Post: #1
Title: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-25-2010, 08:48 PM
Parent: #0
الهدف شنو ؟
|
Post: #2
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-25-2010, 08:52 PM
Parent: #1
ايراد فيديو لجون قرنق يتحدث فيه لجنوده ؛
وحكي لهم قصة مؤتمر في اديس ابابا جمعه مع السيد/الصادق.
|
Post: #3
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-25-2010, 09:00 PM
Parent: #2
يقول قرنق:
الصادق المهدي طلب منه مقابلته لوحده في اديس ابابا
وانا رفضت ؛ولازم يكون معاي كل الجماعة وذكر منهم لام اكول وريك مشار
ويوسف كوة ...
يقول ايضا:عايز يديني رشوة ؛تكون وظيفة او قروش او تكون أختو !!!
|
Post: #5
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-25-2010, 09:08 PM
Parent: #3
يا ابوالزيك خليك كوول..
افتح التلفزيون ياحبة
التهكم ده كيفنو عاد
_________________
وقال قرنق ايضا:
لمن جينا الاجتماع ؛رفض الصادق المهدي التصوير مع ناس الحركة
وتهكم قرنق قائلا :كيف يتصور مع العبيد ؛
وقال ايضا قعدنا تلاتة يوم عشان الصورة دي.
|
Post: #6
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-25-2010, 09:17 PM
Parent: #5
ويقول رفض السيد الصادق ان ينادي عليه بدون الصاق كلمة السيد قبل اسمه؛
وقرنق يناديه بالصادق بس ؛
ويقول قرنق ايضا ناس الصادق ما بعملوا شكلة ؛بس بيكونوا قاعدين في الخرطوم.
_______
الغريبة مقدم البرنامج عقيد في الجيش الشعبي اسمو منو كده مالك
بينجر ساي في الكلام بعد مقاطع الفيديو.
|
Post: #4
Title: Re: الآن الـ SSTV تتهكم علي السيد/الصادق المهدي ..
Author: Zakaria Joseph
Date: 10-25-2010, 09:02 PM
Parent: #2
و الله حالتم يا كيزان بقت تحنن... و الله الا تقبلوا يد الامام الطاهرة علشان تؤرطوه فى المازق اللا انتو فيه.... يعنى عايز تاليب جماعة حزب الامة ضد حكومة الجنوب, go ahead...
انت ما شوفت لقطة الرئيس فى يا يامبيو فى SSTV??
الرئيس فى يامبيو: لو اخترتم الانفصال, نحن بنجيكم و نحتفل فى الاستاد دى, و لو بقت وحدة نحن كمان بنجى و نحتفل معكم هنا"SSTV بيتهكم فى كل الناس بما فيهم سلبا كيير.
|
Post: #7
Title: Re: الآن الـ SSTV تتهكم علي السيد/الصادق المهدي ..
Author: عمران حسن صالح
Date: 10-25-2010, 09:17 PM
Parent: #4
ومتى كانت لعبة السياسة ( الديرتي ) ، غير المزيد من ال######
ومتى كانت إعجاب بالآخر
دي ياها السياسة
والتهكم جزء أكيد منها
|
Post: #11
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-26-2010, 08:00 AM
Parent: #7
الاخ/عمران صالح
تحياتي؛؛؛
Quote: ومتى كانت إعجاب بالآخر
دي ياها السياسة
والتهكم جزء أكيد منها |
السيد الصادق اجتهد في التفاوض
مع الحركة الشعبية ؛
لكن سؤالي قائم ليه في الوقت ده بالذات ؟
يظل المندكورو مندكورو عند الحركة.
|
Post: #8
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-26-2010, 05:48 AM
Parent: #4
Quote: يعنى عايز تاليب جماعة حزب الامة ضد حكومة الجنوب, go ahead...
|
طيب يازكريا جوزيف ؛
خليهو تاليبنا نحنا لناس حزب الامة ؛
ممكن تقول لينا الغرض شنو من ايراد فيديو لقرنق من سنة 88م
علي القناة ؟
|
Post: #9
Title: Re: الآن الـ SSTV تتهكم علي السيد/الصادق المهدي ..
Author: عبدالعزيز حسين عبدالرحيم
Date: 10-26-2010, 06:10 AM
Parent: #8
يا بشير
بعد السلام
Quote: يقول قرنق:
الصادق المهدي طلب منه مقابلته لوحده في اديس ابابا
وانا رفضت ؛ولازم يكون معاي كل الجماعة وذكر منهم لام اكول وريك مشار
ويوسف كوة ...
يقول ايضا:عايز يديني رشوة ؛تكون وظيفة او قروش او تكون أختو !!! |
ياهو دا قرنق الحقيقي الحمد لله الجابوه رغم سوء ما فيه عشان الناس اللسه مخدوعة تعرف
ايراد التسجيلات دي بوريك سخف القايمين على القناة وقلة عقل حكومة الجنوب كلها
وبرضه نقطة في صالح السيد الصادق المهدي عشان الناس برضه تعرف أنو كان بسعى للسلام برضه
|
Post: #10
Title: Re: الآن الـ SSTV تتهكم علي السيد/الصادق المهدي ..
Author: محسن عبدالقادر
Date: 10-26-2010, 07:47 AM
Parent: #9
والله فيك الخير يا )بشير ( يعني حارقك تهكم الحركة في السيد الصادق ... انصرف لقضاياك الأساسية .. للسيد الصادق رب يحميه ويدافع عنه ..
|
Post: #12
Title: Re: الآن الـ SSTV تتهكم علي السيد/الصادق المهدي ..
Author: عوض محمد احمد
Date: 10-26-2010, 08:21 AM
Parent: #10
الاخ د. بشير احمد
سلام
هل انت حريص على الامام الصادق لهذه الدرجة, ام هو شغل المديد حرقتنى؟
فقد نال السيد الامام من الاذلال و التعذيب و السجن على يد الانقاذ ما تتضاءل امامه كلمات مذيع صفيق
على قناة محدودة الانتشار
ما لم تدن ما تعرض له الامام على ايدى زبانية الانقاذ, فانك غير مؤهل اخلاقيا و لا منطقيا للحديث عن اهانات الاذاعة الجنوبية
|
Post: #26
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-30-2010, 06:21 AM
Parent: #12
الاخ/عوض محمد احمد
وعليكم السلام؛؛؛
| Quote: هل انت حريص على الامام الصادق لهذه الدرجة, ام هو شغل المديد حرقتنى؟ |
الاولي يمكن لا ؛؛
التانية ممكن.
|
Post: #13
Title: Re: الآن الـ SSTV تتهكم علي السيد/الصادق المهدي ..
Author: أحمد ابن عوف
Date: 10-26-2010, 08:37 AM
Parent: #10
اخي بشير
تحياتي
ياخي انا امبارح تابعت جزء كبير من الحلقة دي، وشكلك اول مرة
تشوف برنامج الزول الرائع مالاك، دا بقدم برنامج اجمل من اي برامج
في تلفزيون السودان، دا تخصص تنوير وتهدئة نفوس وتربية وطنية للجنوبيين والشماليين
لو استمعوا ليهو.
انت قابلو زي التعيس يونس بتاع الشتائم!!
بعدين حاجة تانية، الزول بدي في ناس الجيش والحركة الشعبية دروس
في التربية الوطنية مستفيدين من بعض التسجيلات والخطب لجون قرنق
ليييه
لانو جون قرنق ما عنده كتاب او كتب زي الكتبوها سياسيين الشمال
########ه زمنهم فيها وزمنا معاهم
في كتاب اسمه Garang Speeches على ما اعتقد كانت محاولة لتجميع
خطبه المتناثرة هنا وهناك
وما عندهم تسجيلات كتيرة للزول، ومعظمها كانت ايام النضال وميادين القتال
اساسا هو لم يعيش في السلم الا ايام معدودات، فعاوزهم يجبوا ليك تسجيلات
والورود والزهور والبدل الما خمج البظهورا بيها ناس الانقاذ هذه الايام
الدرس او هي عدة دروس الكان بقدمه البرنامج امبارح لو استمع ليها اي
سوداني وفهمها بعرف يعني شنو تربية وطنية واخلاق
الحتة الركز عليها الزول هي، ان قضايا الوطن لا تناقش في الظلام
and No two men can decide for the country
كيف يا الصادق دايرني اقعد معاك انا وانت راس ونحدد مصير البلد؟؟؟؟؟
وليييه القاءات السرية في امر يهم الوطن؟؟؟؟؟؟؟؟
انصحك تتابع البرنامج دا كتير امكن تتعلم شوية تربية وطنية من الجنوبيين
بس لمن يستضيف ضباط المسيرية في الحركة الشعبية انصحك تغير القناة
بعدين عشان تتعلموا الحياد شوية، الزول دا زاتو قبل سنة قاد حملة اعلامية
عبر القناة دي زاتا ضد جنود الحركة الشعبية وضباطها البتجولوا في الاسواق
وهم مسلحين، خليك من هم مسلحين وهم بالكاكي زاتو، ونجح، واستعدى عليهم
طل ضباط الجيش الكبار وقادتة ضد هذا المظهر الغير حضاري، يعني ما شغال
للشمال بس.
|
Post: #14
Title: Re: الآن الـ SSTV تتهكم علي السيد/الصادق المهدي ..
Author: محسن عبدالقادر
Date: 10-26-2010, 05:28 PM
Parent: #10
مبروك يا بشير قرر حزب الأمة ارسال توكيل رسمي لسيادتك للدفاع عن السيد الصادق في كل المحافل ... تهانينا ..
|
Post: #15
Title: Re: الآن الـ SSTV تتهكم علي السيد/الصادق المهدي ..
Author: أحمد ابن عوف
Date: 10-27-2010, 06:33 AM
Parent: #14
لكن اظرف ما في الموضوع يا بشير
انكم يا ناس الانقاذ بقيتو تتفرجوا على قناة ال sstv ههههههههه
قلت لي انتو زاااااتكم ما قادرين على تدليس تلفزيون المؤتمر الوطني؟؟ لوووووول
|
Post: #16
Title: Re: الآن الـ SSTV تتهكم علي السيد/الصادق المهدي ..
Author: Zakaria Joseph
Date: 10-27-2010, 05:10 PM
Parent: #15
يا ابن عوف,
هم فى حيرة من امرهم. و بينى و بينك, يا دوب هم بدوا يحاولوا فهم الجنوبين بالطريقة اللائقة. هم فاكرين انو الجماعة ديلة كانت فى الغابة خمسة و عشرين سنة و ما بتعرف اى حاجة غير الشكلة. لا, لا, لا. هسى برنامج ذى press forum البيضيف الاديب و الصحفى الاكاديمى جوزيف ابوك و الصحفى الكبير اروب مادوت "مشهور خارج السودان و صاحب مؤلفات عديدة و هل يعرفه احد فى هذا البورد?" ما ممكن يجيب الجن الاحمر و الهوسة لاخونا بشير?
اروب مادوت وصف حديث لواك اشويك, وزير البترول, عن الوحدة بانه حديث رجل مصاب باسهال فى فمه, و دى كان فى تلفزيون الجنوب. و بعدين عمك اروب مادوت دى متكيف من حمدى صاحب المثلث الشهير و الطيب مصطفى, صاحب الانتباهه, لانهم و بحسب تعبيره "الناطقون الرسميون للمؤتمر."
|
Post: #18
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-27-2010, 07:20 PM
Parent: #10
اخونا في حزب الامة/محسن عبدالقادر
تحياتي ياحبيب؛؛؛
| Quote: والله فيك الخير يا )بشير ( يعني حارقك تهكم الحركة في السيد الصادق ... انصرف لقضاياك الأساسية .. للسيد الصادق رب يحميه ويدافع عنه |
طيب يامحسن ياخوي البشير الـ ح تدوسو ده برضو عند رب يحميه.
كلام زكريا جوزيف ده شايفو لافق معاك وعاجبك ؛
كتب اخونا زكريا جوزيف في بوست مجاور:
Quote: الكومريد صلاح,
لا اظن ان فى الجنوب من هو على استعداد لقبول اعتذار هذا الرجل لان جرائمه ضد الجنوبين ابان فترة حكمة هى الاكثر آلما.
فليقل ما يشا.
هو فى سياسى فاشل مثل هذا الرجل فى تاريخ السودان?
مكانه لاهاى مثل البشير.
بنحاول نسكت و لكن حكاية البعض من حزب الامة بيفتكروا ان السيد فى وضع اخلاقى افضل من البشير انا دى ما بطيقو. |
شايف يامحسن ؛حزب الامة مافي زول قال بغم ؛إكسبت الاخت/لنا مهدي
كدي النشوف ردك شنو يامحسن.
|
Post: #17
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-27-2010, 05:34 PM
Parent: #9
الاخ/عبدالعزيز
تحياتي؛؛؛
| Quote: ايراد التسجيلات دي بوريك سخف القايمين على القناة وقلة عقل حكومة الجنوب كلها |
اغرب شئ ناس حزب الامة رضيانين ؛
عشان تعرف انو الكتابة في البورد ده بالنيات زي ما قال اخونا حسن موسي؛
يعني لو جا واحد من حزب الامة وكتب البوست
تشوف عبارات ما انزل الله بها من سلطان.
|
Post: #19
Title: Re: الآن الـ SSTV تتهكم علي السيد/الصادق المهدي ..
Author: باسط المكي
Date: 10-27-2010, 07:26 PM
Parent: #17
Quote: .وتهكم قرنق قائلا :كيف يتصور مع العبيد ؛
وقال ايضا قعدنا تلاتة يوم عشان الصورة دي |
بوست غير موفق ..
ويدل علي انك شخص فج ليس الا
مشعل الفتن والفتنة نائمة ..ياهذا البشيراحمد
|
Post: #20
Title: Re: الآن الـ SSTV تتهكم علي السيد/الصادق المهدي ..
Author: بشير أحمد
Date: 10-27-2010, 07:46 PM
Parent: #19
Quote: بوست غير موفق ..
ويدل علي انك شخص فج ليس الا
مشعل الفتن والفتنة نائمة ..ياهذا البشيراحمد |
فعلا دي القراية بالإضنين ياباسط المكي ؛
قلنا ليك الكلام ده فيديو وتم بثه علي الهواء ؛
وتم اعادته مرتين ؛
لوم ناس الحركة الشعبية البجيبو الحاجات دي.
|
Post: #21
Title: Re: الآن الـ SSTV تتهكم علي السيد/الصادق المهدي ..
Author: محمد حسن العمدة
Date: 10-27-2010, 08:18 PM
Parent: #20
في النهاية يا بشير الخلاف بين حزب الامة والحركة الشعبية يظل خلاف سياسي ليس فيه محاولة لازاحة الاخر من الوجود كما فعلتم انتم في سنين الجهاد العجاف البعتم اليوم فيها دماء ناس علي عبد الفتاح وبقية الشباب الراحو شمار في مرقة
كدي خلينا يا بشير من كلام قرنق زمان عن الصادق المهدي عاوز اعرف الرفات بتاع الشهداء دا ح تنقلو للشمال ولا ح تخلو في بلد الكفار الكنتو عاوزين تخشو بيهم الجنة ؟؟؟!!!
|
Post: #22
Title: Re: الآن الـ SSTV تتهكم علي السيد/الصادق المهدي ..
Author: JOK BIONG
Date: 10-27-2010, 08:27 PM
Parent: #21
السيد الصادق المهديهو مهندس محرقة الضعين وبابنوسة وواو ومعظم مدن الجنوب..
يستحق كل اوصاف.
السيد الصادق المهدي هو صاحب فكرة حروب ابادة وتسليح مليشيات البقارة العرب...
يستحق كل التهكم..
آهه لن ننسى افعال الصادق المهدي حتى بعد الاستقلال!!!!.
|
Post: #23
Title: Re: الآن الـ SSTV تتهكم علي السيد/الصادق المهدي ..
Author: محسن عبدالقادر
Date: 10-28-2010, 04:49 AM
Parent: #22
أخونا الكوز بشير مرحب بيك يا شيخ ... . إنت عارف يا بشير إنت بقت عليك حاجتين : 1/ بقت عليك قصة الغلبها راجلها أدبت حماها !! ... 2/ بقت عليك قصة شجرة الدوم البتظلل بعيد ... ياخي ما تمشي تشوف بشيرك مع الجنائية وكيف تخارجوه من مصايبه .. وشوفو طريقة للسودان القسمتوه وشتتوا أهله ... .. طبعا انتو يا كيزان ياها طباعكم زرع الفتن بين الناس ... انت قلت الأميرة لنا ردت عليه وهي بكل تأكيد مؤهلة للدفاع عن حزب الأمة بكل جدارة ... كدي جاوب سؤال الحبيب محمد حسن عمدة ... تحياتي ..
|
Post: #24
Title: Re: الآن الـ SSTV تتهكم علي السيد/الصادق المهدي ..
Author: Bashasha
Date: 10-28-2010, 04:55 AM
Parent: #23
المستعلواتي او برضو رسالي، عابز تقول شنو بالضبط؟
|
Post: #25
Title: Re: الآن الـ SSTV تتهكم علي السيد/الصادق المهدي ..
Author: محمد حسن العمدة
Date: 10-29-2010, 10:24 PM
Parent: #24
Quote: السيد الصادق المهديهو مهندس محرقة الضعين وبابنوسة وواو ومعظم مدن الجنوب..
يستحق كل اوصاف.
السيد الصادق المهدي هو صاحب فكرة حروب ابادة وتسليح مليشيات البقارة العرب...
يستحق كل التهكم..
آهه لن ننسى افعال الصادق المهدي حتى بعد الاستقلال!!!!. |
ما فعلته جيوش الحركة الشعبية والجبهة الاسلاموية في الشمال والجنوب فاق كل ما اقترفته الجيوش النازية والستالينية والامريكية جوك لو عاوز تقرير منظمات حقوق الانسان ح نجيبا ليك
حزب الامة يتحدى كل الاحزاب الشمولية والديكتاتورية في ان يده نظيفة من كل دم سوداني اي انشاء ح تكون حديث غوغائي لا مجال لتصديقه بدون وثائق ..
احداث الضعين وبابنوسة وراجا تجد من حزب الامة الادانة فما فعلته الحركة الشعبية في راجا تجاه القبائل العربية كان اثره في الضعين والفعلان مدانان فكفاك متاجرة وهرطقة
|
Post: #28
Title: Re: الآن الـ SSTV تتهكم علي السيد/الصادق المهدي ..
Author: Zakaria Joseph
Date: 11-02-2010, 05:07 PM
Parent: #27
اخونا الكوز فى الانسانية,
انت ما شاهدت الامام الصادق فى SSTV قبل يومين و هو يتكلم ساعة كاملة?
|
|