يا أحمــد موســى عن إذنك مطلوب مرافعتك

العزيز أحمد موسى


مما وعيت وعرفت أني مخير في أختيار اصحابي قلت أحسن الاختيار دا ولي هسع بختار الاصحاب وبشتريهم بالصدق والخوة وحسن العشرة وعندي كمية من الأصدقاء محسود عليها عديل وأنت من الناس الاخترتك لي صديق

واكرام الصديق واجب يا أحمد موسى وحقك كصديق علي كبير

في البوست دا

http://معاوية عبيد بمكنة محمد فرح !!!! الرجاء الردم المباشر مشتاق للمسرح!!!!!

قبضت صاحبك الكضاب معاوية الصايم دا لمن وصل مرحلة الكذب الفاضح والتشهير بي

جيت أنت قلت

Quote: لاحول ولاقوة إلا بالله !!!! أصدقائي معاوية عبيد وعبدالعزيز حسين ؟؟؟؟ معقولة ..؟؟؟ وفي هذا الشهر الكريم المُباركـ ؟؟؟؟ عبدالعزيز صديقي معاوية بعرفه من صبا باكر إتربينا مع بعض وأشهد ليه (إن تُقبل شهادتي) أنه من الصادقين وأنه مؤمن بقضيته ومخلص لها ومُحب للآخرين من إتفق معهم أو إختلف وعرفتك أنت هنا في البورد اخاً مخلصاً وصادقاً وكريماً وعفيف وذُهلت عند دخولي هذا الصباح أن وجدت صديقاي يتقاتلان فإحترت أين الوقوف ...ثُم قررت الدخول بينكما وتلقي ضرباتكما حتى تتوقفا ... لكل منكم أفضاله على بعد الله وانا مدين لكما بكثير فزيدوني ديناً على وتوقفا إكراماً للشهر الكريم ولي ودمتما وكُل عام وأنتما بخير

قريت ردك من أوئل الناس لاني كنت متابع البوست وبصراحة خجلت وزعلت أني كنت سبب في الامك وحزنك وقلت ما أزيد الحكاية وسكت رغم كذب وافتراء صاحبك وسكت اكراما ليك وأنت تستاهل

يا أحمد موسى لو كان جيت قلت لي يا عبدالعزيز انت غلطان انا كنت حا اقنع نفسي اني غلطان وحا اعتذر عادي ومررت الموضوع عادي وكنت خجلان منك وتحاشيت حتى اتداخل معاك في المواضيع من خجلي

الليلة جات البسوس مشعلة الفتن والحرائق فتح البوست دا

اهذا هو المنافق (علي مهدي)نصير دكتاتور الخرطوم؟؟!!واتحت... يا شرفاء امريكا؟؟!!


شوف الكلام القالته وشوف صاحبك قال شنو

يا أحمد موسى أنا شايف الشغل في جهاز الامن شرف وناس الامن ديل ارجل ناس وبعرف فيهم ناس كتار واتشرف بيهم ولو هسع اتعرضت لي وظيفة في جهاز الامن تريحني من الغربة والبعاد دا حا اقبل بيها وكلامي دا ولو لقت معلومة علي أي تأمر على الوطن أو البلد ما حا اتردد وأسعى أبلغها لجهاز الامن بي أي طريقة

والشغلة ما محتاجة كذب ولا أفتراء فينا من الرجالة البتخلينا نقول أي حاجه

يا أحمد موسى أمشي كوبر أسال أي زول أصيل في كوبر ولو ما عرفت امشي نادي كوبر المسا حا تلقى فيه كل الطيف من أهل كوبر الاسود والاحمر الحلبي والجنوبي الاتحادي والشيوعي والكوز والبعثي والسلفي الطبيب والعامل والحرامي والضابط تلقاهم قاعدين اخوان أسال اي واحد منهم عني و عن تاريخي حا يسردة ليك بالتفصيل الممل وممكن ياخدك بيتنا وهو مفتوح للجميع وتلقى أثري في كل مكان وسيرتي محفوظة عند الشفع والكبار

بعد داك يا أحمد موسى تعال قول لي صاحبك الكذاب يبطل كذب ودجل
وقول ليه عيب ابقى راجل وما تباري ليك مره جاهلة حاقدة تحقتر اصلك وجنسك واهلك وانتمائك السياسي وعقيدتك وتعتبرك جلابي عفن كذاب

واسمح لي قبل دا استبيح صاحبك الكذاب دا واعذرني لاني اكرمتك وما حا اقدر اوصل وسامحني

للمرة التانية ياسيد اختار
كلام يناسب البورض
واحترام زملاء البورض
انا ما عندى معاك حاجة
شخصية؟

اذا دخلوا البوست ده
زملاء وقالوا انا غلطان
ثق تماما بعتذر ليك ببوست
خاص جدا؟


بس حاول حسن الفاظك


فتك عافية

يا معاوية

(الله يرحم الوالد منعنا نمشي البحر نعوم مشيت البحر من وراه ولمن جيت سالني وين كنت قلت ليه كنت عند عمتي ما كملتها أداني كف لمن وقعت واول مره كان يضربني فيها ومشى وبعد شوية ناداني قال لي شوف أنت بقيت راجل تعال اسمع الراجل ما بكون راجل في تلاته حالات يسرق يكضب ، يعمل الحاجه الشينة ديك وقالها لي باللفظ بتاعها البنعرفه قال البسرق ممكن يكون مضطر والزول ممكن يجوع يضطر يسرق عشان ياكل وفي بتسرق عن جهل ساي أم الزول الماكويس ممكن يعمل حاجاته الشينة ديك بالدس ويستر نفسه ويجي للناس ويحترمهم ويكون صادق وامين في المجتمع أما الكضاب دا عدو نفسه وعدو غيره لانه بضر نفسه وبضر غيره وعشان كدا ما تبقي فيك صفة من التلاته ديل وخصوصا الكضب لانك بتشوفها اسهلن لكن هي اكعبهن ) الله يرحمه


قلة الأدب عيب لكن الكضاب عدم رجاله

والراجل ممكن يكون قليل ادب وبتاع مشاكل وسكرجي وكتير من الصفات وبرضه ما يفقد أحترامه وهيبة كراجل أو إنسان محترم لكن ممكن كضبه صغيرة تنسف شخصيته كلها

مشكلتك لو كنت كضاب ومتضاري ورى ناس كويسين الواحد كان عشانهم مشى وأتغاضى ليك لكن تكضب وتضارى ورى تراجي أكبر كضابة ومفترية في البورد دا عيب وشينه أحترم انت نفسك اولا

.

مرفوع لعناية الاخ أحمد موسى مع الشكر

Quote: غايتو يا تراجى الحق يقال المخلوق ده ساعد شان يكون موظف رسمى فى الامن

أولاً اثبات هذا وأني سعيت للحصول على الحصول على وظيفة في جهاز الامن

Quote: حقيقة صعب الزول يتهم الانسان تهمة زى دى

ثانيا : أثبات التهمة

Quote: كن المذكور اعلاه فعلا عمل كده لانو انا على علاقة بهولاء ؟ التانى والتالت عشت معهم التجربة جوه عمارات الامن وهم على دراية تامة بان المدعو من ابلغ عنهم بالمناسبة قريبه ديمقراطى وهو من اكد المعلومة لشيوعئ كوبر

من هو قريبي الديمقراطي الذي اكد المعلومة ونحن في الانتظار

لاحول ولاقوة إلا بالله !!!
حسبي الله ونعم الوكيل
الحبيب معاوية
الاخ الصديق عبدالعزيز
معزتي التي تعرفانها ...
صدقاني بح صوتي
وروحي
صدقاني انتما من الأشياء الجميلة التي أدخل لها وبها البورد
وأتمنى أن تتوقفا
صديقي معاوية من السهل إتهام الأخ عبدالعزيز بما تصر عليه
ولكن من الصعب إثبات ماتقول في ظل غياب من تقول
بامل التوقف عن إتهامه مالم يجد جديد يبيح ذلك
وبامل الإعتذار
لأن حتى الإفادات هي إفادات شفوية لا تعلم ولا نعلم صحتها ولاصدقية من أتو بها ..!!!
تعلم ثقتي بك
وبماتقول
وكنت سأقف إلى جانب ماتقول لو كانت تلك شهادتك أنت وليست شهادات منقولة
ولو لم اكن حاضراً
ليس تبعية ولكن ثقة بكل ماتقول وثقة بأخلاقك وأدبك
أعذر دخولي
واعذر كلماتي
ولكنها تبقى الكلمات الوحيدة التي ستحترمها لي بكل الاوقات
ودمتما ... !!!

نرفعه لمن نجيه

أها يا أحمد موسى


البوست خليته معلق يومين ورفعته مره قلت معاوية يجي يقول حاجه ماجا

أســمح لي يا أحـمد موسى أقول ليك صاحبك كذاب ومنافق وبالجد


أسلوب التبلي والتجني قديم


معليش يا أحمد موسى

Quote: صديقي معاوية من السهل إتهام الأخ عبدالعزيز بما تصر عليه ولكن من الصعب إثبات ماتقول في ظل غياب من تقول بامل التوقف عن إتهامه مالم يجد جديد يبيح ذلك وبامل الإعتذار لأن حتى الإفادات هي إفادات شفوية لا تعلم ولا نعلم صحتها ولاصدقية من أتو بها ..!!! تعلم ثقتي بك وبماتقول وكنت سأقف إلى جانب ماتقول لو كانت تلك شهادتك أنت وليست شهادات منقولة ولو لم اكن حاضراً

لو كان الكلام القاله معاوية منقول عن زول قاله ليه ممكن الواحد يلقى ليه عذر ويقول مغرر بيه ومغشوش لكن الزول دا كضاب من أساسه ومن أصله

وكان قاصد قريبي مبارك .. الحمد لله قاعد في السودان وممكن ارسل ليك تلفونه تتصل عليه وممكن تقابله بسهولة ولو قاصد زول تاني خليه يقول أسمه هنا


غير أنه كذاب منافق كمان شوف بقول شنو

Quote: حقيقة صعب الزول يتهم الانسان تهمة زى دى

أغرب حاجه كانت مطارد محمد فرح وعامل ليه فيها بوليس اسفيري وهو زاته كذاب ودجال


يا معاوية لو عاوز تبقى دودو لي تراجي شيل دلوكتك وحوم معاها الاسافير كلها لكن اختاني وقبلها تعال هنا أعتذر

Quote: بالمناسبة قريبه ديمقراطى وهو من اكد المعلومة لشيوعئ كوبر

يلا يا كضــاب الصايم

بعد ما رجعت من الشردة تعال قول لي منو قريبي الاكد ليك المعلومة دي ؟

يلا أثبت الكلام القلته عني

نرفعه عشان خاطر

Quote: للمرة التانية ياسيد اختار كلام يناسب البورض واحترام زملاء البورض انا ما عندى معاك حاجة شخصية؟ اذا دخلوا البوست ده زملاء وقالوا انا غلطان ثق تماما بعتذر ليك ببوست خاص جدا؟ بس حاول حسن الفاظك فتك عافية

ومازال هارب وما عاوز يثبت أو يعتذر