الكـااااك X الغـااااغ (أستديو تحليلى)

Post: #1
Title: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 05:45 PM

يستعد فريق الكااااك بقيادة نجمه هارون دياب الشهير بهارونا للقاء المصيرى الذى يخوضه فريق الغااااغ بقيادة محترفهم (الأجنبى) خليل الشهير بقسطنطين . وستبدأ المباراة المفتوحة بين الفريقين فى العشر الأواخر من شهر اكتوبر . وربما امتدت الى شهور فى حال فوز الغاااااغاب وتحليقهم بأمان فوق الأجواء التونسية شمال خط العرض (خمسة. )
يراهن فريق الكااااك على تاريخ الغااااغاب الخالى من البطولات الدولية

Post: #2
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 05:47 PM
Parent: #1

تقام المباراة على ملعب سودانيزاونلاين وحقوق البث حصرية لمعاوية حسين.

Post: #3
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 05:50 PM
Parent: #2

يمثل فريق الكااااك
Kosta فى حراسة المرمى
رباعى دفاع
معتز, صديق الموج,فايز ودالقاضى,معاوية محمد الحسن.
خط الوسط:
هارون دياب (هارونا) لـصناعة الكااااكات وتوزيعها حسب مجريات اللعب وهو احسن من يجيد هذه الخانة.
عمر عثمان (جنابو) وستكون مهمته قطع الكور الطولية المرسلة من حارس ودفاع المنافس.
خالد درق : وستكون مهمته الضغط على الخصم فى منتصف ملعبه
الهجوم:
أساسى
عبدالعزيز عيسى
طارق جبريل
وفى احتياطى الـكااااك كل من:
محمد الأمين احمد
حسن سناده
سيف المكى
ابوقوته
الحاج احمد الحاج

Post: #5
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 05:54 PM
Parent: #3

بينما يمثل الغااااغاب
ودالصايم فى حراسة المرمى
كمال حسن , احمد خضر , ياسر بيناوى, بشير حسن بشير. رباعى دفاع
سيف الدولة كامل , اشرف الباقر . الباقر يحيى (مسجل حديثا) لخط الوسط
فى المقدمة : خليل (محترف أجنبى) , محمد البشرى الخضر , عثمان رغيم.
وفى احتياطى الغااااغ: تمبس , مدثر قرقاج , معروف حمدين , أمين يحيى ,بكرى عباس

Post: #4
Title: Re: الكـااااك X الغـااااغ (أستديو تحليلى)
Author: khaleel
Date: 10-25-2010, 05:51 PM
Parent: #2

ود عمي فاضلابي سلام جاك

نبدا الاستوديو بمقال خالد عز الدين وبعد داك نشوف الفي الكتاب

Quote:
ما بين المقص والفاصلة !!
نحن زمان قلنا .. أولاد عمنا ديل زي الزول البريد (الكوتشينة) لو لاعب مشكلة ولو قاعد بره مشكلة!!

لو دخلوا دوري المجموعات معانا كان عذبونا بالكلام. المريخ يستعد لدوري المجموعات.. النفطي يتدرب بقوة. المهدي يعود من تونس.. الفلسطيني يتحدى الهلال !! طمبل يتماثل للشفاء ويهدد الدفاعات الزرقاء!!

ما دخلوا دوري المجموعات برضو الإزعاج مستمر .. مركزين معانا تركيز شديد.. حافظين تواريخ مبارياتنا اكتر مننا.. الواحد تتناقش معاهو تلقاهو حافظ لاعبين الصفاقسي اكتر من ( لوشانتر).

والله (بلولة) عندو قريبو اسمو أحمد عثمان.. مريخابي مرضان.. ده مؤجل سفروا قال راجي كورة المقص!!

ومزمل يكتب عن قوة دوري الأبطال وضعف دوري المجموعات في الكونفدرالية.. الضعفة الما قدر يدخل ليها المريخ !!

وحسن محجوب يقول ليك قلوبنا مع الصفاقسي.. حتى في الدوري التونسي بقوا يشجعوا الصفاقسي واللذيذة انو الصفاقسي كان لاعب مع الترجي.. كلها ذكريات مؤلمة!!

وده كلو كوم واحمد حمد احمد كوم.. احمد خلي اي حاجة وبكتب من هسة عن تشكيلة المريخ في مباراة الهلال..

يا ابو حميد القصة دي لسه بدري ..

والله نحن ما متذكرين انو في مباراة معاكم ذاتو ..

لسه نحن لاعبين مع اتحاد مدني ومسافرين تونس ولاعبين مع الصفاقسي وبعد كده عندنا مباراة مع النيل الحصاحيصا وحي العرب .. اااايك

معقولة يا جماعة !!

احمد بتكلم عن ضعف هجوم المريخ امام دفاع الهلال .. وياتو دفاع بالظبط يا احمد .. انت قائل نحن حنلعب ليك بي مساوي وديمبا وسامي وعندنا مباراة رد مهمة امام الصفاقسي !!

وبتكلم عن سرعة سادومبا وهجوم الهلال وقال خائف من طارق مختار !! خوفك من طارق ده في محلو يا ابو حميد .. لكن سادومبا ما بتشوفو بي عينك .. سادومبا وبكري وكاريكا للكونفدرالية عشان ما تحسب غلط احسب علي نادر شندي ومحمد عبد الرحمن بيت المال !!

يا خالد.. هلال مريخ شنو القريبة دي .. ياخي مامون ابو شيبة ليهو شهرين بتكلم عن التسجيلات ..

عايزين مساك يمين وطرف شمال ولاعب وسط مدافع وحارس مرمى واتنين مهاجمين !! مع وصايا دايمة بالسرية !!

سرية في شنو .. هو مواسير المريخ دي في زول بمشي عليها !!

ديل عملو لجنة تسجيلات قبل الدوري الممتاز ينتهي وكاس السودان يبدأ ؟؟

تسجيلات المريخ اثرت في مباريات الاندية الاخرى .. اي لاعب حتى ولو كان احتياطي يقول ليك انا ما بلعب شديد عشان ما (اتعوق) امكن المريخ يجيني !!

ايوووا انا عرفت النظرية..

ما جمال الوالي قال الدعم حيقيف شهر 12 عشان كده الجماعة مستعجيلين عايزين التسجيلات تتم في اسبوعين من 16 حداشر وحتى نهاية نوفمبر .. الساعة 12 ودقيقة شهر 12 مافي طريقة !!

ونحن مرتاحين .. ان شاء الله التسجيلات يلغوها .. خصوصا تسجيلات الاجانب .. موش احتمال مدير بنك السودان يمنع تسجيلات الدولار !! ما عندنا أي مانع احتراماً للاقتصاد السوداني.. ما عايزين أي لاعبين أجانب الموسم ده وخلي الدولار ينزل شوية!!

بالمناسبة نحن نساهم في الموضوع ده بجائزة الكونفدرالية ..

شفتو الفرق . نحن نجيب في الدولارات لصالح الاقتصاد السوداني والجماعة يشيلو في الدولارات ويدوها لوراغو ..

ما قلنا ليكم ده نادي الخريجين الأوائل..

قلت لي سموهو المريخ ليييه ؟؟

أنا شخصيا عارف سموه ( الضل ) لييه !!

في زول عارف النجمة جات شعار المريخ سنة كم ومن وين ؟

ركزوا مع فريقكم شوية وخليكم من المقص وكورتنا معاكم لسه بعيدة ..

الشفقة المرقتكم من بدري !!

بكرة تعالوا بدري ..

Post: #6
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 05:56 PM
Parent: #4

يشرف على تدريب الكااااك الجمرى ومساعديه بت الشيخ ومواهب ادريس.

Post: #8
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 05:57 PM
Parent: #6

ويشرف على الجهاز الفنى للغااااغاب طارق الكوتش المدرب الوطنى

Post: #75
Title: Re: الكـااااك X الغـااااغ (أستديو تحليلى)
Author: عمر محمد ابراهيم
Date: 10-27-2010, 08:43 AM
Parent: #8

الفاضلابي
سلامات يا اخي
والله بقت عليكم قصة اللخو القاعد يرقص في الحفلة رقيص شديييييد وعرقان وكل مرة يقطع ليه جك موية ويواصل
اهل العروس قالو ده اخو العريس
واهل العريس قالو ده قطع شك اخو العروس
وكل ما الفنان يقيف هو يكورك واصل يا اخينا واصل
لما الناس احتارو فيهو مشو اتنين
واحد من اهل العروس وواحد من اهل العريس سالوه
يا اخينا شايفنك مجتهد جدا في حفلتنا دي لكن ما عرفناك
اللخو من وين؟؟
قال ليهم لا لا
انا اخو الترزي الفصل بدلة العريس
اها اظنكم كدي اخوان الترزي ده مش كدي؟؟؟
في حفلة تونس والاسياد دي بقيتو اخو الترزي بس
مودتي

Post: #7
Title: Re: الكـااااك X الغـااااغ (أستديو تحليلى)
Author: khaleel
Date: 10-25-2010, 05:57 PM
Parent: #4

والمدربين يا ود عمي

Post: #9
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 05:58 PM
Parent: #7

يدير المباراة طاقم تحكيم هجين من سودانيزاونلاين بقيادة الدولى شيقوق
ومراقب المباراة بكرى ابوبكر ريئس اتحاد سودانيزاونلاين.

Post: #10
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 05:59 PM
Parent: #9

التعليق مفتوح ولأول مرة لجماهير الفريقين.

Post: #11
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 06:02 PM
Parent: #10

Quote: والمدربين يا ود عمي

ودعمى ,, وعلليكم السلام
ياجبل الرجاف
الشفقة تطير كدى ارجع لافوق
المدربين ديل اهم زول
بطاطين ودالجمرى وصلتك ولا نشحن ليك من إندينا.?

Post: #12
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 06:05 PM
Parent: #11

ضييف الأستديو التحليلى
الأخطبوط طلحة عبدالله
بتعرفوهو زى جوع بطنكم.

Post: #13
Title: Re: الكـااااك X الغـااااغ (أستديو تحليلى)
Author: motaz
Date: 10-25-2010, 06:10 PM
Parent: #12

أهم حاجة يا فاضلابي
الحكم من وين؟

أنا زاتي
الشفقة تطير
نطيت جوز في نفس لحظة كتابة الحكام

أها نشوف لينا حاجة تاني
وأرجع ليك

Post: #14
Title: Re: الكـااااك X الغـااااغ (أستديو تحليلى)
Author: khaleel
Date: 10-25-2010, 06:14 PM
Parent: #13

Quote: ضييف الأستديو التحليلى
الأخطبوط طلحة عبدالله
بتعرفوهو زى جوع بطنكم.

ود عمي

للعدالة يجب اضافة محلل اخر مع طلحة عبد الله

Post: #16
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 06:18 PM
Parent: #13

Quote: أهم حاجة يا فاضلابي
الحكم من وين؟

Quote: يدير المباراة طاقم تحكيم هجين من سودانيزاونلاين بقيادة الدولى شيقوق
ومراقب المباراة بكرى ابوبكر ريئس اتحاد سودانيزاونلاين.

الحكم يامعتز إخترناه من البردانة ريفى الدندر لانو:
الرشاشات ديل سقطانين وماسكاهم ام برد
قلنا نجيب ليهم زول البردانة ده يزيدهم سقط
والجمرى متبرع ليهم بالبطاطين
بعدين الحكم ده قاعد يسرح كتير
البركة فى المساعدين ,, فيسل هليل وابوبكر
وديل رطانة ـ يعنى أجانب.

Post: #15
Title: Re: الكـااااك X الغـااااغ (أستديو تحليلى)
Author: ناصر جبريل
Date: 10-25-2010, 06:17 PM
Parent: #12

الكاااااااااااااااااااك

وتاني الكااااااااااااااااااااك

....دخل المبارة بالله اديهو ليهم عشان ديون الارباب

وكاااااااااااااااااااااااااااااك

Post: #17
Title: Re: الكـااااك X الغـااااغ (أستديو تحليلى)
Author: khaleel
Date: 10-25-2010, 06:21 PM
Parent: #15

Quote: .دخل المبارة بالله اديهو ليهم عشان ديون الارباب

وكاااااااااااااااااااااااااااااك

ناصر جبريل ازيك ياخي

شايف جمال الوالي قال بدفع لحدي شهر اتناشر بس

بعد داك الا تلعبو ملوووص

Post: #19
Title: Re: الكـااااك X الغـااااغ (أستديو تحليلى)
Author: omer osman
Date: 10-25-2010, 06:25 PM
Parent: #17

Post: #18
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 06:23 PM
Parent: #15

Quote: الكاااااااااااااااااااك

وتاني الكااااااااااااااااااااك

....دخل المبارة بالله اديهو ليهم عشان ديون الارباب

وكاااااااااااااااااااااااااااااك

اول هجمة خطيرة تلهب حماس الكااااكاب
Quote: ....دخل المبارة بالله اديهو ليهم عشان ديون الارباب

ديل ياناصر ديونهم بقت ديون هالكة

Post: #21
Title: Re: الكـااااك X الغـااااغ (أستديو تحليلى)
Author: ناصر جبريل
Date: 10-25-2010, 06:28 PM
Parent: #18

Quote:

ناصر جبريل ازيك ياخي

شايف جمال الوالي قال بدفع لحدي شهر اتناشر بس

بعد داك الا تلعبو ملوووص

لحدي الوقت بنكون سجلنا كل الوجوه في الساحة

وكااااااااااااااك

Post: #22
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 06:30 PM
Parent: #18

Quote: ود عمي

للعدالة يجب اضافة محلل اخر مع طلحة عبد الله

طلحة ده زول Professional
مافى زول بخرحر الا ودالبشرى
العبوا لعبكم ساى

Post: #20
Title: Re: الكـااااك X الغـااااغ (أستديو تحليلى)
Author: motaz
Date: 10-25-2010, 06:27 PM
Parent: #15

أها طيب بمناسبة الحكام دي
قال ليك جماعة عاملين مباراة ما لقو ليهم حكم
المهم في زول كدا ما عندو علاقة بالكورة جابوهو من طرف الشارع
أها اتلفت على الجماهير قال ليهم انتو قاعدين تتفرجو ليه انزلوا العبو
الجماهير كلها نزلت الميدان المباراة بقت "تمانين ضد تسعين لاعب"
أها الحكم أثناء ما هو لافي في الميدان شاف ليك ود الصايم يتململ
قام قال ليهو انت لازم تلعب جناح عشان تكون قريب من الخط
وكل دقيقه تمشي تجر ليك نفس وتجي راجع

عشان كدا الجماعة ديل ما بيفوزو علينا

Post: #23
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 06:37 PM
Parent: #20

اها ياخلى جنابو جهز ليكن الفنايل
ده حالتو لاعب مننا بس , شفت الكرم ده كيف?
يعنى كان جاكن الوالى كان يكون خرف ام سعن?
جنابو زيارتك لينا شرفتنا,,بعد الغيبة الطويلة.
اها الخانة الختيناك فيها دى خلينها على الله ثم عليك.
رشوا لينا الناس ديل.

Post: #25
Title: Re: الكـااااك X الغـااااغ (أستديو تحليلى)
Author: omer osman
Date: 10-25-2010, 06:46 PM
Parent: #23

Quote: عمر عثمان (جنابو) وستكون مهمته قطع الكور الطولية المرسلة من حارس ودفاع المنافس.

Quote: جنابو زيارتك لينا شرفتنا,,بعد الغيبة الطويلة.
اها الخانة الختيناك فيها دى خلينها على الله ثم عليك.

ماتخاف ياعمك ........

موية ما بتعدي من خط النص ده ......

معاك معلم كبير نظام اتنين في واحد (جمال ابوعنجة + بدرالدين بخيت) ...

اهاااااا تاني في كلام ......

Post: #24
Title: Re: الكـااااك X الغـااااغ (أستديو تحليلى)
Author: معاوية المدير
Date: 10-25-2010, 06:38 PM
Parent: #20

غااااااااااااااااااااااااغ،
وتاني
غاااااااااااااااااااااااغ.

سلآم يا فاضلآبي، ومشتاقين بالحيل...

Post: #27
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 06:54 PM
Parent: #24

Quote: سلآم يا فاضلآبي، ومشتاقين بالحيل...

أووووو ودالمدير
وين اراضيك ياخ
والله فى البال
اها ياخليل ود المدير ده بنستضيفو مع الأخطبوط طلحة حتى هو كمان بروفيشنال

Post: #26
Title: Re: الكـااااك X الغـااااغ (أستديو تحليلى)
Author: محمد البشرى الخضر
Date: 10-25-2010, 06:51 PM
Parent: #15

Quote: هارون دياب (هارونا) لـصناعة الكااااكات وتوزيعها حسب مجريات اللعب وهو احسن من يجيد هذه الخانة.
ههههههههههه
عرفت ليه والله
هارون قاليك بكتب عنوان البوست بي جاي قبل ما يضيف المداخلة التانية بكون لف بي الرابط بوستات الدنيا و العالمين بي مناسبة أو بدون
محل ما تمشي تلقاه طوالي بذكرني نكتة ( الروب إنت انكشحت)

_____________

نجيك بعدين للمباراة وقراءة فنية لاستعدادات الكاكاب و تجهيزات الغاغاب
بس امرقني من هجوم الغاغاب اخوك لياقتو ما مية مية
خليني مع تنظير في الاستديو عشان افرملو ليك ما يطلع بينا العالي بتنظيرو كالعادة

Post: #28
Title: Re: الكـااااك X الغـااااغ (أستديو تحليلى)
Author: Mohamed Foto7li
Date: 10-25-2010, 07:09 PM
Parent: #26

يا عمك سلام

اسمي في الاحتياطي مافي

Post: #29
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 07:10 PM
Parent: #26

Quote: خليني مع تنظير في الاستديو عشان افرملو ليك ما يطلع بينا العالي بتنظيرو كالعادة

ده كده حا يبقى الإتجاه المعاكس ,, مش استديو تحليلى

سلام يا ود البشرى ,, مشتااااااغون على وزن غاآآآآآغون.

Post: #30
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 07:19 PM
Parent: #29

Quote: اسمي في الاحتياطي مافي
والله يامحمد فكرت اختك فى الإحتياطى لكن لقيتك ماقاعد تجى التمارين
قلت يمكن تكون عاوز ليك فيلا وكده ,, ولا يمكن مادفعوا ليك مستحقاتك.

لا بالجد ,, كنت شاكى تكون كااااكابى زعلان.

لكن ماتزعل الغااااغاب ديل اصلهم حايتغلبوا والتوانسة حايعملوا ليكم مبارة ودية (رد اعتبار ) عشان تجيبوا لينا كاس من برة .إن شاء الله كاس رد اعتبار زى بتاع مازيمبى داك. وطبعان فى المباراة الودية كلكم حاتلعبوا.

Post: #31
Title: Re: الكـااااك X الغـااااغ (أستديو تحليلى)
Author: omar arbab
Date: 10-25-2010, 07:20 PM
Parent: #26

Post: #32
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 07:40 PM
Parent: #31

سلامات يا ارباب
فى الأول انت شايت وين?
كااااكابى ولا غااااغابى?
والزول الـ فى المربع ده منو.?
وياريت لو اعدت تنزيل الصورة دى بأسماء اعضاء الفريق.
والشافع الـ فى الصورة دى شنو ? كاااااغابى?
تسلم على المرور وإن شاء الله تكون من إندينا.

Post: #33
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 07:48 PM
Parent: #32

Quote: أها الحكم أثناء ما هو لافي في الميدان شاف ليك ود الصايم يتململ
قام قال ليهو انت لازم تلعب جناح عشان تكون قريب من الخط
وكل دقيقه تمشي تجر ليك نفس وتجي راجع

ماهو ودالصايم عشان شيشتو دى ختيناهو فى المرمى.
إنت ماشفت القون بكون جنبو قزازة ببق منها كل شوية?
قلنا بدل القزازة يخت الشيشة.

Post: #34
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 07:54 PM
Parent: #33

طبعا الغااااغاب حايركبوا التونسية
وطبعا ماعندهم قروش ,, اها الكااااكاب
اتبرعوا ليهم بخبير طيران من إنديهم
وهو الكااااكابى ابراهيم عدلان
وذلك تخفيفا لمصاريف (الطيران)

Post: #36
Title: Re: الكـااااك X الغـااااغ (أستديو تحليلى)
Author: Mohamed Foto7li
Date: 10-25-2010, 08:09 PM
Parent: #34

الزول في المربع دا افتكر الفنان حسين الصادق

Post: #38
Title: Re: الكـااااك X الغـااااغ (أستديو تحليلى)
Author: محمد البشرى الخضر
Date: 10-25-2010, 08:28 PM
Parent: #34

Quote: اتبرعوا ليهم بخبير طيران من إنديهم
وهو الكااااكابى ابراهيم عدلان
وذلك تخفيفا لمصاريف (الطيران)
يعني يا الفاضلابي إلاّ تتلتل ابراهيم عدلان
ما أي وصيفابي من طرف خبير طيران بالفطرة
ياخي ديل بطيرو من البطولة قبل القرعة تترمي زاتو

Post: #45
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-25-2010, 09:31 PM
Parent: #34

Quote: يشرف على تدريب الكااااك الجمرى ومساعديه بت الشيخ ومواهب ادريس.

ارسلنا عصفورتنا لحضور تمرين الغاااغاااب .... وابلغتنا انهم راقدين هردبيس
عشان كده اجتمعنا كجهاز فني انا و اميرة ومواهب واجرينا تعديل في الخطة
وبقت خطتنا 2-2-6 يعني جايين ناس رش تقيل خاصة وجماعتنا حا يجونا مدروخين والتونسية حا
يكون فيها خج ورج شديد لانو المطبات الجوية كتيرة عشان كده ما محتاجين مدافعين ولاعبين وسط
حتى كوستا بندرب فيهو على ضربات الراس عشان حا يشارك في الركنيات ويكمل الهجمة للنهاية ..
لانو ما متوقعين اي مرتدات غااااغية .

ويا فاضلابي كاااااااااااااااااااااااااااااااااااااااااااااااااااااااااااااااااااااااك

Post: #35
Title: Re: الكـااااك X الغـااااغ (أستديو تحليلى)
Author: الطيب شيقوق
Date: 10-25-2010, 08:07 PM
Parent: #33

يمثل فريق الكااااك
Kosta فى حراسة المرمى
رباعى دفاع
معتز, صديق الموج,فايز ودالقاضى,معاوية محمد الحسن.
خط الوسط:
هارون دياب (هارونا) لـصناعة الكااااكات وتوزيعها حسب مجريات اللعب وهو احسن من يجيد هذه الخانة.
عمر عثمان (جنابو) وستكون مهمته قطع الكور الطولية المرسلة من حارس ودفاع المنافس.
خالد درق : وستكون مهمته الضغط على الخصم فى منتصف ملعبه
الهجوم:
أساسى
عبدالعزيز عيسى
طارق جبريل
وفى احتياطى الـكااااك كل من:
محمد الأمين احمد
حسن سناده
سيف المكى
ابوقوته
الحاج احمد الحاج

طارق جبريييييييييييييييييييييييييييييل دا خطييييييييييييييييييييييييييييييييير

Post: #37
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 08:26 PM
Parent: #35

Quote: طارق جبريييييييييييييييييييييييييييييل دا خطييييييييييييييييييييييييييييييييير
اها انت ياسجم الرماد
اخترناك الحكم ومعاك الرطانة
ماتبقا لينا زى حكم روسيا البيضا الضارب كريستال البلح داك.
عليك الله كان لقيت الفيدو بتاعو نزلوا لينا.

Post: #39
Title: Re: الكـااااك X الغـااااغ (أستديو تحليلى)
Author: Zakaria Joseph
Date: 10-25-2010, 08:32 PM
Parent: #37

ود اختنا طلع هلالابى!!!!

Post: #40
Title: Re: الكـااااك X الغـااااغ (أستديو تحليلى)
Author: طارق الكوتش
Date: 10-25-2010, 08:35 PM
Parent: #35

مشكلتى الكبيره فى قسطنطين
كل دقيقه واقع والنقاله خماهو مودياهو الحمام

+

ود البشرى لو ماعمل عدسات لاصقه
طوالى يمشى يشتغل فنى تكييف
فى الاستديو التحليلى

+

بالنسبه لجنابو مشكلتو بسيطه >
جماهير الغاغاب تردد بصوت واااحد
اغنية الاستاذ وردى > ارحل وخصوصا >
عيونك ذى سحابة الصيف تجافى بلاد وتسقى بلاد

Post: #41
Title: Re: الكـااااك X الغـااااغ (أستديو تحليلى)
Author: omar arbab
Date: 10-25-2010, 08:38 PM
Parent: #35

Quote: تسلم على المرور وإن شاء الله تكون من إندينا

تسلم يا كااكابي
صدق من انديكم

Post: #42
Title: Re: الكـااااك X الغـااااغ (أستديو تحليلى)
Author: سيف الدولة كامل
Date: 10-25-2010, 08:51 PM
Parent: #41

حبيبنا \ الفاضلابي ,,,, سلامات

نحن جاهزين,,بس بطلوا خرخرة.

Post: #43
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 09:02 PM
Parent: #41

Quote: ود اختنا طلع هلالابى!!!!

ياخال اقطع دراع ودالصايم
كان انا هلالابى
كيفك ياخال الشوق قواسيب.

Post: #44
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 09:19 PM
Parent: #43

Quote: مشكلتى الكبيره فى قسطنطين
كل دقيقه واقع والنقاله خماهو مودياهو الحمام

غايتو انا خايف تيمك كلو يكون عندو دوخة
Quote: ود البشرى لو ماعمل عدسات لاصقه
طوالى يمشى يشتغل فنى تكييف
فى الاستديو التحليلى

انت ياكوتش قايل ود البشرى برضى
هو داير يبقى محلل عشان يناقر طلحة.

Post: #46
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 09:47 PM
Parent: #44

Quote: حتى كوستا بندرب فيهو على ضربات الراس عشان حا يشارك في الركنيات ويكمل الهجمة للنهاية ..
لانو ما متوقعين اي مرتدات غااااغية .

اها ياطارق الكوتش
تعال شوف التدريب الماخمج
ودالجمرى بقول ليك الواضح مافاضح
وماعندهم سر ,, الزول واثق من تيمو.
يعنى بالعربى كدى بقول ليكم بلع مافى.
اها ,, نحن بقينا ناس كاااااكات ساكت
طالما ود الجمرى طمنا..

Post: #49
Title: Re: الكـااااك X الغـااااغ (أستديو تحليلى)
Author: محمد البشرى الخضر
Date: 10-25-2010, 10:05 PM
Parent: #46

بينما يستعد فريق الغاغاب لمباراة الزعيم على ذهاب نصف نهائي الكونفيدرالية
يعاني الكاكاب من العطالة و قعاد البيت و عدم الشغلة بعد الخروج المذل على يد طيش طيشة البطولتين الإفريقيتين - الجيش النيجري
ولضعف املهم في البطولة المحلية و شبه قنعهم منها تفرغ الكاكاب لمتابعة اخبار و مباريات الزعيم حامل لواء السودان و رافع شعاره في المحافل الافريقية و الدولية وماسح الصورة الشائهة التي خلفها الغاغاب و ماخد تارهم من الدياشة و الصفاقسي بإذن الله
و في خضم عطالة الغاغاب و قلة حيلتهم تراهم يسرفون في المكاكاة في اثر الزعيم يفرحون لتعادله مع الأمل الكسّى بيهم العرايا من قبل و فعل ما عجزوا عنه الا وهو التعادل مع الزعيم
بينما تتواصل استعدادات الغاغاب للإحتفال باللقب الأول للزعيم على المستوى الإفريقي الذي سيعادل فرمالة الكاكاب التاريخية
يعيش الكاكاب الرعب و الهلع هذه الأيام خاصة بعد ما تسرب ما عقدوه من أمل و رجاء على التيحة فتراهم صبيحة الإنتصار التاريخي على التيحة كالسكارى وما هم بسكارى
منهم من هرّف بما لا يعي ومنهم من لقّط ورق البورد و أكياسه ومنهم من كاكى حتى باض أو كاد
الآن تراهم عاقدين الأمل على الصفاقسي الذي اذل ناصيتهم في القلعة الحمراء و التي سميت كذا بسبب "قلع" الفنائل الحمراء يومها
وبإذن الله يخسأ ظنهم ويخيب فألهم
و يتقد العيم قدما للامام في البطولة و يتوج بها وحينها فليستعدون لغاغة ما أنزل الله بها من سلطان
بالعربي كدا المنبر دا ما بشيلنا معاكم

نواصل في القراءة التحليلية لواقع الكاكاب المزري و متابعة وضع الغاغاب المفعم بالأمل

Post: #47
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-25-2010, 09:59 PM
Parent: #44

مفاجأتنا للغاااغاااب عمر ارباب وحا نريّح طارق جبريل للشوط التاني
اذا كان الحكم المسنوح ده كشف لينا ورقتو وحذر الغاغاب منو..
هارونا ذاتو لاعب وسط متقدم وجنابو براهو شايل مفتاحو الانجليزي ومفكّو موية مافي كهرباء مافي ..
وانا نايم قفا وواثق في تيمي .. بس انتو خليكم مترقبين عمر ارباااب ده .

جاي بي مشجع/ ينو/اتو.

Post: #48
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-25-2010, 10:03 PM
Parent: #47

Quote: اها ياطارق الكوتش
تعال شوف التدريب الماخمج
ودالجمرى بقول ليك الواضح مافاضح
وماعندهم سر ,, الزول واثق من تيمو.
يعنى بالعربى كدى بقول ليكم بلع مافى.
اها ,, نحن بقينا ناس كاااااكات ساكت
طالما ود الجمرى طمنا..

فاضلابي ختو في بطنكم بطيخة عمر جنابو .
الكوتش حا يطلب التأجيل والا حا يشوف العمرو ما شافو
ومششششش حا يقدر يغمّض عينيه .

Post: #50
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 10:40 PM
Parent: #48

Quote: فاضلابي ختو في بطنكم بطيخة عمر جنابو .
الكوتش حا يطلب التأجيل والا حا يشوف العمرو ما شافو
ومششششش حا يقدر يغمّض عينيه .

صدقت ياجمرى الأيام دى قاطعين الحركة
الا بين وبينك الحكم المسنوح ده تحت تحت عرفنا انو رشاشة حسيانة.
مادى عادتهم ,, دايما محظوظين فى الحكام.

Post: #51
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 10:50 PM
Parent: #50

Quote: يتقد الزعيم قدما للامام في البطولة و يتوج بها وحينها فليستعدون لغاغة ما أنزل الله بها من سلطان
بالعربي كدا المنبر دا ما بشيلنا معاكم

يحتفظ الكااااكاب بحقهم فى الرد على هذه الغااااغة الى مابعد الثلاثين من اكتوبر ..
بالمناسبة ياود البشرى .. ليلة القدر بتجى فى الأوتار من الشهر
يعنى غااااغتك دى الا تموصوها وتشربوها على ريق الصفر الدولى او كما قال الريس.

Post: #52
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-25-2010, 10:54 PM
Parent: #51

Quote: نحن جاهزين,,بس بطلوا خرخرة.
ود الكامل ,, سلامات
خرخرة دى على وزن جرجرة (جرجرة لاعب فى التيم بتاعكو)

Post: #53
Title: Re: الكـااااك X الغـااااغ (أستديو تحليلى)
Author: khaleel
Date: 10-26-2010, 02:55 AM
Parent: #52

حكمة الصباح

الوصيف كان جابك ليهو الزيف في خشم بابو ما تقيف

غاااااااااغ

انت العجب تاني فيه موسم

Post: #54
Title: Re: الكـااااك X الغـااااغ (أستديو تحليلى)
Author: khaleel
Date: 10-26-2010, 03:07 AM
Parent: #53

Quote: الكوتش حا يطلب التأجيل والا حا يشوف العمرو ما شافو
ومششششش حا يقدر يغمّض عينيه .

يا برنس

لا تاجيل ولا حاجة

المباراة قائمة في مواعيدا في استاد ود مدني

وسيد الاتيام حا يقوم بالمهمة ونغني

في مدني يا اخواني لي محبوب جفاني

من اقوالهم

الزعيم رايق والوصيف متضايق

غاااااغ بل هي (غاااااغن ) يا غراب

Post: #55
Title: Re: الكـااااك X الغـااااغ (أستديو تحليلى)
Author: khaleel
Date: 10-26-2010, 03:32 AM
Parent: #54

فلاش غااااغ عفوا اقصد فلاش غااااغ

Post: #56
Title: Re: الكـااااك X الغـااااغ (أستديو تحليلى)
Author: محمد عبد الماجد الصايم
Date: 10-26-2010, 06:44 AM
Parent: #55

دا شنو يا عمكـ؟ إنت بتقطع لينا منتخب من راسكـ؟
يعني كيكي دا اشتروهو ناس برشلونة ولّ شنو؟

أما ناس بوب وود الريح فما عندهم وجيع ولّ كيف؟
يا زول!
أديكـ النجيضة

التحكيم فاااااااااااااااااشل

Post: #57
Title: Re: الكـااااك X الغـااااغ (أستديو تحليلى)
Author: أشرف محمد الباقر
Date: 10-26-2010, 07:51 AM
Parent: #56

.
الحبيب الفاضلابى:

والله تشكيلة الغاغاب دسمة جد بس ناقصة واااارغو عشان يجيب الكور البتطلع برة . باقى لى هى نفس التشكيلة الدرنت مع غانا بس ماظنيت أستاذنا سيف الدولة كامل (البرنس) كان لاعب فى كورة غانا عشان كان بيخنق الحكم الكاكابى لمن أدى غانا فاول جوة خط ستة غايتو ربنا ستر.

تخريمة: المصرى حاج حمد مشجع منو؟ أصلو زغبرة مامضمون وكدة. . يوم كورة الهلال والأمل قال محتار إشجع منو؟ شى عجيب والله التقول سكج بكج .. غايتو خلى يجى يتقل وارقو ورا العراضات.. لوووووووول

وراجعين...

http://www.youtube.com/watch?v=B2JMhl0xRRU
.

Post: #58
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-26-2010, 03:11 PM
Parent: #57

Quote: غاااااغ بل هي (غاااااغن ) يا غراب
خلى ,,
إذا كان الغراب فريق قوم
دلاهم على كاسات السراب
فلما ارادوا انتصارا
لاهم غلبوا ولا فرح الهلالاب
الكاس تشموه قدحة
ولو لعبتوا بى كورة شراب

Post: #59
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-26-2010, 03:15 PM
Parent: #58

Quote: التحكيم فاااااااااااااااااشل

بدينا فى الزمزغة?
الحكم حالتو رشاشة
والمساعدين رطانة
دايرين كوسة احلى من كده?

Post: #60
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-26-2010, 03:18 PM
Parent: #59

Quote: المصرى حاج حمد مشجع منو؟ أصلو زغبرة مامضمون وكدة. . يوم كورة الهلال والأمل قال محتار إشجع منو؟ شى عجيب والله التقول سكج بكج

شوشتا ,, صباح الخير
صاحبك زغبرة يوم كورة الأمل بكون زى ام العروس الجايها ودعمها.

Post: #61
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-26-2010, 04:47 PM
Parent: #60

هارونا دهـ عاوز يبقا لينا زى عبدالحميد السعودى ولا شنو?

Post: #62
Title: Re: الكـااااك X الغـااااغ (أستديو تحليلى)
Author: khaleel
Date: 10-26-2010, 04:51 PM
Parent: #61

يعني هسع الكاكاب ديل

الطيارة ما يشوفوها الا شهر تلاتة

مسكنوني النوني والله

Post: #63
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-26-2010, 06:39 PM
Parent: #62

Quote: يعني هسع الكاكاب ديل

الطيارة ما يشوفوها الا شهر تلاتة

خلي يا لذيذ وانتم على الدرب سائرون وآخر طيارة حا تركبوها التونسسسسسسسسسسسسسسسسية

فاضلابي الغاغاب مخدّرين بالميرغني واتحاد محسن سيد ومنشرحين .
مغبيين عديييل لامن يجي يوم سبتنا الموعود ويصحوا من الغيبوبة دي بصفعة قوية من الخضراء.
احييييي .. الله يدينا الفي مرادنا .

نحن اهل القبيلة الحمراء نتفاااااءل دائماً بليلة السبت ..
وتااااني الله يدينا الفي مرادنا .

Post: #64
Title: Re: الكـااااك X الغـااااغ (أستديو تحليلى)
Author: محمد البشرى الخضر
Date: 10-26-2010, 07:40 PM
Parent: #63

Quote: نحن اهل القبيلة الحمراء نتفاااااءل دائماً بليلة السبت .
خلاص برمجوا كوركم مع ناس مدني و الحصاحيصا وشلّعوها النيجراب تاني يوم السبت طوالي بالله
وكان بقينا حيين للسنة الجاية كور التمهيدي مع ناس سان جورج و الغزالة و شنو كدا ما عارف برضو
بعد داك خلاص بتكونوا وصلتوا حدكم

Post: #65
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-26-2010, 08:01 PM
Parent: #64

Quote: مغبيين عديييل لامن يجي يوم سبتنا الموعود ويصحوا من الغيبوبة دي بصفعة قوية من الخضراء.

ديل ياجمرى زى ديك المسلمية ـ بصلتو يكشّنو فيها وهو يعوعى ـ وفى رواية يغووووغى.

Post: #66
Title: Re: الكـااااك X الغـااااغ (أستديو تحليلى)
Author: mwahib idriss
Date: 10-26-2010, 08:27 PM
Parent: #65

النداء الاخير للمسافرين على التونسية المتجهة الى صفاقس عبر الزريبة

-----------------------------------------------------------------

مطر ... هوا ... عصار ... مطبات ... دغت ... مطالبة بالالغاء

Post: #67
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-26-2010, 08:44 PM
Parent: #66

Quote: النداء الاخير للمسافرين على التونسية المتجهة الى صفاقس عبر الزريبة

صفوة الصفوة هوبا
قالوا Connection الطيارة دى حا يكون فى الزريبة لأجل غير مسمى.

Post: #68
Title: Re: الكـااااك X الغـااااغ (أستديو تحليلى)
Author: mwahib idriss
Date: 10-26-2010, 09:05 PM
Parent: #67

فاضلابى يا راقى

ناس الارصاد متوقعين مطرة شتوية 5 مل

وحل شديد ... المغرب و العشاء جمعا

مع المطرة و البرد و البرد الغاغاغاغاب يجروا البطاطين و يعملوا نايمين

كامل تضمننا مع خليل فى محنة انقطاع الارسال عن قسطنطين

----------------------------------------------------------

البرد الاولى بفتح الراء التانية بكسر الراء

Post: #69
Title: Re: الكـااااك X الغـااااغ (أستديو تحليلى)
Author: ahmed khidir
Date: 10-27-2010, 00:39 AM
Parent: #68

عبد العزيز الفاضلابي
وضيوفة الكرام
والله حالتكم صعبة وتحنن
خايفين اكتر من ناس الصفاقسي

امير الجمري يا كوتش
اوعي يوم السبت تزووووووغ
قلته لي الله يديك الفي مرادك

Post: #70
Title: Re: الكـااااك X الغـااااغ (أستديو تحليلى)
Author: khaleel
Date: 10-27-2010, 02:53 AM
Parent: #69

هلالنا ضرب السبعة

والوصيف بحب السبعة

انا بحب السمك ومن دربي دا علي البحر

احتمال اقبض لي (شلباية)

حكمة اليوم

حاجة تجنن مش معقول

مريخ شلباية يذوب علي طول

Post: #71
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-27-2010, 06:58 AM
Parent: #70

Quote: خلاص برمجوا كوركم مع ناس مدني و الحصاحيصا وشلّعوها النيجراب تاني يوم السبت طوالي بالله

ناس قريعتي راحت القلتهم ديل ومعاهم ناس قريعتي راحت بتاعين العرضة شمال ديل كللللهم ما محتاجين لي يوم سبت بنرشهم في اي يوم

Post: #72
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-27-2010, 07:02 AM
Parent: #70

Quote: وكان بقينا حيين للسنة الجاية كور التمهيدي مع ناس سان جورج و الغزالة و شنو كدا ما عارف برضو
بعد داك خلاص بتكونوا وصلتوا حدكم

اما دي الفرحانين بيها انتو اسي دي ... كان (لاقدر الله) وصلتو النهائي فيها فنحن وصلنا نهااايتها قبل تلاتة سنوات
وكان برضو (لاقدر الله شلتوها) نحن عملناها قبل عشرييين سنة ..

فرق يا ود البشرى

Post: #73
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-27-2010, 07:40 AM
Parent: #72

Quote: مشهد نتمني الا يتكرر

شوهد الحبيب خليل وهو (بارك) على ركبتيه متضرررررررعاً باااااااااكياً
واضعاً امامه صورة للاعبي الصفاقسي وهم يهنئون بعضهم باحراز احد الأهداف وكان خلّي ينظر الى الصورة مردداً الجملة اعلاه ..

قعدنا جنبو وهمسنا ليهو قائلين :

انت كمان ما تباااااااالغ يا خليل
ممكن نقبلها منك لو قلتها كده : مشهد نتمنى الا يتكرر اكتر من خممممسة مرات . (المفروضة)
قوم قوم يا يابا واتنفّض من التراب ده واستغفر .. وعندك فرصة شيل معاك الصورة دي صلاة الجمعة
واقعد للعصر وادعي .

Post: #80
Title: Re: الكـااااك X الغـااااغ (أستديو تحليلى)
Author: محمد البشرى الخضر
Date: 10-27-2010, 09:22 AM
Parent: #72

Quote:
Quote: وكان بقينا حيين للسنة الجاية كور التمهيدي مع ناس سان جورج و الغزالة و شنو كدا ما عارف برضو
بعد داك خلاص بتكونوا وصلتوا حدكم

اما دي الفرحانين بيها انتو اسي دي ... كان (لاقدر الله) وصلتو النهائي فيها فنحن وصلنا نهااايتها قبل تلاتة سنوات
وكان برضو (لاقدر الله شلتوها) نحن عملناها قبل عشرييين سنة ..
جمري يا عمك شكلها الكنتة ما وقعت لك وين
بي كاسكم الفرمالة الليها عشرمية سنة و الفاينل القبل كم سنة دا لسة بتلعبوا تمهيدي زيكم وزي أي مطابع و غزالة باقي كرور افريقيا

عرفت الفرق وين؟

Post: #74
Title: Re: الكـااااك X الغـااااغ (أستديو تحليلى)
Author: عبد اللطيف عبد الحفيظ حمد
Date: 10-27-2010, 08:28 AM
Parent: #1

التحية لكل أسياد البلد

وتحية خاصة للجسور والأصيل خالد عز الدين

ويا وصيفاب في حال انتصار الهلال (إن شاء الله)، جهزوا جحوركم!!!!!

والله نطاردكم محل ما تمشوا!!!!!

بنجيب ليك التار حقكم حق (الأربعات)!!!

Post: #76
Title: Re: الكـااااك X الغـااااغ (أستديو تحليلى)
Author: ابراهيم محمد الحسن
Date: 10-27-2010, 08:52 AM
Parent: #74

Quote: ويا وصيفاب في حال انتصار الهلال
(في حال) ،،،

أمنية أكثر منها توقع ،،

كاااااااااااااااااااااااااااااك

Post: #77
Title: Re: الكـااااك X الغـااااغ (أستديو تحليلى)
Author: ابراهيم محمد الحسن
Date: 10-27-2010, 08:54 AM
Parent: #76

وأوعى من تكرار المشهد ده :

والمرة دي الضباح حريف برشة ،،

كمان كاااااااااااااااااااااااك

Post: #78
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-27-2010, 09:08 AM
Parent: #77

Quote: وتحية خاصة للجسور والأصيل خالد عز الدين

تحية لصديقي خالد

Quote: ويا وصيفاب في حال انتصار الهلال (إن شاء الله)، جهزوا جحوركم!!!!!

انتصار على الصفاقسي وللا انتصار بالكاس وللا شنو وللا شنو !!!! ركزوا شوية يا غاغاب .
Quote: والمرة دي الضباح حريف برشة ،،

برشة ينبرش برشا

وكااااااااااااااااااااااااااااااااااااااااااك
يا يوم سبتي ما تسرع تخفف لي نار وجدي
ياااااااا الله تدينا الفي مرادنا

Post: #79
Title: Re: الكـااااك X الغـااااغ (أستديو تحليلى)
Author: ابراهيم محمد الحسن
Date: 10-27-2010, 09:21 AM
Parent: #78

فيديو كاااااااااك ،،
من مصدر الكاااااااك ذاتوووو ،،

Post: #81
Title: Re: الكـااااك X الغـااااغ (أستديو تحليلى)
Author: khaleel
Date: 10-27-2010, 11:41 AM
Parent: #79

يا حمام يا زاجل عندي ليك رسايل

Post: #82
Title: Re: الكـااااك X الغـااااغ (أستديو تحليلى)
Author: ابراهيم محمد الحسن
Date: 10-27-2010, 12:30 PM
Parent: #81

أوعى تتشات القارورة ،،
بدل ما تشوتو الكورة ،،

مجرد تنبيه بعدم الإنفعال ،،

Post: #83
Title: Re: الكـااااك X الغـااااغ (أستديو تحليلى)
Author: khaleel
Date: 10-27-2010, 04:04 PM
Parent: #82

كرع

Quote: !!
يعني لاعبين الهلال ديل ثقيلين جنس ثقالة.. جعانين يجننو شبعانين برضو يجننو.. حيروا ليك ضلنا عديل كده!!

قالوا الهلال بغلب عشان لاعبنو جيعانين.. قاموا جوعوا اللاعبين اتغلبوا !!

قالوا الهلال بغلب عشان رئيسو مستقيل قام رئسهم استقال اتعادلوا ؟؟

قالوا الهلال بغلب عشان اللاعبين شبعانين.. قام شبعوا اللاعبين ما قدروا يجروا!!

الضل الاحتار في الأصل مشكلة!

ركزوا شديد مع الهلال قالوا الجماعة ديل بغلبوا عشان عندهم مدرب جديد جابوا مدرب جديد الأمل غلبهم!!

قالوا امكن (العمل) في كتف هيثم مصطفى قالوا للنفطي قول كتفك واجعك!!

المرة الجاية ناس المريخ حيفكروا يدوا اللاعبين 25% من حافز تسجيلهم..

كيف يا خالد ؟ لاعبين المريخ ماخدين حوافزهم كاملة!!

أنا قلت ليك حيدوهم 25% من الحوافز..

مش الهلال لعب كورة أحسن من برشلونة وغلب سبعة..

حيفكروا ناس الهلال ديل بلعبو الكورة الجميلة دي كيف!! حيلقوا أنو السبب ربع الحافز.. حيقوموا طوالي يدفعوا للاعبين ربع الحافز.. بختك يا طمبل!!

لكن بعد شهر 12 ده يبدأ تاني ربع الحافز الأساسي ما بتلموا فيهو!!

جمال الوالي قال ليهم حدي معاكم الساعة 12 يوم 30 حداشر.. احفظوا التاريخ ده كويس!!

12 ودقيقة زول يوريني وشو مافي!!

ونحن مركزين كويس مع وزير المالية يا سعادتك..

قال ما في ضرائب جديدة يعني ما في ضرائب جديدة!!

والهلال بضرب من كل الاتجاهات..

تركز مع مهند الضربة تجيك من مساوي.. تتابع مساوي تجيك الضربة من كاريكا.. تراقب كاريكا.. بشة يجيك من وين ما تعرف.. تراقب اللاعبين كلهم الضربة تجيك من الكنبة..

تراقب الكنبة الضربة تجيك من طارق مختار!!!

ميشو ده فكي عديل.. نحن قايلين العمل بتاع بشة شايل قونو.. اتضح أنو العمل في جيب ميشو.. أي زول بنزل من الكنبة عندو قون..

في مقولة شهيرة أطلقت على لاعب الهلال السعودي الحريف.. الثنيان.. قالوا الثنيان بديك باص بخليك انت وضميرك والمرمى!!

هيثم مصطفى بديك باص بخليك انت وضميرك ومن غير حارس مرمى.. تجيب قون يعني تجيب قون!!

الهلال بنافس روحو.. أحسن دفاع أحسن هجوم أحسن وسط.. المهاجمون بتنافسوا على لقب الهداف.. والغريبة تلقاهم كلهم متعاونين.. أي لاعب بقول لي زميلو ياخي إنت ابقى الهداف.. لا ياخي انت ابقى الهداف.. لا والله انت ابقى الهداف..

التنافس وصل مرحلة التعبير.. مهند بالهوبة العادية.. بكري المدينة بي هوبة العقرب.. وكاريكا كل قون بي حركة جديدة!!

تقول لي برشلونة.. والله متعة الهلال دي في هلال الحصاحيصا مافي!!

نحن ماشين الدوري المصري..

عايزين منافسة شوية.

على الأقل الأهلي المصري ده عندو تار معانا من زمن ريتشارد..

عايز يغلبنا كده من غير مساعدة حكم..

المصريون قالوا الحكم كيف ما شاف (يد) إينرامو..

ويد فلافيو (الدفر) بيها (مرق) دي كانت صناعية!!

ضوقو حنضل التحكيم الإفريقي!!

التحكيم الإفريقي مع الأهلي القاهري.. زي القاعدة مع أمريكا.. أدوهم السلاح واستعملوه ضدهم في النهاية!!

خلينا مع دورينا.. لحدي ما نمشي الدوري المصري..

نحن ماشين وجايين وبرضو متصدرين..

في زول يقدر يقول كلام غير ده..

يعني حتغلبوا أهلي مدني كم.. لو غلبتوا..

واحد اتنين تلاتة أربعة خمسة لحدي ستة نحن معاكم ! انتو معاهم يا الفاتح خضر..

البشوف خوفهم من الأهلي يقول لاعبين مع الأهلي السعودي. هم مش كان اتعادلوا مع الاتحاد يا مزمل؟؟!!

الأهلي زعلان وأخلاقو ضايقة.

نحن قلنا ماشين الدوري المصري.. شايف حسن محجوب مشى الدوري التونسي من زمان.. بقى بشجع في الصفاقسي..

حسن محجوب بلعب في لعبة ظاهرة.. عامل فيها بشجع في الهلال عشان (يشربو) الشراب بالنية يا حسن !! لو نيتك معانا أشربنا !

مزمل أبو القاسم قال أنا شربت الأمل.. والحقيقة أنو الأمل حلت عليهو لعنة الهلال..

خلوا بالكم يا ناس نيل الحصاحيصا.. البعطل الهلال ما بمشي لي قدام.. ده شئ معروف من زمان..

لعنة الوالدين ولا لعنة الهلال..

أجمل حاجة في مباريات الهلال أنو الفريق بكون مقتنع بالهزيمة.. الهلال ما بديك فرصة تفكر الا بعد الهدف الرابع.. الجماعة يا دوووب بعد الرابع بفكروا ياخروا الكورة.

تلقى الفريق مغلوب ستة وبرجع في الكورة لي وراء وحارسو بأخر في الزمن!!

والله أحكام يا زمن..

محسن صالح.. أقصد محسن سيد لما خلاااص غلبتو بقى يغالط مساعد الحكم في رمية التماس!!

يا ناس.. ده هلال ولا أنناس..!!

Post: #84
Title: Re: الكـااااك X الغـااااغ (أستديو تحليلى)
Author: omar arbab
Date: 10-27-2010, 04:05 PM
Parent: #82

Post: #85
Title: Re: الكـااااك X الغـااااغ (أستديو تحليلى)
Author: khaleel
Date: 10-27-2010, 04:18 PM
Parent: #84

Quote: تمسك مهاجم المريخ عبدالحميد السعودي بعدم العودة للتدرييات في ظل وجود المدرب الالماني كروجر في قيادة الجهاز الفني للفريق وشكا السعودي لمجلس الادارة من الاستهداف الذي ظل يتعرض له وابعاده نهائياً من المباريات وقال أن هذا المدرب يستهدفه وأنه لن يعود الى التمارين لان هذا الكروجر اصابه بالاحباط ودمره معنوياً وابدى عبدالحميد السعودي اسفه من موقف مجلس الادارة الذي ترك الحبل على الغارب للمدرب ليظلم اللاعبين ويستهدفهم وطالب السعودي بشطبه من كشوفات الفريق خلال فترة التسجيلات المقبلة حتى يواصل مشواره مع ناد آخر لانه لاعب كرة محترف ويحد نفسه في ممارسة الكرة داخل المستطيل الاخضر.

تعال يا ميدو

ممكن نخت ليك بويا في الكنبة

غاااااااغن غاااااااااغن

Post: #86
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-27-2010, 05:12 PM
Parent: #82

احمد خدر ,,
سلامات ,,
Quote: والله حالتكم صعبة وتحنن
خايفين اكتر من ناس الصفاقسي

كدى يا خدر افصل الصفاقسي واكسر القاف دى تديك شنو?
الصفــــــــا قســـــى
نرجو الا يقسو يطيركم بس وماتركوا الا فى الزريبة.
عبداللطيف ,,
سلامات
Quote: ويا وصيفاب في حال انتصار الهلال (إن شاء الله)، جهزوا جحوركم!!!!!

وفى حال الرش تلزموا زرائبكم

برهوم ياصفوة
Quote: والمرة دي الضباح حريف برشة ،،

المرة دى ضبح وسلخ

Post: #87
Title: Re: الكـااااك X الغـااااغ (أستديو تحليلى)
Author: khaleel
Date: 10-27-2010, 05:16 PM
Parent: #86

Quote: كامل تضمننا مع خليل فى محنة انقطاع الارسال عن قسطنطين

يا مواهب

منتظرين لينا خبر من مدني بعد ساعتين

اهلينا ارجنتينا

غااااغن غاااااغن

Post: #88
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-27-2010, 05:50 PM
Parent: #87

ارباب الارباب
قلت لى الجماعة ودوا بول المسكين فى داهية?
الله يستر على طلحة.
ياخ ديل ودوا ودملاح اللالوبة ,, تقول لى بول?

Post: #89
Title: Re: الكـااااك X الغـااااغ (أستديو تحليلى)
Author: khaleel
Date: 10-27-2010, 07:40 PM
Parent: #88

هسع عليك الله يا ود عمي

مهدي بن ضيف الله

فرقو شنو من اسامة امدوم

نفس الملامح ( والشبحة)

Post: #90
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-27-2010, 07:43 PM
Parent: #88

Quote: يا مواهب

منتظرين لينا خبر من مدني بعد ساعتين

أها الخبر وصل ولا لسه?
Quote: اهلينا ارجنتينا

اهلينا ارجن طينا
Quote: غااااغن غاااااغن

كااااكن كااااكن

Post: #91
Title: Re: الكـااااك X الغـااااغ (أستديو تحليلى)
Author: الطيب شيقوق
Date: 10-27-2010, 08:19 PM
Parent: #90

كاااااااااااك يا معتز

كااااااااك يا الفاضلابي جاييكم حكم خطيييييييير

Post: #92
Title: Re: الكـااااك X الغـااااغ (أستديو تحليلى)
Author: khaleel
Date: 10-27-2010, 09:02 PM
Parent: #91

الجاب لاسانا

يجيب كاسروكا

غاااااغن غاااااااغن

Post: #93
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-27-2010, 09:40 PM
Parent: #92

Quote: كااااااااك يا الفاضلابي جاييكم حكم خطيييييييير

الله ياشيقوق ,, تخيل النهار ده اتكلمت مع منو??

مع الجميل فرح تيركة
الأستاذ قدورة كتر الف خيرو كان فى السوكى اليوم
وضرب لى من عند الأستاذ فرح ويا لها من لحظات
اهاجت ذكريات انت تعرفها,, عقبال نتشاوف فى الدنيا الغرارة دى.

Post: #94
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-27-2010, 09:43 PM
Parent: #93

Quote: الجاب لاسانا

يجيب كاسروكا

الجاب الأربعاء يجيب السبت
ات ياود عمى دحين الليلة الجمعة ولا انا غلتان.

Post: #95
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-27-2010, 09:48 PM
Parent: #94

ده الحكم ياشيقوق

Post: #96
Title: Re: الكـااااك X الغـااااغ (أستديو تحليلى)
Author: khaleel
Date: 10-27-2010, 09:54 PM
Parent: #95

Quote: الجاب الأربعاء يجيب السبت
ات ياود عمى دحين الليلة الجمعة ولا انا غلتان.

والله يا ود عمي

الاسبوع دا مشي بسرعة رهيبة

الله يستر علينا من المفتش

Post: #97
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-27-2010, 10:37 PM
Parent: #96

Quote: الفاضلابي
سلامات يا اخي
والله بقت عليكم قصة اللخو القاعد يرقص في الحفلة رقيص شديييييد وعرقان وكل مرة يقطع ليه جك موية ويواصل
اهل العروس قالو ده اخو العريس
واهل العريس قالو ده قطع شك اخو العروس
وكل ما الفنان يقيف هو يكورك واصل يا اخينا واصل
لما الناس احتارو فيهو مشو اتنين
واحد من اهل العروس وواحد من اهل العريس سالوه
يا اخينا شايفنك مجتهد جدا في حفلتنا دي لكن ما عرفناك
اللخو من وين؟؟
قال ليهم لا لا
انا اخو الترزي الفصل بدلة العريس
اها اظنكم كدي اخوان الترزي ده مش كدي؟؟؟
في حفلة تونس والاسياد دي بقيتو اخو الترزي بس
مودتي

الله ياعمر والله ماشفت مداخلتك الظريفة دى الا هسى
العتب على على خليل الشفقان ده ياخ.
ياعمر خليل ده من شفقتو ورجفتو (يرجف زى الترزى يوم الوقفة)
من شفقته انا نزلت البوست وقبل ما اكتب حاجة لقيتو ليك توش
التقول عنده منبه ,,
تسلم ياخ على المرور ,, والمهم الهلال مرشوش مرشوش
كان بقينا اخوان الترزى كان بقينا اخوان شيوعيين.

Post: #98
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-28-2010, 05:38 AM
Parent: #97

Quote: الجاب الأربعاء يجيب السبت

آمين يا فاضلابي ويدينا فيهو الفي مرادما

Quote: ياود عمى دحين الليلة الجمعة ولا انا غلتان.

خليل اطبع خمسة صور وشيلن وزعن خلي اربعة كمان يدعوا معاك كلو واحد يشيل
واحد من الخممممسة عشان تسهل المهمة لانو الطلب صعب على زول واحد

Post: #99
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-28-2010, 05:43 AM
Parent: #98

Quote: والله يا ود عمي

الاسبوع دا مشي بسرعة رهيبة

الله يستر علينا من المفتش

البطانية البطانية يا فاضلابي الحق ود عمك ده الرجفة زادت والسقط جاء

السقط والصفاقسي بشبهن بعض كده مالن؟

وكاااااااااااااااااااااااااااااااااااك

Post: #100
Title: Re: الكـااااك X الغـااااغ (أستديو تحليلى)
Author: khaleel
Date: 10-28-2010, 05:56 AM
Parent: #99

Quote: البطانية البطانية يا فاضلابي الحق ود عمك ده الرجفة زادت والسقط جاء

السقط والصفاقسي بشبهن بعض كده مالن؟

وكاااااااااااااااااااااااااااااااااااك

يا برنس

نحن بتاعين مقبرة بس

كان لقينا حاجة في تونس حلا وحمار وكان ما لقينا

ليك علي في المقبرة الصفاقسي ندقو لامن ياكل ايديهو

Post: #101
Title: Re: الكـااااك X الغـااااغ (أستديو تحليلى)
Author: ابراهيم محمد الحسن
Date: 10-28-2010, 06:51 AM
Parent: #100

خلي ،،
Quote: نحن بتاعين مقبرة بس
نان خمسة مازيمبي دي كانت وين يا ربي ،،

الظاهر اليوم داك مفعول الحمار المدفون في الزريبة فكة ،،

كااااااااااااااااك ،،

Post: #102
Title: Re: الكـااااك X الغـااااغ (أستديو تحليلى)
Author: khaleel
Date: 10-28-2010, 09:17 AM
Parent: #101

nice

Quote:

اللييييلا.. الحصار الاقتصادي جاكم!!!!!
* شفتوا الأرباب كتب شنو أمس؟

* الجعلي حرن، وركب راسو!

* قال اتفق مع لاعبين للتسجيلات وحا يوديهم أهلي شندي!

* من حقو يا جماعة.. ومعذور يا اخوانا، زول يلومو مافي!

* الجماعة لهفوا قريشاتو ونكروها!

* 25 مليار بنات حفرة بلعوها جب، وقالوا لا شفنا لا رأينا!

* شفتوا ليكم ذمة تبلع 25 مليار؟ حولا!

* وناس الرشيد قالوا تعريفة حمرا ما دفعها!

* وكمان العمدة سعد قال (مو نافع)!

* شفتوا التنكر لحفيد المك؟

* وكمان شيخ العرب قال ورثنا أوضاعا مأساوية!

* معقولة الزول الجا أمبارح يهاجم في الأرباب الشايل الهلال في ضهرو 8 سنة؟

* الأرباب الركبكم الطيارات الخاصة، وصرف عليكم بالمليارات بقى (مو نافع)؟

* كان الأرباب الجعلي الحر (مو نافع).. النافع عندكم منو؟

* حليل قريشاتك يا حفيد المك.. راحت شمار في مرقة!

* أهلك اتنكروا ليك!

* تستاهل، وصلتهم النهائيات وغلبت ليهم الأهلي وجبت ليهم سادومبا، وديمبا، وكاريكا الفرفارة، ورجعت البرنس (دفعة أحمد دولة) وقلعت حمودة وعلاء الدين من نسيبك المريخابي وخليت خشمو ملح ملح!

* وصلحت الإستاد.. وسفرتهم بالطيارات الخاصة، وجبت المحترفين، وسجلت المحليين، لا خليت بكري المدينة ولا بويا لا جمعة لا ديمبا الكراعو زي الطالوش!

* وشلت مننا الدوري خمس مرات، حتى كأس السودان يا كافي البلا ما خليتو لينا!

* وبعد ده كلو قالوا عليك ماك نافع وخليت الحالة شلش!

* دي كلام ده يا الأرباب؟

* يا حفيد المك أوعك تسكت على الكلام ده!

* شيل التيم كلو وديهو أهلي شندي!

* والفايض أديهو النيل والحوش ومويس والمتمة كمان!

* كلو إلا الحقارة، في جعلي برضى الحقارة؟

* لا تخلي ليهم سادومبا لا المعز الأدوهو فيلا بالأقساط المريحة!

* قال إيه؟ الأرباب مو نافع، وخلى لينا أوضاع مأساوية!

* شوفوا جنس التنكر ده يا ناس؟

* نحن حبيبنا جيمي لا هسه نبكي ونجعر علي فراقو، وربطنا خيمتنا قدام بابو!

* كان ما رجع تب ما بنخليهو!

* معقولة زول بنى لينا النادي والإستاد وجاب لينا المحترفين والمدربين الأجانب نقول عليهو (مو نافع)؟

* يا أرباب أوعك تسكت ليهم.. أديهم بالحتة الفيها الحديدة!

* الجماعة لقوا ليهم شوية قريشات من شركة سما ميديا قاموا اتفرعنوا على الجعلي!

* والجعلي ختري، وما برضى الحقارة!

* ده كلو منك يا الفاتح عز الدين.. ويا همد!

* شممتوهم دولارات شركتنا بتاعة (سما ميديا) انقلبوا علي الأرباب!

* كانوا مقحطين.. علي الحديدة!

* اللعيبة جيعانين يبكوا ويطلعوا في البيانات، وأمهات ناس سادومبا وديمبا عيانات، والحالة تحنن الكافر!

* هسة بقوا يوزعوا في الفلل على اللعيبة!

* ده كلام ده يا الفاتح عز الدين؟

* يا أرباب أوعك تسكت علي الحقارة!

* كان أديتهم رحلة سريعة لي نيالا تكون ما قصرت!

* قالوا زولك بتاع نيالا سرو باتع!

* في الدورة الأولى جيتونا راقدين سلطة لحقنا أمات طه!

* النصيحة ليك يا الله زولك بتاع نيالا ختري!

* جينا نتفشى رجعنا حالتنا بالبلا!

* لو قال داير أسماء أمهات لعيبة الصفاقسي أنا بجيبها ليهو!

* تونس ما بعيدة.. بسوق النفطي ومرابط وأسافر باكر!

* شخارم بخارم الوصيف يصبح وشو وارم، وشبكتو مخرومة!

* دايرين خمسة زي بتاعة مازيمبي.. ومعاها عصيير فييرا البيلف الراس!

* والصفاقسي ده نحن مجربنو وعارفنو كويس!

* قبل كده ضربنا أربعة في إستادنا والشمس حية!

* خلانا ما قادرين نفرق بين ######ظة وجمال الوالي!

* يا الأرباب حكاية تودي اللعيبة أهلي شندي دي لا بتفشك لا بتفشنا!

* أديهم بالتقيل!

* قال إيه: أوضاع مأساوية قال!

* عمركم ركبتوا طيارة خاصة إلا مع الأرباب؟

* عمركم سفرتوا معاكم ملحنين وفنانين وشعراء إلا في عهد الأرباب؟

* عمركم أخدتوا خمسة من مازيمبي إلا في عهد الأرباب؟

* لو ما الأرباب كان انتهت تسعة!

* مش غلبوا ليكم في الكنغو؟ تاني في كلام؟

* الدولار ده شفتوهو وين قبل ما يجيكم الأرباب؟

* تقولوا خلى ليكم أوضاع مأساوية؟

* يعني الأوضاع المريحة جاتكم مع البلولة ومعتز كبير؟

* غايتو البعرفو الأرباب ده جعلي، والجعلي يعدي يومو خنق!

* الحصار الاقتصادي محمدكم!

* تاني (بيطار) بي شارعها ما تجو!

* وزول نيالا أهم زول يا أرباب!

* خليهو يشتغل مع ناس هبطروش وشهمروش وبطلخروس ويلحقهم أمات طه من الكورة الأولى!

* نحن ذاتنا ما عندنا صبر للكورة التانية!

* مافي زول يقول حسن محجوب خبيث وداير يحرش الأرباب!

* في جعلي داير ليهو حريش؟

* كل الحكاية انا زعلان للأرباب عشان اتنكروا ليهو، لا داير أحرشو لا حاجة!

* قالوا خلى لينا الحالة شلش.. ودي براها كفاية!

* أولاً بالتبادي رجعوا الخمسة وعشرين مليار وبعدين اتفاصحوا!

* واللييييييلا الحصار الاقتصادي جاكم!

* وكشة شندي محمداكم!

* ويا الفاتح عز الدين ويا همد السويتوها رقدت!

Post: #103
Title: Re: الكـااااك X الغـااااغ (أستديو تحليلى)
Author: Hassan Senada
Date: 10-28-2010, 09:18 AM
Parent: #102

الصفاقسي يتهم الهلال بشراء الحكم الاوغندي
الخميس, 28 أكتوبر 2010 06:59 .اكدت احدى الصحف التونسية الالكترونية أن إثنين من إدارة الهلال السودانى " لم تسميتهما " توجها ليوغندا لمقابلة حكم الساحة محمد سيجونجا ومساعده الأول حسين بوجمبى ومساعده الثانى يحيى كيتى والحكم الرابع على كاتينغو ، ولم تكتفي الصحيفة عند هذا الحد بل اكدت أنها إتصلت بمسؤول في نادى الصفاقسى ونسبت له المعلومة حيث اشار الاداري بنادي الصفاقصي الى أن معلومات بهذا الشأن وصلته فعلا وهو يتابع الأمر بجدية لكنه لن يستطع إرسال مكتوب للكاف بهذا الخصوص لغياب الأدلة .

Post: #104
Title: Re: الكـااااك X الغـااااغ (أستديو تحليلى)
Author: محمد البشرى الخضر
Date: 10-28-2010, 09:32 AM
Parent: #103

Quote: لكنه لن يستطع إرسال مكتوب للكاف بهذا الخصوص لغياب الأدلة .
مافي صفوة جدع كدا يتبرع و يتكفل بالمهمو دي عن الصفاقسي
التوانسة ناس حساسين وما بتحملوا الإحراج لكن حبايبي المغسلين وشوشهم بمرقة ديل ما عندهم قشة مرة
بس يا شكواب المرة دي ما تفشّلونا و تنسوا الأورنيك الأصفر كالعادة - خاصة الدولارات مافي زي زمان وكدا

Post: #105
Title: Re: الكـااااك X الغـااااغ (أستديو تحليلى)
Author: ابراهيم محمد الحسن
Date: 10-28-2010, 09:33 AM
Parent: #103

متعودة،،،،

دائماً ،،،،،،،

كااااااااااااااااك

Post: #106
Title: Re: الكـااااك X الغـااااغ (أستديو تحليلى)
Author: Hassan Senada
Date: 10-28-2010, 10:37 AM
Parent: #105

Quote: مافي صفوة جدع كدا يتبرع و يتكفل بالمهمو دي عن الصفاقسي

مايحتاج ياود البشري الصفاقصى سوف يطبق فيكم نفس نظرية الاسماعيلية رايح جاى

Post: #107
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-28-2010, 04:49 PM
Parent: #106

هارون دياب ده ياجماعة مالو مجافى البوست ده
ده النداء الأخير ,, جيت جيت ماجيت بعد كدى
انا ببقا هلالابى ,, ونفس الشئ للمحلل شيخ
طلحة.

سنادة سلامات ياخ ,,
إنت سنادة بتاع عطبرة ولا سنادة تانى
مايهم المهم انك احمر الهوى.

Post: #108
Title: Re: الكـااااك X الغـااااغ (أستديو تحليلى)
Author: khaleel
Date: 10-28-2010, 04:55 PM
Parent: #107

Quote: هارون دياب ده ياجماعة مالو مجافى البوست ده
ده النداء الأخير ,, جيت جيت ماجيت بعد كدى
انا ببقا هلالابى ,, ونفس الشئ للمحلل شيخ
طلحة.

ود عمي والله

هارون عصار ما يجيبو هنا

الراجل عندو حاسة شم قوية وعارف الهلال

السنة دي خطير برشا

Post: #109
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-28-2010, 05:01 PM
Parent: #108

Quote: الراجل عندو حاسة شم قوية وعارف الهلال

لا لا ياولد العم هارون ده ساكت ليهو فوق راى.

Post: #110
Title: Re: الكـااااك X الغـااااغ (أستديو تحليلى)
Author: khaleel
Date: 10-28-2010, 05:03 PM
Parent: #109

Quote: لا لا ياولد العم هارون ده ساكت ليهو فوق راى.

قالو يا ود عمي

عبد الحميد السعودي عايز اعمل جبهة عريضة برضو

Post: #111
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-28-2010, 05:09 PM
Parent: #110

Quote: قالو يا ود عمي
عبد الحميد السعودي عايز اعمل جبهة عريضة برضو

الله يستر مايكون فيها تراجى .

والمعز قالوا ياودعمى داير يسوى ليهو (شبكة عريضة)

Post: #112
Title: Re: الكـااااك X الغـااااغ (أستديو تحليلى)
Author: khaleel
Date: 10-28-2010, 05:10 PM
Parent: #111

Quote: والمعز قالوا ياودعمى داير يسوى ليهو (شبكة عريضة)

ياخي المعز قبض ليهو فيلا كاملة

جزم تاني نملة ما تخش الشبكة

خليها الكورة الكبيرة دي

Post: #113
Title: Re: الكـااااك X الغـااااغ (أستديو تحليلى)
Author: عبدالعزيز الفاضلابى
Date: 10-28-2010, 05:14 PM
Parent: #112

Quote: ياخي المعز قبض ليهو فيلا كاملة

جزم تاني نملة ما تخش الشبكة

خليها الكورة الكبيرة دي

جزم كان وقفوا معاه غفير الفيلا والطباخين ,, مرشوشين مرشوشين.
رايح جاى

Post: #114
Title: Re: الكـااااك X الغـااااغ (أستديو تحليلى)
Author: الطيب شيقوق
Date: 10-28-2010, 10:32 PM
Parent: #113

انتم طيبون

Post: #115
Title: Re: الكـااااك X الغـااااغ (أستديو تحليلى)
Author: الطيب شيقوق
Date: 10-28-2010, 10:32 PM
Parent: #113

انتم طيبون

Post: #116
Title: Re: الكـااااك X الغـااااغ (أستديو تحليلى)
Author: khaleel
Date: 10-29-2010, 07:45 AM
Parent: #115

يا سلام عليك يا محمد عبد الماجد

Quote: انا عرفت ليه كروجر ما بشرك (مهدي بن ضيف الله وهيثم المرابط)..في التشكلية.

{ اتاريه عندو (فهم).

{ وعندو (نظرية) في الحتة دي.

{ الخواجة دا طلع ما ساهل.

{ طلع فاهم أي حاجة.

{ نحن ساكت كنا بنهاجم في (البرمودة).

{ البرمودة هسع ذنبها شنو؟.

{ وعرفنا ليه كروجر بطلع عبدالكريم النفطي من الشوط الاول.

{ عرفنا السبب.

{ عشان كدا.

{ كروجر بعتمد على (الحكام)...عشان كدا ما بشتغل بالتوانسة.

{ خلاص يا الهلالاب طفشتوا (وارغو)..وعاوزين تقبلوا على (التوانسة).

{ انا اول مرة اشوف لي تونسي محترف ..جايبنو بالشيء الفلاني ...يقعد احتياطي لي سعيد السعودي.

{ الشغيل ...الشغيل بيلعب.

{ في (هملة) اكتر من كدا.

{ خسارة توانسة ساكت.

{ كنبة المريخ من التوانسة (شمعت).

{ مهدي بن ضيف الله في الفندق.

{ النفطي في الميدان.

{ هيثم المرابط في القمصورة.

{ البسمع كلمة (المرابط)...يقول الله يورني (القزاز).

{ قزاز شنو يا زول؟.

{ هسع (القزاز) ذنبو شنو؟.

{ لكن انتوا ما بتتفقوا معاي في (تبزير) في الحتة دي.

{ يعني في داعي تجيبوا ليكم (جالية تونسية) كاملة في البلد دا وتلعبوا منها فد لاعب.

{ واللاعب البتلعبوا ذاتو بيلعب شوط واحد.

{ نظام شنو؟.

{ نظام (عينة) كدا.

{ زي العينة البشلوها من الدم للفحص.

{ او زي الزول الشغال موظف ...وعندو (تاكسي) بطلع بيه بعد ستة.

{ هسع (النفطي) دا لو قعدتوا مع (مرق) ما كان احسن ليكم.

{ تسجلوا ساكت.

{ التوانسة في المريخ بقوا اكتر من (السودانيين).

{ المشكلة ..الجماعة ديل بقوا لي (العجب) في رقبتو.

{ النفطي دا يلعب شوط واحد ...ويتفرغ في الشوط الثاني للهجوم على العجب.

{ النفطي قال العجب ما بنفع (قايد).

{ شوفوا الحقارة.

{ والله دا الفضل.

{ نحن العجب دا ما بنقبل فيه أي حاجة.

{ ما بنفع قايد كيف يعني؟.

{ قالوا ليك نحن عاوزين نحارب بيه.

{ العجب دا انت ما عارف يا النفطي ودانا (غانا).

{ انا اول مرة اشوف لي زول يودينا (غانا)..ويقعد هو.

{ العجب في مباراة المنتخب الاخيرة امام غانا ..رفض يسافر...اعتذر زي كل مرة.

{ وبعد دا يقولوا ودانا (غانا).

{ هو زول بي رقبتو ما مشي ..يودانا نحن.

{ محن والله.

{ عندي ليكم رأي...هيثم (المرابط) دا عينوه مدير نادي.

{ او مدير استاد.

{ احسن من يقعد (يرابط) ليكم في الفاضي.

{ دا زي الزول البسمي (مربوطة) في الوست...وورقو (مفرمل) بي ولد هارتي.

{ هي (المربوطة) دي بسموها ساكت.

{ الحاجة الغريبة.

{ المريخاب فرحوا بتعادل الهلال مع الامل.

{ شوفوا (الكسوف).

{ انتوا مفروض تخجلوا ... نحن التعادل دا بسطنا ...عشان وضح لينا الفرق.

{ نحن بنلعب كورة عديل كدا.

{ ما بنستعين لينا بي (حكم).

{ بالله عمار مرق دا تقول كان بيلعب في (روسيا).

{ روسيا هسع ذنبها شنو؟.

{ قالوا ليك روسي اشتري ليه (جدادة)...وقعد يراقب فيها.

{ من الواطة تصبح هو براقب في (الجدادة) وبسجل في الورقة.

{ الساعة خمسة صباحا وقفت على فد رجل.

{ الساعة سبعة وقفت على الرجل التانية.

{ الساعة تمانية نزلت من الفرع.

{ الروسي شغال كدا ...مراقبة من خمسة صباحا الي السابعة مساء.

{ في واحد (وصيفابي)...شاف ليك الروسي ديل براقب في (الجداد).

{ قال احسن حاجة اشتري لي (جدادة).

{ والاحسن من كدا ..اقعد اراقب في (الجدادة).

{ الروسي دا ما بكون براقب في الجدادة دي من فراغ.

{ احتمال الموضوع دا فيه (جائزة).

{ او فيزا.

{ او رحلة للقمر.

{ تب (الروسي) دا ما براقب في (الجدادة) دي ساكت.

{ المريخاب اصلو كدا لو شافوا ليهم زول عمل ليه حاجة اليوم التاني بعملوا نفس الحاجة.

{ نحن كرهونا بالتقليد.

{ الواحد لو حلق شعرو ساكت ..بكرة تجي تلقي المدرج كلو حصل.

{ انت تعال هنا...ما قلت لينا.

{ الروسي كان براقب في (الجدادة) ليه؟.

{ كان براقب فيها (تجربة).

{ عاوز يوديها (القمر)..انتوا مالكم بتتخبروا.

{ أي حاجة عاوزين تعرفوها.

{ كدا ما كويس.

{ ما في داعي تعرفوا أي حاجة.

{ يعني تفتكرو الروسي دا كان براقب في (الجدادة) عاوز يناسبها.

{ الروس ديل ما بعملوا حاجة ساكت.

{ ناس بفكروا.

{ وبجضموا الكفر.

{ الكفر هسع دخلو شنو؟.

{ لكن نحن بالجد كدا عمار مرق بالغ معانا.

{ يا مرق شنو يا ابو الشباب؟.

{ تقول ما كان بيلعب مع (مدثر كاريكا).

{ عمار مرق اتغابي فينا العرفة.

{ هيع ...عافي منك انا ...الهلالاب اصلو بيلبعوا كدا.

{ الكورة عندهم كورة.

{ نحن نلقاها من احمد سعد وإلا من عمار مرق.

{ احمد سعد دا اتحول مصارع وقعد.

{ في زول بضرب هيثم مصطفي (حفظه الله ورعاه).

{ السنة دي لو موسم (السمسم) ضرب...السبب احمد سعد.

{ لو صناعة السكر طرشقت ...السبب احمد سعد.

{ لو الدولار ارتفع ...السبب احمد سعد.

{ ناس ما عندها عشرة.

{ نحن ما عاوزين منكم حاجة ...لكن العبوا بي اخلاق.

{ ما شفتوا مجاهد احمد محمد ...لعب ليه 3 شهور في المريخ ...وهسع واقف السنة كلها في الخط.

{ يا مجاهد انت دي عرفت من متين؟.

{ 3 شهور تخليك تنسي اصلك.

{ على الاقل ناس جزيرة الفيل ديل مفروض يكون ليهم خاطر عندك.

{ انت ما شفت ابراهومة دا وقت يلعب النيل مع المريخ بيلعب لعب مفتوح كيف؟.

{ اغلبونا يا جماعة.

{ عملتها ظاهرة.

{ يغلبوه ..ويتمها تصريحات.

{ الغريبة ابراهومة بهاجم (الحكم)...عشان ما تبقي واضحة.

{ الموردة عشان مدربها غريب ..ناس المريخ استعانوا عليها بالحكم.

{ ناس بالحكم ..وناس بالحافز.

{ معتز عبدالباسط دا من وين؟.

{ دا عمل حاجات ...(العجب) في (شبابو) ما بعملها.

{ العجب (زمان) ما كان خطير كدا.

{ ناس الموردة يجيبوا قون ..ما يعدو ليهم.

{ ناس المريخ يسجلوا من (تسلل) يحسب ليهم الهدف.

{ كورتكم دي (صورة مقلوبة).

{ ناس الموردة يعملوا معاهم ضربة جزاء ..الحكم يقول ليك : مشي ..مشي.

{ حكم تقول جايبنو (صدقة).

{ دا شنو البعمل فيه الحكم دا.

{ انتوا يا ناس المريخ ما بتخجلوا.

{ ما بتتعقدوا من الحكاية دي.

{ بتعملوها ظاهرة.

{ هسع تعادلنا مع الامل دا ...ما افضل من فوزكم (الخجول) على الموردة.

{ الموردة دي نحن بدون حكم ....اخذت مننا ستة.

{ انتوا بالحكم .يا الله ...الله ..غلبتوها بفارق هدف.

{ الغريبة (راجي) كان فرحان بالهدف.

{ انت يا اخوي ..عملت ليك حاجة.

{ الشغل دا كلو قايم بيه الحكم.

{ الحكم والحوافز.

{ الظاهر كدا ...الموردة حضارة.

{ الموردة جسارة.

{ ما بتقبل بالحافز.

{ حافز نهي.

{ نحن لو لقينا حكم زي حكمكم الحكم ليكم كورة الموردة ...بنجيب كأس العالم للاندية.

{ ولا بنتلفت.

{ ولا بنعسكر للموضوع دا.

{ ولا بنجيب لينا (توانسة).

{ التوانسة نعمل بيهم شنو؟..ونحن (الحكام) ما بقصروا معانا.

{ ولا عاوزين لينا مدرب اجنبي.

{ نحن (ميشو) حقنا مسكين ...المباراة ما بنوم ليها.

{ بساهر ليها عديل.

{ زول تعبان وشايف شغلو.. ما زيكم...حكمكم ما فاضل ليه إلا يقلب الهوبة وقت المريخ يسجل ليه (هدف).

{ انتوا يا ناس المريخ ...حكمكم دا طلع اخطر من (ابوتريكة).

{ انا اول مرة اشوف لي حكم ...خطير كدا.

{ ولا بتلفت ...(الهدف) بيلغي من قولة تييت.

{ انتوا الحكم دا ...فاكر الكورة دى في (عطارد).

{ فاكر انو ما في زول شايفو.

{ لو دي كورتكم...(التوانسة) ما في داعي ليهم.

{ سرحوهم.

{ نحن ح نقعد نتكلم عن الموضوع دا الي ان يتم اعارة (الحكم) محمد عبدالباسط الي ليبيا.

{ انتوا بس اصبروا.

{ نحن أي حاجة عندنا بي نظام.

{ والله نحن نظامك دا ما شايفين فيه أي نظام.

{ ملحوظة: النظام نظام.

هوامش

{ الهلال والميرغني اليوم ...عاوزين نكون فيها الافضل هجوما.

{ الهلال الان الافضل دفاعا.

{ ونريده ان يكون الافضل هجوما.

{ لكن مع غياب هيثم مصطفي ...الحكاية دي بتبقي صعبة.

{ هيثم مصطفي يجب عدم المجازفة بمشاركته دون ان يتكمل شفاءه.

{ الهلال كل 48 ساعة بقي يلعب مباراة.

{ بويا ..يمكن ان يعيد اكتشاف فضيلة التهديف من بعد اليوم.

{ شاهدوه واحكموا.

{ بكرى المدينة ..يحتاج الي مساندتكم.

{ شجعوه ..وسألوه من الشبكة.

{ بشة مفروض يعاقب على الكرت الاحمر الذي طرد به في مباراة الهلال واهلي مدني.

{ سادومبا امام الامل كان غايب.

{ لم يكن له اثر.

{ مباراة الصفقاصي ..يجب ان يذهب الهلال اليها من اجل الانتصار.

{ احسموا موضوع الصفاقصي في تونس ...عشان نجي نحسم موضوع الممتاز.

{ هل يعقل ان يلعب الهلال يوم الاربعاء مع الامل ..ويوم السبت مع الميرغني كسلا ويوم الثلاثاء مع الاتحاد مدني ثم يسافر ويلعب في تونس يوم 30 ...ويوم 3 نلعب في الحصاحيصا مع النيل.

{ دي كورة دي وإلا قرعة اراضي.

{ جدول مباريات الهلال بقي اسرع من سادومبا.

{ الهلال وقع مع شركة راعية ..وإلا شركة جارية.

{ نفسنا اتقطع.

{ ميشو ليه حق ما ينوم.

{ دا وقت ينوموا فيه يا كروجر.

{ خبر عاجل : ما في داعي للاحراج.

Post: #117
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-29-2010, 11:04 AM
Parent: #116

خلي ماتنسى الصورة

بركة الجمعة الجامعة والكلمة السامعة
ياااا ربي تدينا الفي مرادنا

Post: #118
Title: Re: الكـااااك X الغـااااغ (أستديو تحليلى)
Author: امير عوض الجمري
Date: 10-29-2010, 11:20 AM
Parent: #117

Quote: قولوا هضربة زول لاعب مع الصفاقسي بكرة!!

دي آخر جملة في عمود اخونا خالد عزالدين في الصدى .

انا قلت حاجة !!!!!!!!!!

Post: #119
Title: Re: الكـااااك X الغـااااغ (أستديو تحليلى)
Author: haroon diyab
Date: 10-30-2010, 06:54 AM
Parent: #100

واخيرا وصل الكابتن

وهو يحمل معه.....

الكاكااااااااااااااات

المحمولة جوا

وكااااااااااااااااااااااااااااك

فاضلابي ياقلب

سلاااااااااااااااااااااااااااام

ولجميع افراد فريق الكاكات

وموعدا مساء اليوم

اليس اليوم بقريب......؟

Post: #120
Title: Re: الكـااااك X الغـااااغ (أستديو تحليلى)
Author: haroon diyab
Date: 10-30-2010, 06:55 AM
Parent: #119

معليش ياصفوة

لون الشعار

لكف العين....!!!!!

وبرضو.....

كاااااااااااااااااااااااكـ

Post: #121
Title: Re: الكـااااك X الغـااااغ (أستديو تحليلى)
Author: أمين يحيى
Date: 10-30-2010, 08:08 AM
Parent: #120

نحياتي يا فاضلابي وجميع الغاغاب والكاكاب واليوم موعدنا .....
وآخيراً نحن برضو هنا ... إنتو يا وصيفاب قايلين تغيير التشكيلة في آخر لحظة دة بيفوت علينا!!!!؟
نحن يا هارون لابدين ليك وعارفين المدرب حينزلك في الشوط التاني عشان كدة لبدنا ليك في اللفة ...
النصيحة كدي تاركم بنجيبو ، لكن بس أعفونا من قصة نجيب أربعة أقوان في تونس ... المهم تاركم بناخدو ليكم
إنتو كمان الطمع عليكم شنو زي الأقرع ونزهي
أنا عارف ماسكاكم أم هلا هلا من الصباح ، لكن (إطمئنو خالص) الليلة الزعيم حيبرهن على علو كعبه

Post: #122
Title: Re: الكـااااك X الغـااااغ (أستديو تحليلى)
Author: ابراهيم محمد الحسن
Date: 10-30-2010, 09:11 AM
Parent: #121

إنتو دحين طارق الكوشت ويييين؟

كاااااااااااااااااك ،،

Post: #123
Title: Re: الكـااااك X الغـااااغ (أستديو تحليلى)
Author: أمين يحيى
Date: 10-30-2010, 09:34 AM
Parent: #122

أستأذن من عزيزي خليل لنقل عمود الأستاذ محمد عبد الماجد
Quote: < بعض المتفائلين ...يحسبوها (تعادلية)...ولا يحلمون من مباراة اليوم باكثر من (نقطة).

< نقطة والسفر.

< نقطة ليه ؟..لاعبين ضد (برشلونة).

< البعض يفضلها (تعادلية).

< عشان يكون للمقبرة دور في (ام درمان).

< يعني العاوزنها (تعادل) عاوزنها بي فهم.

< بي نظام.

< نحن ما عندنا حاجة ساكت.

< باقي نحن ما في حاجة بتبسطنا اكتر من (مزمزة) الضحايا في استاد الهلال.

< هوايتنا المفضلة ....ضرب الضحايا.

< دي حاجة ما بنجامل فيها.

< مشروبنا الاروع مزمز ضحايا.

< الضحايا عندنا زي (الشعير).

< نحن صعبين.

< المواضيع الزي دي ممكن نضارب فيها عديل.

< الدم لو وصل (الركب) ما بنقيف.

< الوجبة المفضلة : هزيمة خصوم الهلال في المقبرة.

< ولا احلي.

< الفنان المفضل : محمد الامين وهيثم مصطفي...(حفظه الله ورعاه).

< الاغنية : هوبة مهند الطاهر.

< كمان يا هلالاب (هوبة) مهند الطاهر عملتوها (اغنية).

< قالوا ليك في جماعة كدا بجوا (الحفلة) يقعدوا قدام.

< الفاصل الاول ينتهي ..زول بقول حاجة مافي.

< الفاصل التاني ..الفنان بدخل ليك في اغاني (عثمان حسين)...شجن والمصير وناس لالا.

< ناس لا لا هسع ذنبهم شنو؟.

< الفاصل الثالث...(حقيبة).

< يلوحن لي حمامات ...وحاول يخفي نفسو.

< الفاصل الرابع ...واحد من الجماعة (الشفوت)..بتنبل وبدخل ليك للدارة..ويقول للفنان سمعنا حاجة من مهند الطاهر.

< مهند الطاهر.

< ايوة مهند الطاهر.

< سمعنا أي شيء.

< سمعنا (الهوبة) ان شاءالله.

< الهوبة دي قالوا ليك لما يغنوها في (شندي) ما في زول بقعد ليهو في (كرسي).

< زي (الكنينة).

< الناس كلها بتدخل للدارة.

< انتوا يا الهلالاب عملتوا (هوبة) مهند الطاهر (اغنية).

< والله تاني البلد دي ما في (مريخابي) بقعد ليكم فيها يا هلالاب.

< المريخاب بقولوا عاوزين (نتفصل).

< عاوزين (استفتاء).

< ناس (فييرا) ديل مضايقين ناس السعودي والشغيل.

< عشان كدا (طارق مختار) إلا يشوف ليه بلد.

< احسن يتخارج.

< ناس 7 سنوات ما شالوا كأس الممتاز.

< يا زول انت (طارق مختار) ذنبو شنو؟.

< انتوا يا الهلالاب مفروض في يوم زي دا ما تتفاصحوا.

< زول لاعب ضد (الصفاقصي) ويتفاصح.

< اقعدوا ساكت.

< الكورة ما معروفة.

< والظروف ...والتحكيم ..احسن ما تتكلموا ساي.

< والله انا قوة عين زي قوة عينكم دي ما شفتها.

< ولا سمعنا بيها.

< اعملوا فيها دبلموسيين...اتكلموا عن الوطنية ...عشان المريخاب ديل ما يكونوا الليلة منتظرين المباراة دي لاشياء في نفوسهم.

< الليلة الهلالابي (المفتح) ما يتكلم عن الكورة.

< يعمل فيها ما شغال بالكورة.

< يقول انا في الكورة بتابع بس الدوري الاسباني.

< لكن نحن بنتكلم.

< وبنتفاصح.

< وما بنسأل في اتخن تخين.

< اقول لكم اقصي اماني البعض ان تخرج مباراة اليوم تعادلية.

< انا التعادل كعب معاي.

< الليلة الهلال ح ينتصر عديل.

< ح يفوز.

< تعادل شنو؟.

< التعادل الليلة مكسب لفريق الصفاقصي.

< نحن كما بنلعب.

< لو اتعادل الهلال بعتبرو خسران.

< لكن برضو بكتب لي صفحة (من الغلاف للغلاف).

< كمان (التعادل) كعب.

< نحن بنقول (كعب) ساكت ...عشان راقدين لينا فوق رأي.

< نحن أي حاجة عندنا بي نظام.

< قالوا ليك المريخاب ...ما شايلين هم مباراة اليوم.

< ولا خايفين من الهلال يجيب كأس (الكونفدرالية).

< المريخاب هسع خايفين من يوم 9 نوفمبر.

< الموضوع بقي ليهم في (رقبتهم).

< انشغلوا بانفسهم.

< ما عارفين يتخارجوا كيف؟.

< يمكن الاتحاد (العام) دا يقوم يأجل ليهم المباراة.

< احتمال المريخ يقول عاوز يشارك في الامارات في دورة ودية.

< او عاوزين يعسكروا ...ساكت كدا.

< معسكر نهاية الموسم..دي اول مرة نسمع بيها.

< لكن بيني وبينكم مباراة المريخ امام الهلال عاوزة ليها (معسكر)...مقفول.

< ناس موسي الزومة ما بستوعبوا لينا (الفرنسي) دا.

< ولا بقدروا عليه.

< عشان كدا محتاجين ليهم لي كورس لغات فوري.

< كورس عاجل.

< لو جيتوا لينا بي حالتكم دي ...(مقصورتكم) دي ما بتفهموا منها أي حاجة.

< خاصة نحن عندنا (قضية).

< انتوا فاكرين اننا بننسي موضوع (رمزي صالح).

< و....

< وشنو تاني؟.

< والجنسية.

< و...

< وشنو كمان؟.

< وجامعة الدول العربية.

< قلت ليكم الموضوع دا (علاءالدين يوسف) وقف فيه.

< فييرا حالف.

< يا فييرا ما تحلف ساكت.

< انت الموضوع دا بدون (حليفة) بتحسمو.

< حليفة ..وإلا خليفة.

< خليفة ذاتو عندو رأي.

< خليفة يتقطع.

< وبشة.

< والله انتوا يا مريخاب مشكلتكم مشكلة.

< زي الزول العندو (ضرس) يمشي للدكتور.

< الدكتور يقول ليه : اعمل لي رسم للقلب.

< الدكتور يوهمك عديل.

< يا دكتور هسع (القلب) الدخلو شنو بالضرس.

< انت مالك بتلخبط.

< بس بتحبوا توهموا (الناس).

< الواحد يمشي للدكتور زي (الطلقة).

< الدكتور يقول ليك : اسمع وقت تشرب عصير الليمون بتحس بي شنو؟.

< يوهمك ..لو ما بتحس بي حاجة تحس.

< طيب عندك مشكلة مع (الاضاءة).

< يا زول هسع (الاضاءة) دخلها شنو؟.

< قالوا ليك دكتور (عمومي) يا دوب اتخرج من الجامعة.

< دكتور جديد ...النوع البقشر بالسماعة.

< الدكتور دا فتح ليه (عيادة) في قريتو.

< اسبوع ما في زول جاء عليه.

< قام الدكتور زاد اللافتة شوية ...دكتور كعبير سرتقة.

< بروضو زول جاهو ما في.

< الدكتور كتب في اللافتة دكتور كعبير سرتقة اخصائي امراض الكلي.

< بروضو ما في زول جاهو.

< شهر ما في زول مشي عليه.

< الدكتور كتب في اللافتة دكتور كعبير سرتقة اخصائي امراض الكلي والغدد الخاملة.

< ما في زول مشي عليه.

< كتب في اللافتة دكتور كعبير سرتقة اخصائي امراض الكلي والغدد الخاملة.

< برضو ما في زول مشي عليه.

< كتب في اللافتة دكتور كعبير سرتقة اخصائي امراض الكلي والغدد الخاملة وامراض القلب بكل تصنيفاتها والمسالك البولية.

< ما جاهو زول.

< كتب في اللافتة دكتور كعبير سرتقة اخصائي امراض الكلي والغدد الخاملة وامراض القلب بكل تصنيفاتها والمسالك البولية وامراض الصدر.

< ما في زول مشي عليه.

< كتب دكتور كعبير سرتقة اخصائي امراض الكلي والغدد الخاملة وامراض القلب بكل تصنيفاتها والمسالك البولية وامراض الصدر وامراض النساء والولادة ..والاذن والحنجرة وجراحة الاطفال.

< ما في زول هببوا.

< في واحد مفتح ...لقي الدكتور كعبير سرتقة قاعد ساكت ..قال ليه انتوا في لافتتك دي لو كتبت في زواية كدا (كهرباء سيارات) عيادتك دي بدور زي الطلقة.

< الدكتور كعبير سرتقة ما كذب ...كتب دكتور كعبير سرتقة اخصائي امراض الكلي والغدد الخاملة وامراض القلب بكل تصنيفاتها والمسالك البولية وامراض الصدر وامراض النساء والولادة ..والاذن والحنجرة وجراحة الاطفال وكهرباء سيارات.

< الدكتور اشتغل زي الطلقة.

< بقي لو ما حجزت عندو قبل 48 ساعة ما بتلقي طريقة.

< ولا بجامل في الحتة دي.

< لكن اقول ليكم الحقيقة أي زول كان بجيهو في العيادة كان بشكي من (السيارة).

< انت تعال هنا كعبير سرتقة دي منو؟.

< ما عرفتو.

< ملحوظة: قولوا عرفتوا يعني ح تعملوا شنو؟.

هوامش

< الفتح الرباطي في ليبيا استطاع ان ينتصر على الاتحاد الليبي رغم ان الفريق الضيف كان يلعب بعشرة لاعبين.

< واضح ان الفتح الرباطي حجز له موقع في نهائي الكونفدرالية.

< نتمني ان يحقق الهلال اليوم انتصارا كبيرا على الصفاقصي التونسي.

< الظاهر كدا الكونفدرالية في هذه الجولة الانتصار فيها سوف يكون للفريق الضيف.

< نحن أي حاجة عندنا بي نظام.

< مهند الطاهر ان شاءالله على موعد مع (الهوبة).

< مهند الطاهر الظاهر حجز لي هوبتو على (القمر الصناعي) نايل سات.

< نحن ما عندنا حاجة ساكت.

< من غرائب الكونفدرالية ان الاندية الاربعة (عربية).

< في بطولة الاندية الافريقية للابطال ...فريق عربي افريقي وفريق افريقي.

< الترجي سوف يكون في الغد في مهمة مستحيلة.

< الاهلي المصري اتفرغ للدوري المحلي.

< خلاص.

< اقعدوا ساكت.

< 6 اندية شغالة ...وباقي الاندية كلها (اجزت).

< موسي الزومة معطل سنة كاملة.

< رمزي صالح الظاهر عندو امتحانات في الجامعة العربية.

< محمد كمال على شوية كدا بنسي الكورة.

< الزول دا بعمل كدا ليه؟.

< تقول ما حارس مرمي.

< ما عندو أي علاقة بالحراسة.

< اول شن خبرو بالحراسة.

< اهلي شندي جاب ليه نقطة من (عطبرة).

< يعني زي الهلال.

< الهلال برضو جاب نقطة من عطبرة.

< الامل عاش على (نقطة) الهلال.

< ان شاءالله (النقطة) تبقي ليكم (سطر).

< قوون حققت اعظم انجاز...وهي تحرز المركز الـ 11 في الوطن العربي.

< وافراح قوون دائما تأتي مع افراح الهلال.

< التحية لطاقم قوون...ولكل القراء.

< خبر عاجل: الليلة الفرح حقنا عديل ان شاءالله.

الليلة الفرح حقنا عديل إن شاء الله

Post: #124
Title: Re: الكـااااك X الغـااااغ (أستديو تحليلى)
Author: haroon diyab
Date: 10-30-2010, 09:41 AM
Parent: #123

Quote: الليلة الفرح حقنا عديل إن شاء الله

نكوت قبل ماتحذف ياهندسة....!!!!