صنــدوق دعــم (المتعــة)..

نعمــل ليكم الحفلة هنـا ده ..

أكره نفسك في فراغك,
وأمشي جيب خمســـهشيكارات اسمنت زياده للعمال ,

واغشى جيب الغساله في سكتك ,,


بشششششم (^_^)

عاينو الحاجز أول كرسي تحت دا!!
نحن راكبين مع العريس زاتو!!

Quote: نحن راكبين مع العريس زاتو!!

.. خلاص بالمناسبة دي .. طقطق المساكين ديل .. عايزين يمتعو نفسم بلاش كدا يعني ويحضرو حفلة زي دي .. وكمان ما يدفعو ؟؟


انا عارف في واحدين فيهم ح يدفعو كتير .. بلاي البدفع كتير قول ليهو عايز يغني ليك منو .. سادومبا واللا بشة واللا كاريكـا ..
ما تجيب ليهم موضوع هيثم دا .. هيثم مــا قاعد يغني .. هيثم بجدع باصات بس

Quote: بشششششم

راجعـي الإملاء يا مدام
بشششششة




تـمـبس إزّيّك

Quote: راجعـي الإملاء يا مدام بشششششة

يا ابو اللــول .. الزولة دي ليها فترة كانت ماشة كويسة .. الرشة بتاعت كاريكا ومهند الأخيرة جابت راسة ..
حسع جا بششششة لخبط ليها حساباته .. هي الآن في فترة نقاهـة كدا .. عشان كدا عادي جدا ممكن تتمتم .. تقطع .. تسربع ثم تعود إلى رشدهــا .. زيها وزي اخوانا الهلالاب الزعلانين ديل ..

ياخ والله يا ابو اللول الهلال دا عجيب خلاص ..

Quote: هي الآن في فترة نقاهـة كدا

يا تامبا

الكلام دا قبل ولاّ بعد كورة أمبارح دي ؟
كدي شقّر عليها ياخـي ينوبك ثواب



وأفكّر فيه وأتأمّل

Quote: وأمشي جيب خمســـهشيكارات اسمنت زياده للعمال

السمنت بجيبو ..
لكن (الطـــوب) والحجـار منكم ..
ما مشكلة الطوبة تكون كاملة .. لو لقيتي لينا باقي كسـار كدا في المقبرة جيبيهو ..
بس ما تجيبي معاك بمبـان

حاجز أول كرسي..

يا تمبس :

القال ليك انو ( دمك خفيف ) كذب عليك ...








--------------------------------------------
ما عارف اعتذر لداليا و لا لا !!!

يا أبو منصور
و في رواية أخرى ( أبومحمد )

الصندوق دة بياتو عُمْلة ؟ غايتو اليومين ديل عندي ( يوان صيني ) .. ينفع ؟


وأمشي جيب خمســـهشيكارات اسمنت زياده للعمال ,

واغشى جيب الغساله في سكتك ,,

عشان تاني تقلع البلاط و تقول لي سيراميك.

Quote: عشان تاني تقلع البلاط و تقول لي سيراميك.

.. يا أبو محمد كيفك ..؟
الصندوق دا يا ريس .. مفتوح .. ين .. يورو .. بيزو .. دولار ريال شيك سياحي .. اي حاجة ..
الجماعة المساكين ناس اساسي ديل .. عااادي ممكن يدفعو بالجنية السوداني بالقديم أو بالجديد .. في النهاية المسالة متروكة ليهم .. الثابت في المسالة دي .. إنهم ما يجونا ويدينم فاضية ..
يدفعوا في الصندوق دا عشان يمتعو نفسم .. حسع شفت ليك زول بيدخل السنما بلاش كدا ..؟
حسع كورة امبارح دي ما سينما عديل كدا .. عاملة زي فلم رد قلبي .. أو فلم ما تلعب مع الكبار بطلوة بشــة وهيثم مصطفى وسادومبــا .. وكاريكا ..
..
البلاط يا ريس فوق نقط بالأحمر .. السيراميك أزرق بي أبيض في نوعية جديدة كدا مكتوب فيها بشششة .. دا نوع كويس قلنا نجربو

Quote: القال ليك انو ( دمك خفيف ) كذب عليك ...

.. عشان كدا انا من الأول ما صدقتك .. لكن كنت قايلك بتهظر ..

Quote: ما عارف اعتذر لداليا و لا لا !!!

بالنسبة لي شنو ..؟ وداليا دخلها شنو في الحتة دي ..؟
..

ذكرني ليك انا لاقيتك وووين .. شكلك كدا زي ما قالت تراجي المسؤولة من ملف دارفور في البورد إنك (مرارتك مفقوعه مني ..
انا البرشو وبلقاهو ضعيف قاعد اتألم علشانو في سري .. انا رشيتك ووين .. وفي ياتو ملف والله شكلك دا ما غريب علي .

Quote: حاجز أول كرسي..

.. يا ايمن .. ياخ أول كرسي شنو ..؟ طيب والضيوف ديل البمتعم منو .؟
الحفلة دي نحن عاملنها للضيوف والله عينكم قوية خلاص .. تدردقو الجماعة للمقبرة من ليبيا .. وتدردقوا معاهم الزعلانين منكم .. وتجو تضايقوهم في كراسي مفلتم ..؟

صنــدوق دعــم (المتعــة) الطوعية

ولنجعل خيارنا الاول ( المتعة ) الجاذبة







أحمد العمار

بالمناسبة حنكك الفاكيهو في جماعتك دا ما مقسم معاي , كلنا سكنا في شقق في السعودية دي , اول مرة اشوف لي مستاجر بيأجر شقة ( عضم ) واقفة علي العواميد ويتم بناها براهو !!
يعني وصلت السراميك الان فاضل ليك البوهية والدهان علي قول المصاري وبعدا التشطيبات والكهرباء والموية وايييييع , ويا ليل ما اطولك
والله دا نظام جرجرة ساكت
يا ود الصايم خلي عمك دا يقول كلام غير دا

Quote: اول مرة اشوف لي مستاجر بيأجر شقة ( عضم ) واقفة علي العواميد ويتم بناها براهو !!

حقد دفيـن







أساسي إزّيّك ياخـي
مختفـي

والله مشتاقووووووووووووون

Quote: والله مشتاقووووووووووووون

.. ازيك يا ووولي .. أخبارك كيف ..؟

اهلين يا لؤى اخبارك , انا ما مختفي بس انت اقعد لينا في الواطـة دي وخلي مساسكة المطارات , متابعنك وزياراتك لدول الجوار
انا حساب الفيس بوك عمل لي ارتكاريا وانهيت علاقتي معاهو
اللافت للنظر انه زول انيق زيك ومتفتح يرتد الردة المزرية دي ويطلع رشاشه ( امر محبط جدا )

سلام تمبس

الهلال غلب كم كم؟

Quote: سلام تمبس الهلال غلب كم كم؟

سلام يا ابو الريش
الكورة درون تلاتة اتنين

Quote: اهلين يا لؤى اخبارك , انا ما مختفي بس انت اقعد لينا في الواطـة دي وخلي مساسكة المطارات , متابعنك وزياراتك لدول الجوار انا حساب الفيس بوك عمل لي ارتكاريا وانهيت علاقتي معاهو اللافت للنظر انه زول انيق زيك ومتفتح يرتد الردة المزرية دي ويطلع رشاشه ( امر محبط جدا )

يا أساسي

ياخـي كُلّ ما نـحفظ ليك رقم تغيّرو
زي ما قال عادل إمام على رؤساء روسيا :
يا جدع نـحفظ إسـم الواحد فـي سنتين ، يـمشّوه فـي ثانيتين
فأجدعنا بآخر آرقامك
وأوعدك ما برسّل ليك أيّ رسائل زرقاء





تـحاياي

حفلة شنو ياتامبا
الناس ديل ناس عزاء وفراش وبس
وفي العزاء يتونسوا . . عاين لي أساسي
خلى الموضوع الأساسي وجاء فاتح موضوع ونسة

وبعدين يا أساسي الزول ده لقى الشقة لون السيراميك
فيها أحمر .. عايزو يقعد في شقة لونها أحمر ؟؟؟
ليه ؟؟؟ نازل دستور

موش يقعد فيها وبس يقعد فيها ويدق مسمار في الحيطة يعلق نفسه كي لا يفوت متعة النظر الي السراميك البهجة

Quote: موش يقعد فيها وبس يقعد فيها ويدق مسمار في الحيطة يعلق نفسه كي لا يفوت متعة النظر الي السراميك البهجة

.. يازول انا عبرتـه .. بعد كدا باقي لي العربية الفورشــن واشوف لي زول كويس هنا اديهو قروش يطلع لي رخصــة ..

والله انا واجعاني قروش رخصتك دي التقول دافعه انا من جيبي ..

Quote: شقة ( عضم ) واقفة علي العواميد ويتم بناها براهو !! يعني وصلت السراميك الان فاضل ليك البوهية والدهان علي قول المصاري وبعدا التشطيبات والكهرباء والموية وايييييع , ويا ليل ما اطولك والله دا نظام جرجرة ساكت

والله يا اسئس يا اخوي ,
كمان النشتكي ليك مادام جيتني بي جاي ,
زميل البورض دا قال لي طبعا انا بحب الاسطايلات الحلوه في الشقق (ما سائل في اي جورج قرداحي),
عشان كدي , اشتريت ليكي شقه على البحر , لكن عواميدسااااي , وكمان في الصقيعه عشان ما بحب الازعاج بتاع المدينه (ولد داا) ,
ولازم اتمها براي عشان تكون على زوقي (خلاااس يا بيير كاردان) ,
اها اسي امبارح قال لي وصلتا الطابق الطلطاشر في (الفيلا) بتاعتنا ,
وامبارح مشى عشان يركب خزان المويه الاوتوامتيكي وقال لي ادوهو معاهو هديه قاذفه صواريخ ,,

انا يا اساسي ما بشكك في زمتو ,
بس عندي سؤال وااااحد : الرياض فيها بحـر ..؟؟

والله يا تمبس اخوى وقعت وقعه سوده

ياخى خلص الشقه بالكتمان بردلب بردلب متل بشه وسادمبا

Quote: والله يا تمبس اخوى وقعت وقعه سوده ياخى خلص الشقه بالكتمان بردلب بردلب متل بشه وسادمبا

والله يا وليد ما وقعته شديد كدا .. لكن صاحبي دا خلى كورة القدم وقلب هندسة معمارية ..
انا قبل فترة قلت ليهو كان تابعتني والهلال سمو فاير عاادي جدا ممكن اقلبك رجل اعمال ما صدقني
اهو ماشي شوية شوية .. نحن اي حاجة عندنا بي نظام ..

والله يا داليا من خلال خبرتنا في البلد دي الجرجرة واضحة وحاصلة , كونه الرياض فيها بحر دا سؤال محوري ومهم مع العلم انه حتي بحور الخليل في الشعر الفي الرياض نشفت زمان , عشان كدا انا بنصح بالتحرك الفردي من قبلك وادراك الامر علي ما هو عليه في الوضع الحالي , لانه لو استمر هذا الموضوع بهذه الجرجرة تبقي المشكلة في ( عضمو هو زاتو )

Quote: اشتريت ليكي شقه على البحر , لكن عواميدسااااي , وكمان في الصقيعه عشان ما بحب الازعاج بتاع المدينه

يا مدام

إنتـي كمان عشان تضمنـي حقوقك
تامبا دا لـمّا يقول ليك إزعاج الـمدينة
استفسري وإتأكّدي
عشان الأيّامات دي بيكون أكيد قاصد ليك بكري الـمدينة
الله لا ورّاك إزعاجو وصداعو



وإن عُدتُـم عُدنا

Quote: بس عندي سؤال وااااحد : الرياض فيها بحـر ..؟؟

ومال البحــر الميت دا وووين إنت قايلاهو ..؟
والله تصدقي كلام المسكين دا .. احتمال كبير تجيبي معاك شقتك من هناك في شنطـة يدك ..

Quote: حفلة شنو ياتامبا الناس ديل ناس عزاء وفراش وبس وفي العزاء يتونسوا . . عاين لي أساسي خلى الموضوع الأساسي وجاء فاتح موضوع ونسة وبعدين يا أساسي الزول ده لقى الشقة لون السيراميك فيها أحمر .. عايزو يقعد في شقة لونها أحمر ؟؟؟ ليه ؟؟؟ نازل دستور

يا ابو السيد كيفنك ..؟
الجماعة ديل ما ممكن ايامم كلها تكون عزاء ومآسي وبكــا .. خليهم يفرحو شوية قلنا نعمل ليهم الحفلة دي يفرفشو شوية امس الأحد كانت ليلة عصيبة عليهم .. الليلة الصبحية لازم تكون كويسة ..
امــا
الكاتب (الرايع) اساسي ما فارقه معاهو .. امبارح الليل كلو يبكي .. فالصباح دا لازم يضحك ويمتع نفسو الونسة بنونسو ليك .. البكا بنبكيهو .. الرش بنرشو ..
تخيل عليك الله يا ابو السيد .. عايزني اضرب ليهو بوماستك احمر .. وبلاط أحمــر .. دي تبقى سلخانة عديل كدا ..

Quote: حقد دفيـن

.. يا ابو اللــول ..
أغرب حاجة الزول دا قالي تاني ما ترسل لي في جوالي بعد اي كورة للهلال ..
انا ما عارفو حسع دي الدخلو البوست دا شنــو ..؟

Quote: أغرب حاجة الزول دا قالي تاني ما ترسل لي في جوالي بعد اي كورة للهلال .. انا ما عارفو حسع دي الدخلو البوست دا شنــو ..؟

يا تامبا
ياخي إنت كمان خلّيك بتسـمع الكلام
خلاص ما ترسّل ليهو فـي موبايلو
وتاني رسّل ليهو الرّسائل ذاااااااتـها هنا
عشان نقرأ معاهو
وبركة الـجّات منّو هو



تـحاياي

Quote: وتاني رسّل ليهو الرّسائل ذاااااااتـها هنا عشان نقرأ معاهو وبركة الـجّات منّو هو

.. والله يا لؤي انا ما قاعد اتدرعــو .. لكن براهـو كدا اتعود على الرجم التقني دا ..
كلما اقول عفيتو .. يهابش براهـوو..
يوم كورة الخرطوم انا بحضر في الكورة بي مزاج وصاحي من النوم يادوبك اسمع ليك الجوال كرروو .. كرررو ططااخ .. شخخخخ
انا قلت ياربي الجهاز دا جنه ..؟ .. الكلام دا طبعا بعد ما الشوط الأول انتهى ..
رفعت الموبايل اللقى ليك عشرة رسائل قصيرة حتة واحدة .. طبعا ما دافع حاجة من جيبو الله يخلي الاتصالات السعودية البتدي الناس مساحة زي دي ..
تخيل يا لؤي عشرة رسائل (Male) من حتة واحدة .. تلاتة رسائل (Female) من شبكة قطر للاتصالات .. غااااغ ... ووووووب .. وكمية كدا من الرسائل القصيرة من سوداني ون ..
تخيل ختيت ليك التلفون على الجمب .. علشان اقدر امتع نفسي في الشوط التاني ..
تخيل الشوط التاني يا لؤي كما ارسل رسالة تتعلق بين السماء والأرض ..
جيت انوم كدا بعدما اسقط في يدي .. تجيني ليك رسالة عابرة مكتوب فيها:
أرجو اللا ترسل رسائلك غلى هذا الرقم ..
انا كتبت زووط واحدة بس لو قارنتها مع بقية الزوطات الوصلتني .. ولو رصيت حروفه .. ز .. ووو .. ط .. احتامل كبير تجي من هنا لحدت الخرطوم تلاتة

Quote: تلاتة رسائل (Female) من شبكة قطر للاتصالات .. غااااغ ... ووووووب ..

دي أكيد أميـرة من أميـرات الشّيـخ
بسم الله شيـخة من شيـخات أمارة قطر
ولاّ هـي دولة قطر بسم الله





بالمناسبة دي الصّديقة العزيزة زميلة الـمنبر أميرة الشّيـخ وين من هذه الغاغا

Quote: بالمناسبة دي الصّديقة العزيزة زميلة الـمنبر أميرة الشّيـخ وين من هذه الغاغا

ووين شنو يا لؤي ..؟
إنت كمان ما تبالغ .. ياخ رسالتي من امس بالليل حايمة في منطقة الشرق الأوسط .. انا عملت العلي ورسلتها لكن عااارف ولا بتهببو لي ..
والله تلقاها بتبكي لحدت الآن من قون بشة التاني .
انا كلمتها قلت ليها الهلال دا بيعمل ليك نفسيات .. ما سمعت كلامي



غااااااااااااااااغ

Quote: كلنا سكنا في شقق في السعودية دي , اول مرة اشوف لي مستاجر بيأجر شقة ( عضم ) واقفة علي العواميد ويتم بناها براهو !!

الْأَخِ الْعَزِيْزُ الْكَاتِبُ (الرايِعَ) اسَاسِيَ
طَبُعَادِيّ مِنْ الْأَفْكَارِ الْجَدِيْدَةِ فِيْ الْمَشَارِيْعِ الْاسْتِثْمَارِيَّةُ (كَأَنَّ) يَدُوْكُ قِطّعَةُ أَرْضُ أَوْ شُقَّةِ عَضْمِ (ثُمَّ) تَقُوْمُ بِيَ اكَمَالَهَا بِالْطَّرِيْقَةِ الَّتِيْ هِيَ مُرِيْحَةٍ بِالْنِّسْبَةِ لَكِ ..
انَا بِالذَّاتِ القْدَّامِكِ دا .. عِنْدِيْ قِطْعَتَيْنِ .. وَاحِدَةً تِجَارِيَّةٌ وَوَاحِدَةٌ سَكَنِيَّةٌ .. الْسَّكَنِيَّةِ دَيَّ اعْمَلْ فِيْهَا بَلَاطٌ .. اخَلَيُّهَا اسِّكِيْتوّ .. ابْنِيْ فِيْهَا نَفَقَ عَلَيَّ كِيْفِيْ طَبْعَا .. الْتِّجَارِيَّةِ دِيَكْ مَوْضُوْعَةٌ تَانِّي ..
كُنْتُ مُفَكِّرٌ وَمِنْ ضِمْنِ الْصَّلاحِيَّاتِ الْمُخَوَّلَةً لِيَ ادَرَجَّةك فِيْ الَقَايْمّةً الْاسْتِثْمَارِيَّةُ التابعة لي لَكِنْ مِمَّا قَرَيْتُ لِيَكْ الْمُدَاخَلَةُ بِتَاعِتْ إِنُّوْ صَاحِبَكَ شَالَ مِنْكَ الْقُرُوشِ وَمَا طَلَعَ لِيَكْ الرُّخْصَةِ فِيْ الْسُّوْدَانِ .. وَالْلَّهُ طَوَّالِيْ خِفْتَهُ مِنْ الْحِتَّة دِيَ نَّانْوَ الْقُرُوشِ هُنَا مَا قَاعِدَيْنِ نُطْلَعَهُ بِالّسّاهْلَ .. تَقُوْمُ تُجازفُ وَتُدْخَلُ لِيَكْ عُنْصُرِ شَرِيْكَ يُلِمُّ فَوْقُو وَاحِدٌ يَسْتَنكِحْوَ وَيَخُمُّ قُرَوشِكِ سَاااي .. عَقْلِيَّةٌ تِجَارِيَّةٌ زَيْ دِيَ مَا بْتِنْفَعْ مَعَانا نَحْنُ اوْلَادِ امُدُرمّانْ ..
مَلْحُوْظُــةِ:
أَمْسِ الْزَّوْلُ الُرْسْلتَّوَ لِيَكْ شَايِلْ لِيَكْ الْبِنْجُ قَالَ دِقَّهُ عَلَيْكَ .. جَوَالِكُ مَقْفُوْلٌ .. نَمَتْهُ كَيْفَ إِنْتَ مِنْ غَيْرِ بَنْجْ أَمْبَارِحُ ..؟

بِالْمُنَاسَبَةِ:
زوووطّ شَدِيْدُ..

Quote: صنــدوق دعــم (المتعــة) الطوعية ولنجعل خيارنا الاول ( المتعة ) الجاذبة

.. والله وجهة نظر يا العمـار , الجماعة ديل بي المتعة حقت امس دي خاصية الجذب اشتغلت كويس .. شايف طلبات فرو الطاعة لسيد البلد اتقدمت بكميات كبيرة
بس الناس دي تدفع ماممكن كمان تتمتع وتجي محقبه ليك يدينه سااي ..

Quote: ياخى خلص الشقه بالكتمان بردلب بردلب متل بشه وسادمبا

بشه وسادومبا عندهون فلل على البحـر يا وليد ..؟؟






---------------
والله يا زميل البورض اجازتي دي شكلها معاك بالخساره الليله (^_^)

Quote: طَبُعَادِيّ مِنْ الْأَفْكَارِ الْجَدِيْدَةِ فِيْ الْمَشَارِيْعِ الْاسْتِثْمَارِيَّةُ (كَأَنَّ) يَدُوْكُ قِطّعَةُ أَرْضُ أَوْ شُقَّةِ عَضْمِ (ثُمَّ) تَقُوْمُ بِيَ اكَمَالَهَا بِالْطَّرِيْقَةِ الَّتِيْ هِيَ مُرِيْحَةٍ بِالْنِّسْبَةِ لَكِ .. انَا بِالذَّاتِ القْدَّامِكِ دا .. عِنْدِيْ قِطْعَتَيْنِ .. وَاحِدَةً تِجَارِيَّةٌ وَوَاحِدَةٌ سَكَنِيَّةٌ .. الْسَّكَنِيَّةِ دَيَّ اعْمَلْ فِيْهَا بَلَاطٌ .. اخَلَيُّهَا اسِّكِيْتوّ .. ابْنِيْ فِيْهَا نَفَقَ عَلَيَّ كِيْفِيْ طَبْعَا .. الْتِّجَارِيَّةِ دِيَكْ مَوْضُوْعَةٌ تَانِّي ..

اها يا طويل العمر والقطع دي طلعت ليك من صندوق دعم المئوية يا تمبس الغامدي !

Quote: اها يا طويل العمر والقطع دي طلعت ليك من صندوق دعم المئوية يا تمبس الغامدي !

وكمان غيرتا اسمك وما كلمتني ؟ اهيء اهيء اهيء

Quote: وكمان غيرتا اسمك وما كلمتني ؟

.. والله اسم هيثم مصطفى لو ما محجوز .. كان سميت نفسي هيثم مصطفى

Quote: اها يا طويل العمر والقطع دي طلعت ليك من صندوق دعم المئوية يا تمبس الغامدي !

إنت زعلتــه .. يا (رايع) ..؟

Quote: والله يا زميل البورض اجازتي دي شكلها معاك بالخساره الليله (^_^)

.. ايوة اخير ليك متعي نفسك في الحفلة دي الشغل طاير

يا تامبا ..
الغواغئين من شاكلة أساسي ديل مالم ..
بالله أعمل ليهم صفا إنتباه ..
وخليهم يقعدوا هناك يتفرجوا بس ..
أبشبشكم ..


ياخي أحب الهلال ..
وكل البحب الهلال ..

UP

Quote: ياخي أحب الهلال .. وكل البحب الهلال ..

ياخي انت وين ليك زمن طلاتك بقت شوية

الصادق

Quote: ياخي انت وين ليك زمن طلاتك بقت شوية

سلام يا الصادق ..
وكل عام وأنت طيب ..
ومبروك فوز سيد البلد هذا الإنتصار الباهر ..
معليش مشاغل أبعدتنا من البورد ..
على أمل أن نكون معكم دوماً ..

لك التحايا والمحبة .

Quote: سلام يا ابو الريش الكورة درون تلاتة اتنين

تامبا ياراقي قلنا نمر للسلام
وربما للدعم اللوجستي الكامل

Quote: انا يا اساسي ما بشكك في زمتو , بس عندي سؤال وااااحد : الرياض فيها بحـر ..؟؟

ما هلالابي وفرحان ممكن يقول اى حاجة .......

تمبسكو

فعلا مفروض يدفعو

عشان المحاضرات دي الهلال بخسر عليها فلوس




اسمع ما تركب السيراميك علي مادة اسمنتية عادية

في مواد لاصقة جيبا بعدين في سيراميك الحوائط في (صلايب ) بلاستكتية


اتاكد انهم بستعملوها عشان تضمن استقامة الخطوط الافقية والراسية

بعدين اتاكد ان سيراميك الارضيات مثبت جيدا (ما يكون مطبل) زي كانك بتسمع صوت بنقز

Quote: تمبسكو فعلا مفروض يدفعو عشان المحاضرات دي الهلال بخسر عليها فلوس

والله يا خليل إنت وقسطنطين أمبارح الله مرقكم مني .. بعد الاتنين الكتبتها دي .. قلت الليلة تحصل اي حاجة ما في مكانه الطبيعي اجي افتح فيك نيران وفي قسطنطين وفي كيكي وفي اي زول من الدوحة يلاقيني قدامي .. بس كويس قسطنطين ليهو فترة متصلح معانا ..
تعرف يا خليل نحن تبع المدرسة الحديثة الواحد بنمتعو وندرسو ونديهو لبس ومصاريف من عندنا .. لكن الجماعة ديل فيهم ناس مصرين يدفعو عليك الله نحرمم ليييه ..؟

Quote: اسمع ما تركب السيراميك علي مادة اسمنتية عادية في مواد لاصقة جيبا بعدين في سيراميك الحوائط في (صلايب ) بلاستكتية اتاكد انهم بستعملوها عشان تضمن استقامة الخطوط الافقية والراسية بعدين اتاكد ان سيراميك الارضيات مثبت جيدا (ما يكون مطبل) زي كانك بتسمع صوت بنقز

.. تمام يا هندسة المعلومة دي وصلت وزيادة الخير خيرين.. معاي معلم كبير جدا في كل ما يتعلق بي مبيعات السيراميك والمواد المساعدة مريحني من الحاجة دي خالص زميلنا في البورد هنا .. حتى وفر كل المواد بما فيها الـ Spacers أخوك مجلي خالص في البتاعات دي انا بتاع طين ساااي زيي وزي كيكي واحد..

Quote: انا بتاع طين ساااي زيي وزي كيكي واحد..

كككككككككككككككككككككككككككككككككككككككككككككككك
يا زول انت متأكد من قولك دا

كيكي تاني ما تجيني فااااااااااااهم لانك صرت مشبوها وسمعتك تخطت جغرافية الدوحة
وسنتعامل معك من خلف ستار (اكاديمي ) وانت زااااااااتك يا تمبس

Quote: ما هلالابي وفرحان ممكن يقول اى حاجة .......

..
يازول إنت ما بترد على خدمة الرسائل القصيرة مالك ..؟ .. أظهر نوع من الشجاعة حتى ولو تبكي زي أخوك اساسي دا ..
حقو الواحد ينزل ليك هنا صورة من رسائلو القاعد يبكي فيها دي ..

إنت وصلتك النسخة المعدلة بعد قوون بشــة واللا بتاعت قوون سادومبا .. هم اصلو رسالتين وصلتك ياتـا .. عشان الواحد يكون عارف ؟

Quote: تامبا ياراقي قلنا نمر للسلام وربما للدعم اللوجستي الكامل

الله يسلمك يا طارق .. اليومين دي يازول سمنا فاير .. الدعم اللوجستي مطلوب اليومين دي يا طارق

Quote: يا تامبا .. الغواغئين من شاكلة أساسي ديل مالم .. بالله أعمل ليهم صفا إنتباه .. وخليهم يقعدوا هناك يتفرجوا بس .. أبشبشكم ..

يا ابو الدفاع .. الف مبروك ياخ .. والله امس المساكين ديل حرمونا من متعة الرسائل اقصيرة اثناء الباصات الهيثمية المتبادلة .. معليش تتعوض في المباراة الجاية ..
اساسي دا الرش كتر عليهو .. اتبشبش واتسندب .. وليبيا فتحت ..

تمبس والله دمك خفيف يكاد يصل مرحلة التلاشي ذاتووو

أيدك للصداقه

هلالابي زميل بورض جديد يعني سيد بلد

Quote: تمبس والله دمك خفيف يكاد يصل مرحلة التلاشي ذاتووو أيدك للصداقه هلالابي زميل بورض جديد يعني سيد بلد

ألصديق أمير فتحي .. مرحبتين حبابك .. نحن ناسنا قاعدين نشم ريحة الكيبورد والماوس قبال يكتبو حاجة ..
شكرا على التربيته اللطيفه ..
بس كدا في صمة خشمك ح يجيك الكلام .. السيد عبد اللطيف قال انا زاتوو ما عندي دم .. التقول شغال في معمل استاك المركزي ..
غايتو الحمد لله الواحد طلع هلالابي وعارف زي ناس عبد اللطيف ديل الواحد كريات الدم بتاعتو بتنقظ عسل كيف

مرحب بيك في عالم اسياد البلد يا أمير .. عيش معانا المتعة والاثارة في هذا العالم الجميل جدا

سيدا بيفرح الباكيه ويزيلها دموعه
وبشه بطمن النفس التكون مفجوعه
حيرتو الوصيفاب الطير سكن في جموعه
خليتو النحل مي عارفه كوعه وبوعه

ياتامبا

مبروك الفوز والدخول للمربع الذهبي وربنا يمتعكم فيهو

عجبني العنوان قلت متعة دعم الصندوق دي لازم نشارك فيها لكن لقينا العمارة عضم لسع ومحتاجة حاجات كتيرة جدا عشان كده لمن تصل مرحلة مفاتيح الكهرباء اعمل لي مس كول

انا من زمان بعاين بي عيوني بس

لكن يامعلم وقف هلال الشيخ في العقبة اها انا في دوري الاربعة ده عندي راي وانتو اتجاوزتو الحد الائتماني خلاص هاهاهاهاي

قال يشيلوا الكاس انت عارف الذ حاجة الواحد يامل كتير ويطير المغصة بتاعتو بتكون كبيرة

ولا يهمك حبيبنا اساسي لمن يطيروا بننزل ليهم مدحة اولاد البرعي ياصاحي امنا لي زيارة امنا الكلها اربعات ديك

انت اليومين ديل زميلة البورد مشرفة الرياض ؟

تحياتي

زاتوووو

غــاااغ

Quote: عجبني العنوان قلت متعة دعم الصندوق دي لازم نشارك فيها لكن لقينا العمارة عضم لسع ومحتاجة حاجات كتيرة جدا عشان كده لمن تصل مرحلة مفاتيح الكهرباء اعمل لي مس كول

مس كوول يا معلم زاتوووو ..
مفترض إنك من (مفتحي) الشرقية يعني مستثمر أجنبي .. ما زي أخونـا الفوق دا .. يمشي يتفسح في البحر ألأحمر يوم الخميس يفتكر نفسو في البندقية ..
المهم يا معلم .. جضمنا السراميك كما ينبغي وداخلين على مرحلة الدهانات .. والكهربة دي طبعا زي ما عارف وتم شرح ذلك في عدة مناطق من هذا البورض .. ما عندي معاه اااااي جاز .. النور دا زاتو انا عامل ليهو عصاية صغيرة كدا .. للمفتاح .. زي الشنكل الكنتو بتجازفو بيهو التمر هندي زماان يعني بي اختصار .. كهربة ما معانا..

Quote: لكن يامعلم وقف هلال الشيخ في العقبة اها انا في دوري الاربعة ده عندي راي وانتو اتجاوزتو الحد الائتماني خلاص هاهاهاهاي قال يشيلوا الكاس انت عارف الذ حاجة الواحد يامل كتير ويطير المغصة بتاعتو بتكون كبيرة

والله حسادتكم دي هي زاته البتجيب لينا الكاس .. غايتو يا معلم عندكم حل واحد إننا ما نشيل الكاس ..
في زولة اسمها تفيـدة .. أو تفيدة وقعت مي البلكونـة .. غايتو دي لما تفتح بوست للهلال يوم الكورة .. نحن كان لاعبين مع مانشيستر يونايتد بنرشو .. غايتو امسكو تفيده دي .. نحن بنفرمل من الكاس .. لكن طالما انو بتعبر عن شعوره في يوم الهلال يكون غالب .. إنتو متورطين معانا .. مع الأولاد السمهم فاير اليومين ديل..
والله يا معلم اساسي دا ما بيرجيها زاتو عشان تصل البورد .. مع الرش الاترشاهو الفترة الفاتت دي .. والله احتمال كبير حسع دي يكون عامل حجز في خمسة خطوط عالمية من جدة لي الرياض .. ودافن دقـن

Quote: انت اليومين ديل زميلة البورد مشرفة الرياض ؟

.. زميلة البورد يا معلم انا اليومين دي زاتووو ام لامي فيها .. انا خايفه تكون مشت استراليا بالبــر

Quote: سيدا بيفرح الباكيه ويزيلها دموعه وبشه بطمن النفس التكون مفجوعه حيرتو الوصيفاب الطير سكن في جموعه خليتو النحل مي عارفه كوعه وبوعه

سيــدا يا عينة الخريف البتملى الحتــه
جــداع للباصات ما برضى غير بالستــه
سادومبا قدام القون لو حاورك (اتغطى)
فيييرا سندالة النص .. بالمسطرة وبالقــده
كاريكـا .. لــو دقولو نحاس ياكا غلبتــه

يا امير البتاع دا كيف معاك .. من شعر التفعيلة برضو ؟

السلام عليكم ورحمة الله

كدي شوف صورة الجماعة ديل وبعدين نجي نحكي ليك عن المتعة علي اصوله

يا سلالالالالالام يا البدري ..
والله لو بتصدق حسسع دي كنت بفتش في اليوتيوب وعن البوست حق الصادق علشان اللقى لي اي حاجة ليها علاقة بالحفلة ..
طبعا بعدما اتصل علي حسام يوسف وبيحندكني بي نزلتو للسودان .. وعن حفلة عركي ..
باص .. ومرغني الزين . وماهر .. وعمر ..
والله يا البدري مشتهي لي حفلة فوقا الرصة دي .. من زمن السمندل ..
عليك الله يا البدري املى يدك .. وجيب الصور دي هنا دا .. عندك فيديو عندك اي حاجة جيبه هنا دا ..
الاولاد ديل لما يعزفو ليك .. زيهم وزي الهلال واحد اصلو مافيش فرق

جيب الله يرضى عليك .. يا كمان رسل هنا دا ..
alaa.tmbis(at)gmail.com

Quote: جيب الله يرضى عليك .. يا كمان رسل هنا دا ..

هو عليك الله يا تمبس المتعة الغالية دي بفكوها بالساهل كدة ؟!!

Quote: باص .. ومرغني الزين . وماهر .. وعمر ..

واضف اليهم (يزن ابو عركي البخيت ) دا الزول اللابس نضارة في الصورة ..
ياخ ديل ناس مليانين بي كمية من الحاجات السمحة لمن تخاف منهم ...

وزيد عليهم مليجي .. وغاندي ..والصادق ..

ياخ دي كانت متعة بلا حدود ..


*ياخ انت عندك اخو ملاك في شكل انسان ..هذا المدعو عمر منصور يحتاج لي مساحة براهو غير بوستيك حق الكورة ده

بلاي الورا دا يزن ..؟
وكمان مليجي .. والصادق زاتو اشتغل .. وغاندي ؟
طيب دي ما فرقـة انتحارية عديل كدا ..؟

Quote: *ياخ انت عندك اخو ملاك في شكل انسان .. هذا المدعو عمر منصور يحتاج لي مساحة براهو غير بوستيك حق الكورة ده

.. .. والله يا بدري الزول دا اعمل معاهو شنو زاتو ما عارف ..
الزول دا مسكين شديد ياخ ..
تعرف ..
أول ما مشيت جبتو من المطار وبعد المراسم بتاعت الاستقبال العجيبة جدا في أحلى يوم كان في الخرطوم ..
الجماعة طبعا محضرين الضبايح ..
قامو ضبحو الخروف وعملو ليهو الحركة بتاعت ناس السودان ديك .. قالو ليهو يللا تعال نط الخروف ..
وكت بضبحو في الخروف .. قام (غطى وشــو) بالجمبه كدا ..
انا طبعا كزول متابع لي المسالة بتاعت حقوق الحيوان .. وحسب احتكاكي مع المستنيرين في البورد هنا والحاجات دي .. المسالة كانت عادية جدا بالنسبة لي ..
لكن يا زول عندي أولاد أهلي كدا جايين من البلد المسالة دي ما مشت فيهم .. والله الواحد فيهم عادي جدا ممكن يضبح ليهو اســد عديل كدا.. غايتو اليوم داك عدي ساااي ..
بعد كم يوم لقيتم ليك دارشين ليك الراجل وعاملين ليهو فرش متاع وبيردمو معاهو بالتراب قدام البيت وهو كان مستمتع بالحركة دي
قلت ليهو يا زول هوي والله تتابع الجماعة ديل بي مسكنتك دي تروح فيها سااي ..
عمر منصور كائن عجيب جدا .. خاصة لما يعزف على آلة الكمان ..
البوست دا كفــر ووتر وحفلة يا البدري .. نزل ياخ اي حاجة لي عركي

تمبس ....داليا.......
السلام عليكم
(دا سلام زول وعلان جدا واللة ما اسامحكم )
بس معلييييييييييييييش