Post: #1
Title: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 06:58 PM
في دراسة استطلاعية لوضعية سودانيي الداخل
اثبتت الدراسة ان 80 % منهم يشعرون بالسعادة
والرضا التام في حياتهم
واوضحت ان كل من تناولتهم الدراسة عند سؤالهم عن احوالهم
تأتي اجابتهم ( تمام الحمد لله ) وهم نسبة الـ 80%
اما النسبة المتبقية فكانت اجابتهم ( زي الزفت ) والحمد لله...
|
Post: #2
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:06 PM
Parent: #1
وجاء في الدراسة ان غالبية السودانيين
الذين يعيشون خارج السودان يعانون من الضجر
والكلل والملل بالذات مطموسي الهوية ......
|
Post: #3
Title: Re: 80 % من السودانيين يشعرون بالسعادة في حياتهم ..........
Author: ابو جهينة
Date: 10-11-2010, 07:07 PM
Parent: #1
أبو النسب
اما النسبة المتبقية فكانت اجابتهم ( زي الزفت ) والحمد لله...
و ديلاك : ( ال 80% بيقولوا ( الحمد لله ... زي الزفت )
تخريمة : مالك ما سألت مني يوم الجمعة ؟
|
Post: #4
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:10 PM
Parent: #3
| Quote: حسع يجي واحد حيقول ليك ( ال 80% بيقولوا ( الحمد لله ... زي الزفت ) |
بالذات لو كان من مطاميس الهوية ....
| Quote: مالك ما سألت مني يوم الجمعة ؟ |
قلت بتكون مع محمد الحسن
مع ناس بنك البركة ..........
مش كدا
|
Post: #8
Title: Re: 80 % من السودانيين يشعرون بالسعادة في حياتهم ..........
Author: محمد حسن العمدة
Date: 10-11-2010, 07:18 PM
Parent: #4
يسو شنو مساكين يتغلبو علي الهم بالضحك والحمد لله
المجلس القومي للسكان : %95 من السودانيين تحت خط الفقر
2009-01-16 06:34:19
صحيفة آخر لحظة
كشف المجلس القومي للسكان خلال تقرير قدمه للبرلمان أمس في جلسة سماع حول الوضع السكاني في السودان لعام 2007م أن 95% من السودانيين دون خط الفقر ، وأكد التقرير زيادة معدل النمو السكاني والذي وصل إلى 2.53% موضحاً ان 45% من السكان اقل من عمر 15 سنة و52% ما بين 15-64 سنة و3% عمر 6 فما فوق ، وقال إن 12% من السودانيين غيروا أماكن سكنهم خلال العشر سنوات الأخيرة.
وطالب التقرير بتشديد الضوابط ووضع سيطرة فعالة لإقامة الأجانب في البلاد وتقوية مؤسسات تطبيق قانون الهجرة ودعم المجالس الولائية.
وأكد محمد الحسن الأمين نائب رئيس المجلس الوطني خلال الجلسة على ضرورة وضع استراتيجية قومية لتوزيع الخدمات الضرورية بصورة موازية في كل الولايات ومراعاة السكان في ذلك، بجانب وضع سياسات تراعي الهجرة الداخلية والخارجية والنزوح المحلي. وقال عبد الحميد موسى كاشا رئيس لجنة التجارة والصناعة بالبرلمان إن هناك تحدياً كبيراً وخطيراً يواجه الدولة في ظل ارتفاع معدل السكان مؤخراً وأشار إلى أن مجلس السكان يعاني من شح في السيولة ودعا إلى توفير التمويل اللازم.
|
Post: #12
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:25 PM
Parent: #8
| Quote: يسو شنو مساكين يتغلبو علي الهم بالضحك والحمد لله |
ود العمدة
اتتفق معي بان اكثر ناس بحبو الونسة هم السودانيين
وكذلك الضحك والقهقهة
وحتى في السلام المقالدة وطبطبة الظهر والضرب
على اليد بحركة نغمية عدة مرات
كذلك نحن من اكثر شعوب العالم حبا للشمارت
دي كلها مؤشرات تدل على اننا لا نحب الكدر
ونعيش السعادة من العمق
|
Post: #5
Title: Re: 80 % من السودانيين يشعرون بالسعادة في حياتهم ..........
Author: حيدر حسن ميرغني
Date: 10-11-2010, 07:11 PM
Parent: #3
غايتو انا عرفت ناس " زي الزفت ديل"
اكسب فينا الاجر ورينا ناس "تمكنا " منو
________
نماذج من البورد بالله
|
Post: #9
Title: Re: 80 % من السودانيين يشعرون بالسعادة في حياتهم ..........
Author: عبداللطيف خليل محمد على
Date: 10-11-2010, 07:19 PM
Parent: #5
السعادة دي شنو يا ود الباوقة ؟
|
Post: #16
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:35 PM
Parent: #9
| Quote: السعادة دي شنو يا ود الباوقة ؟ |
اخي عبد اللطيف
السعادة هي ان تحمد الله على النفس الطالع ونازل دا
السعادة هي الرضا بالقليل الذي قسمه الله
الكثيرون من الناس يعيشون في ابراج عاجية ويمتلكون
مال الدنيا وياكلون ما لذ وطاب من الطعام
ولكنهم تعساء .......
|
Post: #10
Title: Re: 80 % من السودانيين يشعرون بالسعادة في حياتهم ..........
Author: ALZOLZATOO
Date: 10-11-2010, 07:21 PM
Parent: #5
ود الباوقة سلامات
انا شخصيا مرشح البوست ده يكون هدية العيد 
غايتو لو قلت ال 80% من السودانيين بيقولوا الحمد لله عند سؤالهم كان بتكون مبلوعة لكن يشعرون بالسعادة دي
فيها قولان ومهداة لك اغنية زيدان ابراهيم السعادة بقت وهم والحلوة من غير طعم قبل فترة ظهر مرض في كردفان او دارفور الواحد بيكون مبتسم طوالي مايكون المرض عم القرى والحضر
نسال الله ان يسعد شعب السودان دنيا واخرة
تحياتي
زاتوووو
|
Post: #17
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:47 PM
Parent: #10
| Quote: نسال الله ان يسعد شعب السودان دنيا واخرة |
اللهم امين
شكرا زاتووووووووووووو
مرورك اسعدني ......
|
Post: #14
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:31 PM
Parent: #5
| Quote: غايتو انا عرفت ناس " زي الزفت ديل |
نماذج من البورد بالله
يتخيل اكثر الناس سعادة هم ناس سودانيزاونلاين
لانو ما معقولة تلقى ناس مصاقرين المنبر دا 24 ساعة
مودتي حيدر ..
وليك وحشة والله ........
|
Post: #64
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-12-2010, 10:54 PM
Parent: #5
.
|
Post: #6
Title: Re: 80 % من السودانيين يشعرون بالسعادة في حياتهم ..........
Author: خالد المحرب
Date: 10-11-2010, 07:17 PM
Parent: #3
Quote: اوضحت ان كل من تناولتهم الدراسة عند سؤالهم عن احوالهم
تأتي اجابتهم ( تمام الحمد لله ) وهم نسبة الـ 80%
|
باوقه مساك الله بالخير
ذكرتنى كلام وليد لينا ودى حقيقه
ابوه ماره عليه ظروف صعبه شديد الولد جاء عن حبوبتو
سالتو قالت ام كيف قاليها كويسه
اها ابوك كيف قاليها والله يا حبوبه ابوى دا يحمد فى الله
بى الكضب ساهى كل مازول يسالو يقول الحمد لله
وهو ماعندو اى حاجه يا حبوبه
ال80 فى الميه ديل اظنهم زى زولك دا
|
Post: #18
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:50 PM
Parent: #6
Quote: باوقه مساك الله بالخير
ذكرتنى كلام وليد لينا ودى حقيقه
ابوه ماره عليه ظروف صعبه شديد الولد جاء عن حبوبتو
سالتو قالت ام كيف قاليها كويسه
اها ابوك كيف قاليها والله يا حبوبه ابوى دا يحمد فى الله
بى الكضب ساهى كل مازول يسالو يقول الحمد لله
وهو ماعندو اى حاجه يا حبوبه
ال80 فى الميه ديل اظنهم زى زولك دا |
عليك الله يا شيخ العرب كمية السعادة
البتكون جواك ساعة تصوقر في الدارة
دي براها مش كفاية
يا اخي السعادة بالقليل ...........
|
Post: #7
Title: Re: 80 % من السودانيين يشعرون بالسعادة في حياتهم ..........
Author: smart_ana2001
Date: 10-11-2010, 07:17 PM
Parent: #3
really?
طبعا....كلامك صحيح
هو الناس عاوزه شنو من الدنيا غير تعليم خاص بالملايين و مياه غير صالحة للشرب. و وظائف بالمحسوبية و الوسطات. و صحة من غير صحة.???وكما لو كنت محظوظ ممكن تكون فى اطراف السودان الى فيها حرب او مجاعة او فيضانات. فى عليك الله سعاده اكتر من كده
عارف يا صاحب البوست نوع كلامك ده هو اللى بيفور الدم.
يا اخى حرام عليكم
|
Post: #19
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:53 PM
Parent: #7
| Quote: عارف يا صاحب البوست نوع كلامك ده هو اللى بيفور الدم. |
انت براك دمك فاير ....
في شنو ......
|
Post: #11
Title: Re: 80 % من السودانيين يشعرون بالسعادة في حياتهم ..........
Author: منال
Date: 10-11-2010, 07:22 PM
Parent: #1
السعادة الحقيقيه ان تعيش حسب واقعك وامكانياتك
وان تستمتع بالحياة ومباهجه
القناعة والقبول واوعى تطلع لما يملكه غيرك
والرضا بما قسمه الله ...
والبقولو زى الزفت ديل عمرهم مابعرفو للسعادة طريق
والمال عمرو ما يجلب السعادة .....
|
Post: #13
Title: Re: 80 % من السودانيين يشعرون بالسعادة في حياتهم ..........
Author: nazar hussien
Date: 10-11-2010, 07:29 PM
Parent: #11
يا ود الباوقة يا اخوي
نحن المفاييس الخلفوها البشر دي ما بتمشي فينا
شفت لبك زول حمتو شرطت التيرموميتر....كررررر
انا شفتو...والغريبة حايم بي كرعيه...
تقول لي قالوك
|
Post: #15
Title: Re: 80 % من السودانيين يشعرون بالسعادة في حياتهم ..........
Author: عبداللطيف خليل محمد على
Date: 10-11-2010, 07:34 PM
Parent: #13
Quote: والبقولو زى الزفت ديل عمرهم مابعرفو للسعادة طريق
والمال عمرو ما يجلب السعادة ..... |
هاهاهاها.................ااا
و الله أحسن لينا ود الباوقة ..
|
Post: #21
Title: Re: 80 % من السودانيين يشعرون بالسعادة في حياتهم ..........
Author: محمد الامين احمد
Date: 10-11-2010, 08:01 PM
Parent: #15
|
Post: #44
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-12-2010, 08:48 AM
Parent: #21
يعني هس عاين لي ديل متردفين 8 وتاسعهم ######هم فوق
العنقريب ونايمين وهم يضحكوا..........
وفي نفس الوقت تلقى واحد راقد براه في سرير وثير والمكيف
داق فوق راسو ويتقلب الليل كلو ( حمانا الله )
يعني السعادة ليست بالمال اطلاقا .........
|
Post: #22
Title: Re: 80 % من السودانيين يشعرون بالسعادة في حياتهم ..........
Author: بشير حسـن بشـير
Date: 10-11-2010, 08:02 PM
Parent: #15
.
.
ود الباوقه ،،،، تحياتى
قالوا والعهده على الراوى
سنة 95 م جات واحده صحفيه أميريكيه زياره للسودان
ونزلت الشارع وعملت إستطلاع ، كان الإستطلاع عباره عن
ماهيتك كم ؟ وبتصرف شنو على الأكل والشرب والكهرباء
والمويه واللبس والخ الخ الخ
المهم الإستطلاع بتكون نتائجه وضحت من أول بند الهو
الأكل والشرب ، والمرتب بيتلحس ،أها هنا بتقوم الصحفيه
تسأل والباقى بتمه بيشنو ..؟؟
دائما بيكون الرد هو (( الله كريم ))
أها الصحفيه إفتكرت إنه الله كريم ده شخصيه سودانيه كريمه
وبيتم لللعندو نقص فى ميزانيته على طول .
رجعت لأميريكا وكتبت التقرير ، وذيلته بأنه فى واحد إسمه
الله كريم بتم الناقصه للشعب السودانى كله....
.
.
ونحن لا نملك إلا أن نجارى القول (0 البقولوله سمين يقول آميييييين ))
الله يجعلنا من الدول التى تكون نسبة السعاده فيها 80 %
.
.
.
|
Post: #46
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-12-2010, 09:13 AM
Parent: #22
| Quote: الله يجعلنا من الدول التى تكون نسبة السعاده فيها 80 % |
اللهم امين ....
|
Post: #23
Title: Re: 80 % من السودانيين يشعرون بالسعادة في حياتهم ..........
Author: الامين موسى البشاري
Date: 10-11-2010, 08:03 PM
Parent: #15
Quote: في دراسة استطلاعية لوضعية سودانيي الداخل
اثبتت الدراسة ان 80 % منهم يشعرون بالسعادة
والرضا التام في حياتهم |
ود البــاوقة يا حبيب
ســـلام ... غايتو يوم بتفـقـع ليك مرارة زول بطريقتك دي
يا زول انت جادي أظن السألوهم ديل كلهم مؤتمر وطني
|
Post: #54
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-12-2010, 12:01 PM
Parent: #23
| Quote: يا زول انت جادي أظن السألوهم ديل كلهم مؤتمر وطني |
البشاري ..
تصدق ديل ما فيهم واحد مؤتمر وطني............
|
Post: #26
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 09:00 PM
Parent: #15
Quote: هاهاهاها.................ااا
و الله أحسن لينا ود الباوقة .. |
شفتي يا منال زي ناس عبد اللطيف ديل
الواحد يكون داير ليهو بيت مكون من عدة طوابق
ومجموعة سيارات وخدم وحشم .............
وفي النهاية يقول ليك والله ( معصلجة ) معانا
عصلجة شديدة خلاص ..........
|
Post: #25
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 08:51 PM
Parent: #13
| Quote: شفت لبك زول حمتو شرطت التيرموميتر....كررررر |
نزار
بل شفت لي مطرب شرط الساوند سيستم من قوة صوته
كلو جائز ..............
|
Post: #20
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-11-2010, 07:57 PM
Parent: #11
Quote: السعادة الحقيقيه ان تعيش حسب واقعك وامكانياتك
وان تستمتع بالحياة ومباهجه
القناعة والقبول واوعى تطلع لما يملكه غيرك
والرضا بما قسمه الله ... |
ديل يا منال دايرين حقهم وحق غيرهم ..
وبعد دا يقولوا ليك ( زي الزفت ) والحمد لله
|
Post: #24
Title: Re: 80 % من السودانيين يشعرون بالسعادة في حياتهم ..........
Author: محمد حسن العمدة
Date: 10-11-2010, 08:11 PM
Parent: #20
Quote: عارف يا صاحب البوست نوع كلامك ده هو اللى بيفور الدم.
|
هو لسع ما فار يا اسمارت ؟؟
انا بس عارف ود الباوقة دمو بفور متين ؟؟
|
Post: #27
Title: Re: 80 % من السودانيين يشعرون بالسعادة في حياتهم ..........
Author: الزبير صالح الزبير
Date: 10-11-2010, 10:37 PM
Parent: #24
الجداد في الخلا عارف انو الكلام دة يستحيل يكون ربعة صحيح
الدراسة دي الا تكون اتعملت في حتتا تانية ما في السودان البنعرفوا دة
|
Post: #28
Title: Re: 80 % من السودانيين يشعرون بالسعادة في حياتهم ..........
Author: دينا خالد
Date: 10-11-2010, 11:10 PM
Parent: #27
يا رااااااااااجل !!
ـــــــــــــــــــ
ود الباوقة انتو استطلاعكم ذاااتو بتدو خجة ؟؟
مخجوووج والله مخجوووج كان جا الجيش ,,
بتكون بتقصد فى مماتهم .. لوووووب
قال وحد يشعر بالسعادة ويمشى يختار البعاد
ناس بتتعذب وحيييييييييييده وناس بتنعم بـ الوداد ...
|
Post: #29
Title: Re: 80 % من السودانيين يشعرون بالسعادة في حياتهم ..........
Author: خالد العبيد
Date: 10-12-2010, 00:05 AM
Parent: #28
مستشفى الباوقة ... يا للسعادة
|
Post: #30
Title: Re: 80 % من السودانيين يشعرون بالسعادة في حياتهم ..........
Author: عمر ادريس محمد
Date: 10-12-2010, 00:42 AM
Parent: #29
ود الباوقة
قطع شك الدراسة المضروبة دى بتكون قالت 8 % سعداء ! بمال السحت
وهم الكيزان والمؤلفة قلوبهم وحارقى البخور , والمؤملين فى هبشة , وقطعة
واطة الـ اخ الـ اخ ...
اها يامستر (سعادة ) الصفر دا جا من وييييييين ؟
والشعب كلو بعانى
|
Post: #31
Title: Re: 80 % من السودانيين يشعرون بالسعادة في حياتهم ..........
Author: Ashraf el-Halabi
Date: 10-12-2010, 02:15 AM
Parent: #30
Quote:
في دراسة استطلاعية لوضعية سودانيي الداخل
اثبتت الدراسة ان 80 % منهم يشعرون بالسعادة
والرضا التام في حياتهم
واوضحت ان كل من تناولتهم الدراسة عند سؤالهم عن احوالهم
تأتي اجابتهم ( تمام الحمد لله ) وهم نسبة الـ 80%
اما النسبة المتبقية فكانت اجابتهم ( زي الزفت ) والحمد لله... |
أعلاه صورة مقطعية للتدليس
|
Post: #32
Title: Re: 80 % من السودانيين يشعرون بالسعادة في حياتهم ..........
Author: amir jabir
Date: 10-12-2010, 02:29 AM
Parent: #31
Quote: واوضحت ان كل من تناولتهم الدراسة عند سؤالهم عن احوالهم
تأتي اجابتهم ( تمام الحمد لله |
ود الباوقة السلام عليكم ورحمة الله تعالى وبركاته
هسى دى درسات شنوا دى المعتمدة على تمام الحمد الله يازول السودانى
لو فى السجن بتقول لية كيف بيقول ليك تمام الحمد الله
السودان بحمد الله فى كل شئ ودى ميزة ماعند اى شعب فى الدنيا
يعنى تمام الحمد الله دى دليل على الايمان بحكم الله مش السعادة
|
Post: #33
Title: Re: 80 % من السودانيين يشعرون بالسعادة في حياتهم ..........
Author: ابوعبيدة حسن محمد
Date: 10-12-2010, 07:22 AM
Parent: #32
Quote:
في دراسة استطلاعية لوضعية سودانيي الداخل
اثبتت الدراسة ان 80 % منهم يشعرون بالسعادة
والرضا التام في حياتهم
واوضحت ان كل من تناولتهم الدراسة عند سؤالهم عن احوالهم
تأتي اجابتهم ( تمام الحمد لله ) وهم نسبة الـ 80%
|
غايتو الكلام دة زي ما بقولوا ناس الخليج : كلام خلابيط !!!
احسن نركز على مواضيع جادة ( شوية) !
تحياتي
|
Post: #34
Title: Re: 80 % من السودانيين يشعرون بالسعادة في حياتهم ..........
Author: عبد اللطيف السيدح
Date: 10-12-2010, 07:30 AM
Parent: #33
كن جميلاً تري الوجود جميلاً
شكرا للشعب السوداني الاصيل
شكرا لصاحب الدراسة الناقل الامين لمشاعر الشعب السوداني دون تحريف ولاتزييف
شكرا باوقة البجي منك كلو طيب
|
Post: #35
Title: Re: 80 % من السودانيين يشعرون بالسعادة في حياتهم ..........
Author: saif massad ali
Date: 10-12-2010, 07:32 AM
Parent: #34
اسعدهم سوف يكون البشير
لانو بمشي المحكمة الدولية ويرطب هناك
|
Post: #38
Title: Re: 80 % من السودانيين يشعرون بالسعادة في حياتهم ..........
Author: nazar hussien
Date: 10-12-2010, 07:41 AM
Parent: #35
وبعدين:
حدي يشعر بالسعادة...ويمشي يختار البعاد
|
Post: #36
Title: Re: 80 % من السودانيين يشعرون بالسعادة في حياتهم ..........
Author: ولياب
Date: 10-12-2010, 07:36 AM
Parent: #34
يا ود الباوقــــة اللذيـــد تفاحهـــــا
الثمانية وعرفناها!!!!
الصفــــر ده أنت جايبــو مــن ويــــن ؟؟؟
وبرضو بنقول الحمـــد للــــه
|
Post: #70
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 05:56 AM
Parent: #36
Quote: الثمانية وعرفناها!!!!
الصفــــر ده أنت جايبــو مــن ويــــن ؟؟؟
وبرضو بنقول الحمـــد للــــه |
ولياب ..
الحمد لله على كل حال ..
كتر خيرك كتير ........
|
Post: #37
Title: Re: 80 % من السودانيين يشعرون بالسعادة في حياتهم ..........
Author: Deng
Date: 10-12-2010, 07:37 AM
Parent: #34
Quote: في دراسة استطلاعية لوضعية سودانيي الداخل
اثبتت الدراسة ان 80 % منهم يشعرون بالسعادة
والرضا التام في حياتهم
واوضحت ان كل من تناولتهم الدراسة عند سؤالهم عن احوالهم
تأتي اجابتهم ( تمام الحمد لله ) وهم نسبة الـ 80%
اما النسبة المتبقية فكانت اجابتهم ( زي الزفت ) والحمد لله... |
ود الباوقة.
just say no
|
Post: #39
Title: Re: 80 % من السودانيين يشعرون بالسعادة في حياتهم ..........
Author: قلقو
Date: 10-12-2010, 07:47 AM
Parent: #37
| Quote: 80 % من السودانيين يشعرون بالسعادة في حياتهم .......... |
ياود الباوقة 80% نسبة غير حقيقية بل هى 100% من الشعب السودانى سعداء سعادة تحسدنا عليها حتى الدول الأسكندنافية ومبسوطين 24 قيراط , ولا ينقصنا شيئ سوى رؤياكم الغالية .
|
Post: #40
Title: Re: 80 % من السودانيين يشعرون بالسعادة في حياتهم ..........
Author: Saifelyazal Elmaki
Date: 10-12-2010, 07:49 AM
Parent: #37
يا باوقة لك التحيات الطيبات يا سعيد يا رايق
يا زول كلامك دا كيفنو ياخ
خلاص خليتو الآيات القرآنية وبقيتوا على الاستطلاعات
ربنا بقول (المال والبنون زينة الحياة الدنيا)
الشعب السوداني لا عندو مال ولا يحزنون كيفن يكون سعيد بنسبة 80% ؟؟
تحياتي يا رايق
|
Post: #41
Title: Re: 80 % من السودانيين يشعرون بالسعادة في حياتهم ..........
Author: عمر التاج
Date: 10-12-2010, 08:03 AM
Parent: #40
Quote: في دراسة استطلاعية لوضعية سودانيي الداخل
اثبتت الدراسة ان 80 % منهم يشعرون بالسعادة
|
ها ها ها
Quote: والرضا التام في حياتهم
|
هئ هئ هئ
--
الأخيرة دي يا حبيب شيل منها الهمزة وزيد ليها لله
في رضا يا ود الباوقة اكتر من كدة
|
Post: #42
Title: Re: 80 % من السودانيين يشعرون بالسعادة في حياتهم ..........
Author: حاتم علي
Date: 10-12-2010, 08:17 AM
Parent: #40
ود الباوقة مصدر دراستك دي لو سمحت
|
Post: #43
Title: Re: 80 % من السودانيين يشعرون بالسعادة في حياتهم ..........
Author: فايزودالقاضي
Date: 10-12-2010, 08:43 AM
Parent: #42
ود الباوقة ياسعيد ...سلامات ياحبيبنا المستفز ..
نحكي ليك القصة دي :
قالو (جابر على جابر) سوداني مشى اليابان وتعرف على صديق ياباني واصبحت حركته داخل اليابان معه ...في يوم من الايام وهم مارين جنب المقابر جابر شاف مقبرة مكتوب عليها (فلان الفلاني - ولد عام 1900م وتوفي عام 1950م - عاش 20 سنة ) ...استغرب !! مشى مقبرة تانية برضو لقى (فلان العلتكاني - ولد عام 1920م وتوفى عام 1970م - عاش 10 سنوات ) ..وقبر ثالث فيه ( فلانة بنت علان - ولدت عام 1948م وتوفت عام 1980م - عاشت 3 سنوات ) ..وهكذا كل القبور ..قام سأل صديقه الياباني : يااخوي انتو بتحسبو العمر ده بياتو رياضيات ؟!!!
الياباني رد عليهو : نحن بنحسب العمر باللحظات السعيدة العاشها الشخص خلال حياته ...فاخونا السوداني قال ليهو : كان كدي ياصديقي لو مت هينا عليكم الله تكتبوا في قبري ( جابر على جابر من بطن امه للمقابر ) ...
ياود الباوقة هناك احتمالين :
1- يااما صاحب الدارسة خلط بين الرضي والشعور بالسعادة ، فالانسان ممكن يكون راضي ومؤمن بقدره وفي ذات الوقت غير سعيد ...
2- واحتمال ارجح صاحب الدراسة سأل الناس عن هل يشعروا بسعادة مع هذه الحكومة ؟ فكان رد الموالين بنعم سعداء لكونهم معها وغير الموالينً بنعم سعداء لكونهم بعيدين عنها وعن شرها....ونسبة الــ 20% المتبقية بتكون لناس طوكر وبقية الهامش الماقدر صاحب الدراسة ان يصل اليهم بسبب السيول والفيضانات ...
ثم تحياتي ...
|
Post: #48
Title: Re: 80 % من السودانيين يشعرون بالسعادة في حياتهم ..........
Author: أحمد أمين
Date: 10-12-2010, 09:24 AM
Parent: #43
ياخى ماكان تعملوها 99% سعيد وتريحونا ال 1% ديل الحاسدين سعادة السعداء
صدام حسين (الله يرحمه) كان مريح نفسه من قصة ال 99% كان بيفوز بنسبه 100%...
|
Post: #71
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 07:53 AM
Parent: #33
| Quote: غايتو الكلام دة زي ما بقولوا ناس الخليج : كلام خلابيط !!! |
الصحيح هو خرابيط
|
Post: #66
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 05:43 AM
Parent: #32
| Quote: يعنى تمام الحمد الله دى دليل على الايمان بحكم الله مش السعادة |
جابر
طيب انت داير ليك سعادة اكثر من الايمان
والا انت داير تلهط حقك وحق غيرك ............
|
Post: #67
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 05:45 AM
Parent: #31
| Quote: أعلاه صورة مقطعية للتدليس |
الحلبي
قصدك رنين مغنتيسي ....
|
Post: #68
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 05:47 AM
Parent: #30
Quote: قطع شك الدراسة المضروبة دى بتكون قالت 8 % سعداء ! بمال السحت
وهم الكيزان والمؤلفة قلوبهم وحارقى البخور , والمؤملين فى هبشة , وقطعة
واطة الـ اخ الـ اخ ... |
اخي ادريس
الدراسة اجتماعية ( صرفة )
نرجو عدم تسييسها ...
|
Post: #60
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-12-2010, 04:39 PM
Parent: #28
Quote: مخجوووج والله مخجوووج كان جا الجيش ,,
بتكون بتقصد فى مماتهم .. لوووووب
قال وحد يشعر بالسعادة ويمشى يختار البعاد
ناس بتتعذب وحيييييييييييده وناس بتنعم بـ الوداد ... |
دينا ........
انت عارفة اذا تدخل الجيش معناه موضوعكم مستحمي
اما مسالة الخج فهي قد دخلت قلوبكم ( بهتانا )
وتحتاج الى وقت ليس بالقصير لكي تتخلصوا منها
وانا بيك سعادتي مؤكدة ..........
|
Post: #45
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-12-2010, 09:05 AM
Parent: #27
| Quote: الدراسة دي الا تكون اتعملت في حتتا تانية ما في السودان البنعرفوا دة |
اخي الزبير
الدراسة اتعملت في السودان قبل اسبوعين تقريبا......
|
Post: #47
Title: Re: 80 % من السودانيين يشعرون بالسعادة في حياتهم ..........
Author: عبد الناصر الخطيب
Date: 10-12-2010, 09:21 AM
Parent: #45
ود الباوقة
نهارك سعيد
البوست (((متزمزق )))
لا تعليق
للجابري الله يرحموا غني زمان
حد يشعر بالسعادة يمشي يختار البعاد
حكمة والله وحكاية تشغل أذهان العباد
------------------------------------------------------------
_ إهداء خاص لسودانيين بره المتضجرين الخالاين كل السعادة دي ولافين في بلاد الله _
|
Post: #50
Title: Re: 80 % من السودانيين يشعرون بالسعادة في حياتهم ..........
Author: معاوية الأرباب
Date: 10-12-2010, 10:05 AM
Parent: #47
الحمدلله الذي لايحمد على مكروه سواه.
|
Post: #74
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 07:17 PM
Parent: #50
شكرا الارباب ............
|
Post: #51
Title: Re: 80 % من السودانيين يشعرون بالسعادة في حياتهم ..........
Author: Ashraf el-Halabi
Date: 10-12-2010, 10:07 AM
Parent: #47
| Quote: ود الباوقة مصدر دراستك دي لو سمحت |
على قول خالك يا حاتم:
"ياتو دراسة؟" لوووووول!
شوف يا هندسة: شغل زي دا ما فيهو عزل ونقاوة!
قالوا ليك "في دراسة ثبت" يعني في دراسة ثبت
مصدر الدراسة وحركات المهندسين دي ما بتنفع،
تشيل القسمتا ليك الدراسة وتحمد ربك زي الحمدوهو في (الدراسة الدراشة دي) وتقطع وشك
قال مصدر!!!
(مصدر) بتاع فنيلتك!!؟
|
Post: #61
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-12-2010, 04:45 PM
Parent: #47
| Quote: إهداء خاص لسودانيين بره المتضجرين الخالاين كل السعادة دي ولافين في بلاد الله _ |
صديقنا الخطيب
السعادة هي مسالة نفسية اكثر من كونها تتطلعات
لتحقيق رغبات ...
هس عليك الله انت مرات مش بتعمل ( بوش ) وبعده
تقول والله الليلة العشوة كانت تمام
ومرات تضرب المشاوي وتكون عادية بالنسبة لك ......
|
Post: #49
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-12-2010, 09:55 AM
Parent: #24
| Quote: انا بس عارف ود الباوقة دمو بفور متين ؟؟ |
ود عمي
نحن بنفور بس ما بنندلق ........
|
Post: #52
Title: Re: 80 % من السودانيين يشعرون بالسعادة في حياتهم ..........
Author: بابكر عثمان مكي
Date: 10-12-2010, 10:29 AM
Parent: #49
السعادة هي فائض المتعة علي الالم .
جان جاك روسو
هل يعقل ان تكون المتعة في هذا السودان بواقعه المعيشي البائس
فائضة عن الالم
لا أظن .. سأقيس علي من هم خارج السودان بافتراض انهم غير موجودين
ولا برسلو لاهاليهم شهريا وطارئيا تري كم سيكون حجم الالم .
ياود الباوقة .. قول للزول العمل الدراسة دي يقوم يلف
معظم تلك السعادة التي تزعم علي حساب الم آخر واحتراق اشخاص
بسبب حكومة لاتعرف كيف تقدمت الامم في خدمة مجتمعاتها
وايصالهم للرفاهية
|
Post: #53
Title: Re: 80 % من السودانيين يشعرون بالسعادة في حياتهم ..........
Author: محمد حيدر المشرف
Date: 10-12-2010, 11:18 AM
Parent: #52
| Quote: جابر على جابر من بطن امه للمقابر |
|
Post: #55
Title: Re: 80 % من السودانيين يشعرون بالسعادة في حياتهم ..........
Author: فدوى الشريف
Date: 10-12-2010, 12:46 PM
Parent: #53
ودالباوقه
تحياتي
السودانيين بطبعهم (قنوعين) بقسمة الله
وهذا هو أهم أسباب سعادتهم
|
Post: #56
Title: Re: 80 % من السودانيين يشعرون بالسعادة في حياتهم ..........
Author: Deng
Date: 10-12-2010, 12:56 PM
Parent: #55
Quote: ودالباوقه
تحياتي
السودانيين بطبعهم (قنوعين) بقسمة الله
وهذا هو أهم أسباب سعادتهم |
فدوى الشريف.
بعد كل الذي قامت به حكومتكم في السودان جايين الان تتحدثون عن سعادة الشعب؟
أمركم عجيب
|
Post: #57
Title: Re: 80 % من السودانيين يشعرون بالسعادة في حياتهم ..........
Author: خضر الطيب
Date: 10-12-2010, 01:03 PM
Parent: #55
انت مثير للشفقه ياود الباوقه
ربنا يكون في عونك ويفتح بصيرتك وبصرك
ودا ماشي ساهل بالنسبه لزول ماشي في السكه دي
سكة الولاء الاعمي والدوس على القيم والمثل والاخلاق الاسلاميه الحقه
مش ذي اسلام ناسك ديل , ديل ماعندهم دين على الاطلاق
لوسمحت ممكن ترسل لينا الدراسه دي هنا
لو اصلا في دراسه من اساسو ؟
والا تكون كذاب اشر ومسترزق ليس الا
|
Post: #58
Title: Re: 80 % من السودانيين يشعرون بالسعادة في حياتهم ..........
Author: osama fadlalla
Date: 10-12-2010, 01:57 PM
Parent: #57
غايتو كان الدراسة دي حقيقية يكون:
........واخو الجهالة في الشقاوة ينعم
ده اصدق بيت شعر قيل على الاطلاق
|
Post: #59
Title: Re: 80 % من السودانيين يشعرون بالسعادة في حياتهم ..........
Author: د.محمد بابكر
Date: 10-12-2010, 02:08 PM
Parent: #58
ود الباوقه ازيك
تعرف مطموسى دى ذكرتنى (ترعتى) كنانه والرهد... متذكرم ولا نسيت ؟؟شايف ما فى ليهم سيره الزمن ده....
|
Post: #62
Title: Re: 80 % من السودانيين يشعرون بالسعادة في حياتهم ..........
Author: عبد اللطيف بكري أحمد
Date: 10-12-2010, 05:13 PM
Parent: #59
قال البشاري سائلاً ود الباوقة عن ال 80% من الشعب السوداني الذين وصفهم بالسعادة:
Quote:
يا زول انت جادي أظن السألوهم ديل كلهم مؤتمر وطني |
رد ود الباوقة :
Quote:
البشاري ..
تصدق ديل ما فيهم واحد مؤتمر وطني....... |
.....
ود الباوقة يثبت أن 20% فقط من الشعب السوداني هم المؤتمر الوطني
وكلهم يشعرون بعدم السعادة!!!!
بعد دا؟؟؟
هههههههههههه،،
سلام ياعمر،،
|
Post: #65
Title: Re: 80 % من السودانيين يشعرون بالسعادة في حياتهم ..........
Author: BitAlhana
Date: 10-13-2010, 00:00 AM
Parent: #63
انا غايتو فهمت المصطلحات دي:
8% : نسبة مئوية .... و في الغالب بيجيبوا عينات عشوائية يبنوا عليها
من : حرف جر
السودانيين : شعب السودان
يشعرون: يحسون
الباء :حرف جر
في :حرف جر
حياتهم: من بطون امهاتم و الى لحظه استطلاع الدراسة
المافهمته مصطلح
السعاده
كسره:
احلى حاجه في البوست ده
ود القاضي
و قوة احتمال ود الباوقه
اصله ما اتوتر ..... يا ربي دي السعاده؟
ما علينا
كان ما سعدتو هنا يا خوانا اكيد ربنا ح يسعدنا في الاخره
و في ناس كدي ما معانا
ود الباوقة الله يسعدك في الدارين زي ما اسعدتنا بي الدراسه دي قول امين
|
Post: #69
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 05:53 AM
Parent: #65
بعدين السعادة دي نفسها خشم بيوت
هس مثلا خالتو تراجي تكون في اعلى سقف سعادي
وهي ( متصورة ) مع اوباما
وكذلك اخونا محمد المكي عندما يكون في صورة
تذكارية ممسكا بيد اوكامبو
يعني في الساعة ديك لو جيت وقلت ليه
ناس دارفور في ورطة ممكن عادي يقول ليك
ان شاء الله يعدمو نفاخ النار لانو بكون في اخر
درجات السعادة التي ربما لو زادت عنده قليلا
لدخل في غيبوبة
كمان دا نوع خطير جدا من السعادة اطلق عليها
في الدراسة ( السعادة الدهنسية المحلسية )
التعديل لوضع القوسين في دهنسية ومحلسية
|
Post: #72
Title: Re: 80 % من السودانيين يشعرون بالسعادة في حياتهم ..........
Author: عبد الناصر الخطيب
Date: 10-13-2010, 08:03 AM
Parent: #69
صاحبنا ود الباوقة
صباحك زين
Quote: هس عليك الله انت مرات مش بتعمل ( بوش ) وبعده
تقول والله الليلة العشوة كانت تمام |
زي عشوتي امبارح بفته العدس بالجبنة
ياخي الحمد لله الرضا حاصل
بس المفهوم بتاع الدراسة مختلف , الدراسة عوزة تقول الشعب السوداني سعيد
رغم الحاصل عليهوا من 1989 وبرضوا سعيد ...
يجوك وأحدين يقولوا السعادة في الرضا بالقليل
أتخيل الكلام ده في بلد إستهلاكي من الطراز الاول
فيهوا ناسكم راكبين أفخر حديد وساكنين افخم قصور
واكلهم وشرابهم مستورد من بره
قول رضينا بالقليل في ذمتك يا ود الباوقة خلتوا للناس قليل
وأنتوا حتى ستات الشاى مقاسمنهم رزقهم
ياخي عندي زول معرفة سوداني شاب لذيذ في الدمام
جاى جديد لنج كان في السودان سائق حافلة ثم أتضيقت شوية وبقت ركشة
والله تسمع حكاويهوا صحي بنموت من الضحك على الحال
بس لما تفك السكرة وتجي الفكرة
والله يا ود الباوقة الواحد بتحسر على حال البلد
فمع أحترامي ليك ولكل دراساتك
حته 80% حاسين بس السعادة دي ياخي صعب تتصدق
خلو لينا القليل بنرضي بي وبنكون غاية في السعادة بس البقنعكم منو
وليك اطيب تحية
|
Post: #84
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-14-2010, 09:26 AM
Parent: #57
.
|
Post: #78
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 08:18 PM
Parent: #55
Quote: السودانيين بطبعهم (قنوعين) بقسمة الله
وهذا هو أهم أسباب سعادتهم |
اختنا فدوى
عشان كدا تكمن سعادتهم
صبروا على الوضع الصعب في سنين الانقاذ الاولى
وكانوا سعداء
وازدات سعادتهم بانتخابهم للمشير عمر البشير
رئيسا للسودان لانه هو الوحيد الذي استطاع
ان يلبي طموحاتهم وتطلعاتهم نحو غد واعد باذن الله
شكرا فدوى 000
|
Post: #73
Title: Re: 80 % من السودانيين يشعرون بالسعادة في حياتهم ..........
Author: ود الباوقة
Date: 10-13-2010, 08:33 AM
Parent: #52
| Quote: السعادة هي فائض المتعة علي الالم . |
يا اخوي نحن في 2010
تقول لي جان جاك روسو
|
Post: #75
Title: Re: 80 % من السودانيين يشعرون بالسعادة في حياتهم ..........
Author: Dr. Ahmed Amin
Date: 10-13-2010, 07:39 PM
Parent: #73
ود الباوقة
تحية طيبة وبعد ,,
ياخي ده إستبيان محبط وغير دقيق
أعتقد بأن النسبة أعلى من كده ..
معقولة بث ؟؟؟
|
Post: #76
Title: Re: 80 % من السودانيين يشعرون بالسعادة في حياتهم ..........
Author: khalid abuahmed
Date: 10-13-2010, 07:43 PM
Parent: #75
Quote: انت مثير للشفقه ياود الباوقه
ربنا يكون في عونك ويفتح بصيرتك وبصرك
ودا ماشي ساهل بالنسبه لزول ماشي في السكه دي
سكة الولاء الاعمي والدوس على القيم والمثل والاخلاق الاسلاميه الحقه
مش ذي اسلام ناسك ديل , ديل ماعندهم دين على الاطلاق
لوسمحت ممكن ترسل لينا الدراسه دي هنا
لو اصلا في دراسه من اساسو ؟
والا تكون كذاب اشر ومسترزق ليس الا |
|
Post: #77
Title: Re: 80 % من السودانيين يشعرون بالسعادة في حياتهم ..........
Author: Alshafea Ibrahim
Date: 10-13-2010, 08:06 PM
Parent: #76
ود الباوقة
انت صاحبي وانا قلت ليهم الزول ده صاحبي
مدير الجمارك وأنت حضور ومعاك الكام قال ما قال
لكن الشيء المثير الفول والزيوت .. وأنا أضيف واذكركم بالقمح ، والأقمشة ، والكهربايئة ، والإكترونات ، والأدوية ، المعجون ، الصابون ، الجلود ، المنسوجات القطنية ، النبق ، الدوم ، القضيم ، والمدرسية ، عييييييييييييك كلو من بره ، السؤال
نأكل مما نزرع ، ونلبس مما نصع وين ؟
الدولار بكم يادوالباوقة ؟
أين تعالجعون مرضاكم يا ناس الباوقة وأنتم أهل الشيء ذاتو ( سلطة وجاه وثروة ) ؟؟
يازول توب واستغفر وارجع وانسى اللا وطني
الشفيع بالدمام
|
Post: #79
Title: Re: 80 % من السودانيين يشعرون بالسعادة في حياتهم ..........
Author: خدر
Date: 10-13-2010, 08:31 PM
Parent: #77
:)
والله يا ودالباوقة في ناس في المنبر ده كان لموا فيك في ركن مطرف
والله إلا يطهروك 
|
Post: #80
Title: Re: 80 % من السودانيين يشعرون بالسعادة في حياتهم ..........
Author: د.محمد حسن
Date: 10-13-2010, 08:42 PM
Parent: #79
كدة نشوف راي الحكومة ست الشي ذاتو شنو في اسعد خلق الله
Quote: الجهاز المركزي للاحصاء:
46.5%من سكان الشمال تحتخط الفقر
والاستهلاك الشهري للفرد 148 جنيه |
ديل ناس الشمال بس 46.5% تحت خط الفقر
طيب الفي خط الفقر كم
والفوق خط الفقر كم
وياترى ناس دارفور كم في المية منهم تحت خط الفقر
وناس الشرق
يا ترى كم في المية منهم تحت خط الفقر
ناس الجنوب انتو فصلتوهم ما ممعدودين
ود الباوقة
شكلو جيبك بدا يكبر
|
Post: #81
Title: Re: 80 % من السودانيين يشعرون بالسعادة في حياتهم ..........
Author: هند محمد
Date: 10-13-2010, 09:18 PM
Parent: #80
سعادة بوين مع النزلات المعوية من تلوث المياه في كل بيت
ده الاسعادة مرت جارنا توفيق
ثم انتو كيف درستموهم ولايعلم ماتخفي الصدور الا جل جلاله
مش السعادة دي احساس قلب ..ياربي رصدتوها كيف
ياخي السعادة بقت وهم
|
Post: #82
Title: Re: 80 % من السودانيين يشعرون بالسعادة في حياتهم ..........
Author: Nazik Eltayeb
Date: 10-13-2010, 09:44 PM
Parent: #81
سعيدين كيف يعني؟؟اسي في زمتك دي الزول البشوف رئيسو برقص زي الرقيص ال في بروفايلك دا بكون مطمئن على مستقبلو عشان يكون سعيد؟؟
دا قلق ما بعدو قلق
شوية وقار لوسمحت
|
Post: #83
Title: Re: 80 % من السودانيين يشعرون بالسعادة في حياتهم ..........
Author: Ashraf el-Halabi
Date: 10-13-2010, 10:59 PM
Parent: #82
ما في شيء مزعلني قدر سؤال حاتم e عن "مصدر الدراسة"!!
أفرض إتعملت قدام جزارة
أو قدام دكان الخضرجي
أو قول قاموا بيها أطفال حضانة التوحيد والنور
إنت خسران شنو؟
ياخ ما تحمد ربك إنو أصلاً في جهة اهتمت بيك وخسرت فيك درسة وط ايفر كان مصدرها!!!
الحسنة في المعارضين زي الشرا في القندول
|
Post: #85
Title: Re: 80 % من السودانيين يشعرون بالسعادة في حياتهم ..........
Author: طارق ميرغني
Date: 10-14-2010, 09:43 AM
Parent: #83
يا ود الباوقه
تمام والحمد لله دي بيقولا السوداني حت ولو ما عندو قوت يومو
ولا تعني باي حال من الاحوال انها السعادة بعينها
والتمانين في الميه ديل سعادتهم الا تكون في الغنا
زي ناس :
السعاده ما بالايد وانا حبي ليكي شديد
او نور السعاده الليله ضوا ليك يا العروس ومبروك عليك
|
Post: #86
Title: Re: 80 % من السودانيين يشعرون بالسعادة في حياتهم ..........
Author: Nazik Eltayeb
Date: 10-14-2010, 01:29 PM
Parent: #85
فووق
لتسهيل البلع
|
Post: #87
Title: Re: 80 % من السودانيين يشعرون بالسعادة في حياتهم ..........
Author: Al-Shaygi
Date: 10-14-2010, 05:42 PM
Parent: #86
Quote:
80% من السودانيين يشعرون بالسعادة في حياتهم ..........
|
واحد بلدياتنا طالع من تحت (الجناين والبحر) وحالته شلش سرواله مقدود وعراقيهو مهلهل وسفنجتو مربطة بالدلاقين وواحدي نص كعبها طاير وباقي قدمو فوق التراب ساي،،، وشايل كوليقة القش للغنم فوق ضهره لأنه ما عنده حتى حمار يشيل فوقو...
في الطريق مر بالخلوة ولقى الناس تمو الصلاة وقاعدين والإمام بيوعظ فيهم..
جدع القش في الواطة ووقف في طرف البرش صلى المغرب الفاتو وكان قبل ما يجي طالع أتوضأ في جدول الوابور...
بعد الصلاة جلس يستمع للوعظ...
بعد شوية سمع الإمام يقول: وإن الله يعدكم جنة عرضها السماوات والأرض أعدت ..... ،،،، وخفق يعدد النعيم والمتع في الجنة،، ويصف عنبها وتفاحها وبنات حورها....(ألهم أوعدنا)...
صاحبنا قام على حيلو ووهيع يا أبو مروة رفع قشو فوق ضهره وقبل ماشي ...
الجماعة إنتبهو لمغادرته فنادوه ليكمل الإستماع...
فإلتف عليهم دون أن يتوقف قائلاً
الوزل لامن ينضم ،،، ينضم في المعقول....
فبالله يا ود الباوقة مرة واحدة في حياتك أنضم في المعقول....
ما ممكن تهرينا طول الوقت....
أصلحك الله...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #88
Title: Re: 80 % من السودانيين يشعرون بالسعادة في حياتهم ..........
Author: فايزودالقاضي
Date: 10-16-2010, 07:56 AM
Parent: #87
البشاري قال :
| Quote: يا زول انت جادي أظن السألوهم ديل كلهم مؤتمر وطني |
ود الباوقة رد عليهو :
| Quote: تصدق ديل ما فيهم واحد مؤتمر وطني....... |
طيب ياود الباوقه : وكت الــ 80% مامؤتمر وطني الانتخابات دي مامزورة كيف ؟!!!
|
|