الهلال فريق راقي..

بغض النظر عن النتائج التي ظل يحققها فريق الهلال في الفترة الحالية وبغض النظر عن أوزان الفرق التي قابلها الهلال في هذه الفترة إلا أنني أجزم أن فريق الهلال الحالي أرقى فريق مر على تاريخ الهلال ..وفريق الهلال الحالي فريق أنيق جداً على مستوى القارة الإفريقية من خلال ما يقدمه من مستوى ..
أكاد أجزم بأن المريخاب قبل الهلالاب (الذواقة منهم) ينتظرون مباريات الهلال بفارق الصبر لا للشماتة ولا للتريقة ولكن للإستمتاع ..
أما جمهور الهلال فأكاد أقسم أنهم باتوا يتمنون لو برمجت مباريات الهلال يومياً ما بين دوري ممتاز وكاس سودان وكونفدرالية فاليوم الذي يغيب فيه الهلال عن أداء مباراة تشعر بأن يومك مقلوب أو ناقص..
الهلال حتى عندما تعادل مع الأمل العطبراوي كان أنيقاً في ادائه وفي أسلوب نقل الكرة ..
الهلال حتى وإن فاز بالسبعة والستة والخمسة فالجمهور الهلالي لا يلتفت للنتيجة بقدر ما يشتهي الاداء الممتع الذي ظل يقدمه أخوان البرنس..
وصل الهلال للمرحلة التي بات فيها الممهاجمون يتعازمون على إحراز الهدف..لا جيبو إنت لا ياخ عليك الله انت ..ياخ طيب خلي مساوي يجي يدقها هد ..لا دقيقة مهند جاي من ورا بيجيبا وضعو احسن ..كدي دقيقة انتظر بشة ده ..ولا اقول ليك سادومبا في الاحتياطي كدي انتظرو يخض يجيبا ..
وصل الهلال مرحة ان ضربة الجزاء لا تجد من يسددها فيبحث القائد هيثم عن المعز ويردد :
إنتو وييين المعز كوركو ليهو خلوهو يجي يشوتا..
وصل الهلال لمرحلة أنك لا تستطيع توقع التشكيلة ولا توقع المراكز فخليفة الأمس في الطرف الشمال وخليفة اليوم في الطرف اليمين وخليفة غداً في وسط الملعب..
بسة اليوم في الارتكاز وبشة الامس مع المهاجمين وبشة غداً في خانة الإستوبر ..
سيف مساوي الامس خلف المهاجمين وسيف مساوي اليوم الليبرو وسيف مساوي الغد مهاجم صريح ..
مهند الطاهر يمين في الشمال وشمال في اليمين ..
كاريكا الحالي افضل لاعب سوداني أشاهده يقوم بتثبيت الكرة بصورة صحيحة دون ان تبتعد منه سنتمتر واحد ..
بكري المدينة الذي لعب مباريات بعدد الاصابع كاد يقترب من احراز عدد الاهداف التي سجلها وارغو في تلاتة مواسم متتالية ..
علاء الدين يوسف لازلت عند رأيي هو اللاعب الذي يفتقده الدوري الأوروبي وقريباً سيكون علاء الدين هناك ..
الهلال الحالي هلال راقي ..
الهلال الحالي يشبه للحد البعيد فرق الحواري افراده من الاصدقاء يستمتعون بكرة القدم ويأجرون الحافلة للتباري مع فريق الحي الاخر من أجل المتعة ..
فريق الحلة بيكون اولاده حرفا وفقط همهم الاستمتاع يتلموا الساعة اربعة جمب العمود يجيبوا حافلة من الظلط يمشو لي اولاد الحلة التانية يطقطقوهم ويجو راجعين يغنو في الحافلة ..
يا سلام يا هلال ..
إنت فريق راقي..

العزيز عمر الفاروق

أول حاجة النعلق علي الحتة لأنها ضربت بقوة في دواخلي وتعبر عن حالي:

Quote: فاليوم الذي يغيب فيه الهلال عن أداء مباراة تشعر بأن يومك مقلوب أو ناقص..

فعلاً والنوم من بدري (زي ناس الوصيف الأيام دي نايمين طوالي)

بعد دا برجع أكمل قراية الموضوع

شكراً عمر الفاروق

الصادق

Quote: بكري المدينة الذي لعب مباريات بعدد الاصابع كاد يقترب من احراز عدد الاهداف التي سجلها وارغو في تلاتة مواسم متتالية ..

كان تكتب بين قوسين بعد كاد يقترب دي (وبدون ضرابات جزاء)

بكري المدينة
هسي اسمو
بـــيـــكـــوو
ايوة بندلعو
وحيكون هداف افريقيا
وفعلا الهلال راقي يا راقي
تحياتي عمر وجميل الاماني ليك

الهلال حاليا ماكينة للجلخ والسحق

مع أسف يضاهي أسفي على إتفاق المدعو جرجير معي في بعض الامور
أتفق معاك فيما قلته رغم تحظفي على بعض المبالغات الطفيفة
والتى لا تؤثر على عضمة الموضوع .
لكن دا ما بمنعني من صرف واحد قوم لف كدا واللا كدا .

Quote: بكري المدينة هسي اسمو بـــيـــكـــوو ايوة بندلعو وحيكون هداف افريقيا وفعلا الهلال راقي يا راقي تحياتي عمر وجميل الاماني ليك

يالراقي تعليمك انا من مظاليمك
هده الايام افتن بجمال بيكو كما يقول حبينا السني دفع الله
والجندي المجهول عمر بخيت
والفنان بشة
ولكن لك كثير ياعمر من المبالغة في هدا البوست وبجيك لترشريحة واحده واحده
ورغم الستات والسبعات والسبعتاشرات الهلال ينقصة الكثير
ميشو الان يحاول عمل توليفة تخرجه الى بر الامان بكاس الكنفدرالية
واثبت انه مدرب قدير بس اللاعب السوداني هو كثيرا ماياحرجة بعدم تنفيد مايقدمه لهم .








---------------------------
ياعمر عاين للفريق كتيم ويرك بتقدر تطلع بنتيجة كويسة

ااااي دا الشغل يا عمر

تمثل الرقي في قدوم سادومبا من الاحتياطي واحتفل مع غريمه ومنافسه في الخانة

كاريكا وتلاقت الايادي

وفرحة الريد يا نسايم لما تتلاقي الايادي


الهلال راقي برشا برشا

قرب البعيد يا رب