Post: #1
Title: الشهيد القرشي لم يكن شيوعياً ..
Author: السيد المسلمي
Date: 10-21-2010, 01:11 PM
هذا ما أكده شقيقه (عبدالمتعال) وإبن خالته (عبد الرحيم ) الذي كان يقيم معه في ذات الغرفة بالداخلية ..
القرشي كان ديمقراطياً ..ونفيا إنتمائه للحزب الشيوعي .
ــ
صحيفة السوداني ..
21 / 10 /2010
|
Post: #2
Title: Re: الشهيد القرشي لم يكن شيوعياً ..
Author: السيد المسلمي
Date: 10-21-2010, 01:21 PM
Parent: #1
| Quote: نفى كل من عبدالمتعال -شقيق الشهيد- ومبارك مصطفى زوج شقيقة الشهيد أن يكون الشهيد أحمد القرشي عضواً بالحزب الشيوعي، ويضيف عبدالمتعال: لقد كان الشهيد عضو اللجنة التنفيذية لاتحاد طلاب مدرسة الفاشر الثانوية، وكان نشطاً في الجبهة الديمقراطية.. وقد سألته ذات مرة: يا أحمد ما بتحس إنو في تناقض كونك بتصلي وعضو في الجبهة الديمقراطية؟! فرد قائلا: في منو غيرهم متحرّك!! ويضيف عبدالتعال.. بعد استشهاد القرشي ادعى الشيوعيون بأنه كان عضواً معهم |
http://www.alsahafa.info/topicimg.php?id=2147511552
|
Post: #3
Title: Re: الشهيد القرشي لم يكن شيوعياً ..
Author: الفاتح سليمان
Date: 10-21-2010, 02:12 PM
Parent: #2
السيد المسلمي
تحية واحترام
كونوا يكون شيوعي او غير شيوعي ما بتغير كتير في تاريخ عظيم سطره القرشي و كل السودانيين
ومن بينهم الشيوعيين في تلك الفترة
الجبهة الديمقراطية ؟؟؟
ممكن توضح حبة في قصة الجبهة الديمقراطية دي لانو مرات الكيزان يقولوا ليك ما في حاجة اسمها جبهة ديمقراطية ديل شيوعيين ولا الراي شنو ؟ ولا دي حركات وكذب بتاع كيزان ساكت
| Quote: فرد قائلا: في منو غيرهم متحرّك!! |
كان في كتيرين متحركين في الوقت داك
ما الجبهة الديمقراطية لوحدها ...
مش الجبهة الديمقراطية دي يا ها التحالف الشنو داك ما بين الديمقراطيين والشيوعيين
تقبل خالص التحايا بمناسبة اكتوبر المجيد وما اشبة يومنا وحالنا الان بالبارحة في الظلم والتشتت الذي تعيشه البلاد بل اكتر كتير من زمن كان فيها السودان واحد موحد
|
Post: #4
Title: Re: الشهيد القرشي لم يكن شيوعياً ..
Author: السيد المسلمي
Date: 10-21-2010, 03:02 PM
Parent: #3
الأخ الفاتح سليمان ..
Quote: الجبهة الديمقراطية ؟؟؟
ممكن توضح حبة في قصة الجبهة الديمقراطية دي لانو مرات الكيزان يقولوا ليك ما في حاجة اسمها جبهة ديمقراطية ديل شيوعيين ولا الراي شنو ؟ ولا دي حركات وكذب بتاع كيزان ساكت |
بالتأكيد إستغلال الشيوعيين مسمي الجبهة الديمقراطية لتنفيذ أجندتهم
هو الذي يجعل الكثيرين يذهبون الي هذا الإعتقاد ..
وبالرغم من قناعتي أن الخيط الفاصل بين الجبهة الديمقراطية والحزب الشيوعي رفيع جداً ..
إلا إنني في غاية السعادة بنفي شيوعية الشهيد القرشي 
تحياتي .
|
Post: #5
Title: Re: الشهيد القرشي لم يكن شيوعياً ..
Author: رؤوف جميل
Date: 10-21-2010, 05:33 PM
Parent: #4
لنشيد الثالث : للقرشي
وكان في قريته الذرة
مثقلةُ الأعواد بالثِمار
والقطن في حقولها منوِّرُ
ولوزه نضار.
وكان في العشرين لم يرَ
ألفاً من الشموس مقبلة
ولم يعش هناءة الزفاف
ولم يكن في فمه أكثر من هتاف
ولم يكن في يده أكثر من حجر
وكان في المقدمة
على خطوط النار والخطر
فجندلوه بالرصاص دامياً منتفضاً
وفي أكفَّ صحبه قضى
|
Post: #8
Title: Re: الشهيد القرشي لم يكن شيوعياً ..
Author: السيد المسلمي
Date: 10-22-2010, 10:27 AM
Parent: #5
رؤوف جميل شكراً للمرور .
|
Post: #7
Title: Re: الشهيد القرشي لم يكن شيوعياً ..
Author: رؤوف جميل
Date: 10-21-2010, 05:39 PM
Parent: #6
Quote: ومات القرشي قبل أن يبلغ المستشفي. وطلب مني الزميل معتصم من كلية الزاعة أن أتعرف على هوية هذا الشهيد تأكيداً لما قال هو لمن حوله من أن الشهيد هو القرشي. وكشفنا الغطاء عنه. قال لي معتصم : "أليس هو القرشي؟" قلت : "بلي". كان جميلاً كعادته حين ينشغل بأمر الشعب كما شهدته مرات قليلة في أروقة رابطة الطلبة الشيوعيين. وما زالت نادماً أنني لم أقبل جبهته الشماء وأنا الذي كتبت قصة قصيرة قبل سنوات من ذلك عنوانها "الشفاه التي قبلت قرشي" ونشرتها في جريدة الصراحة لو أذكر جيداً. والقرشي المقصود في قصتي هو الرفيق قرشي الطيب الذي استشهد في مظاهرة مقاومة للجمعية التشريعية بمدينة عطبرة في سنة 1948. وستجد شعراء ثورة اكتوبر يحيلوننا لتوارد أسماء الثائرين وتشابهها. قال ود المكي: "فبجنب القرشي حين دعاه القرشي حتى انتصر". وتوسع صلاح أحمد إبراهيم في المشابهة حين جاء باسم المهدي في المعادلة بقرينة تلمذته علي الشيخ السماني المرموق القرشي ود الزين.
لقد أهداني الزمان فرصة مأساوية لتقبيل وجه أحمد القرشي طه لأشرف بذلك كما أوحيت في قصتي. ولكن ارتج عليّ. ومن قال إنني من السعداء؟
عبد الله على إبراهيم |
|
Post: #9
Title: Re: الشهيد القرشي لم يكن شيوعياً ..
Author: mohmed khalail
Date: 10-23-2010, 05:37 AM
Parent: #7
ابو السيد يا عمك
كل اكتوبر وانت بخير
ورحم الله الشهيد القرشي..اي كان انتماءه فقد دفع دماءه ثمن لدميقراطية للاسف اسأنا إستغلالها مثنى وثلاث ويقيني رباع في مستقبلنا غير مستبعده.
قلبي على وطني يا ابو السيد
كن بخير يا حبيب
|
Post: #10
Title: Re: الشهيد القرشي لم يكن شيوعياً ..
Author: Nasr
Date: 10-23-2010, 06:25 AM
Parent: #9
دا ما القضية
شيوعي، ديمقراطي، إتحادي، أمة
أهو صار رمز لثورة شعبية أزاحت حكم ديكتاتوري
ودا كلو بقي تاريخ
المهم
موقفك شنو من ثورة شعبية ثالثة تزيح الديكتاتورية الحالية
وتجينا بديمقراطية مستدامة؟؟؟؟؟؟؟؟؟؟؟؟
ما مطالبنك تكون شهيد لهذه الثورة
بس لمن تشوف صفوف الغبش تتزاحم في الاسفلت الساخن
أرفع ليهم أصابعك بعلامة النصر
وبينتصروا
وبيهدوا ليك ولاولادك وأحفادك
مستقبل أخضر وجميل وزاهي ووفي
|
Post: #11
Title: Re: الشهيد القرشي لم يكن شيوعياً ..
Author: Amany Elamin
Date: 10-23-2010, 07:22 AM
Parent: #10
السيّد سلامات,
طول عمري عارفه انه الجبهه الديمقراطيه (ج . د) هي تنظيم للحزب الشيوعي في أوساط الطلّاب والجامعات !!
يعني زي الفرق بين أحمد وحاج أحمد,,
طلع مافي علاقه؟ 
|
Post: #16
Title: Re: الشهيد القرشي لم يكن شيوعياً ..
Author: السيد المسلمي
Date: 10-23-2010, 01:59 PM
Parent: #11
Quote: السيّد سلامات,
طول عمري عارفه انه الجبهه الديمقراطيه (ج . د) هي تنظيم للحزب الشيوعي في أوساط الطلّاب والجامعات !!
يعني زي الفرق بين أحمد وحاج أحمد,,
طلع مافي علاقه؟ |
والله يا أماني كنت فاكرك بتفهيميها طاااايرة !
ليس المهم هنا علاقة الجبهة الديمقراطية بالحزب الأحمر ..
بيت القصيد هو تبرئة الشهيد من تهمة إنضمامه للحزب ..
وممن تتأكدي من تصريح عبدالمتعال أخيه ونفيه القاطع
|
Post: #15
Title: Re: الشهيد القرشي لم يكن شيوعياً ..
Author: السيد المسلمي
Date: 10-23-2010, 01:45 PM
Parent: #10
Quote: دا ما القضية
شيوعي، ديمقراطي، إتحادي، أمة
أهو صار رمز لثورة شعبية أزاحت حكم ديكتاتوري
ودا كلو بقي تاريخ |
بالعكس ياناصر ..
دي حقيقة تاريخية لها أهميتها ..
Quote: موقفك شنو من ثورة شعبية ثالثة تزيح الديكتاتورية الحالية
وتجينا بديمقراطية مستدامة؟؟؟؟؟؟؟؟؟؟؟؟
ما مطالبنك تكون شهيد لهذه الثورة
بس لمن تشوف صفوف الغبش تتزاحم في الاسفلت الساخن
أرفع ليهم أصابعك بعلامة النصر
وبينتصروا
وبيهدوا ليك ولاولادك وأحفادك
مستقبل أخضر وجميل وزاهي ووفي |
ثورة شعبية !!!
أظنك نسيت دور الإسلاميين في ثورة أكتوبر , وقدرتهم علي تحريك الشارع ..
لا تحلم بثورة أوحتي مظاهرة خجولة في ظل هذه المعارضة المتشرذمة ..
وإن كنتم تنتظرون الغبش كي يحاربوا من أجلكم فإنني بالتأكيد لن أرهق نفسي عناء الإشارة
تحياتي ..
|
Post: #12
Title: Re: الشهيد القرشي لم يكن شيوعياً ..
Author: السيد المسلمي
Date: 10-23-2010, 09:51 AM
Parent: #9
حبيبنا محمد خليل ..
حمدلله علي السلامة ياعمكـ ..
| Quote: ورحم الله الشهيد القرشي..اي كان انتماءه فقد دفع دماءه ثمن لدميقراطية للاسف اسأنا إستغلالها مثنى وثلاث ويقيني رباع في مستقبلنا غير مستبعده. |
مشكلتنا في الفهم الديمقراطي زاااتو ..
لذا أنا أتفق معك علي حتمية فشل التجارب القدمة ..
هذا إذا لم تتغير العقلية السياسية التي تفكر بها أحزابنا .
رحم الله القرشي .
|
Post: #13
Title: Re: الشهيد القرشي لم يكن شيوعياً ..
Author: عمر صديق
Date: 10-23-2010, 01:13 PM
Parent: #12
الاخ المسلمي
تحياتي
وهو كذلك وربنا يتقبله ويجزيه خيرا عن وطنه
اما الشيوعيين بواسطة تنظيمهم الطلابي الجبهة الديمقراطية فقد كانو ضد مواجهة النظام ورفضوا قيام الندوة التي اشعلت اكتوبر
ولكن
بعد ذلك ركبوا الموجة وغنو للثورة وقاموا باخفاء محضر اتحاد الطلاب حتي لاينكشف موقفهم
|
Post: #14
Title: Re: الشهيد القرشي لم يكن شيوعياً ..
Author: إدريس البدري
Date: 10-23-2010, 01:26 PM
Parent: #13
المسلمي ســلام
يكفي القرشي أنه مات من أجل الثــورة بغض النظر عن انتمائه
|
Post: #23
Title: Re: الشهيد القرشي لم يكن شيوعياً ..
Author: السيد المسلمي
Date: 10-24-2010, 09:29 AM
Parent: #14
إدريس البدري ..
شاكر مروركـ .
|
Post: #17
Title: Re: الشهيد القرشي لم يكن شيوعياً ..
Author: السيد المسلمي
Date: 10-23-2010, 02:05 PM
Parent: #13
حبيبنا عمر صديق ..
Quote: اما الشيوعيين بواسطة تنظيمهم الطلابي الجبهة الديمقراطية فقد كانو ضد مواجهة النظام ورفضوا قيام الندوة التي اشعلت اكتوبر
ولكن
بعد ذلك ركبوا الموجة وغنو للثورة وقاموا باخفاء محضر اتحاد الطلاب حتي لاينكشف موقفهم |
فتأمل .. علي قول ملاسي !!
|
Post: #18
Title: Re: الشهيد القرشي لم يكن شيوعياً ..
Author: Nasr
Date: 10-23-2010, 05:04 PM
Parent: #17
قال مبتدر البوست
| Quote: لا تحلم بثورة أوحتي مظاهرة خجولة في ظل هذه المعارضة المتشرذمة .. |
السؤال المهم: إذا شاء الله وقدر وحصلت ثورة شعبية وفيها إسلاميين مشتركين إنت موقفك شنو؟؟؟؟؟
بتأييد ولو بقلبك
ولا بتقيف ضدها ؟؟؟؟
|
Post: #19
Title: Re: الشهيد القرشي لم يكن شيوعياً ..
Author: محمد هشام
Date: 10-23-2010, 05:16 PM
Parent: #18
سلامات المسلمي
انا ما عارف انت مبسوط ليه انو القرشي ما شيوعي
لكن الحزب علمنا انو ما نتاجر بشهداءنا ولا عملنا ليهم ساحات فداء وكضبنا وجوطة فارغة
يكفينا فخرا انهم عاشو ابطال و ماتوا ابطال
وانا بفتكر انو الشهادة الوحيدة حول انضمام القرشي للحزب او لا ممكن يقدمه الحزب لشيوعي السوداني
مش اخوهو او ود عم اختو
على العموم
لو ما بتعرف الجبهة
انا نقلت ليك اول سطرين في برنامج الجبهة الديمقراطية للطلاب السودانيين
| Quote: الجبهة الديمقراطية للطلاب السودانين تنظيم ديمقراطى ثورى يمثل تحالف الطلاب الديمقراطين والشوعيين الذي يستند فى اهدافة ومنطلقاته الفكرية والسياسية على البرنامج الوطنى الديمقراطى |
وتحية طيبة
|
Post: #20
Title: Re: الشهيد القرشي لم يكن شيوعياً ..
Author: Amani Al Ajab
Date: 10-23-2010, 07:27 PM
Parent: #19
الأخ السيد المسلمي لك التحية والتقدير ..
الشهيد أحمد القرشي طه قدم التضحية الأعظم من أجل وطنه ..
ونال شرف أكبر من أي إنتماء لحزب أو طائفة أو جماعة ..
تقبله الله قبولاً حسناً بين الأبرار والصديقين والشهداء وحسن أولئك رفيقا..
ويحمد لك أنك الشخص الوحيد من مناصري الإنقاذ الذي إفترع بوستاً
في ذكرى أكتوبر ..
ويلاحظ أنك خصصته لمناطحة حزب خصم دون كلمة تمجيد واحدة لشعب أعزل
خرج عن بكرة أبيه وازال حكماً دكتاتورياً متسلطاً !
لقد كان للإتجاه الإسلامي (جبهة الميثاق الإسلامي ) ودكتور حسن الترابي
دوراً مشهوداً في ثورة أكتوبر ..
تنكر الإسلاميون لثورة أكتوبر واصبحت عندهم نسياً منسياً!
وكيف لا ؟ أليس الإنقلاب هو الطريق لإغتصاب السلطة والإنفراد بها ؟
وكيف يمجدوا هبة شعب حرر فيها نفسه بينما يمعن نظامهم الظالم في التسلط
عليه وقهره وإذلاله؟
اللهم أرحم كل شهدائنا وخذ كل ظالم متسلط جائر عنيد أخذ عزيز مقتدر ..
|
Post: #21
Title: Re: الشهيد القرشي لم يكن شيوعياً ..
Author: Alshafea Ibrahim
Date: 10-23-2010, 07:42 PM
Parent: #20
المسلمي
جبهة ديمقراطية وشيوعي
يعني زي الترابي وعلي عثمان ؟
فهمي كدا ارجو التصحيح ...
الشفيع
|
Post: #22
Title: Re: الشهيد القرشي لم يكن شيوعياً ..
Author: محمد أبوالعزائم أبوالريش
Date: 10-23-2010, 08:00 PM
Parent: #21
الشهيد أحمد القرشي طه .... أياً كان انتمائه
قدّم نفسه وأصبح رمزاً خلده التاريخ.
وسيأتي قرشي آخر .. فرحم حواء لم يجف.
سؤال:
هل بالضرورة أن يعلم أخ إنتماء أخيه؟
|
Post: #26
Title: Re: الشهيد القرشي لم يكن شيوعياً ..
Author: خالد العبيد
Date: 10-24-2010, 10:00 AM
Parent: #22
الشهيد أحمد القرشي طه
سقط في ذاك اليوم العظيم شهيدين من طلبة نفس الجامعة
بابكر عبدالحفيظ وعبدالرحيم حران
لماذا اختاروا القرشي تحديدا للعضوية!!
القرشي كان عضوا بالحزب الشيوعي السوداني
وعضوا برابطة الطلبة الشيوعيين جامعة الخرطوم
الشيوعيين لا يمنحون شرف العضوية لمن ليس عضوا بينهم
|
Post: #25
Title: Re: الشهيد القرشي لم يكن شيوعياً ..
Author: السيد المسلمي
Date: 10-24-2010, 09:53 AM
Parent: #19
محمد هشام .. حبابكـ
Quote: انا ما عارف انت مبسوط ليه انو القرشي ما شيوعي
لكن الحزب علمنا انو ما نتاجر بشهداءنا ولا عملنا ليهم ساحات فداء وكضبنا وجوطة فارغة
يكفينا فخرا انهم عاشو ابطال و ماتوا ابطال
وانا بفتكر انو الشهادة الوحيدة حول انضمام القرشي للحزب او لا ممكن يقدمه الحزب لشيوعي السوداني
مش اخوهو او ود عم اختو |
سؤالكـ حول سبب إنبساطي يرجع لقناعات أنا مؤمن بيها وممكن أناقشك فيها لو حبيت ...
وأظنكـ تعلم العزلة التي يفرضها المجتمع علي كل ماهو شيوعي وذلك لما علق في أذهان الناس في الربط بين الإلحاد والشيوعية ..
ولم يخرج نفي أسرته من هذا السياق ...
فرمزية القرشي يجب ألا تلوث بالإلحاد ... هذا مالم يقله أخاه صراحةً .
وما بتفق معاكـ في أحقية الحزب في إعلان القرشي عضو ولا لا .. إلا إذا كان من الكوادر السرية !!
ودي برضو ماممكن تُثبت إلا بالوثائق الخاصة بالحزب .
أما حديثكـ عن المتاجرة بالشهداء فسوف أعود إليه لاحقاً .
تحياتي .
|
Post: #24
Title: Re: الشهيد القرشي لم يكن شيوعياً ..
Author: السيد المسلمي
Date: 10-24-2010, 09:38 AM
Parent: #18
Quote: السؤال المهم: إذا شاء الله وقدر وحصلت ثورة شعبية وفيها إسلاميين مشتركين إنت موقفك شنو؟؟؟؟؟
بتأييد ولو بقلبك
ولا بتقيف ضدها ؟؟؟؟ |
ثورة ضد شنو ؟
بس ما تقول لي ضد حكومتنا دي !!!
كدي في الأول شوفو إنتو منو وعايزين شنو ؟
يبدو أنك غير متابع للتحالفات المتوقعة بعيد الإنفصال ..
و أذا كنت متابع ببقي حديثكـ عن ثورة شعبية هو للإستهلاكـ فقط .!!
|
Post: #27
Title: Re: الشهيد القرشي لم يكن شيوعياً ..
Author: خالد العبيد
Date: 10-24-2010, 10:08 AM
Parent: #24
لفوه في علم البلاد ودثروه بحقدها وعويلها
بتأجج الغضب المقدس فوق تربتها وملء سهولها
بشموخ وثبتها إلى الحرية الحمراء تقطر بالنجيع
وتدفقوا متظاهرين محطمين العار والذل الطويل
وكل ألوية الخنوع
لا البطش يرهبهم ولا الموت المحدق بالجموع:ء
لن تفلت الأفعى ولو حشدت أساطيل الجحيم
وحصنت أوكارها
الثورة الشعبية الكبرى تغذت بالدماء وأضرمت
فوق المآذن نارها
والنصر حف بها وباركت البلاد مسارها
محمد المكي إبراهيم
|
Post: #28
Title: Re: الشهيد القرشي لم يكن شيوعياً ..
Author: Nasr
Date: 10-24-2010, 06:08 PM
Parent: #27
قال المسلمي
Quote: ثورة ضد شنو ؟
بس ما تقول لي ضد حكومتنا دي !!!
كدي في الأول شوفو إنتو منو وعايزين شنو ؟ |
ثورة ضد الديكتاتورية
والتي هي حكومتك دي
ونحن الشعب السوداني
ودايرين وحدة وديمقراطية وحرية وعيش كريم في وطننا السودان
أها
معانا ولا مع الخيانة أو الخيانا؟؟؟؟؟؟؟؟؟؟؟؟؟؟؟؟
|
Post: #29
Title: Re: الشهيد القرشي لم يكن شيوعياً ..
Author: rani
Date: 10-30-2010, 10:09 AM
Parent: #28
Quote: سؤالكـ حول سبب إنبساطي يرجع لقناعات أنا مؤمن بيها وممكن أناقشك فيها لو حبيت ...
وأظنكـ تعلم العزلة التي يفرضها المجتمع علي كل ماهو شيوعي وذلك لما علق في أذهان الناس في الربط بين الإلحاد والشيوعية ..
ولم يخرج نفي أسرته من هذا السياق ...
فرمزية القرشي يجب ألا تلوث بالإلحاد ... هذا مالم يقله أخاه صراحةً .
وما بتفق معاكـ في أحقية الحزب في إعلان القرشي عضو ولا لا .. إلا إذا كان من الكوادر السرية !!
ودي برضو ماممكن تُثبت إلا بالوثائق الخاصة بالحزب .
أما حديثكـ عن المتاجرة بالشهداء فسوف أعود إليه لاحقاً .
تحياتي . |
التحية الي المفكروووووون الجدد.
|
|