علاء الدين صلاح ومحمد علي.. عاملين بيتكم الجالوص دة ان شاء الله تجي مطرة تفرتقو ليكم بعرة بعرة

بقيت تشوفهم بعر بعر !!!!



_
كده زعلت ناس الجالوص ياعلاء

Quote: كده زعلت ناس الجالوص ياعلاء

يعني يا حيدر إنتا قايلني مولود وعايش في حوش بانّقا فرع كافوري؟

الإسم الكامل (خُماسي): علاء الدين صلاح محمد علي حسن

هاهاهاهاهاي*







__
*مع الإعتذار للزول زاتو

المذكور أعلاه إسمو الثلاثي: علاء الدين صلاح محمد

وإسم شخصي الماثل أمامكم: علاء الدين صالح محمد

فتأمَّلوا وتألَموا..

قبل كم سنة كدة، قدَّمتا الـ Business Card بتاعي لأحد الأخوة السودانيين..

إسمي مكتوب على الكرت علاء الدين صالح محمد..

فسألني:

- إنتا علاء الدين "النوبي" بتاع الجالية؟

- أنا فعلاً علاء الدي النوبي بس ما بتاع الجالية

هيييييييييييييييه ما دايم إلاّ وجهو


دة بوست على وزن إبراء ذِمّة



والله ليك حق ياخ
دي عالم ######انة لازم الواحد يتبرّأ مِنّها
أشباه الرّجال فقط هُم من يلبسون الطِّرح الإسفيريّة و البُرْقع المشفّر

Quote: والله ليك حق ياخ دي عالم ######انة لازم الواحد يتبرّأ مِنّها

أووووو أبو عِلوة

وينك يا مُرتاح؟

أنا غايتو أُمبارح شايف واحد فينا (كان هو كان انا ما عارف)..

كان شغَّال كِسّير تلِج شديد لى بيجو..

بيني وبينك هو بيعملا





___
قُلتا ليْ دي عالم شنو؟؟ سكرانة؟

لاحقاً إكتشفتا إننا (شخصي الضعيف والمذكور أعلاه) شُركاء في ثلاث..

الإسم والصلعة والنوبية..

الفرق الوحيد بيناتا حرف واحد مُشترك يمكن أن تلعب به ما شئت..






بالإضافة للوجاهة وكدة

Quote: الفرق الوحيد بيناتا حرف واحد مُشترك يمكن أن تلعب به ما شئت..

الفرق برضو المواقف الرُّجوليّة

إنت لمن كنت يساري يا علاء لم تجْـبُن يوماً عن قولة الحق في وجه من تُعارِض
و حينما تبدّلت قناعاتك و كفرت باليسار أعلنت إنْتماءك الجّديد صراحةً
شن لمّاك مع اللابس الطرحة الإسفيريّة دة

Quote: الفرق برضو المواقف الرُّجوليّة إنت لمن كنت يساري يا علاء لم تجْـبُن يوماً عن قولة الحق في وجه من تُعارِض و حينما تبدّلت قناعاتك و كفرت باليسار أعلنت إنْتماءك الجّديد صراحةً شن لمّاك مع اللابس الطرحة الإسفيريّة دة

علاء
لله الحمد والمنّة أنْ لم أعرف طريقاً للجبن طوال مشواري السياسي..
حتّى بعد أن تبدَّلت قناعاتي وأعلنت إنتمائي الجديد (القديم)..
يا علاء أنا بعرف عضوة هنا لابسة طرحة إسفيرية..
عادي والله بالنسبة ليْ وما مشكلة لأنّي بجد ليها ألف عذر..
لكن ياخ الطرحة دي مع الرجال شينة شديد..
وعلى قول المثل: كل شي جايز إلا طرحة الرجال العجايز



أنا هنا قصدتا الفرق بين إسمي الثلاثي وإسمو الثلاثي (في صالح وصلاح)..

الفاتحة ياجماعة ..
والبركة في صورتو وعيونو الكبار
إيييييييييه ( أو كما قال علاء )


ــ
عندك فُراش ولا مسبل ؟

حقو يا علاء صالح تعمل البوست دا برعاية :
محمـد فـرح

وماشين في السكة نمد


_____
وتقبلوا تحيات
فدوى الشريف
وسهام موسى

تحياتنا ياعمك
ابو باب ابيض دا شبح وعينو قوية .... اختلاف اسلوبو في الكتابة بيدل على انو بستلة وحايمة الحلة
انا مرة واجهتووقلت ليهو انا ما برد عليك لأنك شخصية وهمية هههه تعرف قال لي شنو : قال لي لو جيت عمرة انا بعزمك في بيتي عشا تتأكد ...
وكمان ما تنسوا مجدي محمد مصطفى دا يوزر حايم بين المناضلين المعلمين الكبار
لكن شكلو كدا بكري شاتو ... وعقبال الفي بالي

__
الأمر مرفوع للاخ بكري للتحري واجراء اللازم
ولا لوجود الاشباح بكل انواعهم والوانهم السياسية

Quote: انا مرة واجهتووقلت ليهو انا ما برد عليك لأنك شخصية وهمية هههه تعرف قال لي شنو : قال لي لو جيت عمرة انا بعزمك في بيتي عشا تتأكد ...

كان تقول ليهو مافي داعي للتعب..
قول ليهو لو جيت إنتا إجازة بنعزمك في بحري والعنوان واضح شديد..
تخُش من موقف شندي وتخلّي الطُرمبة شمالك وتمشي دُغرييييييي..
أول عمارة تخلّيها..
تاني عمارة تخلّيها..
تالِت عمارة تخلّيها..
.
.
.


لحدّي ما يلاقيك كرين أولاد المسلَّمي

Quote: حقو يا علاء صالح تعمل البوست دا برعاية : محمـد فـرح

طيِّب إنتا رايك شنو يكون برعاية بيجو؟؟
ممكن نجيب مونيكا روبرت تعمل لينا الإعلان:

يا سايق الشبح ومغمور بالفرح
ارَح ارَح ارَح ارَح
بنركب البيجو ونمشي تخريجو
يجو يجو يجو يجو
ليلة وليلة هوي يا ليل

Quote: إيييييييييه ( أو كما قال علاء )

أبو السيد

أفرِز ياخ أفرِز

بعد دة الشغلة محتاجة للباركود

والله يا استاذ علاء الدين دي مشكلة زاتو:
حسع انا لي كم يوم كدا من ما شفت بوست علاء الدين لي علاء الدين وحسع بوست علاء الدين بتاعك دا لي علاء الدين .. .. حسع انا علاء الدين القدامك دا .. والله متحسس ..

يا جماعة انا اخوكم علاء الدين منصور .. كوز راسي عديل وضابط أمن قديم .. ومخلب قــط .. غايتو الله يرحمك يا عمر علي صاحب مرتضى قناة الدرعتها فينا والله بي (سنر أبو طيرة) ما تطلع

Quote: والله يا استاذ علاء الدين دي مشكلة زاتو: حسع انا لي كم يوم كدا من ما شفت بوست علاء الدين لي علاء الدين وحسع بوست علاء الدين بتاعك دا لي علاء الدين .. .. حسع انا علاء الدين القدامك دا .. والله متحسس ..

غايتو يا علاء الدين تاني بس إلاّ نبقى زي السن توب.. كل واحد في العلاءالدينات يلصِّق ليهو استيكر بالجنبة اليمين

مُسبلنو يا المسلمي يا أخوي

Quote: مُسبلنو يا المسلمي يا أخوي

يعني نشرب الشاي ونبقي مارقين !
وبيني وبينك ما يستاهل تندق ليهو خيمة .

Quote: يعني نشرب الشاي ونبقي مارقين ! وبيني وبينك ما يستاهل تندق ليهو خيمة .

ههههههههههههههههههه

Quote: والله يا استاذ علاء الدين دي مشكلة زاتو: حسع انا لي كم يوم كدا من ما شفت بوست علاء الدين لي علاء الدين وحسع بوست علاء الدين بتاعك دا لي علاء الدين .. .. حسع انا علاء الدين القدامك دا .. والله متحسس .. يا جماعة انا اخوكم علاء الدين منصور .. كوز راسي عديل وضابط أمن قديم .. ومخلب قــط .. غايتو الله يرحمك يا عمر علي صاحب مرتضى قناة الدرعتها فينا والله بي (سنر أبو طيرة) ما تطلع

ياخ لفّيت راسنا يا تمبس

Quote: يا جماعة انا اخوكم علاء الدين منصور .. كوز راسي عديل وضابط أمن قديم .. ومخلب قــط .. غايتو الله يرحمك يا عمر علي صاحب مرتضى قناة الدرعتها فينا والله بي (سنر أبو طيرة) ما تطلع

كان كدة باركوداتنا دي ما بتخارج معاك يا سعادتو..
حقَّتنا دي صُمِّمت خصيصاً للملكية..
إنتا عايز ليك باركود تفصيل براااااك يا اخوي..

كدا دة

الأعزاء

أيوب خليل
معتز القريش

شكراً على مروركما الطيِّب، كما أشكركما على تضامنكما وعلى الدعم والمساندة..
لا سيَّما وأن شخصي الضعيف يمُر الآن بهذا المنعطف الخطير

Quote: عندك فُراش ولا مسبل ؟

كدي بشوف ناس (الجالية) وبرجع ليك..
سامع تحت تحت كدة إنّو إحتمال يفرشوا في جدة إنتركونتينينتال

مولانا المستشار عصام دهب

(كل جريمة تلحق بالغير ضرراً مادياً كان أو معنوياً يحكم على فاعلها بالتعويض عن طلب المتضرر)..

(كل إضرار بالغير يلزم فاعله ولو غير مميز بالتعويض)..

أخوك متضرِّر معنوياً وأدبياً وبصراحة كدة ماديّاً برضو (محمووووووول على قول تمبس)..

أها النجيضة:

الدعوى القضائية أم التجاهُل؟؟

الاخ علاء الدين صالح

كامل التضامن

التوضيح واجب

Quote: الاخ علاء الدين صالح كامل التضامن التوضيح واجب

الأخ البشير
لك تحياتي وتقديري

شكراً على مرورك الجميل

حكاية إنّو علاء الدين صلاح محمد والشبح محمد علي حسن هُما شخصية واحدة دي حكاية واضحة زي الشمس..

أنا شخصيّاً كُنتا متابع المسلسل دة زي Prison Break..

مستحيل كنتا أفوِّت فيهو حلقة

صُدفة وأجمل صُدفة انا يوم لاقيتها

يا علاء الدين صلاح يا طيرة إنتا..

طالما إنتا عارِف نفسك بليد في العربي والإنجليزي..

مافي داعي تتفلسف وتتقرضم وتعمل فيها أبو العِريّف..

أكتب ليك كلمة كلمتين واتخارج ياخي..

إنتا ناسي إنّو البورد دة مليان أساتذة بالمعاش؟..

وإنَّهُم لِسّة حايمين بى قلم التصحيح الأحمر؟؟..

ياخي الواو دي ما بيعملوا بينها وبين الكلمة Space..

بتكون مقطورة زي التِريلاّ في ضهر القُندران..

يقطُرك قطر يلحِّقك عم عبد الرحيم قول آمين

أبو العلَّمك العربي والإنجليزي يا قبيح..






هسّا كان في داعي ندُق الصفايح ونطلِّع الفضايح؟

حلوة الصُدفة البيك جمعتنا وخلَّت عينّا تلاقي صباحها

علاء الدين صلاح يا طيرة..

لمَّن تكون نفسيَاتك تمام ومعنويّاتك مرتفعة شديد..

ما تنسى إنَّك بتكتب بى إسمين مختلفين..

وماتنسى إنو البورد دة مليان أساتذة بالمعاش..

شرَّبوهُم في المعهد مادّة علم النفس التربوي شراب..

عشان النوع الزيَّك دة ما يشِف من جارو..

وحتّى لو مرَّت على المُراقب..

في التصحيح بعدين ما بِتمُر يا.. شفَّاف

علاء الدين صلاح هسّا ليهو أكتر من ساعتين كان خاشي باليوزر نيم بتاع محمد علي حسن..

طلَع قبل ثواني عشان يجي خاشي بإسمو وإحتمال يجي خاشي البوست..

علاء الدين ماشّي على البوست..

علاء الدين ماشّي..

ماشّي علاء الدين..

وماشّي..

هو والبوست..

هو والبوست..

يا الله..

يا ربّيييييي..

الزول دة طلع ماسورة كبيرة..

دة ما بينفع يلعب معانا هنا..

طوَّالي نشوف ليهو طريقة إعارة..

يا تراجي مصطفى: الزول دة بينفع معاكم هناك؟؟

ويوم بالصُدفة نتقابل.. ويبادرك من عيونى سؤال

تلاتة خبرات لمَّن يتلَّموا عند الزول، الزول دة بيكون حلو حلا..

تصحيح الإمتحانات المركزية..

تدقيق الحسابات الداخلية..

نُظُم المعلومات الأمنية..

سادو.. سادولين.. سادوماستيك..



أحيييييييييي انا

علاء الدين صلاح يا طيرة..

إنتا لو ما بتقدر على شغل الأشباح دة..

البودّيك تهابش شنو؟؟





إخس عليك وعلى نضالك يا فضيحة

في الحضور أصلو ما بتلقى علاء الدين صلاح محمد الطيرة والشبح المدعو محمد علي حسن مع بعض..

زي الضرَّات..

لأنّهم شخص واحد..

يا طيرة أنا لِسّة حأفضحك بى بلادتك العينة دي..

ومعاك لحدّي الصفحة الخامسة

لالالالالا
علي اليمين إنت جاي خاشي الميدان غلط يا علاء صالح
لاحظ صالح ما صلاح
غلط عديييييييييييييييييل كدة
إنت جاي بي لياقة كابتن و حرفنة كابتن و القطعة البعملوها في اليد حقّت الكابتن ديك
يعني أنا أمشي ويييييييييييين





شُغْلك عجيب يا مان
أها يا علولو بتاع جدّة الملولو
إتجيّهتا جيهة جد
شُغْلك نضيف سعادتُّو علاء صالح

Quote: لالالالالا علي اليمين إنت جاي خاشي الميدان غلط يا علاء صالح لاحظ صالح ما صلاح غلط عديييييييييييييييييل كدة إنت جاي بي لياقة كابتن و حرفنة كابتن و القطعة البعملوها في اليد حقّت الكابتن ديك يعني أنا أمشي ويييييييييييين

معقولة بس يا أبو علوة؟
ما إنتا روحنا وحُبَّنا.. إنتا ميشو بتاعنا ياخ..
تمشي وين كيف؟ إنتا بس تكون قاعد بعد التماس بشوييييية زي مارادونا..
بى جاي ليك أساسي وعلى يمينك فيصل الرشيد..
بس حِسَّك عينك تقول الكلمة ديك لحبيبنا الحكم..
حيلحِّقنا أُمَّات طه كُلَّنا

لم افهم حتى السطور الاخيرة
ما فائدة هذا البوست
يا
اخونا الاستاذ علاء
قدراتك اولى بيها قضايا النوبيين المتشعبة
و ما ينفع الناس
انا والله لا اعرف ده ولا ده
لكن شايف البوست ده عدم موضوع
من راسو (لي) كرعينة
المقصود (ولا) الشدة مفروض تكون على اللام
لكن لا مانع تشابة اسلوب الكتابة بين نفرين

لالا يا أخوي
دة ما تشابه كتابة نفرين
دة نفر مركِّب مكنة نفرين
النّفرين من اغبى أغبياء البورض على الإطلاق

يعني تلم دة علي داك ما تطلِّع مِنِّهم رُبُع متنوضِل

Quote: لم افهم حتى السطور الاخيرة ما فائدة هذا البوست

Quote: لكن شايف البوست ده عدم موضوع من راسو (لي) كرعينة

تصدِّق يا أخ نايف؟

أحلِف ليك بشنو وشنو زاتو..

أنا لمَّن يكون عندي موضوع نهائي ما بفتح بيهو بوست..

إيه رأيك؟؟..

سئيلي الله أنا ممّا خشّيت البورد دة عملتا 3 بوستات بالعدد..

وياها دي التلاتة مرَّات الوحيدة الما كان عندي فيها موضوع..

ديش أبو الزهج زاتو..

هو في البورد دة الواحد بيتسلّى كيف؟؟..

دي بوستاتي كدة (إنصرافية للطيش) ومُكيّفاني ياخ..

إنتا واجعك وين؟؟..

عجبك عجبك ما عجبك أقرا وإتخارج وإنتا ساكِت..

وشوف ليك بوست غيرو تستفيد منو..

مافي واحد ماسكك من إيدك..

وقَع ليك أبوي؟؟







بلاش فلسفة معاك

Quote: المقصود (ولا) الشدة مفروض تكون على اللام لكن لا مانع تشابة اسلوب الكتابة بين نفرين

ثمِح أبوي وسعيكم مشكور

الزول دا كرهتو اي حاجة اسمها علاء يلقاها منك علاء صالح ولا من علاء يوسف ولا من رقيبتو علاء صلاح غايتو حيفضل متفرج لمدة سنة في المنبر

Quote: الزول دا كرهتو اي حاجة اسمها علاء يلقاها منك علاء صالح ولا من علاء يوسف ولا من رقيبتو علاء صلاح غايتو حيفضل متفرج لمدة سنة في المنبر

العزيز عصام

... وحأكرِّهو يتفرَّج زاتو..

حأخلِّي يتاوِق من وراء حجاب

صُدفة غريبة لِقيتو الليلة بعد غيابو ليالي طويلة

السلام عليكم

الاخ / علاء الدين ...

الشوق بحووووووووووور

كيفك وكيف اولادك .. لك تحية الود والذكريات الجميلة .. حي الاندلس .. جده ياخي ذكريات صادقة وجميلة .. وبالجد بنقول حليله .. بالله شوف الزمن ده بالجد ذي الكركاسة في اللستك .. ههههههه

تحياتي للجميع ... ونلتقي

Quote: المقصود (ولا) الشدة مفروض تكون على اللام لكن لا مانع تشابة اسلوب الكتابة بين نفرين

الأخ نايف

لو كان كلام الاخ علاء الدين صالح و ( غيروا كتيرين ) برددوا الكلام دا غير صحيح فالمفروض يجي ينفي أو يؤكد المعلومة صاحب الشأن علاء الدين صلاح , علما بانو أكتر من عضو من بورداب جده طلب مقابلة محمد علي حسن وكان برفض باستمرار .
وبرضو مفروض يجي محمد علي حسن ولو من باب تكذيب المشككين ديل , يجي يوري الناس هو منو وقاعد وين ؟

لانو بعد الاثبات دا مفروض يترفع الموضوع كلو للباشمهندس بكري , اذا كان من حق أي عضو ان يسجل باسمين مختلفين .

ياخ في ناس باسويرد واحد ما لاقينو

أرحمونا يرحمكم الله

Quote: الأخ نايف لو كان كلام الاخ علاء الدين صالح و ( غيروا كتيرين ) برددوا الكلام دا غير صحيح فالمفروض يجي ينفي أو يؤكد المعلومة صاحب الشأن علاء الدين صلاح

الأخ البشير دفع الله
مستحيل طبعاً الطيرة دة يجي يؤكِّد المعلومة دي لأنّو البيعمل حركة زي دي أكيد بيفتقر للأمانة والمصداقية مع نفسو وبالتالي مع الآخرين..
كذلك ما بعتقد إنّو بيمتلِك الشجاعة البتخلّيهو يجي ينفي الكلام دة..
تحيَّاتي وعميق احترامي

Quote: السلام عليكم الاخ / علاء الدين ... الشوق بحووووووووووور كيفك وكيف اولادك .. لك تحية الود والذكريات الجميلة .. حي الاندلس .. جده ياخي ذكريات صادقة وجميلة .. وبالجد بنقول حليله .. بالله شوف الزمن ده بالجد ذي الكركاسة في اللستك .. ههههههه تحياتي للجميع ... ونلتقي

الأخ الحبيب/ معتصم
ما معقول
رغم بُعدي برسل سلامي يحوي شوقي وكل احترامي..
ياخي دي مفاجأة سعيدة بشكل، تخيَّل أنا نهائي لم ألاحظ وجودك في سودانيز اون لاين رغم إنَّك دايماً في البال يا غالي..
بالله رسِّل ليْ تلفونك في الخاص لحدّي ما نتلاقى بكرة..
أنا حقيقةً سعيد غاية السعادة بطلَتك البهية دي والله يا الجمري وعندنا قعدات وونسات لها إيقاع..

تحيَّاتي لك وللأسرة يا صديقي

والله الزول دا آمــن عديل ..

غايتو يا استاذ علاء الدين صالح (حسب الباركود) بتاعك .. العملتو في الزول دا بالقلم الأحمر .. في المتوسطة ما عملتو فينا ..
بس بعدين اوعك تقوم تدقو ..

يا علاء الدين الما بي باركود أو علاء الدين المتنازع فيهو أو مين كدا حسن ما عارف .. أو ابو باب اغبش او اي كان اسمه:
استاذ علاء الدين دا (دقاق) والله .. انا القدامك دا ضايق دقانو .. فما عندك حل خلاف انك تحنسو .. عشان يفكك .. حنس الراجل دا .. عشان ترجع تكتب والله المزازا بي بره دي صعبة خلاص ..

..
عامل فيها بعاتي مش كدا ..؟ اها ديل البعتنه طيروها ليك في حيطتك العاملة زي الفول المدمس دي .. [/IMG]

Quote: غايتو يا استاذ علاء الدين صالح (حسب الباركود) بتاعك .. العملتو في الزول دا بالقلم الأحمر .. في المتوسطة ما عملتو فينا .. بس بعدين اوعك تقوم تدقو ..

تلميذي النجيب تمبس (سابقاً) والصديق الحبيب علاء (حاليّاً وForever)..
تعرف يا أبوعلوة، النوعيّة بتاعت صاحبنا دة هي نوع الطالب الغبي المُهمل..
وفي نفس الوقت الشقي شقاوة الحرامي التلَّب من الحيطة وطوّالي على بير الأدبخانة المُنهارة..
النوع الكل يوم لو ما إتجلد لا بيرتاح لا بيقدر ينوم بالليل..
(في مدرستكم ولَّ في الأميرية ما عارف كان في واحد من النوعية دي بس ناسي إسمو)..
النوع دة لمَّن ترفع الصوت فوق لازم تقول بيت الشِعر دة (بدل تكبيرة الضبِح):
- الضرب ينفعهم والعلم يرفعهم *** لولا مخافتهم لم يقرءوا الكتب

مع إنّي كنت ولا زلت ضد عقوبة الجلد..
لكن في ناس كدة معاهم لا بُدَّ ممّا ليس منه بُد No way..
ذكَّرتني أستاذ الفاتح الغالي لمَّن خشَّا الفصل بتاع اتحاد المعلِّمين والجماعة إتَّفقوا ما يقيفو ليهو..
قام قال ليهم كلمة واحدة بس قرَّبت تعمل مظاهرة..
شوف لمَّن جانا في المكتب نفَسو قايم انا حسمتا الموضوع كيف في دقيقتين..
قال علم نفس تربوي قال..
إتحاد المعلّمين بتاعينّنا ديلاك ما بينفع معاهم إلّا الوصايا العشر بتاعت حمّيص (بتعرف حمّيص؟؟)..
عصام طلحة لحدّي يوم الليلة مُصِر إنّي بضرب سيجارة..
ما بقدر أقولا ليك هنا طبعاً، التلفون سُترة يا عمَّكـ
تحيّاتي

Quote: اخونا الاستاذ علاء قدراتك اولى بيها قضايا النوبيين المتشعبة و ما ينفع الناس

الأخ نايف

وهل قضايا النوبيين المتشعِّبة دي بتتحلّا بإنَّك تفتح ليك بوست تهاجم فيهو والي الشمالية؟
هل هكذا قصدت بعبارة ما ينفع الناس؟
بعدين إنتا عُمرك كم يا نايف عشان تجي ناطّي في البوست بطريقتك المثستفِزّة دي..
وجاي مرّة تتفلسف ومرّة تدافع عن علاء صلاح ومرَّة تنصح وتحدِّد ليْ قُدراتي أوجهها وين؟
ما شايف إنَّك زوَّدتها شوية كدة؟
رغم إنّي عندي حساسية مع الأسماء الرنّانة دي من أيام التدريس قبل أكتر من 25 سنة..
(ناس نايف وتُركي ومقرن ومتعب والعنود)..
لكن إنتا هنا ضيفي ومرحب بسمّوَّك في أي وقت يا حبيب

والله يا استاذ لم اقصد الاستفزاز
و كل معلمى الجيل الجميل على العين والراس
لكن و برضو بكرر يا استاذى المحترم انك شغلت نفسك زيادة عن اللزوم حبتين
لمجرد انو علاء صلاح معارض للحكومة
لو كان من انصار الانقاذ
ما كنت جبت خبر
ان شاء يكون عندو عشرة اسماء
وبعدين يا استاذ
البوست ملك للجميع
انت كاتبو عشان انا اقراهو واعلق
والا كان توجهو فى الخاص لعلاء الدين
الاخطاء التى اشرت اليها بالاحمر
نسبة لعدم علمى بالكيبورد
ههههه
انا مذيع فى اذاعة دنقلا 14 سنة و شغلتى اللغة العربية
فى الاساسيات المطلوبة للتحدث
ما معلم و خبير زيك
ههه
و اتدربنا على يد الاستاذ المرحوم عباس ساتى
الله يرحمة
لمن نمشى اذاعة امدرمان يعرفو انو الدربنا عباس
يقولوا ديل ما محتاجين تدريب زيادة
كفاهم عباس ساتى
لك مودتى
النت ضعيف عندى
لذلك لا الجأ كثيرا للاقتباس
بيضيع الزمن كتير

Quote: لكن و برضو بكرر يا استاذى المحترم انك شغلت نفسك زيادة عن اللزوم حبتين لمجرد انو علاء صلاح معارض للحكومة لو كان من انصار الانقاذ ما كنت جبت خبر ان شاء يكون عندو عشرة اسماء

شوف يا نايف..
المثل بيقول شكَّار نفسو إبليس..
إنتا معاي؟..
وأنا بس لأنّي شايفك مُصِر مع سبق الإصرار على إستفزازي..
عشان كدة حأقتبس ليك مُداخلتي في بوست معاوية الصايم..
وأظنَّك سامع بإسم المدعو محمد فرح وعارفو كان شايت وين..
محمد فرح برضو مُعارض لنظام الإنقاذ؟؟
أنا الحال المايل وتقمُّص شخصيات وأسماء وهمية ما بيعجبني..
وأنا الحمد لله قولة الحق دي بقولا جوّا عين أكبر راس وما بتهمَّني مكانة ولّا وظيفة ولّا رُتبة..
دة أنا علاء الدين صالح من قبل 30 سنة ولحدّي ما أخُش القبُر..
أنا مافي تنظيم ولّا بني آدم بيقدر يفرض عليْ شي أنا ما مُقتنع بيهو..
إنتا ما بتعرف علاء الدين صالح..
أقرا مُداخلتي الجاية دي إحتمال تفهم أنا منو وشخصيتي شنو..
سمح أبوي؟

Quote: زمان لمن كان زول يسيء لواحدة من بنات الحِلّة أو يشتِمها.. كُنا بنمشي ليهو مكان ماهو ساكن وبنناديهو ونمسِكوا نلطِّشو وبعد داك بنجي سايقنّو عشان يعتذر للبِت.. تعرفوا ما كُنّا بنلاوِز ليه؟ لأننا ومن خلال تجارُبنا وخبرتنا التراكُمية دي كُنا متأكدين من حاجة واحدة.. إنّو الزول البيسيء لى بِت أو يشتِمها أو يقِل أدبو عليها – مهما وهبه الله من بسطة في الجسم - دة زول خايب/ رجالتو ناقصة/ ما راجِل.. ودي حقيقة عايشناها ولا زِلنا.. وما كُنا بنعتمد رجالتو من جديد إلاّ بعد ما يعتذر للبِت قدّامنا.. فالمدعو محمد فرح يا يجي يثبت لينا رجالتو ويفتح بوست إعتذار للأخت رشا هِنا.. أو أنا واحد من الناس لو لاقيتو وجهاً لوجه في أي مكان في الدُنيا وعِرِفتا إنّو دة المدعو محمد فرح.. حأمسِكو ألطِّشو لحدّي ما يفهم حاجة.. والحمد لله عافيتنا الزمان لسة موجودة، ومع إنّو الزمن إتغيَّر كتير لكن ما غيَّر فينا كتير.. المدعو محمد فرح يجي يفتح بوست الإعتذار.. ويتحمَّل بالتالي كل البصق المتوقَّع من كل مَن طالته شظية غضب جرّاء كلماته القبيحة.. أو فلينتظر ويمشي جنب الحيط وليتأمّل متفحِّصاً الرايح والجاي في الشارع.. لأنّو حيتلطَّش حيتلطَّش لا محالة.. أنا والله ما حصل ليْ الشرف إنّي أتعرَّف على الأخت رشا أو أحد أفراد أُسرتها.. ولا هي بتعرفني ولا الأخت تماضر ولا أخوانها تبارك والمقداد وهشام والصادق.. من زمن وأنا بسمع عنّهم وعن أسرة الأستاذ الفاضِل شيخ الدين جبريل.. رغم إننا حالياً من نفس الحِلّة في الثورة الحارة السابعة.. والميزة دي براها بتديني الحق الحصري في إنّي ألطِّش هذا المدعو محمد فرح في حالة إصراره على عدم فتح بوست للإعتذار.. أنا ما حأتكلَّم عن توقفيفه أو إبعادو من المنبر.. لأنّو دة شأن إداري لا ناقة لي فيه ولا جمل وللأخ المهندس بكري فقط تقرير ما يراه مناسباً.. ربما كانت هذه الإساءة وهذا التجريح المتعمَّد في حق الأخت رشا سبباً جعلني أبحث عن أُغنياتها وأستمع لها للمرة الأولى.. وبقدر ما تألمت لذلك الكلام المُسيء في حقها وحق إخوتها زملاء المنبر ومعارفها وأصدقاءها والمستمعين لفنها.. بقدر ما أسعدني إستماعي لها ولفنّها لأول مرة.. ولم أستغرب، لأنها من أُسرة فنيّة محظوظة أُتيحت لأفرادها مساحة كافية من الجو الإبداعي لممارسة هواياتهم الفنية.. برعاية والدهم الأستاذ شيخ الدين في وقت لم تكن فيه مثل هذه المساحات مُتاحة للكثير جداً من أبناء وبنات ذلك الجيل.. لكِ منّي العُتبى والإعتذار أختي (بِت الحِلّة) رشا بِت شيخ الدين ود جبريل.. لكم مني التقدير والتحايا والإعتزاز أبناء وبنات الأستاذ الجليل شيخ الدين جبريل.. لا تلتفتي رشا لمثل هذا النقص.. لأنه من البديهي جداً أن يتعرض المبدعون في شتى ضروب إبداعهم للطعنات وربما للسب والشتم كنوع من التنفيس عمّا يجيش في نفوس هؤلاء المرضى من حسد تجاهِك أو ربَّما تجاه ما تحمليه من أفكار.. تذكَّري أن الناجح يرتقي درجات سلّم النجاح بكل سهولة ويترك تحته ساقط الحِس والذوق قابعاً يبحث عن ساقِط القول بين أكوام القمامة.. وتذكَري دائماً أنَّ مذمّة الناقص للمبدع هي الشهادة التي قال فيها الشاعر : وإذا أتتكَ مذمّتي من ناقصٍ ...... فهي الشهادةُ ليْ بأنـّي كاملُ فمحاربة كل ناجح هي مهمة كل ناقص وأن الشجرة المثمرة هي التي تُـقذف بالحصى.. وأخيراً.. إذا وقع الذباب على طعام ...... رفعت يدي ونفسي تشتهيه ولا تردُ الأسود حياض ماءٍ ...... إذا كن الكلاب ولغن فيه. عميق إحترامي تحيّاتي معاوية وشكراً ليك

Re: بوست واضح؟؟؟؟ كل زول جملة للشبح محمد فرح !!! اعتذار...رشا بت شيخ الدين!!!!

طيب
استاذ علاء
انا معك ان الاساءة مرفوضة
و مثلك ادين ان كان المذكور قد أساء لأختنا رشا
رغم اننى لم اقرأ البوست المذكور
بكل تأكيد عرفت شخيصتك
لكن
لا اراك دائما بمثل ما تقول
اشرت على ما اعتقد باستهوان لبوستى عن الولاية الشمالية
ما رأيك
ما من حقى اكتب عن الفساد فى الولاية
ام نركز كل جهودنا فى ادانة محمد فرح ونترك الفساد جانبا
لانو موضوع بسيط و ما بيستاهل
ام حلال عليك ان تتحدث كما تريد
و علينا الصمت
الفتوة عملناها ايام الشاب 15 \16 \17\ سنة (اوعك من اللغة فى الشباب)
لكن الان طبعا لا
القانون يأخذ مجراه
ان كان هنالك من اخطأ
واذا كنت شاهدا ساشهد بالعدل

ان شاء تلاقى محمد فرح عاتى يلطشك انت ....ما بعرف اضيف ابتسامة المهم هنا (ابتسامة )
اتعبتى يا استاذ بالبحث فى الكيبورد عن الهمزة التحت والفوق والشدة والتاء والهاء
اووووق
جنس تعب
مداخلة فى ساعة
انشاء الله الاخطاء قلت
ورينى رأيك ضرورى

عليك الله ما تنسى تورينى يا أستاذ الابتسمامة والحاجات البتنطط ديك بيعملوها كيف
ضرورى

اخوي علاء صالح

في بوست خاص لي نايف عن الشمالية

شكل محمد علي مين دا بوشوا وعلاء صلاح بصلعتوا الوصل حد فنيستو حضور دائم

عشان كدا صاحبك عايز يدافع عنو بس خايف الرش

وبعدين يانايف انت هسع نصبت نفسك مدافع للقضايا النوبية بعد بوستيك المهبب داك

منقو قل لا عاش من يفصلنا

Quote: منقو قل لا عاش من يفصلنا

الأستاذ/ السمّاني

شكراً لمرورك الكريم.. رغم إرتدائي للبس 5 في هذا البوست.

للأسف لم يدَع لنا الأخوة في الحركة الشعبية الفرصة والوقت الكافي لنتغنّى بأغنيات وأهازيج السلام..

ولكننا سنناضل شعراً ونثراً وألحاناً وحُبّاً ووعداً وتمنّي..

وسنظل نتمسَّك بحلمنا الرسالي الأبدي الداعي للسلام والوحدة..

رغم أن لُغة الإنفصال الركيكة أصبحت للأسف الشديد هي اللُغة التي تحتل المرتبة الأولى في قائمة القضايا الأهم في أجندة الحركة..

سِرّاً وعلانية.. ظاهراً وباطناً.. يقظة ومناما


تحيّاتي لك يا غالي

الأستاذ/ السمّاني

شكراً لمرورك الكريم.. رغم إرتدائي للبس 5 في هذا البوست.

للأسف لم يدَع لنا الأخوة في الحركة الشعبية الفرصة والوقت الكافي لنتغنّى بأغنيات وأهازيج السلام..

ولكننا سنناضل شعراً ونثراً وألحاناً وحُبّاً ووعداً وتمنّي..

وسنظل نتمسَّك بحلمنا الرسالي الأبدي الداعي للسلام والوحدة..

رغم أن لُغة الإنفصال الركيكة أصبحت للأسف الشديد هي اللُغة التي تحتل المرتبة الأولى في قائمة القضايا الأهم في أجندة الحركة..


اعلاة من مداخلة سابقة للاستاذ علاء



استاذى ده كلامى القبيييييييييييييييييييييييييييييييييييييل
انت طوالى اتجاه واحد
يعنى الخلاك ما تغنى للسلام
الحركة الشعبية
بس
لله يا محسنين
حتى ولو كان الاسمين شخص واحد
المسألة
ما محتاجة الزيطة دى كلها
كتير فى المنتديات بتحصل الحكاية دى
بعدين انا فى رأيى الحكاية ما عندها علاقة بعدم المصداقية
انت علم النفس مأثر فيك
حقيقة
معليش يا استاذ
ما تزعل
الزول البقرا علم النفس فى بعض الاحيان بيتأثر بيهو سلبا
الكلام ده فى علم النفس في ولا ولالال ولىى (ولى)
يا استاذ دى بكتبوها كيف ؟
دى شبكة وخشينا فيها
الله يمرقنا منها
لو كتبتها (ولي) تقول علاء الدين تلاتة شخصيات
يا استاذ علاء لك كل الاحترام والتقدير
شايف (لي ) غبار من بعيد
في زول جاي بالدقداق
(الاراضى ) دى ما واسعة
ما لقا الا الدقداق يجى بيهو ؟
خايف اي؟(اوع)
صمت دهرا ونطق كفرا (الكفر الفى اللغة ) ما الشرعى
انت يا عصام حقيقى والله
انا شايف انو شغلتك الفتن
هناك فتنة
وهنا ساعى لفتنة بينى والاستاذ علاء
الله في
ان شاء الله ما حتحقق مرادك
قال الرش قال
تعال رش انت
لو بتقدر على الرش
تحياتى استاذى
آسف
للرد
على مداخلة
بالقلم الاحمر
خشا فى اختصاصاتك
الاحمر ده قلم التصحيح
فى البوست ده
ابعد منو يا زول

الاخ عصام
ههههههههههههههههههههههههههههههههههههههههههههههههه
بالجد
انا اتحاشى اماكن الشتم والاساءة
عشان خايف اورط نفسى
فى الرد
كل كلامى بيكون للموضوع
لا اشير للشخص
الا فى اطار
رد
وبطريقة محددة

Quote: اخوي علاء صالح في بوست خاص لي نايف عن الشمالية شكل محمد علي مين دا بوشوا وعلاء صلاح بصلعتوا الوصل حد فنيستو حضور دائم عشان كدا صاحبك عايز يدافع عنو بس خايف الرش

الأخ عصام

الأخ نايف وكل من تسوِّل له نفسه الدفاع عن الطيرة علاء صلاح/ الشبح محمد علي حسن لهُم الأمان والتحيّة..

من دخل بوستي غير متحرِّف لقتال ولا متحيِّز لفئة، فهو آمِن

الطفل المعجزة الذي ثبتت معجزته في هذا البوست ..سلامات ياحبيبنا ...

حقيقة انا لم ادخل كل بوستات الاخ محمد على حسن ولا اتابع كل مداخلاته ، وإن كانت فيها اى سباب اواساءات شخصية او تهم غير حقيقية في مداخلاته فهي بالتأكيد مرفوضة وغير مقبولة سواء كان اسماً حقيقياً او مستعاراً ..لذا اخي علاء جيب لينا مداخلاته التى تناقض الحقائق فكلنا في جدة ويمكن التحقق منها بسهولة فهلا مديتنا بهذه المداخلات ...

ياعلاء انا مرة في الخرطوم مشيت الشرطة اشتكي لي واحد.. فقام الضابط المناوب قال لي : عايز تشتكي منو ؟ قلت ليهو فلان ، قال لي : شغال شنو : قلت ليهو شغال ضابط .. قام سكت وعاين لي وقال : هويتك ، اديتو الجواز ..قام عاين ليهو وقال لي : جنسك شنو ؟ قلت ليهو سوداني ..قال انا عارف انك سوداني بس قبيلتك شنو ؟ قلت ليهو دخل قبيلتي شنو في الموضوع ؟..الزول ساب القضية الاساسية والمجرم ومسك في قبيلتي واصلي ....

لذلك سيبكم من حقيقة محمد على حسن وناقشوا كتاباته ...


ودي واحترامي ..

الغريبة الباركود تبع محمد علي حسن قفا علاء صلاح واحد وخصصنا ليهم الرقم 215361?348 وانت ياخوي علاء صالح عشان ماتلخبطنا خصصنا ليك باركود رقم 2127?70389

الحبيب نايف الله لا جاب فتن ياخي قول بسم الله

علاء حبيب وانت حبيب

الاخ عصام
كدة كويسين
مافى مشكلة
نختلف ونحن اخوان


انا كنت بديت اجهز اسلحة الدفاع عن النفس
وان دعا الحال اسلحة هجومية هههههههههههههههههه

استاذ علاء
ما مكن تضحكنى بالشكل ده
علمنا كيف الابتسامة

Quote: الطفل المعجزة الذي ثبتت معجزته في هذا البوست ..سلامات ياحبيبنا ... حقيقة انا لم ادخل كل بوستات الاخ محمد على حسن ولا اتابع كل مداخلاته ، وإن كانت فيها اى سباب اواساءات شخصية او تهم غير حقيقية في مداخلاته فهي بالتأكيد مرفوضة وغير مقبولة سواء كان اسماً حقيقياً او مستعاراً ..لذا اخي علاء جيب لينا مداخلاته التى تناقض الحقائق فكلنا في جدة ويمكن التحقق منها بسهولة فهلا مديتنا بهذه المداخلات ...

العزيز فايز ود القاضي
دبايوا، اوَجات كِها، آفي مَوَّا

لم أسعى من خلال هذا البوست إلى إثبات حقيقة أن إسم محمد علي حسن هو يوزر نيم وهمي يستخدمه الطيرة علاء الدين صلاح، فهذه الحقيقة قد سبق وأثبتها غيري ولا تحتاج إلى تأكيد. حاولت فقط هنا أن أعلِّق على بعض الهفوات التي وقع فيها المذكور من خلال بعض المداخلات التي أثارت إنتباهي وأكّدت لي شكوكي (خاصة بعد بوست مولانا عصام دهب) وهي كثيرة ومُحدَّدة وموجودة، ولكنّي أتيت هنا فقط ببعض الأمثلة.
من خلال النماذج المتواضعة التي أوردتها هنا، أردت أن أُشير إلى مدى غباء الطيرة وعلى الهفوات الموغلة في البلادة التي وقع فيها والتي تبرهن على أنه لم يتقن محاولات الفصل بين الشخصيتين، وهو أمر يصعب على أي شخص في مستوى ذكاءه المُتدنِّي القيام به.
مع احترامي لطلبك الغالي يا عزيزي فايز، إلّا أن إتجاهي في البوست كان محدَّداً وأعدك بأنني سأبدأ في اتخاذ المنحى الذي أشرت إليه حالما وجدت الوقت الكافي لذلك.

عميق احترامي






___
ياخي الجو إتصلَّح.. وين الشيشة؟

Quote: من خلال النماذج المتواضعة التي أوردتها هنا، أردت أن أُشير إلى مدى غباء الطيرة وعلى الهفوات الموغلة في البلادة التي وقع فيها والتي تبرهن على أنه لم يتقن محاولات الفصل بين الشخصيتين، وهو أمر يصعب على أي شخص في مستوى ذكاءه المُتدنِّي القيام به.

الطّيرة ذاتا جات قالت ما تظلموني

بلاش فلسفة معاك
الجملة اعلاه اهانة لعلم من العلوم من معلم
كدى فكروا معاى مين المعلم دا ؟
انا شامى ريحة مسائل شخصية جنب السياسية
والله عاقل يا علاء ......
منو فى العلاءات اقصد العلاوون اقصد العلاءيين او....جمع علاء شنو يا جماعة ؟هههه

الاستاذ الشاعر المرهف الجميل علاء الدين صالح
ياخي ما تتحسس انت معروف ومفروز واكيد ما بنتلخبط في الكيمان
لكن انت زاتك شليق ما كان تكتب اسمك مضاف الية لقبك في جدة
هههههههه
.
.
غايتو علاء الدين يوسف طلع مفتح وكشف المستخبي

http://على الشرفاء خاصة أبناء دارفورمسألة الجالية السودانية بج...دة لضحايا حرب دارفور


أخي علاء الدين يوسف
بالله أعفص اللينك أعلاه ولاحظ تشابه اللغة فية
مرة بإسم علاء الدين صلاح محمد أدم ومرة بإسم محمد علي حسن ومرة بإسم منال محمد الحسن


وبعدين يا علاء الدين صلاح محمد أدم البوست دا http://على الشرفاء خاصة أبناء دارفورمسألة الجالية السودانية بج...دة لضحايا حرب دارفور فاتحو محمد علي حسن إنت مُتشالق وخاتيهو في مكتبتك ليه ؟؟







حقك تخلي يا علاء الدين صلاح محمد أدم حق الناس تشيل ؟؟

Quote: حقك تخلي يا علاء الدين صلاح محمد أدم حق الناس تشيل ؟؟

بالله ما عالم عجيبة يا أُستاذ أيُّوب

Quote: الاستاذ الشاعر المرهف الجميل علاء الدين صالح ياخي ما تتحسس انت معروف ومفروز واكيد ما بنتلخبط في الكيمان لكن انت زاتك شليق ما كان تكتب اسمك مضاف الية لقبك في جدة هههههههه

وِلّي* يا فردة

ياخي مشتاقين، وينك ما باين؟؟

مفروز كيف يعني؟ نحنا في بورد ولّا في مزرعة دواجن
كااااااااأأأااكـ

علاء الدين صالح: كتكوت عُمر يوم واحد
علاء الدين يوسف: كتكوت عاضّيهو نحلة
علاء الدين تمبس: كتكوت محمووووول
علاء الدين نصَّار: كتكوت خريج معهد جوتة
علاء الدين صلاح محمد: طيرة











_____
وِلّي دة غير (ولي) بتاعت صحبك الطيرة يا سُمّو الأمير

Quote: الطّيرة ذاتا جات قالت ما تظلموني

تعرِف يا علاء يوسف..

ياخي الطيرة ليها حق تزعل..

معليش يا الطيرة حقِّك عليْ ولا تزعلي..

علاء الدين صلاح دة حِديَّة..

خلاص؟؟

Quote: لم أسعى من خلال هذا البوست إلى إثبات حقيقة أن إسم محمد علي حسن هو يوزر نيم وهمي يستخدمه الطيرة علاء الدين صلاح، فهذه الحقيقة قد سبق وأثبتها غيري ولا تحتاج إلى تأكيد. حاولت فقط هنا أن أعلِّق على بعض الهفوات التي وقع فيها المذكور من خلال بعض المداخلات التي أثارت إنتباهي وأكّدت لي شكوكي (خاصة بعد بوست مولانا عصام دهب) وهي كثيرة ومُحدَّدة وموجودة، ولكنّي أتيت هنا فقط ببعض الأمثلة.

الأخ/ علاء الدين صالح (صاحب البوست)
الأخ / علاء الدين صلاح محمد ( محمد علي حسن ).
السلام عليكم ورحمة الله وبركاته،
شكرا الأخ علاء الدين (صاحب البوست)،
بعد هذا التوضيح نرجو من الأخ/ محمد علي حسن وضع صورته الشخصيةأو تغيير عنوانه والرحيل عنا فإن بورداب جدة لا تأوي الأشباح والنكرات،
الأخ/ علاء الدين صلاح محمد إنك لست بحاجة للكتابة بأسماء وهمية وتحت الظلام.
(محمد علي حسن) دائما مسجل غياب خلال الاجتماعات والمناسبات المختلفة لبورداب جدة مما يؤكد بأنه شخصية وهمية وقد يكون إسمه يتم استخدامه بواسطة أكثر من شخص كما تردد كثيرا.
ولكم احترامي
صلاح حمد

ورد الينا الخبر العاجل التالى
محمد على حسن انتقل من جدة الى امبدة
اها
يا بورداب جدة تانى الا تحرشو ناس امبدة

صلاح حمد ..سلام

Quote: بعد هذا التوضيح نرجو من الأخ/ محمد علي حسن وضع صورته الشخصيةأو تغيير عنوانه والرحيل عنا فإن بورداب جدة لا تأوي الأشباح والنكرات، الأخ/ علاء الدين صلاح محمد إنك لست بحاجة للكتابة بأسماء وهمية وتحت الظلام. (محمد علي حسن) دائما مسجل غياب خلال الاجتماعات والمناسبات المختلفة لبورداب جدة مما يؤكد بأنه شخصية وهمية وقد يكون إسمه يتم استخدامه بواسطة أكثر من شخص كما تردد كثيرا.

كلام غريب والله !!!

هل الشخص العايز يبقى عضو في المنبر ده ملزم بأن يعرف نفسه لكل اعضاء المنبر ....اذا كانت هناك مساءلة قانوينة تستحق فاعتقد بكري ابوبكر هو المسئول عن ذلك وسيملك الجهات القانونية اى معلومة تحتاجها وهو الذي له الحق في معرفة حقيقة اى شخص يكتب في هذا المنبر. واما الاخرين فمع احترامي وتقديري فغير ملزم اى عضو في تعريف نفسه لاى عضو آخر ...المنبر ده منبر كتابة والناس لو عندها اعتراض على الكتابة او الاسلوب فده من حقها والرد متاح ليها ..ثم ان بورداب جدة غير اوصياء على اعضاء المنبر في جدة وحضور الاجتماعات والمناسبات ليس بمعيار لوجود الاشخاص وغيابهم لايعني انهم اشباح ...

ولو الناس شايفة من حقها تعرف حقيقة اى عضو فياريت تورونا حقيقتكم وتنزلوا لينا صور بطاقاتكم الشخصية وشهادت موثقة من كل بورداب المدينة التى تنتمون اليها تؤكد انكم حقيقيون وليسوا بأشباح...(يوجد جهاز كشف تزوير الشهادة للمعلومية!!! )...

الاخ صلاح انا بتشرف بمعرفتك ويبدوا اننا لم نتلقى فهل يعني ذلك انك او انا اشباح ؟!!!


ودي واحترامي ..

Quote: الاخ صلاح انا بتشرف بمعرفتك ويبدوا اننا لم نتلقى فهل يعني ذلك انك او انا اشباح ؟!!!

الأخ فايز ودالقاضي - سلامات
أنا كذلك أتشرف بمعرفتك وقد عرفتك من خلال متابعتي لكتاباتك بهذا المنبر وإني احترم رأيك،
وأحسب أنك لست بشبح رغم عدم تلاقينا حيث أنه لم تثار حولك شبه شبح كما أثيرت تجاه الاسم (محمد على حسن).

Quote: كلام غريب والله !!!

كلامي ليس بغريب حيث أنني لم أطالب جميع أعضاء سودانيزأون لاين بوضع صورهم أو إثبات شخصياتهم،أما من شكك الناس في وجودهم ووصفوهم بالأشباح فعليهم الدفاع عن أنفسهم وإثبات وجودهم.

خاتمة:
في إنتظار حضور (محمد على حسن) .

مع احترامي
صلاح حمد

Quote: ورد الينا الخبر العاجل التالى محمد على حسن انتقل من جدة الى امبدة اها يا بورداب جدة تانى الا تحرشو ناس امبدة

الأخ / نايف محمد حامد
سلامات
اذا صدق الخبر ، رافقته السلامه ونتمنى له إقامة طيبة بأمبده،
ويصبح أمره بيد المهندس/ بكري أبوبكر حيث له القرار إما أن يقوم بإيقافه مؤقتا أو إلزامه بوضع صورته.
ولكم شكري
صلاح حمد

سبحان الله العظيم
ياالزملاء علاء الدين صلاح الدين محمد أدم
تشابه غريب عجيب مثير !!
صحيح يخلق من الشبه 40؟؟
......

حِكمتو بالغة

انصر دينك فايز
انت ود القاضى صحيح
القاضى بيحكم بالعدل
وانت حكمت بالعدل
قلت الحقيقة
ده كلامى من قبييييييل
بس الناس ما دايرة تفهم
القصد سياسى و شخصى على ما اعتقد

Quote: شكرا الأخ علاء الدين (صاحب البوست)،

الأخ صلاح حمد
شكراً ليك إنتا على مرورك الطيِّب وعلى اهتمامك وعلى نصائحك للشبح محمد علي حسن رغم أنَّكَ لا تُسمِع الأشباح والْموتى.

تحياتي

Quote: مرة بإسم علاء الدين صلاح محمد أدم ومرة بإسم محمد علي حسن ومرة بإسم منال محمد الحسن

الأخ أيوب خليل
شرَّفني مرورك الجميل يا حبيب

أضِف للقائمة الفوق دي: مرّة بإسم محمد طه محمد احمد الدالي، ومرَّة بإسم احمد الدالي..

ياخي الطيرة دة ما فضَّل ليهو إلّا يكتب بإسمك الأخضر يا أُكتوبر..

أنا المُزعِّلني ومطلِّع ديشي إنّو بيكتب بإسم بِت (منال محمد الحسن)..

يخس على رجالتك يا طيرة..

طيرة؟؟ ياخي دة الطيرة أرجَل منّو..

دة صَبَرة عديييييل كِدة



أيوب
بمناسبة منال صلاح، الجاي دة رايك فيهو شنو؟

الطيرة دة نسى إنّو مستحيل منال تكون عايشة في الكويت، وفي نفس الوقت تكون ناقشة كل صغيرة وكبيرة عمّا يدور داخل أروقة الجالية في جدة (المملكة العربية السعودية).
بعدين شُفتو الطيرة دقَس كيف؟؟؟
ياخ إنتا مادام دقستا دقسة زي دي، عدِّل ياخي.. هو التعديل دة عملوهو للدستور بس؟؟
الله يخيِّبك

خلّينا شويّة من منال صلاح..

Sorry..

علاء منال..

شيت ياخ..

علاء صلاح..

ونرجع للثنائي المرِح الطيرة والشبح..

فإلى هُناك

يا ربي الخيوبة دة لمّن تقمّص شخْصِيّة "فتاة"
كان حاسس بي شِنو؟
و تقمّص الشّخْصِيّة لياتو درجة؟

تفووووووووووووو عليك و على نوعك دة ياخ
دي مِلّة وين دي

Quote: ياربي الخيوبة دة لمّن تقمّص شخْصِيّة "فتاة" كان حاسس بي شِنو؟ و تقمّص الشّخْصِيّة لياتو درجة؟

علاء يا عمكـ جيب أضانك:

كان حاسس بمقعد الحلّاق صاحب طارق جبريل داك..



أمّا لياتو درجة دي، فما بقدر أحدِّدا ليك بالضبط.. لأنّها حسب المزاج وحسب (مقياس رختر)

كااااااااااااااااااااك






علاء ياخ تاني باللاي ما تسأل أسئلة تعسُّفيّة كدة

Quote: علاء ياخ تاني باللاي ما تسأل أسئلة تعسُّفيّة كدة

لا مافي حاجة والله بس عشان ناس المرصد الوطني

وكِدة يعني

الضرب
والشخصنة
والقصد السياسى
بدا من الطيرة ( اقصد من الرأس) يعنى عقلو عقل طيرة
و بقى
ماشى
نازل
ماشى
نازل
ماشى
نازل
ماشى
و نازل
هو والقوووووون (اقتباس )
تحت الحزام
استاذ الاجيال طلع برة الشبكة
لا حول ولا قوة الا بالله
نسأل الله العفو و العافية
حسبنا الله ونعم الوكيل
من قالها ؟
عاقل يا علاء
منو من العلاوات او العلاءات اقصد العلاوون

Quote: استاذ الاجيال طلع برة الشبكة

وبعدين معاك يا نايف؟

قُلتا ليك الشَغَلة دي* بطَّلناها من زمان









_____
*(التدريس)

عقلانية
علاء
بكلام
علاء
طلعت
علاء
برة
الشبكة
عدييييل
كدى رتبو معاى
اسماء ابوات العلاوات ديل
كلو زول و ابوهو
اعتذر نيابة عن علاء (ابوهو منو) لكل من حمل الطبشيرة معلما حرفا
شفت انا بعزك و بحترمك كيف
لانك شلت الطبشيرة فى يوم ما
حتى لو خليت التدريس
ستظل معلما للاجيال
ستظل معلما نحترمة و نقدره
مع خالص ودى

Quote: يا جماعة انا اخوكم علاء الدين منصور .. كوز راسي عديل وضابط أمن قديم .. ومخلب قــط ..

الكتكوت نايف

أنا مُضطر أحوِّلك للجهات المُختصّة:

(1) تمبس - الشهير بعلاء الدين منصور، واحد من أميَز الطلبة الدرَّستهم في الثانوية العامّة، رياضي، مُصادِم، لَبِق، ثقتي فيهو عمياء

(2) نحل - الشهير بعلاء الدين يوسف، من أميَز الطلبة العسكريين الكانوا ورانا، شرِس، أياديهو كانت بيضاء زمان وهسّا بمبيّة من اللِطّيش




تمبس/نحل: (أمسِكوا) الغُلام دة منّي واخزوا ليهو شيطانو، أنا شيطاني هيِّن بقدر عليو

هههههههههههههههههههههههههههههههههههههههههههههههههههههههه
تمبس لو من تمبس المحس ده قريبى
لانو انا من كور ناس تمبس اهلنا
يعنى واحد منهم (آوت)
التانى بلقليهو صرفة
اجمع عنو معلومات
الواسطة التسكتو بلقا
نحل كيف الحال ان شاء انت كويس
امانة فى رقبتك الاستاذ انا غلطت معاهو
غلطا يخلى زعلان كده
ما هو الاستاذ يا نحل زمان قلتو كان اشول
حسع رجع لي (شولتو )
كلامو ده ما كلام زول جا لي جاى

يا علاء تمبس عليك الله رد على لو من تمبس
انا المرحوم استاذ عوض درسنى فى حبراب
والله كان راجل فاضل الله يرحمة و يحسن الية

كفاية كدة يا تمبس
(ولا ) اذيدك

انتو عارفين يا اخوانا انا كلو ما بجى مارى فى البوست ده بجى خاشى لية؟
لانو فى عنوانو اساءة بالغة لأرث نوبى شمالى (الجالوص ) المفتري علية
نحن فى الشمال عشان ما عندنا مطرة اجدادنا بنو بالجالوص
الاساءة للجالوص اساءة ل 90% من الشماليين بطريقة مباشرة
و 10% بطريقة غير مباشرة (ديل ناس جدة البنو بالطوب الاحمر و نسو الجالوص )
رمزية الاستدلال بالجالوص لخلق علاقة موضوع البوست مع العنوان
جعل الجالوص الارث البنفتخر بيهو جلاليييييييص
يا حليلك يا الجالوص
مثلث كمدىزززظزوظولبظزولي زززززززمحمد علىزومتنننننواة علاءةىىلاتانبوولاةىنتوىعلاااااااءةىةلاةرعلاءةاىلةلاىاةاتلمباةىوىةىوةىونقطة على السطر وووووسطر جديد ملاتاةلظةةوىةاناتلةل ىةىوضرب تحت الحزام نتوىناةالىل لىلاى ىتوىى ىوتتشخصيةنانىىللنلووو سياسية اناتلالالاللنتلالالالالالا
لخصت ليكم البوست

الصورة بعد حلاقة الدِقن : الزملاء محمد على حسن ، علاء الدين صلاح محمد أدم ، منال محمد الحسن/الكويت ، أحمد الدالي / عمان - هشام الباشا

كدي خلونا نمشي الصفحة التانية ..
بعدها نشوف الأشباح بقو كم !!؟؟

والله بوست معجز عديل
آآآمنت بالله ياخ... اكتر من ساعة متابع هذا البوست الناري
يازول انتا كنت وين من زمان بس عشان اقول ليك انو محمد على حسن ده عزمني على شاي باللبن في قهوة الزمالك الواقعة خلف القنصلي القديمة

ماتستغرب... كان الزول ده حيسلفني الباص عشان اكتب قبل ما اتشرف بالعضوية هنا سلسلة عش الدبابير(عيييييك قصة قديمة ياخ)

المهم ياكولمبو كشافاتك قوية ياخ جهرت عيون الجن زاتو وشتتوا وسط المقابر الفبتنامية

بالبوست ده شيلوا الفاتحة على دكتور هايد ومستر جيكل

 

اليوزر نيم الوهمي منال محمد الحسن - الكويت (أو علاء الدين صلاح محمد/ الشهير بعلاء جالية) لها 34 مداخلة 33 منها عن جالية جدة.. والأربعة وتلاتيناوية عزاء في وفاة أحد منسوبي القنصلية في جدة.

ياخي معقول بس يا طيرة؟؟

بتكون يا علاء الدين صلاح يا طيرة إنتا أصلاً قاصد تكتب اركويت وجات معاك كدة بالصُدفة، إنتا بى بلادتك دي ممكن تعمل أكتر من كدة




الله يخيِّبك يا مُتشبِّه!!!!!!!!

Quote: يازول انتا كنت وين من زمان بس عشان اقول ليك انو محمد على حسن ده عزمني على شاي باللبن في قهوة الزمالك الواقعة خلف القنصلي القديمة

كلامك دة يا كمال أنا قريتو في بوست مولانا عصام دهب..
تكرارك للكلام دة هنا بيخلّيني أتساءل عن سِر إصرارك على إيراد هذه المعلومة في أي بوست يسعى لكشف الحقيقة..
وبرضو كونك الشاهد الوحيد الذي التقاه الشبح..
هل هي محاولة لإشهار كرت صك البراءة في وجه كل من يحاول سبر أغوار هذه الحقيقة؟؟
زي ما إنتا مُقتنع إنّو محمد علي حسن عزمك شاي باللبن..
أنا متأكِّد للطيش وحتّى الثمالة إنّو الطيرة علاء الدين صلاح محمد (علاء جالية) هو المُستخدم الحصري والوحيد لليوزر بتاع (الشبح) محمد علي حسن منذ 25/12/2006 وحتى تاريخه..
هذا بالإضافة لمنال، الدالي، محمد طه.. وبقيّة العقد الفريد..



صاحبك الطيرة أبو عيون كحيلة دة ما ساهِل

طيِّب يا شاطرين:
- القاعد يكتب نيفاشا كدة منووووووووووو؟؟؟؟؟؟؟؟

- اُستاذ ساذ ساذ ساذ ساذ ساذ (طق طق طق طرق طق طق) ساذ ساذ ساذ

الطيرة علاء جالية يا... ود نفّاش

Quote: محمد على حسن ده عزمني على شاي باللبن في قهوة الزمالك

يا حبيبنا كمال..

طيِّب منال محمد الحسن ما عزَمَتَك كابتشينو في قهوة الرجاء البيضاوي؟





تحياتي لك وعميق احترامي

قُلت لي "نفاشا"
لي نيفاشا

أنفُشوا نفشوا بلا يخُمُّو

حبيبنا علاء المعجزة ...سلامات ياغالي ...

Quote: مع احترامي لطلبك الغالي يا عزيزي فايز، إلّا أن إتجاهي في البوست كان محدَّداً وأعدك بأنني سأبدأ في اتخاذ المنحى الذي أشرت إليه حالما وجدت الوقت الكافي لذلك

ياعلاء اخصم من وكت البحث عن حروف وشولات وتنوين ومسافات بين الحروف في كل كتابات الاخ محمد على حسن وأتينا ببعض ماتراه منافٍ للحقيقة وتحسبه افتراءات كاذبة ..فانا اعتقد ده الموضوع المهم الممكن نستفيد منه ...ومع احترامي وتقديري لك ولكل المتداخلين لم نجد رد على كتابات الاخ محمد على في هذا البوست وشبيهه .. مابقول ليك اقيف عن هدفك لكن برضو نحن عايزين نعرف الحقيقة فانت عارفنا نحن بعيدين عن الجالية والسفارة رغم اننا محسوبين جالية ...يعني قول محمد على قال كده في موضوع كده وده ماحقيقي وجيب لينا انت الحقيقة ..



مع تقديري واحترامي وودي الذي تعرف ...


تعديل لاضافة قوس ..

اذا كلامك ده كلوا قدمتو فى محكمة
بيقولو ليك فى حكم شطب الدعوى
قرائن ظنية
بس كلام اخونا القال لاقاهو فى القهوة بشطب ليك دعوتك
لانو كلامو بينة حقيقية
كدي يا استاذ خش فى الموضوع الاساسى
انت مشكلتك مع علاء شنو؟
مين فيكم الماكل حقوق الجالية ؟
مين فيكم المفتري على الاخر؟
دايرين نسمع القصة ؟
منك انت لانك صاحب البوست
دايرين نعرف خلفيات الموضوع ؟
كفاية ضمة وشولة و فتحة
خلاص اقتنعنا
انو علاء هو محمد هو منال هو علان هو فرتكان
المحصلة
الهدف
النهاية
الخاتمة
الحكم (الظنى )
لحزب الله حيكون شنو؟
نعرف من الكيزان من هو يكتب باسم اخر
و لانو لا فائدة مرجوة من الحديث عن مثل هذا الكلام
لن نفصح عنة
لانو الكلام فى المفيد احسن
(يلا) ورينا المفيد؟
بالله عليك يا استاذ
الله يحفظك
كفاية استعراض و ادعاء الملاحظة و الحنكة و الدراية
اقتنعنا انك اخطر من يمشى على اتنين
و زيك مافى
و انت استاذ قديم
و خبرة
اها
وتانى
انا قلت ليك علاقتك وطيدة اكثر من اللازم بعلم النفس ما داير تصدقنى
مع كامل احترامى و تقديرى
.....
سكوت نحل و تمبس
يخوف
الهدوء الذى يسبق العاصفة يا ربى
اللهم اجعله خيرا

زول الامن
يجمع المعلومات اولا
يحلل ثانيا
(فى القانون القديم حدو التحليل ) زمن الديمقراطية
الان
الخطوة التالتة
التنفيذ
سترك يا رب

قريبي ود القاضي
سلامات
إنت إتّفقت معاي في بوست مُشابه للشّبح محمد علي مين دة
إنُّو لا ضير من طرح القضايا و الآراء و المُعارضة و المُساندة
لكن بإسم واحد فقط
خاصّة إذا كان هُنالك إسمين لـ شحط واحد
يشْتُم بإحداها نفس من يتقرّب لهُم بالإسم الآخر
و إنت إتّفقت معايا تماماً لو تذكُر

نحن ما عندنا مُشْكِلة
لو في مشاكل في الجّالية يجب كشفها و تعريتها و و و و للصالح العام طبعاً
لكن يجينا دُغري
وفاقد الشّيء لا يُعطيه يا قريبي

نايف يابلدياتنا (كومبو)

Quote: بس كلام اخونا القال لاقاهو فى القهوة بشطب ليك دعوتك لانو كلامو بينة حقيقية

مالك عايز تقولني كلام ماقلتو ياخ ... اقرأ كويس أو جيب اقتباس

وللتوضيح : اشدد على يدي علاء باركود لمعجزته في هذا البوست القمة.

ياقريبي ....سلامات ...

Quote: قريبي ود القاضي سلامات إنت إتّفقت معاي في بوست مُشابه للشّبح محمد علي مين دة إنُّو لا ضير من طرح القضايا و الآراء و المُعارضة و المُساندة لكن بإسم واحد فقط خاصّة إذا كان هُنالك إسمين لـ شحط واحد يشْتُم بإحداها نفس من يتقرّب لهُم بالإسم الآخر و إنت إتّفقت معايا تماماً لو تذكُر

علاء ياحبيب انا اتفقت معاك في انو مافي زول ينبذ بإسم ويكتب عادي بإسم تاني ، والاتفاق ماكان على رفض الكتابة باسمين بل على النبذ في حد ذاته كشي مرفوض ..فالشتيمة شتيمة سواء قالها زيد او عبيد ....ولم اتفق معك في ان لاضيرمن طرح القضايا والاراء والمعارضة والمساندة لكن باسم واحد فقط ...انا ارفض الاساءة والبنذ سواء من محمدعلي حسن او علاءالدين صلاح او حتى من فايزودالقاضي ...يعني ياجماعة جرجرتي دي كلها على المضمون او الكلام وليس على الاسم الذي يُكتب به ..ونحن مابنرضى زول يشتمكم في شخصكم...


وشكراً على تحمل جرجرتنا ياقريبي ..

Quote: ياعلاء اخصم من وكت البحث عن حروف وشولات وتنوين ومسافات بين الحروف في كل كتابات الاخ محمد على حسن وأتينا ببعض ماتراه منافٍ للحقيقة وتحسبه افتراءات كاذبة ..فانا اعتقد ده الموضوع المهم الممكن نستفيد منه ...ومع احترامي وتقديري لك ولكل المتداخلين لم نجد رد على كتابات الاخ محمد على في هذا البوست وشبيهه .. مابقول ليك اقيف عن هدفك لكن برضو نحن عايزين نعرف الحقيقة فانت عارفنا نحن بعيدين عن الجالية والسفارة رغم اننا محسوبين جالية ...يعني قول محمد على قال كده في موضوع كده وده ماحقيقي وجيب لينا انت الحقيقة ..

الأخ الحبيب ود القاضي
لك التحيّات الزاكيات

عذراً يا عزيزي فايز لأني الظاهر ما كنت فهمتا مداخلتك الفاتت مظبوط.. أنا متخيِّلك بتتكلَّم عن المقارنة بين مداخلات الشبح والطيرة وما كُنتا قايلك قاصد مواضيع الجالية والسفارة.
أنا والله معلوماتي عن الجالية تكاد تكون معدومة.. دة إذا ما كانت بالماينَص، ولا أملك عنها معلومة لأنّي ورغم وجودي في البلد دي لأكثر من 13 سنة غير مواكب بالمرَّة وما عندي أي فكرة عن تجمُّعاتها وإجتماعاتها وأنشطتها ومكاتبها.. وبصراحة ممكن يكون السبب خليط من المشغوليات وعدم الاهتمام.. وما تستغرب لو قُلتا ليك إنّي ما بدخُل السفارة إلّا لإنهاء مُعاملة ورقيّة وحتّى دي نادرة الحدوث.. صحيح بعرف عدد لا بأس به من منسوبي القنصلية وتجمعني ببعضهم زمالة وصداقات وعلاقات جيرة قديمة لكن رغم كدة إجتماعيّاتي معاهم ضعيفة للغاية.
ما تشوف العِمّة دي تقول الزول دة شكلو كدة عب كبير هنا في الجالية.. والله لو قُلتا ليْك أنا بعرف رئيس الجالية أو واحد من أعضاء اللجنة أو حتّى عضو ساكت أكون كضّاب.
فيا عزيزي فايز، والله صدِّقني إنتا ممكن تكون معلوماتك أفضل منّي.. وزي ما بيقول المثل.. فاقد الشيء لا يعطيه.
عارفك داير تسأل من شنو.. أجيبا ليك على بلاطة كدة؟ أبداً، شُغلي بتاع (النايت شِفت) مربوط مع الرئاسة في الخرطوم دُغرييييي وما عندو علاقة بالبلد دي

لك أطنان من الوُد جُملة وقطَّاعي يا غالي

.


Up





.

شخص جبـــــان لا يستحق الالتفات اليه، لكن لحرمة هذا الموقع والذى هو منبر عام تتلاقح فيه الأفكار والأراء وتنتقل عبره العلوم والمعارف ، لا حوشا يأوي القطيع ويضم الأوباش الذين لا أخلاق لهم ولا وازع من ضمير وأخلاق تمنعهم من اختلاق الأكاذيب والاتهامات الباطلة ، والآن يجب الكشف عن شخصية ( علاء الدين صلاح محمد أدم /محمد على حسن /منال محمد الحسن/الكويت /أحمد الدالي / عمان/هشام الباشا ) لأن اتهامه وكذبه بالباطل وبإسمائة المُستعارة طال شخصيات معروفة من دبلوماسية رسمية وشعبية وجالية سودانية ومسؤولين في الخرطوم فمن حقهم جميعاً أن يعرفوا من هو المدعو /علاء الدين صلاح محمد أدم ،،،،، الذي يظهر كالخفاش في الظلام لأنه لا يستطيع العيش في النور بين البشر ...

الاخ كمال
ويا فينا
ناسف والله
السكرى مرتفع اليومين ديل
ما عارف الحاصل شنو
لك العتبى حتى ترضى

الاخ علاء الدين صالح سلام

انا جديدة في المنبر العامر وما فاهمة اي شئ عن الموضوع لكن تحليلاتك البارعة وتوضيحاتك لمداخلات الشخصيتين المزعومتين

تؤكد صحة كلامك انو دي شخصية واحدة والحكاية واضحة وضوح الشمس لكن السؤال لييييييييييييييييه ؟؟؟؟؟؟؟؟؟؟؟؟؟؟؟؟؟؟؟؟؟؟

تقبل مروري

Quote: شخص جبـــــان لا يستحق الالتفات اليه، لكن لحرمة هذا الموقع والذى هو منبر عام تتلاقح فيه الأفكار والأراء وتنتقل عبره العلوم والمعارف ، لا حوشا يأوي القطيع ويضم الأوباش الذين لا أخلاق لهم ولا وازع من ضمير وأخلاق تمنعهم من اختلاق الأكاذيب والاتهامات الباطلة ، والآن يجب الكشف عن شخصية ( علاء الدين صلاح محمد أدم /محمد على حسن /منال محمد الحسن/الكويت /أحمد الدالي / عمان/هشام الباشا ) لأن اتهامه وكذبه بالباطل وبإسمائة المُستعارة طال شخصيات معروفة من دبلوماسية رسمية وشعبية وجالية سودانية ومسؤولين في الخرطوم فمن حقهم جميعاً أن يعرفوا من هو المدعو /علاء الدين صلاح محمد أدم ،،،،، الذي يظهر كالخفاش في الظلام لأنه لا يستطيع العيش في النور بين البشر ...

يا اخونا صاحب المداخلة ....ابدا لا يشكك احد فى مصداقية صاحب الصورة لذلك احتراما له لا تضعه بجوار الشتائم والاساءات والله لو كان حيا ما قبل بذلك لك ودى

عفوا الاخت سامية
التعقيب على مداخلة ايوب
يعنى اخوكى جديد فى تقنيات سودانيز وكده يعنى

Quote: شخص جبـــــان لا يستحق الالتفات اليه، لكن لحرمة هذا الموقع والذى هو منبر عام تتلاقح فيه الأفكار والأراء وتنتقل عبره العلوم والمعارف ، لا حوشا يأوي القطيع ويضم الأوباش الذين لا أخلاق لهم ولا وازع من ضمير وأخلاق تمنعهم من اختلاق الأكاذيب والاتهامات الباطلة ، والآن يجب الكشف عن شخصية ( علاء الدين صلاح محمد أدم /محمد على حسن /منال محمد الحسن/الكويت /أحمد الدالي / عمان/هشام الباشا ) لأن اتهامه وكذبه بالباطل وبإسمائة المُستعارة طال شخصيات معروفة من دبلوماسية رسمية وشعبية وجالية سودانية ومسؤولين في الخرطوم فمن حقهم جميعاً أن يعرفوا من هو المدعو /علاء الدين صلاح محمد أدم ،،،،، الذي يظهر كالخفاش في الظلام لأنه لا يستطيع العيش في النور بين البشر ...

Quote: والحكاية واضحة وضوح الشمس لكن السؤال لييييييييييييييييه ؟؟؟؟؟؟؟؟؟؟؟؟؟؟؟؟؟؟؟؟؟؟

مرحب بأختنا أوّلاً
و الإجابة ببساطة لأنّه:
معتوه و عندو لوثة عقلِيّة
مريض نفسي
########
غدّار
خائن
خائب
لا شخصِيّة له
فيه مزيج من الخِسّة و الدّناءة و إنْعدام الضّمير
عايش بي روح مشّاطة مُتأصِّلة في دواخلو المُتعفِّنة
عايز يعمل فيها زول بي إسم و عارف بالإسم التّاني إنُّو لا يرقى لأن يكون "زول" من أصلو

Quote: الاخ علاء الدين صالح سلام انا جديدة في المنبر العامر وما فاهمة اي شئ عن الموضوع لكن تحليلاتك البارعة وتوضيحاتك لمداخلات الشخصيتين المزعومتين تؤكد صحة كلامك انو دي شخصية واحدة والحكاية واضحة وضوح الشمس لكن السؤال لييييييييييييييييه ؟؟؟؟؟؟؟؟؟؟؟؟؟؟؟؟؟؟؟؟؟؟ تقبل مروري

الأخت سامية حامد
لكِ التحايا ومرحباً بكِ في بيتك الكبير بين أهلك

الحقيقة الموضوع قديم وشائك وسبق وإتكتبَ فيهو أكتر من بوست..
أنا ما جِبتا حاجة جديدة من عندي فيما يخُص الحقيقة الواضحة..
حاولتا بس أن أضيف بعض الإجتهادات إمعاناً في التأكيد الموجود أصلاً في فهم الناس..
وعندما أرمي حجر في البركة القديمة ليس هدفي بالطبع مُجرَّد المُتعة وتامُّل وإحصاء دوائر الحلقات المائية..
بل محاولة تحريك المياه الآسِنة..
وهدفي هو أن تصل رسالتي وهي الدعوة للوضوح في التعامل ورفضي لهذا الشكل الخبيث والأسلوب القميء (التخفّي والتقمُّص) في الحوار مع الآخر..
سعيت بهذا محاولاً أن أتصدَّى للباطل بالحق وبكشف الحقيقة..
وبقول كلمة حق في وجه هذا الشخص القبيج وفي وجه كل من حذا/يحذو حذوه..
أنَّ من يسعى للنضال بفكره وبكلمته ضد مُخالفيه يجب أن تتوفَّر لديه صفات المُناضِل الحقيقي..
أولها وأهمّها أن يتحلّى بالوضوح والشجاعة والرجولة الحقَّة..
ويقول كلمة الحق وإن كانت مُرَّة في وجه من يُخالِف ممهورة بهأنذا فلان الفرتكاني..
هذه هي أُم الأخلاقيات في أدب الخلاف وهذا هو عين الإحترام طالما أنه بُنيَ على الوضوح..
النضال الواضح الظاهر هو ما ينفع الناس..
وأما النضال بالوكالة و(التشبُّح) و(التقمُّص) وإرتداء قناع الزيف، فمكانه مزبلة الرجولة وأكوام القمامة..
ومثل هذا الـ Garbage هو الذي نسعى لإزالته من هذا المنبر رافعين شعار:
حافظوا على نظافة منبركم

عميق إحترامي

انت لو اصلك زول حقيقة يا استاذ
تكضب نفسك بلسانك
كلامك الفوق ده لي سامية بالله عليك

Quote: الأخت سامية حامد

ياخى والله انا ما عندى علاقة بعلاء ده ولا داك
كل الموضوع انو لقيتك هدفك ما نظيف
وتانى انك متأثر بعلم النفس
ياخى ما تشتغل ببعض الاشادات من هنا و هناك
انا عارف طبيعتك كدة بتتضخم لمن يشيدو بيك
لكن لمن يكون فى مكان ملك للجميع
المسألة بتختلف
اسألك بالله خليك من الموضوع ده
وشوفليك شغلتن تنفعك و تنفعنا
خاصة يعنى عامل السن بالنسبة ليك (الموت حق) لكن بالنسبة ليك قربت و كده يعنى
ده ما يمنع طبعا انو الصغار يموتو
لكن ليك اقرب

دى المرة التانية
الرسالة لي من خلال شخص اخر
بعد ده تقول انا حقانى بقول ايش ما تعرف بلطش علان و بضرب فلان والصدق و القيم
انت يا استاذ داير تهمش مداخلاتى
فى نفس الوقت ما قادر تتحمل
تغتنم فرصة مداخة
عشان تتنفس شوية
الحمدلله انو بيجى واحد يطل علينا
يا فايز عليك الله ما تنقطع
الزول ده ما يموت بالفى بطنو
اديهو فرصة يرشح
الكتمة ما كويسة

Quote: وأما النضال بالوكالة و(التشبُّح) و(التقمُّص) وإرتداء قناع الزيف، فمكانه مزبلة الرجولة وأكوام القمامة..

إهداء للأخ علاء الدين يوسف..
بمناسبة اليوم العالمي للغة الإنجليزية

كاااااااااااااااااااااااااك يا أُسْتاذ علاء "صالح"
ياخي إبداااااااااع
قُلت لي Kee دي لي Key ياخ إخِّييييييييييييييييي ثُم إخِّييييييييييييي
دة في حًصّة الإنجليزي كان بكون نايم ولاّ مريِّل


تم الحِفظ يا حبيب

والله يا علاء "صالح"
ما عارف ليه كُل ما اعاين في صورة هذا المريض
بِتذكّر الإعلانات بتاعت خرج ولم يعد ديك
خاصّة لمّن يقول ليك عيونه عسلِيّة يرتدي بنطلون كوردالايت و شبشب تموت تخلِّي
مُخْتل العقل
على من يجده الإتصال بـ ...................... إلخ

Quote: والله يا علاء "صالح" ما عارف ليه كُل ما اعاين في صورة هذا المريض بِتذكّر الإعلانات بتاعت خرج ولم يعد ديك خاصّة لمّن يقول ليك عيونه عسلِيّة يرتدي بنطلون كوردالايت و شبشب تموت تخلِّي مُخْتل العقل

صاحبك دة لو كان بيلبس كوردالايت كان إنقليزيهو إتصلَّح ياخ..
دة كان بيلبس بنطلون تريفيرا أو كرمبلين شارلستون وخاتّي في جيبو لُبان سندباد





تعرِف انا أكتر حاجة مكيِّفاني في الصورة القُصَّة النازلة على جبهتو دي

Quote: قُلت لي Kee دي لي Key ياخ إخِّييييييييييييييييي ثُم إخِّييييييييييييي دة في حًصّة الإنجليزي كان بكون نايم ولاّ مريِّل

علاء

هِي Kee براها؟؟
إنتا ما شُفتا Pwoer ؟؟
ياخ دة النوع الفي حصّة الإنجليزي الأُستاذ كان بيخلّيهو يملا أزيار المدرسة..
لأنّو وجودو في الفصِل في الحِصّة حينقُل العدوى للباقين الشُطّار..
دة تلقاهو بى كُبرو دة لمَّن يخاطب مديرو في الشغل بيقول ليهو: My Headmaster

يا علاء صلاح يا طيرة..
يعني معقول بس واحدة عايشة في الكويت تكون مهتمّة بالجالية بتاعت جدة لدرجة إنّها تحرق مُداخلاتها الـ(34) كُلللللها في موضوع جالية وقنصلية جدة؟؟
ليييييه؟ صُرَّتا مدفونة في عنيكِش؟
وليه وقَّفتا تكتب بإسمها؟؟ أوَّع بس تكون إتعقَّدتا؟؟
قال نرغب صادقين قال..

الله يخيِّبك

لا تعليق!!!!!!!!!!!!!!

كُراع البقر جيَّابة..
يعني بيجي الخريف واللواري بتقيف والطوابين بيعدمَن الرغيف..
يعني العيش بيلِف ببلِف وبيجي الطاحونة..
يعني الأيام حتجيبك يا إنتا.. ولو ما جابتَك الأيام حتجيبك الرأي العام
هاهاهاهاهاهاهاهاي خشبة

كُراع البقر قُلنا مالا؟؟

جيااااااااابة

دعِ الأيام تفعل ما تشاء *** وطِب نفساً إذا حكَم القضاء
ولا تجزع لحادثةِ الليالي *** فـما لحوادثِ الدنيا بقـاء

قاااااادر الله

البوست دا غاطس وين ،،،،
UP
لحين حِضور الزملاء علاء الدين صلاح الدين محمد أدم

غايتو ياعلاء الدين صلاح ومحمدعلى حسن بتبالغوا !!! مكشحين للناس ديل بصورة بتغيظ الحبيب خلي العدو ...ممارساتكم دي غير اخلاقية ..

أملط الوجه هذا لن يقوى على مُواجهتنا يا قريبي

Quote: أملط الوجه هذا لن يقوى على مُواجهتنا يا قريبي

أملط الوجه واليد واللسان.... واللُغة الإنجليزية

علاء الدين يوسف تحيّاتي يا حبّوب

Quote: غايتو ياعلاء الدين صلاح ومحمدعلى حسن بتبالغوا !!! مكشحين للناس ديل بصورة بتغيظ الحبيب خلي العدو ...ممارساتكم دي غير اخلاقية ..

الحبيب ود القاضي

أبقي صريح معاكا واقول ليك بامانة
عمليتو ما ظريفة وحركتو جـ بـ انة

طوالي مُتخفّي وفي الجالية مُتشفِّي
قدام الناس مُهذَّب وللنيران بيطَفِّي

صيدتي كانت ليهو دي صيدة قوية ماهرة
براهو جابا لنفسو سوّاها شينة وظاهرة

دة ما بينفع معانا يشوف بورداب سِوانا
كَوْني أرُشّو عادي واكرِّهو مُنتدانا



ويا بهيّة آآي يا الشبح دة آآي يا في البورضي دا آآي يا في الصقط دة آآي يّا
وهوبّا هوب وهوبّا هوب وهوبّا هوب

Quote: البوست دا غاطس وين ،،،، UP لحين حِضور الزملاء علاء الدين صلاح الدين محمد أدم

الأخ الفاضل/ أيوب
لك الشُكر والتقدير على مرورك واهتمامك بأمر البوست

تحيّاتي القلبية
علاء باركود وفي رواية أُخرى الطفل المُعجِزة

Quote: ......والآن يجب الكشف عن شخصية ( علاء الدين صلاح محمد أدم /محمد على حسن /منال محمد الحسن/الكويت /أحمد الدالي / عمان/هشام الباشا ) لأن اتهامه وكذبه بالباطل وبإسمائة المُستعارة طال شخصيات معروفة من دبلوماسية رسمية وشعبية وجالية سودانية ومسؤولين في الخرطوم فمن حقهم جميعاً أن يعرفوا من هو المدعو /علاء الدين صلاح محمد أدم ،،،،،........

الأخ/ أيوب خليل - سلامات
أبعد هذا التحليل والرصد من الأخ/ علاء (صاحب البوست) من الذي يكشف الحقائق في تقديرك؟
يا الأخ/ بكري أبوبكر أدينا النجيضة حتى لا يصبح هذا المنبر العملاق مأوى للأشباح وثم تغادره كثير من الأقلام الوطنية ؟
علينا أن نحترم الأفكار والرؤي عندما تصدر من أشخاص حقيقية فقط لا وهمية،
ألا تتفقوا معي بأن الأبطال وأصحاب الفكر لا يعملون في الظلام بل يدافعون عن أفكارهم التي دونها أرواحهم.
سؤال:
أين الكاتب / محمد على حسن ؟ هل من شخص يبلغه بهذا البوست لعله لم يسمع به بعد؟
عدم حضوره يثير عدة تساؤلات. ليته يحضر.
مع تقديري وإحترامي للجميع.

Quote: سؤال: أين الكاتب / محمد على حسن ؟ هل من شخص يبلغه بهذا البوست لعله لم يسمع به بعد؟

الأخ الفاضِل/ صلاح
سؤال مُرتَد:
وهل يجروء أصلاً المدعو علاء صلاح محمد على دخول هذا البوست بإسمه أو مُتخفيّاً خلف إسم الشبح محمد على حسن؟؟؟؟
على فكرة: البوست دة مدوِّر ليهو 16 يوم والمدعو (علاء جالية) يومياً بيقرا البوست (أكثر القُرّاء مشاهدة) وأراه متاوِقاً تارةً بإسمه وتارة بإسم الشبح الوهمي محمد على حسن.

تحياتي

هذا كلام خطير
ورغم عدم متابعتي لتفاصيل مادار
إلا أنني وبحكم متابعتي ووجودي السابق في جدة
ومعرفتي التامة برموز ومكونات الجالية بجدة أتشكك كثيراً في وجود
شخص بإسم محمد علي حسن
ولكن إن لم تخني الذاكرة فقد ذكر الأخ المستشار/عصام دهب
في وقت مضى أنه قد قابل محمد علي حسن، هاتفياً ووقف
على الاسباب التي تمنعه من الظهور أو شيئ من هذا القبيل،
وفضاً لهذا الإشتباك يرجى تكوين لجنة برئاسة الريس/يوسف محمد يوسف، وعضوية
الاخوة/الرفاعي عبدالعاطي حجر، فايز ودالقاضي، مجدي أبوقصي، عبدالقادر شادول،
تاج السر محمد حامد وصلاح حمد،
ذلك لمقابلة الأخ/محمد علي حسن
والله من وراء القصد

حبيبنا ابوعبيدة ...سلامات وحمداً لله على السلامة ..

Quote: وفضاً لهذا الإشتباك يرجى تكوين لجنة برئاسة الريس/يوسف محمد يوسف، وعضوية الاخوة/الرفاعي عبدالعاطي حجر، فايز ودالقاضي، مجدي أبوقصي، عبدالقادر شادول، تاج السر محمد حامد وصلاح حمد، ذلك لمقابلة الأخ/محمد علي حسن والله من وراء القصد

بياتو حق يااباعبيدة .؟!!! وإن كان لابد فيجب ان يعمم ذلك وتكون لجان تحقق شخصي في كل مدن العالم للتأكد من الشخصيات التى تكتب في المنبر كما يجب اجراء اختبار معين للتأكد أن صاحب الاسم هو الذي يشارك بإسمه وليس بإستعانة صديقه ....

انا بقترح تكوين لجنة في البورد لتبحث في كل كتابات الاخ محمد علي حسن ونتحقق منها وهل هي حقائق ام محض افتراءات وبعد ذلك نحاسبه ...اها رأيكم شنو ؟!!!!!




ــــــــــــــــــــ
لجنة فيها الاساتذة : الريس وحجر ومجدي وشادول وتاج السر وصلاح حمد غايتو دي الا لانقلاب ...

علاء وعلاء سلام تعظيم

علاء ابوقرعه شابكنا أراضي دنقلا ودي طبعا قصة سمعها من شادول وبغباء شديد طرح نفس الموضوع في أكثر من مداخله مرة باسم علاء وتارة باسم محمد ######## حسن




فوق لحين العودة اليكم

Quote: علاء وعلاء سلام تعظيم علاء ابوقرعه شابكنا أراضي دنقلا ودي طبعا قصة سمعها من شادول وبغباء شديد طرح نفس الموضوع في أكثر من مداخله مرة باسم علاء وتارة باسم محمد ######## حسن فوق لحين العودة اليكم

حبيبنا عصام دقداق كيفِنَّك؟

تعرف بمُجرَّد ما شُفتا الفلنكات المع خط السِكّة حديد بتاعتك الفوق دي..
طوالي لقيت ليك الماوس ماشي على (الأبيوز)..
كُنتا حألصِّق ليك مخالفة مع الفلاش بتاعا في الخط السريع ما حتلقاها، عشان كُنتا قايلك واحد من جماعة طير الرهَو..
لكن ربَّك ستر

حبيبنا ودالقاضي
ياخي معقول؟ وصول شنو؟ ياخي أنا قربت أجيكم راجع تاني
شكلك كده ماقاعد تراجع المسنجر

Quote: ياتو حق يااباعبيدة .؟!!! وإن كان لابد فيجب ان يعمم ذلك وتكون لجان تحقق شخصي في كل مدن العالم للتأكد من الشخصيات التى تكتب في المنبر كما يجب اجراء اختبار معين للتأكد أن صاحب الاسم هو الذي يشارك بإسمه وليس بإستعانة صديقه ....

يافايز أنا طالبت بما طالبت فضاً للإشتباك الواقع الآن ليس إلا باعتبار أن الأخ علاء الدين صلاح الدين شخص معلوم لدينا جميعاً
أما محمد علي حسن، فهو من يجري البحث عنه ، وسأتفق معك في تعميم التجربة على كل مدن العالم فقط في حالة حدوث إشتباك بين أخواننا أعضاء هذا
المنبر في تلك المدن. أما غير ذلك فلم أتطرق إليه وخاصة صحة ما يكتبه من عدمه.

Quote: ولكن إن لم تخني الذاكرة فقد ذكر الأخ المستشار/عصام دهب في وقت مضى أنه قد قابل محمد علي حسن، هاتفياً ووقف على الاسباب التي تمنعه من الظهور أو شيئ من هذا القبيل،

الأخ الفاضِل/ أبو عبيدة
لك التحايا مُزجاة بخالص الشُكر

طالما إنّو مافي واحد سمع صوت الشبح محمد علي حسن قبل كدة، فمن الطبيعي أن يُصدِّق مولانا عصام أو أي شخص آخر أن المتحدِّث هو الشبح بذات عينه.. دي ما بتخيَّل ليْ حاجة صعبة يا أخوي أبو عبيدة.. محمد علي حسن ما شغَّال مُذيع أو مُقدِّم نشرة أحوال جوية عشان نحنا نجي نقول: تخيَّل ياهو صوتو ذااااتو!!!
ليه ما يكون الزول الإتكلَم في التلفون مع مولانا عصام ما هو إلّا الطيرة علاء صلاح أو أحد أصحابو؟؟؟
كلامي مُش منطقي؟

تقديري وعميق إحترامي

اخونا علاء الدين باراكود

تحياتي؛؛؛

شُغلكـ نضيف والله ؛

Quote: اخونا علاء الدين باراكود تحياتي؛؛؛ شُغلكـ نضيف والله ؛

الأخ الفاضِل/ بشير

قصدك على الغسيل ولّا المكوة؟



شكري وتقديري وعميق إحترامي يا حبيب

الأخ/علاء الدين صالح
تشكر ياحبيب

الذي أذكره أن الأخ/علاء الدين صلاح الدين، كان يتعاون معنا في القنصلية السودانية بجدة أفضل مايكون التعاون،
حيث كنا نراه دائماً في أي منشط بصحبة الأخ/سيف الدين عيسى مختار، وعلمنا أنه يعمل مع الأستاذ/السماني محمد عمارة.
حيث يقوم برفع كل الأخبار الخاصة بنشاط القنصلية والجالية عبر هذا المنبر وفي واجهته الرئيسية
حيث يزوده بالأخبار حينها الأخ الأستاذ/عبدالرازق بشير، شفاه الله ومتعه بتمام الصحة والعافية،
ولازلت في حيرة من أمر تحول وتبدل الأخ/علاء الدين صلاح الدين، وقلب ظهر المجن للقنصلية والجالية ولم أستطع أن أقف على الأسباب حتى حينه.
ومانشرته من مقارنات بين تلك الأسماء الوهمية وعلاء الدين صلاح الدين، أعادني لحديث ذكره علاء الدين صلاح الدين، ذات مرة أنه كان لديه
وسيلة أو إمكانية أو تفويض منحه إياه الأخ بكري أبوبكر تمكنه من التعامل مع بعض خصائص المنبر وتحديدا رفع الأخبار المتعلقة بالخليج - شغلك تجيب لينا الكوت ده -

هذا أذكره للتاريخ وإحقاق للحقائق وتنقية لهذا المنبر من وجود الاشباح في أي مكان

والله من وراء القصد،،،

Quote: الأخ/علاء الدين صالح تشكر ياحبيب الذي أذكره أن الأخ/علاء الدين صلاح الدين، كان يتعاون معنا في القنصلية السودانية بجدة أفضل مايكون التعاون، حيث كنا نراه دائماً في أي منشط بصحبة الأخ/سيف الدين عيسى مختار، وعلمنا أنه يعمل مع الأستاذ/السماني محمد عمارة. حيث يقوم برفع كل الأخبار الخاصة بنشاط القنصلية والجالية عبر هذا المنبر وفي واجهته الرئيسية حيث يزوده بالأخبار حينها الأخ الأستاذ/عبدالرازق بشير، شفاه الله ومتعه بتمام الصحة والعافية، ولازلت في حيرة من أمر تحول وتبدل الأخ/علاء الدين صلاح الدين، وقلب ظهر المجن للقنصلية والجالية ولم أستطع أن أقف على الأسباب حتى حينه. ومانشرته من مقارنات بين تلك الأسماء الوهمية وعلاء الدين صلاح الدين، أعادني لحديث ذكره علاء الدين صلاح الدين، ذات مرة أنه كان لديه وسيلة أو إمكانية أو تفويض منحه إياه الأخ بكري أبوبكر تمكنه من التعامل مع بعض خصائص المنبر وتحديدا رفع الأخبار المتعلقة بالخليج - شغلك تجيب لينا الكوت ده - هذا أذكره للتاريخ وإحقاق للحقائق وتنقية لهذا المنبر من وجود الاشباح في أي مكان والله من وراء القصد،،،

الأخ الفاضِل/ أبو عبيدة محمد الأمين
لك مني جزيل الشكر والتقدير على إهتمامك وعلى هذه المعلومات الهامة التي أوردتها لنا.
أما حديث علاء الدين صلاح محمد لشخصكم (وأنا صبغته باللون الأحمر) بخصوص الإمكانيات أوالتفويض الذي إدَّعى بأنه تم منحه إياه من قِبَل الأخ المهندس بكري أبوبكر والذي يتيح له من خلاله التعامل مع بعض خصائص المنبر كرفع الأخبار، فهذا كلام خطير جداً وأنا شخصياً أعتبره إدِّعاء باطل وكذب صريح في حق الأخ المهندس بكري حيث أنّ بكري إطلاقاً لا يفوِّض كل من هبَّ ودبَّ بإعطاءهم Delegation of authority لمثل هذه الصلاحيات الإدارية التقنية الحسّاسة.
بعدين يا أخ أبو عبيدة.. العندو تفويض وصلاحيات زي دي من بكري بيكون محتاج يتخفّى وراء أسماء وهمية؟؟؟؟؟
الوسيلة والإمكانيات دي بيكون قاصد بيها إمتلاكه لخمسة أسماء وهمية يقدر يعمل بيها حركة مُسلَّحة.. خلّيك من يرفع بيها بوست.

كدي بعد ما نلقى الكوت بجيك راجع يا حبيب (دة لو ما حذفو).

تحيّاتي وعميق احترامي

سلامات يااستاذ علاء

لو سمحتا عايزنك في احقاق حق فشلت المحكمة في احقاقه

زهيقضية محمد نار وائل طه في قضية الاخت منال خوجلي
ممكن تجري هذا التحليل على كتابة وائل طه ومحمد ناصر
وتجيب لينا المجرم مكتف بنوبك ثواب ان تنال منال العدل السايبري؟
ولك فائق الاحترام

العزيز ابوعبيدة ..ياحبيب ..

Quote: الذي أذكره أن الأخ/علاء الدين صلاح الدين، كان يتعاون معنا في القنصلية السودانية بجدة أفضل مايكون التعاون، حيث كنا نراه دائماً في أي منشط بصحبة الأخ/سيف الدين عيسى مختار، وعلمنا أنه يعمل مع الأستاذ/السماني محمد عمارة. حيث يقوم برفع كل الأخبار الخاصة بنشاط القنصلية والجالية عبر هذا المنبر وفي واجهته الرئيسية

طيب ياابوعيبدة اذا كان ده كلامك في حق الاخ علاء الدين صلاح ونشاطه وتعاونه مع الجالية والقنصلية فده يعني انه قريب من الاحداث فيها فليه الناس معترضة على اعتراضه في بعض ممارسات الجالية والقنصلية ؟...العلاقة التى وصفتها هى علاقة انسان يعرف كل كبيرة وصغيرة فمصلحته شنو يكذب على الجالية ؟!! ليه الناس الآن بدت تتكلم عن الشبح وعلاقته بعلاء الدين صلاح ولم نقرا او نسمع عن ذلك اثناء علاقته الطيبة مع الجالية والقنصلية ؟!!!! انا اختلف مع اى انسان يسيئ للاخرين لمجرد الاختلاف السياسي وارفض ذلك سواء من عدو او صديق ...فإذا ما اساء محمدعلى حسن قلنا له اسئت وان احسن ندعمه ...والاخوان مافي واحد جاب لينا كلام قالوا محمدعلى حسن يعتبر اساءة لهم شخصياً ..


احترامي وودي الاكيد ..

حبيبنا ود القاضي
السلام عليكم ورحمة الله وبركاته

وأنت سيد العارفين ياحبيب أنني لم ولن أتطرق لشأن خلافي أو سياسي في هذا المنبر إبتداءً ومستقبلاً بإذن الله وأنني اتعامل مع جميع الأعضاء
من منطلق أخوي بحت. ولذلك لا يهمني ماذا يكتب أو ماذا كتب الأخ/علاء الدين صلاح الدين، عن الجالية أوالقنصلية أو الشبح محمد علي حسن أو غيره من الأشباح.

بس في حاجة ماعارف إنت مالك ماعاوز تتطرق ليها وهي وجود الأشباح من عدمها؟
هل توافق عليها أم لا؟
بغض النظر عن صحة مايكتب أي شبح؟

والله من وراء القصد وهو الهادي لسواء السبيل,,,,

Quote: سلامات يااستاذ علاء لو سمحتا عايزنك في احقاق حق فشلت المحكمة في احقاقه زهيقضية محمد نار وائل طه في قضية الاخت منال خوجلي ممكن تجري هذا التحليل على كتابة وائل طه ومحمد ناصر وتجيب لينا المجرم مكتف بنوبك ثواب ان تنال منال العدل السايبري؟ ولك فائق الاحترام

الأخت الفاضِلة/ دكتورة نجاة
لكِ التحيّات الطيبات مُزجاة بشُكري وتقديري على مرورك

قرأت خبر عابِر عن قضية النشر الإليكتروني بتاعت الأخت منال خوجلي رغم إني ما قدرتا أعرف من الخبر من هو بالتحديد الطرف الثاني في القضية، هل هو وائل طه أم محمد ناصر؟
طلبِك أوامِر وعلى العين والراس يا دكتورة، بس الشغلة مُحتاجة طولة بال، بس أنتهي من تشخيص الحالة التانية الفي يدّي دي.
انا يا دكتورة مُشكلتي بالي سلَبة.. حتّى كُبّاية الشاي بتاعتي بشِدَّها على نار هااااااادية.

تقديري وعميق احترامي

Quote: بس في حاجة ماعارف إنت مالك ماعاوز تتطرق ليها وهي وجود الأشباح من عدمها؟ هل توافق عليها أم لا؟ بغض النظر عن صحة مايكتب أي شبح؟

فايز يا حبيب
أخونا أبو عبيدة جاب ليك كرتونة من جِداد البيكـ في مُكعَّب مرقة دجاج

اصدقائي الاحباء ابوعبيدة ، علاء الدين صالح (الترتيب حسب السن ) ...تحياتي ..

Quote: بس في حاجة ماعارف إنت مالك ماعاوز تتطرق ليها وهي وجود الأشباح من عدمها؟ هل توافق عليها أم لا؟ بغض النظر عن صحة مايكتب أي شبح؟

Quote: فايز يا حبيب أخونا أبو عبيدة جاب ليك كرتونة من جِداد البيكـ في مُكعَّب مرقة دجاج

بالنسبة لى اى كتابة هي لشخص حقيقي وموجود بغض النظر عن الاسم الذي يستخدمه مستعاراً كان ام حقيقي....لذلك اتعامل مع كتاباته واراءه ولا يعنيني اسمه او رسمه ...واحترم خيارات الاخرين في شكل وجودهم ، واما استخدام الاسم للاساءة والنيل من الاخرين فهو بالتأكيد مرفوض سواء كان بالاسم الحقيقي او المستعار ....
ياابوعبيدة وياعلاء نحن في عالم لايحكمه قانون ولا اخلاق ..يعني ممكن تلقى واحد يقول كلام حقيقي يفقد روحه وحياته وعمله وتتشرد اسرته بسبب هذا الرأى لذلك نجد الكثيرين يمارسون هذا التخفي حفاظاً على حياتهم واسرهم وده مابسيئ ليهم بقدر مايسيئ لمن عندهم السلطة ويستغلونها في كبت الحريات والقضاء على الخصوم بمختلف الطرق ..ودي ماظنيت خافية علينا كسودانيين فكم من مختلف رأيٍ خرج للصالح العام وشرد ابناءه وغيرهم ممن عذب جسدياً لهذا الاختلاف ...وكثيرين تم استدعاءهم في الممثليات لمجرد رأى قالوه او كتبوه ..
ياأعزائي مافي حاجة خافية وكلنا يعرف ممارسات السلطة واخلاقياتها.....لذلك انا مع اختيار الشخص لشكل وجوده ...وضد الاساءات الشخصية والسباب والشتائم وهذا مااتفق معكم فيه ..


والله من وراء القصد ...



ودي واحترامي ..

Quote: ياابوعبيدة وياعلاء نحن في عالم لايحكمه قانون ولا اخلاق ..يعني ممكن تلقى واحد يقول كلام حقيقي يفقد روحه وحياته وعمله وتتشرد اسرته بسبب هذا الرأى لذلك نجد الكثيرين يمارسون هذا التخفي حفاظاً على حياتهم واسرهم وده مابسيئ ليهم بقدر مايسيئ لمن عندهم السلطة ويستغلونها في كبت الحريات والقضاء على الخصوم بمختلف الطرق ..ودي ماظنيت خافية علينا كسودانيين فكم من مختلف رأيٍ خرج للصالح العام وشرد ابناءه وغيرهم ممن عذب جسدياً لهذا الاختلاف ...وكثيرين تم استدعاءهم في الممثليات لمجرد رأى قالوه او كتبوه ..

والله يا ود القاضي مع كامل إحترامي لرأيك
لكن أنا بختلِف معاك تماماً في تبريرك دة وبفتكِر إنّو عُذر أقبح من الذنب نفسه
أنا الشي البعرْفو حسب رأيي الشخصي إنّو التخفّي دة نتيجة إمّا لمُركَّب نقص (مرض نفسي) أو عدم مقدرة على المواجهة نتيجة تربية خاطئة لم تُراعي غرس قيم الشجاعة في الشخص منذ الصِغر (عدم رجالة).Full stop

تحيّاتي ومودَّتي بلا حدود

بعد تخلصوا من الموضوع ده شوفوا لينا موضوع محمد فرح معاكم بالله.
مع التحية للجميع.

Quote: بعد تخلصوا من الموضوع ده شوفوا لينا موضوع محمد فرح معاكم بالله. مع التحية للجميع.

دكتور سيف
الحي أولى من الميِّت




تحيّاتي

محمد على حسن و(AhmedAlKhatim) منال محمد الحسن الكويت ، ومحمد طه محمداحمد عبد الله الدالي/عمان وهشام الباشـــا ، فجميعهم عــــــلاء الديـــن صــلاح الديــن محمــد أدم
وقد أكدنا لبكري مراراً وتكراراً أنه لا توجد هذه الاسماء في جدة ، وأن هنالك شخصان يستخدمون هذه الأسماء كاسماء مستعاره للنيل ممن يخاف أن يكتب عنهم باسمه الصريح ، ولم تتخذ ادارة المنبر أي أجراء ضدهم.
ومن حرصنا على المنبر ليؤدي رسالته بالشكل الصحيح، يجب أن يقام ميزان العدل بين كل الناس، وان تكون ادارة المنبر قادرة على متابعة ما ينشر واتخاذ الاجراء العادل الذي لا يفضل عضوا على آخر ولا جهة على أخرى ، وقيمة الانسان الحقيقية في أن يكون قادرا على أن يعدل فيما ولى فيه من أمر، ايا كان هذا الأمر، واعتقد أن العدل والانصاف هما من أهم ما ينبغي أن يتحقق لهذا المنبر.

وبعد أن تكشفت الحقائق تحقق لنا بما لا يدع مجالا للشك بأن علاء الدين أجبن من أن يصرح باسمه عما يعتقد ويتستر خلف أسماء مستعارة

سُبحان الله التشابه حتى في الايميلات :

الإيميل الخاص بعــــــلاء الديـــن صــلاح الديــن محمــد آدم [email protected]
الإيميل الخاص بمحمـــدعلي حسن [email protected]
فماذا أنت فاعل أخي بكري

.