Post: #1
Title: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: معاوية المدير
Date: 10-05-2010, 06:41 PM
آآآآآنـجـيـمـآت...
الرسول آآآآنِـجـيـمـات
في ضلآم الغربة ضاويات
وفوق بيوت حِلتنا طالآت
اغرن السمحين سلآمي
انا شوقي فوق الحد طمح زآد
شوقي لنيلنا وجروفنا
وكيف تِميراتنا مسويات
شوقي لرملآت فريقنا
لسمرنا وللملمات
التمُر جبّد وسلّ
فوق ارضنا رمى الدِفيفِيق
كُل صبياً مآلي عِبو
وختَّ بصمتو في العراريق
بكرة يبقى أُم راس وعجوة
ويهدي للسمحة الشخاليّب
شوقي لبسماتا تضوي
فوق مدارآت الفريق
شوقي ليها بحورو طآمحة
دي نور جمالها بضوي الطريق
آآآآنِـجـيـمـآت...
اضوي لتربالنا يقرع
يروي لحيضانو يزرع
في ربوع بلدي السلآم
يسقي في وآديكِ خضرة
يا بلدنا يقصر الكلآم
في جروف واطاتُو ينقح
طيفو فوق احلآمي حآم
انا في ليالي الغربة ساهر
طرفي جافاهو المنام
آآآآآنِـجـيـمـآت...
شوقي لحبوبة داقسي
مع نِسيمات الصباح
للرواكيب والكرآرِق
وللغِنيمات في المُراح
للتقابيب والخلآوي
العامرة بأهل الصلآح
شوقي فات حد التساب
شوقي تب ما شوق نَصآح
داير اقعد في تُكُلنا
إتغدى بكِسرة ومُلآح
الرسول آآآ نِـجـيـمـآت...
في سماء قريتنا ضاويات
طُلّن القُمري المعشعِش
في سباليق البيوت
أرمن الضو فوق رمالنا
أشرحن لأهلنا حالنا
نحن اضنانا السُكوت
حظنا العاثر قهرنا
لبلدنا نهاجر نفوّت
بدعو شاحد المولى
يحفظنا ونعود
تِنعدِل ختوتنا تِنحلّ القيود
في ديار الغربة
لا نشقى لا نموّت
آآآنِـجـيـمـآت...
النوصيكن تقولن لأهلنا
يدعو لينا،
دعاهم المقبول يصلنا
يسألوا المولى الكريم
لينا يتحقق أملنا
بكرة نرجع تاني
لمرتع جهلنا
لسواقينا ونخلنا
فوق مشارع الريدة
يا الحبان نزلنا
نودع الآم البُعاد
ونبلل الشوق الكتلنا
آآآنِـجـيـمـآت...
في مجال الغربة دايرات
فوق ديارنا هناك طالآت
كيف أهلنا؟
كيف سواقينا ونخلنا؟
نحن حرّ الشوق كتلنا
آآآنِـجـيـمـآت
آآآنِـجـيـمـآت...
.
.
.
ود الـمـديـر...
|
Post: #2
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: معاوية المدير
Date: 10-07-2010, 04:13 AM
Parent: #1
|
Post: #3
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: معاوية المدير
Date: 10-09-2010, 12:13 PM
Parent: #2
|
Post: #4
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: طارق الكوتش
Date: 10-09-2010, 12:29 PM
Parent: #3
Quote: أرمن الضو فوق رمالنا
أشرحن لأهلنا حالنا
نحن اضنانا السُكوت
حظنا العاثر قهرنا
لبلدنا نهاجر نفوّت
بدعو شاحد المولى
يحفظنا ونعود
تِنعدِل ختوتنا تِنحلّ القيود
في ديار الغربة
لا نشقى لا نموّت |
ازيك يا صديق يا جميل
|
Post: #5
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: ياسر عبدالكريم محمد
Date: 10-09-2010, 12:39 PM
Parent: #4
Quote: بكرة نرجع تاني
لمرتع جهلنا
لسواقينا ونخلنا
فوق مشارع الريدة
يا الحبان نزلنا
نودع الآم البُعاد
ونبلل الشوق الكتلنا |
ياريت ياااااااااااخ
|
Post: #6
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: معاوية المدير
Date: 10-10-2010, 02:51 AM
Parent: #5
| Quote: ازيك يا صديق يا جميل |
طارق يا كوتش، يا صاحب يا عزيز
علي النفس.يا اخي إن شاء الله نتلآقى
في الزايلة دي...
|
Post: #7
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: معاوية المدير
Date: 10-11-2010, 05:38 AM
Parent: #6
Quote:
ياريت ياااااااااااخ |
آمـيـن اخـي يـاسـر،
والف شكر ليك علي طلتك الجميلة.
تحياتي...
|
Post: #8
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: معاوية المدير
Date: 10-15-2010, 03:37 PM
Parent: #7
|
Post: #9
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: معاوية المدير
Date: 10-25-2010, 08:23 AM
Parent: #8
آآآآآنـجـيـمـآت...
|
Post: #10
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: طارق جبريل
Date: 11-05-2010, 10:52 AM
Parent: #9
عاد يا ود المدير جهجهتني لامن رقدتني خل
وحاتك العبري خانقاني
انت آآآخرابة في زولا مسلطك علي
قالولك ود جبرين يتبسم وفرحان
ما قالولك ود بت ابو دية يتنخج ليله ونهاره
انا كِتِل يا ود المدير
وحات ربي فِتِر
|
Post: #11
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: محمد عبدالرحمن محمد
Date: 11-05-2010, 11:55 AM
Parent: #10
Quote: وحاتك العبري خانقاني
|
كوس المو مخنوق1
|
Post: #12
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: هاشم أحمد خلف الله
Date: 11-05-2010, 12:08 PM
Parent: #1
آآآآآنـجـيـمـآت...
الرسول آآآآنِـجـيـمـات
في ضلآم الغربة ضاويات
وفوق بيوت حِلتنا طالآت
اغرن السمحين سلآمي
انا شوقي فوق الحد طمح زآد
شوقي لنيلنا وجروفنا
وكيف تِميراتنا مسويات
شوقي لرملآت فريقنا
لسمرنا وللملمات
التمُر جبّد وسلّ
فوق ارضنا رمى الدِفيفِيق
كُل صبياً مآلي عِبو
وختَّ بصمتو في العراريق
بكرة يبقى أُم راس وعجوة
ويهدي للسمحة الشخاليّب
شوقي لبسماتا تضوي
فوق مدارآت الفريق
شوقي ليها بحورو طآمحة
دي نور جمالها بضوي الطريق
آآآآنِـجـيـمـآت...
اضوي لتربالنا يقرع
يروي لحيضانو يزرع
في ربوع بلدي السلآم
يسقي في وآديكِ خضرة
يا بلدنا يقصر الكلآم
في جروف واطاتُو ينقح
طيفو فوق احلآمي حآم
انا في ليالي الغربة ساهر
طرفي جافاهو المنام
آآآآآنِـجـيـمـآت...
شوقي لحبوبة داقسي
مع نِسيمات الصباح
للرواكيب والكرآرِق
وللغِنيمات في المُراح
للتقابيب والخلآوي
العامرة بأهل الصلآح
شوقي فات حد التساب
شوقي تب ما شوق نَصآح
داير اقعد في تُكُلنا
إتغدى بكِسرة ومُلآح
الرسول آآآ نِـجـيـمـآت...
في سماء قريتنا ضاويات
طُلّن القُمري المعشعِش
في سباليق البيوت
أرمن الضو فوق رمالنا
أشرحن لأهلنا حالنا
نحن اضنانا السُكوت
حظنا العاثر قهرنا
لبلدنا نهاجر نفوّت
بدعو شاحد المولى
يحفظنا ونعود
تِنعدِل ختوتنا تِنحلّ القيود
في ديار الغربة
لا نشقى لا نموّت
آآآنِـجـيـمـآت...
النوصيكن تقولن لأهلنا
يدعو لينا،
دعاهم المقبول يصلنا
يسألوا المولى الكريم
لينا يتحقق أملنا
بكرة نرجع تاني
لمرتع جهلنا
لسواقينا ونخلنا
فوق مشارع الريدة
يا الحبان نزلنا
نودع الآم البُعاد
ونبلل الشوق الكتلنا
آآآنِـجـيـمـآت...
في مجال الغربة دايرات
فوق ديارنا هناك طالآت
كيف أهلنا؟
كيف سواقينا ونخلنا؟
نحن حرّ الشوق كتلنا
آآآنِـجـيـمـآت
آآآنِـجـيـمـآت...
الله عليك يا ود المدير
وعلى حلاوة كلماتك الحنينة
اكان لود جبريل داك اسكت خلو
زولي وبعرفو زين , غير البكاء
والجعير ما عنده حاجة .
ود جبريل إن شاء الله تسلم يا غالي
|
Post: #13
Title: Re: آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
Author: الفاتح سليمان
Date: 11-05-2010, 01:12 PM
Parent: #12
Quote: آآآآنِـجـيـمـآت...
اضوي لتربالنا يقرع
يروي لحيضانو يزرع
في ربوع بلدي السلآم
يسقي في وآديكِ خضرة
يا بلدنا يقصر الكلآم
في جروف واطاتُو ينقح
طيفو فوق احلآمي حآم |
آآآآ نجيمات
غايتو الحمد لله علي الجمال
الختيته هنا
شكرا ليك يا مدير
|
|