الى الكسرة راجعين بعد البرجر والمكسرات والعنب والتين .......

الطفرة في حياة المواطن السوداني في معيشته تغيرت تغيرا

ملحوطا وبوتيرة سريعة نحو الافضل

فالاجيال السابقة التي لم تنعم بالبرجر والمشويات

والكمثرى والعنب والتين

اذكر ان في الخرطوم كان مطعم العباسي من اشهر مطاعم الفول في العاصمة

وبجواره مطعم البربري وهو متخصص في الاسماك بانواعها المختلفة

ويوجد بسوق السجانة مطعم ( طنون ) تخصص اكلات شعبية

من كسار وقراريص بالتقلية

نواصل ........

الان امتلأت العاصمة بارقي المطاعم العالمية

برجر

كنتاكي


امواج


قدورة


العمدة


وان لم ترجع الكسرة فماكدونالدز في الطريق

يعني ما بين طرفة عين وانتباهتها يغير الله من حال الى حال

نسال الله ان يديم علينا ما نحن فيه

ود الباوقة اختشي

Quote: ود الباوقة اختشي

الكونت

تصدق زمان الببسي الهملان دا هس

عندما نشتهيو نجي بربر عشان نشربو

وتكون صرفت مواصلات قدرو اضعاف مضاعفة

الان ثلاجات السجك والبيرجر والكنافة مالية البلد

مش عارف الناس حا ترجع تاني للكسرة كيف

الاختشو ماتو ...زي ما قالوا ..

اين هي الفتريتة والكسرة ..

Quote: اين هي الفتريتة والكسرة

عتيق

اذهب الى صوامع القضارف

ومطامير العتمور

Quote: اذكر ان في الخرطوم كان مطعم العباسي من اشهر مطاعم الفول في العاصمة

عمر ازيك اول شى العباسى دى محلات ثياب سودانيه فى السعودية..

القاصده انت اسمه ابو العباس وعلى فكره هو من نفس مناطقكم ديك..

والوكت داك كان طلب الفول عند ابو العباس ويشبع اتنين بى

خمسه قروش..دهـ قبل ماتداهمنا حكومةالبصيرة ام حمد دى.

وانت قايل اغلى من الكسرة فى ؟؟

وحاتك يا داب ما جعنا جد جد..وبعدين الحاجات الكاتبه فوق دى مفتكر

ناس ارفع صدرك ضاقوها دى كانت بتستورد من لبنان وسوريا

لى ناس المؤتمرالوطنى بس بخجلوا يكتبوا على الصناديق استوردت

خصيصا للجبهجية على طريقة السجاير البنسون..

والله التين والاعناب دى الا كان تصادفهم فى صلاة جهرية فى واحدة

من سور القران الكريم..

عمر والله انا خايف يوم تشق ليك زول ببوست غياظ زى ده

عذبتنا ياخلف الله البورد الله يعذبك ،،،

.

ود الباوقة مرحباب


العودة صعبة والله
الا اذا كانت الحكومة حتعمل دعم للقراصة والفيتريتة والطمام

Quote: الطفرة في حياة المواطن السوداني في معيشته تغيرت تغيرا ملحوطا وبوتيرة سريعة نحو الافضل

اهو دا الكلام البغيظ ويخلي الواحد يضرب راسو بحافة الباب الحديد
ويقفل باب العربية قبل اخراج الاصابع

غايتو جنس غايتو

زمراوي

انتو ما بتصبروا على النعمة

ولا عن شظف العيش

حاليا اي اثنين قاعدين قدامن صحن ( مكسرات )

لا ظهراَ أبقي ولا أرضاَ قطع

ادريس

الحق السوق

يا باوقة صباح الخير ياخ

ماتفهمنا حاجة ياخي

الأخبار التي تأتينا من بلادنا (السودا) أن الأوضاع المعيشية صعبة جدا جدا جدا
طيب رغد العيش دا وينو ياخ

والله انا واحد من الناس ماعارف اقبل وين زاتو؟؟
بس ليس لدي اي عن معيشتي ومعيشة عيالي لأني أنها عند مليك مقتدر

بس عليك الله وريني الصاح منو - الحكومة ولا الشعب البيقول المعيشة نااااااااار

الصادق

..

يعني تاني مافي....) فستق ( اللا الواحد يمشي ويك اند ماليزيا


شر البليه مايضحك

Quote: بس عليك الله وريني الصاح منو - الحكومة ولا الشعب البيقول المعيشة نااااااااار

الصادق

يا اخوي العالم كلو غلاء

كيلو الطماطم عندنا بـ 14 ريال

..
.

Quote: وزير المالية علي محمود:دعونا السودانيين للعودة لـ«الكسرة» و«العواسة» بعد الانفصال

تصريح غير مسوؤل .. من وزير دولة .. اتيحت لها فى الاونه السابقة ان تتوفر لها كل الاحتياجات لاذمه متوقعة فى السماء
وان دل هذا على شئ انما يدل على عدم التخطيط وضعف ضع الاستراتيجية المناسبة للمرحلة القادمة ..
الانفصال ليس وليد اليوم ولا وليد خمس سنوات بل هو وليد اكثر من 15 سنه عندما اتت هذه الحكومة وصرحت بمنح الجنوب حق تقرير المصير
وان كان السودان فى السابق لم يكن يحتاج للـ 50% من البترول ..
فهو ملئ بالموارد التى لا تتوفر الى اعظم الدول من ثروة زراعية وحيوانية ومائية ومعدنية
واجدى به ان يصرح ويخطط لاعادة تأهيل مشروع الجزيرة والزراعة المطرية فى القضارف وهبيلا
وتطوير الثروة الحيوانية فى كردفان ودارفور باستقرار الرحل والمزارع الواسعة وتهجين الماشية
والاستفادة من الموارد المائية لبناء السدود والخزانات والثروة السمكية فى النيل والبحر الاحمر
وفتح استثمارات مع اهلنا فى القرن الافريقي وشمال افريقيا .. وتخضير الصحراء .. وشق القنوات
والترع الى قلب كردفاان واقصى دارفور .. تطوير اكتشاف المنتجات المعدنية من ذهب وحديد ..الخ
بدل كلامه ال######## بتاع .. نعود للكسرة ..
بعدين الكسرة مالها ..؟؟ ما من زمان وبعد ما بترولنا ضخ ونحن نشتهى الكسرة ومفروكة البامية ...
وليعلم هذا الوزير لو رجع الشعب لصفوف الرغيف والمويه والبنزين لكانت نهايته ونهايه حقبة تسمى الإنقاذ ...

Quote: وحسب سياستي الجديدة، لا بد من تخفيض هذه المبالغ بترشيد الاستيراد، وفرض ضرائب جمركية على الكماليات. وفعلا، أصدرت أوامر بوقف استيراد السيارات المستعملة لأنها، في المدى البعيد، ستكون عبئا على أصحابها وعلى الاقتصاد السوداني. وقد تحدثت إلى الشعب السوداني عن أهمية العودة إلى منتوجاتنا المحلية، إلى الذرة والدخن، إلى الكسرة (خبز سوداني من الذرة الرقيقة) والعواسة (عملية تقليدية لطهي الكسرة). نقلا عن الشرق الاوسط

بالله شوف .. !!


--------------

انا الزول دى عندى فيهو راى لانو اصولو زنجية _ او كما قالت_

يقوم يلف بلا .. كلام غير مسؤول

Quote: انا الزول دى عندى فيهو راى لانو اصولو زنجية _ او كما قالت_

يعني انت قحطاني

هههههه

..
.
انا من فترة حددت اصلى انا زول _ هجين_
وغلبت على جينات يعرب وقـحطـان_ كما قلت _

-----------

خلينا من اصولى دا حسي كلام زولك الفارغ دا ..
ما طلعت منو الا من النقطة دى ..!!
مالكم كلكم متشابهين ..
قال راجعين للكسرة ..
الكسرة التنفخكم يا رب

زمان لمن كنا شفع صغار وبعد تناول وجبة الغداء بي كسرة فتريتة بي ويكة كان جدي الله يرحمو

يقول لينا يلا قولو ... ان شاء الله لا تحلا ولا تغلا ...

فما كانت الكسرة حالية ولا غالية ..

وأها دي في العهد دا حلت وغلت ..

وأها دي في العهد دا حلت وغلت ..

احمد الله يا زول .....

.

Quote: الكسرة التنفخكم يا رب

جمعا

تبلدينا........

بل الشعب مستعد للعودة لأم تلاتة وهي اكلة مشهورة مكونة من


1/ ماء

2/ ويكة يابسة

3/ ملح

يعني بصلة ما فوقا


وكل هذا من اجل كرامته وعزة نفسه الابية


او كما يقول عمنا فضيل علي فضيل الجعلي الشعدينابي والانصاري الحر

0 (نحنا جالون بنزين دايرلو قشة كبريت بس)

Quote: الان امتلأت العاصمة بارقي المطاعم العالمية

ود الباوقة ..سلام يا الطيب
نحن غايتو أهلنا ما بيعرفوا الفرق بين البيرغر والكريكت .. ولله الحمد من قبل ومن بعد ..
وفي الخرطوم ذااااتا في ناس بتشتري المصران بالمتر ..
عليك الله الفرق شنو بين زولكم دا وطيبة الذكر ماري انطوانيت؟؟

ود الباوقة
تم بيع المخزون من الذرة بصوامع القضارف للسادة شركة أرسكو السعودية لصناعة الأعلاف .. ومشى ادخل الصوامع أكان تلقى فيها شوال ذرة ، كل ذلك تضيقا لأرزاق العباد وخلق ندرة من هذا السلعة الاستراتجية لصالح السادة مستوردي القمح ويتا وسيقا وهلم جرا .. مافي مبرر أن يصل سعر جوال الذرة وزن 80 كيلو إلي 145 ج .. الآن 2010 من المتوقع ان يرتفع انتاج الذرة بشكل كبير وستشهد اسعارها استقرارا لو ما جماعتكم يقوموا بتصديرها لدول الجوار التي تعاني من مجاعات مزمنة ...
ودالباوقة الكسرى أصبحت اكل الأغنياء ، زمان كان (الوقود) حطب القطن والعدس بلاش ، والعواسة الصباحية رفاهية ومتعة للأمهات والأخوات ... كل بيت يملك مخزون سنة من الذرة ، الآن (العواسة) بالغاز والصاجات الحديثة ... وتكلفة (الحلة) لا يقدر عليها إلا من رحم ربي ...تعرف كم أسعار اللحوم ؟ ناهيك عن الخضروات ...
الشفيع

Quote: تغيرت تغيرا ملحوطا

ملحوطا دي يعني للاحسن و للا لي الاكعب

اها وفي حفلات الجاليات و القنصلية تعوسوها وين

Quote: Quote: اذكر ان في الخرطوم كان مطعم العباسي من اشهر مطاعم الفول في العاصمة عمر ازيك اول شى العباسى دى محلات ثياب سودانيه فى السعودية.. القاصده انت اسمه ابو العباس وعلى فكره هو من نفس مناطقكم ديك.. والوكت داك كان طلب الفول عند ابو العباس ويشبع اتنين بى خمسه قروش..دهـ قبل ماتداهمنا حكومةالبصيرة ام حمد دى. وانت قايل اغلى من الكسرة فى ؟؟ وحاتك يا داب ما جعنا جد جد..وبعدين الحاجات الكاتبه فوق دى مفتكر ناس ارفع صدرك ضاقوها دى كانت بتستورد من لبنان وسوريا لى ناس المؤتمرالوطنى بس بخجلوا يكتبوا على الصناديق استوردت خصيصا للجبهجية على طريقة السجاير البنسون.. والله التين والاعناب دى الا كان تصادفهم فى صلاة جهرية فى واحدة من سور القران الكريم.. عمر والله انا خايف يوم تشق ليك زول ببوست غياظ زى ده عذبتنا ياخلف الله البورد الله يعذبك ،،،

ود الباوقه ياخى فطيتنى قلت اعتر ليك قدام،،

Quote: بل الشعب مستعد للعودة لأم تلاتة وهي اكلة مشهورة مكونة من 1/ ماء 2/ ويكة يابسة 3/ ملح يعني بصلة ما فوقا وكل هذا من اجل كرامته وعزة نفسه الابية

عاين ده كمان قاعد متجدع في مكة يضرب في البيك ويجي بكل بجاحة يقول عزة نفس وويكة وموية
طيب يا بتاع عزة النفس والاباء مفروض تدق خروج طوالي تفضي مكانك هنا لواحد تاني
على الاقل ترجع لممارسة هوايتك القديمة بتاعة البصبصة لي بياعين الانكسة النسائية
ـــــــ
ود الباوقة : يا زول دربك اخدر امش طوالي اكل الكسرة بس ان شاء الله ما تغير معاك
ولو غيرت معاك ارفع بوست هنا بنرسل ليك الفلاجيل طوالي

ود الباوقه

فقط عاوز أقول ليك إني ما بفوت مداخله ليك

فوالله أستمتع بها و أضحك لغاية ما دموعي تجري

ياخي إنت بلوه كبيره (بس الناس ما فاهمنك)

و لا ياربي أنا الما فاهمك؟

لك تحياتي

Quote: فوالله أستمتع بها و أضحك لغاية ما دموعي تجري ياخي إنت بلوه كبيره (بس الناس ما فاهمنك) و لا ياربي أنا الما فاهمك؟

مالك الجاك ،
أنا برضو تعليقات ود الباوقة مرات بتقعدني في الو ا طـة من الضحك..
الزول ده رباطابي؟؟


تحية لك ولأخونا عمر..

Quote: اها وفي حفلات الجاليات و القنصلية تعوسوها وين

بنجيبا جاهزة

ويا حبذا لو كان في السودان مصانع للكسرة

دراء لهدر الوقت وخفض التكاليف ...........

Quote: وكل هذا من اجل كرامته وعزة نفسه الابية

نعم

ومن اجل سيادتنا الوطنية

وقيادتنا الحكيمة

شكرا السيدح

...

لقد أعطونا الساعات وأخذوا الزمن ،،

أعطونا الأحذية واخذوا الطرقات ،،

أعطونا البرلمانات وأخذوا الحرية ،،

أعطونا العطر والخواتم وأخذوا الحب ،،

أعطونا الأراجيح وأخذوا الأعياد،،

أعطونا الحليب المجفف واخذوا الطفولة ،،

أعطونا السماد الكيماوي واخذوا الربيع ،،

أعطونا الجوامع والكنائس وأخذوا الإيمان ،،

أعطونا الحراس والأاقفال وأخذوا الأمان ،،

أعطونا الثوار وأخذوا الثورة ،،

_____________
الماغوط

Quote: حاليا اي اثنين قاعدين قدامن صحن ( مكسرات )

والله العظيم؟

Quote: ياخي إنت بلوه كبيره (بس الناس ما فاهمنك)

ياخي ممكن تجدعنا بكتلوج للزول ده؟

شكرا عزاز شامى شكرا جزيلا





ودعمى ..همبرغر ام هم المبيت والربيت


فكوا دربنا وجعتوا قلبنا حتى ######نا اكل( تطوير)


مع الاعتذار لشاعر القصيدة الاصل

ومن المطاعم العالمية الاخرى

جاد


مؤمن



كودو


رويال بروست


كونزون آيس كريم


فرايد جكن

ايتلي بيتزا


عليكم الله شوفو الخيرات الاتدفقت على السودان دي ...

وداعا مطعم ابو جاعورة ( في ابو حمامة )

دا كلام شنو دا عليك الله ...

بالله عليك يا هذا أيهم كان أولى ... مطالبة المواطن الغلبان أن يعود لشي لم يتركه يوماً
أم مطالبة الدولة بتقليل الصرف البزخي وتقليل الترهل العجيب في أنظمة قيادة الدولة .

أيهم الاولى ... دعم الزراعة ... الثروة الحيوانية ... وباقي خيرات البلد لتعويض فاقد
الميزانية أم مطالبة المواطن الغلبان بالعودة للكسرة ( متى ترك المواطن الغلبان الكسرة )
بل هناك من لا يجدون فتات الكسرة دعك من الكسرة والخبز .

في كل الدول تحاول الحكومات معالجة نقص الميزانيات بحلول منطقية وعلمية مدروسة إلا في بلادنا
العجيبة دي الدولة تطالب المواطن بأن لا يأكل طعاما مكلفاً لانها تكلف الدولة مليارات الدولارات
إذن ما دور الحكومة إن لم توفر للمواطن سبل الحياة الكريمة .


ود الباوقة :

أرجوا أن تقول خيرا أو فالسكوت خير وهو من ذهب .....



ابوشهد

Quote: الان امتلأت العاصمة بارقي المطاعم العالمية برجر كنتاكي

برجر, كنتاكي مـن أرقي المطاعم العالمـية !
فتأمــل !

Quote: جاد مؤمن كودو رويال بروست كونزون آيس كريم فرايد جكن ايتلي بيتزا

علي اليمين بالغت
غير كودو شفت ليك علامة تجارية عالمية انت في المطاعم دي دي لو افترضنا كودو ذاتا عالمية
وكونزون علاقته شنو بالمطاعم هسة
يا سيد يا جيد العلامات التجارية للمطاعم ممنوعة في السودان،زيها وزي اسبيرات البوينج
قلت لي ايتلي بيتزا؟؟انت اظنك ما بتعرف الفرق بين علامة بيتزا هت وايتلي بيتزا المطعم البائس في الخرطوم 2 والرياض

قلت لي جاد؟؟جاد والدمياطي بتاع الطعمية في خميس مشيط شارع التلاتين واااحد
كان تقوا استيرز بتاع جنوب افريقيا الفي شارع المطار..دي اكتر حاجة عالمية،ودي ذاتا واقفة جنب امواج لسان حالها يقول ارحموا عزيز قوم ذل
_
بالمناسبة يا ود الباوقة المطاعم الانت بتفتكر انها دليل رفاهية مثل الماكدونالدز وبيتزا هت و الكي اف سي بسمهوها الخواجات (جنك فود)،، يعني بالكتير في الاسبوع مرة تزورهم لو الزمن ضايقك بالعكس مطعم القراصة الشعبي في شارع 15 والمنطقة الصناعية قبل ما يصرح وزير ماليتك شغال أحسن من المطاعم دي كلها تعرف ليه؟؟لانه اكل طبيعي ونضيف والخدمة كويسة ..فياخي ما تتخلع ساي لما تسمع كلمة بيتزا وبيرقر واسباكيتي وما تعرف شنو
الناس الموهومة بتتوهم بالاسماء،والناس العارفة القيمة الغذائية اصلا اكلها مكونات قراصة وكسرة ورايب

Quote: وكونزون علاقته شنو بالمطاعم هسة

كونزون للتحلية يا قمر بوبا ......

يعني بالذات بعد عشوة البيتزا .......

Quote: والله العظيم؟

ونعم بالله ..

شكرا اماني ...

Quote: الماغوط

والله ياعزاز الماغوط دا ذاتو كان هس موجود

كان جا فتح ليهو محل ( كشري ) وهريسة
في قلب الخرطوم

شكرا بعدين وين غاتسة الزمن دا كلو ......

ياشيخنا
المؤمن دي تتبع لمنو من المومنين ؟؟ لا يكون نقد؟
الشفيع

Quote: الى الكسرة راجعين بعد البرجر والمكسرات والعنب والتين .......

أٌشهد الله أني أرثي لحالك.....
الله يشفيك ،، دعوة من أعماق فؤادي...

بس إنت كان سعيد كده الله يزيدك من رزقه ورحمته.. ومغفرةً من عنده


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

يا جماعه و الله ما عندي كتلوج للزول دا بس أنا بقرأ بين السطور

طبعا أنا ما خاتيهو في خانة صلاح غريبه لكن ممكن يكون السيدح زيو

و البطيخه من بره خضراء و من جوه......يعلم الله

غايتو يا ود الباوقه لو فقع المراره دا مقصود بيهو شيء تاني أنا فهمتو

Quote: أٌشهد الله أني أرثي لحالك..... الله يشفيك ،، دعوة من أعماق فؤادي

برضو شعور طيب

يا الشايقي0

رحمة الله سوق الخضار فى الخرطوم وسوف الفاكهة وستات الكسرة
وبابا كوستا وبقالة جوليت

نرجع وين؟؟؟؟؟؟؟
ود الباوقة لك التحيه

Quote: على الاقل ترجع لممارسة هوايتك القديمة بتاعة البصبصة لي بياعين الانكسة النسائية

ود الباوقة

الكلام دا في الباوقة والعبيدية وفتوار وأرتولي يا ربي موجود ؟؟؟؟؟
ولا ات زول بندر وزول باردة ...

العبرة بالقيمة الغذائية الطبيعية وليس الاسماء ...محتاج ليك لجكة لرأي العلماء في صناعة الأطعمة السريعة وأضرارها على صحة الإنسان والحيوان ..بدء بتغذية الأبقار في أميركا موطن البيرجر بالذرة الشامية وصناعة الماييونيز والكاتشب وغيرها من المقبلات والصلصة ...البوست دا يا جماعة حولوه لبوست علمي بدل سطحية اخونا ود الباوقة ....الزول لما يسمع كلمة الباوقة يتذكر طوالي ( الباوقة اللذيذ تفاحا ...بلد الانقرياب ....الله يجازي الكان السبب ..

..
.

Quote: ياخي ممكن تجدعنا بكتلوج للزول ده؟

يا قمر بوبا ود الباوقة دا كتلوجو .. استراتيجية وسياسات المؤتمر الوطنى

----------

واحيانا بستعين بمقولات الحركة الشعبية ..
زى دا فهمو صعب على المواطن العااادى
خليك وراهو .. بجيبا ليك من دقلها ..

Quote: نسال الله ان يديم علينا ما نحن فيه

هذا الدعاء يتعارض مع دعوتك للحرب
إذا كان اصلاً انت فِيهِ.
واللآ كلامي دا ما ياهو؟

يا شباب حرصا منا على مبدأ الاحترام المتبادل

نرجو الابتعاد عن الاساءة والمسخرة قدر الامكان

حتى نستطيع ان نعبر سويا الى بر الامان

مع التقدير

..
.
والله يا ود الباوقة انا ما عارفك انت شايت ووين ؟؟
لكن انا مصًر اشوووت الوزير دا ..

Quote: - تنظير - آمنة السيدح الثلاثاء, 19 أكتوبر 2010 01:45 ظللت أنتظر وأترقب طيلة نهار وليلة يوم أمس الأول قراراً من رئيس الجمهورية المشير عمر حسن أحمد البشير لمحاسبة وزير المالية على بعض ما ورد في الحوار الذي أجرته معه صحيفة الشرق الأوسط, والتي انداح فيها وقال حديثاً هدم به كل ما تم بناءه في الفترة الماضية, ناسياً أو متناسياً أنه أحد بناته, وصدقوني نحن شعب تربى على الكسرة التي قالها ولا تخيفه الرجعة اليها رغم أنها لم تفارق (صينيتنا بعد), وما لا يعرفه وزير المالية أن الكسرة اليوم أغلى ثمناً من الرغيف, والعودة لها تعني أن هناك رفاهية وطفرة زراعية.. وأكثر ما استفزني في حديث السيد الوزير أنه لا يعرف التاريخ جيداً, فالحركة الإسلامية التي يقول إنها فخورة بأنها أعطت الجنوبيين حق تقرير مصيرهم, وإنها أول حكومة تقوم بذلك, أقول له إن الحركة نفسها عندما أقرت بتقرير المصير استندت على قرارات الأحزاب السابقة التي اتخذتها في مؤتمر أسمرا (1995م) وفي جيبوتي في الاتفاق الإطاري مع حزب الأمة, وكانت حريصة على إجراء الانتخابات ومشاركة كل الأحزاب, حتى إذا انفصل الجنوب يكون ذلك بمشاركة كل الأحزاب التي وافقت من قبل على إعطاء الجنوب حق تقرير المصير, إلا أنها انسحبت من الانتخابات قبل إجرائها وهاهي اليوم تبحث عن صيغة للمشاركة.. المهم سادتي لقد جانب وزير المالية الصواب فيما قاله, خاصة وأن التصريحات الصحافية التي أطلقها قبل سفره لواشنطن كانت مخالفة لما قاله بأن الاقتصاد لن يتأثر بالانفصال, بل أنه مخالف للحوار الأول الذي أجرته معه الزميلة الانتباهة قبل توقفها, والتي قال فيها إنهم متحسبون للانفصال, فكيف يقول الآن ذلك.. أم أخذته هيبة الصحافة الأجنبية كما يفعل بعض المبهورين بها؟ بالمناسبة لم يكن للشارع يوم أمس وأمس الأول حديث غير حديث وزير المالية, الذي سيعطي إشارة سالبة وخاطفة للجنوبيين بأن الشمال متمسك بالوحدة طمعاً فيه لا ليعيش وطناً واحداً موحداً.

------------------

وزيركم السغيل دا احسن يستقيل
لا عارف اهمية الكسرة .. لا داير يجيب لينا
باسكن روبنز وستار بوكس .. بالغ

.


UP










UP

الأخ ود الباوقة لك التحية ..
عما تتحدث البرجر والمكسرات والعنب والتين هذه أسماء لا يعرفها
الغالبية العظمى من اهلنا الغبش !؟
أما الذين يعيشون في أطراف المدن وفي القرى والنازحين الذين يعيشون
في الخيام واطفال الشوارع الذين يأكلون من الكوش" وقدرت اليونسييف
اعدادهم في الخرطوم وحدها ما لا يقل عن 35,000 طفل" الكسرة التى
يتحدث عنها وزير المالية هي حلم بعيد المنال لهؤلاء !؟

????? ????? ????? ?????
????? ????? ????? ?????
????? ????? ????? ?????

اللهم أشفي كل مريض

Quote: وزيركم السغيل دا احسن يستقيل لا عارف اهمية الكسرة .. لا داير يجيب لينا باسكن روبنز وستار بوكس

اخي تبلدينا

الان انظر الى الهند لم تنطلق نحو القمة

الا بعد انفصالها عن باكستان

عقبال للسودان يا رب

Quote: رحمة الله سوق الخضار فى الخرطوم وسوف الفاكهة وستات الكسرة وبابا كوستا وبقالة جوليت

ولا تنسى الجروبي ....

Quote: نرجع وين؟؟؟؟؟؟؟

ترجع الى حيث الامن والامان والحبان ..

Quote: ود الباوقة لك التحيه

ولك انت احسن منها اخي هشام ...

باذن الله موعودون بطفرة قادمة بعد الانفصال .........

ود الباوقة صباحاتك بيض
يازول شايقك فطيت مداخلتي ...ما تخاف من قول الحق ...كن شجاعاً ولا تكن إمعة والتواضع للحق خير من العزة الآثمة !

الكلام دا في الباوقة والعبيدية وفتوار وأرتولي يا ربي موجود ؟؟؟؟؟
ولا ات زول بندر وزول باردة ...

العبرة بالقيمة الغذائية الطبيعية وليس الاسماء ...محتاج ليك لجكة لرأي العلماء في صناعة الأطعمة السريعة وأضرارها على صحة الإنسان والحيوان ..بدء بتغذية الأبقار في أميركا موطن البيرجر بالذرة الشامية وصناعة الماييونيز والكاتشب وغيرها من المقبلات والصلصة ...البوست دا يا جماعة حولوه لبوست علمي بدل سطحية اخونا ود الباوقة ....الزول لما يسمع كلمة الباوقة يتذكر طوالي ( الباوقة اللذيذ تفاحا ...بلد الانقرياب ....الله يجازي الكان السبب

الحلاوي طول بالك

ما فطيتك جاييك راجع


مودتي

..
.

Quote: باذن الله موعودون بطفرة قادمة بعد الانفصال .........

بدل ما ناكل بيرجر حناكل بيرجر كينغ ولا شنو ؟؟

Quote: ولكن الشعب لا يأكل الجاتوه! لا يريد وزير المالية علي محمود أن ينسى شعار الإنقاذ الكاذب «نأكل مما نزرع» ولكنه تناسى فعلاً أن ما كان يُزرع قبل الإنقاذ ليس ذرة فحسب وإنما قمحاً وخضروات وفواكه وكل أنواع الحبوب التي تشكل الغذاء الرئيس لأهل السودان من شماله إلى جنوبه ومن شرقه إلى غربه. وعندما صدقنا نحن الشعار ونهضنا لنفعل شيئاً كان نصف الشعب قد مات جوعاً والنصف الآخر يعيش على الإعانات. صدقنا الشعار كانت الأرض قد ملئت بالعمالة الأجنبية لسد النقص في الأيدي العاملة في الزراعة لهجرة العمالة الوطنية بعد أن ضاقت عليها مساحة المليون ميل مربع. وعندما صدقنا الشعار كانت الاستثمارات الزراعية العربية والأجنبية طويلة الأمد تغطي مليوني فدان من أرض السودان استبدل على إثرها من تبقى من مزراعي السودان بفلاحي مصر في شراكة غير ذكية: الأيدي العاملة مقابل ما تدره الأرض من ذهب وفضة، وصدقنا ذلك ليذهب مشروع الجزيرة وما أدراك ما مشروع الجزيرة في طريقه إلى الخصخصة دون أن يطرف للوطنيين جفن. مليونا فدان تستثمرها شركات من القطاعين العام والخاص من قطر والسعودية والإمارات وليبيا ومصر والأردن، وأخرى من الصين وكوريا الجنوبية بينما المليار شخص الجائع الذين أعلنتهم الفاو في إحصائيتها الأخيرة يشكل سودان أفريقيا جزءً مقدراً منهم. دعا الوزير الشعب المتقشف أصلاً الرابط أحزمته على البطون إلى زيادة التقشف والتقتير وحجته في ذلك أنه إذا حدث الانفصال فسيفقد الشمال 70% من نصيبه في احتياطي النفط و50% من عائدات النفط وكأن هذه السبعون والخمسون كانت سبباً في رفاهية المواطنين ورخاء عيشهم من قبل. فالحالة الثابتة ما بعد البترول وقبله ضنك وبؤس وغلاء وأظن أن الشعب الذي عجز أو شُغل أن يسأل عن هذه السبعين وهي تُنفق باسمه لن يسأل عنها بعد ضياعها ليجهز الوزير رده المبكر بأنها ذهبت مع ريح الانفصال. تحدث الوزير عن زيادة الواردات وذكر أنه وجدها تساوي أكثر من تسعة مليارات دولاراً موزعة على القمح والفواكه والزيوت والسيارات ويضيف أنه حسب سياساته الجديدة قرر تخفيض هذه المبالغ بترشيد الاستيراد وفرض ضرائب جمركية على الكماليات. ثم دعا الشعب السوداني إلى أهمية العودة إلى منتوجاتنا المحلية، إلى الكِسرة و»العواسة». وهذه دعوة في غير محلها لأن الشعب الآن لا يأكل الجاتوه وإنما يعيش على المنتوجات المحلية رغم غلائها فشوال الذرة بلغ سعره في هذا الأسبوع 117 ألف جنيه لعينة طابت و115 ألف جنيه للفتريتة، بينما بلغ سعر جوال القمح 100 ألف جنيه حسب صحيفة الرائد ليوم 12 من أكتوبر الجاري. وبمثل ما تفتقت ذهنية وزير المالية عن هذه العودة للمنتوجات المحلية والتي لم يغادرها أهلنا شبراً واحداً، فكان من الأبلغ والأجل شأناً لو عملت سياسته الجديدة أو أعلنت نيتها الخالصة بإعطاء الزراعة والتنمية الريفية أولوية أكبر من ذي قبل حتى تدخل في برامج التنمية الشاملة. فالاحتياج المُلّح الآن لحل أزمة الغذاء وليس أزمة البترول، وهذه الأزمة تستلزم التخطيط المتواصل والعمل الدؤوب والسعي الحثيث لتأمين ركائز الأمن الغذائي وإعادة أصول الإنتاج الزراعي إلى الشعب حتى ينتج بنفسه ولنفسه وما يفيض يتم تصديره لتعويض هذه التسعة مليارات التي أرّقت مضجع الوزير وجعلته يرى في كابوس حوار «الشرق الأوسط» رجوع نساء السودان إلى «العواسة» والكِسرة. وفوق ذلك كله فمن العدل أن يدعو الوزير الخائف على الشعب من الموت جوعاً، إلى ترتيب أولويات الصرف البذخي الحكومي وضرورة التوزيع العادل للثروة «الشمالية – الشمالية» حتى لا يتحجج الوزير بالانفصال وضياع سبعين النفط وخمسين عائداته، ثم إيصال المواطن إلى درجة معينة من الثقة بنفسه وبما يحمله من جنيهات معدودة قادرة على الشراء وعلى تأمينه من ذل السؤال ودرئه من شبح الجوع الكافر.

-----------------

الشعب ما لاقى خبر ..
طيب اكلوه جاتوووه ..

والله انتو يا احفاد مارى انطوانيت ..
قرقر قرقر قرقر

Quote: باذن الله موعودون بطفرة قادمة بعد الانفصال .........

(تفاءلوا بالخير تجدوه).




ولك منٍي عاطر السلام

اخي ود الباقة
السلام عليكم
والله انا اخشي الناس ديل يعملو فينا عملية بروف ابراهيم احمد عمر عند ما كان وزيراً لتعليم العالي
( جاب جميع الطلاب الذين يدرسون في الجامعات خارج السودان وارسل ابنه الي بريطانية للدراسة )
واقول ليك شيء ثاني نحنا ابناء الغبش اتربينا علي العصيدة والكسرة والقراصة لكن اولاد المصارين البيض كيف يكون حالهم
المؤمن لا يلدغ من الجحر مرتين
اسرم

الغريبة انو الكسرة أغلى من العيش!
يعني يوم نجيب كسرة بـ 5 جنيه ما بتكفينا في الغدا ، في حين انو العيش ابو 5 ببيت لحت تاني يوم
اما اذا قلنا لنسوانا عوسوها..فمحتاجين دقيق مثلاً بـ 2 جنيه مثلاً وغاز وساعة عواسة!

هو قايل في السودان دا في حاجة رخيصة!
الوزير دا زول وهم ولا شنو!
ياخي دا زول اشتر ومفروض يعمل ليهو متحدث رسمي

ودالباوقه .. سلام

لفت انتباهى كلام مالك الجاك .. أصلا كنت مفكر أكتب بوست عن تصريح وزير الماليه
والفكره الملحه عندى ان مثل هذه التصريحات ارتبطت تاريخيا بسقوط الانظمه
واندلاع الثورات العظيمه .. من ماري انطوانيت لى النميري لى كمال العبيد ..
فقدان الاتجاه الاقتصادى .. وفقدان الحس المنطقى فى التعامل ازاء الكوارث الاقتصاديه
والتعامل مع المآلات المتراكمه للفساد والتخبط والأميه والجهل ..
وأشياء مثل هذه يا ود الباوقه ..
ولا أخفيك أنى ابدا لم اكن لاكتب ما دار بذهنى بمثل هذه العبقريه التى تكتب بها ..
وفوق ..
عل الناس تعى ..

ود الباوقة إزيّك


الناس قالوا ما مفهوم


الحكايةشنو؟




لبست طاقية إخفاء واللاّ شني؟

كدي اشرح لي الكلام دا: (الله يعدل طريقك)








ألا تصحو أو تجد
جنباً ترقد
ذاك مراس فوق الموقد
ألا فلتنشد
أو تستشهد
أو تحسبه انتحار تعدّد
ذاك المشهد
ألا فلتسعد
قلب الصفحة ليس هو دوماً أسعد
بل تتبدّد
تذروك رياح لا تستجمع ذرّاً أسود
فلا تتودّد
لعب بالألفاظ تجدّد
أياً كانت نعمة سعد
فلن تجدها في هذا اللحد
الغربة لحد
وحدته قاتلة للحد

مع التحية لضيوفك

.

أخونا ود الباوقة

تحية عطرة

يا أخوي إنت لسه مصر على كلامك دا ؟؟؟؟

يا أخوي والله مافي زول في السودان دا هجر الكسرة ...

عشان كدا ياخي قول كلام غير دا ... وما تبرر خطأ وزير السجم دا .

لانو بصراحة الوزير دا المفروض يتحاسب على كلاموا العجيب دا ....



ارجع لكلامي الفوق وأقراءه كويس يا الحبيب ...


ابوشهد

يا الجعلي

عشان تشيلك الهاشمية

وتمشي بلدك هاك دي من الزول الظريف دا: الفاروق البريد الوطن مهما مكن

هجير القريفة
فاروق أبو حوّة
يا كيفى ما تمّ العِبـــَار ..
كارف الغُبَـــــار ..
قليّــة مزااااج ..
يومـاتى داااج
كايس دروباً أشرفه
زي حر هجير القريفه
ليكم شرف شوفى وشفاي
بيكم يروق البال غصِب ..
ترمح دمـــاى ..
تكسر قيودي المجحفه
إنتو الوفا..
وجنّة إلآهنا الوارفه
راحة رقاد قلبي البريد
عارف تمام مين إصطفي
يوماتى هايم فى العيون
يشرب حنانكم وما أكتفى
يشرق صباح عيداً جديد
يحرق جراح جسد الجفا
ويتم عِبار كيفى الخِرِب
ويلقي الدرب
ما كان ضِهِب ..
ما كان تِعِب ..
لو كان دروبكم بِعرِفه
آآآخ يا وطن ..
وصلت رسالتك بس كفى
وما ألطفه ..
واضحة البُعاد ما زيّفه
ياطِيِبة فى كل الخلوق
يا بسمة فى ساعة صفا
حضنك تمام ..
أطيب مقام
لى لهفة الزول البعيد
ما أظن حرام الشوق يفيض
حين يدلّهِم زمناً عنيد
الليل يفتِّق فى الهيام
والغربة تلسع والزحام
من غير كلام ..
حاجات تحيِّر.. لو نغِّير
فكرة السفر ال ب ل ي د
حاجات تحيِّر .. لو نغيِّر
حُجة الفجر الجديد
حاجات تحيِّر ..لو نطيِّر
بومة الزمن العنيد
من ها العقول
الواقفة فى خط الوصول
قابضة الذهول..
فى كيف تطول ..
خطوه وتقول ..
إنت الملاذ..
شرف العُزاز
الفى المصانع ..
والحقول
وطن الخليل ..
عازه البتول
أنت المديح ..
نار الضريح
هدى الرسول ..
هوى آآآ ولاد ..
لِمُّوا البعاد نقعد سوا
نبدا الـمُـراد
ندرس سوا درس الوطن
درس البلد ما زى مزاد
نفهم سوا كيميا المحن
ما تبقى زاد
نرسم سوا خط الزمن
خضرة وحصاد
جغرافيا من غير إنهزام
بالجد حرام
الخير هِنا .. عافيه وهَنا
وكل المنى ..
تأشيرة للغربة الحرام
الكل يطِش..
يدقش شرق
الكل يطِش..
يدقش غرب
كايس الفرح فى بلاد كُتُر
ضيعنا فى الوهم العمر ..
شفنا العذاب .. لُكنا الصبر
من غير نفكر فى الصبر
وافضل صبر ..
ليك يا بلد
ليك الشموخ ..
وإنت الأمّدْ
كيفن صمّدْ ..
كل الدهور
لا هزّ عزمك إحتراب
لاهدّ ساسك إختصام
دايماً تمام ..
رافع جباهك فى السما
عزه وجلال طول الأبد
ما شلت هم برقاً يفور
ما شلت هم هادى المطور
ما قلت غير خير الكلام
غتيتنا مابين المسام
**علّمتنا أفضل علام
إنو الوطن .. وآآحد وبس
ليه الغرام ..
الإشتياق ..
الإحترام
والكل سوا..
مافى البِضُر كل الخلوق
غير الخصام .. الإنقسام ..
غير الهوان ..
الإنهزام.


فاروق أبوحوه
الأمارات – ليوا
28 أغسطس 2006م