هشام هباني يمدح المشير البشير ..... عجبي !!!!!!!!

هشام هباني يمدح المشير البشير ..... عجبي !!!!!!!!


10-05-2010, 02:40 PM


  » http://sudaneseonline.com/cgi-bin/sdb/2bb.cgi?seq=msg&board=310&msg=1286286055&rn=0


Post: #1
Title: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 02:40 PM

مشير شنو وبشير شنو
انت يا عمر العوير
سفاح البلد رباطي البلد
وكمان رقوك لرتبة مشير
رقوك في زمن السجم
وات همك بس تصير
شاويشنا شاويش السجم
جزارنا معدوم الضمير
قدر الله قد جابك عديل
رئيسا اهبلا فاضي وعوير
لا طايوق لافهم لاخلقة لا اخلاق
بس قعونجة تحت الزير

والله يا عوقة لو طرت السما
وغسلوك بمطر السما
وصبوك من دهبا نقي
وسووك انسانا سوي
بل سووك كمان نبي

برضو عند شعبي الامير
انت احقر من حقير
مجرم حرب سفاح خبير
واولاد الهرمة المعاك
هم افة البلد الكبير
خرابة البلد الموكح بالسجم
نهابة الشعب الفقير
جلابة الدين الضلام
ماهو دين الله القدير
همباتة الرزق الحرام
عنقالة الكضب الختير
اولاد الحنوت اولاد الحرام
زبالة الزمن العفن
مومس الحال المرير

Post: #2
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 02:42 PM
Parent: #1




تف يا عفطة الزمن الكعب
وعوع من دقسة الحال الضهب
وتف لغفلة الناس الحيارى
عندما غابت الناس البصارى
وماتت الناس النوارة

فجاة قد جيت رئيس
تيسا خرتوك من دكة تيوس
وجيتنا في زفة تيوس
ناسا حتالاتا نجوس
همهم خم الفلوس
والكل يحلم بالعروس
عينة من بشرا رخيس
نهابة البلد التعيس
بالغدر والعمل الإنسان رخيص
وبقيت رئيس
وبقيت عريس
وانت القايد وانت الرئيس
خليك عريس
همك الليلة الرقيص
كل دلوكة داقة وقالو دقة للرئيس
ما ات وحدك الرئيس
وات وحدك العريس
والماتو في الغابات فطيس

Post: #3
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 02:44 PM
Parent: #2

مشير شنو وبشير شنو
والله لو طرت السما
برضو عند شعبي الامير انت احقر من حقير

والله ما شفنا زولا بترقى في زمن الهزيمة
وما شفنا زولا مهزوم ادوه قيمة
والبلد في زمانك والله قد صبحت وليمة
من سقط لقط دخلت جيوشا
جبتوها للبلد الغنيمة
وغردون جبتوه تاني بالعفانات القديمة
وفشودة جبتوها تاني بالخسارات والهزيمة
يا حليلك يا بلد امة قد كانت عظيمة
باعوك انصاف الرجال بالجبن والحالة الازيمة
باعوك برخس التراب اهدوك للاغراب وليمة
لانهم عشاق كراسي وما عندهم للشعب قيمة

مشير شنو وبشير شنو
والله لو طرت السما
انت عند شعبي الامير
انت احقر من حقير

Post: #4
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 02:45 PM
Parent: #3


مهازل يا بلد ستين مهازل
حت (رواندا ) العفينة
الغرقانة في بحر المشاكل
ونيجريا سمعة حروبها قد ملت المحافل
تهدي فينا وكنا تيجان المحافل
تهدي في بلدي المناضل
والذي كان حلال المشاكل
بلد قدر السما
وتاريخها مليان جمايل
سديناها عين الشمش
بسمح المكارم وحلو الشمايل
وشعبي السمح كان بسمحو صايل
وشعبي البطل بمجدو هايل

Post: #5
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 02:48 PM
Parent: #4

بلدي يا سجم ما جابت حوا غيرها
فيها ترهاقا ونمر والمهدي ربان المسيرة
فيها رابحة وفيها تاية ونحن منك يا مهيرة
صانوها بدم الكرامة والشرف قد كان ضريرة
قلعوها من خشم العدو بالعزة والروح الجسورة
ما سرقوها في قومة دغش ونهبوا خيرها
وما باعوها بالنص والتشاشة والفزرة والروح الكسيرة
صانوها بالسيف والكرامة والهمة والنفس الكبيرة
دي بلد شعبي المعظم براهو ليهو حق تقرير مصيرها
مصيرنا وحدة شعب واحد ودم واحد مابنرضى غيرها
شعب اصلي شعب يغلي وشعب جبار كسيرة
اسالوا السفاح حليفكم يوم ليلة النصر الشهيرة
ليلة مايو راحت (لعب ترتير جهال فوق الدميرة)
واب عاج امامكم شردلاسيادو مكسوفا عضيرة
وحق المظاليم ما بروح واطافي دنيا ازدادت شرورها
ودم الشهيد ما ببقى موية
طالما الاحرار هناك في راس المسيرة
واهلي الغبش في الحارة زي موج الدميرة
شايلنو ريدك يا بلد قدر الله ما خلق
واداهم العافية الوفيرة

Post: #6
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 02:50 PM
Parent: #5

مشير شنو وبشير شنو
والله لو طرت السما
برضو عند شعبي الامير
انت احقر من حقير

بلدا هاملة فاقدة وجيع
وجيعا شايف دم البلد السمحة قاعد اضيع
وخابر الناس الماكلة حقوقنا
وسكنو القصر العالي منيع
وسرقوا لبن الشافع اللسة رضيع
بلدا هاملة فاقدة وجيع
اقش الدمعة وافش غبينة الشعب المابي اطيع
بلدا هاملة فاقدة وجيع
دم الشفع لبن الشفع شربو الكوز الفاسد والله فظيع
هذا الكوز نهب الدنياوحجز الاخرة
هذا الفاسد هذا الكاسد ملك البيع
باعو البلد السمحة وابدوا نهما اصلي شنيع

Post: #7
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 02:52 PM
Parent: #6

مشير شنو وبشير شنو
والله لو طرت السما
انت عند شعبي الامير
انت احقر من حقير


الزول بترقى يوم نصرو
يوم اعمل مفاخر
وعزة الزول السمح عندما يعمل مآثر
وات شبعان هزايم مليان وداشر
والليلة قد بعت البلد لكل طماع وماكر
والتيوس الانت فيهم
جز دقونها جاي باكر
جاي من وجع الغبش
منهوبة الرزق يادوب تدافر
جاي من ذل المظاليم
هناك في جو الدفاتر
جاي من زعل المغابين
من زمن للحق تعافر
جاي من وجع المساجين هناك في ذل المهاجر
جاي من دم الشهيد كتلوه في زمن المساخر
جاي من مهتوكة عرض
مودرة وحيرانة ودايرالها ساتر
جاي من وجع الارض وهي دنسها العساكر
والتيوس الانت فيهم جز دقونها جاى باكر
ورقيص شنو وعرضة شنو ات يا سجم العساكر
والبلد مكندكة بالفقر والجوع قد طق البنادر
رقيص شنو وعرضة شنو ات يا سجم العساكر
والشعب قد سكن المقابر
والفاشر الحبيبة قادلة فيها اغراب من عساكر
طامعة في البلد الجنازة والشعب مسكين وصابر
وانت راقص ماك شايف ماك خابر
يا رئيسنا ويا عريسنا انت ياكبري الكباير

Post: #8
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 02:54 PM
Parent: #7

مشير شنو وبشير شنو
والله لو طرت السما
برضو عند شعبي الامير انت احقر من حقير

قال سلام وقال كلام فاروقنا جلاب الهزيمة
رئيسنا وعريسنا ورقاصنا معدوم العزيمة
في نيفاشا جابوك بارك شان توقع للهزيمة
وصدقت انك حمامة للحب والسلام
وماك داري انك كت متيس زي بهيمة
وفي دارفور عصروك تاني
وقلت (الروب يا الله للكوز والحكومة)
وفي شرقنا العصرة حصلت
وماك مصدق انو اوشيك الهوين
الليلة مليان بالعزيمة
وبعد ده كلو رقوك مشير رتبه ما عارف لزومها
لاحس لا شعور جاري في الدنيا ونعيمه
وكيف الله بنصر ملة الشر اللئيمة
وكيف الله بنصر صاحب اليد الاثيمة
بكرة شعبي المظفر يمسح اهاتو الاليمة
بالكفاح الاصلي فيهو
والشموخ الفيهو ديمة
وتاني ترجع ام در تغني
وتعانق الفاشر التميمة
وجوبا السمحة ترقص لوحدة البلد العظيمة
وكسلا بشوتالها شايلة
فطرة البلد السليمة
تطرد الهم من بلدنا
وترجع ايامنا الحميمة
لا مشيرا فينا يأمر
ولا بشيرا عندو قيمة
ولا دقونا فينا قادلة
بالاساطير القديمة
وتاني ما بننخم ليها
بعدما شفنا الجريمة
وشعبي شايل تارو جاهز
حقو برجع بالعزيمة
ونحن ما بنغفر ذنوب الباعو دينن
وباعوا بلدي الحرة الكريمة
والمسامح وحدو الله
وما بنسامح الولعوا نار الخصومة
والبجامل في حقو تاني
ابقي زولا واطي ديمة
والبجامل في عرضو مرة
مصيرو للذلة وجحيمها
بشير شنو ومشير شنو
والله لو طرت السما
برضو عند شعبي الامير
انت احقر من حقير
انت يا عمر البشير


هباني

Post: #9
Title: Re: هشام هباني يمدح المشير البشير ..... عجبي !!!!!!!!
Author: Mohammed Awad
Date: 10-05-2010, 03:02 PM
Parent: #8

up_f7up-7894efe91d.jpg Hosting at Sudaneseonline.com

Post: #10
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 03:08 PM
Parent: #3

مشير شنو وبشير شنو
والله لو طرت السما
برضو عند شعبي الامير انت احقر من حقير



wantedposter2.jpg Hosting at Sudaneseonline.com

Post: #11
Title: Re: هشام هباني يمدح المشير البشير ..... عجبي !!!!!!!!
Author: علاء الدين يوسف علي محمد
Date: 10-05-2010, 03:13 PM
Parent: #10














Post: #12
Title: Re: هشام هباني يمدح المشير البشير ..... عجبي !!!!!!!!
Author: علاء الدين يوسف علي محمد
Date: 10-05-2010, 03:14 PM
Parent: #11




Post: #13
Title: Re: هشام هباني يمدح المشير البشير ..... عجبي !!!!!!!!
Author: علاء الدين يوسف علي محمد
Date: 10-05-2010, 03:15 PM
Parent: #12




Post: #14
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 03:23 PM
Parent: #13

أعضاء المنبر الأمنجية


• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين!
• مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال.
• لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ.
• كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم.
• بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ.
• ما يقوم به هؤلاء لا يقل إجراماً وخطورة عما يقوم به النظام داخل البلاد.
• هم العدو فاحذرهم.

Post: #15
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 03:47 PM
Parent: #14


عجبي لكل مثقف متهالك * يسعى إلى حضن الطغاة عجولا

يقتات من عرق الضمير ويرتمي * فوق الموائد جائعا وأكولا

أو يرتدي ثوب الخيانة خائفا * أو خائنا متخاذلا وذليلا

قد أسرفوا في كذبهم وضلالهم * حسبوا الشهور كلها "أبريلا"

جعلوا من الإعلام إفكا صارخا * يستهدف التزييف والتبجيلا

Post: #16
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 10-05-2010, 05:14 PM
Parent: #15

شركات الكيزان في السودان!!

الصحف:

1/ الرائد

2/ الراى العام

3/ اخر لحظة

4/ الانتباهة

5/ اخبار اليوم

6/ العاصمة

7/ الوفاق

8/ الحرة
9/ التيار

10/ Sudan Vision

Post: #17
Title: Re: هشام هباني يمدح المشير البشير ..... عجبي !!!!!!!!
Author: Mustafa Mahmoud
Date: 11-04-2010, 04:56 PM
Parent: #16

احذرو اللصوص
لصوص هذا الزمن
احذروهم

افتحو العين الكبيرة
عشان تشوفوهم
مرحلة مرحلة تابعوهم
أرصدو كل تحركاتم انتبهو ليهم
وضحوا ليهم انكم انتو بتعرفوهم
*****
سرقوا البلد
كتلو الولد
ونهبو الدهب
وسرقو الأمل من اعين الناس الحيارى
وكل معانات هذا البلد منسوبه ليهم
*****
واصلو ما بتغيرو
ديل اصلو من بتغيرو
الا انتو تغيروهم
شدو حيلكم وغيروهم