Post: #1
Title: الفنانة عافية حسن هنالك سؤال مشروع
Author: مدثر قرجاج
Date: 10-21-2010, 03:52 PM
Quote: في حفل بهيج ببرج الفاتح، دشنت قناة «عافية» السودانية للأطفال انطلاقة برمجتها بحضورأنيق من وزير الثقافة وقادة الأحزاب السياسية والسفراء والمختصين وأهل الإعلام وقادة العمل التلفزيوني والموسيقيين والشعراء والفنانين ورجال الأعمال والمنظمات السودانية والاجنبية، وقدمت فقرات الحفل الفنانة «عافية» حسن، واشتمل على عدد من الفقرات المنوعة والخفيفة، من بينها مشاركة من أطفال فلسطين،
|
عافية فنانة متفردة خلقت قاعده جماهيرية مقدرة فى فترة قصيرة ثم اعتزلت الغناء وعادت بالحجاب واتجهت الى المديح وهاهى تفتتح قناة فضائبه للاطفال باسمها(ملك حر)!مش القنوات دى مكلفة ودايره قروش كتيرة احتمال يكون اهل عافية ديل مرطبين وفتحو ليه قناة او تكون جمعث ثروة معتبره خلال مشوارها الفنى القصير جدا،، او يكون هنالك رأسمالية يقفون وراء هذا العمل ولا يودون الظهور فى الصورة فأين هى الاجابة ؟
|
Post: #2
Title: Re: الفنانة عافية حسن هنالك سؤال مشروع
Author: عبداللطيف محجوب
Date: 10-21-2010, 03:55 PM
Parent: #1
بوست غير موفق وسؤال لا شرعية له ..
خلو الخلِق للخالق يا عالم !!
|
Post: #3
Title: Re: الفنانة عافية حسن هنالك سؤال مشروع
Author: بكري عباس علي
Date: 10-21-2010, 04:03 PM
Parent: #1
سؤال مشروع
وينك يا زول
|
Post: #4
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-21-2010, 04:16 PM
Parent: #3
Quote: بوست غير موفق وسؤال لا شرعية له ..
خلو الخلِق للخالق يا عالم !! |
ياخى عليك الله اديها صنة هسه الجاب علاقة البوست شنو
بحكاية خلو الخلق للخالق .. دى قناة ربحية واعلنت على
الناس كلها مانحن مشينا فتشنا وراها من حقنا نعرف اصلها
وفصلها ..ماتعمل لينا فيها واعظ عليك الله
|
Post: #5
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-21-2010, 04:20 PM
Parent: #4
Quote: سؤال مشروع
وينك يا زول ] |
والله قاعد ياحبيبنا بس كنت فى كبوة من الاحزان
افقدت الحياة طعمها ولونها
محبتى
|
Post: #6
Title: Re: الفنانة عافية حسن هنالك سؤال مشروع
Author: جمال محمود
Date: 10-21-2010, 07:48 PM
Parent: #5
الاخ مدثر قرجاج
سلام
كم تردد القناة ؟ وعلى ياتو قمر ؟؟
تحياتى
|
Post: #7
Title: Re: الفنانة عافية حسن هنالك سؤال مشروع
Author: محمد الامين احمد
Date: 10-21-2010, 07:57 PM
Parent: #6
سؤال مشروع جدا
|
Post: #8
Title: Re: الفنانة عافية حسن هنالك سؤال مشروع
Author: محمد الامين احمد
Date: 10-21-2010, 07:58 PM
Parent: #7
على حسب ما اذكر من تحقيق صحفى ، انو تكلفة الرخصة الفضائية لقناة تبلغ حوالى ال70 الف دولار ، و هذة معلومة غير مؤكده
|
Post: #9
Title: Re: الفنانة عافية حسن هنالك سؤال مشروع
Author: Kamal Karrar
Date: 10-22-2010, 01:09 AM
Parent: #8
إبني خالي سلامات وبركة بالعودة..
الحزن كبير والفقد واحد...
أرجح فرضية أن وراء العمل رأسمالية لا تريد أن تظهر
لأسباب تخصها.. عموما البنت من جبل أولياء...
وكدي نفكر كلنا في الرأسماليين في تلك المنطقة وما حولها...
ده مجرد إجتهاد ليس إلا...
|
Post: #10
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-22-2010, 08:20 AM
Parent: #9
Quote: الاخ مدثر قرجاج
سلام
كم تردد القناة ؟ وعلى ياتو قمر ؟؟
تحياتى |
جمال
تحياتى وعساك طيب
انا مامتاكد من التردد بالتحديد
لكن تقريبا فى النايل ساد وحاتبث
من القاهرة حااجتهد اجيب ليك التردد
محبتى
|
Post: #11
Title: Re: الفنانة عافية حسن هنالك سؤال مشروع
Author: Hisham Amin
Date: 10-22-2010, 08:28 AM
Parent: #10
و من انت وكيف دخلت الى هذا الموقع ومن الذى زكاك ؟
وهل ان اردت انا او اى شخص الشروع فى اى بزنس عام صار من ضمن الرخص
المطلوبة ان اجاوب على اسئلتك ؟؟؟
فقط عند السودانيين
|
Post: #12
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-22-2010, 08:31 AM
Parent: #10
جدا جدا
|
Post: #13
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-22-2010, 08:42 AM
Parent: #12
| Quote: على حسب ما اذكر من تحقيق صحفى ، انو تكلفة الرخصة الفضائية لقناة تبلغ حوالى ال70 الف دولار ، و هذة معلومة غير مؤكده |
يامحمد
تحياتى
وقد تفوق التكلفه هذا المبلغ
|
Post: #14
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-22-2010, 08:47 AM
Parent: #13
Quote: إبني خالي سلامات وبركة بالعودة..
الحزن كبير والفقد واحد...
أرجح فرضية أن وراء العمل رأسمالية لا تريد أن تظهر
لأسباب تخصها.. عموما البنت من جبل أولياء...
وكدي نفكر كلنا في الرأسماليين في تلك المنطقة وما حولها...
ده مجرد إجتهاد ليس إلا... |
قريبى العزيز ود كرار
والله مشتاقيييييييييين
الفقد كبيروربنا يصبرنا
ايوه كلامك صاح انا متأكد ان هذا العمل وراهو راسمالى كبير
لكن لشنو ماعايز يظهر سؤال محير.العمل فى النور مافى زيو
|
Post: #15
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-22-2010, 09:09 AM
Parent: #14
Quote: من انت وكيف دخلت الى هذا الموقع ومن الذى زكاك ؟
وهل ان اردت انا او اى شخص الشروع فى اى بزنس عام صار من ضمن الرخص
المطلوبة ان اجاوب على اسئلتك ؟؟؟
فقط عند السودانيين |
انا مدثرقرجاج الزكونى للموقع كتار جدا ممكن ارسل ليك الاسماء لو داير،..اها تانى عندك اسئلة
شفته انا جاوبتك بكل بساطه كيف.. لو داير تعمل بزنس بحجم مؤسسة اعلامية ضخمة يشاهدها الشعب السودانى ويعلن عبرها ويحتفى بها ويلتف حولها طبعا لازم تجاوب على اسئلتى حتى تكون اكثر شفافية بين الناس
ولو داير تعمل بزنس على قدر حالك حاتجاوب على اسئلة الجهات المختصه لانها المعنية بالامر يعنى الاسئله مشروعه فى الحالتين
انت حاولت تربط بين اشياء ماعندها علاقة مع بعض وحاولت تفلسف الموضوع على قدر المستطاع
لكن منطقك غير سديد لانو ان تعلن عن قناة فضائية عبر مختلف الوسائط الاعلانية دون
ان يظهر المالك الحقيقى هذا من شأنه ان يثير الكثير من الاسئلة..رجاء ان تعرف ان هنالك
اسئلة اجوبتها تكون لعامةالناس وهنالك اسئلة ليست للاجابه ..
الحمد لله طلعت حكاية الاسئلة دى عند كل السودانيين وانا افتخر بأن اكون من ضمن شعب يبحث دائما عن
الشفافية فى كل شى
|
Post: #16
Title: Re: الفنانة عافية حسن هنالك سؤال مشروع
Author: ALZOLZATOO
Date: 10-22-2010, 09:31 AM
Parent: #15
| Quote: لكن لشنو ماعايز يظهر سؤال محير.العمل فى النور مافى زيو |
الاخ مدثر
البركة فيكم ان شاء الله
يمكن ان يكون هذا هو السؤال الغير مشروع لعدة اسباب يمكن صاحب العمل زول خير ساكت وماعايز يذكر اسمه او لا يحب ذكر اسمه او يمكن الشغلانة ممولنها من البنك وكدا دواليك ناحية التمويل والتسجيل طالماتمت عبر الجهات الرسمية التي تصدر الرخصة والاوراق الرسيمة فاعتقد ان سؤال الشخص العادي لا يودي ولا يجيب
اما من ناحية الفنانة عافية فاعتقد انها من اسرة عادية بالمناسبة والدها عضؤ منبر قديم هنا الاستاذ حسن بناديها واعتقد انها سوف تنجح في ذلك لصوتها الجميل وشكلها الجذاب من القرة التانية دي بتخيل لي صاحب راس المال زول مفتح وعرف يستثمر قروشو كويس لووووووووولز
تحياتي لك ولي عافية ووالدها وصاحب القناة
زاتووووو
|
Post: #17
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-22-2010, 09:52 AM
Parent: #16
Quote: الاخ مدثر
البركة فيكم ان شاء الله
يمكن ان يكون هذا هو السؤال الغير مشروع لعدة اسباب يمكن صاحب العمل زول خير ساكت وماعايز يذكر اسمه او لا يحب ذكر اسمه او يمكن الشغلانة ممولنها من البنك وكدا دواليك ناحية التمويل والتسجيل طالماتمت عبر الجهات الرسمية التي تصدر الرخصة والاوراق الرسيمة فاعتقد ان سؤال الشخص العادي لا يودي ولا يجيب
اما من ناحية الفنانة عافية فاعتقد انها من اسرة عادية بالمناسبة والدها عضؤ منبر قديم هنا الاستاذ حسن بناديها واعتقد انها سوف تنجح في ذلك لصوتها الجميل وشكلها الجذاب من القرة التانية دي بتخيل لي صاحب راس المال زول مفتح وعرف يستثمر قروشو كويس لووووووووولز
تحياتي لك ولي عافية ووالدها وصاحب القناة
زاتووووو |
البركة فى الجميع يا استاذ
وجهة نظرك مقدرة ومحترمه لكن والله انا السؤال ده ماجبتو تشكيكا فى زول لاسمح الله
وانا من معجبى الفنانة عافية وابوها برضو فوق راسى ..وعشان اعجابى الشديد بفن عافية
وايضا لسماعى الكثير من التساؤلات فى الشارع وعبرالصحف عن هل عافية تمتلك امكانية
انشاء قناة؟ كنت عايز يكون فى اجابة شافية للناس اذا كان هنالك مالك حقيقى واذا نفت الفنانة
عافية هذا السؤال عبر المؤتمر الصحفى فى برج الفاتح كان الموضوع انتهى
بعدين يا استاذ الا تتفق معى فى ان القناة برضو ماعمل خير وبس لانها برضو ستجنى ارباح
للمالك ....
احترماتى ليك وللمبدعه عافية وربنا يوفقه اينما كانت
|
Post: #18
Title: Re: الفنانة عافية حسن هنالك سؤال مشروع
Author: خدر
Date: 10-22-2010, 11:08 AM
Parent: #17
مدثر
انشاء الله البركة فيكم و ربنا يتقبل موتانا جميعا
السؤال المرادف لسؤالك عن مشروعية القناة , ليه اصلا السؤال عن مصادر دخل عافية حسن ؟
لانو القناة ربحية ؟
معقول يا قرجاج ياخي نقعد نفكر بعقلية المواطن البسبط البفتكر انو في رقم لو اتصل عليك حا تضربك صاقعة ؟
يا مدثر انتو كلكم في المنبر عبارة عن افراد افكارهم بتتمتع بي القدرة علي الانتشار فحقو ياخي نتريث في نشر افكارنا او تساؤلاتنا
القناة كقناة ربحية تُصنف كعمل تجاري و الهدف من القناة برامج الاطفال يعني الاستثمار ده كويس انو براسمال سوداني بستثمر في تطوير مستقبل اطفالنانشكر عافية منفردة او مع رؤسالاموال المساهمة معاها ولا نشير بتعجب انو التمويل مصدرو منو فقط لان عافية من اسرة عادية ؟
نيشان الاعلامي المعروف شريك في عدد من المحطات الاعلامية رغم انو إبن إسكافي (نُقلتي)إجتهاد الانسان و قدراتو المتميزة راس مال يا فنان
شكرا عافية و التيم المعاها علي القناة التي اتمني ان تستلهم تراثنا السوداني الايجابي في برامجها من اجل خلق جيل معافي و مرتبط بموروثه
|
Post: #19
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-22-2010, 11:23 AM
Parent: #18
Quote: مدثر
انشاء الله البركة فيكم و ربنا يتقبل موتانا جميعا
السؤال المرادف لسؤالك عن مشروعية القناة , ليه اصلا السؤال عن مصادر دخل عافية حسن ؟
لانو القناة ربحية ؟
معقول يا قرجاج ياخي نقعد نفكر بعقلية المواطن البسبط البفتكر انو في رقم لو اتصل عليك حا تضربك صاقعة ؟
يا مدثر انتو كلكم في المنبر عبارة عن افراد افكارهم بتتمتع بي القدرة علي الانتشار فحقو ياخي نتريث في نشر افكارنا او تساؤلاتنا
القناة كقناة ربحية تُصنف كعمل تجاري و الهدف من القناة برامج الاطفال يعني الاستثمار ده كويس انو براسمال سوداني بستثمر في تطوير مستقبل اطفالنانشكر عافية منفردة او مع رؤسالاموال المساهمة معاها ولا نشير بتعجب انو التمويل مصدرو منو فقط لان عافية من اسرة عادية ؟
نيشان الاعلامي المعروف شريك في عدد من المحطات الاعلامية رغم انو إبن إسكافي (نُقلتي)إجتهاد الانسان و قدراتو المتميزة راس مال يا فنان
شكرا عافية و التيم المعاها علي القناة التي اتمني ان تستلهم تراثنا السوداني الايجابي في برامجها من اجل خلق جيل معافي و مرتبط بموروثه |
خدر
تحياتى والبركه فى الجميع
اصلا لم اتطرق لمصادر دخل الفنانة عافيه لكن الشارع يتحدث عن مالك القناة
يعنى ياخدر انا كنت بقصد انو القناة اخذت مساحة اعلامية مقدره وكبيره فى
الاسابيع المنصرفه ولاحديث فى الشارع سوى عن قناة عافيه يعنى لو كان عبر المؤتمر
الصحفى جاوبوا على السؤال ده وهو بالتاكيد ليس سؤالى وحدى كان يكون احسن هذا من
وجهة نظرى ... وانا اقدر ماذهبت اليه فى ان القناة من شأنها ان ترتقى بالاطفال وتكون
مشروع ناجح ومن قلبى بتمنى ليها النجاح ..الاستثمار ده سودانى والله شى جميل جدا لكن برضو
من الاحسن ان ندرك من هم وليس لنا عليهم اى اعتراض .. انت ذهبت واجتهدت فى انه نيشان الاعلامى
المعروف وغيرك يجتهد وغيرنا يفكر يعنى الاسئلة دى بتجى على خاطرنا كلنا ولا اجد غضاضه فى ذلك
محبتى الاكيده وشكرا على المرور الجميل
|
Post: #28
Title: Re: الفنانة عافية حسن هنالك سؤال مشروع
Author: بدري الياس
Date: 10-22-2010, 09:33 PM
Parent: #18
Quote: مدثر
انشاء الله البركة فيكم و ربنا يتقبل موتانا جميعا
السؤال المرادف لسؤالك عن مشروعية القناة , ليه اصلا السؤال عن مصادر دخل عافية حسن ؟
لانو القناة ربحية ؟
معقول يا قرجاج ياخي نقعد نفكر بعقلية المواطن البسبط البفتكر انو في رقم لو اتصل عليك حا تضربك صاقعة ؟
يا مدثر انتو كلكم في المنبر عبارة عن افراد افكارهم بتتمتع بي القدرة علي الانتشار فحقو ياخي نتريث في نشر افكارنا او تساؤلاتنا
القناة كقناة ربحية تُصنف كعمل تجاري و الهدف من القناة برامج الاطفال يعني الاستثمار ده كويس انو براسمال سوداني بستثمر في تطوير مستقبل اطفالنانشكر عافية منفردة او مع رؤسالاموال المساهمة معاها ولا نشير بتعجب انو التمويل مصدرو منو فقط لان عافية من اسرة عادية ؟
نيشان الاعلامي المعروف شريك في عدد من المحطات الاعلامية رغم انو إبن إسكافي (نُقلتي)إجتهاد الانسان و قدراتو المتميزة راس مال يا فنان
شكرا عافية و التيم المعاها علي القناة التي اتمني ان تستلهم تراثنا السوداني الايجابي في برامجها من اجل خلق جيل معافي و مرتبط بموروثه |
غايتو يا خدر لو كان سمعت كلام عافية الأنا سمعتو بالصدفة في التلفزيون عن القناة وعن توجهاتها وعن الـ VISION والـ Mission بتاعتا ما كنت حا تكتب كلامك ده.
يا زول الله يكضب الشينة، واتمنى إنو كلاما يكون مجرد حديث للإعلام،
وإلا نتوقع قناة مافيها أقل من ساحات الفداء،
،
مدثر سلام ويا سيدي البركة فيكم وجبر الله كسرك..
،
|
Post: #20
Title: Re: الفنانة عافية حسن هنالك سؤال مشروع
Author: عبداللطيف محجوب
Date: 10-22-2010, 11:34 AM
Parent: #4
Quote: ياخى عليك الله اديها صنة هسه الجاب علاقة البوست شنو
بحكاية خلو الخلق للخالق .. دى قناة ربحية واعلنت على
الناس كلها مانحن مشينا فتشنا وراها من حقنا نعرف اصلها
وفصلها ..ماتعمل لينا فيها واعظ عليك الله |
في الحقيقة أأسف جداً لمن أشوف ناس بتسأل ده حق منو !! .. وده جابو من وين .. !
،،
على العموم لن يفيدك شئ إذا عرفت إنو ده حق البشير أو حق الصادق المهدي أو دعم من الأمم المُتحدة أوغيرو .. ما أعتقد عندها فايدة كثيرة ..
فقط نتمنى التوفيق للقناة ..
هكذا هي دائماً أسئلتنا كسودانيين .. تبدأ بـ مِن وين ؟
ولست بواعظٍ ..
عموماً إنتو ما بتريحو الزول .. لو حاجة عامة ولا خاصة .. كان إشترى عربية همر موش حاجه خاصة ؟ برضو بتقولو ليهو من وين !!
ودعني أسألك سؤال تاني .. هل تتوقع عافية حسن ترُد عليك هنا ؟!! ولا بتفتكر ممكن والدها العضو بالبورد إحتمال يجي يرد عليك؟ .. أم هو سؤال موجه لمِن ؟!! ..
|
Post: #21
Title: Re: الفنانة عافية حسن هنالك سؤال مشروع
Author: مدثر قرجاج
Date: 10-22-2010, 11:54 AM
Parent: #20
Quote: هكذا هي دائماً أسئلتنا كسودانيين .. تبدأ بـ مِن وين ؟
|
ريح نفسك واعتبرنى سودانى من ضمن البقولو ده من وين ؟
|
Post: #22
Title: Re: الفنانة عافية حسن هنالك سؤال مشروع
Author: مجاهد عيسى ادم
Date: 10-22-2010, 04:41 PM
Parent: #21
العزيز مدثر ..
قبل شهر تحديدا انا كنت في زيارة لصديقي الهادي حامد ود الجبل واخرون تربطني بهم صداقة شخصية كان ضمن من استعدون لزيارتي الاخت عافية وكان مفروض علي احدهم المرور ببيتهم لجبل الة من الالات التي تخص تلك المضايفة 0اللحنية .. كانت المصادفة ان رئايت انا بيت 0ناس عافية .ومستوى تغير تلك الاسرة ولمن الفضل ..
كان الفضل لتلك البنت ياصديق في انها كانت تبر عائلتها لدرجة ما فعلته في تغيير للبيت ولصوتهاه فقط وطلتها الابداعية ثم الاهم تجربتها قادرة لدر 0مليار جنيه ودا امر انا مقتنع به تمام ..
لاحظ حفلة لشاب من الشباب بتاعين 0بنقبلها ديل بستة ملاين دي السهرة والواحدة يار جل ما يفعله الفنانين في السودان يدر قروش..
امر القناء
ان احترم صاحب راس المال تماما ان كان شخص يرغب في تمويل تجربة غنائية
لن اتحدث كثيرا عن ما حدث لها من تغير من غناء حديث لحجا والى ما شابه /هناك من يستغلون اي تجارب شابة وخاصة البنات في حال رغبتهن الى الصعود وعافة لضعف تجربتها الاجتماعية في البداية كان التصرف التم منها هو عبارة عن هروب من واقع بالاوضح كان 0######## من بعض الكهنة في والوسط الفني ولازالو بنفس لؤمهم يستغلون سطوة الابداعية في الاساءة الى الاشخاص ..
دا لا اعني به ما تم لعافة كاحتمال لكن دا الواقع هناك البجلعك
البنت لها تجربة تستحق التعاون
انت تحديد سوف لن تتوانا في دعم اي تجربة فنية على الاقل ان كان بالامكان تنشل اطفال 0ساحات الفداء من حالة الدم التي اجترعوها ..
كن بخير .
|
Post: #23
Title: Re: الفنانة عافية حسن هنالك سؤال مشروع
Author: عبداللطيف محجوب
Date: 10-22-2010, 06:28 PM
Parent: #21
| Quote: ريح نفسك واعتبرنى سودانى من ضمن البقولو ده من وين ؟ |
ودعني أسألك سؤال تاني .. هل تتوقع عافية حسن سترُد عليك هنا ؟!! ولا بتفتكر ممكن والدها العضو بالبورد إحتمال يجي يرد عليك؟ .. أم هو سؤال موجه لمِن ؟!! ..
|
Post: #24
Title: Re: الفنانة عافية حسن هنالك سؤال مشروع
Author: Kamal Karrar
Date: 10-22-2010, 07:04 PM
Parent: #23
يا أخوانا والله أنا شايف إنو المسألة أتحبكت أكثر من اللازم...
أخونا مدثر ما تناول الأخت الكريمة عافية إلا لأنها أصبحت شخصية عامة
رغم قصر تجربتها...
كل الناس أكدت إعجابها وإحترامها للفنانة وما في حد حاول يهمز أو يلمز
حسب تقديري.. وزي ما قال أحد الأخوان.. أنا أميل إلى أن وراء العمل
رأسمالي شاطر عرف كيف يستثمر فن عافية حسن.. ولو كان المستقمر هو عافية نفسها..
أتمنى إنو المسألة ما تتعدي هذه الأبعاد البريئة ولا أعتقد صاحب البوست عنى أكثر مما عناه..
عموما التحية والإحترام لكل المتداخلين السابقين واللاحقين وأرجو أن نبتعد عن الحدة في
النقاش وألا نتهم النوايا..
التحية موصولة لأخي مدثر وللفنانة عافية ولأسرتها الكريمة وناس الجبل عموما
|
Post: #25
Title: Re: الفنانة عافية حسن هنالك سؤال مشروع
Author: Mohamed Foto7li
Date: 10-22-2010, 08:20 PM
Parent: #24
سلام
الراجل من حقو يعرف مصدر القناه دي شنو
مال الشعب كلو مسروق ومنهوب
دايرين نعرف قروش البلد بتمشي وين
من يقف خلف هذه القناة???
|
Post: #26
Title: Re: الفنانة عافية حسن هنالك سؤال مشروع
Author: عبداللطيف محجوب
Date: 10-22-2010, 08:29 PM
Parent: #25
Quote: الراجل من حقو يعرف مصدر القناه دي شنو
مال الشعب كلو مسروق ومنهوب
دايرين نعرف قروش البلد بتمشي وين
من يقف خلف هذه القناة??? |
والله كلامك صاح يا محمد ..
لكن المُشكلة في إنو في سودانيز أون لاين التساؤلات دي لا تجدي نفعاً .. لأنو مثلاُ المُتوقع يرد عن سؤال زي ده منو ..
عموماً الموضوع ده ما في زول بيفك شفرتو إلا الفنانة عافية حسن .. وهي غير موجودة معانا .. فكيف تتكلم في زول هو مافي .. أو على أقل شئ ما عندو قُدرة إنو يرد عليك .. الفِكرة هنا ..
،،
والحاجات المفروض نعرفها في البلد كثيرة .. لكن هل حنفرد لأي منها موضوع ؟ وهل كتابة موضوع عن الحاجة العايزين نعرفها حيوصلنا لنتيجة ..
أنا بفتكر الأخو يمشي يسأل عافية حسن عدييييييييل! .. يفتش عنها وين .. ويسأل هي بتتواجد وين .. ويسألها ويجي يورينها نحن زاتنا .. لكن كلام المُنتديات البتشيلو الأرشفة ده ما بنفع !
|
Post: #27
Title: Re: الفنانة عافية حسن هنالك سؤال مشروع
Author: Mohamed Foto7li
Date: 10-22-2010, 09:16 PM
Parent: #26
| Quote: أنا بفتكر الأخو يمشي يسأل عافية حسن عدييييييييل! .. يفتش عنها وين .. ويسأل هي بتتواجد وين .. ويسألها ويجي يورينها نحن زاتنا .. لكن كلام المُنتديات البتشيلو الأرشفة ده ما بنفع |
والله كلامك جميل وموزون
|
|