Post: #1
Title: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-11-2010, 10:34 PM
Parent: #0
|
Post: #2
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: haroon diyab
Date: 10-11-2010, 10:38 PM
Parent: #1
بما انو الاهداء مخصوص
لكن ابداع ياطارق
شكرا...لهذا الجمال
|
Post: #3
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-11-2010, 11:06 PM
Parent: #2
اخي هارون دياب
طالما تم نشره في المنبر العام
يعني ما مخصوص
لكن لي صلاح عبد الله بالذات ليييييييييه....؟؟؟؟
مافي زول يسالني
|
Post: #4
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-11-2010, 11:15 PM
Parent: #3
للصدف اخي هارون دياب
اسمو ازهري دياب
|
Post: #5
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-11-2010, 11:17 PM
Parent: #4
والله العظيم
لمن شعرة جلدي ######ت
|
Post: #6
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-12-2010, 10:08 AM
Parent: #5
يا صلااااااااااااااااااح ااااااه يا صلااااااااح
|
Post: #7
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Ashraf el-Halabi
Date: 10-12-2010, 10:18 AM
Parent: #6
Quote: لكن لي صلاح عبد الله بالذات ليييييييييه....؟؟؟؟
مافي زول يسالني |
أنا ما حأسألك يا أستاذ طارق
لأني عرفت
|
Post: #8
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-12-2010, 11:13 AM
Parent: #7
يا اشرف
اللبيب بالاشارة يفهم.......... .!
|
Post: #9
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Salah Abdulla
Date: 10-12-2010, 12:52 PM
Parent: #8
طارق أبو الفن ، آسف والله ما شفت الكلام ده إلا هسع..
أنا في الشغل ، خليني أرجع البيت وأسمع بمزاج
ونجيك نتونس عن عثمان الشفيع ، وما أدراك ما هو..
|
Post: #11
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: saif massad ali
Date: 10-12-2010, 01:01 PM
Parent: #9
سلام اللخو
يا اخي اكتب صلاح عبدالله ابوشنب
انا جيت داخل قايل صلاح غوش
لكن خطر والله
|
Post: #10
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: د.محمد بابكر
Date: 10-12-2010, 12:59 PM
Parent: #8
شكرا يا اخ طارق والله انا اتفاجأت بالابداع ده لانى ما كنت متوقعه خصوصا مع الاسم(صلاح عبدالله) انا اصلا ما قايل فى غنا قلت الحكايه عن ابيي خصوصا انه صاحبنا سيد الاسم حايم الايام دى فى كردفان...
|
Post: #12
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-12-2010, 06:30 PM
Parent: #10
اها يا ابو صلاح
الكلام وشفتو هسع
الغنا كيف؟؟؟؟؟
|
Post: #13
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Emad Abdulla
Date: 10-12-2010, 06:42 PM
Parent: #12
الله يريحني منكم .. الإتنين .
.........
قال أديني رايك قال .
|
Post: #14
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Salah Abdulla
Date: 10-12-2010, 09:49 PM
Parent: #13
يا سلام عليك يا طارق ، وعلى أزهري دياب ...
ياخ معقول أقول رأي في غنا زي ده؟؟؟
ياهو ده نوع الغنا البنعرفو ، وبيقطع القول والرأي ويكّـ ـلِـ ـب شعرة الجلد بالجد.
والله أب صلعة صاحبك ده ريّحني في أضاني دي ..
الغريبة أول مرة أسمعو!!
أدى الأغنية بثقة كبيرة وكأنو متعود على الجماهير والمايكروفونات ..
والأهم إنو سلّمنا ليها زي ما استلمها..
صوت جميل جداً ومريح
زول زي ده يجيبوه عشان يسدوا به فَرَقَة ، وبعد داك ينسوه، ويضيع..
وناس زعيط ومعيط ، قاديننا بيهم كل يوم في القنوات..
وبعدين غنا الشفيع ده ياهو البيختبروا بيهو الناس
غنا شبعان وشحمان ومليان ما فيهو مجال لخبطة..
يا طارق أنا دخلت وسمعت وشفت ، وما عندي راي في جنس الغنا ده
ده الغنا الذي لا يقبل راي ، تسمع وتحمد ربك بس ..
وكتر خيرك على الهدية ، العدّلت المزاج دي..
|
Post: #15
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-12-2010, 10:47 PM
Parent: #14
اخي صلاح
هذا الفنان يغني بطريقتنا العارفنها
دون أي تعديل او تنظير او توالي
والله العظيم تقديرا لشخصك اهديتك هذه الاغنيه
هذا الرجل يجب ان يدعم من الملحنين والفنانين
لكن يا خساره
وين مع ناس الاستفتاء ديل
_____________________
شايف عمده منور الليله
ان شاء الله يدعم الراجل بلحن ولا بي رميه ان شاء الله
|
Post: #16
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 00:19 AM
Parent: #15
اطمن اخي د. محمد بابكر
زولي دا صلاح دبل كروش مش صلاح قوش
|
Post: #17
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 00:31 AM
Parent: #16
اخي صلاح
بعض الاحيان افكر ان ظهور بعض المطربين الكبار امثال ابو بكر سيد احمد ومغنينا هذا
اصوات جميله للحد البعيد لكن العمر اكبر من مواهب بقليل او كثير
انه لربما في ظروف البعث الحضاري هذا لم تتح لهم الفرصة للظهور
ولا شنو؟؟؟؟
_______________________
انت يا صلاح جر عماد ده من اضانو
وركب ليهو السماعتين الاستيريو الما خمج
وقول ليهم استمع يا رجل
عشان يامن ذاتو
انا عارفو راجل فنان لاكنو لايووووووووووووق
|
Post: #18
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 01:02 AM
Parent: #17
يا صلاح انا عندي مشكله
اغنيه زي دي ممكن في يوم واحد اسمعا زي ميه مره ولا املها
انا لا امل التكرار هل ده مرض ام ظاهره ؟؟؟
وعندي امثله لاغاني زيها كتير اعمل شنو ؟؟؟
بالله عليك الله يا صلاح
وخسمتك بالنبي
اسمع الغنيه دي تلاته مرات علي الاقل ورا بعض
وبعد داك تعال كلمني
|
Post: #19
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: خالد المحرب
Date: 10-13-2010, 01:31 AM
Parent: #18
الاخ طروقى الاغنيه جميله فيها تطريب عالى جدا
العزوما قايمه فى الويك اند على كبدة الحاشى
بس تتطلب منكم ان تاتو لنا بكوارع
بكون اليوم سعيد وكانو عيد يلا ناكل كوارع
فى حلة البرس الجديد
|
Post: #20
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Salah Abdulla
Date: 10-13-2010, 05:42 AM
Parent: #19
Quote: الاخ طروقى الاغنيه جميله فيها تطريب عالى جدا
العزوما قايمه فى الويك اند على كبدة الحاشى
بس تتطلب منكم ان تاتو لنا بكوارع
بكون اليوم سعيد وكانو عيد يلا ناكل كوارع
فى حلة البرس الجديد |
أخونا خالد المحرب ،، سلام ..
شفت نوع ونستكم دي ، ياها زاتها الييكون فيها غنا الشفيع حاضر ومصاحب..
وبعدين يا طارق ، عماد عبدالله ده لو قلت له اسم الغنية بس
بدون ما يسمعها ، بتجيب أجلو !!!!
ولو سمعها كمان ، الله يحلك من الحوقلة ، والشهادة
والتعوذ ، والسرحان ، والنضمي العجيب ..
-----------
خميسكم ألف.
|
Post: #21
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: abuguta
Date: 10-13-2010, 05:55 AM
Parent: #20
شنو ياجماعة بوستكم دا كلو شنبات,,,
ايوة الاغنية حلوة لكن تجر الشنبات كلها
معقولة ياجماعة افوووووووووووو,,,
لكن اقولكم حاجة,,والله اغنيتكم تسكر الرجالة
وتسيح الحريم,,,لووووووووووووووووووووول
تحيتتى
|
Post: #22
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 09:31 AM
Parent: #21
يا خالد المحرب
انت ما صدقت سمعت الشفيع
قعدت تقول لي كبدة حاشي وكوارع
اعوذ بالله من ده القرف.....!!!!
انت خلي بالك من زمن ....الندامه أه الندااااااااااااااااااااما
|
Post: #23
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 09:34 AM
Parent: #22
انت عارف يا ابوقوته
الحريم وكبدة الحاشي والكوارع والبان جديد
ما بتلمو الا في الالف واللام
|
Post: #24
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 09:41 AM
Parent: #23
الاغنية التالية مهداه الي المحارب القديم خالد المحرب
عله يجد فيها ما يشفي غليله:
ان كنت قد امضيت طرفا من حياتك لم تعاقر الخندريس
او لم تطرب الي شدو الغواني في يوم جمعة او خميس
او لم تكن تعبأ بمن يروح عنك همك من نديم او جليس
فأهون ما يكون عليك حكمي انت انسان تعيس
|
Post: #25
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 09:44 AM
Parent: #24
وقال المتنبئ:
ألَذُّ مِنَ المُدامِ الخَنْدَرِيسِ وأحْلى مِنْ مُعاطاةِ الكُؤوسِ
مُعاطاةُ الصّفائِحِ والعَوَالي وإقْحامي خَميساً في خَميسِي
فَمَوْتي في الوَغَى عَيشي لأنّي رَأيتُ العَيشَ في أرَبِ النّفُوسِ
ولَوْ سُقّيتُها بيَدَيْ نَديمٍ أُسَرُّ بهِ لكَانَ أبا ضَبيسِ
ما تسالني تقول لي ابا ضبيس ده منو ولا شنو ؟
لانو ممكن يكون ادريس علم الهدي زاتو
|
Post: #26
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: خالد المحرب
Date: 10-13-2010, 09:45 AM
Parent: #24
Quote: الاغنية التالية مهداه الي المحارب القديم خالد المحرب
عله يجد فيها ما يشفي غليله:
ان كنت قد امضيت طرفا من حياتك لم تعاقر الخندريس
او لم تطرب الي شدو الغواني في يوم جمعة او خميس
او لم تكن تعبأ بمن يروح عنك همك من نديم او جليس
فأهون ما يكون عليك حكمي انت انسان تعيس[/QUO
الاخ طروقى الخميس من زمن الجاهليه اجازه
|
Post: #27
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 10:10 AM
Parent: #26
فلت شخر ما قاقله
عبس فى ليلى
يا صلاح عبد الله
تعال شوف صاحبك
قال شنو؟
تقول لي النداماااااااا
|
Post: #28
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 05:36 PM
Parent: #27
لم اجد كلمات الاغنية كاملة في قوقل ولا غيرو
اخي عماد عثمان وزير توثيق بحري
اسعفنا
|
Post: #29
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Emad Ahmed
Date: 10-13-2010, 08:55 PM
Quote: لم اجد كلمات الاغنية كاملة في قوقل ولا غيرو
اخي عماد عثمان وزير توثيق بحري
اسعفنا |
الأخ طارق
مساء الخير
محمدعوض الكريم القرشي والكنار عثمان الشفيع ثنائية لن تتكرر مرة
أخرى في تاريخ الغناء السوداني .. سلام عليهما في الخالدين .
تفاصيل أغنية البان جديد
نقلا من مذكرات الشاعر محمد عوض الكريم القرشي والقول بالطبع على لسانه :
البان جديد اسم قرية بالقرب من مدينة الأبيض وتقع في الحزء الجنوبي منها وكانت تلك المنطقة تشتهر بكثرة مياه الوديان التي تجري فيها وقد رأت مصلحة السجون ان تزرع فيها مزرعة صغيرة هناك بجانب اشجار التبلدي الشامخة الظليلة وكان يقوم برعاية الحديقة الصديق السيد / حمزة جعفر مساعد مدير السجون لجمهورية السودان فيما بعد .. وكنا نزور الحديقة الصغيرة بين حين وأخر في العطلات الرسمية وكانت كل زيارة للبان جديد تزيدني تعلقا وإعجابا بها وفي ذات يوم زرناها مع رفاق لنا قادمين من العاصمة وذلك ترحيبا بهم وهنا هبط الوحي وجاءت الأغنية ذكرى وتخليد لها ولفتت أنظار الحكومة والهيئات والافراد للمنطقة ومع مرور الزمن صارت أهم مرفق توفد اليه الجهات الرسمية زوار المدينة إذ قامت فيها الحدائق الغناء واسست السلطات عدة مشاريع ثقافية وتربوية وعمرت القرية وصارت نموذجا يزورها كل قادم لكردفان .
البان جديد – كلمات والحان محمد عوض الكريم القرشي
غناء - عثمان الشفيع
اليوم سعيد وكانه عيد
يله نشهد حدائق البان جديد
زارني الوديد قالي نقوم البان جديد
نغني فيها من ناديها
نشوف زهوره الفي حقولا
نشوف نضارة في خداره
قلت ليه .. طبعا لم أزيد
يتم الهناء وأكون سعيد
يله نشهد حدائق البان جديد
جنة زهور .. ومعبد فريد
في ظلاله كم لينا ريد
نعمنا فيها بيوم سعيد
زان كرفان حسنا جديد
ياشادي قول وأروي القصيد
بين الحدائق الغنا وشيد
يارب عيد لربوعها عيد
|
Post: #30
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Emad Ahmed
Date: 10-13-2010, 08:56 PM
Parent: #29
الشاعر محمد عوض الكريم القرشي
|
Post: #31
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Emad Ahmed
Date: 10-13-2010, 08:58 PM
Parent: #30
الكنار عثمان الشفيع
|
Post: #32
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-13-2010, 10:48 PM
Parent: #31
مشكور اخي الموثق عماد
ويا رب يارب عيد لربوعها عيد
|
Post: #33
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: طارق ميرغني
Date: 10-14-2010, 09:59 AM
Parent: #32
عماد وصلاح
كل سنه وانتو طيبين
اوع تكونوا زعلتوا
|
Post: #34
Title: Re: صلاح عبد الله.. ادخل و" شوف " البان جديد.. واديني رايك.. "فيديو"
Author: Dia
Date: 10-14-2010, 08:41 PM
Parent: #33
هذا غناء متميز من اناس متميزين
رحم الله ود القرشى الذى رحل وتركنا وياحليلو الغنى لجنوب البلاد وشمالها
الرحمة للشفيع وللباهى نورنا الابيت تزورنا ووافر الصحة لعمنا محمد ابوزيد
|
|
|