Post: #1
Title: دعوة جادة جدا لكل من تريد الارتباط بي!
Author: زهير عثمان حمد
Date: 10-15-2010, 10:14 PM
تعالي يابت القبايل
والرايعة اللي بتدي الحنان وتجيب الولد
وتعمر معاي البيت
ما حلمت بيك عمر ودهر طويل بالحيل
ياست الناس والله ديناك براك مافيها أمان
وضلي أحسن ليك من سراب أحلامك
وضلال البوبار وفتنة الدولار
أسالي عني بس بفخر بأني أنسان
وأنسان معقول
ياراتيك تفهمي
أني بحاول أبني بيت
بالحلال يسع أحلامنا الصغيرة
ما بالدجل
ودي ظروفي
يا حلوة لو عايزة أهلا بيك
تعالي ما ح نموت جوع
بس بنتعب شوية
وأمكن كتير
ولكين عوضك مني
عشق كبير و حميم
وريدة تسوي الدنيا بالفيها
لاخر العمر وتصبحي
أنت روحي وليك العمر مبذول
بس تعالي
والله أنا أخير ليك من البورة
يازوالة .
* رسالة عشان البت اللي بحبها تقبل بالزواج مني
شرط لابد من الالتزام به
الجندريات أبعدوا بالله
|
Post: #2
Title: Re: دعوة جادة جدا لكل من تريد الارتباط بي!
Author: محمد البشرى الخضر
Date: 10-15-2010, 10:25 PM
Parent: #1
يا أبو الزهور ياخي بت بتحبها تقوم تقول ليها "انا أخير ليك من البورة "
وعايزها تقبل ؟!!
يا (زوال) معقولة بس
|
Post: #3
Title: Re: دعوة جادة جدا لكل من تريد الارتباط بي!
Author: حيدر حسن ميرغني
Date: 10-15-2010, 10:30 PM
Parent: #2
تترجم وترسل للمغرب الشقيق
_
ليه مانشرتها في الحوار المتمدن
|
Post: #4
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-15-2010, 10:35 PM
Parent: #3
ود البشري
تحياتي
شكرا علي المرور معليش أخوك صريح جدا نحن في عمر بعض
لك كل الود
|
Post: #5
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-15-2010, 10:38 PM
Parent: #4
حيدر قوم بالعمل الجليل
أنت خدمة للعلم والانسانية
|
Post: #7
Title: Re: دعوة جادة جدا لكل من تريد الارتباط بي!
Author: حيدر حسن ميرغني
Date: 10-15-2010, 10:43 PM
Parent: #5
ان شاء الله
اهنيك مقدما
|
Post: #6
Title: Re: دعوة جادة جدا لكل من تريد الارتباط بي!
Author: Tragie Mustafa
Date: 10-15-2010, 10:42 PM
Parent: #4
زهير (الطيب) بتبالغ يا اخي
اول ما قريت فكرت في نفس كلام محمد البشرى
معقوله بس:
Quote: والله أنا أخير ليك من البورة
يازوالة . |
!!
يا زول انت آخير ليها يفترض بما تحمله لها من عاطفه نبيله وتقدير.
وانت آخير ليها لانك لا تقبل بانثى غيرها.
وانت آخير ليها لانك ترغب باسعاده بصدق.
فكر بكل الاسباب الايجابيه ليه انت آخير لها
وخليك من السلبيه(البوره)!!معقوله بس!!
غايتو انا حبيبي لو كتب لي كلام زي ده يا اني الفكيت البيرق(ههههههههه)للابد.
قال بوره قال!!
يجازي محنك يا زهير.
|
Post: #8
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-15-2010, 10:52 PM
Parent: #6
الاخت تراجي
مساء ولا صباح الخير ما عارف لكين المهم تحياتي
انا راجل منتهي الصراحة هي في نفس العمر يعني قاعدة حمامة مسجد قاعدة تسوي نحن ليه ما بنحب نقول كلمة الحق أنا كتبت كدااللي يحصل يحصل انابرضو ما باير كمان
شكرا علي المرور
|
Post: #9
Title: Re: دعوة جادة جدا لكل من تريد الارتباط بي!
Author: Tragie Mustafa
Date: 10-15-2010, 11:07 PM
Parent: #8
تبرأ من البوره يابا منو قال لك انت باير
Quote: انابرضو ما باير كمان
|
يا زهير
يا اخوي اسمع نصيحتي ما ممكن نكون مفلسين جيب ومنطق كمان.
الزوله شبعها حنان بس.
ما سمعته قول الشاعر نزار قباني:
قل لي ولو كذبا كلاما ناعما يغتالني في صمتك التمثال!!
والسوداني قال شنو؟؟؟
قال زدني من دلك شويه وكثر الاشواق عليه.
بعدين يا حبيب عنوانك ذاته فيلم هندي:
| Quote: دعوة جادة جدا لكل من تريد الارتباط بي! |
عارف الصياغه دي بتعني كانهم قائمه طويله عريضه.
بينما من حديثك يبدو انها واحده بعينها.
يبقى مفروض تقول ليها يا حبيبتي!
وكفى الله المؤمنين شر القتال.
معليش لو تقلته دمي صدقني بتهموني انتو الاثنين.
يا زهير نحن مطحونين الانقاذ
لم يتركوا لنا شيئا سوى مشاعرنا هذه
فكن كريما يا غالي على من تحبها.
يكفيها قسوة التواجد ببلادا مثل بلادنا
تحتضر وتتمزق فيها آدمية البشر.
|
Post: #10
Title: Re: دعوة جادة جدا لكل من تريد الارتباط بي!
Author: سناء عبد السيد
Date: 10-16-2010, 02:17 AM
Parent: #9
Quote: ولكين عوضك مني
عشق كبير و حميم
وريدة تسوي الدنيا بالفيها
لاخر العمر وتصبحي
أنت روحي وليك العمر مبذول
بس تعالي |
منتهى الرومانسية
| Quote: والله أنا أخير ليك من البورة |
عاد ده كلام شنو ؟؟؟ يا اخوي انت مالك مشاتر كده؟؟ اسه لو بقيت لحدي الكلام الفوق ده .. كان ممكن نلقى ليك بت حلال تقتنع بيك .. نقول ليها فقران لكن رومانسي
و يقدر الحياة الزوجية , جيت خربت كله شي بالمقطع الأخير ده, ما عارف البنات عندهن انفة و عزة نفس و ما بدوروا الكلام المسيخ ده؟؟؟؟؟؟
|
Post: #11
Title: Re: دعوة جادة جدا لكل من تريد الارتباط بي!
Author: Amany Elamin
Date: 10-16-2010, 06:02 AM
Parent: #10
Quote: والله أنا أخير ليك من البورة
يازوالة . |
|
Post: #12
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-16-2010, 06:18 AM
Parent: #11
الاستاذة سناء
تحياتي
وشكرا لاهتمامك بالموضوع خلاص نشيل الفقرة وبالله كثفيي جهودك معي
ليك خالص الود
|
Post: #13
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-16-2010, 06:24 AM
Parent: #11
الاخت أماني
تحياتي
انت معنا في البوست لو أيجابية أهلا بيك ولو عملتي عمايلك زي البوست الفات بالله أرجو منك الانصراف بهدؤ
وكمان تقولي أنك تركتي تنظيم الجندريات الجدد بدل الضحك وتجوا تلعب وتهرجوا هنا
أتفاقنا
|
Post: #14
Title: Re: دعوة جادة جدا لكل من تريد الارتباط بي!
Author: haroon diyab
Date: 10-16-2010, 06:47 AM
Parent: #13
يازهير
سلام ياصاحب
والله بي كلامك ده العندو خرتمية بيت
اخير ليهو البورة......ولا يديك واحدة!!!!!!
Quote: والله أنا أخير ليك من البورة
يازوالة . |
المهم.....
التجي بي جاي تستأهل .....!!!!!
وايك اعني واسمعي ياجارة .
|
Post: #15
Title: Re: دعوة جادة جدا لكل من تريد الارتباط بي!
Author: haroon diyab
Date: 10-16-2010, 06:51 AM
Parent: #14
بالمناسبة :
واحد ابوهو مات وماقادر يسافر
جاهم واحد قاليهم :
تعالو نكشف حال الزول ده....!!!!
قالو ليهو كيف يازول.....؟
نعمل ليهو كشف.....!!!!
حسع كلامك ده ماياهو ( كشف الحال ) زااااااااااااتو
|
Post: #16
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-16-2010, 07:23 AM
Parent: #15
ياصديقي العزيز
تحياتي
دا ما كشف حال لكين واقعية ليه نحن بنهرب من واقعنا والله نحن في البلد هنا أطهر ناأفقر من كل فقراء الدنيا بعدين في حديث للرسول (ص) قال أخذهن فقراء يغنيكم ألله وأتفق شارحوا ألحديث أنه ينطبق علينا
المهم كان جات خير وبركة وكان فرت مع السلامة
لك ودي
|
Post: #17
Title: Re: دعوة جادة جدا لكل من تريد الارتباط بي!
Author: محمد عبد الماجد الصايم
Date: 10-16-2010, 07:31 AM
Parent: #16
أبو الزيكـ .. ربنا يوفقكـ
وإن شاء الله تلاقي بت الحلال التسعدكـ وتسعدا!
|
Post: #18
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-16-2010, 07:55 AM
Parent: #17
الحبيب ود الصايم
تحياتي
وشكرا لمشاعرك النبيلة ووقفة معي وأنشاءالله تقبل ياعبد والامور تمشي تمام
لك كل الود
|
Post: #19
Title: Re: دعوة جادة جدا لكل من تريد الارتباط بي!
Author: فايزودالقاضي
Date: 10-16-2010, 08:06 AM
Parent: #18
زهير ...سلامات وربنا يحقق امنيتك ويحل مشكلتك ...
البقرا كلامك يازهير بيفتكر العرس ده حاجة صعبة في السودان ...ياخي لو وقفت في نص الخرطوم وقلت عايز اعررررررس والله الا يفكوك ناس الجيش والشرطة من البنات العايزات العرس ومن النوع العايزه انت ...
يازهير انت قاعد في بلد فيها انترنت ومافيها بنات ولا شنو ؟!!!!
وبعد ده ربنا يوفقك ..
|
Post: #20
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-16-2010, 04:04 PM
Parent: #19
ودالقاضي
تحياتي ليك
تعرف مشكلتي المواصفات القياسية بعدين الالفة دي أبوالشباب سنين ما تعد بس معاي مسجونين في أحاسيسنا
مع بعض وما قادر أتحرر
ليك كل التقديرودالقاضي
|
Post: #21
Title: Re: دعوة جادة جدا لكل من تريد الارتباط بي!
Author: Mohamed Bannaga
Date: 10-17-2010, 00:27 AM
Parent: #20
سلام أخي زهير
وربنا يتمم على خير
بس كدي خليك من كلام اخير ليك من البورة دا
أسمع أنا أديك الابيات دي جربها معاها ممكن تشتغل
كتبتها لى واحدة وما قلتها ليها اصلو أخوك كاتم صوت
و خليك حنيّن و انشاءْ الله بتسلك
وما تنسى تعزمنا للعرس .. بنربط عممنا و نجي ناس عقد ساي
مع خالص تحياتي و تمنياتي لك بالتوفيق
محمد بدوي بانقا
|
Post: #22
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-17-2010, 07:33 AM
Parent: #21
الحبيب محمد ودبدوي ودبانقا
تحياتي الحارة
في البداية شكرا يافنان ما تقولي أبيات في السلك والقصيدة رهيبه جدا بس أديدني فرصةدا أنذار أخيرة للبحث عن بدائل لكين ياخوي هي ما عشرة سنيين ودنيين المهم الامر عايز ليهو مؤتمر صحفي لشرح التداعيات كاملة والحكاية بالتفاصيل
لك كل الود
|
Post: #23
Title: Re: دعوة جادة جدا لكل من تريد الارتباط بي!
Author: حمور زيادة
Date: 10-17-2010, 07:38 AM
Parent: #22
| Quote: تعرف مشكلتي المواصفات القياسية |
يا زهير ..
صاحبة المواصفات القياسية موجودة بطرفنا .. بس المشكلة هي برضو عايزه زول بمواصفات قياسية للأسف.
اها يا اخوي انت اعمل بنصيحة رقبتك ..
عرس أي واحدة .. أخير ليك من البورة يا زوال.
|
Post: #24
Title: Re: دعوة جادة جدا لكل من تريد الارتباط بي!
Author: حاتم علي
Date: 10-17-2010, 09:04 AM
Parent: #23
Quote: والله أنا أخير ليك من البورة
يازوالة . |
يا جماعة ما تظلموا الاستاذ زهير ساكت
فهمتوا غلط يا جماعة
زهير كان يظن نفسه في درك سحيق بالنسبة
ل(الزوالة) فالارتباط به أفضل منه البقاء
بدون زواج - البورة- كما قالت كلماته
و زهير هنا يدافع عن نفسه و يبشر محبوبته
(الزوالة) أنه افضل قليلاٌ من حالة
(البورة) و بالتالي لا يستوي وصف الزواج به
كعدم الزواج من أساسه
التوقيع:
_______
حاتم E
(متابع) للأستاذ زهير بالبورض
|
Post: #25
Title: Re: دعوة جادة جدا لكل من تريد الارتباط بي!
Author: BitAlhana
Date: 10-17-2010, 09:25 AM
Parent: #24
زهير يا خوي
والله كلنا جينا شايلين شعار انه نقيف معاك قلبا و قالبا
لكن عاد انت شترتها شتاره شديده
اسي كان بقى في قسمة ان شاء الله
و تعزمنا نحنا ناس سودانيز اون لاين .... قايلنا بننسى؟
ما تحت تحت تلقانا نقطع ...( ما ياها دي العروس البايره)
(والله كلام زهير صحي) ....
غايتو كان بتقرا معانا هنا حقك راح
و كان بتكتب معانا ياها الفكت البيرق زي ما قالت تراجي
الله كريم
|
Post: #26
Title: Re: دعوة جادة جدا لكل من تريد الارتباط بي!
Author: انعام حيمورة
Date: 10-17-2010, 01:29 PM
Parent: #25
بما نو الاستاذ زهير قد تعرف على بعض الجندريات في البورد اول امباح فقام بتجديد الدعوة ..
او
اتذكر الموضوع من جديد
هههههههههههههههههههههههههه
|
Post: #27
Title: Re: دعوة جادة جدا لكل من تريد الارتباط بي!
Author: nazar hussien
Date: 10-17-2010, 01:56 PM
Parent: #26
| Quote: انا راجل منتهي الصراحة هي في نفس العمر يعني قاعدة حمامة مسجد. |
كان الصحابي عبدالله بن الزبير رضي الله عنه يلقب بحمامة المسجد...
فاظفر بذات الدين تربت يداك...وحاحي ليها بي قفص...
|
Post: #32
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-17-2010, 05:06 PM
Parent: #27
الاخ نزار
كيفك
بحاول والله يامولانا لكين هي عاملة مجنونة داعوتك معنا
|
Post: #31
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-17-2010, 05:04 PM
Parent: #26
أختي أنعام
انت بتاعت أشاعات ما أتعرفت علي أي زوال جديد ما عندي علاقة بالجندريات علي الاطلاق خليك ظريفة وأنت شوفتي براك مستوي اللقاء
المهم ما في داعي للضحك
أنت عملتي شنو في الشغل العندك بالله عجلي
|
Post: #29
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-17-2010, 04:54 PM
Parent: #24
الاخ حاتم
مساء الخير
والله برضو طرحك نوع من الفهم المتقدم لهذه الوضعية
شكر للمرور والمتابعة أبقي حريص
|
Post: #28
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-17-2010, 04:50 PM
Parent: #23
الاستاذ حمور
تحياتي
شوف ما تحرق لي المراحل لسه ماوصلت مرحلة البدائل دي أسمها مرحلة العصا والجزرة ياصديقي لنا لقاء في مرحلة البدائل أنشالله تكون من المناصرين لمشروعي في الارتباط بالأليات التقليدية
دمت لي صديق
|
Post: #30
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-17-2010, 04:59 PM
Parent: #28
بت الهناء
كيفك
شتارة شتارة أنا كدا وعاجبا وهي ما زعلت أنا ما قلت الجندريات ليس لهم حق الداخلة أو التعليق
المهم لسه في أمل ؟!
|
Post: #33
Title: Re: دعوة جادة جدا لكل من تريد الارتباط بي!
Author: نعمات حمود
Date: 10-17-2010, 06:54 PM
Parent: #30
الاخ زهير ...
معليش استميحك العذر اني دخلت رغم رفضك لدخولنا ...وممكن تاخده صفه من صفاتي (عدم سماع الكلام احيانا )..
بس عندي ليك سؤال ...اي نوع من الارتباط تعني (الاربطة كثيرة )...وبعدين فاجأتني انك لسه ....
ويا حمور انابرضو والله عندي دعوة بمواصفاتي وشروطي ...والله يحقق الاماني والمراد
حكاية المواصفات والمقاييس دي صعبة (لكن الواحد لو وصل خط الزون يغمض ويمشي الامور )
لكم
محبتي
|
Post: #34
Title: Re: دعوة جادة جدا لكل من تريد الارتباط بي!
Author: عمران حسن صالح
Date: 10-17-2010, 07:01 PM
Parent: #33
Quote: قل لي ولو كذبا كلاما ناعما يغتالني في صمتك التمثال!!
والسوداني قال شنو؟؟؟
قال زدني من دلك شويه وكثر الاشواق عليه.
|
والله يا تراجي حسيت بيكـ صادقة كيف في مداخلتكـ دي
|
Post: #35
Title: Re: دعوة جادة جدا لكل من تريد الارتباط بي!
Author: بكري عباس علي
Date: 10-17-2010, 08:12 PM
Parent: #34
زهير ازيك
ياخي انت لسع باير والله انا فاكرك خلصتا زمان
اسمع نصيحة اخونا فايز وفالك طيب
|
Post: #36
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-17-2010, 09:38 PM
Parent: #33
الاخت نعمات
تحياتي
أهلا بيك أنت ما جزء من المجموعة الرهيبة اللي كانت بتمارس سخف تسخيف فكرة أنو أكتب مواصفات علي فضاء المنبر وأطلب زوجة لذلك أنت ما من الجندريات الالي أعنيهن سيديتي
المهم مسألتي فيها تعقيد علاقة أنسانية تشبه الظل سنوات طوال نحن تحت سطوة الانتظاربالرغم من هدف العلاقة معلوم والنهايات محددة ولكن هنالك نوع من التسويف والخيال وكأن نشد العلاقة قتلا للوحدة وأحساسنا بالاخر من أجل الامان العاطفي ونسرح في بناء قصور الرمال دونما قرار المهم سرقنا الزمن تقدم العمر وهل نستطيع نؤسس للعيش المشتركة من خلال توافق العلاقة التي دامت سنوات عرفنا فيها العشرة بمفاهيم مجتمعناوكذلك الصدام والاختلاف والاحلامي ولكن ظل القرار مخيف كأنه الموت والذهاب للعدم
(وتبقي أكذوبة المشاعر ضل بغطي الجروح وعذابتنا
والكلام سيد المواقف ما الفعل
بس كان يرجع الزمن عشان
كانت البداية أروع
أيامنا
لسه خايف
من رفقة العمر الكئيبة
وأحزان التقرب بالاواصر
نحن جرأتنا زي لعب الاطفال
مابتعرف خطر ولا حذر
بيقتي زي تمثال
أدمنت أتأملو
كيف بعدالسنين الطوال
أقدر أتوسدو
أنت ياوجع عمري
حلمي الكبير ما قدرت
أجيك راكب حصان
شيال معي كل الاماني
وكنوز الزمن
أنا زوالك بس
هدتني المحن
وأنت ما صابرة
بس كيف يكون تحقيق
ولو جزء من الحلم
ياله نكون ولو لحظة الاحتضار
سوا.
ودي يانعمات حالتناوأمكن محاولة لتقريب الصورة وأنشالله أكون قدرت أقول الحاصل بصراحة
وليك وافر التقدير
|
Post: #37
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-17-2010, 10:55 PM
Parent: #36
الاخ بكري
تحياتي
كيف أخلص والقصة قصة عرس دا موضوعى المعقد ليهو سنين طويلة المهم أخوك مصر السنة تكون حاسمة ياعريس أو مقاتل في الحروب الاهلية الجاية
لك كل الود
|
Post: #38
Title: Re: دعوة جادة جدا لكل من تريد الارتباط بي!
Author: haroon diyab
Date: 10-18-2010, 05:45 AM
Parent: #37
زهير ياصاحب
سلام
امسك في الاحمر قووووووووووووي
| Quote: ياعريس أو مقاتل في الحروب الاهلية الجاية |
اصلو المداخلة الاولي طفشت الزبائن ياعمكـ....!!!
|
Post: #39
Title: Re: دعوة جادة جدا لكل من تريد الارتباط بي!
Author: محمد عبد الماجد الصايم
Date: 10-18-2010, 07:52 AM
Parent: #38
إنعام .. Like
|
Post: #40
Title: Re: دعوة جادة جدا لكل من تريد الارتباط بي!
Author: انعام حيمورة
Date: 10-18-2010, 08:46 AM
Parent: #39
يا زهير اللقاء كان تمام هسة لو ركزت كنت طلع ليك بي حاجة تمام كدة ..
ربنا يوفقك بس اصبر وصابر ورابط ..
ود الصائم والله زهير دا الاول عديل كدة
|
Post: #41
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-18-2010, 05:29 PM
Parent: #39
ودالصايم
مساء الخير
طبعا أنا عندي أمية مصطلحات يعني أمي ما عرفت أنت كتبت شنو بالله أكتب لي بالعربي يا نعمان
متين ح نشوفك تاني لانو أمكن أمشي مناطق شدة
|
Post: #42
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-18-2010, 05:38 PM
Parent: #41
العروس بت حيمورة
تحياتي
أنا منحتك تفويض اللي بتشوفيها عندها رغبة في أعتلا سفينة الاحلام والاحزان معي وخدام دوكة شاطرة كدا طولي أطلبي يدها طوالي والدين في الكتوف والاصل معروف
سوف نلتقي غدا بخصوص المبادرة
لك كل الود
|
Post: #43
Title: Re: دعوة جادة جدا لكل من تريد الارتباط بي!
Author: الامين محمد علي
Date: 10-18-2010, 05:55 PM
Parent: #42
أحب بنيتي وودت أني
دفنت بنيتي في قاع لحدِ
ومابي أن تهون علي لكن
مخافة أن تذوق الذل بعدي
فإن زوجتها رجلاً فقيراً
أراها عنده والهم عندي
وإن زوجتها رجلا غنياً
سيلطم خدها ويسب جدي
سألت الله يأخذها قريباً
ولو كانت أحب الناس عندي
|
Post: #44
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-18-2010, 06:14 PM
Parent: #43
داشنو يعني تشجيع لثقافة الموت ولا البورة أحسن المعني ياشاب بالله
ليه كدا أنتو ما عندكم ذوق عملتوا لي نفسايات
بالله أعمل شنو أنا معكم خلاص ما دا العرس
دي أخر صيحة كمان
..........!
بس شوفوا لي حل من قصة جوع الجسد.
|
Post: #45
Title: Re: دعوة جادة جدا لكل من تريد الارتباط بي!
Author: نعمات حمود
Date: 10-18-2010, 06:41 PM
Parent: #44
يا زهير ...يا استاذ ..شكرا مالانهايه للكلام المؤدب ..
وانا لو كنت الزولة دي كنت اتحديت المحال وزللتو وكفايه انو الواحد يعاشر ليهو زول بالمواصفات دي ...
وياخوي زهير (سئلت عجوز اعرابية عن اعجب مافي الدنيا فقالت الامل ...واجمل ما فيها المستقبل الذي ياتيك يوما بعد يوم...ويا ما ناس انتظرت وباحلام وامال وفي النهايه ضاع العمر والحصاد انهزام وانكسار يا من الزمن نفسو ويا من تغير الاحبه نفسهم
احسم امورك سريع واليوم البمر ما بتكرر فليه انا اضيعوا براي في انتظار احلام وامال في خيالي وعشم
المانع شنو يكون معاي حبيبي دا وننتظر سواء ...
يلا في العيد انا جايه نسمع عنك الخير ...
محبتي
|
Post: #47
Title: Re: دعوة جادة جدا لكل من تريد الارتباط بي!
Author: الهادي محمد ابراهيم
Date: 10-18-2010, 07:07 PM
Parent: #45
أبو الزيكـ
وإن تصوموا خيرا لكم
|
Post: #49
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-18-2010, 09:03 PM
Parent: #45
الاخت العزيزة نعمات
مساء الخير
في البداية شكرا لأهتمامك ونصائحك وأنشالله هي تعي حجم الهوة والضياع لو بعدنامن بعض بأي حجة المهم تجديني مقدر لك هذا الموقف النبيل
لك صادق الودودمت لي أخت وصديقة عمر
|
Post: #46
Title: Re: دعوة جادة جدا لكل من تريد الارتباط بي!
Author: محمد البشرى الخضر
Date: 10-18-2010, 07:01 PM
Parent: #44
| Quote: بس شوفوا لي حل من قصة جوع الجسد. |
الصيام بس يا حبة
|
Post: #48
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-18-2010, 08:51 PM
Parent: #46
الاخوان الهادي
ومحمدالبشري
تحياتي ليكم
خلاص عرفتا وكمان برضو أنا مسلم كويس ح أصوم أنشالله أبقي صايم ديمة عشان صحتي وما أنحرف
كدا تمام
والله كل الحلول صعبه يعني كيف كدا بس
|
Post: #50
Title: Re: دعوة جادة جدا لكل من تريد الارتباط بي!
Author: نعمات حمود
Date: 10-20-2010, 06:05 PM
Parent: #48
يا ود البشرى صيام شنو ....
الناس في العين دي بلد الجو البارد والنسيم العليل ما قدرت على الصوم فما بالك زول في خط الاستواء ....
قال صوم !!
(فعليكم بالصوم فانه لكم وجاء
محبتي ....
|
Post: #51
Title: Re: دعوة جادة جدا لكل من تريد الارتباط بي!
Author: زهير عثمان حمد
Date: 10-20-2010, 10:12 PM
Parent: #50
نعمات
تحياتي
بالله شوفتي القمع اللي بيمارسوه الناس ديل ضد الطبيعة الانسانية معليش في ليها مخرج
لك كل الود
|
|