أموت ركن

الراجل جاء راجع البيت بالله التقول أبوه قام من المقابر ومات تاني الوش مختوف والنفس قايم ، أها قومي يا مرتو أفتحي الباب وشوفي راجلك بالمنظر دا سجم خشمي مالك يا راجل إن شاء الله خير. كدي أقلع هدوم الشغل النقوم أسوي ليك الغدا والله الليلة عامله ليك باميه مفروكه لو شفتها تقول فاركاها بي مفراكة مولينكس ، المهم المرا ظبطت الغدا وجات والراجل قاعد بي هدوم شغلو قرفان خاتي إيدو في خدو ومتمحن ، يا راجل ما تقوم تاكل مالك في شنو....

قال: رجعي الأكل ما داير غدا
سألته: في شنو ؟ مالك يا راجل الحاصل شنو ؟
قال ليها بي زعل ما في حاجه خليني في حالي ما ناقصك أنا
كدي قول بسم الله وريني في شنو يمكن أقدر أساعدك وأشيل معاك الهم دا ما في مشكلة ما ليها حل
يا مرا بطلي النقه الكتيره دي وخليني بالله
قالت ليهو أنا شريكة حياتك أم وليداتك حافظة أسرارك وريني في شنو يمكن يكون الحل عندي ، ما بتتذكر الموقف في كسوتي وزنقة بارا والمشكلة الحصلت في الجيلي.
المهم إتشجع شويه وقال ليها: قولي لي حا تقدري تساعديني كيف لا لا دي مشكلة كبيرة خلاص
بدت تجرجرو في الكلام بي حنيه لمن فكا ليها آخرو وقال ليها:
الحكومة الله لا غزا فيها بركه عاوزه تعمل ليها قانون جديد
والجديد شنو يا راجل ما كل يوم في قانون جديد إنت مالك ومال كده
انا مالي كيف يعني تعرفي القانون بيقول شنو
لا قول لي بيقول شنو
القانون هو أن يتم محاكمة كل راجل في البلد دي ما يعرس فوق مرتو بالإعدام
صوت المرأة مضطرباً ووجهها مصفراً والنفس قايم: عليك الله هسي دا المزعلك إنت ما بتدور الشهادة ولد ناس حاج الأمين صغير وجاهل إستشهد لامن إنت,

حامضة يا مُلا حامضة

مشروع باك شمال يا ود الصايم أنتظرونا في أولمبياد كرري 2222
شكراً على مرورك