Post: #1
Title: للمناضلين ومن لف لفهم
Author: د.نجاة محمود
Date: 10-15-2010, 12:20 PM
تابم اوت
شايفاكم تعبانين من قضية لقضية شغالين تفريغ شديد للقضايا
ودي حاجة صعبة ما بتتقدر بالساهل
الله يديكم العافية والقدرة على النضال دا
اها قلت الناس دي نديها تايم اوت ترتاح من النضال الحار دا
وتضحك حبتين وتفرفش حبة
حشاش تعلم انجليزي و قعد يترجم لصاحبه بعض المصطلحات من العربية الى الانجليزية
أنا أدفع الحساب = I push the mathematics
إنه أُمي = He is my mother
السلطة المطلقة = Divorced salad
جوز هند = Hinds Husband
جوزين جوارب= Two husbands of socks
حقك علي = Your price on me
خطر على بالي = Danger on my mind
خليها على حسابي = Keep it on my mathematics
دستور يا أهل الدار = Constitution home parents
راحت عليك = She went on you
كتابه على فيفي سعيد كتب = Happy wrote his book on In
ظروف قاهرة= Cairo envelopes
قدر ظروفي = Evaluate my envelopes
كفيل = Like an elephant
لا يمت لي بصلة = He does not die to me an onion
لم أهرب قط = I never escaped a cat
معمول بالجوز= Made in husband
مكتب المراجعات = Vomit office
يستر على عرضك = Cover on your wide
الله دفع = Push God
انشاء الله = Composition God
الشهادة والعمل الصالح = Certificate and good work
حمد النيل = Thank the river
عظمه = Bone
__
لا يوجد اي سبب للاختيار اللون الاخمر وهذا مني لتبيه ودرء العوارض وسوء النية
اختيار برئ جدا
|
Post: #3
Title: Re: للمناضلين ومن لف لفهم
Author: أسامة البلال
Date: 10-15-2010, 12:35 PM
Parent: #2
شكرا مناضلة كوالمبور علي إستراحة المحارب الظريفة
لكن شايف مناضل سيدني جاب لينا الجدادة كلها
|
Post: #4
Title: Re: للمناضلين ومن لف لفهم
Author: سلمى الشيخ سلامة
Date: 10-15-2010, 12:50 PM
Parent: #3
الاخت الحبيبة نجاة
يبدو انى من لف لفهم
لكن بالجد مايحدث فى بلادنا غير قابل للتصديق
مايحدث امر تسعى له هذه السلطة منذ توليها سدة الحكم
بل ازعم انها كانت تخطط له منذ ان نشات فكرة الاخوان المسلمين فى السودان
فما يحدث يا اختى الفاضلة امر لم نعهده من قبل
صحيح حدثت حروب بين الشمال والجنوب لكن لم تكن مطبوعة بطابع الجهادى كما حدث فى التسعينات
ولم يحدث ان تحدث احد عن الانفصال كما فعلت الحكومة الحالية
فكيف لنا ان نصمت والبلاد فى طريقها الى التشظى الذى لن يتوقف عند حد شمال جنوب
بل ربما امتد الى كل المناطق الملتهبة وهى متعددة كما تعلمين
ببقى الصمت عن هذا الموقف عار علينا
يبقى ان نجعل منها مجرد سخرية عيب ايضا
فالجد يا صديقتى ان نقعد فى واطات الله ونشوف ليه وكيف نتدارك هذه القسوة التى تلوح فى حياتنا
حيث اننا نعرف مبرراتها
دمتى ولك الحب
|
Post: #5
Title: Re: للمناضلين ومن لف لفهم
Author: عبدالله الشقليني
Date: 10-15-2010, 04:27 PM
Parent: #4
أعتقد أنه من الضروري الإشارة للجهة المنقول منها ، وصاحبها .
مع حفظ احترامنا للدكتورة بيان ورغبتها نثر الثلج على الجراح .
*
|
Post: #6
Title: Re: للمناضلين ومن لف لفهم
Author: د.نجاة محمود
Date: 10-15-2010, 06:26 PM
Parent: #5
جاتني بالاميل من صديق عزيز
وهذا للمعلومية
|
Post: #9
Title: Re: للمناضلين ومن لف لفهم
Author: Mohamed Suleiman
Date: 10-15-2010, 06:40 PM
Parent: #6
Quote:
جاتني بالاميل من صديق عزيز
وهذا للمعلومية
|
قرقرقرقرقرقر
دي كان تختيها في الأول ... قبلما يبان إنو (إبداعياتك) ... ملطوشة ..
شايفة كيف المناضلين و من لف لفهم صاحين و مصحصحين !!!
عفارم عليك يا خالد العبيد ...
إنتي يا دكتورة ... زي كل المهضربين اليومين ديل من أنصار الحكومة ... جاية مدفوعة بغريزة البقاء و بقاء المصالح ... عشان تشتتي الكورة ... و البلد بتغرق .... بتعرق يمكن في حروب لا تبقي و لا تذر ....
قالت المناضلين و من لف لفهم قالت !!
|
Post: #14
Title: Re: للمناضلين ومن لف لفهم
Author: د.نجاة محمود
Date: 10-16-2010, 01:35 AM
Parent: #9
لطشة للطشة تفرق كثير يا التلوث الضوضائي
انت لاطس ليك قضيةبحالها عاملها بزنس
على الاقل اسع ضحيك و التسرية عن المناضلين بعملو مجاني
Quote: ..
. زي كل المهضربين اليومين ديل من أنصار الحكومة |
قرقر قر قر قر برضو انا انصار الحكومة يا كوز يا زعلان؟
انتو العملتو الحكومة دي ومشتيو معها الجنوب حاربتو الجنوبين وفجاة
بقتوو مناضلين عندكم قضية تدر الذهب ..
| Quote: عفارم عليك يا خالد العبيد ... |
عندما يشكر كوز زعلان شيوعي
هلا يا هلا
نحنا حنعينك برتبة اكبر مناضل تفريغ
اسع شوف فرغتا البوست دا كيف؟
1ي ما فرغتا قضبة دارفور
|
Post: #8
Title: Re: للمناضلين ومن لف لفهم
Author: د.نجاة محمود
Date: 10-15-2010, 06:32 PM
Parent: #4
سلامات يا سلمى الحبيبة
السودان دا بلد العشوائية اي حاجة تحصل بالصدف ولا يوجد اي تخطيط لاي حاجة
انا ماقادرة افهم الناس بتحللعل انه في تخطيط ليه
صدف في صدف
ويا بخت من بكر وامتطى الدبابة
مع المودة
|
Post: #31
Title: Re: للمناضلين ومن لف لفهم
Author: صديق مهدى على
Date: 10-16-2010, 01:59 PM
Parent: #4
ايتها المرآة القوية المناضلة سلمى الشيخ سلامة فمثل هؤلاء مرفوع عنهم القلم لانهم فى سكرتهم
يعمهون فاتركوهم للزمن عسى ان يفيقوا من سكرتهم .
|
Post: #7
Title: Re: للمناضلين ومن لف لفهم
Author: د.نجاة محمود
Date: 10-15-2010, 06:29 PM
Parent: #3
Quote: شكرا مناضلة كوالمبور علي إستراحة المحارب الظريفة
لكن شايف مناضل سيدني جاب لينا الجدادة كلها |
سلامات يا اسامة
مناضل سيدني تعبان شديد والله ربنا يعينه على النضال الفارق والفارغ دا
|
Post: #11
Title: Re: للمناضلين ومن لف لفهم
Author: khalid abuahmed
Date: 10-15-2010, 10:38 PM
Parent: #10
Quote: السودان دا بلد العشوائية اي حاجة تحصل بالصدف ولا يوجد اي تخطيط لاي حاجة
انا ماقادرة افهم الناس بتحللعل انه في تخطيط ليه صدف في صدف ويا بخت من بكر وامتطى الدبابة
|
.
معقول..؟؟!!!!!!!
غبتي الفترة دي كلها وجاية تقولي الكلام ده..؟؟.
من الذي يقتنع بهذا الكلام..؟؟.
من الذي يصدق أن الحركة (الاسلامية) عملت الانقلاب دون تخطيط وان الانقلاب جاء بالصدفة..؟؟.
وأن جعفر نميري قام من النوم بدري وركب الدبابة ومسك السلطة..كده والله انتي تستخفي بالقارئ وبالناس لدرجة ما حصلت..!!!.
وبما أنني من لف لفهم أعرف ان كل تغيير يحتاج لتفكير ولعمل كبير وتخطيط وإذا كانت الصدفة تصنع دُول وأنظمة حاكمة كان على الأقل عملتي ليك جامعة خاصة تناطح السحاب لها أفرع في كل دول العالم، لكن وما نيل المطالب بالتمني ولكن تؤخذ الدنيا غلابا..!!.
|
Post: #15
Title: Re: للمناضلين ومن لف لفهم
Author: د.نجاة محمود
Date: 10-16-2010, 01:47 AM
Parent: #11
| Quote: من الذي يصدق أن الحركة (الاسلامية) عملت الانقلاب دون تخطيط وان الانقلاب جاء بالصدفة..؟؟ |
نورنا بالله اكيد عندك معلومات عن التخطيط لانك كنت واحد منهم
على حسب رؤيتي الخارجية شايفة انه اي حاجة بتتم بصورة عشوائية
| Quote: كده والله انتي تستخفي بالقارئ وبالناس لدرجة ما حصلت..!!!. |
البستخف بالناس البيكون شريك 100% في كل جرائم الانقاذ من بيوت الاشباح مرورا بالصالح العام
الى الحروب في الجنوب واستخدام الاطفال فيها
فجاة يستحم في النهر ويعمل مناضل دا البستخف بالناس وعقولهم
انت بالنسبة لي مجرم حرب
ولا تسقط جرائم الحرب بالتقادم ولا الطلوع من التنظيم
مع الكيزان ديل في فد مركب..
| Quote: وإذا كانت الصدفة تصنع دُول وأنظمة حاكمة كان على الأقل عملتي ليك جامعة خاصة تناطح السحاب لها أفرع في كل دول العالم، لكن وما نيل المطالب بالتمني ولكن تؤخذ الدنيا غلابا..!!. |
ما قلت ليكم من لف لفهم ديل طائرة ليهم لفة في راسهم ملخطبة السرتنين
السودان بلد عشوائي جدا لا يوجد خطة ولا فكرة ولا اي حاجة
والدليل الوضع الحالي . لو بالجد الحركة الاسلامية بتخطط كان اسع بقت كدا؟
وهل كان حولوا الاسلام لمسبة؟
|
Post: #12
Title: Re: للمناضلين ومن لف لفهم
Author: Elawad Eltayeb
Date: 10-16-2010, 00:06 AM
Parent: #10
Quote:
سلامات ايها العزيز
السودان دا بلد العشوائية اي حاجة تحصل بالصدف ولا يوجد اي تخطيط لاي حاجة
انا ماقادرة افهم الناس بتحللعل انه في تخطيط ليه
صدف في صدف
ويا بخت من بكر وامتطى الدبابة
مع المودة |
العزيزة د. بيان
سلام معطر لك وللأسرة الكريمة
دعيني أختلف معك
واختلاف الرأي لا يفسد للود قضية
وأقول
أن لا شيء يتم وفق الصدفة
بل كل شيء يتم وفق ترتيب معين
وهناك سبب وتفسير لكل حادث وحديث
كل شيء له سبب ومنطق وتفسير ومعالجة
بدءاً من لحظة ميلاد انقلاب البشير
الذي (بالتأكيد) لم يكن صدفة
(بل قرأه الناس قبل حدوثه بسنوات في مجلة الوطن العربي أو في تربص المتربصين بالديمقراطية والديمقراطيين)
وحتى زوال هذا النظام الذي هو مكتوب بكل وضوح ودون ريبة وبالبولد
في سيرة أمم مضت
وفي الحكمة التى تقول : (لو دامت لغيرك ... لما آلت لك)
لكن بين الميلاد والموت يبقى (الموقف)
الذي هو المحك
وهو الامتحان
الذي يكرم فيه المرء أو يهان
لأن الفوضى أصبحت لها نظرية
تفسر كل شيء
من قبل ومن بعد
وأصبح العلماء والناس يتحدثون جهرةً بعد الهمس عن أثر الفراشة
نعم أثر الفراشة
أثر الفراشة هذا الذي يحرك ذرات من الطاقة غير مرئية
تحرك موجات من الطاقة تثير العواصف والرعد والبرق وتحرك السحب
فتهطل الأمطار
وتتغير خارطة العالم
فلا حرج على أي مناضل أو من لف لفه
لو سعى بصدق
لإحداث أثر ايجابي
حتى لو كان مثل
أثر الفراشة
يفسر الفوضي
ويضعها في إطار نظريتها الصحيح من غياب الحكم الرشيد
ويسعى للتغير الايجابي
|
Post: #13
Title: Re: للمناضلين ومن لف لفهم
Author: د.نجاة محمود
Date: 10-16-2010, 01:28 AM
Parent: #12
خالد العبيد لو كنت بباري الحاجات حقتك دي في الويب سايتات حقت العرب كنت بقيت ذيك القط الورق
موش قلت ليك بطلو نضال العضارة دا...
اها يا ناس انا سرقت الترجمات ديل من بوستات العرب
اها شنو؟
خلينا في المهم
ما تبقى
Joy kill
|
Post: #16
Title: Re: للمناضلين ومن لف لفهم
Author: د.نجاة محمود
Date: 10-16-2010, 01:51 AM
Parent: #12
Quote: فلا حرج على أي مناضل أو من لف لفه
لو سعى بصدق
لإحداث أثر ايجابي
حتى لو كان مثل
أثر الفراشة
يفسر الفوضي
ويضعها في إطار نظريتها الصحيح من غياب الحكم الرشيد
ويسعى للتغير الايجابي |
سلامات اخي الكريم
هذا هو المطلوب والذي نتمناه
لا يوجد اثر للفراشة بل اقر لابو الدردوق
حث صارت المعارضةضعيفة جدا وبطريقة بشعة منافية للاخلاق القويمة
وكما تعرف المبادئ السامية تحقق بصورة سامية
اسع الحاصل دا نضال؟
وشكرا ليك
|
Post: #17
Title: Re: للمناضلين ومن لف لفهم
Author: Sabri Elshareef
Date: 10-16-2010, 02:19 AM
Parent: #16
اها انا مع اختي سلمي في من لف لفهم
الغريبه عنوانك مذكر ما فيه ثقافة جندر يعني التي
تلف لفهن ديل ما معانا
والمناضلات شقيقات محمد احمد ديل معانا وله مع من لف لفهم \لفهن
لك التحية والاجلال
|
Post: #18
Title: Re: للمناضلين ومن لف لفهم
Author: د.نجاة محمود
Date: 10-16-2010, 02:54 AM
Parent: #17
|
Post: #20
Title: Re: للمناضلين ومن لف لفهم
Author: د.نجاة محمود
Date: 10-16-2010, 08:06 AM
Parent: #19
لله يا خالد ما فل ليك الا تكتب بالفحمة حرضنا للمرة المليون ولم نجدك
|
Post: #21
Title: Re: للمناضلين ومن لف لفهم
Author: isam elzein
Date: 10-16-2010, 08:13 AM
Parent: #19
Quote: تابم اوت
شايفاكم تعبانين من قضية لقضية شغالين تفريغ شديد للقضايا
ودي حاجة صعبة ما بتتقدر بالساهل
الله يديكم العافية والقدرة على النضال دا
اها قلت الناس دي نديها تايم اوت ترتاح من النضال الحار دا
وتضحك حبتين وتفرفش حبة
|
جنس عواره
بس ناقصه الرياله
الله يمهل ولا يهمل
|
Post: #22
Title: Re: للمناضلين ومن لف لفهم
Author: tmbis
Date: 10-16-2010, 08:18 AM
Parent: #21
Quote: جنس عواره
بس ناقصه الرياله
الله يمهل ولا يهمل |
ديششششك .. البعاتي بتاع البدلة البيضاء ..
جيت من وووين يا بتاع يمهل ولا يهمــل ..؟
انا مش قلت ليك تاني لما تدور تكتب ليك كلمة في المنبر دا تكلمني .. إن ما بتسمع الكلام واللا شنــو ..؟
|
Post: #23
Title: Re: للمناضلين ومن لف لفهم
Author: isam elzein
Date: 10-16-2010, 08:26 AM
Parent: #22
| Quote: البعاتي بتاع البدلة البيضاء |
عليك الله اسى البعاتى انا
وله الخلقه الفى الصوره الخاتيها دى
|
Post: #24
Title: Re: للمناضلين ومن لف لفهم
Author: tmbis
Date: 10-16-2010, 08:32 AM
Parent: #23
Quote: عليك الله اسى البعاتى انا
وله الخلقه الفى الصوره الخاتيها دى |
غايتو زي ما قلت ليك المرة الفاتت .. لو كتبت اربعة سطور .. أو خمسة سطور بتفقد سوائل ..
الكلام دا كان المرة الفاتت طبعا ..
لكن حسع دي .. بي صورة واضحة لو كتبت أربعة أو خمسة سطور .. بجرك من اضانك كبعاتي .. واعلقك فوق اي ايقونة واربط ليك سلك من اقرب عمود ..
ملحوظة:
الأيامات دي في موجة بتاعت صيادين بعاعيت .. أعمل حسابك ما تدقس
|
Post: #25
Title: Re: للمناضلين ومن لف لفهم
Author: isam elzein
Date: 10-16-2010, 08:37 AM
Parent: #24
| Quote: الأيامات دي في موجة بتاعت صيادين بعاعيت |
ما هو واضح من الصوره
الله يمهل ولا يهمل
|
Post: #26
Title: Re: للمناضلين ومن لف لفهم
Author: د.نجاة محمود
Date: 10-16-2010, 10:37 AM
Parent: #25
لوووووووووووول يا تمبس
ممكن نعرف الاسم الاصلي التاني للبعاتي هنا
بسرعة بالله الزول عجز وبقى ما بتسحمل انظار الشمارات...
وذي ما قلت من قبل لا اتقبل الرجل العوير العيطة لانه قد سنحتت له كل الفرص في الدنيا دي
عشان هو رجل
لا سبب ان يكون هناك رجل عوير ابدا.ززز
منتظرين
|
Post: #27
Title: Re: للمناضلين ومن لف لفهم
Author: ABUHUSSEIN
Date: 10-16-2010, 10:57 AM
Parent: #26
البوست دا لم ليك العوارة كلها
نجاة إزيك
|
Post: #28
Title: Re: للمناضلين ومن لف لفهم
Author: البشير دفع الله
Date: 10-16-2010, 11:33 AM
Parent: #27
هسع يجوك المناضلين ومن لف لفهم
ويعملوا ليك موضوع من مافي
سلام يا دكتورة نجاة
|
Post: #29
Title: Re: للمناضلين ومن لف لفهم
Author: Asim Fageary
Date: 10-16-2010, 11:57 AM
Parent: #28
د/ نجاة محمود يا critic
تعرفي من سنة 2002 أيام سودان دسكشن بورد تاني ماوسي ما خاطب ماوسك
ليك وحشة يا critic
مع تحياتي
عاصم فقيري
التعديل لغرض التصحيح الإملائي
|
Post: #30
Title: Re: للمناضلين ومن لف لفهم
Author: khalid abuahmed
Date: 10-16-2010, 12:29 PM
Parent: #29
.
انا ما عندي علاقة باللغات الماليزية
|
Post: #32
Title: Re: للمناضلين ومن لف لفهم
Author: عمر دفع الله
Date: 10-16-2010, 08:20 PM
Parent: #30
دكتورة النقد الأدبي المُفلِسة...سلام
والمنبر مِضلِم بعودتك الميمونة
يا صاحبة الدرجة العلمية الرفيعة .
وربنا إكتّر من أمثالك
عشان نشوف سودان السجم دا يحلق بين النجوم .
هسي في ذمتك يا سلمى
الزولة دي ناقدة أدبية وأخونا عبداللطيف على الفكي ناقد أدبي ؟
والله لا نملك إلا ان نعتذر لكل المهتمين بالادب والنقد الأدبي في سودان
السجم والرماد .... معليش ... هو بقت عليك إنت يا دكتورة ؟
مالبلد كلها دكاترة في كل التخصصات ..
بالله أتفرجوا
البلد في شنو والدكاترة في شنو ...
|
Post: #33
Title: Re: للمناضلين ومن لف لفهم
Author: أسامة البلال
Date: 10-16-2010, 09:22 PM
Parent: #32
جات الحزينة تفرح مالقت ليها مطرح (مثل ماليزي)
المابدورك في الضلمة يحدر ليك (مثل أسترالي)
الجمل ما بشوف عوجة رقبتو (مثل بحريني)
الناس في شنو والحسانية في شنو (مثل هولندي)
يا شباب روقوا المنقه It is just for fun
|
Post: #34
Title: Re: للمناضلين ومن لف لفهم
Author: د.نجاة محمود
Date: 10-17-2010, 00:49 AM
Parent: #33
اسامة ازيك
الناس دي عيانة شديد وحاسدة وحاقدة
مشو لبلاد تموت حيتانها من البرد مفتكرينها الفردوس الضائع بعد بشتنة شديدة
في بلاد الاعراب
مشو لقو نفسهم في الدرك الاسفل من المجتمعات الجديدة والناس شايفنهم ذي الحشرات التي يجب ابادتها
ومضايقين منهم بعداك بقوبفتشو في اعداء متوهمين يقشو فيهم قرفهم من ضعهم المنحط البائس
اها طوالي اذا نزلت اغنية حيجو يكتبوا فرمالتهم البائسة دي
يا ناس ها بيان ما شغلتكم خدامين وعمال نظافة
دي الدول الانتو مشيتو ليها شغلتكم كدا..
فتشو في انفسكم السبب البخيكم ترضو بالهوان في بلاد الخواجات.
اعملو نقد ذاتي بالله
وكل ما زادت ركلاتهم عرفت انني في المقدمة وفارساهم ومارضاهم شديد
المضحك لمة الكيزان الزعلانين مع المستنيرين في البوست دا ضدي
عشان تعرف عدم الموضوعبة وفقط كراهية لله كراهية تشرفني جدا
لانه قطعا ما بكون عايزة ناس ذي دي تحبني من اصلو
|
Post: #35
Title: Re: للمناضلين ومن لف لفهم
Author: د.نجاة محمود
Date: 10-17-2010, 00:54 AM
Parent: #32
Quote: دكتورة النقد الأدبي المُفلِسة...سلام
والمنبر مِضلِم بعودتك الميمونة
يا صاحبة الدرجة العلمية الرفيعة .
وربنا إكتّر من أمثالك
عشان نشوف سودان السجم دا يحلق بين النجوم .
هسي في ذمتك يا سلمى
الزولة دي ناقدة أدبية وأخونا عبداللطيف على الفكي ناقد أدبي ؟
والله لا نملك إلا ان نعتذر لكل المهتمين بالادب والنقد الأدبي في سودان
السجم والرماد .... معليش ... هو بقت عليك إنت يا دكتورة ؟
مالبلد كلها دكاترة في كل التخصصات ..
بالله أتفرجوا
البلد في شنو والدكاترة في شنو |
واحد مسكين وغلبااااااااان
|
Post: #36
Title: Re: للمناضلين ومن لف لفهم
Author: د.نجاة محمود
Date: 10-17-2010, 00:59 AM
Parent: #29
يا سلام عاش من شافك ياعاصم
والله زمن ياخي
اتمنى كلكم تكونوا بخير
وتحياتي لك وللاهل جميعا
|
Post: #37
Title: Re: للمناضلين ومن لف لفهم
Author: د.نجاة محمود
Date: 10-17-2010, 01:01 AM
Parent: #28
Quote: هسع يجوك المناضلين ومن لف لفهم
ويعملوا ليك موضوع من مافي |
موش بالله صدقت توقعاتك
كدي نشوف الباقن مالهم طولو ما جو.
مودتي
|
|