Post: #1
Title: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: BitAlhana
Date: 10-06-2010, 11:47 PM
نخبة النخب و صفوة الاصفياء .... اخوة و أخوات ,,,, تعرفهم عبر الاثير .... تعزف اصابعهم احلى انغام التعارف على الكيبورد ... فتنداح الكلمات مكونه عبارات جميله .... يدخلون قلبك قبل أن تراهم ,,,, تعرفهم بي اسماء و هميه ,,,, فتتخيلهم و ترسمهم في مخيلتك .... و عندما تلتقيهم حقيقة ,,,, توقن أن الحقيقة أحلى من الخيال .... فهم حاله سلوك انساني جميل
هؤلاء هم بورداب سودانيز أون لاين ... اليوم عن لي أن أحكي عن تجربتي معهم....
بدايتي كانت في عام 2000 (حبنها كان عمري 18 سنة) (كضب العدو) كنت قد سجلت في موقع الاخ معاذ سودان . نيت.... كنا حديثي العهد بالمنتديات ... و كانت الموضوعات اجتماعيه فكاهية في المقام الاول ... كنا نقضي ثلاثه أرباع اليوم في المنتدى ... اصبحنا نعرف بعضنا البعض قلبا و قالبا ,,,, نكتب كل ما يخطر في بالنا ,,, و نضحك من اعماق اعماقنا ....
من اجمل المواقف التي كلما ازكرها ... تدمع عيوني من شده الضحك .... فقد كان زميلنا البوردابي المتمكن ... الذي كان يصول و يجول في اروقه المنبر .... يكتب هنا و هناك بكل شفافيه و ظرف .... حتى أنه أهمل زوجته و أولاده ,,,, و طبعا الزوجه لم يعجبها الحال فخيرته .... (يا أنا يا الكومبيوتر ده في البيت) و أسقط في يد صاحبنا!!!! لكن ما باليد حيله فهذا بيت سيهدم و حياة كامله ستنتهي ..... بعد أن فشلت كل المحاولات في أقناعها .... اخذ الكومبيوتر على رأسه ... و هو يغني لها ,,, انت المهم و سودانيز أون لاين ما تهمني...حمل صاحبنا الجهاز ... كما يحمل احب أبنائه اليه ,,,, و و ضعه عند صاحب الدكان .... وديعه ثمينة
يغشاه صباح مساء ... و كلما سنحت الفرصه .... اتصل بي احد البورداب و سألته عن انقطاع هذا البوردابي .... فحكي لي هذه الطرفه و اختتمها بقوله ( و الله الزول ده كان مرته ساكت قالت مافي صلصه ... ينط و يقول ليها اسي بجيبها ليك) و جري على الدكان... يسرق ليه بصه او يكتب تعليق و لسان حاله يقول .... كله يهون ... و لك يوم يا ظالم
و جاء الهكر .... و هكرنا .... فحزنا و هاجرنا الى سودانيز أون لاين ,,,, بدعوة من البوردابيه تغريد و التي تزوجت فيما بعد من زميل البورد الصادق .....
كنت اظن انه دائما ما يحن القلب الى عشه الأول ,,,, و كانت تغشاني لحظات حنين الى الموقع الاول .... و لكن بعد تجربتي الخاصه مع سودانيز اون لاين ادركت أن الحنين انما هو لمن يحزن حزنك و يحس بي حسسك و يعيش المك و فرحك.
بعد هذه الهجره الطوعية ... عدت الى السودان و اصبحت مقله جدا في اسهاماتي حتى انقطعت تماما عن المنبر .... حتى جاء اليوم الذي اصبحت فيه سودانيز اون لاين ملازي الامن ...
و لهذا قصه فتابعوني
|
Post: #2
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: صديق الموج
Date: 10-07-2010, 04:24 AM
Parent: #1
بت الهنا سلام
طولتى الغيبه اسمعى زول يشيل الطوبه دى من البكان ده مافى،،
|
Post: #3
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: عبدالرحمن الحلاوي
Date: 10-07-2010, 07:44 AM
Parent: #2
بت الهنا
سلامات
نتابع هذا السرد التاريخي لعالم سودانيز أونلاين الجميل ...يلا واصلي
|
Post: #4
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: Ridhaa
Date: 10-07-2010, 10:17 AM
Parent: #3
العزيزة بت الهنا
سلام ....
أين
جوافة2000
بت الأحفاد
حبيبة سودانية
الجيفاري حسن بناديها
مام
شتات .....شتات .....شتات ....شتات سيد الاسم
تحياتي
|
Post: #5
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: عفاف الصادق بابكر
Date: 10-07-2010, 10:24 AM
Parent: #4
| Quote: توقن أن الحقيقة أحلى من الخيال |
ده الحصل علي لما شفتك ... صحى بت الهناء ..
يا بت ازيك واراضيك وين بالظبط ...؟ ما تقولى لى لسه قاعدة فى قواعدنا ....
|
Post: #6
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: عبد الله كسلا
Date: 10-07-2010, 10:37 AM
Parent: #5
يااااا دي الهنا ... بت الهنا حتة واحدة ... 
معقولة يا بت الهنا لكن ...
والله العظيم ليك وحشة ... وين إتي يا أخت ؟؟
كويس بوست القرضابي النكتك للمنبر بعد الغيبة دي ...
واصلي السرد الجميل .. وإندااااحي براحتك ...
وأدي طوبتي جمب طوبة ود الموج ... وأدي قعدة ...
ما تطولي الغيبة .. وتشرينا أنا وأخوي الكاشف ده ... 
|
Post: #7
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: BitAlhana
Date: 10-07-2010, 11:41 PM
Parent: #6
صديق الموج
مجبر أخاك لا بطل ..... لكن ح أطول الطله لما تزهجوا مني
انت ان شاء الله بلغت الصحه التامه؟
يا حلاوي
ما حب سودانيز اون لاين شغفن قلبي ..... و لكن حب من سكن سودانيز اون لاين
سودانيز اون لاين مكان جميل فعلا ... لكن بيزداد الق و بهاء بي وجود امثالكم
رضا ولد دفعتي
و الله مشتاقين .... غايتو لما جبت لي الاسامي دي لما دموعي جرت
خليك قريب و خليني من اختفاءاتك العجيبه دي
و تعال احكي ليك عن البورداب ديل و اللاقيتهم حقيقه
شدوا حيلي و شالوا همي
لي عوده
|
Post: #8
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: mohmed khalail
Date: 10-08-2010, 03:47 AM
Parent: #7
| Quote: بدايتي كانت في عام 2000 (حبنها كان عمري 18 سنة) |
والله نحن مبارين لينا ناس عجايز خلاص
واصلي السرد يا خالتو مستمتعين يشهد الله
|
Post: #9
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: سيف الدولة كامل
Date: 10-08-2010, 10:34 AM
Parent: #8
سلام يا صفاء,,, والحمد لله بالعودة للمنبر.
هسع المسنوح بجيك داخل ويفركش ليك البوست.
تحياتنا لكل الاهل بالامارات.
|
Post: #10
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: الزنجي
Date: 10-08-2010, 10:49 AM
Parent: #9
مرحبا بعودتك للكتابة فى المكان الانيق الظريف
سنتابع السرد حتى بعد النهاية
|
Post: #11
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: BitAlhana
Date: 10-09-2010, 00:40 AM
Parent: #10
عفاف الصادق يا راقية يا أنيقة
و الله انت الذوق و ست الذوق
و انا متلومة و مقصره معاكم
بس و الله بلدكم صعبه و تقوم النفس
شاحده ربي يهون عليكم قواسي الغربه و يرد غربتكم
انا لسه في قواعدكم لكن بدا العد التنازلي خلاص
عبد الله ود كسلا
مشتاقين و الله
ابقى قريب ... لكن الطوب ده لموا عليكم
اسي بيجي ود شيقوق و ما ادراك ما ود شيقوق
|
Post: #12
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: عبدالأله زمراوي
Date: 10-09-2010, 08:23 AM
Parent: #11
تحياتي بت الهنا، بتنا العزيزة...
يا لها من ذكريات ويا لها من وفاءٍ لا يأتي
إلا من الأوفياء من أمثالكم...
بلغي تحياتي لكل الأحباب بطرفكم..
|
Post: #13
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: BitAlhana
Date: 10-09-2010, 01:53 PM
Parent: #12
محمد خليل
يعني افهم من كده انه الصوره دي حقتك
طيب يا محمد يا صغير يا محيرني و متحير اقيف في اخر الصف
عشان انا دفعتي كلهم فطاحله
هههههههههه
|
Post: #14
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: Ali Sirelkhatim
Date: 10-09-2010, 09:12 PM
Parent: #13
بتنا بن الهنا
ليك وحشة شديدة جدا جدا والله
متابعين
|
Post: #15
Title: Re: بورداب يشدوا عصب الحياة الرخي ,,, يصحوا امنيات العمر الودر ,,, ويحلو وجه الزمن اللي جاي
Author: BitAlhana
Date: 10-16-2010, 12:20 PM
Parent: #14
اسي جاية
بس عندي شوية مجاملات و مواجبات في البوستات التانية
|
|