Post: #2
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-22-2010, 06:50 PM
Parent: #1
المضيف: البوردابي خالد المحرب وأسرته الكريمة البوردابية الأستاذة عفاف أبو حريرة، وإبنته البوردابية حفصة المحرب.
الضيوف وكلهم بورداب عدا ضيف سوري (المدرب الرياضي لخالد المحرب أصله نازل سباق السنة الجاية)...
أبو جهينة
عبداللطيف بكري أحمد
مولانا أحمد الشايقي
الأمين موسى البشاري
محمد عبدالجليل
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #3
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-22-2010, 07:04 PM
Parent: #2
بدأت الرحلة لتلبية الدعوة الكريمة بمرور عبداللطيف بكري على ثم ذهبنا إلى أبو جهينة وواصلنا السفر، من أقصى شمال الرياض إلى غربها (أبو جهينة) ثم إلى أقصى الجنوب حيث يسكن الشيخ خالد المحرب.
طبعاً عبداللطيف جايني من أقصى الشرق الله يكون في عونه...
أول مرة ألتقي الأمين موسى البشاري رغم أننا تداخلنا في البوستات وأصبحنا معارف أسفيرين،.
محمد عبدالجليل دفعة وزميل قديم وفرقت بيننا السبل ونلتقي في أوقات متباعدة وأغلبها صدف وكانت فرصة للإستمتاع بحكاوية التي لا تمل...
أحمد الشايقي زميل بورد وعمل سابقاً وشراكات ومودة لا تنقطع...
عبداللطيف ما داير أتكلم عنه عشان ما أقصر وبالتأكيد ح أقصر لو كتبت....
الغدا ده كان وصفتو بتقولوا المحرب ده ما شيخ عرب وأقل من كدة ما بيرضيه، عشان كدة ح أخلي كل زول يتخيل يحلم براهو وغير مسؤول عن أي لعاب يسيل...
وبصمات السيدة الفضلى عفاف أبو حريرة تدل على أن من بنات الشيوخ من ينافسن أمهر طباخي الفنادق الكبرى..
وأن العز تميز حتى في المطبخ....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #4
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: الطيب شيقوق
Date: 10-22-2010, 07:33 PM
Parent: #3
هييييييييييييييييييييييع اب احمد
هييييييييييييييييع ام احمد
هييييييييييييييع حفصة
هيييييييييييييع الشايقي
امرحوا واتهنوا في بيت الكرام
يا ريت كان كنت معاااااااااكم كان تكون .......... وعضة
ما تسرح يا المحرب السرحة ال ............. حبوبتك
|
Post: #5
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-22-2010, 08:20 PM
Parent: #4
شيخنا الطيب حبابك يابا
Quote:
يا ريت كان كنت معاااااااااكم كان تكون .......... وعضة
ما تسرح يا المحرب السرحة ال ............. حبوبتك
|
غايتو النقط دي ما عرفتها لكن سألت منها خالد المحرب وضحكت لامن وقعت على قفاي......
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #6
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: خالد المحرب
Date: 10-22-2010, 10:21 PM
Parent: #5
شكرا اخى الشايقى الزيكم يكرم
ات عارف ياحسن انا والله ما اتوقعتك انت او غيرك يفتح بوست لى ونسه بسيطه زى دى
لكن شفافيتك الزايده ودا شى جميل واهنيك عليه انك عبرت عن شعورك وبى المناسبه
انا كان جيت لى زول عجبنى منو ساهى سلام بى حراره بقول ليه شكرا على حرارة الاستقبال
لك التحيه
|
Post: #7
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-22-2010, 10:33 PM
Parent: #6
Quote:
شكرا اخى الشايقى الزيكم يكرم
ات عارف ياحسن انا والله ما اتوقعتك انت او غيرك يفتح بوست لى ونسه بسيطه زى دى
لكن شفافيتك الزايده ودا شى جميل واهنيك عليه انك عبرت عن شعورك وبى المناسبه
انا كان جيت لى زول عجبنى منو ساهى سلام بى حراره بقول ليه شكرا على حرارة الاستقبال
لك التحيه
|
أبو أحمد
ياخ يكفيني أني دخلت البيت ومن أول لحظة حسيت أنو بيتي وإني وسط أهلي، غير الرهط الذي أعددته لإستقبالي من أصدقاء قدامي طال عهد اللقاء بهم، وأحباب ودي لو أكون معهم طوال صحوي ومعرفة واقعية لصديق أسفيري لا يقل شهامة عنك.
أسأل الله أن يديم المعروف بيننا وتزداد المحبة والحياة يا أخي لحظات من عمر الزمان وقمة السعد في لحظات الحياة أن تجد أحد المستحيلات عند العرب (الخل الوفي)...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #8
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: صلاح هاشم السعيد
Date: 10-22-2010, 10:43 PM
Parent: #7
يا الشايقي
نحن جلينا بي بنط واحد بس !!!!
بختكم مع ال ابو حريره
ان شاء الله الجايات اكتر من الرايحات
|
Post: #9
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: خالد المحرب
Date: 10-22-2010, 10:46 PM
Parent: #8
طروقى كنت اتمنى ان تكون معنا والله
|
Post: #11
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: طارق ميرغني
Date: 10-22-2010, 10:49 PM
Parent: #9
Quote: يا الشايقي
نحن جلينا بي بنط واحد بس !!!!
بختكم مع ال ابو حريره
ان شاء الله الجايات اكتر من الرايحات |
اخي خالد المحرب معليش المداخله اعلاه تبعي
ولكن الاخ صلاح كان معي بالمنزل ودخل البورد ولم يخرج
بعدين امسح الكلمه الفوق ديك.....
عشان اقوم امسح الفتلة
|
Post: #10
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-22-2010, 10:48 PM
Parent: #8
Quote:
نحن جلينا بي بنط واحد بس !!!!
|
إني إذن لتعيس.....
بالله شفت الجمع ده في ضيافة شيخ العرب..
والله كنت زدت بهجتنا كان لفقت..
بس زي ما قلت إنشاء الله الجايات أكتر إن الله مد في العمير...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #13
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Mohamed Abdelgaleel
Date: 10-23-2010, 08:05 AM
Parent: #10
الاخ - حسن - تحياتي، ما أن علمت من المحرب
أنك أحد المدعوين حتى عبأت ذاكرتي بأيامنا
الخضر في الهاتف السعودي ولكن أبى الإنفصال
إلا أن يكون حاضرا ويلتهم كل الوقت لولا بعض
حكاوي بت المهدي:
إت أ جنا عرفت البكا حرام بعد بقرة أبوالحسن
والله قبلها
|
Post: #14
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: أحمد الشايقي
Date: 10-23-2010, 08:25 AM
Parent: #13
يا سلاااااام,
هذه الجلسـة في ربوع شيخ العرب المحرب هي من الجلسات الأبكار والتي تستحق الاحتفاء زينتها النفوس الطيبة المتآلفة والمحبة الأكيدة الصفو الخالصة,
جمع كريم ووفادة رحبة ورفد وافر وأهل وسهل,
في زحمة حراكنا في دنيانا نادراً ما نجد الوقت ولكن إصرار شيخ العرب كان الحافز ورفقة الأماجد كانت الغاية,
هذا كله في جانب وطعام أم أحمد في جانب آخر
أكرمكم الله آل المحرب
Quote: إت أ جنا عرفت البكا حرام بعد بقرة أبوالحسن
والله قبلها |
يا محمد عبد الجليل .... ختــك .....
أحمد الشايقي
|
Post: #15
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: إسماعيل وراق
Date: 10-23-2010, 08:48 AM
Parent: #14
جلسة فيها ناس حلوين أكيد كانت حلوة
التحية لال المحرب
الشايقي.. كيفنك,،
|
Post: #16
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عبد اللطيف بكري أحمد
Date: 10-23-2010, 09:53 AM
Parent: #15
كان الإمام أحمد كثيرا ما يحدث ابنته عن فضل الإمام الشافعي وعلمه وتقواه، فدعاه الإمام أحمد يوما لزيارته... فلما تناول طعام العشاء توجه الإمام الشافعي إلى فراشه واستلقى عليه ونام ...
فقالت بنت الإمام أحمد: يا أبتاه أهذا هو الشافعي الذي كنت تحدثني عنه؟
فقال لها : نعم .
فقالت: لقد لاحظت عليه ثلاثة أمور انتقدته فيها: إنه عندما قدمنا له الطعام أكل كثيرا.... وعندما دخل الغرفة لم يقم ليصلى قيام الليل والتهجد.... وقد صلى بنا الفجر من غير أن يتوضأ ؟ ...
فذهب الإمام احمد إلى الإمام الشافعي مستفسرا عن هذه الأمور..
فقال له الشافعي : يا أحمد لقد أكلت كثيرا لأنني أعلم أن طعامكم من حلال وأنت كريم وطعام الكريم دواء وطعام البخيل داء وما أكلت لأشبع وإنما أكلت لأتداوى بطعامك ....
وأما أنني لم أقم الليل... فلأني عندما وضعت رأسي لأنام، نظرت كأن كتاب الله وسنة نبيه صلى الله علي وسلم أمام عينىّ فاستنبطت اثنتين وسبعين مسألة فقهية ينتفع بها المسلمون فلم يكن هناك فرصة لقيام الليل....
وأما أنني صليت بكم الفجر بغير وضوء فوالله ما ذاقت عينىّ النوم حتى أجدد الوضوء، فلقد بقيت طوال الليل يقظانا فصليت بكم الفجر بوضوء العشاء....... من كتاب ساعه وساعه للشيخ محمود المصري........
شكراً آل المحرب ،
بارك الله لكم في رزقكم ، وأمدكم بالمزيد ،،
وشكراً للحضور الأنيق والجلسة المفلهمة!!
وشكراً محمد عبد الجليل : روائعك دي دايرة إعادة بالبطيء والله،،
شكراً حسن الشايقي على الكلام المفقود في خارطة الود السودانية ،
وشاكرون ريسنا الهمام أبا جهينة فأنت بوجودك (هلتنا تنوري)،،
وحبيبنا أحمد الشايقي كفاك بوست امستردام،،
الأمين البشاري مخزون الفرح وجمال الروح والأنس : الكيبورد دا أضاع منا فضائل الناس وجمائلهم: ما أحلى ساعات اللقاء!!!
خالد : أنقل عنا تقديرنا لأم أحمد وتسامحنا على كثرة الطلة : ترى أدروب ولووف !!!! شدو حيلكم معانا!!
سلامي وإحترامي ،،
|
Post: #17
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عبد اللطيف بكري أحمد
Date: 10-23-2010, 10:03 AM
Parent: #16
الشايقي بالعربي ، والشايقي من زمن الانجليز ، أقصد الشايقي بالانجليزي،،
للذين لا يفرقون : احكموا وقولوا ما شاء الله : بالله بالشمال دا زول ركب الترام
وشارك في ثورة أكتوبر ؟؟؟
==
حسن هسة كان حصلت ليك حاجة يقولوا قرضتك!!! (عينا باردة ياخ)!!!
|
Post: #18
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عبد اللطيف بكري أحمد
Date: 10-23-2010, 10:28 AM
Parent: #17
الغريبة أبو أحمد جايب معاه مدرب اللياقة : والمؤؤونة دي أمام عينه والمقولة : انو اليوم جمعة!!
بس اللمين دا سرو في بطنو : شايفوا واقع لخ في السكريات دي لا جاب جواب لا قال خبر: قسم ياشيخنا!!!
|
Post: #19
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عبد اللطيف بكري أحمد
Date: 10-23-2010, 10:37 AM
Parent: #18
متعة للروح والنظر : تشرفنا باللقاء يابوحميد ،،
|
Post: #20
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عبد اللطيف بكري أحمد
Date: 10-23-2010, 11:56 AM
Parent: #19
الريس أبو جهينة : نظرة ثاغبة ، وفكرة متقدة على الدوام ،،
لا تدري كم تسعدني صحبتك أيها الحبيب،،
غايتو هذه الزيارة لشيخ العرب أتت مباشرة بعد البوست الصاعقة (الهلة تنوري)،
والصورة دي شهادة براءة إنك في مأمن ، يعني ما مشيت طلعت في أعلى برج الفيصلية،،
(البرج من فوق موش من جوة)،،
عموماً (بوست رائع رائع والكائن يكون)،،
سلام ياريس،،
|
Post: #21
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: maman
Date: 10-23-2010, 12:29 PM
Parent: #20
| Quote: الغدا ده كان وصفتو بتقولوا المحرب ده ما شيخ عرب وأقل من كدة ما بيرضيه، عشان كدة ح أخلي كل زول يتخيل يحلم براهو وغير مسؤول عن أي لعاب يسيل |
التحية للمضيف والتحية لضيوفه. وهنيئا لكم
أظنك يا الشايقي نويت تغير شعارك ( القراصة بالخدرة ) بعد غدوة شيخ العرب دي؟؟....
|
Post: #22
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-23-2010, 02:31 PM
Parent: #17
Quote:
للذين لا يفرقون : احكموا وقولوا ما شاء الله : بالله بالشمال دا زول ركب الترام
وشارك في ثورة أكتوبر ؟؟؟
==
حسن هسة كان حصلت ليك حاجة يقولوا قرضتك!!! (عينا باردة ياخ)!!!
|
ألله أكبر عليك يا أبو خالد ،،، خوفتني وأنا أقول وجع الضهر والكرعين القام علي الليلي ده من شنو؟؟؟
آآآآآآآآي ركبت الترماي حق لوندون،،، وشاركت في أكتوبر لأنه أبوي كان شايلني وليد صغيروني فوق كتفو في مظاهرة شارع القصر وكان بيهتف في جه العساكر/ إلى السكنات يا حشرات،،، وبس الرصاص يقول كدي وينطلق وأبوي يقوم جاري ويخليني أحبي فوق الواطه والرصاص يطير فوق راسي، لامن وصلت للنافورة وغسلت وشي من مويته وركبت الباص ورجعت البيت لقيت أمي تشاكل في أبوي وتقول ليهو ودرت الولد وجيت،،، قلت ليها أنا الودرتو والحمد لله حسي لقيتو ،،،، وبس كدي أقوم أصحى ليك من النوم ألقى روحي راكب فوق تندة اللوري والشي وحلان في السبخة القبال مطار الأبيض أم طينه لكة ديك،،، وعم بكري مرق هناااااك بي لوريهو السفنجة ويكورك لي الطيب ود الحسن يقول لو ما قلت ليك با ريني ساي مشيت تسوي حريف،،، أهه خم وصر....
ياخ ما واحد فيكم يكورك لي: ختــــك....!!!
شنو فكيتوني في سرحتي دي،،، ويا محمد عبدالجليل ما تقول لي سرحتك دي قبل أكتوبر ولا بعدها....
عالم جنها نقة.....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #23
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عبد اللطيف بكري أحمد
Date: 10-23-2010, 03:01 PM
Parent: #22
Quote:
ألله أكبر عليك يا أبو خالد ،،، خوفتني وأنا أقول وجع الضهر والكرعين القام علي الليلي ده من شنو؟؟؟
|
لا والله بالجد كدا ياحسن : ياخ ليلى طاهر وصفاء ابو السعود قالن ليك : حيرتنا،، وعايزين عضوية في
فورايفر!! هههههههههههههههههههه!!!
=
|
Post: #24
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-23-2010, 05:56 PM
Parent: #13
Quote:
الاخ - حسن - تحياتي، ما أن علمت من المحرب
أنك أحد المدعوين حتى عبأت ذاكرتي بأيامنا
الخضر في الهاتف السعودي ولكن أبى الإنفصال
إلا أن يكون حاضرا ويلتهم كل الوقت لولا بعض
حكاوي بت المهدي:
إت أ جنا عرفت البكا حرام بعد بقرة أبوالحسن
والله قبلها
|
والله يا محمد ود المحرب أعاد لينا ذكريات قديمة وجميلة زمن كنا لسه شباب ومستجدي أغتراب....
زمن النفوس متطايبة وعلي الميز لا عليك أنت!!!!!
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #25
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: ابو جهينة
Date: 10-23-2010, 06:44 PM
Parent: #24
حسن الشايقي
و ضيوفه الكرام
عندما أكون في رفقة عبداللطيف بكري ، فإنني أعرف بأنني موعود بسوالف كثيفة العدد و المدد ، فهو ينتقل من السياسة إلى الفكاهة إلى الثقافة إنتقال مؤشر فارة الكمبيوتر.
أما الذي جعلني أثور عليه بالأمس ، فهي ( خيانة ) قال عنها : أنها غير مقصودة و لكنها مشروعة ، رغم أنني صنفتها بأنها ( تحت الحزام )
فقد كان الوعد أن نسافر سوياً إلى هولند ، أنا و هو و مولانا أحمد الشايقي
فأنا خبير بمسالك و حواري أمستردام و أعرفها كما أعرف أم بكول و زقلونا في أتبرا
ففوجئت بأنه ذهب إليها هو و مولانا أحمد الشايقية ( نحتفظ بتفاصيل الرحلة )
لم أستفيق من غضبتي المضرية إلا بمقابلة حسن الشايقي و أحمد الشايقي ، و إتفشيت في السكة.
و زالت بقية الغضبة بعد ملاقاة الأمين البشاري و محمد عبد الجليل و أبو أحمد المحرب
أبو أحمد المحرب ، شيخ عرب ، و لو ذهب إلى لاس فيجاس فسيتبعه هذا السخاء البطحاني بنفس التفاصيل و البشاشة و يتلبسه سخاء أرض البطانة.
سأعود
|
Post: #26
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: ismeil abbas
Date: 10-23-2010, 07:14 PM
Parent: #25
لمه حلوه الله يديمه...
شيخ العرب الله يديهو العافية..دائمأ يحب الفرح الله يديمو عليه وعلى اهله..وأم أحمد بت أجاويد وكرم تفرح بالضيف حد الشهقة..
لم يشاء الله ان أكون معكم ..نسبة لحاجة العمل.....حتى يوم الجمعة.....
|
Post: #29
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-24-2010, 05:34 AM
Parent: #26
سعة حبابك
والله كانت ستزداد سعادتنا بوجودك
Quote:
نسبة لحاجة العمل.....حتى يوم الجمعة...
|
أوعك تكون شغال إمام جامع زي عمك المحسي قريب الريس أبو جهينة..!!!!
دي ما قصة قديمة من قصص الرئيس نستأذنه ونقولها ليك:
قال: كان عندي عماً زهجان وبيتزمر لقريبو من العمل في الإغتراب وأنه جرب كل الأعمال التي تخطر على البال ولا تخطر، حتى أنه في فترة أشتغل إمام جامع...،،، بس كمان إمام جامع دي مشكلتها أنها وظيفة ما فيها إجازات ،،،، فرد قريبه بي دهشة قائلاً: حتى الجمعة؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #27
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: ابو جهينة
Date: 10-23-2010, 07:18 PM
Parent: #25
عدنا
أها
دار أبو أحمد العامرة بالأمس كانت تضم ضيفا سوريا من ( حلب )
قلت له : هل تعرف أن كل ذوي البشرة البيضاء في السودان نطلق عليهم ( حلب ) ؟
ثم سألته : هل تفهم الآن حديثنا الذي نتونس به بلهجة سودانية موغلة في الدارجة ؟
قال نعم ،
فهو لصيق بالأرباب و محمد عبد الجليل
رغم أنني أشك في أنه قد فهم نكتة الأمين البشاري : ( ها يا زول .. إنت واقف في الضلفة التانية ولا شنو ؟؟؟ )
تخريمة : عبداللطيف : لا زلت أشك في ال MISSEd CALL
|
Post: #30
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: نادر النور آدم
Date: 10-24-2010, 07:45 AM
Parent: #28
مباركة لمة الطيبين على أهل الكرم والطيب
ويا رب دار أبو أحمد ديمة عامرة
تخريمة:
يا ريّسنا.. | Quote: فهو ينتقل من السياسة إلى الفكاهة إلى الثقافة إنتقال مؤشر فارة الكمبيوتر. |
إبداع شديد والله
|
Post: #31
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: الامين موسى البشاري
Date: 10-24-2010, 07:58 AM
Parent: #30
الشـــايقي ســـيد الملاح اللخضر
ســـلام .. ســعدت وتشرفت بلقائكم في رحاب دار الكرم
دار اخونا خالد المحرب وحرمه المصون
كانت لحظات جميلة تعرفنا فيها على الوجه الاخرللبورداب
واضحكنا عبد اللطيف واحمد الشايقي برحلتهم في هولندا
فالشكر كل الشكر لخالد وأســرته الذي جمعنا بكم
ابو جهينة حضور زاهي كالعادة
محمد عبد الجليل وقصة خطه الذي فارقه صاحبنا 
واتمنى ان يدوم التواصل بيننا
|
Post: #32
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: أحمد الشايقي
Date: 10-24-2010, 11:11 AM
Parent: #31
هذه الجلسـة الكريمـة أعادت ما انقطع من ذكريات جلسات سابقة,
كان الريس أبو جهينة في وسط عقدها الملتئم,
وهو بالمناسبة مرجع في أمور أخرى كثيرة, ليس أقلها شوارع أسبانيا العجوز وطرقات النمسا التاريخية,
وبالإضافة للغات التي يترجمها فهو يترجم أيضاً ما هو مسكوت عنه في النوبية القديمة أم الهيروغليفية,
في المرة القادمة سأتذكر أن أسأل الريس أبو جهينة عن فوائد اللوز
أو كما قال
أحمد الشايقي
|
Post: #33
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: ابو جهينة
Date: 10-24-2010, 11:51 AM
Parent: #32
مولانا أحمد الشايقي
كنت ذات بوست قد ذكرتُ فوائد اللوز
فألتقط ود الباوقة قفاز البوست ، و إبتلع تماما فوائد اللوز ، ثم أنتبذ بها ركنا قصياً و لم يرد علينا إلى يومنا هذا ..
نطالبه بحقوق الإستفادة
|
Post: #34
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عبد اللطيف بكري أحمد
Date: 10-24-2010, 12:50 PM
Parent: #33
| Quote: تخريمة : عبداللطيف : لا زلت أشك في ال MISSEd CALL |
غايتو ياريس عملتها وشمت فينا الرعية!!
شوف هسة البيقول ليك ((أنا زاتيييييي)،، يعني لو ماكان قاعد جنبي في السيارة؟؟؟؟؟؟
هسة ياجلال ، خلينا في المهم: رأيك شنو في دعوة أخي الصغيير : الفاتح ميرغني في زيارة طوكيو؟؟؟
أعضاء الوفد لغاية الآن (3) :
أنا ، وأحمد الشايقي ، وود الصايم (شايفوا كأنو بدأ يتجدع بعد الويلفير الموعود بيه دا)!!!
|
Post: #35
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: ابو جهينة
Date: 10-24-2010, 01:00 PM
Parent: #34
عبداللطيف
هسة ياجلال ، خلينا في المهم: رأيك شنو في دعوة أخي الصغيير : الفاتح ميرغني في زيارة طوكيو؟؟؟
المهم متين ؟ التوقيت
|
Post: #36
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عبد اللطيف بكري أحمد
Date: 10-24-2010, 01:19 PM
Parent: #35
| Quote: المهم متين ؟ التوقيت |
قبل أن ينقضي هذا العام بإذن الله ، بس خلك جاهز،،
|
Post: #37
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: Al-Shaygi
Date: 10-24-2010, 02:28 PM
Parent: #34
Quote:
شوف هسة البيقول ليك ((أنا زاتيييييي)،، يعني لو ماكان قاعد جنبي في السيارة؟؟؟؟؟؟
|
يعني شاهد عيِان (*)
شفت براك بتجيب الإثباتات...
قرط على كدة.....
(*) بكسر الياء وليس فتحها، وحتى لو كان بفتحها برضو في الحالات دي بيقبلوا الشهادة وحتى لو كان ميت،، بس شد حيلك خللي الخرخرة...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #40
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: عفاف أبو حريرة
Date: 10-30-2010, 06:17 AM
Parent: #39
Quote: المضيف: البوردابي خالد المحرب وأسرته الكريمة البوردابية الأستاذة عفاف أبو حريرة، وإبنته البوردابية حفصة المحرب.
الضيوف وكلهم بورداب عدا ضيف سوري (المدرب الرياضي لخالد المحرب أصله نازل سباق السنة الجاية)...
أبو جهينة
عبداللطيف بكري أحمد
مولانا أحمد الشايقي
الأمين موسى البشاري
محمد عبدالجليل
|
الاخ الشايقي
انتم شرفتونا والله ومعرفة الرجال كنوز
شكرا ليك والشكر موصول لي بكري ابوبكر
الخلانا نعرف ناس زيكم
|
Post: #41
Title: Re: سويعات جميلة من العمر في ضيافة شيخ العرب خالد المحرب وصحبة بوردابية مميزة...
Author: طارق ميرغني
Date: 10-30-2010, 08:51 AM
Parent: #40
فألتقط ود الباوقة قفاز البوست ، و إبتلع تماما فوائد اللوز ، ثم أنتبذ بها ركنا قصياً و لم يرد علينا إلى يومنا هذا
لم يرد عليك اخي ابا جهينه لاحتمالين
اما ان يكون قد بلع اللوز
او بلع البوست
|
|
