دعوة للتعصب الرياضي..إنضم إلينا

أبداً ما مقتنع بي قصة نبذ التعصب والرياضة تسامح ومحبة وإخاء ونرجو ان يلتف الناس حول فريق عندما يلعب بإسم الوطن و و و و و ..
احب جداً وأستمتع جداً بالتعصب الرياضي ..وأساساً أساساً لو ماف تعصب رياضي ماف رياضة وتنافس من أصله..
ماف حاجة إسمها فالنسمو بخلافاتنا ولنجلس ونلتف حول الفريق الذي يلعب ويمثلنا في البطولات الخارجية ..
التعصب الرياضي مطلوب وبقوة كمان ..
عن نفسي اتعصب لفريق الهلال ولا يوجد في قاموسي ما يسمى الوقوف خلف ما يسمى بالمريخ من أجل انه يمثل الوطن ..
المريخ عندي هو المريخ لاعب مع جزيرة الفيل لاعب مع ام صفقاً عراض لاعب مع الصفاقسي لاعب مع الوحدات ..
وكمان من حق جمهور المريخ يشوف الهلال بي الطريقة العاجباهو ..
وكمان من حق اي صحفي يكتب كلامه ويدعو للعصبية أو يشعلل ليها وانا شخصيا مستمتع جدا بالقصة دي ..
فبالله ماف زول يجي يشبكنا دعونا نحارب العصبية وهم سبب التعصب الرياضي وانهم و و و ..
أجمل وأروع مشهد استحضرته كان في الموسم الماضي في الدوري الايطالي ومباراة لاتسيو وروما ومدى الكراهية بين جمهور الناديين ..
نعم ضرب جمهور لاتسيو أروع الأمثال للفهم الرياضي بدون تغليف وتجميل ..
كان روما ينافس انترميلان على الدوري والفارق نقطتين تقريبا وباقي تلاتة مباريات ..
كان لاتسيو مهدد بالهبوط وفي المنطقة الخطرة ويحتل مراتب متأخرة وأي خسارة أو تعادل تهبط به للدرجة التانية ..
كان أمل روما في أن يعطل لاتسيو الإنتر وفي المباراة التي جمعت إنترميلان بلاتسيو (بملعب لاتسيو) إحتشد جمهور لاتسيو وملأ مدرجات الملعب ولكن لماذا؟؟
إحتشدوا لتشجيع الإنتر ..
هتفو ضد أي لاعب من لاتسيو حاول التسديد في مرمى الانتر وصفروا صفارات الاستهجان ..
عندما أحرز الإنتر هدفه الأول هاج جمهور لاتسيو وماج ونططو لممممن الله غفر ليهم وتحاضنو وتعانقوا ..
لما الإنتر جاب التاني جمهور لاتسيو ارتااااح وتنفس الصعداء ..
النتيجة دي كانت ح تودي لاتسيو التوووج ولا دوري اضواء ولا يحزنون ..
لكنهم كتبوا يافطات كبيييرة وقالوا.
نهبط للتانية ما مشكلة بس روما ده ما يشيل كأس الدوري..

ومن يومها وانا بحترم جمهور لاتسيو ..
دي الرياضة كده ..عرفناها كده وحبيناها كده ..
عن نفسي استمتع بخسارة المريخ اكتر من سعادتي بفوز الهلال ..
فبالله خلونا في تعصبنا ده ..
السبب البيخليني اشجع المريخ شنو في مباراة خارجية ؟
طيب ما اشجعو داخليا لو انا اصلا بستحمل اشجعو خارجيا ..
مش ياهم نفس اللعيبة ؟
مش ياها نفس الالوان الأحمر والأصفر؟

لا والله شكراً ..
أسفين ..
فدعونا من هذا المنبر ندعو للتعصب وانا جادي جدا في الموضوع ده (يعني ما ضحك وونسة ونقة منبر)..
دعونا نشجع على التعصب الرياضي وبكل أساليبه ..
لا لتعقيل المشجع الرياضي..
ولا لترويق الجو المشحون بين جمهور الفرق..
ياخ انتو ما بتخشو دار الرياضة ؟
كدي امشو احضروا كورة بين بيت المال والصبابي ..
حولااااااااا..
متتتتعة التعصب والله ..
بحري تفوز على امدرمان ؟؟؟
ويييين الكلام ده ؟؟
دم حدو الركب ..
ياخ احضر ابكدوك ضد حي الضباط..
ابعنجة ضد قلب الاسد ..
ابروف ضد ودنوباوي ..
ده الموت الأحمر وقمة التعصب الجميل..
هي دعوة للتعصب فبالله ما تزحمونا بي قصة تعالوا نتوحد وتعالوا لميثاق وتعالوا نروق المنقة ..

كانت عا########ي جداً قصة ما بنطير برانا واجمل ما فيها إنها كانت دافع للهلال يمشي ويطيروا براااهم ..

عمنا المرحوم عتيق سكرتير نادي ابو عنجة كان نموذج للتعصب الرياضي الممتع ..
علي بحلجة ونادر كتكوت من ابناء نادي ابوعنجة لكن بيدربوا فرق امدرمانية تانية فكان لما الفريق البيدربو واحد منهم بنضرب عتيق ما بيجي يقول ليك التاج مغلوب او الاحرار مغلوب لالالا ..
بيجيك برااااحا كده ويقول ليك :
صاحبك كتكوت الليلة مضروب تلاااتة ..
بحلجة ادوهو خمسسسة ..


الله يرحمك يا عتيق ياخ ..

يا فاروق كان بقت على التشجيع ضد الخصم وتمني هزيمته ما مشكلة
المشكلة في النبذ و الشتايم والنعوت الجارحة و المهينة
ياخي وصلت لدرجة الدعاء و التضرع للمولي بالخسف وسقوط الطيارات
معقولة ياخ

Quote: ياخي وصلت لدرجة الدعاء و التضرع للمولي بالخسف وسقوط الطيارات معقولة ياخ

.. والله يا ود البشرى لما قريت الكلام المكتوب دا .. بطني طمت من حاجة اسمها جماهير المريخ .. المشكلة واحد زي دا بيتحسب على البقية كلها .. والأبيخ من كدا إدارة الموقع مخليه الكلام دا قاعد يشوفو اي زول والاكتر بياخه .. الكم واحد الفاكنهم هنا ديل وبيرددو في نفس الكلام بي طريقة تخليك فعلا .. تبادلم نفس المودة الببادلوك ليها ..
..
يا عمـر ياريت النوعية دي كان بتعرف تشجع زي المرحوم عتيق فتح الله أو على اقل تقدير كانت بتفهم كورة زي المرحوم عتيق .. لكن دي جابت ليها وقعان طيارات ودعوات وتهجد وعروق محبة ..

الاخ عمر الفاروق
مسكاقمي
انت كنت مختفي فين وجيت ظهرت
كنت مسجل غياب ليه
صدقني يا عمر الفاروق بتفق معاك فيما يخص الجزء الأول أن تتعصب لتشجيع فريقك داخلياً ولكن خارجياً اظن ما يعقل ان نتعصب ونظهر التعصب في لقاء الفريق الآخر في مباراة خارجية
يعني داخلياً اتعصب وخارجياً خليك عاقل

لك تحياتي

Quote: ان نتعصب ونظهر التعصب في لقاء الفريق الآخر في مباراة خارجية يعني داخلياً اتعصب وخارجياً خليك عاقل

..

جبتها من آخرها ياعمر الفاروق
هذا هو المفروض يحصل
تعصب لناديك

لكن هل تصدق انو انا لمن يكون المريخ لاعب مع المصريين
او مع شمال افريقيا بشجعوا لأنو ديل تهكمهم فينااكثر
من حركات البطيخاب فينا ولكن جماعتك ديل بيجيبونا الواطة
وبسودوا وشنا.

الصادق

سلامات يا عمر الفاروق
زمان ( زمان جدا) كنت متعصبة جدا في تشجيع الهلال.
كنت ما بمشي المدرسة لما الهلال يتغلب. لان صحباتي ح يكاوني و لان سواق الترحيل بتاعنا كان برضو هلالابي مجنون. و كان بيكون حردان في بينتم برضو. اي زول في بحري كان بيعرف الحافلة دي..( في التسعينات) حافلة مكتوب فيها من الخلف (كاريكا)
كنت بشهري الدار لما كانت الدار رياضية بي. و كنت بستني عالم الرياضة علي نار عشان اعرف الهلال عامل شنو في الدوريات الدرجة الاولي.
كان اسعد يوم في حياتي لما ألاقي واحد من لعيبة الهلال في الشارع. لأننا ساكنين في بحري و بيت اللعيبة كان قريب مننا.
تنقا و كاريكا كانوا اهم ناس في الدنيا.
التعصب في الكورة ده حكاية صعبة جدا. كل يوم زعلانة او داكه المدرسة او حتي مدبرسة ساي. حب الكورة السودانية ذي انك تحب ليك زول كل يوم ببيديك شاكوش و انت تاني يوم بترجع تاني لنفس الزول .لما كاريكا سجل للمريخ صدمتي كانت قوية جدا. لدرجة أني اعتزلت الكورة نهايي.
الان لما ابحت أوراقي القديمة و اشوف صور و جوابات( قصدي قصاصات مواضيع الجرائد القديمة) بتاعة الهلال. بحس بالحنين من الاول. لكن بقول لروحي يا بنت يااسمارت ما في داعي. خلينا اصحاب احسن. التعصب ما كويس.

 

في واحد في الموردة يا عمر .. أخو لاعب كان في الموردة توفى ..(بتعرفم كلهم).. بدون اسماء ..
دا كان عندو كـــلب صاحبو جدا وما بيتفارقو .. زي الكلــلب حق المرحوم عتيق ..
طبعا الموردة فيها أجمل تعصب لنادي الموردة وللتشجيع .. لدرجة إنو عمك المحينة قالي قبل كدا علي بالطلاق لو لقيتك بتلعب في حتة تانية غير الموردة بكسر ليك رجلك .. وطلال (نجكو) قال ما بيصوم رمضان إلا يطلع (هلــب في السماء) بدل الهلال ..
وطبعا عارف شكل التراشق بين مشجعين الموردة والهلال وقصة وليد طاشين الشهيرة بعد قونو في الموردة ..
صاحبنـا سيد الكلــب عصبي جدا .. وحساسيتو عالية جدا جدا تجاه الموردة ..
مرة ماشي في سوق الموردة والكـ...لب ماشي وراهــو .. والكلام دا بعد مباراة للموردة مع الهلال مضروبة فيها الموردة .. والجو مكهرب ما تقدر تقول اي حاجة في الحلــة .. .. قام واحد من الجماعة صاح ليهو يا فــلان .. ياخ كلــب..ــك دا مالو بشبه كـ...ــلاب ناس الهلال ..؟
قام صاحبنا طوالي صرف ليهو أول حاجة .. لانو سيرة الهلال جات ..
وقام مسك الكـ..لب المسكين من رقبتو .. وخنقــو لمن الكــ...لب زبد .. قاليهو:
والله كـ..لبــي دا (يشجع الهــلال أنا أطعنو)

اذا مافي تعصب وانتماء مافي كورة
سبب واحد يخلي ناس المريخ يشجعوا الهلال مافي
معقول يشجعوهم عشان مايحصلوا اجازاتهم وكاساتهم المحموله جوا
يعني اذا هذا حصل كيف تكون هناك حرب نفسية للخصم وهذا في حد زاته جزء من اللعبة
ومن حقكم ياعمر الفاروق لاتشجعوا المريخ لو لاعبين مع نادي الشاطي ( مغص مغص يالصهاينة بس تموتوا مغص )
.
.

تمبس

Quote: وقام مسك الكـ..لب المسكين من رقبتو .. وخنقــو لمن الكــ...لب زبد .. قاليهو: والله كـ..لبــي دا (يشجع الهــلال أنا أطعنو)

هههههه
ياخي بالغت

التعصب الزي كلامكـ دا يا عمر حبابو ألف
لكن الحاصل اليومين ديل نقول عليهو شنو؟

انا متعصب اذا انا موجود

ياخى يوم الجماعة اخدوا

سبعة من الوحدات كان اسعد

يوم فى حياتى وغاااااااااااغ

عمر الفاروق

اتفق معك تماماً مافي حاجة أسمها خارجياً ولايحزنون

والجماعة ديل لو لاعبين مع ...... برضو بنقيف ضدهم

وسجلنا بالله معاك في جمعية التعصب الرياضي بس فرع الهلال

وبرضو ماعايزين تكون جمعية مشتركة..

الرشاشات.. الصفراب.. ناس الزريبة.... وشنو كدا ما عارف


سلام

لما غلبكم تجيبوا كاس..
لما غلبكم ترتقوا لمصاف الصفوة..
لا لعب زينا
لا استاد مثل المفخرة
ولا جمهور مميز زي الصفوة..

تعصب.. تتعصب.. متعصب... أحلى شئ..


تحياتي

عمر الفاروق .... سلامات


إلا دا ممنوع

دا تعصب جميل ومضحك


ودي هنا اللاعب ينفعل ويتفاعل مع الجمهور وتعصبة

شوية تعصب بتاع اخوان كدة

ولسع الفسلة حاصلة وبقاسي الالم

مع الاعتذار لحبيبو زيدان ابراهيم

Quote: لفريق عبد الله يستنكر سلوك النفطي ومرابط ويحولهما إلى التحقيق علمت الصدى أن الفريق عبد الله حسن عيسى رئيس المريخ المكلف أمر بالتحقيق مع التونسيين عبد الكريم النفطي وهيثم مرابط لاعبي فريق المريخ بسبب امتناعهما عن أداء تدريب أمس الأول مع الفريق بادعاء أن لهما متأخرات على النادي، وأخطر اللاعبان مدرب الفريق أنهم تغيبا عن التدريب للسبب المذكور، فرفض اعتذارهما وقال إنه غير معني بأمر الحقوق المالية. من جهته أكد الفريق عبد الله إنهم يرفضون مثل هذه السلوكيات، لا سيما وأن اللاعبين المذكورين نالا معظم مستحقاتهما، وليس هناك ما يبرر امتناعهما عن أداء التدريبات، وأوضح أن المجلس سيحقق معهما لمعرفة دوافع هذا التصرف الغريب، مؤكداً أن المريخ لا يقبل التعامل مع اللاعبين كنقابة، وأضاف: نحن ملتزمون بدفع حقوق اللاعبين كاملة، لكننا لن نستجيب لأي ضغوط ولن نتسامح مع أي لاعب يخرق الانضباط ويتغيب عن التدريبات، سبق للنفطي أن احتج على استبداله في مباراة المريخ مع حي العرب بورتسودان وتصرف بصورة غير مقبولة وعاقبناه بالخصم من المرتب وتصرفه الأخير سيجعله عرضةً لعقوبة مضاعفة.

تعصبوا تعصبوا...
كل شئ إلا المريخ!!!!!!

سلامات يا تمبس وعمر ...

اتمنى ان تكونوا بخير...


انا متعصب جدا وبشجع داخليا حى العرب بورتسودان وابو حشيش...


وهمة العتصب دى خلونا منها ...
اصلا نحن كلنا متعصبيين فى التشجيع...

Quote: أبداً ما مقتنع بي قصة نبذ التعصب والرياضة تسامح ومحبة وإخاء ونرجو ان يلتف الناس حول فريق عندما يلعب بإسم الوطن و و و و و ..

ده كلام فاااااارغ مافي حاجة اسمها وطنية في تشجيع الاندية.. وحتى الفريق القومي لو غالب والاقوان جابوهن هلالاب ما بكون فرحان ولو غالب اتنين وواحد جابو مريخابي وواحد هلالابي باعتبر المنتخب غالب واحد بي قون المريخابي .. ولو الهلال لاعب مع اسرائيل انا شارون عديييل كده.
اكتر اربعة حاجات بكرهم ( الهلال - ملاح الخدرة - السقط - الهلال)

Quote: اكتر اربعة حاجات بكرهم ( الهلال - ملاح الخدرة - السقط - الهلال)

يا سلام عليك يا الجمري,,

استبسل لاعبو المريخ في كوماسي بمساعدة مقبولة من بعض لاعبي الهلال فخرج منتخبنا بنقطة ثمينة جعلته يتربع
على عرش مجموعته .
مبروك سودان المريخ
شكرا بعض لاعبي الهلال .

شكرا مدرب المريخ العظيم محمد عبد الله مازدا.

Quote: استبسل لاعبو المريخ في كوماسي بمساعدة مقبولة من بعض لاعبي الهلال فخرج منتخبنا بنقطة ثمينة جعلته يتربع على عرش مجموعته . مبروك سودان المريخ شكرا بعض لاعبي الهلال .

ده خواء وعدم فهم للكوره

كل من لبس شعار الوطن فهو يمثل الوطن

بالرغم من غلبه لاعبي الهلال في المنتخب

وهم بالترتيب المعز ومساوي وخليفه وعلاء الدين وعمر بخيت ومهند وكاريكا

ومن ثم دخل بشه بديلاً لقلق ليصبح شكل المنتخب كفريق الهلال بالإضافه لبله جابر وراجي

لكن كل ذلك لا يدعو للحديث عن إن لاعبي الهلال هم من حققوا هذا التعادل

إرتفع يا صديقي لمستوى الحدث

بالمناسبه لو لعب المريخ ضد اي فريق يخطر على بالك ستجدني أشجع ذاك الفريق وأتمنى هزيمه نجمه المسالمه فريق سيده فرح

Quote: إرتفع يا صديقي لمستوى الحدث

عمران

المشكله إنه مرمي الله ما بيترفع

الناس تقول مبروك للسودان وأخينا هنا يجرنا لمعترك هلال مريخ

العجله على شنو ؟؟؟ ما عارف المريخاب ديل مستعجلين على المكاوه فوق كم ؟؟

فريق بينافس جوه وبره وفريق عنده نقابه بتاعت لاعبين توانسه عاملين إضراب

المنهم يجلي القصه دي وما دام نحن سبيناهم في حالهم يعملوا فيها رايحين

اذا كانت هي الرياضه ، فلا للتعصب الأعمى
واذا كانت شي اخر فانتم وشانئكم..

اما الوطن العيون فخارج كل قبح وصغائر..

حبابنا سوا رياضه.

Quote: ده خواء وعدم فهم للكوره[/QOTE يا سيد فدياس انا اجاري عنوان البوست واعرف ان الاخ عمرالفاروق يقصد به بعض المهاترات والمناكفات وانا لي اكتر من اربع سنوات في المنبر ده لم اسيء لاحد قط فيه طيلة هذه المدة فلا تتجرأ علي بوصفي بالخواء وخلينا نحترم بعضنا والكورة البعرفها انا ممكن اقعدك واديك فيها دروس .. وبعدين انا ما جريتك لمعترك هلال مريخ اصلا البوست هلال مريخ وتعصب اعمى ليهم الاتنين وممكن تمشي تشوف البوستات الخاصة بمباراة السودان وغانا وحا تلقى مداخلاتي فيها لا تخرج عن الموضوع . اكرر خلينا محترمين احسن

---

Post: #29 Title: Re: دعوة للتعصب الرياضي..إنضم إلينا Author: امير عوض الجمري Date: 10-10-2010, 09:46 PM Parent: #28 Quote: المشكله إنه مرمي الله ما بيترفع دي برضو بكرر ليك فيها دعوتي لاحترام نفسنا يااا فدياس انت ومن ايدك..

---

Post: #30 Title: Re: دعوة للتعصب الرياضي..إنضم إلينا Author: بابكر التوم Date: 10-11-2010, 05:08 AM Parent: #29 فدياس ... Quote: وخلينا نحترم بعضنا والكورة البعرفها انا ممكن اقعدك واديك فيها دروس .. وانا اشهد أمير الجمرى من أحرف اللاعبين الذين شاهدتهم فى حياتى وفعلا مابتدى حريف ... وكلام امير دا تاكيد على فكرة عمر الفاروق جماليات كرة القدم فى التعصب الجميل (فى ظاهرة دعابة وبالدواخل جد الجد

---

Post: #31 Title: Re: دعوة للتعصب الرياضي..إنضم إلينا Author: Hassan Senada Date: 10-11-2010, 05:24 AM Parent: #30 وانا لو الهلال لعب ضد فريق اسرائيلى بشجع الفريق الاسرائيلى

---

Post: #32 Title: Re: دعوة للتعصب الرياضي..إنضم إلينا Author: امير عوض الجمري Date: 10-11-2010, 06:13 AM Parent: #31 Quote: وانا اشهد أمير الجمرى من أحرف اللاعبين الذين شاهدتهم فى حياتى وفعلا مابتدى حريف ... وكلام امير دا تاكيد على فكرة عمر الفاروق جماليات كرة القدم فى التعصب الجميل (فى ظاهرة دعابة وبالدواخل جد الجد الحبيب بابكر التوم سلامات ومشتاقين والله تعرف يا بوكو مشكلة اخونا فدياس انو هو الاتعامل بعقلية هلال مريخ وانا متأكد لو الكلام ده كان العكس كان عجبو وهو الطلع من مضمون البوست .. بس عنده جزئية جوووة البوست انه قعد يعدد في لاعبين الهلال وانهم كانوا اكتر من لاعبي المريخ ودي الفكرة اللذيذة وانا لو كانوا لاعبين عشرة من الهلال وواحد من المريخ كنت قلت انه هو اللاعب الوحيد الكان كويس والباقين كانوا مساعدين يايات (عشرة مساعدين .. قندراني عديل) وطبعا ده تماشيا مع بوست الاخ عمر الفاروق .

---

Post: #33 Title: Re: دعوة للتعصب الرياضي..إنضم إلينا Author: سامى عبد الوهاب مكى Date: 10-11-2010, 06:29 AM Parent: #32 عاقل يا ود الفاروق لكن عليك الله افتي لينا في تعصب يخلي زول يقعد بناته ويعلمهم الكضب والتزوير؟؟ نعم التربية.

---

Post: #34 Title: Re: دعوة للتعصب الرياضي..إنضم إلينا Author: ابراهيم محمد الحسن Date: 10-11-2010, 06:45 AM Parent: #33 ياسر عبد الكريم ،، Quote: ياخى يوم الجماعة اخدوا سبعة من الوحدات كان اسعد يوم فى حياتى وغاااااااااااغ والعجب يوم خمسة مااااا زيمبي ،، وكاااااااااااااااااااااااك ،،

---

Post: #35 Title: Re: دعوة للتعصب الرياضي..إنضم إلينا Author: وليد عبد اللطيف Date: 10-11-2010, 01:12 PM Parent: #34 بابكر التوم ....... سلامات Quote: وانا اشهد أمير الجمرى من أحرف اللاعبين الذين شاهدتهم فى حياتى وفعلا مابتدى حريف ... وكلام امير دا تاكيد على فكرة عمر الفاروق جماليات كرة القدم فى التعصب الجميل (فى ظاهرة دعابة وبالدواخل جد الجد لالالالالالالالالالالالالالالا معتصم الجمري احرفهم اجمل ما في الجمرية انهم يهذبون كرة القدم ويثبتون لك خفايا و قلت ادب كرة القدم هي ان تكون مؤدب ياخي ذكرتنا زمان نقيل في جامعة القاهره فرع الخرطوم عشان نشوف معتصم الجمري باستاد الخرطوم يا الله زمن والله زمن وكل الجمرية يابابكر محبون لهذه المجنونه سبحان الله --------------------------- امير و فدياس ياحبيب خليك حنين والرياضة لاتخلو من المداعبات والمناكفات ويفضل الاحترام بين الناس في محلة (سلام ياغالي )

---

Post: #36 Title: Re: دعوة للتعصب الرياضي..إنضم إلينا Author: طارق الكوتش Date: 10-11-2010, 04:52 PM Parent: #35 بوست غير موفق لاتسيو و روما والانتر ديل فى بلد واااحده فعادى نماذج امثلتك ده .... و لكن عندما يكون فى فريق فيهم لاعب باسم ايطاليا فان مشجعى الفرق الاخرى لا يخرجون للشارع للتشجيع او يهتفون من داخل الاستاد للفريق الزائر .. جمهور ريل مدريد كانوا سعيدين عندما طارت برشلونه من النهائى الذى كان محددا له مسبقا ملعب الريل ... ولكن فى مباراة الانتر فى دور الاربعه و عندما ودعت البرسا لم يشجعون من داخل الاستاد او يتهكمون او يخرجون فى الشارع >>>> احتراما للجنسيه الاسبانيه ممكن الشخص لايشجع ولكن من باب الوطن و احترامه فاقل شئ عدم تشجيع الفريق الزائر فى الشارع والاستاد واستقباله بالزهور ووداعه بالورود وكانما يلعب داخل وطنه >>> الكلام ده حدث وفقط فى الخرطوم دون سائر بلاد العالم ... لماذا ؟>>> نوعية هذه البوستات تقود الى التعصب الاعمى > لان الموضوع ببدأ صغير وبكبر > وانا اتذكر وود البشرى يعلم لانى حدثته من قبل > كيف كان لمشجع بسيط ان يفقد حياته بسبب التعصب الاعمى فى احدى مباريات الهلال الافريقية عندما هاجم مسيرة بفهم تدعم فوز فريق افريقى على الهلال بحجة ان هؤلاء من الخونه + مهاجمة الاعلاميين للحكام بسبب الانتماء الضيق عكس سمعه غير كريمه للرياضه السودانيه ككل مما قاد الاتحاد الافريقى بوضع السودان تحت المنظار > وهذا الحديث كان على لسان قرن شطه فى الموسم الماضى على الرياضية اف ام ......... رغم الكل يعلم ظلم الحكام للسودان واداء الحكام السئ فى افريقيا ككل ببساطة كتير من مشجعى الكوره تركوها من غير رجعة والدليل العصبيه العمياء بسبب كتابات بعض الاعلاميين الغير مسئولة ، والتى تقود من تعصب رياضى بسيط الى اكبر ثم اكبر >> بالمناسبه بوستك ده وآخر كان سببا فى شكل الكتابه القبيحه بعد مباراة الفريق القومى امس ، والكل يتحدث عن لاعبى هلال او المريخ >> اها ده التعصب و نتيجته >> مبسوط ؟ كورة القدم لعبه و جمال ومناكفات بين الناس وحب وليس دعوه للعصبيه العمياء حتى لو كانت عصبيه رياضيه لانها واكرر ممكن تكبر بنفس الفهم وممكن تقود الى اشكال القبح اسفى يا عمر يا فاروق فكتاباتك هذه الايام غير جميله رغم انى من اشد المعجبين بك

---

Post: #37 Title: Re: دعوة للتعصب الرياضي..إنضم إلينا Author: طارق جبريل Date: 10-11-2010, 05:43 PM Parent: #36 يا فدياس انت نطيت لي حبيبنا ود الجمري دة في حلقه سااااكت ياخي البوست بتاع تعصب اندية ما منتخب قومي يمين بالله يا فدياس ود الجمري دة كان ممكن يكون اشهر لاعب نص في السودان بس ما بتدي حريف

---

Post: #38 Title: Re: دعوة للتعصب الرياضي..إنضم إلينا Author: طارق جبريل Date: 10-11-2010, 05:45 PM Parent: #37 ود الفاروق كيفنك معليش جيت داخل مصرج

---

Post: #39 Title: Re: دعوة للتعصب الرياضي..إنضم إلينا Author: امير عوض الجمري Date: 10-11-2010, 07:43 PM Parent: #38 Quote: يا فدياس انت نطيت لي حبيبنا ود الجمري دة في حلقه سااااكت ياخي البوست بتاع تعصب اندية ما منتخب قومي يمين بالله يا فدياس ود الجمري دة كان ممكن يكون اشهر لاعب نص في السودان بس ما بتدي يا دكتور والله مشتاقييييييييييييييييين .. وعندي ليك كمية من الخبارات عليك الله بكرة الظهر لاقيني خلينا في حاجاتنا الحلوة ديك البتخبرها انت وبخبرها انا وسيبنا من (معترك مريخ هلال) كما يقولون .. والكورة دي خليناها ليهم هم البعرفوها.

---

Post: #40 Title: Re: دعوة للتعصب الرياضي..إنضم إلينا Author: امير عوض الجمري Date: 10-11-2010, 07:52 PM Parent: #36 Quote: كورة القدم لعبه و جمال ومناكفات بين الناس وحب والله يا كوتش ده كان قصدي من المهاترات الفوق دي وكنت متخيل نفسي قاعد وسط جوقة جميلة من المريخاب والهلالاب وبنتناكف وبعد شوية نجيب العشاء ونقعد نضرب مع بعض .. ورغم ان اخونا عمر قال انه جادي في الموضوع حاولت اخستكو ليهو عشان يجي واحد من اخوانا الهلالاب برضو يرشقنا بي بعض الحاجات من النوع ده . لكن والله بالجد انا ما بريد الهلال صراحة لكن الهلالاب ما بكرهم كان لعيبة كان مشجعين وياخي بيتنا والله مقسوم نص مريخاب ونص هلالاب !!!! معقووووول اكرهم طبعا لا .. ودي حلاوتها هنا ..

---

Post: #41 Title: Re: دعوة للتعصب الرياضي..إنضم إلينا Author: وليد عبد اللطيف Date: 10-12-2010, 01:13 PM Parent: #40 امير الجمري ... الحبيب Quote: خلينا في حاجاتنا الحلوة ديك البتخبرها انت وبخبرها انا وسيبنا من (معترك مريخ هلال) كما يقولون .. والكورة دي خليناها ليهم هم البعرفوها. لا بالله ارجع العب تاني هههههههههه ياخي قريبك معتصم الجمري يتجمرجر فيني ويقول : (والله ياوليد زمن زمان تجري في الميادين الليله بقيت تجري في الكيبورد ) هههههههههههه ياخي قريبك اخطر من مصطفى سكو .. زاتو لكن بالامانه قالوا زمان كنت لاتقل عنه خطورة في كرة القدم -------------------------- ياخي الزمن غير ملامحنا ... ونحن بقينا مانحنا

---

Post: #42 Title: Re: دعوة للتعصب الرياضي..إنضم إلينا Author: haroon diyab Date: 10-12-2010, 02:43 PM Parent: #41 يمين البطن بطراااااااااااانه طارق الكوتش...... Quote: بوست غير موفق ومتييييييين عمر الفاروق كان عندو بوست موفق ....!!!!! كااااااااااااااااااااااااكـ المهم....مفروض تعمل فصل هنا وتدي حصص ياخي ده مقال يخلي الزول يبلع طواااااااااااالي ينصر دينك Quote: لاتسيو و روما والانتر ديل فى بلد واااحده فعادى نماذج امثلتك ده .... و لكن عندما يكون فى فريق فيهم لاعب باسم ايطاليا فان مشجعى الفرق الاخرى لا يخرجون للشارع للتشجيع او يهتفون من داخل الاستاد للفريق الزائر .. جمهور ريل مدريد كانوا سعيدين عندما طارت برشلونه من النهائى الذى كان محددا له مسبقا ملعب الريل ... ولكن فى مباراة الانتر فى دور الاربعه و عندما ودعت البرسا لم يشجعون من داخل الاستاد او يتهكمون او يخرجون فى الشارع >>>> احتراما للجنسيه الاسبانيه ممكن الشخص لايشجع ولكن من باب الوطن و احترامه فاقل شئ عدم تشجيع الفريق الزائر فى الشارع والاستاد واستقباله بالزهور ووداعه بالورود وكانما يلعب داخل وطنه >>> الكلام ده حدث وفقط فى الخرطوم دون سائر بلاد العالم ... لماذا ؟>>> نوعية هذه البوستات تقود الى التعصب الاعمى > لان الموضوع ببدأ صغير وبكبر > وانا اتذكر وود البشرى يعلم لانى حدثته من قبل > كيف كان لمشجع بسيط ان يفقد حياته بسبب التعصب الاعمى فى احدى مباريات الهلال الافريقية عندما هاجم مسيرة بفهم تدعم فوز فريق افريقى على الهلال بحجة ان هؤلاء من الخونه + مهاجمة الاعلاميين للحكام بسبب الانتماء الضيق عكس سمعه غير كريمه للرياضه السودانيه ككل مما قاد الاتحاد الافريقى بوضع السودان تحت المنظار > وهذا الحديث كان على لسان قرن شطه فى الموسم الماضى على الرياضية اف ام ......... رغم الكل يعلم ظلم الحكام للسودان واداء الحكام السئ فى افريقيا ككل ببساطة كتير من مشجعى الكوره تركوها من غير رجعة والدليل العصبيه العمياء بسبب كتابات بعض الاعلاميين الغير مسئولة ، والتى تقود من تعصب رياضى بسيط الى اكبر ثم اكبر >> بالمناسبه بوستك ده وآخر كان سببا فى شكل الكتابه القبيحه بعد مباراة الفريق القومى امس ، والكل يتحدث عن لاعبى هلال او المريخ >> اها ده التعصب و نتيجته >> مبسوط ؟ كورة القدم لعبه و جمال ومناكفات بين الناس وحب وليس دعوه للعصبيه العمياء حتى لو كانت عصبيه رياضيه لانها واكرر ممكن تكبر بنفس الفهم وممكن تقود الى اشكال القبح Quote: اسفى يا عمر يا فاروق فكتاباتك هذه الايام غير جميله رغم انى من اشد المعجبين بك لا ياخوي ماهذه الايام انما دااااااااااااااائما...متعودة بعدين اشد المعجبين ك دي صاااااح بس ما اشد المعجبين بكتاباتكـ وبرضو..... كااااااااااااااااكـ

---

Post: #43 Title: Re: دعوة للتعصب الرياضي..إنضم إلينا Author: امير عوض الجمري Date: 10-12-2010, 06:27 PM Parent: #42 Quote: لا بالله ارجع العب تاني هههههههههه ياخي قريبك معتصم الجمري يتجمرجر فيني ويقول : (والله ياوليد زمن زمان تجري في الميادين الليله بقيت تجري في الكيبورد ) هههههههههههه ياخي قريبك اخطر من مصطفى سكو .. زاتو لكن بالامانه قالوا زمان كنت لاتقل عنه خطورة في كرة القدم يا ولي كيف اخبارك والله كتلتني بالضحك .. يا معلم اسي بقينا نلعب باللسان ونتمها حرد . عاد انا ياخوي انت ومعتصم ما بلحقكم .. لكن بجدعكم .. هههههههههههههههههها

---

Post: #44 Title: Re: دعوة للتعصب الرياضي..إنضم إلينا Author: omar arbab Date: 10-12-2010, 07:50 PM Parent: #43 Quote: فدياس ... Quote: وخلينا نحترم بعضنا والكورة البعرفها انا ممكن اقعدك واديك فيها دروس ;ودالجمري سلامات خلينا نبد الدرس هههههه فريق الامتداد في السبعين اكيد واحد من الجمراب موجود في الصوره الفوق دي الامتداد في التسعينات ودي فيها اثنين من الجمراب ههههه لكن شكلك اتغير شديد ياامير ود لي ابو الامتداد كلو عمنا عوض الجمري ربنا يرحمه في تكريم علي يحي اعزم الزول دا في المسطبه ياامير ههههههه انا شكلي فتلت البوست هههه بس دي حرقتني Quote: المشكله إنه مرمي الله ما بيترفع

---

Post: #45 Title: Re: دعوة للتعصب الرياضي..إنضم إلينا Author: امير عوض الجمري Date: 10-12-2010, 09:03 PM Parent: #44 يا سلااااااااااااااااااام يا عمر ياخي صورك دي انا ذاتي دروس والله .. وبكتني عديييل الصورة الاولى فيها فتحي الجمري الخامس من يمين الجالسين الصورة التانية مجدي الجمري تاني من يمين الجالسين وامير الرابع وبيني بينك الشكل تغيير كامل الكبسة نفختنا يا ابو عمير .. عمك الجمري الله يرحمو كان دائما فخور بالامتداد واهله الحنان. واصل دروسك يا جميل

---

Post: #46 Title: Re: دعوة للتعصب الرياضي..إنضم إلينا Author: بهاء بكري Date: 10-12-2010, 10:56 PM Parent: #45 Quote: استبسل لاعبو المريخ في كوماسي بمساعدة مقبولة من بعض لاعبي الهلال فخرج منتخبنا بنقطة ثمينة جعلته يتربع على عرش مجموعته . مبروك سودان المريخ شكرا بعض لاعبي الهلال . شكرا مدرب المريخ العظيم محمد عبد الله مازدا. عجبتني ونسة ود عمي

---

Post: #47 Title: Re: دعوة للتعصب الرياضي..إنضم إلينا Author: عمر الفاروق Date: 10-13-2010, 05:55 AM Parent: #46 طارق الكوتش: تحياتي.. كتبت ليك كلام كتييير هنا ما عندو علاقة بي البوست نهائي والله .. اوت اوف بوينت .. ما عارف الخلاك ربطت قصة المنتخب ديك بي البوست ده شنو ؟؟ شيل كلامك ده وديهو بهناك بقبلو منك.. بي هنا يكفي إنو أمير الجمري فهمني ..

---

Post: #48 Title: Re: دعوة للتعصب الرياضي..إنضم إلينا Author: امير عوض الجمري Date: 10-13-2010, 08:26 AM Parent: #47 Quote: بي هنا يكفي إنو أمير الجمري فهمني .. شكرا يا عمر انك اكتفيت بي فهمي ليك (يعني الباقين ما ضروري) دي مديدة حارة هههههههههههها وعليك الله يا عمر الكلام القلتو لي طارق الكوتش ده قولوا برضو لي فدياس القال علي خاوي ومرمي الله (والله حارقاني حرقة يا عمر) .وبرضو قولوا لي عمران الأيده على اني ارتفع لمستوى الحدث ..... عجبي !!!!!!!

---

Post: #49 Title: Re: دعوة للتعصب الرياضي..إنضم إلينا Author: وليد عبد اللطيف Date: 10-13-2010, 08:59 AM Parent: #48 جمرينا ... Quote: شكرا يا عمر انك اكتفيت بي فهمي ليك (يعني الباقين ما ضروري) دي مديدة حارة هههههههههههها وعليك الله يا عمر الكلام القلتو لي طارق الكوتش ده قولوا برضو لي فدياس القال علي خاوي ومرمي الله (والله حارقاني حرقة يا عمر) .وبرضو قولوا لي عمران الأيده على اني ارتفع لمستوى الحدث ..... عجبي !!!!!!! ضحكت كثيرا من رد اخونا عمر الفاروق وفعلا هي مديدة حارة ولكن كلام فدياس يدل على ان كلام طارق الكوتش كان سليم في هذا البوست الجميل الذي كثيرون فهموه حسب توجهاتهم والوانهم الحمراء والزرقاء وهذا كان مايرمي اليه ويقصدة الخبير الحريف ( طارق الكوتش )

---

Post: #50 Title: Re: دعوة للتعصب الرياضي..إنضم إلينا Author: امير عوض الجمري Date: 10-13-2010, 09:35 AM Parent: #49 Quote: عجبتني ونسة ود عمي ابن عمي الهلالابي الجميل البهي بهاء سلامات ياخي وطمنا على صحتك جنبنا واحد هلالابي لذيذ جدا اصلو ما بيعترف بي حاجة اسمها مريخ ولا لاعب من المريخ يعني علاء يوسف في المريخ كاااان كعب واسي احسن لاعب في افريقيا .. فلما الهلال سجل حارس المرمى التاج العزيبة قال والله هو مافي مستوى الهلال لكن احسن من حامد بريمة . (فهمتني اكيد) Quote: ضحكت كثيرا من رد اخونا عمر الفاروق وفعلا هي مديدة حارة ولكن كلام فدياس يدل على ان كلام طارق الكوتش كان سليم في هذا البوست الجميل الذي كثيرون فهموه حسب توجهاتهم والوانهم الحمراء والزرقاء وهذا كان مايرمي اليه ويقصدة الخبير الحريف ( طارق الكوتش ) ولي يا فنان اخبارك ياخ البوست ده حق مريخ هلال موردة والتعصب للاندية يعني ما عنده علاقة بالمنتخب .. علاقتو بالمنتخب فقط لاعبين المريخ والهلال .. (طبعا لاعبي المريخ العليهم الرك ولاعبي الهلال مساعدين اليايات)

---

Post: #51 Title: Re: دعوة للتعصب الرياضي..إنضم إلينا Author: وليد عبد اللطيف Date: 10-13-2010, 10:15 AM Parent: #50 جمرينا وهذا كان ردي التعصب ملح الرياضة ولكن بنفس الطريقة التي ذكرتها بعد المكايدات عشاء فتة فول بميدان رابطة الامتداد Quote: اذا مافي تعصب وانتماء مافي كورة سبب واحد يخلي ناس المريخ يشجعوا الهلال مافي معقول يشجعوهم عشان مايحصلوا اجازاتهم وكاساتهم المحموله جوا يعني اذا هذا حصل كيف تكون هناك حرب نفسية للخصم وهذا في حد زاته جزء من اللعبة ومن حقكم ياعمر الفاروق لاتشجعوا المريخ لو لاعبين مع نادي الشاطي ( مغص مغص يالصهاينة بس تموتوا مغص ) .

---

Post: #52 Title: Re: دعوة للتعصب الرياضي..إنضم إلينا Author: عمر الفاروق Date: 10-13-2010, 11:57 AM Parent: #51 كل الأحباب اللي مرو من هنا المؤيدين منهم والمعارضين المتعصبين منهم والرايقين .. البوست دعوة واضحة للتعصب وكلمة تعصب واضحة فبالله ما تجملوها لينا ساي.. عن نفسي مشجع متعصب وكلفني تعصبي إنو فييي البرد بتاع السودان الكعب داك بقوم اصلي نص الليل لما المريخ يكون لاعب .. ادعوا المولى عزل وجل أن يجعل كيدهم في نحرهم ويهزمهم .. والله مرات بقول لي دعوات لمممن بخجل من روحي واقول اسة عليكم الله ده كلام تقولوا انصاص الليالي ورب العالمين في السموات الدنيا ؟ يعني اتخيلوا معاي دعوة زي دي: يا رب الليلة كيلتيشي ما يجيب فينا قون حتى لو المريخ غلبنا يااا رب.. يا رب العباد حي العرب يفوز على المريخ ولو التعادل بينفع معانا يا رب الكورة تنتهي درون ..

---

Post: #53 Title: Re: دعوة للتعصب الرياضي..إنضم إلينا Author: امير عوض الجمري Date: 10-13-2010, 05:19 PM Parent: #52 Quote: يعني اتخيلوا معاي دعوة زي دي: يا رب الليلة كيلتيشي ما يجيب فينا قون حتى لو المريخ غلبنا يااا رب.. يا رب العباد حي العرب يفوز على المريخ ولو التعادل بينفع معانا يا رب الكورة تنتهي درون .. والله يا عمر دي لا دعوة لا حاجة دي جرسة وجقلبة سااااااااااااكت لكن الظاهر عليك بتدعو وبتكون ماك متوضي عشان كدي الدعوات بتعصلج وكليتشي كل مرة يجي يعملها. لكن والله احييك على حبك وتعصبك لفريقك البخليك تساهر الليالي. لكن السهر ده اظنه جقلبة وخوف ما قيام ليل عشان تدعو . طبعا انا في مباريات للهلال ما بكون محتاج ادعو بكون مطمئن وعارف انو االشغلانية مي دايرالها دعوات زي مبارياتكم الجايات في دوري الاربعة هن اصلن كورتين بس. غايتو كان الله ادانا الفي مرادنا الا تقوموا جارين وكمان كان اداكم الفي مرادكم (لاقدر الله) نحن جهزنا الكاوتشات على قول المصريين ووحاتك تاني ما تشوفونا الا في غينيا.

---

Post: #54 Title: Re: دعوة للتعصب الرياضي..إنضم إلينا Author: طارق الكوتش Date: 10-16-2010, 03:11 PM Parent: #53 عمر الفاروق سلامات Quote: طارق الكوتش: تحياتي.. كتبت ليك كلام كتييير هنا ما عندو علاقة بي البوست نهائي والله .. اوت اوف بوينت .. ما عارف الخلاك ربطت قصة المنتخب ديك بي البوست ده شنو ؟؟ شيل كلامك ده وديهو بهناك بقبلو منك.. >>>> اولا كتبت انت > Quote: أبداً ما مقتنع بي قصة نبذ التعصب والرياضة تسامح ومحبة وإخاء ونرجو ان يلتف الناس حول فريق عندما يلعب بإسم الوطن و و و و و .. ثم > Quote: نعم ضرب جمهور لاتسيو أروع الأمثال للفهم الرياضي بدون تغليف وتجميل .. كان روما ينافس انترميلان على الدوري والفارق نقطتين تقريبا وباقي تلاتة مباريات .. كان لاتسيو مهدد بالهبوط وفي المنطقة الخطرة ويحتل مراتب متأخرة وأي خسارة أو تعادل تهبط به للدرجة التانية .. كان أمل روما في أن يعطل لاتسيو الإنتر وفي المباراة التي جمعت إنترميلان بلاتسيو (بملعب لاتسيو) إحتشد جمهور لاتسيو وملأ مدرجات الملعب ولكن لماذا؟؟ إحتشدوا لتشجيع الإنتر .. هتفو ضد أي لاعب من لاتسيو حاول التسديد في مرمى الانتر وصفروا صفارات الاستهجان .. عندما أحرز الإنتر هدفه الأول هاج جمهور لاتسيو وماج ونططو لممممن الله غفر ليهم وتحاضنو وتعانقوا .. لما الإنتر جاب التاني جمهور لاتسيو ارتااااح وتنفس الصعداء .. النتيجة دي كانت ح تودي لاتسيو التوووج ولا دوري اضواء ولا يحزنون .. لكنهم كتبوا يافطات كبيييرة وقالوا. نهبط للتانية ما مشكلة بس روما ده ما يشيل كأس الدوري.. ثم > Quote: ياخ انتو ما بتخشو دار الرياضة ؟ كدي امشو احضروا كورة بين بيت المال والصبابي .. حولااااااااا.. متتتتعة التعصب والله .. بحري تفوز على امدرمان ؟؟؟ ويييين الكلام ده ؟؟ دم حدو الركب .. ياخ احضر ابكدوك ضد حي الضباط.. ابعنجة ضد قلب الاسد .. ابروف ضد ودنوباوي .. ده الموت الأحمر وقمة التعصب الجميل.. وكان ردنا هنا هكذا >>> Quote: لاتسيو و روما والانتر ديل فى بلد واااحده فعادى نماذج امثلتك ده .... و لكن عندما يكون فى فريق فيهم لاعب باسم ايطاليا فان مشجعى الفرق الاخرى لا يخرجون للشارع للتشجيع او يهتفون من داخل الاستاد للفريق الزائر .. جمهور ريل مدريد كانوا سعيدين عندما طارت برشلونه من النهائى الذى كان محددا له مسبقا ملعب الريل ... ولكن فى مباراة الانتر فى دور الاربعه و عندما ودعت البرسا لم يشجعون من داخل الاستاد او يتهكمون او يخرجون فى الشارع >>>> احتراما للجنسيه الاسبانيه ممكن الشخص لايشجع ولكن من باب الوطن و احترامه فاقل شئ عدم تشجيع الفريق الزائر فى الشارع والاستاد واستقباله بالزهور ووداعه بالورود وكانما يلعب داخل وطنه >>> الكلام ده حدث وفقط فى الخرطوم دون سائر بلاد العالم ... لماذا ؟>>> نوعية هذه البوستات تقود الى التعصب الاعمى > لان الموضوع ببدأ صغير وبكبر > وانا اتذكر وود البشرى يعلم لانى حدثته من قبل > كيف كان لمشجع بسيط ان يفقد حياته بسبب التعصب الاعمى فى احدى مباريات الهلال الافريقية عندما هاجم مسيرة بفهم تدعم فوز فريق افريقى على الهلال بحجة ان هؤلاء من الخونه + انت كتبت > Quote: وكمان من حق اي صحفي يكتب كلامه ويدعو للعصبية أو يشعلل ليها وانا شخصيا مستمتع جدا بالقصة دي .. وانا رديت ليك ضمنيا هكذا > Quote: مهاجمة الاعلاميين للحكام بسبب الانتماء الضيق عكس سمعه غير كريمه للرياضه السودانيه ككل مما قاد الاتحاد الافريقى بوضع السودان تحت المنظار > وهذا الحديث كان على لسان قرن شطه فى الموسم الماضى على الرياضية اف ام ......... رغم الكل يعلم ظلم الحكام للسودان واداء الحكام السئ فى افريقيا ككل + انت كتبت > Quote: هي دعوة للتعصب فبالله ما تزحمونا بي قصة تعالوا نتوحد وتعالوا لميثاق وتعالوا نروق المنقة .. وانا ردى كان متضمن هذه الجزئيه وكان هكذا > Quote: ببساطة كتير من مشجعى الكوره تركوها من غير رجعة والدليل العصبيه العمياء بسبب كتابات بعض الاعلاميين الغير مسئولة ، والتى تقود من تعصب رياضى بسيط الى اكبر ثم اكبر >> بالمناسبه بوستك ده وآخر كان سببا فى شكل الكتابه القبيحه بعد مباراة الفريق القومى امس ، والكل يتحدث عن لاعبى هلال او المريخ >> اها ده التعصب و نتيجته >> مبسوط ؟ كورة القدم لعبه و جمال ومناكفات بين الناس وحب وليس دعوه للعصبيه العمياء حتى لو كانت عصبيه رياضيهلانها واكرر ممكن تكبر بنفس الفهم وممكن تقود الى اشكال القبح >>> انشاء الله الشغلانيه وضحت ليك من حيث كتاباتك و ردودنا؟ ــــــــــــــــــــــــــــــ بالنسبه لامير الجمرى بعد تحياتنا له يا عمر الفاروق انت كتبت > Quote: بي هنا يكفي إنو أمير الجمري فهمني .. و كتبت انت يا عمر الفاروق ايضا > Quote: فدعونا من هذا المنبر ندعو للتعصب وانا جادي جدا في الموضوع ده (يعني ما ضحك وونسة ونقة منبر).. ولكن كتب امير الجمرى : Quote: ده كلام فاااااارغ مافي حاجة اسمها وطنية في تشجيع الاندية.. وحتى الفريق القومي لو غالب والاقوان جابوهن هلالاب ما بكون فرحان ولو غالب اتنين وواحد جابو مريخابي وواحد هلالابي باعتبر المنتخب غالب واحد بي قون المريخابي .. ولو الهلال لاعب مع اسرائيل انا شارون عديييل كده. اكتر اربعة حاجات بكرهم ( الهلال - ملاح الخدرة - السقط - الهلال) ثم > Quote: استبسل لاعبو المريخ في كوماسي بمساعدة مقبولة من بعض لاعبي الهلال فخرج منتخبنا بنقطة ثمينة جعلته يتربع على عرش مجموعته . مبروك سودان المريخ شكرا بعض لاعبي الهلال . شكرا مدرب المريخ العظيم محمد عبد الله مازدا. ثم > Quote: وبعدين انا ما جريتك لمعترك هلال مريخ اصلا البوست هلال مريخ وتعصب اعمى ليهم الاتنين وممكن تمشي تشوف البوستات الخاصة بمباراة السودان وغانا وحا تلقى مداخلاتي فيها لا تخرج عن الموضوع . ثم > Quote: تعرف يا بوكو مشكلة اخونا فدياس انو هو الاتعامل بعقلية هلال مريخ وانا متأكد لو الكلام ده كان العكس كان عجبو وهو الطلع من مضمون البوست .. بس عنده جزئية جوووة البوست انه قعد يعدد في لاعبين الهلال وانهم كانوا اكتر من لاعبي المريخ ودي الفكرة اللذيذة وانا لو كانوا لاعبين عشرة من الهلال وواحد من المريخ كنت قلت انه هو اللاعب الوحيد الكان كويس والباقين كانوا مساعدين يايات (عشرة مساعدين .. قندراني عديل) وطبعا ده تماشيا مع بوست الاخ عمر الفاروق . ثم> Quote: والله يا كوتش ده كان قصدي من المهاترات الفوق دي وكنت متخيل نفسي قاعد وسط جوقة جميلة من المريخاب والهلالاب وبنتناكف وبعد شوية نجيب العشاء ونقعد نضرب مع بعض .. ورغم ان اخونا عمر قال انه جادي في الموضوع حاولت اخستكو ليهوعشان يجي واحد من اخوانا الهلالاب برضو يرشقنا بي بعض الحاجات من النوع ده . واضح انو الجمرى له قناعاته التى لا تشبه قناعاتك و الدليل كان متماشيا معك و بحاول يخستك ليك البوست _____ شكرا هارون دياب و امير الجمرى و وليد عبد اللطيف لفهمكم ما يريده طارق الكوتش تحياتى للجميع

---

Post: #55 Title: Re: دعوة للتعصب الرياضي..إنضم إلينا Author: طارق الكوتش Date: 10-17-2010, 04:26 AM Parent: #54 +++