الـلـوتـري 2012 ..... مـرحـبـا بـالـجـمـيـع

انه وفي هذا اليوم الخامس من شهر اكتوبر لسنة 2011 ستنطلق صافرة
البداية للتقديم للـ DV Lottery السنوي والذي يعتبر اكبر برنامج
للهجرة للولايات المتحدة الاميركية. البرنامج يحقق للمتقدم حال فوزه
فرصة الاقامة الدائمة بالولايات المتحدة الامريكية ( Green Card ) ومن
ثم التجنس الذي ياتي في العادة بعد مضي خمسة سنوات من حصول المقيم
علي بطاقة القرين كارد.

وجهة البوست:
* شرح مستفيض لطريقة التقديم
* مساعدة الكل-دون استثناء- قراء واعضاء في التقديم في الفترة الزمنية
التي ساعلن عنها لاحقا.
* الرد علي استفسارات القراء والاعضاء في حالة عدم فهم اي من اسئلة استمارة
التقديم




امنياتي للجميع

سلام أخى الخير
لك الشكر
أستفسرنى الكثيرون وطلبت منهم أنتظار هذا البوست الكامل


يبدأ التقـديـم لللوتــرى من 5 أكـتـوبـر وحـتى 3 نوفـمـبر2010

يلاحظ قصر الفترة من شهرين لشهر مع مراعاة بطء الموقع فى الأسبوعين الأخيرين

Quote: سلام أخى الخير لك الشكر أستفسرنى الكثيرون وطلبت منهم أنتظار هذا البوست الكامل

بسسسسسسسس.... ها هو اخانا يسري الذي انا في حالة بحث مضن
عنه... تسلم يا حبوب وجد جد حا احتاج ليك شديد يا يسري لانو
زي ما شايف الفترة بقت قصيرة جدا وهذا البوست اصبح بالنسبة
لي التزام سنوي ... وايد علي ايد تجيب البعيد...
تسلم يا صديقي وتفائلت كثيرا ان كنت اول العابرين بهذا البوست



لك ودي المقيم

يبدا التقديم في ظهيرة خمسة اكتوبر بتوقيت الساحل الشرقي
للولايات المتحدة الامريكية وينتهي في ظهيرة الثالث من نوفمبر
اي ان فترة التقديم ستستمر لمدة شهر واحد فقط علي خلاف المرات
السابقة- في المرات السابقة كان التقديم بكون مفتوح لمدة شهرين
وهذا من اوائل التغيرات في هذا العام.

Quote: The online registration for DV-2012 DV Lottery begins noon, Eastern Daylight Time (EDT) (GMT -4), Tuesday, October 5, 2010, and ends noon, Eastern Daylight Time (EDT) (GMT -4), Wednesday, November 3, 2010. See the DV Instructions webpage for more information

من الصعوبات التى واجهتنى فى الأعوام السابقة :-
أختلاف تاريخ الميلاد المدون فى الجواز عن التاريخ الموجود فى شهادة الميلاد .... ناس السعودية خصوصآ ناس الخدمة الوطنية
تغيير رقم الهاتف بالنسبة للفائزين من السودان وأتمنى هذا العام كتابة رقم هاتفين أو ثلاثة للشخص المتقدم ولبعض معارفه
بالنسبة لشهادات التسنين المرجو إرفاق أقرار من الوالد أو ولى الأمر بواسطة محامى لأثبات العمر مع أبراز شهادة عدم قيد من الأحصاء وسوف أقوم بأنزال نموذج للأقرار وشهادة عدم القيد

روابط قديمة يمكن الاستعانة بها

اللـوتري 2008 مـرحبا بالجمـيع.

الـلـوتـري 2009 .. مـرحـبا بالجـمـيع.

الـلـوتري 2010 ...مرحبا بالجميع

http://www.sudanvoice.com/cgi-bin/sdb/2bb.cgi?seq=msg&b...&msg=1254442066&rn=1

يمكنكم مراسلتي عبر عنواني البريدي

[email protected]

ارجو ان لا تتم مراسلتي عبر عنوان بريدي السابق

[email protected]

ارجو ان تتم المراسلة عبر عنوان البريد الاول وليس
الثاني

Quote: ارجو ان تتم المراسلة عبر عنوان البريد الاول وليس الثاني

الخير يا الخير صباحك خير وعشمانين خير ..

راجع بريدك ... ثمح ..

عفوا مراعاة للترتيب قمت بانزال المداخلة في اخر البوست

اختنا الفاضلة عفاف

والله يا عفاف راجعت الايميل وما لقيت شي
كدي حاولي رسلي تاني.

اللوتراب

معذرة لعدم المواصلة وحذف الأيميل

طيب حا احاول ابدأ الشرح بطرق مبسطة ارجو اني اوفق في
ايصال المعلومة بشكل جيد.... نبدا برابط الموقع الرسمي
لادارة الهجرة الامريكية واللي هو دا:

http://www.dvlottery.state.gov/application.aspx

طبعا في الفترة السابقة قامت كتير من الشركات بعمل مواقع تشابه
لحد كبير الموقع الرسمي لادارة الهجرة الامريكية ارجو ان ينتبه الناس
لهذا لانو لو دخلت موقع غير الموقع الرسمي ممكن تتسرق معلوماتك وتروح
في حيص بيص.

بعض المواقع بتبتذ المتقدمين بطلب مبالغ طائلة في حالة الفوز ودا قانونا
ممنوع.... البحصل شنو؟ المواقع دي بتصيد الناس وغالبا بتقدم ليهم مجانا
لكن المشكلة الكبرى بتبدا لما تفوز؟؟؟ بعدموك نفاخ النار وغالبا بطلبو
مبالغ مالية طائلة حتين يسلموك ورق فوزك.

حا نركز هنا علي شرح طريقة التقديم واللهي ساهلة جدا-لكن- لا تتحمل اي خطا
يعني اي خطأ بتسبب في رفض استمارة تقديمك.... من اكثر الاخطاء التي تتسبب
في رفض اورنيك التقديم هو ( الـــصـــــــــورة ).... كثير من المتقدمين
برسلو صور غير صحيحة وموضوع الصورة دا حا نفرد ليهو المساحة الاكبر في الشرح
باذن الله في هذا الخيط.

الخير ياعمك

شنو يامااااااااااااااان......؟

صبرنا واستنينا واشتقنا وفقدناك

ورسلنا ليك علي الخاص والعام وماعارف شنو داك....!!!!

المهم.....

هل احتاج الي تقديم هذه السنة ايضا

ام ان تقديم السنة الماضية يكفي....!!!!!

الاهم.....

انا مصر ما ادخل البلد دي الا عن طريقك.....!!!!!

بالمناسبة.....

تلفوني عندك.....

تجي ولا نجي....؟

راجع ليك كان مارجعت لي ....!!!!!

وفيزتي قبال محمد الصايم

ولا نامت اعين اللوتراب .

اووووووووو صاحبي الصفوة هارون الذي يقطن في الخليج

Quote: وفيزتي قبال محمد الصايم ولا نامت اعين اللوتراب .

حبابك يا صاحب ومافي تقصير تب باذن الله.... انت وصاحبي
الولي داك باذن الله حا تكونو في اعلى القائمة باذن الله
والفيها الخير بتحصل.


ودي واحترامي

The following is the statistical breakdown by foreign-state chargeability of those registered for the DV-2011 program:



AFRICA

ALGERIA
1,753
ETHIOPIA
5,200
NIGER
89

ANGOLA
55
GABON
41
NIGERIA
6,000

BENIN
508
GAMBIA, THE
72
RWANDA
204

BOTSWANA
13
GHANA
6,002
SAO TOME AND PRINCIPE
0

BURKINA FASO
183
GUINEA
701
SENEGAL
427

BURUNDI
72
GUINEA-BISSAU
5
SEYCHELLES
4

CAMEROON
3,674
KENYA
4,689
SIERRA LEONE
3,911

CAPE VERDE
26
LESOTHO
11
SOMALIA
201

CENTRAL AFRICAN REP.
18
LIBERIA
1,826
SOUTH AFRICA
963

CHAD
59
LIBYA
114
SUDAN
1,156

COMOROS
7
MADAGASCAR
55
SWAZILAND
4

CONGO
144
MALAWI
33
TANZANIA
174

CONGO, DEMOCRATIC REPUBLIC OF THE
2,575
MALI
88
TOGO
1,011

COTE D’IVOIRE
759
MAURITANIA
25
TUNISIA
132

DJIBOUTI
45
MAURITIUS
61
UGANDA
490

EGYPT
4,251
MOROCCO
2,003
WESTERN SAHARA
0

EQUATORIAL GUINEA
13
MOZAMBIQUE
2
ZAMBIA
128

ERITREA
851
NAMIBIA
13
ZIMBABWE
163

الجدول اعلاه بيوضح عدد الفائزين من الدول الافريقية
السودان كان نصيبة فقط 1,156

الخير يا وجه الخير
ربنا يجعله في ميزان حسناتك
شكرا لك وللاخ يسري.

Quote: من الصعوبات التى واجهتنى فى الأعوام السابقة :- أختلاف تاريخ الميلاد المدون فى الجواز عن التاريخ الموجود فى شهادة الميلاد

دي حلها كيف يا يسري؟

يا الخير ويسري
الفترة قصيرة وبوستيكم دا ما بستحمل الجرجرة والتأخير فعليكم الله شدو حيلكم شوية. هسي معاذ دا انا من ماجيت الصباح وهو معلق.
تحياتي ليكم وكتر خيركم.

الأخوان معاذ ومحمد عمر
السلام عليكم ورحمة الله وبركاته
القصة فرق زمن
الحل يامعاذ أستخراج شهادة تسنين جديدة وهى أسهل من الجواز مع الأقرار وشهادة عدم القيد من الأحصاء

أحذر الجميع من شهادات الميلاد المزورة الموجودة بكثرة فى الخرطوم

Quote: انه وفي هذا اليوم الخامس من شهر اكتوبر لسنة 2011 ستنطلق صافرة البداية للتقديم للـ DV Lottery السنوي والذي يعتبر اكبر برنامج للهجرة للولايات المتحدة الاميركية. البرنامج يحقق للمتقدم حال فوزه فرصة الاقامة الدائمة بالولايات المتحدة الامريكية ( Green Card ) ومن ثم التجنس الذي ياتي في العادة بعد مضي خمسة سنوات من حصول المقيم علي بطاقة القرين كارد. وجهة البوست: * شرح مستفيض لطريقة التقديم * مساعدة الكل-دون استثناء- قراء واعضاء في التقديم في الفترة الزمنية التي ساعلن عنها لاحقا. * الرد علي استفسارات القراء والاعضاء في حالة عدم فهم اي من اسئلة استمارة التقديم امنياتي للجميع

بس انت (المطـــــــــــلوب) وراجيك من زمان أنا

السلام عليكم جميعاً

الخير يا وجه الخير

جيناك تاااااني

ولا يأس مع الحياة

هل ارسل لك البيانات والصور مرة أخرى؟

أم أكتفي بتقديمي الماضي؟

لك ودي وتقديري يا زعيم

ما زلت حتى الان في انتظار الافتتاح الذي سيكون بعد حوالي ساعة
من الان عشان نقدر نمشي مع الناس خطوة خطوة في اورنيك التقديم


في حاجة مهمة جدا داير انبه الناس ليها وهي انو السنة دي حصلت
تلاتة تغييرات اساسية في طريقة التقديم عن الطريقة التي كان عليها
قبلا:

1/ فترة التقديم: السنين الفاتت كانت بتستمر مفتوحة لمدة شهرين
المرة دي شهر واحد فقط لا غير

2/ بالنسبة للصور البتعمل ليها اسكانق المرة دي دايرين السنة دي
قوة تركيز الصورة تكون 300 نقطة بينما انو في السنين الفاتت كان
بطلبو 150 انش فقط لقوة التركيز او الوضوح.... بالمناسبة الشرط
دا ما يزعج الناس كتير- حا اتطرق ليهو باستفاضة لما نجي نشرح ما
ما هو المطلوب في الصور الصحيحة.

3/خطابات الفوز: السنين الفاتت كانو برسلو للناس البفوزوا خطابات
بالبريد بيخطروهم بفوزهم. المرة دي ما حا يعملوا كدا وحددوا طريقة
واااااااحدة فقط لمعرفة عما اذا كنت فزت ام لا وهي انك تعمل تشييك
عبر موقع مكتب الهجرة. نفس الطريقة بتاعة السنة الفاتت. بس المرة
دي حا تكون عبر الموقع فقط وماحا يرسلو اي خطاب بريدي لاي فائز.
طيب متين هم بفتحو النافذة دي:

Quote: Entry Status Check will be available for DV-2012 beginning May 1, 2011

اول مايو من عام 2011 هو التاريخ الممكن اي زول يتاكد فيهو من فوزو
او عدمو.


دي التغيرات التلاتة الاساسية الحصلت السنة دي.... اتمنى اني اكون قدرت
وضحتها بشكل جيد.

ودي وامنياتي للجميع

الاخوان

محمد عمر الفكي
ابراهيم قناوي
معاذ حسن

مرحب بكم في خيطنا السنوي وباذن الله حا نبدا في طريقة الشرح
فور انزال فورم التقديم وغاليا يكون في ظرف الساعة دي...صبرا
يبل الابري يا محمد عمر ههههههههه.


تحياتي

ياأخوانا بريدى أمتلأ بالأسئلة وهى مكرره
فرصة التقديم واحدة فقط
تاريخ الميلاد لابد من تطابقه فى الجواز

عزيزي الخير

السلام عليكم تاااني

والله انا لا أحسن دندنتك

ولا دندنة يسري

ولا قعد اقرا النضم الكتير حق ناس اللوتري دة

ولكن توكلت على الله

ثم عليك وارسلت البيانات

كلها ومعاها الصورة

في ايميلك الجديد دة

[email protected]

وتوكلنا على الحي الدائم

وربنا يجعل الخير على يديك

ولك الشكر مقدماً

كل الأسئلة والأستفسارات هنا

الخير أخوى نزل شرح الصور المطلوبة بسرعة جاتنى كمية من الصور الخطأ

http://www.dvlottery.state.gov/photo.aspx

اها وفتح التقديم
دي عشان ود الصايم

Quote: تاريخ الميلاد لابد من تطابقه فى الجواز

طيب يا أخانا يسري... إذا كان تاريخ الميلاد في الجواز يحتوي على السنة فقط، وشهادة الميلاد الأصلية ضائعة وتحل محلها شهادة تسنين التي عادة ما تؤرخ بتاريخ واحد يناير، بينما أعرف بالضبط تاريخ ميلادي باليوم والشهر والسنة من خلال شهادة الميلاد التي ضاعت، ما العمل؟ ماذا أكتب في استمارة التقديم؟
شكرا أخي الخير وأخي يسري على المساعدة. بس مسؤولان من الخير: الجماعة ديل ما بينفع معاهم الفقرا؟؟!! لأنو مسألة الحظ والكمبيوتر المنحوس البيستخدموه في الفرز دا ما ليهم ضمان!

سؤال ثاني: هل تقبل صورة المرأة السودانية وهي لابسة التوب؟

نبدا بشرح الاسئلة تباعا

السؤال الاول: وهو خانة ملء بيانات الاسم
ويبدا في الخانة ( a ) بملئ الاسم الاخير او اسم العائلة وبما اننا في السودان
ما قاعدين نتعامل مع قصة الاسم الاخير او الاسم العائلي فبننصح المتقدم ان يمسك
جوازو في يدو ويعاين لي اااااخر اسم مكتوب في الجواز دا منو ويقوم يكتبو هو
مثال لذلك : خالد محمد عزالدين مصطفى.... اها اسم مصطفى دا طوالي تقوم تستعملو
كاسم اخير او اسم العائلة في الخانة ( a ).

الخانة ( b ) وهي الاسم الاول ودا طبعا اسمك الاول ويجب ان تكتبه كاملا لو كان اسمك
مركب مثال لذلك ( جار النبي) او اسم مكون من اسمين مثال لذلك ( محمد المصطفى).
الشي المهم هو مراعاة كتابة الاسم بنفس الحروف الانجليزية المكتوب بيها في الجواز

الخانة ( c ) وهي خانة الاسم الاوسط: ودي دايما بيحصل فيها كثر الاخطاء.. كييييييف؟
طيب نعاين للاسم دا خالد محمد عز الدين مصطفى بنلقى انو الاسم الاول هو ( خالد) والاسم
الاخير هو ( مصطفى) اها الاسم الاوسط دا يا ربي حا يكون منووووووووو... حا يكون ( محمد)
وللا حا يكون ( عز الدين)؟؟؟؟؟؟ ... طيب في الحالة دي ولانو نحن جوازاتنا السودانية
اسامينا فيها بتتكتب رباعية نقوم نكتب في خانة الاسم الاوسط ( محمد عز الدين ) هكذا
نكتب الاسمين مع بعض في خانة الاسم الاوسط وبي كدا بنكون في السليم.

ودي

داير اقدم لللوترى اعمل شنو (فروم ايه تو زد) بصفتى انا وليس على وجه العموم
ما المطلوب لكى انال اللوترى
وما هى انجع الطرق؟
ارج الافادة والمساعدة ما امكن

الاخوة الاعزاء
لكم الشكر
اى اخ يتم اختياره ضمن الفائزين فى لوترى هذا العام
وعندو مشكله فى تاريخ الميلاد
سوف اقوم باجراءالتوثيق للاقرار من الوالد او الوالده
ملحوظه؛
اخوكم محامى وموثق -معتمد لدى السفاره الامريكية

ومجانى تبرعا منى للفائزين ان شاء الله

العزيز المتبرع ثوثيقيا للاقرار اشكرك انابة عن الفائزين على تبرعك السخى واوعدك اذا وقع على اللوترى ان اوثق عندك (واتبرع لك) بثمن التوثيق ردا لجميلك واتمنى ان يحذو حذوى كل من يقع عليه اللوترى
وبعد
طالما انت محامى ارج المشاركة فى مساعدتى فى قضيتى ضد احدى شركات الاتصال على الرابط ادناه وان تدعمنى بعلمك وما تراه مناسبا متبرعا (هذه المره)
انتظرك

مطلوب مساعدة قانونية عاجلة فى قضية ضد شركة اتصالات ستحدث دويا هائلاً

مطلوب مساعدة قانونية عاجلة فى قضية ضد شركة اتصالات ستحدث دويا هائلاً

نواصل

السؤال الثاني: وهو تاريخ الميلاد وتعبأ الخانات تباعا
a/ يوم الميلاد
b/ شهر الميلاد
c/ سنة الميلاد وفي هذه الخانة تكتب اربعة ارقام مثال لذلك
(1973) يعني مافي زول يكتب (73) ساي لازم تكون اربعة ارقام

السؤال الثالث: النوع وتضع العلامة في احدى الخانتين

السؤال الرابع: المدينة التي ولدت بها.... بالنسبة للناس
العندهم شهادات ميلاد اصلية ارجو الرجوع لشهادة الميلاد لتكتب اسم
المدينة التي ولدت بها مطابقا لما في الشهادة.

الأخــوان

الخير محمد عوض
ويســـري

ســـلام ...ومنورين بالبوست الســـنوي ولو لم تكتبوا غيره لكفاكم ذلك فخراً
"إن لله عباداً أختصهم بقضاء حوائح الناس حببهم في الخير
وحبب الخير اليهم أؤلئك هم الآمنون من عذاب يــوم القيامة "
نســـأل الله ان تكونوا من هؤلاء الآمنون من عذاب يوم القيامة
وربنا يجعل في وشكم وعلى يديكم الخير واليسر للجميع
معاكم إن شاء الله السنة دي

بالتوفيق للجميع

السؤال الخامس : وهو بلد الميلاد.

السؤال السادس:
الـســؤال رقم ســتة (6)

وهو اكثر الاسـئلة التي يحدث فيها كثيرا من اللبس... طيب نقوم نترجم السؤال
دا ترجمة عامـة. بنلقى انو بقول:

بلد الاستحقاق لبرنامج الهجرة
غالبا ما يكون بلد الاستحقاق هو نفس البلد الذي ولدت فيه. بلد استحقاقك
ليست له اية علاقة بالمكان الذd تعيش فيه الان.
طيب الكلام دا معانتو شنو؟....وبينطبق علي حالتك كيف؟
الحاجة الاولى المفروض ننتبه ليها هي انو السؤال دا بنقسم لي جزئين...كويس

الحالة الاولى: نقوم نفترض انك سوداني ومولود في السودان وعايش الان في السودان
طوالي هنا اجابتك في الجزء الاول من السؤال بتكون بي (نعـم) وتسيب الجزء التاني
من السؤال (فاضي).
الحالة التانية: نفترض انك سوداني ومولود في اي بلد لكنك لا تحمل جنسية ذلك البلد
وعايش الان في ذلك البلد( مثلا انت سوداني ومولود في السعودية ولكنك لا تحمل الجنسية السعودية)
طوالي هنا اجابتك عن الجزء الاول من السؤال بتكون (لا) والجزء التاني من السؤال بتقوم تختار السودان.
الحالة الثالثة:نفترض انك سوداني وولدت بالسودان ولكنك الان تعيش في اي دولة في العالم.مثلا
سوداني وبتحمل الجنسية السودانية ولكن لظروف عملك انت تقيم الان بالامارات مثلا)
تقوم طوالي تجاوب علي الجزء الاول من السؤال بي (نـعـم) وتسيب الجزء التاني منه (فاضـي).
الحالة الرابعة: نفترض انك سوداني واتولدت في السودان وتحمل الجنسية التشادية مثلا
اجابتك عن الجزء الاول من السؤال بتكون (لا) وفي الجزء الثاني تقوم تختار تشاد
وبكدا بتكون في السليم.

لكن وبشكل عام ارجو ان لا ينزعج الناس في اجابة هذا السؤال اذ ان بلد الاستحقاق لمعظم السودانيين
هي نفسها بلد الميلاد..... يعني بس القي ليك نظرة سريعة علي السؤال حا تلقى العلامة موضوعة في ( نعم)
تقوم تطنش السؤال وتسيبو في حالو وتمشي لغيرو

السؤال السابع
الـــصـــــــــورة

ولكن قبل التطرق لهذه الجزئية والتي هي ( اهـــــم) جزئية في كل الموضوع, حا اقيف
هنا حتى اجيب علي بعض الاسئلة التي وردتني في الايميل وبعض الاسئلة الاخرى في هذا الخيط
وبعدها نتفرق تماما لشرح موضوع الصورة.

الاخ الفاضل المر
تحياتي يا حبوب

Quote: بس انت (المطـــــــــــلوب) وراجيك من زمان أنا

مرحب بيك في اي وقت .... حا انزل المعلومات المطلوبة من اي زول داير
يقدم عبري او عبر الاخ يسري بعد الانتهاء من شرح طريقة ملء فورم التقديم
وابشر يا رجل .... عوجة تب مافي.

الاخ الفاضل
ابراهيم قناوي

Quote: هل ارسل لك البيانات والصور مرة أخرى؟ أم أكتفي بتقديمي الماضي؟

طبعا يا ابراهيم من اكبر الاخطاء انو في ناس بقدمو بنفس الصور القدمو بيها
في المرات السابقة ودا خطا كبير ارجو ان يتجنبه المقدمين اما بالنسبة للبيانات
ممكن تستخدم نفس بياناتك السابقة - اذا - لم يحدث فيها تغيير ( طلاق - انفصال-
زواج- طفل جديد-تغيير مكان الاقامة..... الخ).

الاخ محمد ابراهيم علي
سلامات يا صديق
تشكراتي علي المرور ووضع صورة لفورم التقديم ... لك الود اخلصه

الاخ محمد الامين موسى تحياتي يا حبوب

Quote: إذا كان تاريخ الميلاد في الجواز يحتوي على السنة فقط، وشهادة الميلاد الأصلية ضائعة وتحل محلها شهادة تسنين التي عادة ما تؤرخ بتاريخ واحد يناير، بينما أعرف بالضبط تاريخ ميلادي باليوم والشهر والسنة من خلال شهادة الميلاد التي ضاعت، ما العمل؟ ماذا أكتب في استمارة التقديم؟

نصيحتي ليك في الحالة دي تتوكل وتعبي الفورم بتاريخ واحد يناير الا اذا كنت متاكد بانك تستطيع اخراج شهادة ميلاد بدل فاقد
لشهادتك الاصلية ودا طبعا بكون الاحسن اما اذا كنت متاكد انك ما حا تقدر تطلع شهادة ميلاد بدل فاقد فمن الاجدى انك تقدم بتاريخ
واحد يناير........ المهم في كل هذا الموضوع انك ما تقدم اي معلومة ما تقدر تثبت صحتها عند المعاينة اذا فزت.
اما

Quote: سؤال ثاني: هل تقبل صورة المرأة السودانية وهي لابسة التوب؟

داير ااكد ليك بانو اي صورة بتوبنا السوداني دا بتعتبر غير مقبولة لانو التوب توجهو ثقافي وليس ديني وهم فقط بيقبلو
الصور المرجعياتا دينية.... يعني الحجاب الاسلامي مقبول العمة بتاعة السيخ ديك مقبولة لانو دا زي ديني. عمتنا السودانية
غير مقبولة...... حا اتطرق للحجاب الاسلامي لما اجي لشرح موضوع الصورة.

الاخ دكتور معاوية عمر مرحب بمرورك ولكن ما فهمت انت داير شنو بالضبط.... تحياتي

الاخ يا سر معتصم سلمت يا رجل

Quote: الاخوة الاعزاء لكم الشكر اى اخ يتم اختياره ضمن الفائزين فى لوترى هذا العام وعندو مشكله فى تاريخ الميلاد سوف اقوم باجراءالتوثيق للاقرار من الوالد او الوالده ملحوظه؛ اخوكم محامى وموثق -معتمد لدى السفاره الامريكية ومجانى تبرعا منى للفائزين ان شاء الله

سلمت يا رجل وان شاء الله في ميزان حسناتك

شكرآ أخى ياسر معتصم
وعلى الجميع متابعة شرح الأخ الخير بدقة قبل أى سؤال

السؤال السابع

الـــصـــــورة

النماذج ادناه لصور صحيحة













يتبع

وايضا ثلاتثة نماذج لصور غير صحيحة





الوجه ماخد الحيز الاكبر من الصورة

الخلفية لونها غير محايد


نسبة وضوح الصورة منخفضة


يتبع

توجد في الرابط ادناه نماذج لصور جيدة واخرى غير جيدة
يمكن الرجوع اليه للتحقق من صحة صورتك

http://www.dvlottery.state.gov/photo.aspx

كما ذكرت انفا انو الصورة دي اكثر الحاجات البتتسبب في رفض طلب التقديم
مثلا اذا قمت بادخال معلومة خطأ... مثلا بدل ما تكتب اسمك MOHAMED تقوم تكتبو
MOHAMMAD واكتشفت بعد ما رسلت الفورم انك كتبتو خطا, زي المشكلة ما ممكن تكون
سبب في انو الفورم يترفض ربما تكون ليك مشكلة لي قدام اذا تم قبولك وممكن يتوجد
ليها حل بصورة او باخرى..... لكن..... اذا صورتك غلط من الاساس الفورم بتاعك مرفوض
يعني في بعض الاخطاء يمكن ان تعالج لاحقا ولكن الخطأ في الصورة لا يعالج اطلاقا....
عشان كدا تنبيهي للناس انو لازم يتاكدو من صحة صورة التقديم قبل اي شي.

طيب اول حاجة ممكن نفكر فيها هي المقاسات.... المقاسات المطلوبة للصورة هي 600 بكسل في 600بكسل ودي نقطة هامة هامة هامة
الشيئ التاني المفروض الناس تنتبه ليه هو
انه في موقع التقديم في ايقونة مخصـصـة لاختبار صلاحية الصور, هذه الايقونة بتختبر المقاسات فقط
المقاسات فقط ولا تختبر الاشـياء الاخرى مثل ( خلفية الصورة-درجة الوضوح في الصورة-الضلال-....الخ)
عليه لا يجب الاعتماد علي هذه الايقونة كليا لمراجعة صلاحية الصور لانها زي ما قلنا بتراجع المقاسات
فقط.

يجب مراعاة الاتي في الصورة
* الخلفية تكون بلون محايد ويفضل اللون الابيض. من الاخطاء البقعو فيها الناس
انك تكون لابس ابيض ولون الخلفية ابيض.... طبعا كدا ما حا يظهر منك الا الوجه
وهم عايزين صورة تكون فيها الاكتاف ظاهرة.

* بالنسبة للحجاب بينصح انو عند ارتداء الحجاب ان تحرص المتقدمة علي ظهور كامل
ملامح الوجه ( عيون- حواجب- جبهة- حنك.... الخ).... التوب والعمة غير مقبولين.

ملحوظة: ارجو من الاخوة/ات البراسلوني عبر بريدي الاليكتروني انهم يراعو لهذه
المتطلبات حتى يتثنى لي الاسراع في التقديم لهم/ن.


هذا ما يتعلق بامر الصورة.

الأخ الخير
السلام عليكم ورحمة الله وبركاته
وصلتنى كمية من الصور والبكسل 160x160 وعند تكبيرها تظهر غير واضحة زى دى

السؤال الثامن

العنوان البريدي:

ويفضل استعمال عنوان زول مقيم في امريكا او اي مكان اخر شريطة
ان يكون بمكان اقامته خدمات بريدية جيدة

السؤال التاسع: البلد الذي تقيم به الان. والسؤال دا تحديدا بكونو
عايزين اجابتو عشان كان فزت تعمل المعاينة في اقرب سفارة امريكية
واذا كنت في بلد مافيها سفارة امريكية بحددو ليك المقابلة في اقرب
سفارة امريكية من البلد المقيم فيها. افتكر لغاية السنة الفاتت
السودانيين البفوزوا كانوا بيعملوا المعاينة في القاهرة.

المقاسات

ياعمك

سلام

ياخي ماتولدني وقول لي :

ارسل ليك نفس البضاعة بتاعت السنة الفاتت

ولا مامحتاج.....؟

مستنيك حسع....انا شغال

لا يا هارون

برسل ليك التفاصيل في الايميل

Quote: برسل ليك التفاصيل في الايميل

ولد ده....!!!!

سلامات الأخوان يسرى والخير

1- ولدى مواليد 8 يناير 1990 ، هل يمكن اقدم ليه فى نفس الطلب معاى؟
2- الاسم بالانجليزى فى باسبورته ناقص حرف ، بدل يكتبو albadawi كتبوه albadaw ، لكن فى الجواز المنتهى الاسم مكتوب صحيح ، الحل شنو

ولكم جزيل الشكر

تحياتى

الخير اخوي

كل سنة وانت طيب

اها انا السنة دي بدور اقدم

وحا اراسلك في الايميل

Quote: اها انا السنة دي بدور اقدم

نعومة .. كيفنك ..

اها يا اخيتى ما اتلاقينا فى بلاد العرب يمكن نتلاقى هناك ..

وإن شاء الله تكونى ساكنه جارتنا فى فريقنا كمان .. عاد يسوي الله ..

اوعك تقولى لى عايزه اسكن جنب ناس ود الصايم وتسوي لى كله ضحك ... هههههههههه

الخير

سلامات


وسؤالي بالنسبة للازواج تقديمهم مع بعض ولا كيف ؟؟

Quote: طبعا يا ابراهيم من اكبر الاخطاء انو في ناس بقدمو بنفس الصور القدمو بيها في المرات السابقة ودا خطا كبير ارجو ان يتجنبه المقدمين اما بالنسبة للبيانات ممكن تستخدم نفس بياناتك السابقة - اذا - لم يحدث فيها تغيير ( طلاق - انفصال- زواج- طفل جديد-تغيير مكان الاقامة..... الخ).

الأخ العزيز الخير

أشكر لك تكبدك مشقة الرد

وقد قمت قبل قليل

بارسال المعلومات الخاصة بي

مرة اخرى في ايميلك

ومعها صورة جديدة لنج

ارجو ان تكون مطابقة للمواصفات والمقاييس

جزاك الله خيرا و جعله الله في ميزان حسناتك

يالخير
انا خاتي طوبتي
الدور ده حا تقدم لي انت

up

الخير سلامات

Quote: يالخير انا خاتي طوبتي الدور ده حا تقدم لي انت

يا وليد عايز تمشي تشتغل في وزارة النقل مع صحبك ودعكاشة!

أنا بضمن ليك كرشتك والجقاجق بتاعتك دي تنزل في شهر!

تحياتي

أمير أوية

الخير سلامات

إستفسار بسيط اناقدمت لوترى 2006 وظهرت اسمى الاوراق كلها سليمة مية المية بس فى مقابلة السفاراة

فى ابوظبى لم اذهب بسبب سفرى الى السودان ممكن اقدم بنفس الاوراق وشكرا

..
.
سلام يا مكتب الخدمات الاسفيرى ..

والله يا محمد عوض ويسرى عندى كم سؤال كدى اتمنى ان نجد لها حلا
ويستفيد منها الاخرون :

1- الاسم
الكتابة الاملائية للاسم يعنى بالانجليزى ( الاسبلنغ Spelling )
مثلا اسم صالح ..
فى لجواز : Salih فى الشهادات الجامعية Saleh وشهادة الميلاد ايضا
ايضا اسم الطاهر مثلا  
قد يكون Altahier - Altaher - Eltahir - Eltahier
يعنى بصيغ مختلفة فى اوراق رسمية متعددة ؟؟؟

2- الصورة
درجة الوضوح للصورة كيف تقاس .. هل اعتمد ما يظهر فى الناسخة ( الاسكنر ) يعنى
تحدد هكذا ام عبر الكاميرا ؟؟

3- المدن ( مدن الميلاد او الاستقرار )
ايضا يكون هناك اختلاف فى طريقة الكتابة
يعنى مثلا قوقل ايرث يكتب Elobyed , ,
واحيانا Elobied >> وهكذا
ايضا الريا ض احيانا بحرف A ومرات بحرف E

Mailing Address - 4
فيهو جزئية اختيارية واخرى اجبارية
وتكرار العنوان ؟؟

5- نظارة النظر
هل يجب نزعها او التوصير بها لا يفرق ..؟؟

وشكرا لكم

-----------------

بالله يا دينق لو جيت مارى بهنا
ما تكتب كلام فارغ دا بوست للجميع
ما تقعد تخرف ؟؟ وكلامك البره عن تقديمى دا :)

مرحب بكل الاحباب في خيطهم والذي تذدان به صورهم
ومداخالتهم اللطيفة.... حا ابدا ارد عليكم واحد واحد
وبعديها اواصل في شرح كيفية ملء فورم التقدم بالصورة
الصحيحة.

انا ماعارف الايميل ده جاي بي

باصات الموردة.....؟

المعلومات المطلوبة لكل من يرغب ان اقوم بملئ فورم تقديمه وارساله هي:

1/الاسم: اذا كان رباعي ارجو كتابته كاملا.
2/تاريخ الميلاد: ودا لانه بيحدث فيه كثير من الخلط ارجو ارساله بهذه الطريقة
اذا افترضنا انه المتقدم مولود يوم 7 شهر 10 سنة 1975 يقوم يكتبوا لي كدا
7/اكتوبر/1975 ( مهم جدا تكتب الشهر كتابة وليس رقم).
3/ المدينة التي ولد بها مقدم الطلب
4/ البلد التي ولد بها مقدم الطلب
5/الصورة: يجب مراعاة كل ما كتبناه فيما يتعلق بامر الصورة. ( يمكنني ضبط مقاسات الصورة اذا كانت باقي الموصفات صحيحة.
6/العنوان: اذا كان المتقدم بيعرف ليه زول في امريكا فمن الاحسن اخذ عنوان ذلك الشخص
واذا كان ما عنده عنوان زول ممكن اقدم ليه عبر عنواني واذا كان يرغب في عنوانه الشخصي
برضو ممكن بس لازم يتاكد انه الخدمات البريدية جيدة في المنطقة التي يسكن بها.
7/رقم التلفون- دا شرط اختياري في فورم التقديم لكنه اساسي بالنسبة لي عشان لو فزت اقدر اتصل عليك.
8/عنوان بريده الاليكتروني
9/المؤهل الاكاديمي.
10/حالته الاجتماعية: اذا كان متزوج وله اطفال عليه كتابة بينات زوجته واطفاله ايضا كاملة
مثل معلوماته.

هـــــــــــــــــــــــــــــــــــــامارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات
رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه
هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed
Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية.

مرحب بالجميع

الاعزاء
مهيرة: يمكنك التقديم لابنك لانه للان لم يبلغ الواحدة وعشرين
كما وارجو انك تكتبي اسمو بنفس الطريقة الموجود بيها في المستند
الحا تستعمليهو ليهو كمستند رسمي.... يعني لازم يكون في تطابق في
اسمو مع المستند الحا تبرزيهو ليهو في السفارة في حال فوزه.

انعاااااااام حيمورة حبابك ومنتظر بيانتك انتي وزوجك علي الايميل
وحا اقدم ليكم باذن الله فور استلامي للبيانات.....بالنسبة لسؤالك

Quote: وسؤالي بالنسبة للازواج تقديمهم مع بعض ولا كيف ؟؟

الاجابة عنه كالاتي: الزوج ممكن يقدم طلب ويضمن زوجتو واطفالو -لو عندهم اطفال-
معاهو واذا فاز تلقائيا زوجتو واطفالو بتكون فازو معاهو. دي واحد
اتنين.... الزوجة ممكن تقدم طلب وتضمن زوجها- واطفالهم لو كان عندهم اطفال-
واذا فازت بكون زوجها واطفالهم تلقائيا فازو معاها
وبي كدا بكون دايما في فرصتين للمتزوجين...... امنياتي ليكم بالتوفيق

وليد الصفوة حبابك ياخ وحا اكون منتظر بياناتك يا ولي علي الايميل عشان
اقدم ليك سريع قبل ما تحصل زحمة والقصة تعضي ههههههههه مرحب تاني يا حبوب.

عبد الخالق عابد تسلم يا حبوب لرفع البوست

امير محمد الشفت دا حاجزنو معانا هنا عشان نكون نواة لبورداب امريكا الشمالية هههههه

الاخ حسن سنادة حبابك

Quote: الخير سلامات إستفسار بسيط اناقدمت لوترى 2006 وظهرت اسمى الاوراق كلها سليمة مية المية بس فى مقابلة السفاراة فى ابوظبى لم اذهب بسبب سفرى الى السودان ممكن اقدم بنفس الاوراق وشكرا

نعم يمكنك استعمال نفس البيانات الاستعملتها قبل كدا

تبلدينا سلامات يا رجل

Quote: الاسم الكتابة الاملائية للاسم يعنى بالانجليزى ( الاسبلنغ Spelling ) مثلا اسم صالح .. فى لجواز : Salih فى الشهادات الجامعية Saleh وشهادة الميلاد ايضا ايضا اسم الطاهر مثلا قد يكون Altahier - Altaher - Eltahir - Eltahier يعنى بصيغ مختلفة فى اوراق رسمية متعددة ؟؟؟

طيب يا عمنا اهلنا الخواجات ديل ما بعرفو لجنس لخبطتنا دي يعني نصيحتي
ليك من الااااااخر كدا تقوم تحاول تصلح الاسبلنق بتاع الاسماء دي كلها وتخليها
متطابقة في جميع مستنداتك وتقدم علي الاساس الحا تصلح بيهو دا لانو جد لو لقو
اي حاجة ما متطابقة حتى لو فزت ما بدوك تاشيرة واحتمال يعتبروها تزوير ويقومو
قطرك نهاااااااوي من امريكا هههههههه.

Quote: 2- الصورة درجة الوضوح للصورة كيف تقاس .. هل اعتمد ما يظهر فى الناسخة ( الاسكنر ) يعنى تحدد هكذا ام عبر الكاميرا ؟؟

الصورة دي يا تبلدينا ممكن تحدد درجة وضوحها في الموقع البتنزل فيهو الصورة لما
تجي تضبط مقاساتا وخدك الموقع دا... موقع جيد نزلو وهو ممكن ساعدك كتير في ضبط
مقاسات الصورة وضبط درجة الوضوح وانا هسي شغال بيهو
http://www.brothersoft.com/focus-photoeditor-26917.html

Quote: - المدن ( مدن الميلاد او الاستقرار ) ايضا يكون هناك اختلاف فى طريقة الكتابة يعنى مثلا قوقل ايرث يكتب Elobyed , , واحيانا Elobied >> وهكذا ايضا الريا ض احيانا بحرف A ومرات بحرف E

انت يا تبلدينا مولود في الابيض واحيانا مولود في الرياض وللا كيف يعني
هههههههههههههههههههههههه... طيب يا عمنا بالنسبة لمدينة الميلادطبعا هم
ما بقبلو شهادة باللغة العربية غير مترجمة... تقوم لما تترجم شهادة الميلاد
تكتب اسم المدينة بنفس الاسبلنق المكتوبة بيهو في الجواز وبي كدا بتكون في السليم

Quote: Mailing Address - 4 فيهو جزئية اختيارية واخرى اجبارية وتكرار العنوان ؟؟ 5- نظارة النظر هل يجب نزعها او التوصير بها لا يفرق ..؟؟

بالنسبة للجزئية الاختيارية في العنوان دي اذا كنت مستعمل عنوان
زول... يعني انا لما اقدم للناس من هنا واستعمل عنواني بقوم في
الحتة الاختيارية دي بخت اسمي... الحتة الاختيارية التانية ودي اذا
كنت مثلا ساكن في شقة بتكتب رقم الشقة فيهو ودي ما تشغل بيها نفسك
كتير لانها مرسومة تقريبا للطريقة البتتكتب بيها العناوين هنا في
امريكا.

Quote: بالله يا دينق لو جيت مارى بهنا ما تكتب كلام فارغ دا بوست للجميع ما تقعد تخرف ؟؟ وكلامك البره عن تقديمى دا :)

رغم خلافك مع دينق يوجد لدي شعور قوي انو لو تلاقيتم لتعانقتم عناق
الاخوة ومحوتم كل مرارات الاسافير بدعوة عشاء كاربة في امواج علي اسوأ تقدير هههههههههههه
لك وله كامل الود وخالص التحية.

السؤال العاشر:
رقم التلفون ودا سؤال اختياري ما مهم انك تخت رقم تلفونك لكن لو ختيتو بكون احسن

السؤال الحادي عشر: البريدي الاليكتروني ودا مهم برضو انك تتاكد بانك تكتبو بالصورة الصاح

السؤال الثاني عشر: ارجو اننا ننتبه لمعلومة في غااااااية الاهمية هنا... وهي انو مدارسنا في
السودان بقت بتدرس 11 سنة قبل المرحلة الجامعية وزمان كانت 12 سنة... طيب الجماعة ديل ما بعترفو
بقصة الـ 11 سنة دي - وحقيقة ما عارف ناس الـ 11 سنة دي ممكن يتصرفو كيف- الشي الوحيد المتاكد منو
انهم ما بيقبلو اقل من 12 سنة دراسة وما شرط تكون ناجح ثانوي بس تكون درست 12 سنة.


طيب في ناس درسو الثانوي واي دراسة اخرى ما جامعية بس دراسة فوق للثانوي الناس ديل ممكن يملو في
الخانة Vocational School

Quote: وما شرط تكون ناجح ثانوي بس تكون درست 12 سنة.

الشهادة السودانية شرط تكون نجاح

شهادة رسوب مرفوووووضة

Quote: الشهادة السودانية شرط تكون نجاح شهادة رسوب مرفوووووضة

اوووووووو ابو السيوف سخصيا بي جاي.... مرحبا والله
هل تعلم يا ابو السيوف انو ممكن تكون قاري ابتدائي بس
وتكون مقبول قول لي كييييييييييييف... اقول ليك تقوم تقرا
كلامهم دا كويسسسس قبل ما تجي تتشاتر لي في بوصطيني دا الانا
قاعد اتعب فيهو تعب شديد ياخ....ما تشتت لينا افكار الناس ياخ
كان عندك كليمة او معلومة سمحة ختها كان ما عندك البوست دا
مااااا بتحمل اللخابيط...... سمح يا ابو السيوف.

طيب اقرا هنا

Quote: be a skilled worker in an occupation that requires at least two years of training or experience to qualify

طيب السؤال الثالث عشر:Unmarried
Married
Divorced
Widowed
Legally Separated

ما متزوج عليك بالاولي
متزوج عليك بالتانية.... بس.... عندي توضيح هنا لو كتبت متزوج طلب التقديم
دا حا افتح ليك ليك نافذة جديدة واللي هي (part two) عشان تقوم تكتب فيها
بيانات الزوج/جة والاطفال ان وجدو.

اما اذا كتبت غير متزوج وما عندك اطفال الابلكيشن بتاعك بتهي لغاية السؤال 14

طيب مش ممكن تكون ما متزوج وعندك اطفال ههههههههههههه الحركة دي طبعا كتيرة هنا
انو تكون ما متزوج وعندك اطفال... المهم... ما اظن عندنا غرض كبير نحن بالجزئية
دي لانها ما قاعدة تحصل عندنا.

السؤال الرابع عشر: اذا كتبت اي رقم في خانة الاطفال حا تتفتح ليك نافذة تكتب فيها
بيانات هؤلاء الاطفال مع صورهم


وبي كدا بنكون انتهينا من شرح طريقة ملء فورم التقديم
امنياتي للجميع بحظ وافر

Quote: هل تعلم يا ابو السيوف انو ممكن تكون قاري ابتدائي بس وتكون مقبول

الخير يا عشانا

هل عندك مثال عملي

يعني في زول جرب قابل واخد

انا بتكلم من منطلق تجارب عملية

في فرق
ن تكون داخل السفارة بشهادة سودانية رسوب

وفرق تكون داخل بالخبرة

وبالخبرة دي زاتها خشم بيوت انا ذاتي ما واقعة لي

Quote: وبالخبرة دي زاتها خشم بيوت انا ذاتي ما واقعة لي

سمح

Quote: اي حاجة ما متطابقة حتى لو فزت ما بدوك تاشيرة واحتمال يعتبروها تزوير ويقومو قطرك نهاااااااوي من امريكا هههههههه.

تعتبر الاخطاء الاملائية اخطاء بسيطة يتم تعديلها واصلاحها عند ملء الفورمات

حتي تاريخ الميلاد لو اتكتب خطا يمكن اصلاحه بكل بساطة

اعتذر عن المواصلة في البوست

واتركه للاخ سيف حتى تعم الفائدة ان وجدت


سلامي وامنياتي للجميع

سلامات الخير
راجع الماسنجر
اخوك
انس التوم
سيول-كوريا

معذرة لعدم المواصلة وحذف الأيميل وذلك لكثرة العدد الكبير الذى وصلنى عبر لأيميل وأعتذر عن عدم قبول أى إيميل حتى الأنتهاء من الذين وصلت معلوماتهم
أعتذارى للجميع

Quote: اعتذر عن المواصلة في البوست واتركه للاخ سيف حتى تعم الفائدة ان وجدت سلامي وامنياتي للجميع

سلامات اخونا الخير

والله اللوترى بلاك خربان وياراجل تعال راجع ساعد اخوانك الحلوين ديل

ليهم سنة بيسالو عن الخير قبل اللوترى

مع خالص تقديرى

يا سيف

هسه لو واحد جاء عمل ليك مقص فى بوستيك بترضى؟

ياخى مالك امشى بوستيك بتاع اللوترى عوس فيهو

بطلو حركات وادونا راسنا

او ادونا قروشنا نزلونا المحطة الجاية.....!!!!

يا الخير ياخي خلي روحك رياضية

اختلاف الراء مفيد وما ضار

ارجع لبوستك فالجميع في انتظارك

Quote: ويــكـون إخــتـلاف الــرأى بـالـتـالـى حـافــزا لــتـنـقــيـح الـفــكـر، وتــنـمــيـتــه، والـســمـو بـه إلــى فـضـاءآت أرحـــب؛ والــوصــول إلـى أنـمـاط أو آراء فــكـريـة مــتـطابـقــة، أو مـقـبـولـه، أو مســمـوح بـهـا -- رغــم إخـتـلافــهــا. فـــتـــتــم الــحــريـة الــفـكــريـة للـجــمــيـع؛ بــإيــقـاع حــضـارى يـجـعـل الإتــفـاق عــلـى أدنـى نــقـاط الإتــفـاق مــنـطــلـقـا نــحــو حــل مـايـعـتـور الـمـجـتـمـع مــن أخــطار مـاحــقـة وكــوارث لاحـــقـة؛ بــلا تــجــن أو تــعـنـت أو تـخـويــن أو تــجـريـم. فــيـكـمــن بالــتـالـى تــلافـى الـكـوارث الــتى تــؤذى الـجـمـيــع.

فى انتظار ياجميل

Quote: Ýì ÇäÊÙÇÑ íÇÌãíá معذرة لعدم المواصلة وحذف الأيميل وذلك لكثرة العدد الكبير الذى وصلنى عبر لأيميل وأعتذر عن عدم قبول أى إيميل حتى الأنتهاء من الذين وصلت معلوماتهم أعتذارى للجميع

ماتزهجواااااااااااا

سيك سيك معلق فيك

..
.

Quote: طيب يا عمنا اهلنا الخواجات ديل ما بعرفو لجنس لخبطتنا دي يعني نصيحتي ليك من الااااااخر كدا تقوم تحاول تصلح الاسبلنق بتاع الاسماء دي كلها وتخليها متطابقة في جميع مستنداتك وتقدم علي الاساس الحا تصلح بيهو دا لانو جد لو لقو اي حاجة ما متطابقة حتى لو فزت ما بدوك تاشيرة واحتمال يعتبروها تزوير ويقومو قطرك نهاااااااوي من امريكا هههههههه.

اها الجواز ممكن يتعدل ويتطابق مع شهادة الميلاد المترجمه
لكن شهادات التخرج من سقط لقط والماجستير دى نعمل فيها شنو؟؟

------------

حنك ونقاش كدا الناس ديل الواحد ما بقدر يقنعهم ولا كيف ؟؟
والله ولى العهد الساكين ليهم الجنسية دى زاتو ابى يجى .. :)

الاخ الخير أتمنى ترجع للبوست وتكمل مع كمية الناس الوثقت فيك وبقيت بالنسبة ليهم Very Reliable
دا ماوكت حردان أو زعل








 

فى الانتظار الى حين الرجوع

Quote: اعتذر عن المواصلة في البوست واتركه للاخ سيف حتى تعم الفائدة ان وجدت سلامي وامنياتي للجميع

الاخ الخير

ارجو ان تعود لاكمال هذا البوست وكلي رجاء

هناك الكثير الكثير من الذين ينتظرون مساعدتك وارشادك لهم

هناك متابعين من خارج المنبر ينتظرونك سنويا

ونعلم كم يكلفك هذا الكثير من زمنك ومجهودك

ولك الشكر الجزيل عليه فانت اهل لذلك

الخير يا وجه الخير


..





________________________

سبب التعديل: لانو البوست اتفتل ولو الخير ما رجع بفتلو تاني

لو كنت قايلكم ما حناسين كدا, ما كان حردت البوست هههههههههه

الخير يا صديق
عندي طفل عمرو زي شهر كده ..أها ده أضبط ليهو الصورة كيف ؟؟ أبي يقيف لي كويس كلو كلو !! هههههههههه

الخير ازيك

ياخى الحالة أنا أول ما شفت البوست بتاعك نويت السنة دى أقدم على ايدك للهناى ده " هو اسمه ايه ؟
تقوم تكب الزوغة قبل ما نفهم الموضوع كويس

الحمدلله على الرحعة

تحياتى لنهلة والبنيات

وربنا يوفقك

شكرا يا الخير على الشرح الوافي
سأحاول التقديم بنفسي
لكن حقيقة تساؤلات أخونا صالح تبلدينا مفيدة
فكلنا نعاني من إختلاف تهجئة الاسم في الشهادات والجواز

Quote: لو كنت قايلكم ما حناسين كدا, ما كان حردت البوست هههههههههه

يعني كان ننزل ليك


عشان خاطرنا ترجع دي صوت وصورة ولا شنو؟؟؟


________________________


حمدا لله على السلامة ،بياناتي والصورة الجديدة

في ايميلك الجديد منذ فترة

شكرا ليك يالخير اخوى

سؤال تانى:

الولد مولود فى السعودية ، لكن عنده جنسية سودانية ،فى الحالة دى ال native country ،بكون السعودية ولا السودان؟؟

تحياتى

الخير

العزيز انا معاكم

يبدو لي انو الجماعة كلهم شادين الرحال ليكم طيب !

،،،،أبوقصي،،،،

مجهود مقدر يالخير
انشالله فى ميزان حسناتك
بس لو كنت نزلت ليك مثال مصور
وتطبقوهنا لمزيد من الشرح
شكرا

.
.
.

.
.
.
بالتوفيق للجميع

الاخوة الاعزاء الخير ويسرى
نشكر لكم هذا الجهد المقدر
انا نايف محمد حامد وصديقى عصام محمد الزبير
سنقوم بارسال الصور لكم
الايميل الموضح في اعلى البوست
الجديد يا الخير ما القديم
وكل المعلومات المطلوبة
وفق ما فهمناهو
وشكرا لكما
خلال ايام انشاء الله

Quote: معذرة لعدم المواصلة وحذف الأيميل وذلك لكثرة العدد الكبير الذى وصلنى عبر لأيميل وأعتذر عن عدم قبول أى إيميل حتى الأنتهاء من الذين وصلت معلوماتهم أعتذارى للجميع

دا شنو يا يسري.

عمرى المكتوب فى الجواز 1 يونيو 1975 وانا اصلا ماعندى شهادة عايزة اطلع تسنين والتسنين بطلع بيوم 1|1|
فى الحالة دى اعمل شنو اطلع اقرار من احد الوالدين ومحامى مع التسنين

الاخوان الاعزاء الخير ويسرى
مشكورين وربنا يقدركم ويوفقكم انشاء الله


بالنسبه لى تاريخ الميلاد بشهادة التسنين هو 1/1 وبالجواز يوم 2/1
لرفض سلطات الجوازات استخراج الجواز بتاريخ 1/1 فماهو التاريخ الذى تنصحونى بالتقديم به
او كيفية حل هذه المشكله فى فورم التقديم

امر اخر هل تغيير الجواز من القديم للجديد سيؤثر لاحقا
علما ان الجواز الجديد يكتب فيه اسم العائله والاسم الاول فقط باللغه الانجليزيه
وحسب خطة ادارة الجوازات انه بداية من 2011 سيعمم العمل بالجواز الجديد





ولكم خالص مودتى وتقديرى

الاخوه يسري والخير
جزاكم الله خير بوست مفيد جدا
نتمني التوفيق للجميع
ولكن اهم شئ المعلومات تكون صحيحه من البدايه عشان ما تكون في متاعب لاحقا










الوليد محمد احمد المحامي- بروكلن نيويورك

Quote: ولكن اهم شئ المعلومات تكون صحيحه من البدايه عشان ما تكون في متاعب لاحقا

شكرا يا الوليد وحا احتاج لرقم تلفونك يا ريت لو ترسلو لي في الماسنجر

تحياتي

الاخ منتصر الامين

Quote: بالنسبه لى تاريخ الميلاد بشهادة التسنين هو 1/1 وبالجواز يوم 2/1 لرفض سلطات الجوازات استخراج الجواز بتاريخ 1/1 فماهو التاريخ الذى تنصحونى بالتقديم به او كيفية حل هذه المشكله فى فورم التقديم

انصحك بعمل تاريخ واحد في كلا المستندين الجواز وشهادة الميلاد او التسنين - دي بتتعمل كيف-
والله يا منتصر ما عندي فكرة لكن ما اظن انو صعبة.... الفكرة الاساسية انو انك تتحاشى التضارب
في البيانات بتاعتك بقدر الامكان.
اما

Quote: امر اخر هل تغيير الجواز من القديم للجديد سيؤثر لاحقا علما ان الجواز الجديد يكتب فيه اسم العائله والاسم الاول فقط باللغه الانجليزيه وحسب خطة ادارة الجوازات انه بداية من 2011 سيعمم العمل بالجواز الجديد

الجواز القديم او الجديد كلاهما لايفرق في اي شي اذا كانت البيانات متطابقة في كليهما وطلب
التقديم الذي قمت بارساله.

اخانا ياسر السيد تسلم يا رجل لحسن الظن في شخصنا المتواضع
سامي عتباني.... يا راجل ابو السيوف دا انا فاهمو شايت وين وفهمو شنو.. ما تشتغل بيهو
سلمت يا حبوب وتقبل احتراماتي.

هااارون الصفوة

Quote: بطلو حركات وادونا راسنا او ادونا قروشنا نزلونا المحطة الجاية.....!!!!

شفقة هناية ديك بس. يا عمك ماااااااا ناسيك والله

اخانا ياسر معتصم ....... كيفك يا مان

Quote: ماتزهجواااااااااااا

... انا ما زهجت انا حردت ياخ ههههههههه الزهج يسري هههههه

تشرب تبلدينا تمشي وتجينا ههههههه
كيفك يا حبوب

Quote: اها الجواز ممكن يتعدل ويتطابق مع شهادة الميلاد المترجمه لكن شهادات التخرج من سقط لقط والماجستير دى نعمل فيها شنو؟؟

انا والله ما عارف كيف الخطأ دا لكن لو ما شي كبير لاااازم تصلحو خصوصا اذا
عندك نية دراسة هنا... تصلحو كيف؟ الله تالم ههههههههههه.

Quote: حنك ونقاش كدا الناس ديل الواحد ما بقدر يقنعهم ولا كيف ؟؟ والله ولى العهد الساكين ليهم الجنسية دى زاتو ابى يجى .. :)

الحنك مرات بشتغل ومرات لا عشان كدا ما تسيب الموضوع لمقدراتك الحنكية... الخواجات
ديل الواخد لما يحرن بحرن لما يحيرك ولما يكون داير سمعك بسمعك لامن تحتار... يعني
لا بأس ان استعنت بجر للسبحة هههههههه.... ولي العهد دا وللا الحركة دي ما تعملا هسي يا صالح لسسسسسسا بدري هههههه
اختنا رايوة ههههههههه كيفك سيستر

Quote: الاخ الخير أتمنى ترجع للبوست وتكمل مع كمية الناس الوثقت فيك وبقيت بالنسبة ليهم Very Reliable دا ماوكت حردان أو زعل

سلمتي يا راوية وسلم من ظن فيني خيرا وجد اتمنى انو ربنا يقدرني اساعد الناس واحلحل ليهم ما امكن من فك اللبس
الفي فورم التقديم واهو الواحد البوست دا بقى ليهو التزام سنوي ربنا يقدرني عليهو... وعشان خاطر رايوة تسلم الف رايوة.

شقيقي الذي لم تلده امي ايوووووب كيفك يا حبوب وربنا يقدرنا علي المساعدة يا ايوب.

اخانا ابراهيم قناوي كيف يا رجل يا طيب بأذن الله ساكمل لك التقديم في
خلال هذا اليوم وافيدك في ايميل بهذا... صورتك سليمة مية المية.

صديقنا خالد عبد الله محمود وينك يا رجل مختفي عساك طيب وبركة الشوفة

Quote: عندي طفل عمرو زي شهر كده ..أها ده أضبط ليهو الصورة كيف ؟؟ أبي يقيف لي كويس كلو كلو !! هههههههههه

ماااااالك عليهو موقفو وهو يا دوووب عمرو شهر هههههههه.... قعدو بطريقة معينة بحيث تكون مثبت راسو وضهرو
وحاول ما تظهر يدك واتاكد من الخلفية بيضاء وملامح وشو ظاهرة ... حاول وبتنجح ان شاء الله.... ربنا يديهو ليكم
ليكم طول العمر ويجعله لكم غرة عين ومبرووووووووك.... تحياتي.
اووووووووو اخانا دكتور ياسر شبيكة الذي هو في قطر هههههههههه

Quote: ياخى الحالة أنا أول ما شفت البوست بتاعك نويت السنة دى أقدم على ايدك للهناى ده " هو اسمه ايه ؟ تقوم تكب الزوغة قبل ما نفهم الموضوع كويس

يا رجل ابشر وما عندك عوجة تب وحا اكون منتظر بياناتك وبينا تلفون ان شاء الله.
تحياتي للعيال وامهم.

اخونا جعفر محي الدين تحياتي يا حبوب وفعلا بتفق معاك اسئلة تبلدينا اسئلة مهمة جدا اتمنى اني اكون قدرت
ازالة اللبس عنها.... والاسماء فعلا من المشاكل البتواجه كتير من السودانيين لاننا ما عندنا ثقافة الفيرست
واللاست نيم دي.... بس اظن انو من تكرار المقابلات في السفارات المختلفة اهلنا الخواجات ديل بدو يتفهموا
الموضوع دا كويس.

مهيرة كيفك يا خية

Quote: سؤال تانى: الولد مولود فى السعودية ، لكن عنده جنسية سودانية ،فى الحالة دى ال native country ،بكون السعودية ولا السودان؟؟ ابو النسب مجدييييي كيفك يا رجل... رسلت ليك هسسسسي رسالة في الايميل ارجو قراءتها.

ولدك يا مهيرة بتنطبق عليهو الحالة دي
الحالة التانية: نفترض انك سوداني ومولود في اي بلد لكنك لا تحمل جنسية ذلك البلد
وعايش الان في ذلك البلد( مثلا انت سوداني ومولود في السعودية ولكنك لا تحمل الجنسية السعودية)
طوالي هنا اجابتك عن الجزء الاول من السؤال بتكون (لا) والجزء التاني من السؤال بتقوم تختار السودان.

الاخ خالد
سلامات يا رجل

Quote: مجهود مقدر يالخير انشالله فى ميزان حسناتك بس لو كنت نزلت ليك مثال مصور وتطبقوهنا لمزيد من الشرح

اخوك يا ابو الخلد التنكلوجيا قاعدة تخزلو كتييييير عشان كدا بتم الباقي شرح هههههههه
انا زاتي منت بتمنى اشرح شرح مصور اسهل وافيد واسرع في الفهم لكن نحاول ان مد الله في الاجال
نعمل كدا في ونستعد من بدري في المرات القادمة.... سلمت يا رجل.

الاخ محمد الامين اشكر لك هذه الاستراحة اللطيفة

الاخ نايف حبابك

Quote: سنقوم بارسال الصور لكم الايميل الموضح في اعلى البوست

ساكون في انتظار بياناتك


ودي

Quote: اخانا ابراهيم قناوي كيف يا رجل يا طيب بأذن الله ساكمل لك التقديم في خلال هذا اليوم وافيدك في ايميل بهذا... صورتك سليمة مية المية.

يا سلام عليك يا حبيبنا الخير

أيوة كدة ياخ روق واحلى

يعطيك الف عافية ياخي

ويجعل الخير على يديك

سلام

لو تاريخ ميلادى فى الجواز يوم 1 يونيو 1975 وانا حااطلع شهادة تسنين وطبعا التسنين بكون ب 1 يناير
اها فى الحالة دى اعمل شنو

سلام يا نجاة

Quote: لو تاريخ ميلادى فى الجواز يوم 1 يونيو 1975 وانا حااطلع شهادة تسنين وطبعا التسنين بكون ب 1 يناير اها فى الحالة دى اعمل شنو

من الواضح يا نجاة انو يوم 1 يونيو 1975 دا تاريخ ميلاد صحيح... يعني من السهولة انك تقدري تطلعي شهادة
بدل فاقد لشهادة ميلادك... ومافي داعي تطلعي شهادة تسنين.... نصيحتي ليك انك تملي الفورم بتاريخك الاصلي
1 يونيو 1975 زي ما هو موجود في الجواز وبعد كدا تسعي في انك تستخرجي شهادة ميلاد بدل فاقد وتكوني جاهزة
بي شهادة ميلادك الحا تستخرجيها دي للمقابلة في حال فوزك.... امنياتي لك بالتوفيق.

اخى الكريم

هل شهادات الميلاد للمرافقين مطلوبه

وهل يجب ان تكون بالانجليزيه ؟

وكيف يمكن ان اتحصل على شهادات بالنجليزى من خارج السودان ؟

يبدو لي انو في بعض الاسئلة سابقة لاوانها.... لا ضير من معرفتها الان
ولكن لو تركنا البوست لاغراضه الاساسية بنقدر كلنا نركز وما نشتت مجهودنا
يعني اسئلة مثل: ما اهي اجمل ولايات امريكا وكم متوسط دخل الشخص في ولايات
الشمال وما هي اكثر الولايات برودة وماذا سيكون ردي للقنصل اذا سالني في
المعاينة عن الاختلاف في الاسبلنق لاسمي وووو.......الخ. هذه اسئلة سابقة لاوانها
الشي الذي نحن بصدده الان هو ((((( كيف نستطيع تعبئة فورم التقديم بالصورة الصحيحة)))))
الاسئلة دي بتكون مجدية لما الزول يفوز.


ودي

كنت واثق من رجوعك ياجميل ياراقى
وانت دائما اكبر
نواصل مع الشباب فى المتابعة
والمرة الجاية حانجيب ود الصائم حرس حدود

مع خالص الود

الأخ الخير
تحياتي لك و لما تقدمة من خدمة جليلة.
كدي راجع إيميلك الجديد.

وليد

مرحب بوليد
الصورة للاسف غير مطابقة لان حجم الوجه ماخد الجزء الاكبر من الصورة
ارجو اعادة التصوير والارسال.

مشكور والله اخى العزيز على هذا الجهد الجبار ...
قبل ان اسأل سؤالى :
كنت ارفض التقديم لهذا البرنامج لانو حظى زفت زى ما بيقولوا
لكن بعد دخولى لهذا البوست تشجعت وقمت بالتقديم عبر الرابط
الغريب انه قبل الطلب بسرعة حيرتنى عكس الذين تعبوا فى التقديم
واتمنى ان يخيب ظنى فى سؤ حظى .ز
السؤال :
كنت قد قابلت السفارة الامريكية فى القاهرة للسفر
السفر كان للدراسة وكان لدى قبول باحدى الجامعات
واستوفيت كل الشروط
كان معى شخصين تم قبول طلبهم وتم رفض طلبى دونا ابداء اى اسباب
بصمتى وكل معلوماتى موجودة بالسفارة
فى حالة الفوز باللوترى
هل يؤثر الرفض السابق ؟؟؟
مشكور وتعبناك معانا

الأخ هشام عباس
السلام عليكم ورحمة الله وبركاته
أرجو أن لا تغير فى معلوماتك الشخصية نهائيآ وقدم بنفس معلوماتك
وفى نقطة مهمة وخطيرة حدثت لحالة مشابهه لحالتك وكنت شاهدآ عليها
تلفونك سريع على الخاص وبسرعة قبل أن تقدم

Quote: الأخ هشام عباس السلام عليكم ورحمة الله وبركاته أرجو أن لا تغير فى معلوماتك الشخصية نهائيآ وقدم بنفس معلوماتك وفى نقطة مهمة وخطيرة حدثت لحالة مشابهه لحالتك وكنت شاهدآ عليها تلفونك سريع على الخاص وبسرعة قبل أن تقدم

الحبيب يسرى
ليك وحشة يا راجل
راجع ايميلك

Quote: فى حالة الفوز باللوترى هل يؤثر الرفض السابق ؟؟؟

الاخ هشام عباس
يمكنك التقديم ببطن باردةه هههههههههههههه لانو مافي اي علاقة برفضهم السابق لك
والتقديم للوتري وهذا لايوثر الا اذا كان سبب رفضك الاول هو سبب امني.... الذين
يرفضون لاسباب امنية لا يستطيعون دخول هذا البلد علي اية حال.


تحياتي وامنياتي لك بالتوفيق.

الاخ وليد قمت للتو بالارسال لك وارسلت لك بالاميل رسالة تفيد بذلك


تقبل امنياتي

تشكرات يالخير و ما عدمناك.

وليد

الاخ الخير أتمنى ترجع للبوست وتكمل

معذرة لكل من أرسل لى من خارج المنبر مستفسرآ لعدم تمكنى من الرد عليهم لكثرة العدد

غدآ بإذنه تعالى سأكتب عن نوعية الأسئلة التى تلقيت منها المئات وكلها تنحصر فى عدد من الأسئلة المكررة سنويآ وكل من أرسل إلى أستفسار فى الأيميل سيجد الأجابة غدآ بإذنه تعالى كذلك من له أستفسار سيجد أجابته غدآ...

زول قال لي اشكرك يا الخير علي البوست الجميل وانه البوست
عمت فائدته لكل الناس وكدا وانو هو شخصيا استفاد منو كتير وكدا
.... وبعدين قال لي يا الخير ياخ دايرك في طلب صغيروني كدا....
طلبو شنو؟؟؟؟ اوريهو كيف يمكن يقدم للوتري. وهل بحتاح لي صورة
وللا لا..... اها هنا اخوكم اتجهجه هههههههههههههههههه.


شفت كيف.

العزيز الخير

مشكور والله اخى العزيز على هذا الجهد الجبار ...

فى الماضى كنت اقدم كل سنة من السودان والمرة دى اتوكلت على الله وقلت التقديم لازم يكون عن طريقك يمكن تصدق معانا ونكون من المحظوظين

رسلت ليك المعلومات والصور على الميل الجديد اها ان شاء الله تكون قمت بالواجب

Quote: رسلت ليك المعلومات والصور على الميل الجديد اها ان شاء الله تكون قمت بالواجب

ما رسلت لي كل المعلومات المطلوبة

الاسم الاوسط ليك ولي زوجتك

ويا اهلنا ما تستعجلو بلييييييييييس عاينو للمداخلة دي مرة تانية

المعلومات المطلوبة لكل من يرغب ان اقوم بملئ فورم تقديمه وارساله هي:1/الاسم: اذا كان رباعي ارجو كتابته كاملا.
2/تاريخ الميلاد: ودا لانه بيحدث فيه كثير من الخلط ارجو ارساله بهذه الطريقة
اذا افترضنا انه المتقدم مولود يوم 7 شهر 10 سنة 1975 يقوم يكتبوا لي كدا
7/اكتوبر/1975 ( مهم جدا تكتب الشهر كتابة وليس رقم).
3/ المدينة التي ولد بها مقدم الطلب
4/ البلد التي ولد بها مقدم الطلب
5/الصورة: يجب مراعاة كل ما كتبناه فيما يتعلق بامر الصورة. ( يمكنني ضبط مقاسات الصورة اذا كانت باقي الموصفات صحيحة.
6/العنوان: اذا كان المتقدم بيعرف ليه زول في امريكا فمن الاحسن اخذ عنوان ذلك الشخص
واذا كان ما عنده عنوان زول ممكن اقدم ليه عبر عنواني واذا كان يرغب في عنوانه الشخصي
برضو ممكن بس لازم يتاكد انه الخدمات البريدية جيدة في المنطقة التي يسكن بها.
7/رقم التلفون- دا شرط اختياري في فورم التقديم لكنه اساسي بالنسبة لي عشان لو فزت اقدر اتصل عليك.
8/عنوان بريده الاليكتروني
9/المؤهل الاكاديمي.
10/حالته الاجتماعية: اذا كان متزوج وله اطفال عليه كتابة بينات زوجته واطفاله ايضا كاملة
مثل معلوماته.

هـــــــــــــــــــــــــــــــــــــامارجو كتابة هذه البيانات باللغة الانجليزية مثل ما هي موجودة بجوازات السفر او اي مستندات
رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه
هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed
Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية.

حاجة اساسية كدي النثبتها في الاول وبعديها نواصل
في مجموعة كبيرة من الناس سالوني عما اذا كنت اتقاضى اجرا
مقابل هذا العمل. واجابتي:

اجري الوحيد هو طيب دعاءكم

هذه خدمة مجانية ظللت التزم بها من خمسة اعوام بهذا المنتدي واعتبرها
اقل خدمة يمكن ان اقدمها لهذا الصرح الذي قدم لي الكثير



تحياتي

مشكور ياحبيبنا
ويارب قدامك كلو خير ياالخير
مع خالص التوفيق للمتقدمين

مساء الخير ياحبه

مشتاغووووووووون

نسأل الله ان يجزيك خير الجزاء ويحسب لك هذا العمل فى ميزان حسناتك

ارسلت لك المعلومات الناقصة التى طلبتها

Quote: مشكور ياحبيبنا ويارب قدامك كلو خير ياالخير مع خالص التوفيق للمتقدمين

شكرا يا اكرام وربنا يسهلا ونقدر نقدم البنقدر عليهو

Quote: مشتاغووووووووون

مزنوقوووووووووووون يا صفوة ههههههههه

Quote: شكــــرا أخي الخير على المبادرة الثمينة وسنتواصل معك عبر الإيميل .. ويمكن ربنا يكرمنا على يديك هذه المرة ...

دكتور احمد امين ابشر يا زول وحبابك الف.

شكــــرا أخي الخير على المبادرة الثمينة

وسنتواصل معك عبر الإيميل .. ويمكن ربنا

يكرمنا على يديك هذه المرة ...

____________________________________________

أخي يســـري

كدي ورينا نتخارج من مشكلة اختلاف تاريخ الميلاد ده كيف

فأنا عندي شهادة ميلاد موثقة بالكامل

لكن في الجواز التاريخ مختلف .. الحل شنو ؟؟؟


تجياتي لكما وكل الأماني للناوين الهجرة هذه المرة

Quote: اجري الوحيد هو طيب دعاءكم

حياك الله يا اخي الخير

وجعل الخير على يديك

وجزاك الله عنا كل خير

______________________


في انتظار عينيك كملت الصبر كلو

Quote: والله يا عفاف راجعت الايميل وما لقيت شي كدي حاولي رسلي تاني.

رسلت ليك الايميل تلاااااااته مرات يا الخير ...

Quote: اجري الوحيد هو طيب دعاءكم

إلهى يسترها معاك شقيش ما تقبل

سلامات ياالخير

اذا كان تاريخ الميلاد فى الجواز مافيه يوم ولا شهر بس السنة ، والزول دة أمه وابوه متوفين الحل شنو؟؟

تحياتى

سلام يا مهيرة

Quote: اذا كان تاريخ الميلاد فى الجواز مافيه يوم ولا شهر بس السنة ، والزول دة أمه وابوه متوفين الحل شنو؟؟

حتى اكون مع صادقا... لا ادري اجابة ماكدة لسؤالك ومن قال لا اعلم فقد افتي.... خير من يجيبك عن هذا السؤال
هو الاخ المحامي ياسر معتصم وستجدين له مداخلة بهذا البوست.

امنياتي

ايميلك يا عفاف لقيتو خلاص
المرة الاولى مشى الجنك ميل لكن هسي لقيتو وبرد
ليك في الايميل باذن الله

اختنا عفاف
ساكون في انتظار كل البيانات والصور
وباذن الله بقدم ليك فور استلامي للبيانات والصور.


يعني طوبتك حاجزة مكانا لسا :)

الأخوان (يسري) و (الخير).. ربنا (ييسرها) عليكم ويزيدكم من (خيرو)....


والله شهيتونا في اللوتري.....

دكتور أحمد
السلام عليكم ورحمة الله وبركاته
بعد الفوز بإذنه تعالى غير الجواز
--------------------------------
إلى كل من أرسل مستفسرآ عن المبلغ المطلوب للتقديم ....
التقديم مجانى ودعواتكم فقط
ياأخوانا كل الأسئلة مصورة فى أختلاف تاريخ الميلاد فى الجواز الحل هو تغيير الجواز بعد الفوز أكرر بعد الفوز وكذلك بلد الميلاد كمصر والسعودية أكتبها كما هى وواصل فى ملء البيانات ....
كذلك أى متقدم ماممكن تقدم أنك متزوج وتحاول تتفادى وضع صورة الزوجة ...
متزوج كمل البيانات ولا أكتب غير متزوج وتتحمل تبعات قرارك

Quote: الأخوان (يسري) و (الخير).. ربنا (ييسرها) عليكم ويزيدكم من (خيرو).... والله شهيتونا في اللوتري.....

تشتهيك العافية يا علاء. قول امييييييين

احترامي

الخير ويسري جزاكم الله خير

الاخ العزيز الخير ربنا يقدرك ويخدر ضراعك
ويارب كل الخير البتعملوا للناس دا ربنا يجازيك عليهو قدر ما عايز






راجع ايميلك استشاره صغيره وعاجله

سلام
بالنسبه للاقرارات اذا كان الابوين متوقين
يكون الاقرار من الاخ ويفضل الاكبر وفى حالة عدم وجود اخ
بكون من احد الاقارب كالخال والعم ويفضل العم لمطابقه الاسم مع الوالد
مع امنباتى

سلامي للجميع

وددت ان انبه جميع الاخوة والاخوات اعضاء وقراء باني ونسبة للكمية المهولة
من الايميلات الوصلتنى حتى الان والكمية الكبيرة من الارسالات التي قمت بها
حتى الان فاننى ساغلق باب الارسال لمدة اسبوع تبدأ من يوم غد الخميس وتنتهي
الخميس 21 من هذا الشهر..... كل من راسلني ستصلة منى رسالة خلال هذا الاسبوع
تفيد باني قدمت له او لم اتكمن من التقديم له وساوضح الاسباب في هذه الحالة
غالبا ما تكون نقص في البيانات المرسلة او صورة غير صحيحة..... اتمنى ان لا
ينزعج من راسلني اذا لم ارساله حتى هذه اللحظة لانه تصلني كميات كبيرة من
الطلبات ودائما احرص علي الارسال الصحيح ..... هذا ما وددت التنبيه له. الشي
الاخر هو اني وجدت ان في بعض الاستفسارات بكون شرحها عبر الهاتف افيد وادق واسرع
لذا حا اترك رقم هاتفي هنا وهو 0013198550148 لمدة اسبوع لمن يود مراسلتي عبره
في فترة الاسبوع هذه..... وشي اخر واخير وهو اني لا استطيع ان اعطي عنواني لظروف
خاصة بي ولكن استطيع ان استعمله لك في التقديم....



لكم اخلص الامنيات والاحترام

تحياتي:

لاحظت للاتي:
كتير من الناس البراسلوني بطلبو مني ارجع لايميلاتهم القديمة واستعمل
نفس بياناتهم القديمة القبل كدا استعملتها ليهم في تقديمات سابقة..
طيب يا جماعة انا كنت بستعمل ايميل اكاونت محدد وغيرتو في السنة دي
لما زول يطلب مني استعمل بيناتو القديمة حل يضطراني افتح الايميل القديم
بتاعي واقعد افتش في ايميلاتو وارجع للجديد واكون بين القديم والجديد
وشغلانة معقدة جدا.... عشان كدا يا اهلنا انا برى انو لو عايزني استعمل
ليك بياناتك القديمة امشي براااااااك فتشا واعمل ليها كوبي وبيست ورسلها
لي في ايميلي الجديد الختيتو هنا دا... كدا بتكون سهلتها علي نفسك وعلي
وارسالك بتم سريع كدا.


تحياتي

الأخ الخير محمد عوض

ســـلام ،،
الرجاء مراجعة بريدك وتاكيد استلام البيانات
وربنا يجعل الخيرعلى يديك يا حبيب

لكم خالص الود والتقدير

الاخ الامين موسى بشاري

قمت بضبط الصور كما وقمت بارسال طلبك وارسلت لك رسالة بالايميل تفيد بذلك

لك امنياتي

شكرا يا معاذ علي المرور وطيب الدعاء

من الاسئلة الهامة التي وصلتني في الايميل

Quote: الاخ الخير محمد العوض السلام عليكم حقيقة كنت من متابعي بوستك في موقع سودانيز اونلاين السنوي حول اللوتري ...واعجبت بتفانيك في خدمة الناس من التقديم لهم الى الاجابة على كافة استفساراتهم ..داعيا لك الله ان يجزيك على كل ما تبذله لي ولغيري في الدنيا والاخرة لي بعض الاسئلة التي لمن استطع الاجابة عليها حتى بعد مواكبة ردودك التي وردت في البوست وهي كالاتي باختصار : 1- بعض الجوازات السودانية تحمل اكثر من اربعة اسماء وقد تتعدى الى الخامس كمثل جوازي انا : Mohamed Sahl Ibn Ouf Ahmed El Bashir كيف يكون ترتيبها في فورم التقديم؟؟ 2- حول السؤال السادس في الفورم : 6. Country of Eligibility for the DV Program اذا كان الشخص مولود في السعودية ولا يحمل جنسيتها ..ويعيش الان في السودان ................كيف سيكون شكل الاجابة ؟؟؟ 3- اذا كان مقدم الطلب طالبا جامعيا وقت تقديم الفورم ..كيف يكون اختياره بالنسبة للسؤال الثاني عشر ؟؟

تكتب الاسم الاول
Mohamed Sahl
الاسم التاني
Ibn Ouf Ahmed
الاسم الاخير
El Bashir
بالنسبة للاستفسار التاني:
تكتب بلد الميلاد السعودية..... تنزل تحت في نفي السؤال تعمل NO ..... تنزل تحت في نفس السؤال تكتب السودان
وبي كدا بتكون في السليم.

اذا كان مقدم الطلب جامعي وقت تقديم الطلب يمكنه ان يكتب الخيار الاتي:
Some University Courses

تحياتي واتمنى اني اكون وفقت في ازالة اللبس.

طيب زي ما كلنا عارفين انو النتيجة بتظهر في شهر مايو القادم
واي زول قدم في اخر التقديم بدوهو كونفيرميشن نمبر... الرقم دا مهم
جدا لازم تحتفظ بيهو لانه هو الوسلية الوحيدة الممكن تعرف بيها انك
فزت وللا في شهر خمسة..... ودا نموذج للكونفيرميشن نمبر

Quote: Submission Confirmation: Entry Received Success! Printer friendly version Your entry for the 2012 Diversity Visa Lottery Program Lottery Entry Form was received on Thursday, October 14, 2010 at 2:40:32 PM EDT. Please do not close this window until you have printed this confirmation page or made a record of your Confirmation Number. Entrant Name: osman, Ali Musa Mohammed Confirmation Number: 20121XFVTZARMV9E Year of Birth: 1967 Thank you for your entry for the 2012 Diversity Visa Lotter Please either print this page or make a record of the confirmation number before closing this window. You will not be able to retrieve this number after you close this window. You must retain your confirmation number in order to check your entry status using the internet. You may check back at this link http://www.dvlottery.state.gov/ESC/ between May 1, 2011 and June 30, 2012 to determine whether your entry was selected for further processing in the 2012 DV Lottery. You will be required to enter your confirmation number in combination with other personal information in order to check on your entry status. Selectees will not receive selectee notifications or letters by regular postal mail from the Kentucky Consular Center (KCC). Do not submit additional Entry Forms with this person as the Primary Entrant! Multiple entries will disqualify the entrant from participation in the Lottery

h

Quote: سلام بالنسبه للاقرارات اذا كان الابوين متوقين يكون الاقرار من الاخ ويفضل الاكبر وفى حالة عدم وجود اخ بكون من احد الاقارب كالخال والعم ويفضل العم لمطابقه الاسم مع الوالد مع امنباتى

تشكراتي يا ياسر للافادة وخليك قريب حا نحتاج ليك تاني

تحياتي

أخيرا اتصورنا
نلم البيانات ونلحق السوق يا عمكـ

تحياتي ليكم ومعذرة شغلتني الشواغل عن الخيط فاضطررت للغياب
وددت التنبيه لامر اخر وهو في غاية الاهمية اقلاها بالنسبة لي
طبعا وصلتني كمية ما انزل الهوت ميل بها من سلطان من مراسلات
الاخوة والاخوة الاعضاء وغير الاعضاء وتزامنت هذه المراسلات للاسف
مع ضغط اكاديمي بالنسبة لي في الجامعة ولكن في النهاية هو التزام
ولا استطيع النكوص عنه ولكن اخشى ان لا اوفيه ان تركت باب التقديم
مفتوح وحتى التزم بما ارسل لي رايت ان يكون مساء الجمعة هو اخر يوم
لاستلام طلبات جديدة.... الطلبات القديمة حا اواصل مراسلة اصحابها
ان احتجت لبعض البيانات او اي شي اخر ولكن لا استطيع قبول ايييييي
طلب جديد بعد مساء الجمعة وادعو الله ان يوفقني في اكمال ما عندي
من الطلبات.



احترامي للجميع وامنياتي

الاخ يسري ارجو ان تلتزم بما وعدت به
وردتني عدة مراسلات من الناس بانك ما قاعد ترد عليهم
ارجوك رد علي الناس ولو ما قادر تساعدهم برضو وريهم كدا
ما تخلي ليك زول معلق..... الرجاء الالتزام بما وعدت به
تفائلت بمبادرتك ان تقدم لي يد العون في هذا البوست خيرا
واختفيت فجأة... ارجو توضيح سبب اختفاءك للقراء والاعضاء
الذين التزمت لهم في اول الخيط.


تقبل تحياتي

يا أخوى الخير
ربنا يثبت اجرك
انا جاهز صورة و صوت
اها
نرسل
انت قلت ما حتستلم الا الخميس
واخر يوم الجمعة

حبابك يا نايف
رسل يا زول ولا يهمك بس ما ترسل غلط هههههههههه




يا اهلنا.... في مشكلة كبيييييييييييرة الناس ما قاعدين يلاحظو ليها
بلاحظ ليها اهلنا الخواجات ديل لانهم ناس مفتحين خالص خالص.... المشكلة
هي انو في كتير مننا بقدم بصور استخدمها قبل كدا في تقديمات السنين المضو
يعني صور قديمة ليها اكثر من عام...وهم هنا طبعا طالبين صور حديثة...
طيب يا اهلنا لو مررت الماوس علي صورتك بوريك طوالي التاريخ الاتخدت فيهو
الصورة دي ... يعني لو اتصورت قبل سنة طوالي بيظهر انك اتصورت قبل سنة
باليوم والشهر والدقيقة والثانية..... عشان كدا يا اهلنا انا من اول البوست
نبهت الناس انو تهتم بموضوع الصورة دا وتعمل صور حديثة.... هسي الخلاصة الداير
اقولا انو لو في زول قدم بصورة السنة الفاتت وللا القبلا وللا القبال القبالا ينسى
الموضوع دا ويعتبر انو طلبو مرفوووووووووووض من هسي.

يللا فتكم بي عافية
وتذكير اخير: الليلة الجمعة دي حا يكون اخر يوم لي استقبل فيهو رسائل جديدة
تتعلق بالتقديم بعدها ساتوقف حتى اكمل ما هو موجود عندي اصلا من طلبات.


مودتي واحترامي للجميع

شكرا كتير الخير ويسري

على هذا الشرح المطول والحرص على أن تعم الفائدة

خاص تقديرنا واحترامنا

..
.
المرة دى لو ما صدقت الواحد الا يقدم
للوترى بتاع دولة الجنوب ..

---------------

انتو نيو سودان دا على وزن نيو زيلنده ..

Quote: المرة دى لو ما صدقت الواحد الا يقدم للوترى بتاع دولة الجنوب .. --------------- انتو نيو سودان دا على وزن نيو زيلنده ..

أنت أمريكا دي تشمها قدحة .

أحسن ترجع السعودية وتشوف لك كفيل.

..
.

Quote: إنت أمريكا دي تشمها قدحة . أحسن ترجع السعودية وتشوف لك كفيل.

امريكا لمت العبيد .. بقت على اولاد العرب ..

-------------

انا عندى وطن .. اسمو السودان
انت عندكـ شنو يا لقيط ..

..
.

Quote: نت أمريكا دي تشمها قدحة . أحسن ترجع السعودية وتشوف لك كفيل.

امريكا لمت العبيد .. لمن اولاد العرب ..

-------------

انا عندى وطن .. اسمو السودان
انت عندكـ شنو يا لقيط ..

كتبت للمحتال تبلدينا:


أ نت أمريكا دي تشمها قدحة .
أحسن ترجع السعودية وتشوف لك كفيل.


رد تبلدينا وكتب:

Quote: امريكا لمت العبيد .. لمن اولاد العرب .. ------------- انا عندى وطن .. اسمو السودان انت عندكـ شنو يا لقيط ..

طبعا كلمة عبد هذا لا يستعملها إلا الناقصين والمعقدين من أمثالك. عن أي وطن تتحدث يا معتوه؟

إذا كانت تتحدث عن كل السودان أو الجنوب فأنا من أسرة معروفة وأهلي من الذين عمروا السودان. وهم من صفوة المجتمع وأسمائهم معروفة

فمن أنت يا حقير و########؟

كلمة لقيط تطلق على عديمي الاصل والمعرفة من أمثالك يا متسول. أوعك تعتقد ولو لللحظة نزوحك للخرطوم في الثمانينات قد يصنع منك عريبي؟

..
.

Quote: طبعا كلمة عبد هذا لا يستعملها إلا الناقصين والمعقدين من أمثالك. عن أي وطن تتحدث يا معتوه؟ إذا كانت تتحدث عن كل السودان أو الجنوب فأنا من أسرة معروفة وأهلي من الذين عمروا السودان. وهم من صفوة المجتمع وأسمائهم معروفة فمن أنت يا حقير و########؟ كلمة لقيط تطلق على عديمي الاصل والمعرفة من أمثالك يا متسول. أوعك تعتقد ولو لللحظة نزوحك للخرطوم في الثمانينات قد يصنع منك عريبي؟

اعصابكـ ..
واحدة
واحدة


-----------

عشان الواحد يعرف يرفع ضغطك ويطقطقك
يا لقيط ..
قرقر قرقر قرقر
حرقتكـ .. المعلومة ..صاااح
( وما تخرب البوست دا شيلالكلام دا افتح بيهو بوست بجيك هناك)

كما قلت لك من قبل أيها المحتال.

أمريكا دي تشمها قدحة.

أمشي شوف لك كفيل في السعودية.

ولا أنت عملو لك خروج بلا عودة زمان.

أوع يكون قبضوك بعمايلك بتاعت شارع عبيد ختم

أصلو مستواك واطي جدا.

..
.

Quote: أصلو مستواك واطي جدا.

على الاقل ود حلاال فما بالك بالعكس ..


-----------

انادى ليك قناص بغداد
قرقر قرقر قرقر

Quote: على الاقل ود حلاال فما بالك بالعكس ..

ههههههههههه

يا مريض ويا مسكين أنت.

أنا أهل أبوي وأهل أمي معروفين في السودان وخارج السودان.

ولو عاوز تعرف أكتر ممكن تستعين بأهلك اللي في كندا علشان يقولو لك أنا منو وولد منو.

إذا أنت بتستعمل كلمة لقيط لتوصفني بها فهي مردودة عليك وعلى مستواك الاخلاقي يا عديم الاخلاق.

أنا عارفك بتعاني من العقد المركبة فيك كمستلب يتنكر الى أصوله العرقية ويحاول جاهدا to fit in المنظومة الجلابية ولكنك بغير قادر.

شوف لك سالفة تانية غير السكر واللقيط دي يا حيوان يا بتاع شركة كنار أنت. شركة الكيزان وما بشغلوا فيها أي زول إلا يكون كوز أو

أمنجي.

الاخ يسري ارجو ان تلتزم بما وعدت به
وردتني عدة مراسلات من الناس بانك ما قاعد ترد عليهم
ارجوك رد علي الناس ولو ما قادر تساعدهم برضو وريهم كدا
ما تخلي ليك زول معلق..... الرجاء الالتزام بما وعدت به
تفائلت بمبادرتك ان تقدم لي يد العون في هذا البوست خيرا
واختفيت فجأة... ارجو توضيح سبب اختفاءك للقراء والاعضاء
الذين التزمت لهم في اول الخيط.


تقبل تحياتي

الأخ الخير
الأخوة الكرام
السلام عليكم ورحمة الله وبركاته
الكمية الوصلتنى فى الإيميل لاحصر لها
يوميآ من الساعة السابعة مساء وحتى الثانية صباحآ شغال تقديم
أطمئن الجميع كل من أرسل معلوماته كامله تم التقديم له
أما من رديت عليهم فهم من يوجد نقص فى معلوماتهم
بعد نهاية التقديم سأرسل معلومات التقديم لكل شخص
-------------------------------------
أطمئن الجميع كل من راسلنى وأرسل معلوماته كامله تم التقديم له أو بنهاية السبت والأحد سأنتهى من التقديم للجميع وسأبدأ فى أستقبال المزيد من بيانات الأخوان
-----------------------------

الاخ يسرى
ارجو الافاده بوصول الايميل

الخير اللي هو إتا دا .. نرجو مراجعة الإيميل!!!

Quote: الاخ يسرى ارجو الافاده بوصول الايميل

وصل بالسلامة

.

توكلنا على الله ...

اللهم يسر لنا الخير حيثما كان

فإنك بكل شيئ عليم وعلى ذلك لقدير

أخوانا الخير ويسري ..

أو كل من يملك المعلومة ..

إذا رزقت بمولود بعد التقديم .. كيف يكون الوضع ؟؟


تحياتي ..

تحية طيبة

زميلى يتسأل هل ممكن يقدم اكتر من مره ؟ يعنى هو فى واحد قدم ليهو ، ممكن هو برضو يملى الفورم براهو تانى ؟

انا غايتو قلت ليهو منطقيا (لا) لكن نسأل ليك اهل الخبرة

فـ افيدونا مع وافر الشكر مقدما

..
.

Quote:  Submission Confirmation: Entry Received

Success!

Your entry for the 2012 Diversity Visa Lottery Program Lottery Entry Form was received on Thursday, October 28, 2010 at 3:55:00 AM EDT.
Please do not close this window until you have printed this confirmation page or made a record of your Confirmation Number.
اها يا جماعة قال ليكم تطبعو الورقة دى وتختوها فى الخزنة ..
ولو ذاكرتك تعبانه تسجل الرقم بتاعك فى الموبايل فى الحيطة تختو وديعة فى البنك .. المهم
لو راح وحظك ضرب طيارتك قامت ما تقعد تنتظر ليك جواب بالبريد ..
الا الرقم دا يترتر ويوريك ..
الواحد المرة دى عملها بضبانتها .. وتكون هى المرة الخامسة عشر والأخيرة
قرقر قرقر قرقر ..
------------

يا الخير فى معلومات جايك بالايميل ..
زولا كدا قال متفائل بيك .. حسي بس منتظرين يدينى
الصورة فى فلاش .. وتبقى 6 ايام بالله شيك ايميلك كل رأس
ساعة بتوقيت الساحل الشرقى ..

Quote: Submission Confirmation: Entry Received Success! Your entry for the 2012 Diversity Visa Lottery Program Lottery Entry Form was received on Thursday, October 28, 2010 at 3:55:00 AM EDT. Please do not close this window until you have printed this confirmation page or made a record of your Confirmation Number. اها يا جماعة قال ليكم تطبعو الورقة دى وتختوها فى الخزنة .. ولو ذاكرتك تعبانه تسجل الرقم بتاعك فى الموبايل فى الحيطة تختو وديعة فى البنك .. المهم لو راح وحظك ضرب طيارتك قامت ما تقعد تنتظر ليك جواب بالبريد .. الا الرقم دا يترتر ويوريك .. الواحد المرة دى عملها بضبانتها .. وتكون هى المرة الخامسة عشر والأخيرة قرقر قرقر قرقر .. ------------ يا الخير فى معلومات جايك بالايميل .. زولا كدا قال متفائل بيك .. حسي بس منتظرين يدينى الصورة فى فلاش .. وتبقى 6 ايام بالله شيك ايميلك كل رأس ساعة بتوقيت الساحل الشرقى ..

كان فزت أم لا.

تشمها قدحة.

أنا قدمت..

لكن لروحي بس..

وعشان ما لقيت صور للعائلة وجوازات وتفاصيل شهادات ميلاد..وعييييييييييك

قمت أخدتها من قصيرها.. وعملت فيها مطلق...وعملت فيها كمان ما عندي أطفال زاتو..

كدا حلجتها وقعدت ولا شنو؟؟


اللييييييييييييييلة.. غايتو ما عارف . .. أفيدونا

سلام يا بلد

مشتاقين والذي منو وكدا هههههههههه
اها نخش في ( لب ) الموضوع

Quote: إذا رزقت بمولود بعد التقديم .. كيف يكون الوضع ؟؟

لما المتقدم يفوز برسلو ليهو فورم جديد عشان يملاهو... الفورم دا
ممكن تذكر فيهو انك رزقت مولود.... حا تكتب بيانات المولود دا في
الفورم دا وترسلو.... حا يرسلو ليك تاني يقولو ليك يا دكتور مولودك
حبابو اديناهو معاك بس لما تبقى ماشي السفارة للمقابلة جيب لينا معاك
شهادة ميلادو .... وبث ههههههههههه... خلاصة الموضوع: ما عندك مشكلة اطلاقا.
--------------------------------------------------------------------
الاخ محمد الامين احمد
لك التحيات

Quote: زميلى يتسأل هل ممكن يقدم اكتر من مره ؟ يعنى هو فى واحد قدم ليهو ، ممكن هو برضو يملى الفورم براهو تانى ؟ انا غايتو قلت ليهو منطقيا (لا)

طبعا اميركيا برضو ( لا) وانا لا انصح اي شخص بالتقديم اكثر من مرة اطلاقا
---------------------------------------------------------------------

Quote: يا الخير فى معلومات جايك بالايميل .. زولا كدا قال متفائل بيك .. حسي بس منتظرين يدينى الصورة فى فلاش .. وتبقى 6 ايام بالله شيك ايميلك كل رأس ساعة بتوقيت الساحل الشرقى ..

تعرف يا تبلدينا اخوك اتعصر لما جاب الزيت ههههههههه وصراحة لله مااااااا حا اقدر اوعدك
اني اقدر اقدم ليهو لانو جد عندي حوالي 1256986352415877789563214 ايميل لاااازم اوفى بوعدي
واقدم لاصحابها وانا اصلا نبهت للموضوع دا من بدري يعني انا قفلت باب التقديم بتاعي دا من يوم
الجمعة الفات ولييييييي هسي ما قادر اتم العندي... اتمنى تفهم موقفى وانقل اعتذاري لصديقك
وامنياتي لك بحظ سعيد هذه المرة.
----------------------------------------------------------------------
محمود الذي هو ابن مصطفى محمود
سلام يا حبوب
وصدقني انت ما حلجتها انت اتكبكبت وكان قضاء الله في انك تعمل العملة دي هههههههههه
طيب يا سيدي ممكن تفوز واذا فزت ما بتقدر تدخل زوجتك معاك ربما لاحقا ودي برضو متعبة
شديد وبتحتاج لمحامي وقصة وايييييييييييك.... المهم غايتو لو فزت اعتبر نفسك فايز
لوحدك اذا لا تستطيع اطلاقا ذكر الزوجة والاطفال عند مقبالتك للقنصل لانو حا يرفضك اون زا سبوت ههههههه


تحياتي للجميع

Quote: تعرف يا تبلدينا اخوك اتعصر لما جاب الزيت ههههههههه

الاخ الخير

تحياتي

لا املك الا ان اقول لك كما قال الشاعر:

من يعمل الخير لا يعدم جوازيه *** لا يضيع المعروف بين الله والناس

الخير

ياوش الخير

صباح الخير

يا الله أعطف علينا ولوترنا
نتجاور أنا والخير ودياب
سكيناها في البورض وفترنا
والناس تحمدل سـلامة الإياب





انعل أبو النجر زاتوووووووو

Quote: يا الله أعطف علينا ولوترنا نتجاور أنا والخير ودياب سكيناها في البورض وفترنا والناس تحمدل سـلامة الإياب

وهييييييييييييييييييييييييييييييييييييه

شعبان عبد الرحيم الصايم

قوم كدا..يصفقك الصفاقسي اليطلع جنك ..

تبقى علينا لا لوتري كسبو .. لا صفاقسي حفظو!!

Quote: انعل أبو النجر زاتوووووووو

معلمين كباااار ياعمك

المهم.....

اللوتري التاني ماشي كوييييس

نتوقع اتصال في اي لحظة....!!!

قول يامهون

up

اللحظات الآخيرة ...

..
.

Quote: عرف يا تبلدينا اخوك اتعصر لما جاب الزيت ههههههههه وصراحة لله مااااااا حا اقدر اوعدك اني اقدر اقدم ليهو لانو جد عندي حوالي 1256986352415877789563214 ايميل لاااازم اوفى بوعدي واقدم لاصحابها وانا اصلا نبهت للموضوع دا من بدري يعني انا قفلت باب التقديم بتاعي دا من يوم الجمعة الفات ولييييييي هسي ما قادر اتم العندي... اتمنى تفهم موقفى وانقل اعتذاري لصديقك وامنياتي لك بحظ سعيد هذه المرة.

يازول مجهودك مقدر وعذرك مقبول ..
والموقع من هنا بفتح وشغال عادى يعنى من سبمت طوالى تووشك بقول ليك كونفرمشن رسيفد
انت بس عشان التفائل دا ..
رسل لينا فى الماسنجر الداخلى او الايميل ..
عنوانك وتلفونك يعنى حنملا ءكل شئ من هنا ..
ونخت عنوانك وتلفونك يمكن بالتاثير تضرب رغم عدم فائدة العنوان فى تقديم هذا العام
لكن الفورم ما بقبل لو البيانات ما تامة اهم شئ .. Zip code

[email protected]

-----------

تفائل يا ولدنا من الزول دا
وحننتظر حتى مساء 2 نوفمبر ..

الخير شكرااا جزيلا للتقديم

يعني هسة يا ود الصايم نبقى انا والقمر جيران لووووول


قولوا معاي يارب

العزيز الخير

داخلين على اللوتري بعلوق شدة وفي كل محاولة النتيجة هكذا مع أنه الإدخالات صحيحة خاصة النسبة للتحقق من صحة الصورة:



نتطلع لإفادتكم أثابكم الله،،

بحمد الله أكملت الآن الساعة 11:25 مساء بالتوقيت الشرقى التقديم لكل من راسلنى
وبالتوفيق للجميع

يسري سلام

و لا انت و لا الخير و لا سيف ما خاتين تلفوناتكم
دي شنو الخدمة الناقصة دي

غايتو كتر خير سيف الدولة كامل ساعدني كتير

الأخت الكريمة
السلام عليكم ورحمة الله وبركاته
كنت كاتب إيميلى وحذفته وأى تلفون كنت أنا المتصل لكل الدول
تقديرى

بحمد الله أكملت الآن الساعة 11:25 مساء بالتوقيت الشرقى التقديم لكل من راسلنى
وبالتوفيق للجميع

والحمد لله أن أهتديت قبل الإقفال بتوقيتنا هنا إلى تنزيل internet explorer ver6 وبعدها مشت الإمور وأنهيت التسجيل حتى النهاية بنجاح ولكن!

قبل أن أقوم بالطباعة إنطفا الجهاز ولم أستطع من طباعة العمل..

ما هو المطلوب طباعته وهل في تقديرك أن لذلك أثر على تقديمي خاصة وأنني لم أتمكن من قرائة المطلوب بشكل جيد، بل لم ألحظ سوى طلب الطباعة ولأي غرض..

أفيدونا وننتظر مع محبيكم شهر مايو / يوليو وإعلان النتائج..

لكم تحياتي..

غايتو يا نعوم لو ضربت مع البورضاب ديل كلهم
نعمل لينا طيارة نسميها (حملة سودانيز أون لاين لإغاثة بكري أبو بكر)!!
ونمش كلنا ننزل أريزونا نضهّب مع الريس في بيتو لحدي ما نكمل أوراقنا!!

شكرا شكرا شكرا
فقد طوقتموني بحب ودعاء خير اتمنى ان يستجيب له الرحمن من فوق سمواته السبع
شكرا لانكم فجرتم فيا طاقة ان احبكم دون انتهاء..... شكرا لكل من مر من هنا
وتعشم فينا خيرا وما رد بغير عشمه..... سيكون هذا الخيط سنويا ان امد الله في
الاجال لانه بكم يبقى وبكم يعيش.... ودي وحبي واحترامي لكم كيفما تشتهون.

اكملت قبل قليل ارسال اخر طلب ورد بريدي ويحدوني امل ان تتحقق للجميع امانيهم
وان يجعل لنا في خطوة سلامة ونحن نسعى في فجاج اراضين الله طلبا للعلم والرزق والحياة


ودعتكم الله ونلاقيكم في:

اللوتري 2013 ..... مرحبا بالجميع

الخير محمد عوض

عاجزين عن الشكر يا الخير (اللي هو إنت دا)
ربنا يقدم ليكـ دايما الخير (اللي هو من ربنا)!

يالخير....

ربنا يفتحه عليك بالخير

شقيق ماتقبل

علي الطلاق ....انت كده

الولية قاعدة تستف الشنط

الدنيا مامعروفة.....

.........................
.........................
الخير ..... ويسرى

انا متابع هذا البوست من بدايته ..... واسال نفسى .... هل يمكن ان يحدث هذا فى اى دولة اخرى ؟؟؟؟؟؟؟؟؟؟؟؟؟؟؟؟؟؟؟؟؟
.... انسان يستقبل الاف الايميلات ...... ويسهر الليالى يرد وينقح فى البيانات والصور ....دون مقابل .....

لله دركم من سودانييييييييييييييييييييييييييييييييييييييييييييييييييين
حفظكم الله اينا كنتم
امام

يا جماعة سؤال معليش فى الوقت الضايع

صاحبى داك ذاتو كتب تاريخ ميلادو غلط ، بدل ما يكتب 1982

كتب 1987

فى طريقة يصلح الغلط ولا خلاص راحت عليهو

؟؟؟

Quote: الخير ..... ويسرى انا متابع هذا البوست من بدايته ..... واسال نفسى .... هل يمكن ان يحدث هذا فى اى دولة اخرى ؟؟؟؟؟؟؟؟؟؟؟؟؟؟؟؟؟؟؟؟؟ .... انسان يستقبل الاف الايميلات ...... ويسهر الليالى يرد وينقح فى البيانات والصور ....دون مقابل ..... لله دركم من سودانييييييييييييييييييييييييييييييييييييييييييييييييييين حفظكم الله اينا كنتم امام

الخير محمد عوض من الشباب الذين لم ولن يجود السودان بمثلهم

كنت معه بمنزله العامر ليلة ختام اللوتري

واشهد انه استمر طوال ليلة 3/ 11 / 2010 في التقديم للكثيرين

حتى وصل الوقت الى الساعة السابعة صباحا من اليوم التالي

ومن دون حتى ان يغمض له عين انتهى من اللوتري وذهب فورا الى الجامعة بدون ان يغمض عينه للحظة واحدة

وقد كنت معه طوال الليل لحظة بلحظة ويستقبل الناس في منزله العامر ويستقبل المكالمات ويتصل هو ايضا

لخارج حدود امريكا ليتاكد من بعض المعلومات

وقال لي بان لحظة نوم واحدة قد تفقد احدا ما فرصة كبيرة

حتى انه بعد ان انتهى من التقديم قام بمراجعة كل الايميلات المرسلة له ليتاكد من انه لن ينسى احد

عملية التقديم تمر بمراحل مهمة وطويلة من تعديل الصور والمقاسات وتعبئة الفورمات وحفظ الكونفرميشن

ومن ثم ارساله بالبريد لصاحب الشان

الحق انني مندهش من هذا الشاب الطيب وهمته العالية واخلاقه الرفيعة

والكثير من الزمن الذي يستقطعه من زمنه وزمن اسرته الكريمة وزمن عمله وارتباطاته الجامعية

وسوف اقوم ان امد الله بالاجال بافراد بوست خاص للكثيرين من من لايعرفون من هو الخير

ولكن وباختصار فهو صاحب الاسم

الخير محمد عوض ربنا يخدر ضراعك ويديك العافية

ودمت املا للكثيرين ممن ينتظرونك سنويا

سلام على الدنيا ان لم يكن بها صديق صدوق صادق الوعد منصفا

Quote: انسان يستقبل الاف الايميلات ...... ويسهر الليالى يرد وينقح فى البيانات والصور ....دون مقابل ..... لله دركم من سودانييييييييييييييييييييييييييييييييييييييييييييييييييين حفظكم الله اينما كنتم امام

آآمييين




ش

...........
...........
ايوب عبدالرحيم

Quote: Quote: Ôوسوف اقوم ان امد الله بالاجال بافراد بوست خاص للكثيرين من من لايعرفون من هو الخير ولكن وباختصار فهو صاحب الاسم الخير محمد عوض ربنا يخدر ضراعك ويديك العافية ودمت املا للكثيرين ممن ينتظرونك سنويا سلام على الدنيا ان لم يكن بها صديق صدوق صادق الوعد منصفا الاخ ايوب عبدالرحيم ارجو ان لا تتكاسل عن فتح هذا البوست ..فامثال الخير مثال للتجرد وحب الخير للاخرين ....ويشعرونك بمعنى الانسانية والوطنية .... اللهم اكثر من امثالهم .... لان الحياة من غير امثاله تصبح بلا طعم او لون او رائحة. امام

---

Post: #206 Title: Re: الـلـوتـري 2012 ..... مـرحـبـا بـالـجـمـيـع Author: مُحَمَّدٍ عِوَضٌ احْمَدُ Date: 11-04-2010, 05:24 PM Parent: #205 ربنا يديهو العافية..الخير محمد عوض شخصيا رسلت اللنك بتاع البوست لى ناس كتار جدا وكل زول كان انطباعو جميل جدا عن الاخ الخير العوض وطريقة الشرح المبسطة ساعدت العشرات من زوار المنبر كثيرا جدا باختصار بوست الخير ولا احلى..وهو فعلا رجل البورد لـلعام 2010