Post: #1
Title: الخرطوم .. تفتيش العربات ليلاً..!!
Author: الملك
Date: 10-26-2010, 00:21 AM
Parent: #0
فجأة
قبل ساعتين من الان ...
ـــ
إنتظارى للساعتين ... هنا على "امل " ان يقوم احدهم بإنزال بوست
بذات الشأن ...
على حسب تصفحى لمواقع الاخبار لا يوجد غير أن
قناة الجزيرة التى تورد اول اخبارها عن الإنفصال
وتصريح مندوب السودان فى الامم المتحدة بأن العودة للحرب
هى الخيار الوحيد فى حال تم الإنفصال بدون حل قضية "أبيي"
ـــ
نفسى أفهم ... هل التفتيش "عسكرى" تماماً وليس من قِبل "الشرطة"
مرتبط بأى شئ...
يوم غداً
,,,,
او بعد ساعات
|
Post: #2
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 00:23 AM
Parent: #1
لا أجد غير امنية واحدة فقط
"ربى أحفظ هذا البلد"
ففيه ما يكفيه ...وأكثر
...
|
Post: #3
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 00:42 AM
Parent: #2
تصحيح
التفتيش على كُل طرقات العاصمة الرئيســـــــة
وجميع التقاطعات
وكل المخارج ومداخل العاصمة
وبكافة اجهزة الدولة "النظامية" والعسكرية
ـــــ
لكن "لماذا"
الله اعلم
|
Post: #4
Title: Re: الخرطوم .. تفتيش العربات ليلاً..!!
Author: Ahmed Abdallah
Date: 10-26-2010, 00:44 AM
Parent: #3
وقعت الواقعة
________________
اظهر ياخ
|
Post: #5
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 00:47 AM
خايف يا محمد يوم ننوم ...نصحى
نلقى البلد مافى ,,,!!!
ــــ
انتا وين ...تلفونكـ ما عندى؟
|
Post: #6
Title: Re: الخرطوم .. تفتيش العربات ليلاً..!!
Author: حمور زيادة
Date: 10-26-2010, 00:56 AM
Parent: #5
|
Post: #7
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 01:00 AM
Parent: #6
حمور ...
لا تحزن صباحاً سيتحولون بقدرة قادر
إلى اللون الابيض ..."شرطة المرور"
وبدون أن يُذكر أى شئ فى الصحف
ولا فى أى زول حيقول "بِغم"
ياخ فتحت تلفزيون السودان
لقيت زول بتكلم عن النجيلة
!!
تصدق
؟
|
Post: #8
Title: Re: الخرطوم .. تفتيش العربات ليلاً..!!
Author: حمور زيادة
Date: 10-26-2010, 01:07 AM
Parent: #7
بصدق يا ناجي ..
من بره لما تعاين بتستغرب.
تفتح تلفزيون السودان ذات صدفة فيتخيل ليك انو البلد دي بقت نيوزيلندا ( حقوق مدح نيوزيلندا محفوظة لصديقتنا هنايه )
تتكلم بالتلفون مع زول او في الفيس بوك تحس انها الجحيم المقيم.
ياخ حتى الما عندهم علاقة بالسياسة او كانوا ايام الانتخابات مع البشير من باب الخوف من الحركة الشعبية ديل برضو زهجانين و ساخطين و بس رايح ليهم درب المطار.
يتكلمو معاك باحباط يزيدك وجع.
شي مؤلم و غريب.
|
Post: #9
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 01:20 AM
Parent: #8
Quote: تتكلم بالتلفون مع زول او في الفيس بوك تحس انها الجحيم المقيم.
ياخ حتى الما عندهم علاقة بالسياسة او كانوا ايام الانتخابات مع البشير من باب الخوف من الحركة الشعبية ديل برضو زهجانين و ساخطين و بس رايح ليهم درب المطار.
يتكلمو معاك باحباط يزيدك وجع.
شي مؤلم و غريب. |
الغريبة يا حمور
أى زول "مُوجعو" موضوع الإنفصال وساكت
حتى الشُفع ...مليايين خوف وتوتر ,,,
الحكومة بس فالحة تعصر حتى قبلت على المارة
بقت فى غرامة بتاعت مرور للمــارة ...
الغريبة شوارع مُحفرة تزوغ من دى ...تقع فى دى
وبتكلمو عن الغرامات والسلوكــ الحضارى
وحاجات كدا ... غريبة شوية...
وكلو كوم
والوزير البقول ترجعو تأكلو كِسرة بدل الرغيف
ماهو ما عارف ...انو الكسرة ...أغلى من العيش من حيث التكلفة...
يا ربى يكون ما هو عارف قدمو المفارق واللا شنو
|
Post: #10
Title: Re: الخرطوم .. تفتيش العربات ليلاً..!!
Author: طلال عفيفي
Date: 10-26-2010, 01:29 AM
Parent: #8
Quote: إنتظارى للساعتين ... هنا على "امل " ان يقوم احدهم بإنزال بوست
بذات الشأن ... |
ما في زول كتب لأن الناس في حالة إكتئاب شديد ومتوقعين الأسوأ وما عاد يلفتهم
أي مظهر جديد أو قديم من مظاهر الإستبداد، الخوف سكن القلوب وتوهط في النفوس.
كنت عائداً من وسط المدينة إلى شمالها، ورأيت ما رأيتها، حاجه أشبه بالإستعداد وإبداء
القوة، ومع شوية تداعيات وذكريات عن الفترة الفاتت شعرت لحظتها إنو الدنيا جابتني
في أكثر فترات هذا البلد إنحطاطاً.
أعاننا الله على إكمال العمر في هذ البلد الممكون يا صاحبي.
|
Post: #11
Title: Re: الخرطوم .. تفتيش العربات ليلاً..!!
Author: حمور زيادة
Date: 10-26-2010, 01:32 AM
Parent: #10
>
|
Post: #13
Title: Re: الخرطوم .. تفتيش العربات ليلاً..!!
Author: جمال الباقر
Date: 10-26-2010, 01:45 AM
Parent: #11
| Quote: سمعت كلام كعب يا ناجي .. |
سمعت شنو يا حمور؟؟؟؟؟؟؟؟؟؟؟؟؟ نحن على اعصابنا
|
Post: #14
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 01:46 AM
Parent: #11
حمور ...
سمعتا شنو
كدى قول حتى لو كان إشاعة...
|
Post: #12
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 01:42 AM
Parent: #10
Quote: ما في زول كتب لأن الناس في حالة إكتئاب شديد ومتوقعين الأسوأ وما عاد يلفتهم
أي مظهر جديد أو قديم من مظاهر الإستبداد، الخوف سكن القلوب وتوهط في النفوس.
كنت عائداً من وسط المدينة إلى شمالها، ورأيت ما رأيتها، حاجه أشبه بالإستعداد وإبداء
القوة، ومع شوية تداعيات وذكريات عن الفترة الفاتت شعرت لحظتها إنو الدنيا جابتني
في أكثر فترات هذا البلد إنحطاطاً.
أعاننا الله على إكمال العمر في هذ البلد الممكون يا صاحبي.
|
طلال
رجعت للبيت ... لقيت شباب الحلة ملمومين حولين "حجر شيشة"
الذى أصبح فجأة من المحظورات قُلت أخد لى عشرة ونسة
أغلبهم "عاطل عن العمل" ...
متوجس ...خائف
خائفين يا طلال ...لاحظ للكلمة
مفروض شباب زى ديل يكونو اسى بتكلمو عن حاجات تانية تماماً...حاجات أصغر من كدا
أحلامهم ... طموحهم ...فتيات احلامهم ...
بتكلمو عن الانفصال ...حال البلد ... الشائعات ... قصص الفساد... إغتيال جون قرنق .. النظام العام ... تعريفة المرور ...
زهجتا دخلتا البيت
سلمت على الوالدة ووريتا الحاصل
عاينت لى "وقالت أكل ليك لقمة وأرقد نوم
حتى اُمهاتنا محبطات
"نجيب الامل من وين"
يا طلال يا صاحبى
نجيب من وين أمل ....تانى
|
Post: #15
Title: Re: الخرطوم .. تفتيش العربات ليلاً..!!
Author: Amjed
Date: 10-26-2010, 01:54 AM
Parent: #12
ناجي
انتا داير تجيب أمل تاني ... هو انتا اصلاً كان عندك أمل أول
حمور
ما تورينا سمعتا شنو ياخ
عموماً يقام مأتم الوطن على قارعة الطريق و لا عزاء لايتام سياسات ماما امريكا
|
Post: #16
Title: Re: الخرطوم .. تفتيش العربات ليلاً..!!
Author: حمور زيادة
Date: 10-26-2010, 01:57 AM
Parent: #15
بلعت يا أمجد ..
دي ساعة شائعات ..
ساعة نحس كما قال ماركيز.
كل شئ ممكن و كل شئ كضب.
بيعفن بيتشم و بيتعرف الحقيقة من الاشاعة.
|
Post: #21
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 02:05 AM
Parent: #16
حمور
الشائعات دي بالمُناسبة
لاتطلق ... ولا تستحدث من عدم
زيها وزى الطاقة
...
...
بُكرة نشوف حيقولو شنو
الله يغطى عليكـ يا بلد
|
Post: #17
Title: Re: الخرطوم .. تفتيش العربات ليلاً..!!
Author: Amjed
Date: 10-26-2010, 01:58 AM
Parent: #15
نفس المناظر و الشبه ... نفس الملامح ياها ذاتا
|
Post: #19
Title: Re: الخرطوم .. تفتيش العربات ليلاً..!!
Author: جمال الباقر
Date: 10-26-2010, 02:04 AM
Parent: #17
قول ما تبلع ياخ
|
Post: #24
Title: Re: الخرطوم .. تفتيش العربات ليلاً..!!
Author: معاوية المدير
Date: 10-26-2010, 02:12 AM
Parent: #17
Quote:
خايف يا محمد يوم ننوم ...نصحى
نلقى البلد مافى ,,,!!! |
يا ملك البلد راحت من 1989، ما بقي فيها غير
جنازير وطِبل، وفتات ذكريات مع خيط امل
رفيع في دياجير الظُلم الجاثم علي صدرها.
نعلّك إنت طيّب؟، وربنا يحفظ
البلد من كل شر وبلاء...
|
Post: #27
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 02:18 AM
Parent: #24
Quote: يا ملك البلد راحت من 1989، ما بقي فيها غير
جنازير وطِبل، وفتات ذكريات مع خيط امل
رفيع في دياجير الظُلم الجاثم علي صدرها.
نعلّك إنت طيّب؟، وربنا يحفظ
البلد من كل شر وبلاء... |
الله يعدى الايام دى
ياخ معاوية
دى اكعب من 1989 صدقنى
دى ... أقل خسائر فيها انكــ
تفقدكــ جزء من بلدكــ
...
انا بخير واهو عايش فى البلد دى
حتى ...
|
Post: #18
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 02:01 AM
Parent: #15
أمجد
الله يرحمك يا قرنق... كان حيكون فى فرق
"كلما ذُكرت أمريكا ... تذكرت جون قرنق"
ـــــــ
قاصد أملى براى يا أمجد
إحتمال دا ذاتو يختفى ..!
|
Post: #20
Title: Re: الخرطوم .. تفتيش العربات ليلاً..!!
Author: Amjed
Date: 10-26-2010, 02:05 AM
Parent: #18
ابلعو يا ناجي
ابلعو زي صاحبنا الفوق دا
ليوم حوجة يمكن ما يجي اصلاً
مااصلو اتعودنا
على حكم العسكر
ما بيتشكر
كلو درادر و كلو مظالم
|
Post: #25
Title: Re: الخرطوم .. تفتيش العربات ليلاً..!!
Author: Tragie Mustafa
Date: 10-26-2010, 02:12 AM
Parent: #20
ناجي وزوار بوسته
ربنا يغطي على كل شعبنا شماله وجنوبه.
يا امجد لسه ماما امريكا!!
احزابنا نامت واتمزقت وفارق ابو عيسي بلا خجله يرجع يقول لك لا خيار لنا
غير قبول مباردة علي عثمان!!
ونقول ماما امريكا.....!!!
شيوعين يشتمون الجبهه العريضه ويقولون عنها
جبهة اسلاميهونقول ماما امريكا برضو!!
ربنا يلطف بشعبنا.
|
Post: #28
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 02:21 AM
Parent: #25
Quote: ناجي وزوار بوسته
ربنا يغطي على كل شعبنا شماله وجنوبه. |
يسمع منك "الخالق"
يا تراجى
,,,
,,,
|
Post: #22
Title: Re: الخرطوم .. تفتيش العربات ليلاً..!!
Author: حمور زيادة
Date: 10-26-2010, 02:07 AM
Parent: #18
مؤلم حين يصبح أي كاكي مصدر خوف للمواطن بدلا ان يكون طمانينه له.
|
Post: #23
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 02:10 AM
Parent: #22
| Quote: مؤلم حين يصبح أي كاكي مصدر خوف للمواطن بدلا ان يكون طمانينه له. |
حمور
على قول خالتى "عشة" ست الشاى
البلد دى حارسها الله لو حارسا زول كان ..... راحت زمااااااااااااااان
|
Post: #26
Title: Re: الخرطوم .. تفتيش العربات ليلاً..!!
Author: حمور زيادة
Date: 10-26-2010, 02:15 AM
Parent: #23
| Quote: البلد دى حارسها الله لو حارسا زول كان ..... راحت زمااااااااااااااان |
امنت بالله .. لكن هي ما راحت ؟
يا ناجي لما يكون مقال جريدة حرب ضد الدولة .. و لما يكون التعامل مع منظمة دولية السودان عضو فيها في تحقيق مفتوح خيانة و تجسس .. لما ينزل الجيش الشارع و يسأل عربية فيها اسرة انتو جايين ام درمان من الخرطوم عن طريق بحري ليه .. أصلها تبقى ما ضاعت كيف ؟
|
Post: #29
Title: Re: الخرطوم .. تفتيش العربات ليلاً..!!
Author: الرشيد ابراهيم احمد
Date: 10-26-2010, 02:23 AM
Parent: #26
بحلم بالصباح يشرق بديع في داري
بالناس تستجيب تسمع جميع افكاري
بحلم برفيق .. يكم معاي... مشواري
يسكن زي جزور مغروسه في اشعاري
***
بحلم بالوطن.. رائع جميل.. حدادي
والحقل الخيصب اخضر جميل مدادي
والخيرات .. تعم يصدح نشيد اولادي
مليان بالامل فايت الفرح بي غادي
***
بحلم بالمياه والخضره في بستاني
تدفق بحور تغسل جميع ادرني
ينساب الوطن عصفور بين الحاني
ياناس الوطن ساكني في شرياني
|
Post: #32
Title: Re: الخرطوم .. تفتيش العربات ليلاً..!!
Author: حمور زيادة
Date: 10-26-2010, 02:29 AM
Parent: #29
ذلك المسعور ماض في إ قتفا ئي
صُن حيائي
يا أخي أرجوك..
لا تقطع رجائي
صُن حيائي
أنا يا سيدتي؟!
لكنني لص وسفاك دماء!!
فلتكن مهما تكن
ليس مهما
إن شرطياً ورائي
أحمد مطر
|
Post: #30
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 02:26 AM
Parent: #26
| Quote: ناجي لما يكون مقال جريدة حرب ضد الدولة .. و لما يكون التعامل مع منظمة دولية السودان عضو فيها في تحقيق مفتوح خيانة و تجسس .. لما ينزل الجيش الشارع و يسأل عربية فيها اسرة انتو جايين ام درمان من الخرطوم عن طريق بحري ليه .. أصلها تبقى ما ضاعت كيف ؟ |
حمور البلد
فضلت فيها حاجتين
"الواطة والناس"
لو ... ضاعوالإتنين مافى بلد ... الحكومات بتجى وتغور ...الدول بتقوم وتقع
لكن الناس ما بتقوم تانى لو ماتت ...
ما بننفع نبقى عراق أو ألمانيا..ما بنفع نبقى صومال أو أرتيريا...
لا تصلح هذه البلاد لتطبيق تجارب الإنفصال فى اى حتة فى العالم ...عليها
دا قصدى ... انو اى شئ ممكن يحصل فى ثانية .... وبس
|
Post: #31
Title: Re: الخرطوم .. تفتيش العربات ليلاً..!!
Author: الرشيد ابراهيم احمد
Date: 10-26-2010, 02:28 AM
Parent: #30
بحلم بالوليد الجبت من مصراني
يكبر يبق زلا في النضم حقاني
يفدي الامه بروحو ويعظم شاني
يبقي الشمعه لو عم الظلام سوداني
***
بحلم بالنعيم والخير يعم ودياني
ما يفضل فقير في ملتي واخواني
تتوحد صفوف في يوما قريبا داني
نهتف في الدخيل يحيا ويعيش سوداني
عشمي في الله كبير
|
Post: #33
Title: Re: الخرطوم .. تفتيش العربات ليلاً..!!
Author: Amjed
Date: 10-26-2010, 02:30 AM
Parent: #26
تراجي ازيك
يا ستي كل الحالمين بان التغيير السياسي يمكن له ان يتم عبر اخرين (ماما امريكا هنا) هم من ايتام السياسات غير المستحقين للعزاء بالاصل
يتساوى في ذلك من ظن واهما ان نيفاشا اولى عهدها كانت اكثر من مجرد صفقة مع اهل الجبهة العريضة اليوم
صناعة التغيير السياسي الحقيقي ستتم من هنا من الداخل على ضعف الاحزاب السياسية الماثل اليوم
و لا اقول ذلك من باب المكابرة او المكاواة السياسية كما حاولتي جري لها باشارتك للشيوعيين او لابوعيسى يا تراجي
بل لأن ذلك هو الطريق الوحيد الممكن
حكومة الجبهة الاسلامية لن تسقط في الخرطوم بالعمل السياسي في ويست منستر او واشنطون
و علي محمود حسنين على نقائه السياسي و شجاعته الجمة فيمواجهة الانقاذ استعجل ضربة لازب اسقاط الانقاذ هذه المرة
كان اولى به و هو المبادر في دعم تحالف المعارضة الحالي في جوبا بذل جهده الذي بذله في تجميع صفوف حركات دارفور توحيدها ثم ربطها هي و اخرين ممن ربضو بخندق الجبهة العريضة - و كان يستطيع- بتحالف اوسع ، اكبر على الاقل من تقسيمات داخل و خارج هذه
|
Post: #34
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 02:38 AM
Parent: #33
الله يغطى عليكـ
يا بلد
"فيك المكفيك"
وأكتر
|
Post: #35
Title: Re: الخرطوم .. تفتيش العربات ليلاً..!!
Author: قاسم المهداوى
Date: 10-26-2010, 02:51 AM
Parent: #34
سلااام
ما عااارف
ولكن
فى تفاصيل جد صعبة يوم
الاستفتاء,,,
ممكن يكون انقلاااااب
وممكن يكون اقتحااام تااانى لامدرماااان
وبس
قاسم المهداوى
|
Post: #37
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 02:59 AM
Parent: #35
Quote: سلااام
ما عااارف
ولكن
فى تفاصيل جد صعبة يوم
الاستفتاء,,,
ممكن يكون انقلاااااب
وممكن يكون اقتحااام تااانى لامدرماااان
وبس
|
عارف المصيبة وين يا قاسم
انو البلد دى قابلة لى اى ...شئ
قابلة لى أى سيناريو
اى سيناريو ... ممكن او غير ممكن
,,,,
ربك يستر على الغلابة ديل
|
Post: #38
Title: Re: الخرطوم .. تفتيش العربات ليلاً..!!
Author: قاسم المهداوى
Date: 10-26-2010, 03:11 AM
Parent: #37
يا ناجى
كدا اقلب صورتك
او ختها عديل
علشان اقدر اشوفك بالمقلوب
ياخى ما تتخيل متعبنى قدر شنو
انا ذاتى بتشقلب علشان اشوف صورتك
بلاقى الكلام المكتوب اتشقلب
وبتحصلى لى دوخة ؟؟؟
ذى دوخة ودربكة الجماعة اليويمن ديل
ياخى عليك الله طدا اعدل الصورة ولو ليوم واحد
او نحنا كلنا نتشقلب
اها قلتا شنو ...
بخصوص الحاصل
ما عارف اقول ليك شنو
غير ....
الشريف مبسوط منى علشان
انا بحب فنى ؟؟؟؟
قاسم المهداوى
|
Post: #61
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 03:22 PM
Parent: #38
Quote: كدا اقلب صورتك
او ختها عديل
علشان اقدر اشوفك بالمقلوب |
قاسم ...يا صديقى
شايف ليكــ شئ ماشى عديل الزمن دا
بقت على صورتى ...
أريتا ما تتعدل.. وإنعدل الحال...
|
Post: #45
Title: Re: الخرطوم .. تفتيش العربات ليلاً..!!
Author: الوليد عمر
Date: 10-26-2010, 06:38 AM
Parent: #37
.....
Quote: عارف المصيبة وين يا قاسم
انو البلد دى قابلة لى اى ...شئ
قابلة لى أى سيناريو
اى سيناريو ... ممكن او غير ممكن
,,,,
ربك يستر على الغلابة ديل |
ما هى دى المصيبة ذاتا يا ناجى !
لمن الناس تبدأ تقول : " كتلوك ، ولا جوك ، جوووك "
يبقى فى خوف ، فى ضياع ، فى فقدان للأمل ،
فى رغبة شديدة الإلحاح فى الخلاص ، ولو على سبيل الموت .
لست أدرى يا صديقى :
هل الوصول لهذه المرحلة من الغبن ، يعنى بداية الخلاص ؟
إرهاصات الإنفجار الوشيك ؟ الثورة القادمة ؟
أم لا يعدو كونه ، إستشراء لليأس و سيادة الإستسلام
و المزيد المزيد من الأيام اسوداء و الليالى الحالكة ؟
و طلاق بائن بين الغلابة و غدهم الذى ينتظرون ؟
ربنا يجيب العواقب سليمة.
و سترك اللهم .
.....
|
Post: #64
Title: Re: الخرطوم .. تفتيش العربات ليلاً..!!
Author: الملك
Date: 10-26-2010, 08:38 PM
Parent: #45
Quote:
لست أدرى يا صديقى :
هل الوصول لهذه المرحلة من الغبن ، يعنى بداية الخلاص ؟
إرهاصات الإنفجار الوشيك ؟ الثورة القادمة ؟
أم لا يعدو كونه ، إستشراء لليأس و سيادة الإستسلام
و المزيد المزيد من الأيام اسوداء و الليالى الحالكة ؟
و طلاق بائن بين الغلابة و غدهم الذى ينتظرون ؟
ربنا يجيب العواقب سليمة.
و سترك اللهم .
|
قد كتبت يا وليد ما عجزتا عنه...
"ربنا يجيب العواقب سليمة"
الايام والأشهر القادمة
|
Post: #36
Title: Re: الخرطوم .. تفتيش العربات ليلاً..!!
Author: Amjed
Date: 10-26-2010, 02:54 AM
Parent: #34
حكم العسكر ... حكم الخوف و الذل و عدم الطمأنينة
لا للحاكم لا المحكوم
فكو دربنا وجعتو قلبنا ياخ
|
Post: #39
Title: Re: الخرطوم .. تفتيش العربات ليلاً..!!
Author: حسب ربه
Date: 10-26-2010, 03:36 AM
Parent: #33
" حكومة الجبهة الاسلامية لن تسقط في الخرطوم بالعمل السياسي في ويست منستر او واشنطون "
صدقت.
الكلام دا لو قلتوا فى فترة التسعينات الى بداية الالفية الجديدة كان وصموك بالخيانه الوطنية والتواطؤ مع الكيزان.
بعد تجربة التجمع فى الخارج دى كلها, تانى دايرين يعيدوها فى قالب جديد
لا خير فى تجربة لا تورث الحكمة
غير الله يحفظ السودان, الواحد ما يقدر يقول حاجه
حسب ربه
|
Post: #40
Title: Re: الخرطوم .. تفتيش العربات ليلاً..!!
Author: awad hassan
Date: 10-26-2010, 04:40 AM
Parent: #39
مشرَق وين
يا راحل فوق موجا بلا ساحل ؟؟
تبقي الحسرة والوجعة
لو حرقت مراكب الرَجعة للداخل
|
Post: #41
Title: Re: الخرطوم .. تفتيش العربات ليلاً..!!
Author: Elbagir Osman
Date: 10-26-2010, 04:53 AM
Parent: #40
خافوا
|
Post: #42
Title: Re: الخرطوم .. تفتيش العربات ليلاً..!!
Author: Mohamed Yassin Khalifa
Date: 10-26-2010, 05:20 AM
Parent: #39
Quote: طلال
رجعت للبيت ... لقيت شباب الحلة ملمومين حولين "حجر شيشة"
الذى أصبح فجأة من المحظورات قُلت أخد لى عشرة ونسة
أغلبهم "عاطل عن العمل" ...
متوجس ...خائف
خائفين يا طلال ...لاحظ للكلمة
مفروض شباب زى ديل يكونو اسى بتكلمو عن حاجات تانية تماماً...حاجات أصغر من كدا
أحلامهم ... طموحهم ...فتيات احلامهم ...
بتكلمو عن الانفصال ...حال البلد ... الشائعات ... قصص الفساد... إغتيال جون قرنق .. النظام العام ... تعريفة المرور ...
زهجتا دخلتا البيت
سلمت على الوالدة ووريتا الحاصل
عاينت لى "وقالت أكل ليك لقمة وأرقد نوم
حتى اُمهاتنا محبطات
"نجيب الامل من وين"
يا طلال يا صاحبى
نجيب من وين أمل ....تانى |
ناجي سلامات... وكفارة للبلد وأهلنا السمحين
كلامك لطلال الفوق ده مؤلم بالحيل
وصدقني أنا قريته أكتر من مرة
وكل مرة يألمني ويحرق فيني لأقصى درجة من الحرقة
نحنا يا ملك مرقنا لينا عشرين سنة
وأملنا للرجعة مازال ظازج رغم السنين والغربة
بس كلامك ده بيعني إنه الغربة دخلت جوة بيوتنا
وعذابنا لحقكم!
نحنا أخيراٍ مسكنا الدرب
وقررنا نزيل العلة ونستأصلها
ملعيش يا أمجد
تشخيصنا للمرض العضال ده أخد وقت
ومعرفة طريقة إزالته إحتاجت زمن
وطريقتها خبرناها متأخرين
وهي يا بلد باقية... يا راحت البلد
إلا إننا نحمد ربنا الهدانا للدرب
والحاصل ليهم ده فرفرة المذبوح
وأبشرك بقرب الخلاص
ودمتم...
|
Post: #44
Title: Re: الخرطوم .. تفتيش العربات ليلاً..!!
Author: بشير أحمد
Date: 10-26-2010, 06:06 AM
Parent: #42
الاخ/ناجي
وجمهور المحبطين اعلاه؛
صباح الخير
البلد الحبة ما بتجيها ؛وكلامكم ده قُلتو من قبل عشرين سنة
لا اتغيرت الحكومة
ولا البلد حالها وقف.
دي نفسيات الانفصال والتغيير الـ ح يحصل ؛
الواحد من صفره يسمع مليون ميل مربع
ومنقو قل ما عاش من يفصلنا ؛وخايفين من صفوف البنزين والرغيف
دي ياها العامله نفسيات لجمهور الاحباط ؛
اتركوا الجنوبيين ينفصلوا بهدوء...
|
Post: #43
Title: Re: الخرطوم .. تفتيش العربات ليلاً..!!
Author: Ahmed Hashim
Date: 10-26-2010, 06:03 AM
Parent: #1
السلام عليكم ورحمة الله
صورة لاقتني اسي في الفيس بوك حيرتني والجمت كل الحواس
اهـ و..... اهـ
|
Post: #46
Title: Re: الخرطوم .. تفتيش العربات ليلاً..!!
Author: البشير دفع الله
Date: 10-26-2010, 06:57 AM
Parent: #43
الأخ عبد الملك
تحية وتقدير
أعتقد في ظل الاحتقان الحاصل الأيام دي مع الشريك في الحكم ومع حركات دارفور
يصبح أي اجراء أمني من تفتيش للعربات وحراسات لمنافذ البلد
أمرا عاديا .
وما بعيدة علينا أحداث أم درمان ولا يلدغ مؤمن من جحر مرتين
على الحكومة أن تتخذ أي تدابير لحماية مواطنيها
|
Post: #47
Title: Re: الخرطوم .. تفتيش العربات ليلاً..!!
Author: هايل زين
Date: 10-26-2010, 07:03 AM
Parent: #1
ينحلم بي فضاء أوسع...
بنحلم بي زمن أجمل...
بلاد ميلاد...
وطن ممتد.. لحدي حدود.. الحد...
وطن لا فيهو هم لا غم.. فقط نسعد...
بلاد حد الشمس والضوء...
نحلق ما يحدنا جو...
نقيل فيها مرتاحين...
... وريحة البن...
نتاوق ليها مستنين يمر فنجان على إيدنا...
ونتكفى...
ونضاري الدمعة بالفرحة...
نغني على بلاد سمحات...
ونحلم كم حلم مفتوح...
بي طلة صباح الروح...
يمر الضوء على الدنيا...
ويسرق حزننا المفضوح...
ونحلم.. كم حلم مفتوح...
كلنا وقفونا يا ناجي وفتحوا ضهرية عرباتنا...
* حقوق النشر محفوظة للمؤلف...
|
Post: #48
Title: Re: الخرطوم .. تفتيش العربات ليلاً..!!
Author: حسين نوباتيا
Date: 10-26-2010, 07:37 AM
Parent: #47
Quote: ولا البلد حالها وقف.
|
هو بالله دا كلو وما وقف؟؟
الله لا ورّانا وقفتكم يا اخوي!!
|
Post: #54
Title: Re: الخرطوم .. تفتيش العربات ليلاً..!!
Author: طارق مصطفى
Date: 10-26-2010, 08:11 AM
Parent: #48
ناجي
مش في نوع أحلام بايخة كده
حقة لمن يكون ساكيك قطر
وإنت ما قادر لا تجري أسرع منو ..
ولا قادر تمرق من القضيب أو المسار بتاعو؟
وكل شوية باقي أقرب ليك؟
بس ..
ده بقى حلمي المفضل وأنا صاحي ..
والمرة دي .. القطر الجاي (فاجخ) ده
ما إنو البلد تفضل مليون ميل
ولا تنقسم (خمسميتين) يا قولة مهند منير ..
المشكلة في مترتبات النتيجة بتاعة الإستفتاء
الشمالي/ة الغلبان/ة .. والجنوبي/ة الغلبان/ة
الزيي وزيك ديل
حيروحوا/ن في الرجلين
وأكان دايرين/ات تدعوا دعوة مفيدة فعلاً للبلد دي
فقولوا/ن:
تنفصل (بسلام) .. أو تفضل واحدة (بسلام) برضو
الكلام ده بالحساب حساب كده (مستحيــــــــل) يحصل
لكن بس عشمنا في رب العالمين
|
Post: #49
Title: Re: الخرطوم .. تفتيش العربات ليلاً..!!
Author: وليد محمد المبارك
Date: 10-26-2010, 07:44 AM
Parent: #47
مارشات عسكرية ... قرآن
_____
كيف يا ملك
|
Post: #50
Title: Re: الخرطوم .. تفتيش العربات ليلاً..!!
Author: بخاري عثمان الامين
Date: 10-26-2010, 07:50 AM
Parent: #47
أمس طلعت يا ناجي ساي كده من المكتب علي غير هدي
أتصلت بمعز عبد الوهاب .. انت وين ؟ رد لي في مكتب
صلاح قلت له جاي عليك ...
في الطريق الي معز وانا في شارع الجامعة وقدام الباب المين
بتاع الجامعة كان في زحمة كبرت اللفة منها ودخلت علي الشارع
بتاع داخلية الوسط وقدام بيت النمل لقيت شباب دفعتي سلمت عليهم
وبينما الونسة مدورة ظهرت اللول شقيقتي .. طالعة من امتحان وزهجانة
سألتها علي وين ؟ الديم طوالي .. ركبت معي وانطلقنا صوب الديم وفي
شارع القيادة اوقفنا العسكري بطريقة فيها عصبية ذائدة .. اللول قالت
لي دا مالو ؟ انتظرت العسكري مسافة كده ولم يحضر لي كعادتهم فنزلت فاذا
هو مشغول بتسير حركة المرور فذهبت للذي بالموتر وسألته عن الحاصل وكنت
قد حملت معي رخصتي وترخيص العربية ... قال لي انت كنت بتتكلم في الموبايل !!!
قلت له انا معاك لاي محكمة موبايل شنو ؟ بعدين لو ما عندك فكرة المحاثات بتتسجل بالزمن
قال لي : احلف بالله العظيم انك ما كنت بتتكلم في التلفون .. !!!
|
Post: #51
Title: Re: الخرطوم .. تفتيش العربات ليلاً..!!
Author: حسين نوباتيا
Date: 10-26-2010, 07:56 AM
Parent: #50
| Quote: قال لي : احلف بالله العظيم انك ما كنت بتتكلم في التلفون .. !!! |
بخاري كنت تقول ليهو انا ما بحلف ساي في الهواء جيب لي مصحف...
محن شديدة..
تحياتي للجميع..
|
Post: #52
Title: Re: الخرطوم .. تفتيش العربات ليلاً..!!
Author: محمد عبد الماجد الصايم
Date: 10-26-2010, 07:58 AM
Parent: #51
بخاري .. إنت بتعرف أكتر من الحكومة!!
|
Post: #53
Title: Re: الخرطوم .. تفتيش العربات ليلاً..!!
Author: محمد عبد الماجد الصايم
Date: 10-26-2010, 08:07 AM
Parent: #52
تحياتي عبد الملك
|
Post: #55
Title: Re: الخرطوم .. تفتيش العربات ليلاً..!!
Author: وليد محمد المبارك
Date: 10-26-2010, 08:13 AM
Parent: #51
| Quote: بخاري كنت تقول ليهو انا ما بحلف ساي في الهواء جيب لي مصحف... |
|
Post: #56
Title: Re: الخرطوم .. تفتيش العربات ليلاً..!!
Author: omer osman
Date: 10-26-2010, 08:25 AM
Parent: #55
| Quote: قال لي : احلف بالله العظيم انك ما كنت بتتكلم في التلفون .. !!! |
كان تقول ليهو ........
بحلف لك بحبك وأنا مخلص لحبك ... ياحبي وربك أوعي تقولي لا لا
انا ساهر في دربك وأنا هائم في حبك ... ياحبي وربك أوعي تقولي لا لا
تر رمم ترم .........
|
Post: #57
Title: Re: الخرطوم .. تفتيش العربات ليلاً..!!
Author: معتصم محمد صالح
Date: 10-26-2010, 08:34 AM
Parent: #56
قرأت في احدى الصحف اليوم تصريحا للناطق الرسمي باسم الجيش بأن القوات النظاميية نفذت ليلة امس مشروعا تجريبيا لتأمين العاصمة شاركت فيه وحدات من الجيش والشرطة والامن والشرطة الشعبية ..
|
Post: #58
Title: Re: الخرطوم .. تفتيش العربات ليلاً..!!
Author: خضر حسين خليل
Date: 10-26-2010, 09:12 AM
Parent: #57
| Quote: قرأت في احدى الصحف اليوم تصريحا للناطق الرسمي باسم الجيش بأن القوات النظاميية نفذت ليلة امس مشروعا تجريبيا لتأمين العاصمة شاركت فيه وحدات من الجيش والشرطة والامن والشرطة الشعبية |
فتأمل ياناجي
ـــ
ازيك يافردة
|
Post: #60
Title: Re: الخرطوم .. تفتيش العربات ليلاً..!!
Author: ناصر احمد الامين
Date: 10-26-2010, 09:20 AM
Parent: #58
مافي شي يا اخوانا .. ما تهولو الموضوع
تفتيش عااااادي .. يعني اول مره ؟؟
|
Post: #59
Title: Re: الخرطوم .. تفتيش العربات ليلاً..!!
Author: طارق ميرغني
Date: 10-26-2010, 09:18 AM
Parent: #57
حمور البلد
فضلت فيها حاجتين
"الواطة والناس"
يا ناجي
حرام عليك.....
ديل وينهم...؟ ما شايفنهم!!!
|
Post: #62
Title: Re: الخرطوم .. تفتيش العربات ليلاً..!!
Author: Elawad Eltayeb
Date: 10-26-2010, 07:38 PM
Parent: #59
زمان كان الأمن والجيش بيحرسوا
القيادة العامة
والإذاعة والتلفزيون
والكباري
هسع بيحرسوا
دور حزب المؤتمر الوطني
وكافوري
من دخلها فهو آمن
أما باقي الشعب
فليهم الله وعيشة السوق
|
Post: #63
Title: Re: الخرطوم .. تفتيش العربات ليلاً..!!
Author: جعفر محي الدين
Date: 10-26-2010, 07:54 PM
Parent: #59
تحياتي يا ناجي
شكلكم يا ناجي نسيتوا التفتيش في ليالي الخرطوم عشان الجماعة بينعشوا ليكم في الذاكرة
مش كان ينعشوا الوطن !
| Quote: القوات النظاميية نفذت ليلة امس مشروعا تجريبيا لتأمين العاصمة |
آها وإن شاء الله البلد تكون أصبحت فعلا آمنة يا معتصم !؟
|
Post: #65
Title: Re: الخرطوم .. تفتيش العربات ليلاً..!!
Author: خضر حسين خليل
Date: 10-26-2010, 09:33 PM
Parent: #63
الأحوال (هادي) الليلة تمام
مافيش تفتيش
بس برضو ما لقينا مواصلات
ـ
البلد دي مقطوعة بشكل عجيب
|
Post: #66
Title: Re: الخرطوم .. تفتيش العربات ليلاً..!!
Author: أيمن الطيب
Date: 10-26-2010, 10:32 PM
Parent: #65
سلام يا ناجى,,
أخيرا بدأت أقنع نفسى بأننا نهول الأمور كثيرا ونزيد فى إحباطاتنا بأنفسنا!!!
كنت مخطئا,,
كل الأحداث الآن تقول أننا لسنا على خطأ وأن القلق والإحباط يتزايدان وضف لهما
الخوف من أن ينفلت الغول,,
القلق والتفكير فى مصير بلد تضيع يوما بعد يوم وتتسرب الأشياء من بين ايدى
أهلها بسرعة كبيرة تزداد كل يوم,,
الإحباط يا صاحب اصبح ملازم وما عارفين من وين نجيب أمل,, قبل ايام قلية كان
أملنا الكبير أن لا إنفصال سيحدث وكل ما يحصل الآن مقدور عليه وسينصلح الحال!!!
الآن نحن فى مرحلة البحث عن الأمان وشبح الحروب والدموم يحوم حولنا والعسكر
الذين يرون فى مارة الطريق أعداء والعسكرى الذى يعتقد أن مهمته الأساسية هى
تخويف خلق الله وبث الرعب والقلق فى نفوسهم!!! دون أن نشعر رضينا بالإنفصال
ورحنا نبحث فيما بعده ونمحص فى كذب ساستنا علينا وإنبطاحهم يتزايد كل يوم,,
نكذب على أنفسنا أحيانا ونحلم أن تصبح الكذبة حقيقة!!!
الواقع يقول أن من ضيعوا البلد هم من يحاولون الآن تبسيط الأمر وتتفيهه
الواقع يقول أن الأمر لا يعنيهم ونحن نرى إنهيار مشروعهم المنهار اصلا!!
لا أمن شامل ولا توجه حضارى ما حلوا مشكلة!!
شباب ضايع ومحبط ويتسكع فى الأركان وتضيع حياته سمبلة سااااااااكت!!
اصوات من وراء الحجب تناديهم بالإستعداد للموت دفاعا عن شنو ومن منو ما تعرف,,
غلاء بشع وإنعدام تام لمكونات الحياة الأساسية وسبل العيش بكرامة وإطمئنان,,
بعد عشرين عاما المحصلة ماثلة أمامنا جميعا وما أقبحها وأسوأها من محصلة وهسة هسسه
ما بكرة يجيك واحد يغالطك ويقيف معاك ألف ضكر أحمر فى إننا نسير فى الطريق الصحيح
وأصبروا بس!!! أو إنت معارض ضل ساى وإحتمال خاين يدوك ليها هوادة,,
ياخ الناس ديل عميانين ولا نحن ما شايفين؟؟؟؟
حاجة تحير’’
وألله ينعم علينا جميعا بنعمة الأمن والطمأنينة,,
|
Post: #67
Title: Re: الخرطوم .. تفتيش العربات ليلاً..!!
Author: بخاري عثمان الامين
Date: 10-27-2010, 11:02 AM
Parent: #66
Quote: بخاري كنت تقول ليهو انا ما بحلف ساي في الهواء جيب لي مصحف...
محن شديدة..
تحياتي للجميع.. |
والله ياها محن جد يا حسين
|
|