Post: #1
Title: سؤال للفرحانين...
Author: محمد البشرى الخضر
Date: 10-21-2010, 05:33 AM
Parent: #0
عشان المدة طالت وكدا , ذكّروني غلبتوا الأمل في عطبرة كم ؟
و غلبتوا الصفاقسي - رايح جاي - كم؟
و سؤال اخير لناس قولة "المحلّي داخل عطبرة " كور تكم الجاية في (تمهيدي) الأبطال شهر كم ؟ سنة كم؟؟
_________________________
قالت العرب في مضرب المثل :
سجم الفرحان بطهور أولاد سيدو
|
Post: #2
Title: Re: سؤال للفرحانين...
Author: ABUHUSSEIN
Date: 10-21-2010, 05:35 AM
Parent: #1
إنت زعلت يا دكتور ؟؟؟؟
صباح الخيرات
|
Post: #3
Title: Re: سؤال للفرحانين...
Author: وليد محمد المبارك
Date: 10-21-2010, 05:37 AM
Parent: #1
الفرح اسبابو تانية
الصفاقصى احتمال يعتر ليك ويحرمك من كاس الكونفدرالية
وتبقى المحصلة كما هي
ولا كاس واحد
اما الامل فالفرح سبب نقطتين فرق
|
Post: #4
Title: Re: سؤال للفرحانين...
Author: محمد البشرى الخضر
Date: 10-21-2010, 05:56 AM
Parent: #3
صباحكم نور يا ابوحسين و يا ولّي
الله لاجاب زعل في الكرة
لكن ما جاوبتوا على السؤالين لسة - التالت بتاع كورتكم الأفريقية خليه بقي صعب عشان طوّلتو أظن
تعيدهم تاني :
غلبتوا الأمل في عطبرة كم؟
غلبتوا الصفاقسي - رايح بس خلّيها جاي - كم؟
________________________
قالت العرب :
لا يرى البعير ما بعنقه من إعوجاج
|
Post: #5
Title: Re: سؤال للفرحانين...
Author: وليد محمد المبارك
Date: 10-21-2010, 05:59 AM
Parent: #4
انت عندكم كم نقطة في الممتاز؟
|
Post: #6
Title: Re: سؤال للفرحانين...
Author: الكباشى البكرى
Date: 10-21-2010, 06:00 AM
Parent: #3
سلام يا عمك
هاردلك والله ما رضينها ليكم
الهلال دا زي ما قلت ليكم زي جمل المسلميه لو عارفين قصتو
كل ما قترب كل ما ابتعد اكتر ما عندو ثقافة بطولات
ارضو بي المقسوم ليكم ياخي...
|
Post: #7
Title: Re: سؤال للفرحانين...
Author: osman righeem
Date: 10-21-2010, 06:06 AM
Parent: #6
يا عمك صباحك قشطه
الموضوع لا طهور لا رقبة جمل
هم بس فهموها كده ما ضروري تحقق نصر
بس المهم الهلال ما يعملها
يا عمك بت الشيخ طولت الغيبة
|
Post: #8
Title: Re: سؤال للفرحانين...
Author: mohmed khalail
Date: 10-21-2010, 06:07 AM
Parent: #6
كااااااااااااااااااااااك يا ابوحميد
بتوع التمهيدي بعد ما يدوخوهم ناس التاكسي والبوليس والجيش وما شابه بفرفرو في دور ال16 فرفرة مزبوح ثم بيسلمو الروح
الله غالب
|
Post: #9
Title: Re: سؤال للفرحانين...
Author: محمد البشرى الخضر
Date: 10-21-2010, 06:08 AM
Parent: #6
يا ولي نظام سؤال بسؤال ولا شنو؟
ما عارف بالضبط كم لكن متأكد من حاجة واحدة عندنا أضمن تلاتة نقاط بتاعة المريخ
كباشي يا عمك
نرضى بالمقسوم كيف يعني ؟
نعمل زيكم ونربع يدينا و نجتر في التاريخ ونتذكر في فرمالة مانديلا كل ما نطير و نبقى لي طوي الملفات
لا يا عزيزي عندنا الطموح البخلين كل سنة نصل المجموعات و الأربعة نمشي لي قدام
أخطاء السنة دي بنصلحها في البعدها يحدونا الأمل و الثقة في قدراتنا و يدفعنا طموح مشروع
و التوفيق من الله
|
Post: #17
Title: Re: سؤال للفرحانين...
Author: الكباشى البكرى
Date: 10-21-2010, 06:34 AM
Parent: #9
يحدوكم الامل ولا الصفاقصي؟
|
Post: #11
Title: Re: سؤال للفرحانين...
Author: امير عوض الجمري
Date: 10-21-2010, 06:14 AM
Parent: #6
ود البشرى صباحاتك خير
Quote: عشان المدة طالت وكدا , ذكّروني غلبتوا الأمل في عطبرة كم ؟
و غلبتوا الصفاقسي - رايح جاي - كم؟
و سؤال اخير لناس قولة "المحلّي داخل عطبرة " كور تكم الجاية في (تمهيدي) الأبطال شهر كم ؟ سنة كم؟؟ |
اها النجاوبلك انا :
غلبنا هلال كادقلي في كادقلي 4
غلبنا الاسماعيلي رايح ودرنا معاهو جاي(اسماعيلية رايح جاي)
كورتنا الجاية في دوري الابطال الحا نسوقك ليهو معانا لانك حا تكون وصيفنا (بعد درون امبارح ده - عرفتنا فرحانين لي شنو)
وكااااااااااااااااااااااااااااااااااااااااااااااااااااااااااااااك يا ود البشرى
لكن غايتو عجبتني (اجي يا خلّي) بتاعت تونس ..
انا خايفو يجي يسدّاها فيك هنا
|
Post: #12
Title: Re: سؤال للفرحانين...
Author: امير عوض الجمري
Date: 10-21-2010, 06:19 AM
Parent: #11
| Quote: نعمل زيكم ونربع يدينا و نجتر في التاريخ ونتذكر في فرمالة مانديلا |
هي يااااا ود البشرى هو انتو عندكم فرمالة تتذكروها نان يا ود امي !!!
|
Post: #13
Title: Re: سؤال للفرحانين...
Author: Hassan Senada
Date: 10-21-2010, 06:22 AM
Parent: #11
Quote: اها النجاوبلك انا :
غلبنا هلال كادقلي في كادقلي 4
غلبنا الاسماعيلي رايح ودرنا معاهو جاي(اسماعيلية رايح جاي)
كورتنا الجاية في دوري الابطال الحا نسوقك ليهو معانا لانك حا تكون وصيفنا (بعد درون امبارح ده - عرفتنا فرحانين لي شنو)
وكااااااااااااااااااااااااااااااااااااااااااااااااااااااااااااااك يا ود البشرى
لكن غايتو عجبتني (اجي يا خلّي) بتاعت تونس ..
انا خايفو يجي يسدّاها فيك هنا |
يالجمرى نسيت حى العرب سوكرتا
|
Post: #15
Title: Re: سؤال للفرحانين...
Author: وليد محمد المبارك
Date: 10-21-2010, 06:30 AM
Parent: #13
| Quote: نعمل زيكم ونربع يدينا و نجتر في التاريخ ونتذكر في فرمالة مانديلا |
هي كدي اعمل الفرمالة في الاول
بعدين تعال اجتراها
!!
|
Post: #16
Title: Re: سؤال للفرحانين...
Author: امير عوض الجمري
Date: 10-21-2010, 06:30 AM
Parent: #13
| Quote: يالجمرى نسيت حى العرب سوكرتا |
لالالالا يا حسن كمان انت خليك حنيّن شوية .. ود البشرى ده حبيبنا ياخي ولدنيا صباح .
اوعة كمان تجي تقول لي نسيت وفق سطيف .. تكون بتبالغ عديل وعايز الزول تحصل ليهو حاجة.
كاااااااااااااااااااااااااااااااااااااااااااااااك
|
Post: #14
Title: Re: سؤال للفرحانين...
Author: أمين يحيى
Date: 10-21-2010, 06:27 AM
Parent: #11
ود البشرى يا سليل الأسياد ...
إنت بتسأل في الناس ديل أسئلة صعبة شديد ، ياخ على الأقل أديهم (مساعدة) هم متعودين عليها
وبعدين الناس ديل ما ضلنا ياخ ، التار بنجيبو ليهم حتى المشاركة في دوري الأبطال لما عرفوها
كانوا (صحبة راكب) .
_______________
عزيزي أمير الجمري سؤال سريع كدة : أطول القطر ولا أحلى العسل !!!؟
قلت لي غلبتو هلال كادوقلي !!!
مودتي
|
Post: #18
Title: Re: سؤال للفرحانين...
Author: امير عوض الجمري
Date: 10-21-2010, 06:36 AM
Parent: #14
| Quote: عزيزي أمير الجمري سؤال سريع كدة : أطول القطر ولا أحلى العسل !!!؟ |
احرف راجي .
انت قايلني شايت غلط وللا شنو يا امين يا جميل!!
نحن بنقول الكلام للبفهموها طايرة .. لكن انت الظاهر انو عمار مرق مهضرب. بيك وغالبك تركّز
وكاااااااك كاااااااك ككو حليمة
|
Post: #19
Title: Re: سؤال للفرحانين...
Author: ابراهيم محمد الحسن
Date: 10-21-2010, 06:40 AM
Parent: #14
ود البشرى ،،
Quote: ذكّروني غلبتوا الأمل في عطبرة كم ؟
و غلبتوا الصفاقسي - رايح جاي - كم؟ |
وأنا جاي أجاوب ليك :
هلال كادوقلي غلبكم في كادوقلي 2
والإسماعيلي غلبكم - رايح جاي
لقيت أمير الجمري جاوب ليك :
Quote: غلبنا هلال كادقلي في كادقلي 4
غلبنا الاسماعيلي رايح ودرنا معاهو جاي(اسماعيلية رايح جاي) |
القلوب عند بعضها ،،،
غايتو الله يديم الفرحة ،،
والهلال يشرف الكرة السودانية ،،
(عشان ما تفهمونا غلط،،،)
|
Post: #20
Title: Re: سؤال للفرحانين...
Author: طارق الكوتش
Date: 10-21-2010, 07:05 AM
Parent: #19
لكن ده | Quote: سجم الفرحان بطهور أولاد سيدو |
مباااالغه
ود البشرى المريخاب ديل عاطلين من البوستات و الكوره تقريبا سنه كااامله
من الديش دخل فتاشه وفى روايه اخرى من المسمارين الجوه الدارا > مهند و كاريكا >
عشان كده اتذكرت ليك الناس البتمتموا وبقطعوا هم بيقولوا ليك س س س
سجمى > لووووولز
:::::::::::
ياجمرى احفظ الحقوق البسببها ارتفعت عدد
مشاركات السودان فى الابطال و الكونفدراليه > سمح يا امير
+ انتو وقت بتعدوا الفرق التى هزمت الهلال فى الممتاز
ما كمان شويه كده وتخليكم ناس رياضين يا هوما السمتو هنايه
وتكتبوا لينا اسماء الفرق التى هزمت المريخ ولا الحكايه ده
فيها صعوبه >> تحننوا > جوه وبره يا كافى البلا وبقيتوا
ناس تاريخ و جغرافيا >>>> غايتو ود البشرى فرق ليكم شويه
>>>>>>>>>> ود البشرى ياخ شكرا للبوست ده والذى بموجبه
شوفنا ناس كتااااار كانوا غائبين او بكتبوا فى الوحده
والانفصال
|
Post: #21
Title: Re: سؤال للفرحانين...
Author: ابراهيم محمد الحسن
Date: 10-21-2010, 07:10 AM
يا كوشت ،،،
| Quote: ود البشرى المريخاب ديل عاطلين من البوستات و الكوره تقريبا سنه كااامله |
طيب ياخي ما تحرمونا من مثل هيك بوستات ،،
والله يكتر منها ،،
يااااا رب ..
يعني هسع إتخيل ،،،
إتخيل لو غلبتو الأمل ..
كان نحن لقينا الفرصة دي ؟؟؟؟
.......
|
Post: #22
Title: Re: سؤال للفرحانين...
Author: امير عوض الجمري
Date: 10-21-2010, 07:14 AM
يا كوتش صباح الخيرات
Quote: ياجمرى احفظ الحقوق البسببها ارتفعت عدد
مشاركات السودان فى الابطال و الكونفدراليه |
وصول المريخ نهائي الكونفدرالية 2007 ووصول الهلال دور الاربعة في دوري الابطال نفس السنة
وصول المريخ دوري لمجموعات الكونفدرالية 2008 ووصول الهلال مجموعات الابطال نفس السنة
Quote: > سمح يا امير
+ انتو وقت بتعدوا الفرق التى هزمت الهلال فى الممتاز |
نحن ما قاعدين نعد لفرق الهزمت الهلال !! نحن بنجاوب لي ود البشرى بس والدليل الجواب قدر السؤال جاوبنا ليهو بهلال كادقلي والاسماعيلي بس!
ما زدناهن .. لو ما حسن سنادة براهو جاب سيرة حي العرب
وكاااااااااااااااااااااااااااك كااااااااااااك
|
Post: #23
Title: Re: سؤال للفرحانين...
Author: محمد البشرى الخضر
Date: 10-21-2010, 07:36 AM
Parent: #22
هلا بالشباب هلا والله
أسياد بلد ينافسون على الكونفيدرالية
وطيشاب وصيفاب فريحاب بتعادل الزعيم ما الأمل - نفس الأمل الزعمطهم
يا ابراهيم ويا جمري اقول ليكم غلبتوا الأمل كم تقولوا لي هلال كادقلي و الإسماعيلي؟!!
قالت العرب :
فهم السؤال فيفتي بيرسنت أوف الإجابة
طيب سؤال أوضح و ابسط أتمنى الإجابة تكون كذلك
في الدوري الممتاز دا آخر كورة ليكم مع الهلال غلبتونا كم ؟
وسؤال تاني ابسط و أوضح :
مع كروجر دا متوقعين تغلبونا كم في الكورة الجاية
ورد في الأثر الصفوي:
هذا وقد طوينا الملفات جميعها(ابطال /كونفيدرالية / ممتاز)
بقى لنا ملف الأمل و الصفاقسي
|
Post: #24
Title: Re: سؤال للفرحانين...
Author: امير عوض الجمري
Date: 10-21-2010, 07:43 AM
Parent: #23
Quote: يا ابراهيم ويا جمري اقول ليكم غلبتوا الأمل كم تقولوا لي هلال كادقلي و الإسماعيلي؟!!
قالت العرب :
فهم السؤال فيفتي بيرسنت أوف الإجابة |
ود البشرى اظنك زي امين .. مهضرب بيكم عمار مرق لسة .. بعد تفيقوا شوية من الهضربة دي بتفهمونا انا وابراهيم
وكااااااااااااااااااااااااااااااااااك
|
Post: #25
Title: Re: سؤال للفرحانين...
Author: محمد البشرى الخضر
Date: 10-21-2010, 07:48 AM
Parent: #24
أمين منو؟
الدكتور؟
|
Post: #27
Title: Re: سؤال للفرحانين...
Author: طارق الكوتش
Date: 10-21-2010, 07:53 AM
Parent: #25
| Quote: عزيزي أمير الجمري سؤال سريع كدة : أطول القطر ولا أحلى العسل !!!؟ |
.........
مشتاقين يا امين يا يحى يا صديق يا جميل
|
Post: #26
Title: Re: سؤال للفرحانين...
Author: ابراهيم محمد الحسن
Date: 10-21-2010, 07:50 AM
Parent: #24
| Quote: ود البشرى اظنك زي امين .. مهضرب بيكم عمار مرق لسة .. بعد تفيقوا شوية من الهضربة دي بتفهمونا انا وابراهيم |
ود البشرى ،،
أمسك في كلام أمير ده ،،
| Quote: يا ابراهيم ويا جمري اقول ليكم غلبتوا الأمل كم تقولوا لي هلال كادقلي و الإسماعيلي؟!! |
طيب نقول ليك (مازنبي ،،)
كان فهمتونا غلط ....
غاااااااااااااااااااااااااااااااااااغ (بتاعت منو كده ما عارف) ..
|
Post: #28
Title: Re: سؤال للفرحانين...
Author: طلحة عبدالله
Date: 10-21-2010, 08:01 AM
Parent: #26
سؤال مكرر وممجوج كما انه إتقال قبل كدا بدل المرة ألف ..
لا لهدر الباندودث في الفارغة ومقدودة .
|
Post: #29
Title: Re: سؤال للفرحانين...
Author: Nasruddin Al Basheer
Date: 10-21-2010, 08:08 AM
Parent: #28
Quote: سجم الفرحان بطهور أولاد سيدو
|
ود البشرى يا اخ إنت زول سليط اللسان
ضحكتني من الصباح، أضحك الله سنك..
جيت الصباح لقيت ليك المزملاب أي واحد فاتح ليهو بوست وفرحان بتعادل القاطع فشفاشهم..
وكمان واحد فتح بوستين بنفس الموضوع، شفت كيف!
كم أنت عظيم يا هلال..
|
Post: #31
Title: Re: سؤال للفرحانين...
Author: Hassan Senada
Date: 10-21-2010, 08:18 AM
Parent: #29
| Quote: ود البشرى اظنك زي امين .. مهضرب بيكم عمار مرق لسة .. بعد تفيقوا شوية من الهضربة دي بتفهمونا انا وابراهيم |
ياالجمرى الهضربة الجد جد مع الصفاقصى لا واقع يوم العيد كمان ناس عيدم عيدين وناس لاعيد ولايحزنون
وبرضو كااااااااااااااك
|
Post: #30
Title: Re: سؤال للفرحانين...
Author: أمين يحيى
Date: 10-21-2010, 08:15 AM
Parent: #26
| Quote: مشتاقين يا امين يا يحى يا صديق يا جميل |
إزيك يا كوتش ، عليم الله مشتاقين ولولا زنقة الشغل وبعض المشاغل كان جيتكم بالدرب بس للسلام
متابع بإعجاب البوست بتاع سلبيات الهلال داخل الميدان (إنتقاد الذات)
وإن شاء الله يكون لي حظ المساهمة فيه بالتعليق لأانك إنت والشباب ما خليتو حاجة منالملاحظات المهمة .
أما أخوانا الوصيفاب فرحتهم بتعادل الهلال مع الأمل حتكون آخر أفراح الموسم إن شاء الله ، سيد البلد قادم
وقلت لي خليل السنة دي مقرر التاريخ حيشيلو من المنهج عشان أسطوانة مانديلا بتاعت القرن الماضي دي تنتهي
|
Post: #32
Title: Re: سؤال للفرحانين...
Author: ابراهيم محمد الحسن
Date: 10-21-2010, 08:38 AM
Parent: #30
أمين ،،
| Quote: وقلت لي خليل السنة دي مقرر التاريخ حيشيلو من المنهج عشان أسطوانة مانديلا بتاعت القرن الماضي دي تنتهي |
سيسطر التاريخ مولد (كأسنا) ..
والما عندو تاريخ
ما عندو جغرافية ..
|
Post: #33
Title: Re: سؤال للفرحانين...
Author: Maawya Hussein
Date: 10-21-2010, 10:40 AM
Parent: #32
صدق من قال ان الهلال اصبح مصدرفرح وغضب للمريخاب ...مشجعين وصحافه واعلام ما يتاثروا بي ني هزيمة فريقوم ويفرحوا ويهللو بي تعادل الهلال .ّ!
يعني البيقرا الكلام دا حا يتاكد انو الهلال فريق التعادل معاهو بقي من المعجزات البيحتفلوا بيها ويثقوا ليها كمان
|
Post: #34
Title: Re: سؤال للفرحانين...
Author: Maawya Hussein
Date: 10-21-2010, 10:52 AM
Parent: #33
دي بس الله البقدركم عليها ..عملتوا لينا ازمة حجار وطوب في العرضه
|
Post: #35
Title: Re: سؤال للفرحانين...
Author: طارق جبريل
Date: 10-21-2010, 10:53 AM
Parent: #33
يا الصنفور
|
|
