوا يطنون ان عجلة الزمن سوف تتوقف عندنيفاشافهاهى قد دارت ووضعت الجميع امام ترماى الانتحار ونخشى على الوطن من القادم المجهول (جبال النوبة- دارفور- الشرق)مع احترامى لهذه الكيانات واذكر هؤلاء بالطامة الكبرى التى احدثوها من خلال الموافقة البرلمانية على نسب التصويت وكأن الامر مقضى منذمن امدبعيدلانفصال بعضنا البعض . والذين جاءونا من واشطن بوجه غير الذى عاهدونا به نقول لم يكن مفكركم ومنطركم صاحب دعوى انفصالية ولم يكن صاحب شطط فى ذلك او فى الخصومة وللتاريخ انا من المؤمنين بان مايسمى ب(تقرير المصير)باس كروى رماه الساسة الشماليين امام الزعيم الراحل قرنق واستخدم من غير السودانيين بصورة جعلتنا نقف هذا الموقف العسير الان وادلل اذكر ونحن فى منتصف التسعينيات والدكتور قرنق فى اول زيارة له لمصر ا التقيته ومحموعة من الصحفيين السودانين منهم المعارض ومنهم غيرذلك وكنت قد وقفت وصارحته ضمن اخرين بالقول اننى محرر لصفحة فى جريدة معارضة تعنى بالتواصل والتكامل بين بلدين ناهيك بين وحدة داخل بلد واحد وانك متهم بالانفصالى وماحربك للنطام لا من اجل ذلك وان بعضا من الدول خاصة العربية تتوجس منك لذلك فكان رده وبعدترجمه من احد مرافقية لا انا رجل وحدوى وما تدعو اليه الحركة هو سودان جديد مبنى على اهداف ومنفستو محدد ذكرهاوحاول ان يبددتلك المخاوف التى نقلت اليه خاصة مخاوف الانفصال وهناأتسال هل استطاع ساستنا الاستفادة من هذه المعطيات لطرد شبح الانفصال حينهاوقد كانت هناك فرصة ذهبية باندماج مبادرتى الايقاد والمصرية الليبية المشتركة وكانت اكبر عامل لازالة الشبح البعبع الماثل الان ولم تمانع الحركة حينها على الاندماج. عاش السودانيين بالقاهرة شماليهم وجنوبيهم درجة من الاندماج والتواصل جعلت بعضهم كالاسرة الواحدة يتواددون ويتوانسون بانتماءهم لسودانيتهمويحمل بعضهم هم البعض الاخر ....الخ من المعانى الانسانية والوطنية الساميةالا ان المخروقة (الاستفتاء- تقرير مصير)دقت جرس وجعلت الانكماش يدب فى تلك المشاعروالعلاقات ولذلك حاولت من خلال رفع هذا البوست البوح بماهومؤلم فى دواخلنا وامل ان يتحقق شعاره وان نتعاطف فى المنبر معه وتطوير فكرته اعتقادا ويقينا بان العواطف الانسانية لاتعرف الحدود وان الجراحات يمكن ان تدمل وان حصل امر الله فنجعل الود بيننا دائم وان نتسامح حتى تهدى النفوس ويعود الكل الى الاصل (الوطن الواحد والشعب الواحد) وما المانيا بعيدة عن الازهان فلنتشارك الهم فى المنبر وننبذ الشطط فى الخصومة حول وحدتنا او انفصال العزيز منه وليكن دائما شعارنا سلام دائم ووطن امن سواءدولةواحدة اودولتان متجاورتانولعل ريح الصفاء التى تهب من الجنوب نحو الشمال وببقاء هؤلاء الاخوة وممتلكاتهم تعيد النسائم والمياه الى مجاريها أمك ما تضوق نارك يا ود المشرف جنى

---

Post: #70 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: حاتم الياس Date: 10-28-2010, 09:13 PM Parent: #69 ياتبلدينا..المناظر دى وين ده مش شغل أعادة التوطين البتقوم بيهو الحركة ولاديل فعلا جنوبيين هاربين من دولة (االعرب العنصرية والفاشية) ___ صالح, أنا معتمد عليك خصوصاً وأنا عاصرانى بكية من زمان داير اشارك بيها فى أخوانا ديل

---

Post: #71 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: سلمى تاور Date: 10-28-2010, 09:42 PM Parent: #70 قولوا واحد !!! يا ربي الدور الجاي على منو !!! يشيلوا عفشهم و يشيلوا معاهم حتة من البلد يقولوا دي حقتنا و نحن خلاص ما دايرين معاكم !!! و انتو ما بتبقوا لينا حاجة !!! و بلدنا دي تاني اوووووعكم تعتبوها !!! يا جماعة ،، منو القال جوبا و واو و توريت و ملكال ديل حقات جون و ميري و بس ، يشيلوها و يمشو و ما يخلو زول تاني يخشها ؟؟؟ و منو القال الابيض و كوستي و مدني و امدرمان و شندي و عطبرة حقات محمداحمد و عشة براهم ، يعملوا فيها الدايرينو ، يقعدوا فيها العازنو ، و يطردوا منها الماعايزينوا ؟؟؟ يا جماعة ليه اللهجة دي ؟؟ _ يلا مع السلامة نحن راجعين بلدنا ليه !!! و الكنت قاعدين فيها دي ما بلدكم !!! _ يلا بالسلامة امشوا بلدكم الله يسهلا عليكم ليه !!! البلد الماشين ليها دي مش بلدنا نحن برضو !!! يا جماعة نحن كلنا اخوان و البيت الكبيــــــــــــــــــــــــــر دة حقنا كلنا ،،، رضيت ولا ابيت انت " اخوي " لحمي و دمي و من " حقنا على بعض " انو نعيش سوا ،، في بيت واحد ،، نتقاسم الملح و الملاح ، انا حقك و انت حقي و البلد دي حقتنا " كلـــــــــــــــــنا " . انا عندي حق في جوبا ما بخليك تمش بيها وتفوت . و انت عندك حق في الخرطوم ما تخليها لي و تمش . انت ما بتتفات لي و انا ما بتفات ليك . يا اخوانا هوووووووووووووي البحصل دة لازم يقيف . لاااااازم ...

---

Post: #72 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-28-2010, 09:58 PM Parent: #71 Quote: قولوا واحد !!! يا ربي الدور الجاي على منو !!! يشيلوا عفشهم و يشيلوا معاهم حتة من البلد يقولوا دي حقتنا و نحن خلاص ما دايرين معاكم !!! و انتو ما بتبقوا لينا حاجة !!! و بلدنا دي تاني اوووووعكم تعتبوها !!! يا جماعة ،، منو القال جوبا و واو و توريت و ملكال ديل حقات جون و ميري و بس ، يشيلوها و يمشو و ما يخلو زول تاني يخشها ؟؟؟ و منو القال الابيض و كوستي و مدني و امدرمان و شندي و عطبرة حقات محمداحمد و عشة براهم ، يعملوا فيها الدايرينو ، يقعدوا فيها العازنو ، و يطردوا منها الماعايزينوا ؟؟؟ يا جماعة ليه اللهجة دي ؟؟ _ يلا مع السلامة نحن راجعين بلدنا ليه !!! و الكنت قاعدين فيها دي ما بلدكم !!! _ يلا بالسلامة امشوا بلدكم الله يسهلا عليكم ليه !!! البلد الماشين ليها دي مش بلدنا نحن برضو !!! يا جماعة نحن كلنا اخوان و البيت الكبيــــــــــــــــــــــــــر دة حقنا كلنا ،،، رضيت ولا ابيت انت " اخوي " لحمي و دمي و من " حقنا على بعض " انو نعيش سوا ،، في بيت واحد ،، نتقاسم الملح و الملاح ، انا حقك و انت حقي و البلد دي حقتنا " كلـــــــــــــــــنا " . انا عندي حق في جوبا ما بخليك تمش بيها وتفوت . و انت عندك حق في الخرطوم ما تخليها لي و تمش . انت ما بتتفات لي و انا ما بتفات ليك . يا اخوانا هوووووووووووووي البحصل دة لازم يقيف . لاااااازم ... أسمعت إذ ناديت حيا ولكن لا حياة لمن تنادى المكتولة ما بتسمع الصيحة يا سلمى جنى

---

Post: #73 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Amani Al Ajab Date: 10-28-2010, 10:03 PM Parent: #72 Quote: يا حليل الدوام بطراهم يا حليل ناس حفظو محبة يا حليلهم كانو أحبة

---

Post: #74 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: شول اشوانق دينق Date: 10-28-2010, 11:11 PM Parent: #73 Quote: وطن فى اول سابقة ينتقل اليه كل اعضاء مجلس الامن الدولى ليقضوا فيه اربعة ايام! وطن لا يعرف اهله قيمته فكيف يحافظوا عليه! الواحد عشان يكتب البكتبوهوا البعض هنا لازم يشرب ليهو قزازة عرقى ويلف ليهو سيجارة بنقو وما اظن يتجرأ! جنى شكراً يا جني.

---

Post: #75 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: حافظ محمدين Date: 10-28-2010, 11:18 PM Parent: #74 الله يجازي الكان السبب

---

Post: #76 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Wasil Ali Date: 10-29-2010, 01:18 AM Parent: #75 Quote: الخرطوم - أ ف ب - تتكدس أحمال ثقيلة من الأسرة والكراسي البلاستيكية والحقائب المغبرة فوق أسطح سيارات متهالكة يستقلها سودانيون جنوبيون كانوا يقيمون في الخرطوم، لكنهم يعودون الآن بالآلاف إلى موطنهم الأصلي مع اقتراب موعد الاستفتاء حول انفصال الجنوب. وعلى الطريق المؤدية إلى كردفان، تمر في مواكب صغيرة سيارات محملة عن آخرها متجهة إلى بلد يحلمون بأن يكون مستقلاً، لكنه لم ينشأ بعد. وفي ساحة ترابية مجاورة لاستاد رياضي يجري بناؤه في حي شعبي في الخرطوم، يتجمع الجنوبيون كي يستقلوا سيارات تقلهم إلى الجنوب وهم يقولون إنهم لا ينوون العودة مطلقاً إلى الشمال. ويقول كازوك، وهو شاب جنوبي يحاول العيش منذ سنوات في الخرطوم بانتظار أن تتاح له فرصه العودة إلى موطنه: «أنا ذاهب إلى بنتيو (في ولاية الوحدة الجنوبية) لأستقر فيها في شكل نهائي، ولن أعود إلى الخرطوم. سأنضم إلى بقية أفراد أسرتي هناك». وإلى جواره، يجري أطفال ويلهون للمرة الأخيرة في الخرطوم قبل العودة إلى الأرض التي هجرها أهاليهم بسبب الحرب الأهلية. وتقول الفتاة الصغيرة انجيلينا: «إنها المرة الأولى التي سأذهب فيها إلى بنتيو، لقد ولدت في الخرطوم». وكان اتفاق السلام الشامل أنهى في عام 2005 حرباً أهلية دامت أكثر من عقدين بين الشمال ذي الغالبية المسلمة والجنوب الذي يشكل المسيحيون غالبية سكانه. وأوقعت الحرب قرابة مليوني قتيل. ومنذ توقيع اتفاق السلام، عاد إلى الجنوب نحو مليوني جنوبي كانوا نزحوا إلى الشمال، وفق بيانات المنظمة الدولية للهجرة. ومع اقتراب استفتاء تقرير مصير الجنوب المقرر إجراؤه في 9 كانون الثاني (يناير) المقبل، يتوجه آلاف الجنوبيين من الشمال إلى الجنوب استباقاً لبدء التسجيل في لوائح الناخبين في 14 تشرين الثاني (نوفمبر) المقبل. وكانت حكومة الجنوب التي تتمتع بوضع أشبه بالحكم الذاتي أعلنت في آب (أغسطس) الماضي حملة تبلغ كلفتها 25 مليون دولار، لحض الجنوبيين على العودة تحت شعار «عد إلى دارك للاختيار». وتستهدف هذه الحملة مساعدة 1,5 مليون جنوبي على العودة من الشمال إلى الجنوب للمشاركة في الاستفتاء. وبموجب قانون الاستفتاء، فإن الجنوبيين المقيمين في الشمال تحق لهم المشاركة في الاقتراع إذا نجحوا في إثبات أصولهم الجنوبية، وهو ما قد يتعذر على الآلاف منهم لأنهم لا يملكون شهادات ميلاد. وتتحمل حكومة الجنوب كلفة الانتقال من الشمال إلى الجنوب، وبالتالي فإن آلاف الجنوبيين يعودون مجاناً بعد أن يقيدوا أسماءهم في لوائح يعدها موظفون جنوبيون متواجدون بصفة مستمرة في «السوق المركزي»، وهي سوق شعبية في الخرطوم. ويشير نائب رئيس اللجنة المكلفة تنظيم العودة في ولاية الوحدة الجنوبية عبدالله كام غاي، إلى أن «الناس يريدون ببساطة العودة الى ديارهم. هم لا يريدون التحدث عن مشاكل الاستفتاء أو الوحدة أو الاستقلال، لكنهم فقط يرغبون بزراعة أرضهم أو ممارسة الصيد أو رعاية مواشيهم». ويؤكد أن السيارات المجانية متاحة لجميع الجنوبيين أياً كانت انتماءاتهم وأياً كان الخيار الذي سيؤيدونه خلال الاستفتاء. وعلى رغم أن آلاف الجنوبيين يغادرون الشمال، فإن بعضهم يبقى، سواء لمتابعة الدراسة أو العمل، ومن بين هؤلاء بيتر وهو طالب في جامعة الخرطوم زار الجنوب مرة واحدة منذ أن وصلت أسرته إلى العاصمة السودانية في أواخر ثمانينات القرن الماضي. ويقول: «آمل في أن أرى بلداً جديداً، أمة جديدة عندما يحين وقت عودتي إلى الجنوب».

---

Post: #77 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Elbagir Osman Date: 10-29-2010, 01:31 AM Parent: #76 هذا ما تمنيت أن لا أعيش لأراه

---

Post: #78 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: د.نجاة محمود Date: 10-29-2010, 02:20 AM Parent: #77 الدليل شنو انه ماشين الجنوب ما راحلين لي حتة تاني في الخرطوم؟

---

Post: #81 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Tragie Mustafa Date: 10-29-2010, 02:51 AM Parent: #78 نموذج للذين يقرأون بآذنهم: Quote: الدليل شنو انه ماشين الجنوب ما راحلين لي حتة تاني في الخرطوم؟ يعني يا دكتوره هذا مكتوب فوق مداخلتك..... Quote: وتتحمل حكومة الجنوب كلفة الانتقال من الشمال إلى الجنوب، وبالتالي فإن آلاف الجنوبيين يعودون مجاناً بعد أن يقيدوا أسماءهم في لوائح يعدها موظفون جنوبيون متواجدون بصفة مستمرة في «السوق المركزي»، وهي سوق شعبية في الخرطوم. يعني لو كنتي في الخرطوم ممكن تمشي تتأكدي من الناس القاعدين يسجلوا فقراء الجنوبين....لانه فعلا الغنيانين منهم بيغادورا بالطائرات. وبعرباتهم الخاصه. اها في داعي بس الا تناقضي اي شيء؟؟!! اها الناس ديل ماشين الجنوب وبالاعداد....فممكن تدينا تعليقك الحقيقي على هذا الموقف وخلينا من افتراضاتك!! قال ممكن راحلين لحته آخرى من الخرطوم!! شيء العالم كله متابعه من خلال فضائياته وحتى الحزيره بتاعتك يكزانك القطرين اصحابكم جابتهم برضو....صفوف من العربات ومائات اللأف يغادرون وانت بمفاتح كي بورد فاكراها...ونسه تجيء تناقضي وبس!! اكبري يا د.نجاة وابقي قدر اللحظه التاريخيه....فاننا نكتب ودوخلنا تنزف دما!! من هول الموقف. ده وطن بتيمزق اراحم سيفرق بينها....وناس ما قدره تبقى قدر الموقف!! اللهم لطفك بنا.

---

Post: #79 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: AnwarKing Date: 10-29-2010, 02:44 AM Parent: #1 أتمنى لهم كل الخير وإحترامي لخياراتهم...وكلي حزن على رؤية هذه الصور المفجعة، إنها الدليل الساطع على فشل الساسة السودانيين في إقامة دولة تشمل الجميع...لهم الخزي والعار !

---

Post: #80 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Sabri Elshareef Date: 10-29-2010, 02:48 AM Parent: #79 دكتورة نجاة جابت الخبر الاكيد ربما هذه العوائل قد قررت الرحيل للمنشية او المجرم الح قير البشير اعطاها مباني في ضاحية كافوري من اجل الوحدة كلما نازعتني نفسي قلت قلبي علي وطني اه من بؤس الدولة الدينية المتخلفة التي حرقت الوطن والان الخراب نشهد اسوا تفاصيله يا دكتوره قد تبقت ايام قليله لمعرفة هل رحل الناس ديل ام غيروا\ن الاتجاه يا حزني علي اهل الجنوب ويا حزني علي اهل الغرب ويا حزني علي اهالي جبال النوبه ويا حزني علي شعب تتقدمه اقزام يريدون الشريعة مقابل خراب الوطن

---

Post: #82 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: المعز ادريس Date: 10-29-2010, 03:25 AM Parent: #80 وا حزننا وا خيبتنا أعز أهلينا يهجرونا و يرحلوا عنا بعد أن بلغنا مرحلة الجرب السياسي تبا لمن جعل ذلك ممكنا.

---

Post: #83 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Ismail Alam Elmahdi Date: 10-29-2010, 03:32 AM Parent: #80 (ما سكوتكم عن الجنوب أيها السودانيون- ما سكوتكم!؟ تعالوا فأتركوا هذا العبث السخيف – هذه المذكرات والوثائق – هذا التحالف والاتحاد – وواجهوا الحقائق المرة، فالجنوب هو مشكلتنا الأولي، والسكوت عنه مزر بكرامة السودانيين أبلغ الزراية.) (ان سكوتكم عن الجنوب أيها السودانيون لييئس منكم الولي، ويطمع فيكم العدو.. الجنوب أرضكم.. الجنوبيون أهلكم.. فان كنتم عن أرضكم وأهلكم لا تدافعون فعمّن تدافعون؟).. وفي منشور آخر للجمهوريين صدر في 11/2/1946، كشفوا أبعاد المخطط الانجليزي في الجنوب، ووضحوا أهداف هذا المخطط، وما يمكن ان بؤدي اليه، اذا تم السكوت عليه.. ونحن هنا سنورد بعض المقتطفات من هذا المنشور فقد جاء فيه: (هذا بيان الحزب الجمهوري للناس، وهو نذير من النذر الأولي، وستليه أخر، ترمي بالشرر وتضطرم بالنار وتتنزي بالدم. فان مسألة الجنوب لا يمكن الصبر عليها أو الصبر عنها، وان الانجليز ليبيتون له أمرا، ولئن لم نحتفظ نحن اليوم بالجنوب احتفاظ الرجال لنبكينه غدا بكاء النساء.. جنوب السودان المشكلة!! والحل!! الاخوان الجمهوريون الطبعة الأولى فبراير 1982 ربيع ثاني 1402 http://alfikra.org/book_view_a.php?book_id=247

---

Post: #84 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Wasil Ali Date: 10-29-2010, 06:08 AM Parent: #83

---

Post: #85 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-29-2010, 06:18 AM Parent: #83 سيقف السودان الشمالى وحيدا فى مواجهة العالم بسبب صلفه وغروره وغطرسته واستعلائه وسنخسر دعم المجتمع الدولى على كافة الاصعدة وربما ايضا دعم السماء لان الله اذا احبك حبب فيك خلقه! هؤلاء المعتوهين جلبوا لنا كراهية العالم باسره لعنة الله تغشاهم! جنى

---

Post: #86 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: GamarBoBa Date: 10-29-2010, 06:43 AM Parent: #83 غدا يتعلمون.. غدا سنعرف أن البلاد لم تضيق بهم،بل ضاقت قلوب اخوانهم في الوطن بهم غدا سيبنون دولة عدل من ظلمة ما عانوه.. انها دورة الايام أخذت منهم كل الصحة والعافية لتعطيها لسكان السوامق في كافوري والمنشية والاحياء الاخري جارت عليهم ارض الخرطوم بكيلوبايت كهرباء وناموا في الظلام يحرسوا مباني تحت الانشاء،،بينما جاره واسرته ينامون في مكيفات الفريون قسوا عليهم كأنهم أتوا من كوكب آخر لم يكن لهم يد في ذلك غير أن ذلك قدرهم وقدر الانسان يعيشه ويدعو ربه باللطف فيه،أما وقد صار ذلك قدركم،أن لا يحق لطفل منكم حقنة في مستشفي في الشمال فآن لكم الرحيل. غدا سيكون لكم دولة،بحدود،بإنسان صادق ومسئول ونزيه. تلك هي دورة الايام ودولة الظلم،فلا مسغبة تدوم ولا رفاهية تبقي... يكفيفكم فخرا وعزا انكم ما سرقتم،وان سرقتم كان لجوع فيكم،يكفيكم فخرا ان قلوبكم ظلت نقية برغم الظلم ولم نري منكم حقدا ،يكيفيكم ما يكفيكم أن تظل رؤوسكم عالية فأنتم ذاهبون الي وطنكم ولكم وطن جميل. اتمني لكم التوفيق ولساستكم الحكمة والبصيرة أن يأخذوا بيدكم عاجلا. أما نحن سنظل علي حالنا في الشمال،يأكلون أموال بعضهم بالباطل،يتبسم احدهم في المسجد في وجه اخيه نفاقا ،وزيرنا يبيع الارض للغريب ، رئيسنا يعرف الظلم ولا يعدل....سنظل هكذا...عسي ان يأخذ الرب بأيدينا ذات يوم. شكرا قرنق وانت تحقق لشعبك أرضا لها حدود لا يطأها حذاء شخص ظالم من غير بني جلدته فقد كانت لك نبوءة تعلمها في انسان الشمال لطفا بعبادك يا الله _ التوقيع:مواطن شمالي لا شمال له

---

Post: #87 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: عبدالكريم الامين احمد Date: 10-29-2010, 08:55 AM Parent: #86 لن نبكي رحيل وجداننا ودواخلنا وتغيير احداثيات ملح الارض واهل السودان الغبش الساكنين جوانا طالما كان هذا الرحيل في حدود المليون ميل مربع تلك المساحة التي هي السودان والتي حتما ستظل بالمثابرة والصبر ونحت الصخر حتي وان طال السفر حتي وان استطالت الدقون الكيزانية البومية ونعقت في قلب الخرطوم وازعج نعيقها (ميري التي هي عليها ان تذكرنا بان جوبا نمولي واو مافي زول برااااو) وحتي وان ازعج هذا النعيق (لادو) وواني (ودينق واكيج واستيفن)... سياتي اليوم الذي سيهطل في سماء هذا السودان مطرا من الغضب وصاعقة من روح ووهج هذا الشعب وستعيد الي الاشياء السودانية سطوتها الكاملة وساعتها سيذهب الطفابيع والجرابيع ونخبة الزمن الدقني الزيف الي الجحيم وسيظل السودان وان طال السفر وهذه المرة لايجب ان تعود (ميري) او (لادو) او واني الي قلب الخرطوم بل سنذهب نحن الي عمق الاماتنوج وسنرقص علي ضفاف بحر الجبل وهزات الرجاف (رقصة عودة الوطن)... حزين تماما من هذه الضوئيات التي حملت صور تولد الحسرة ولكن اومن بان الزمن الفلاني اتي لاريب وان السودان سيعود ذلك الوطن الكبير وان طال السفر

---

Post: #88 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: ادم شحوتاي Date: 10-29-2010, 09:28 AM Parent: #87 Quote: أتمنى لهم كل الخير وإحترامي لخياراتهم...وكلي حزن على رؤية هذه الصور المفجعة، إنها الدليل الساطع على فشل الساسة السودانيين في إقامة دولة تشمل الجميع...لهم الخزي والعار !

---

Post: #89 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: عثمان نواي Date: 10-29-2010, 10:01 AM Parent: #88 Quote: قولوا واحد !!! يا ربي الدور الجاي على منو !!! يشيلوا عفشهم و يشيلوا معاهم حتة من البلد يقولوا دي حقتنا و نحن خلاص ما دايرين معاكم !!! و انتو ما بتبقوا لينا حاجة !!! و بلدنا دي تاني اوووووعكم تعتبوها !!! يا جماعة ،، منو القال جوبا و واو و توريت و ملكال ديل حقات جون و ميري و بس ، يشيلوها و يمشو و ما يخلو زول تاني يخشها ؟؟؟ و منو القال الابيض و كوستي و مدني و امدرمان و شندي و عطبرة حقات محمداحمد و عشة براهم ، يعملوا فيها الدايرينو ، يقعدوا فيها العازنو ، و يطردوا منها الماعايزينوا ؟؟؟ يا جماعة ليه اللهجة دي ؟؟ _ يلا مع السلامة نحن راجعين بلدنا ليه !!! و الكنت قاعدين فيها دي ما بلدكم !!! _ يلا بالسلامة امشوا بلدكم الله يسهلا عليكم ليه !!! البلد الماشين ليها دي مش بلدنا نحن برضو !!! يا جماعة نحن كلنا اخوان و البيت الكبيــــــــــــــــــــــــــر دة حقنا كلنا ،،، رضيت ولا ابيت انت " اخوي " لحمي و دمي و من " حقنا على بعض " انو نعيش سوا ،، في بيت واحد ،، نتقاسم الملح و الملاح ، انا حقك و انت حقي و البلد دي حقتنا " كلـــــــــــــــــنا " . انا عندي حق في جوبا ما بخليك تمش بيها وتفوت . و انت عندك حق في الخرطوم ما تخليها لي و تمش . انت ما بتتفات لي و انا ما بتفات ليك . يا اخوانا هوووووووووووووي البحصل دة لازم يقيف . لاااااازم ... يالله عليك يا سلمي ده وقتكم يا محركين القلوب يا اهل السلام وكلام السلام جاء وقتكم نرجو منك الكتير وكتر خيرك يا سلمي اخوك عثمان نواي

---

Post: #90 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-29-2010, 10:09 AM Parent: #89 العـــــــــــــودة الطــــــــــــوعية اها يا دكتورة نجاة البص دا مكتوب عليهو العودة الطوعية! مهدى لدكتور كمال عبيد جنى

---

Post: #92 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: خالد فهمي Date: 10-29-2010, 10:49 AM Parent: #90 قلوب صافية نقية ... تنبض بالتآخي .. والصداقة ... صورة ولا مليــــــــــــــــــــــــون كلمة ... ...... عاطر التحية والود للعم الأستاذ (نور الدين مدني) والعائلة الكريمة..

---

Post: #97 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: dardiri satti Date: 10-29-2010, 03:09 PM Parent: #90 !!!ShaME إنهاشارة العار الوطني ، شارة ظللنا نلبسهامنذ 1956م، عندما صدقنا ان تلك الخرق البالية من أنصاف المتعلمين وخدم الباشوات والإنجليز صدقنا أنهم زعاماؤنا و من سوف يقودون بلادنا نحو مستقبل يليق بشعبها وبعظمة تاريخها . !!! SHAME

---

Post: #98 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: dardiri satti Date: 10-29-2010, 03:09 PM Parent: #90 !!!ShaME إنهاشارة العار الوطني ، شارة ظللنا نلبسهامنذ 1956م، عندما صدقنا ان تلك الخرق البالية من أنصاف المتعلمين وخدم الباشوات والإنجليز صدقنا أنهم زعاماؤنا و من سوف يقودون بلادنا نحو مستقبل يليق بشعبها وبعظمة تاريخها . !!! SHAME

---

Post: #91 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: نهال كرار Date: 10-29-2010, 10:49 AM Parent: #1 Quote: سيقف السودان الشمالى وحيدا فى مواجهة العالم بسبب صلفه وغروره وغطرسته واستعلائه وسنخسر دعم المجتمع الدولى على كافة الاصعدة وربما ايضا دعم السماء لان الله اذا احبك حبب فيك خلقه! هؤلاء المعتوهين جلبوا لنا كراهية العالم باسره لعنة الله تغشاهم!

---

Post: #93 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Sabri Elshareef Date: 10-29-2010, 11:39 AM Parent: #91 دكتورة نجاة لسه في انتظار الدليل شنو تجلد المراة والرجل وفقا لاحكام الشريعه يقولون لك الدليا شنو؟؟؟ يتمزق السودان تحت بصرنا يقولون لك الدليل شنو ؟؟ لا اقول الا ربنا يصبر اهل الجنوب والشمال علي بؤس هذه السياسات وبؤس الارزقية دعاة الدولة الدينية المتخلفة التي مزقت الوطن ولسه سوف تتداعي بقية الاقاليم تحزو حزو الجنوب فاليحكم تجار الدين بيوتهم\ن بالاسلام

---

Post: #95 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-29-2010, 01:36 PM Parent: #93 العـــــــــــــودة الطــــــــــــوعية

---

Post: #96 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: الوليد محمد الامين Date: 10-29-2010, 02:30 PM Parent: #93 امنياتي لهم ببلاد تحترمهم تستحقهم ويستحقونها ....

---

Post: #99 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: عوض الصديق Date: 10-29-2010, 04:09 PM Parent: #96 ذهبت الى هناك جنوب المدينة الرياضية خيمة منتصبة فى العراء وراحلون كثر غدا باذن الله ساكتب قصتى من هناك

---

Post: #100 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: عوض الصديق Date: 10-29-2010, 04:18 PM Parent: #99 Quote: انجيلينا: «إنها المرة الأولى التي سأذهب فيها إلى بنتيو، لقد ولدت في الخرطوم نتمنى ان تصحبك السلامة بنيتى فى الذهاب والعودة سريعاومابين الخرطوم وبانتيو الجميلة ليس سوي حوائط هلامية

---

Post: #101 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: haroon diyab Date: 10-29-2010, 10:59 PM Parent: #100 يا الله.... اذا هي بداية النهائة لوطن المليون ميل مربع وطن الجدود نفديك بالارواح نجود اذا...حانت لحظة الحقيقة وبكاء الدم بدل الدموع ازف اوانه..... فياحزني علي وطنا كان مل السمع والبصر واسفا..... علي اخوتي سافارقهم مجبرا لا بطل....!!!! ماذ سنقول لقادم الاجيال.....؟ استلمناهو واحدا ....موحدا حدادي....مدادي واقسمنا ان لانبنيه فرادي فاذا بنا نشرزمه ونمزقه اشتات....اشتات لا اتخيل حياتي بدون اخواني..... وكيف الحياة وانا افقد جزء عزيز علي كيف الكلام ده ياشول اشوانق....؟ خلاص بقت حقيقة....؟ خلاص ماشين....؟ طيب نحنا الفاضل لينا شنو....ومنو....؟ والله وتالله ....لن يرحمكم التاريخ ولن ترحمكم الاجيال القادمة هذه صور كنت اتمني ان لا اراها ....!!!! لكنها الان حقيقة . لكل من ولغ في مستنقع الانفصال وعمل من اجله منك لله

---

Post: #102 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Abuzar Omer Date: 10-30-2010, 03:07 AM Parent: #101 الأحباب فى الوطن إنها صور تُقّطع القلب، تُدمع العين، و تحشد الذاكرة بالكوابيس. هل هان علينا الجنوب و الأحبة؟ أنا أقولها و ملء الفم، لا. بيد أننا عجزنا فى صنع وطن يلبى تطلعات الجميع. لن يكون آخر ضحايا عجزنا إمرأة عجوز تغادر فى يناير 2011 و لكن للبداية نهايات، للصدع تجاوزات. عليناأن نتدارك الوطن بالإلتفاف حول قيمنا و المراهنة على إنسان هذا الوطن ( نحن أنفسنا). أؤكد لكم أيها الأحبة نحن بخير و الوطن سيكون بخير، المواطن السودانى النقى، الشفيف يؤكد ذلك. هاهم المغادرون - فى الصور- يلوحون، و أنتم- فى هذا البوسط- تعتصرون وجدانكم حباً و تعاطفاً. +++ عدد المداخلات التى تعبر عنى ، عنكم و عن إنسان السودان 100 مداخلة بالظبط و 3113 قراءة --- عدد المداخلات السالبة 7 ( فقط سبعة) أليس لى الحق فى ثقتى بإنسان بلادى؟ أليس لى الحق فى أنعته بالإنسانية، الشفافية، و النقاء؟؟ الإنسان السودانى العظيم موجود و يمثل السواد الأعظم من نسيج هذا البلد. الذى يغطى الآن زبد لا محال زائل. فلا نفقد الثقة فى أنفسنا نحن أهل الخير و الحب. مواطن الجنوب من نفس النسيج، لذلك سيهزم الخير الشر و يعلو الوطن بكل أحواله على السوء الراهن و المرحلى. الشكر واصل، أحمد، نزار، عثمان، مريم، حنين، حاتم، فتحى، حذيفة، فوزى، دوت، تراجى، أبو الريش، جنى، فيصل، عبدالله، حما، صلاح، أدم، حسن، المشرف،...... إتمنيت أكتب كل الأسماء، لكن لقيتكم كتار جداً جداً فزادت سعادتى.

---

Post: #103 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: سارة علي Date: 10-30-2010, 04:36 AM Parent: #102 آآآآآخ.... ----------- مات لي وطن

---

Post: #104 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: عبدالأله زمراوي Date: 10-30-2010, 06:30 AM Parent: #100 وجعي هنا وطني هناك ودمعهُ المسفوح كحَّل مهجتي شنفا وعار... عارٌ علينا جميعا هذا الذي يجري للوطن... عار والله عار... ويا جني لم يبقى إلا الإنتحار!

---

Post: #105 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: بشير أحمد Date: 10-30-2010, 06:37 AM Parent: #104 اتمني لهم التوفيق في دولتهم الجديدة.

---

Post: #106 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Mohammed Tirab Date: 10-30-2010, 07:20 AM Parent: #105 Quote: سيقف السودان الشمالى وحيدا فى مواجهة العالم بسبب صلفه وغروره وغطرسته واستعلائه وسنخسر دعم المجتمع الدولى على كافة الاصعدة وربما ايضا دعم السماء لان الله اذا احبك حبب فيك خلقه! هؤلاء المعتوهين جلبوا لنا كراهية العالم باسره لعنة الله تغشاهم! جنى سلمت يا جنّي الانسان *همسة: إنتبهوا لما تبقى من وطن وإن إستمر الصلف,,, ستكون مناحة أخرى ,,, مثل ما نلطم اليوم... من يشاهد التلفزيون السوداني (القومي) يظن أن الجنوب قد إنضم للتوء الى الشمال د.محمد تيراب ______________ الحق يعلوا ولا يُعلى عليه

---

Post: #107 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Elawad Eltayeb Date: 10-30-2010, 08:29 AM Parent: #106 نحن مثلكم، يا روحنا التي ترحل عن الجسد، مواطنون من الدرجة الثانية في وطننا، وإلاّ لما حدث ما يحدث الآن أمام أعيننا... رغم أنفنا. لكن كلمة السر التي بيننا هي الحب غداً سيتحرر الشمال وستعودون لنكمل أغنياتنا، رقصات الحرية، وأحلامنا المشتركة .

---

Post: #108 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: الهادي هباني Date: 10-30-2010, 09:01 AM Parent: #107 تحياتي أخي واصل و تحياتي للجميع ،،،، ليست هذه هي المرة الأولي التي تقوم فيها الحركة الشعبية بتنظيم هجرات منظمة للجنوبيين من الشمال للجنوب ،،، فمع بداية إتفاقية نيفاشا أنفقت الحركة الشعبية أموال ضخمة في تحفيز الجنوبيين للنزوح جنوبا مقابل مبالغ تم سدادها لهم لتشجيعهم للرحيل جنوبا و لم يكن ذلك سرا بل كان علنيا و رسميا و منظما و قد يكون كلكم أو بعضكم قد عاصر تلك الفترة و شهد رحيل بعض جيرانه من الجنوبيين أو بعض معارفه منهم من القاطنين في أطراف الخرطوم و بعض مدن الشمال ،،، لكنهم سرعان ما عادوا للشمال بعد أن إستفادوا من هذه الأموال و بعد أن وجدوا أن الجنوب يفتقر لمصادر الدخل و فرص العمل خاصة و أن الجنوبيين منذ أن عرفناهم و كما يعرفهم الجميع لا يتسولون بل يكسبون قوت يومهم و عيشهم بعرق جبينهم ،،، و هذه المرة أيضا سيحدث نفس الشئ سيعود هؤلاء بعد أن يستفيدوا من هذه الحوافز و بعد أن يجدوا أن هذه الدعوة للنزوح جنوبا مجرد فعل سياسي و ليس فعلا مدروسا سبقته إستعدادات و خطط لإستيعاب هذا الكم الهائل من السودانيين الفقراء و البسطاء في قطاعات إقتصادية قائمة توفر لهم مصدر الرزق الحلال و سرعان ما يكتشفون أنهم (و في المناطق التي يفترض بأنها موطنهم الأصلي و دولتهم الموعودة) مجرد لاجئيين ليس إلا يعيشون في معسكرات و تقدم لهم المعونات التي لا تسمن أو تغني عن جوع ،،، و في النهاية سيعودون للشمال عودة طوعية ليبدأوا من جديد و يمارسوا نفس أنشطتهم التي كانوا يمارسونها ،،، مستقبل الكادحين من جماهير شعبنا (جنوبيين و شماليين) يكمن فقط في إقامة السودان الموحد القائم علي أساس دولة الديمقراطية و المواطنة و المساواة في الحقوق و الواجبات و التنمية المتوازنة و السلم و إحترام التنوع الثقافي و الديني و العرقي و إحترام سيادة حكم القانون ،،، و ما تفعله الحركة الشعبية اليوم لا يختلف عما ظل يفعله المؤتمر الوطني طوال ال 22 عاما مجرد إستغلال و تلاعب بمصير السودانيين الجنوبيين من أجل مصالح سياسية ضيقة و لن تؤدي إلا إلي مزيد من الإفقار و التشريد لهذا الشعب الطيب الذي لا يستحق كل ذلك ،،،

---

Post: #109 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: jini Date: 10-30-2010, 12:41 PM Parent: #108 Quote: تحياتي أخي واصل و تحياتي للجميع ،،،، ليست هذه هي المرة الأولي التي تقوم فيها الحركة الشعبية بتنظيم هجرات منظمة للجنوبيين من الشمال للجنوب ،،، فمع بداية إتفاقية نيفاشا أنفقت الحركة الشعبية أموال ضخمة في تحفيز الجنوبيين للنزوح جنوبا مقابل مبالغ تم سدادها لهم لتشجيعهم للرحيل جنوبا و لم يكن ذلك سرا بل كان علنيا و رسميا و منظما و قد يكون كلكم أو بعضكم قد عاصر تلك الفترة و شهد رحيل بعض جيرانه من الجنوبيين أو بعض معارفه منهم من القاطنين في أطراف الخرطوم و بعض مدن الشمال ،،، لكنهم سرعان ما عادوا للشمال بعد أن إستفادوا من هذه الأموال و بعد أن وجدوا أن الجنوب يفتقر لمصادر الدخل و فرص العمل خاصة و أن الجنوبيين منذ أن عرفناهم و كما يعرفهم الجميع لا يتسولون بل يكسبون قوت يومهم و عيشهم بعرق جبينهم ،،، و هذه المرة أيضا سيحدث نفس الشئ سيعود هؤلاء بعد أن يستفيدوا من هذه الحوافز و بعد أن يجدوا أن هذه الدعوة للنزوح جنوبا مجرد فعل سياسي و ليس فعلا مدروسا سبقته إستعدادات و خطط لإستيعاب هذا الكم الهائل من السودانيين الفقراء و البسطاء في قطاعات إقتصادية قائمة توفر لهم مصدر الرزق الحلال و سرعان ما يكتشفون أنهم (و في المناطق التي يفترض بأنها موطنهم الأصلي و دولتهم الموعودة) مجرد لاجئيين ليس إلا يعيشون في معسكرات و تقدم لهم المعونات التي لا تسمن أو تغني عن جوع ،،، و في النهاية سيعودون للشمال عودة طوعية ليبدأوا من جديد و يمارسوا نفس أنشطتهم التي كانوا يمارسونها ،،، مستقبل الكادحين من جماهير شعبنا (جنوبيين و شماليين) يكمن فقط في إقامة السودان الموحد القائم علي أساس دولة الديمقراطية و المواطنة و المساواة في الحقوق و الواجبات و التنمية المتوازنة و السلم و إحترام التنوع الثقافي و الديني و العرقي و إحترام سيادة حكم القانون ،،، و ما تفعله الحركة الشعبية اليوم لا يختلف عما ظل يفعله المؤتمر الوطني طوال ال 22 عاما مجرد إستغلال و تلاعب بمصير السودانيين الجنوبيين من أجل مصالح سياسية ضيقة و لن تؤدي إلا إلي مزيد من الإفقار و التشريد لهذا الشعب الطيب الذي لا يستحق كل ذلك ،،، هذه المرة لن يعودون ليس بسبب حقنة كمال عبيد فقط ولكن لانهم سيعيشون احرارا فى بلادهم وسيبنونها طوبة طوبة كما بنوا الشمال فبلادهم موعودة بالخير وبدعم العالم بأسره لانهم جديرون بالعيش الكريم و لانههم وقادتهم لا يعرفون الاستعلاء ومنفتحون على الاخر لا يرونه نصرانيا ويهوديا كافرا! هؤلاء من طينة غير طينتنا! ساظل احلم بالوحدة لاخر يوم لان هؤلاء الاماجد لولا تواجدهم معنا لاذاقنا هؤلاء القرامطة الويل ولكن بوجودهم معنا استقطبوا لنا تعاطفا عالميا اجبر هؤلاء الجلاوزة على ارخاء قبضتهم الممسكة بتلابيبنا تكاد تزهق ارواحنا ونبتهل الى الله ان يترفق بنا من القبضة الطالبانية بعد رحيل هؤلاء الاشاوس! واذا ما اختاروا الرحيل بعيدا عن الرفيق الفسل فلا املك الا ان اتمنى لهم رفاهية العيش الكريم وهم جديرون بها واثق تماما انهم بتقدمهم الى الامام حثيثا بخطى ثابتة سيعرون نخبتنا الفاشلة بما سسيثيرون فيها من مشاعر الغيرة لعلها تكون دافعا لهم للتكفير عما فعلوه بشعوبهم بتعويضها بمستقبل زاهر ينسيها ماضيها المزرى البائس المخجل جنى

---

Post: #110 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: بابكر عثمان مكي Date: 10-30-2010, 02:06 PM في موسم الهجرة الي الجنوب كانت (سوداء) لا تسر الناظرين اناه تمتهن الحراسة لعمارة بنيت بالمال العام كان لها خمسة اطفال عراة لايعرفون مدرسة ولم يسجلوا بعد في كشف السكان كان كل شىء يدل علي المكان الا هي .. لذا طلبت منها الحكومة قسرا أن تختار اتجاه غير ان في الاتجاهين لايوجد مايسد الرمق أو يحفظ حياهـ بابكر زيكو

---

Post: #111 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: بابكر عثمان مكي Date: 10-30-2010, 02:20 PM Parent: #110 هذا زمان الحزن يفرح هذا زمان الاخ يطرد اخاه

---

Post: #112 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Sabri Elshareef Date: 10-30-2010, 02:26 PM Parent: #111 وجعي هنا وطني هناك ودمعهُ المسفوح كحَّل مهجتي شنفا وعار...

---

Post: #113 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Kamal Karrar Date: 10-30-2010, 03:22 PM Parent: #112 Quote: لانههم وقادتهم لا يعرفون الاستعلاء] لو أمنت على كل كلامك.. لا أستطيع أن أبلع العبارة أعلاه.. It is too early to judge them brother or it is rather a biased judgement شكرا لسعة صدرك.. ومعذرة يا وطني اللذي كان

---

Post: #114 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: Elawad Eltayeb Date: 10-30-2010, 05:27 PM Parent: #113 يا بكري رجاءاً تثبيت هذه الفاجعة على صدر المنبر

---

Post: #115 Title: Re: بدء هجرة عائلات نشأت وترعرعت في الخرطوم الى مناطقها في جنوب السودان (صور) Author: محمد أبوالعزائم أبوالريش Date: 10-31-2010, 08:20 PM Parent: #114 . . مواطن جنوبي منحني شهادة الجنسية السودانية