Post: #1
Title: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!!!
Author: عثمان دغيس
Date: 10-03-2010, 01:20 PM
مشاركة منه في فعاليات الدوحة عاصمة للثقافة العربية ومن ضمن وفد فني كبير ضم فرقة الفنون الشعبية العسكرية ، الفنان عمر إحساس والكاريكاتيرست كاروري وغيرهم ، يشرف الدوحة الموسيقار الفنان الرقم الأستاذ محمد الأمين بكامل فرقته الموسيقية وبكامل إحساسه ورغبته في إثراء وجدان أعضاء الجالية السودانية بقطر وإدهاش الأخوة القطريين بكوامن الإبداع السوداني المميز وأعد لذلك العدة وجهز تجهيزاته وإختار لهذه المناسبة أفضل وأعز أعماله لنفسه .....
ولكن ....!
|
Post: #2
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-03-2010, 01:58 PM
Parent: #1
أعلن برنامج البعثة الفنية السودانية كضربة بداية بحفل للفنان عمر إحساس يوم الجمعة الماضي
أعقب ذلك يوم السبت حفل الإفتتاح الرسمي والذي شارك فيه الفنان عمر إحساس برفقة فرقة الفنون الشعبية العسكرية ... وقد كان بحق أداءً يفوق الوصف
وكان الفنان عمر إحساس سفارة ثقافية وقدم جهده بأن يظهر ثقافات سودانية متعددة وقد أبدعت معه الفرقة الشعبية وتفاعل الجمهور الذي تقاطر زرافات حتى ضاق بهم المكان وإمتلا المسرح وصدت الأعداد الغفيرة التي لم تحظ بمكان داخل صالة المسرح ...
وقدمت المذيعة الموسيقار محمد الأمين في فاصل غنائي ،
وبدأ ب ( عابر طريق ) ثم ( عويناتك ) ثم .....
أشير إليه بالتوقف ....!
لماذا ؟؟؟؟
لأن سعادة الوزير ينوي عدم مواصلة الحفل والعودة إلى مكان إقامته ...!
والظاهر سعادتو بنوم بدري ...
تم ذلك وسط إستغراب الموسيقار محمد الأمين ودهشته ...
لكنه إمتثل وقدر بأن هذا مجرد حفل للإفتتاح وأن غداً ( السبت ) سيكون يوم الحفل الساهر الذي ينفرد بتقديمه ...
وقد حدد في برنامج هذا اليوم أن الأستاذ محمد الأمين سيقدم حفلا ( ساهراً ) ...
وقد حضر الأستاذ وفرقته من الأساتذة الموسيقيين لأداء الحفل الساهر ....
تقاطر السودانيون من كل حدب وصوب ميممين وجوههم شطر القرية التراثية حيث يقام الحفل الساهر ...
وبدأ الحفل بفقرات للفنون الشعبية نالت إستحسان الجمهور الغفير ممن فاته الإفتتاح وممن أتى يمني النفس بحفل سااااااهر مع أبو اللمين ..
ثم ...
صعد الباشكاتب والأساتذة الموسيقيين المسرح
وبدأت الفرقة بعزف أغنية زاد الشجون ...
وقلت لمن يجلس بجواري أنا حسب علمي أبو اللمين ده ما بيغني الأغنية دي إلا في المناسبات الخاااااااصة جداً
وما بيغنيها إلا لي ناس بيعزهم ...
أعقبها بالأغنية الخليجية التي قيل أنها للراحل طلال مداح ( ناعم العود ) والتي بدا أنه أعاد توزيعها لتكون آلة العود هي المسؤولة عن تنفيذ اللحن الرئيبسي بمحاورة الفرقة الموسيقية زكانت فكرة - في رأيي - في قمة الروعة ..
وختم (فاصله) الغنائي بأغنية ( أربعة سنين ) ....
فوجئ كماجميع الحاضرين ، فوجئ الأستاذ بالمذيعة تعلن عن البرنامج الخاص باليوم التالي وتتلو ما تيسر لها من آي الذكر الحكيم معلنة إنتهاء الحفل ( الساهر ) ...!
حينها إستشاط الأستاذ غيظاً مندهشاًَ من هذا الأمر وهو الذي - حسب قوله - قد أتى مهيئاً نفسه لأداء ثلاثة فواصل غنائية .....
وكلفني أنا شحصياً وآخرين باللحاق بالمذيعة وتأكيد أنه يرغب في تقديم فاصل أو فواصل آخرى فبل أن ينفض سامر الجمهور....
وبعد بحث مضني وجدنا المذيعة وشرحنا لها الأمر لكنها ردت بأنها لا تستطيع أن تذيع هذا الكلام ...
لييييييييييه ؟؟؟؟
لأن سعادة الوزير (وزير الثقافة ) وجه بإنهاء الحفل لأنه ماشي خلاص ....!
|
Post: #3
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: معتصم محمد صالح
Date: 10-03-2010, 02:14 PM
Parent: #2
يا عثمان الوزير دهمش ياهو اخو الزول المعاكم هناك ده ..؟؟
لوطلع ياهو ..بعد الجماعة يرجعو امسكوه اجلدوه لمن يآمن ..
|
Post: #4
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: محمد زكريا
Date: 10-03-2010, 02:23 PM
Parent: #3
معقوله بس
ده حالتو وزير الثقافه؟
ده واحد حاقد وحاسد السودانيين ان يستمتعوا بالمجان مع فنان قامه مثل محمد الامين وبيفتكر انه هو المحرك للفنانين كلهم
وزير كوز ما بهمه الاستماع ولا عنده ذره من الذوق ولا احساس ولا يفهم فى معنى الاستماع الى الموسيقى او بس زول حاسد الناس على استمتاعهم
=====
لا استطيع وصف غضبى
|
Post: #12
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-03-2010, 06:10 PM
Parent: #4
| Quote: لا استطيع وصف غضبى |
الاخ محمد زكريا
والله أنا ما ح أقدر أوصف ليك إنفعال الأستاذ محمد الأمين في تلك اللحظات ...!
خليك من غضبنا نحن
ووالله أنا بعد ما تكلمت مع المذيعة وورتني السبب ذهبت بحثاً عن سعادة الوزير فقط لأسأله
هل هذا الوفد الثقافي جاي عشان يغني لسعادتكم ولا مشاركة في مهرجانات دولة قطر وهي عاصمة للثقافة ؟؟؟
إلا أنه للأسف كان قد غادر بعد أن أصدر هذه التوجيهات الغربيبة ...
وتركنا للغيظ والغضب اللامحدود
|
Post: #5
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: حيدر حسن ميرغني
Date: 10-03-2010, 02:26 PM
Parent: #3
ده حالتو وزير دولة بوزارة الثقافة
لو وزير كامل الدسم كان عمل شنو
|
Post: #13
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-03-2010, 06:49 PM
Parent: #5
Quote: ده حالتو وزير دولة بوزارة الثقافة
لو وزير كامل الدسم كان عمل شنو |
الاخ حيدر
والله أنا يخيل لي لو كان الوزير الكامل الدسم كان (يمكن ) الحال يكون غير
فالكامل الدسم داك راجل لجد كبير فنان وبيفهم ثقافة ...
تشكر لمرورك الكريم
|
Post: #9
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-03-2010, 05:29 PM
Parent: #3
| Quote: يا عثمان الوزير دهمش ياهو اخو الزول المعاكم هناك ده ..؟؟.. |
الحبيب معتصم والأخوة المتداخلين وجب التنويه إلى أنه أي الوزير هو وزير الدولة بوزارة الثقافة
وزير الدولة على مجوك ..وجب التنويه على الأقل عشان معتز القريش ما يجيني ناطي بلسانو المتبري منو
|
Post: #6
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: Munir
Date: 10-03-2010, 02:46 PM
Parent: #2
خليك من القامة محمد الأمين، أنا هسه القدامك ده مرارتي اتفقعت !!!..
Quote: لييييييييييه ؟؟؟؟
لأن سعادة الوزير (وزير الثقافة ) وجه بإنهاء الحفل لأنه ماشي خلاص ....! |
ياخي ما يمشي .. هو أصلو قفة واللاّ أضان قفة ؟؟ .. ينهي الحفل ليه ؟؟
العالم الدلم ديل بيجيبوهم من وين .. ؟؟ ..
|
Post: #7
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: ودالعباسية
Date: 10-03-2010, 02:56 PM
Parent: #6
الله على زاد الشجون ،،،
فعلا كان محمد الامين بالامس فى كامل حضوره الممتع ،،
ولكن ،،
|
Post: #8
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: كمال سالم
Date: 10-03-2010, 04:38 PM
Parent: #7
عثمان دغيس ماتزعل يأخ !! إنت نسيت التوجه الحضارى
ولا شنو ؟؟!!
ولا نسيت مشروع الدوله الرساليه ؟؟!! يأخ الناس ديل
بنوموا أربعين مليون منذ الساعه حداشر !!
عايزهم يخلوا ناس الدوحه كمان يساهروا أكتر من كده ؟
الوزير عاين فى ساعتو لقاها حداشر قال للمذيعه وقفى !!
تانى فى شنو ؟!!!
والله الوزير ده لو قعد يومين تانى فى قطر حيمنع الشيشه
ذاتها !!
غايتو المعذره لود الأمين على كل الذى جرى له فالرجل
مغبون ,, ويخيل لى كأن الوزير يتحرش به ,, فقد فعلها
معه مرتان ,, يوم الإفتتاح ويوم أمس ,,
لكن ود اللمين يستاهل ,, البخليهو يبارى الجداد شنو ؟؟!
|
Post: #10
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: كمبورة
Date: 10-03-2010, 05:47 PM
Parent: #8
اخوي عثمان لك التحية ولمداخليك
حفل الافتتاح كان رائع جدا
اسوأ ما فيه كلمة سعادة وزير الدولة دا
وزير الثقافة القطري ارتجل كلمته ارتجالا وكانت بحق كلمة وافية
اما وزير دولتنا كانت كلمته مكتوبة وكانت الاخطاء كثيرة في قراءته
ياخي كلمة مقدمة الحفل كانت افضل من كلمته المكتوبة
هولاء هم عينة من حكومة ال 77 وزير .. الولاء وليس الكفاءة
|
Post: #26
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-05-2010, 00:57 AM
Parent: #10
Quote:
اسوأ ما فيه كلمة سعادة وزير الدولة دا |
ياكمبورةهو بالله في زول يرضى لي نفسو يكون وزير دولة بوزارة الثقافة وهو ما قادر يقرأ كلمة مكتوبة ليه .؟؟؟
ده نتوقع منو اي حاجة ...
تسلم على المرور
|
Post: #11
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: هشام درماس
Date: 10-03-2010, 05:57 PM
Parent: #8
ههههههههه دى بالغته فيهاياكمال سالم .. انابس عندى استفسار عن الوزيرالمقصودمن هو؟؟؟؟؟
|
Post: #14
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-03-2010, 06:57 PM
Parent: #11
| Quote: ههههههه دى بالغته فيهاياكمال سالم .. انابس عندى استفسار عن الوزيرالمقصودمن هو؟؟؟؟؟ |
صديقي الحبيب درماس
انت كمان منورنا في الدوحة والله
قلت للشباب أمبارح لو كان عندنا حفلة اليومين دي ونقول كده نخمش لينا تلاتة اربعة كمنجات على ساكس وبيكلوآخخخخخخخخخخخخخخخخخخخخخخ ...!
الوزير المقصود هو على مجوك وزير الدولة ...
تشكر ومنور البوست
|
Post: #15
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: بدر الدين الأمير
Date: 10-03-2010, 07:17 PM
Parent: #11
| Quote: ههههههههه دى بالغته فيهاياكمال سالم .. انابس عندى استفسار عن الوزيرالمقصودمن هو؟؟؟؟؟ |
يادغيس
وباقى المتداخلين
انتو شفتو المعرض التشكيلى حاجة تكسف طريقة العرض واللوحات المعروضة بلا مضامين
اما معرض الكتاب حدث هم ماعندهم حرج التسعيرة خادعة للبياع يعنى خم الدايور
وهو يقول ليك بكم ونائب الوزير الذى انهى حفل محمد الامين في الحادية عشر الزول دا
مبرمج على كدا منذ اكثر من عشرين سنة ليش انتو مستغربين
وفي ناهية المطاف تلك هى وزارة الوزير السمؤال خلف الله القريش
وليس في الامر عجب
|
Post: #23
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-04-2010, 10:08 AM
Parent: #15
الحبيب بدر الدين الأمير
والله نحن ما ناس معارض والذي منو ..
نحن ناس مزيكا ساااااكت
بس يخبل لي لو كان ده السموءل كان الوضع سيكون مختلفاً
والله أعلم
تشكر على مرورك
|
Post: #20
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-04-2010, 07:10 AM
Parent: #7
Quote: الله على زاد الشجون ،،،
فعلا كان محمد الامين بالامس فى كامل حضوره الممتع ،، |
ود العباسية
من من الحضور من لم يلاحظ إنفعال الأستاذ الذي بلغ به حد إجهاشه بالبكاء (والنخجي ) وهو يؤدي زاد الشجون...!
ومن منا (غير الوزير وطقمته ) من لم يبكيه ذلك المنظر ؟؟؟
تشكر على مرورك وإثرائك البوست
|
Post: #16
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-03-2010, 11:05 PM
Parent: #6
| Quote: ياخي ما يمشي .. هو أصلو قفة واللاّ أضان قفة ؟؟ .. ينهي الحفل ليه ؟؟ |
تقول شنو بالله
ما قلت ليكم الزول ده فاهم إنو الحفل ده والبرنامج ده عاملينو ليهو هو وبس ...!
مع إنو جاي ممثل ومشارك بكلمتو الأتكلم عنها كمبورة دي وبس
والأستاذ محمد الأمين جاي مشارك بكل روائعه وتاريخه الذي طالما أثرى وجدان كل السودان ولعقود من الزمان ...
غايتو أهو بنحاول نقول البقرة في الإبريق ...!
|
Post: #17
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-03-2010, 11:24 PM
Parent: #16
عفوا فبسبب الإنفعال بالأحداث الغريبة والمحبطة اللي حصلت فاتني أن ارحب بالموسيقار أبو اللمين والأستاذ عمر إحساس وبزملاء الدرب القدامى من الأساتذة الموسيقيين الذين حضروا برفقة كل من الأستاذ الموسيقار أبو اللمين وبرفقة الأستاذ المتألق عمر إحساس ...
فمرحباً بهم وهم يغسلون عنا صدأ سنوات الغربة ويبردون بعضاً من أشواقنا للسودان وأهله وفنه ...
وقد كانت لفتة بارعة من الأستاذ الزميل هشام درماس وبرغم قصر مدة إقامته بالدوحة فقد إتصل بي طالباً أن نذهب سوياً لمقابلة الزملاء الموسيقيين وقد قام برفقتي بزيارة الوفد من الموسيقيين بالفندق وكنا هناك لكننا لم نجد إلا بعضاً منهم فقد كانوا في دعوة من الشباب السوداني بالدوحة وذلك بالمركز الثقافي السوداني ...
فذهبنا هنالك وقضينا وقتا حميما معهم .
فالتحية لك أخي الفنان هشام درماس ومرحباً بك في الدوحة وأتمنى لك إقامة طيبة . بين ظهراني محبي فنك ..
ومن قبل ومن بعد قالتحية لك أستاذنا العظيم أبو اللمين والترحاب بك بالنيابة عن كل أفراد الجالية السودانية بالدوحة ..
ولك العتبى حتى ترضى ...
ولنا كل الشرف أن نلتقيك ونستشف من ريحة إبداعاتك ..
فأنت وأمثالك من عظماء ومبدعي بلادنا هم الذين يمنحونا معنى أن نعيش ونبتهج و...ننتصر ...!
|
Post: #18
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: Dania Elmaki
Date: 10-04-2010, 04:27 AM
Parent: #17
و الوزير ده ما يمشي ينوم كان داير ينوم, الناس ذنبها شنو ولا يكون اللاستاذ مأجر منه العود ولا مستلفه منه؟
ذكرني واحد كان بيأجر ساوند سستم لفنان و بيمشي معاهم اي حفله بس عشان يحرس الساوند حقه و اول ما الحفله ما تعجبه يصر انهم ينهوا الحفله و يدوهوا الساوند حقه, اها اتفقوا عليه الشباب و اشتروا ليهم ساوند عشان يرتاحوا منه.
|
Post: #19
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: ebrahim_ali
Date: 10-04-2010, 07:03 AM
Parent: #18
تحياتي للاستاذ عثمان وللجميع
وزير الدولة للثقافة الذي امر بإنهاء الحفل غير جدير بهذا المنصب تماما لانه ليس له علاقة بالثقافة او الفنون هو محارب سابق في حركة عبد الواحد ومن موقعي اتفاقية ابوجا وما هذا المنصب إلا محاصصة للحقائب الوزارية التي حظي بها من حظي من متمردي دارفور والحركات المسلحة
وهذا اقتباس من عمنا قوقل عنه
| Quote: (يذكر ان الوزير مجوك هو احد موقعي اتفاق ابوجا للسلام بين الحكومة السودانية وعدد من حركات دارفور المسلحة من بينها حركة "الارادة الحرة" التي يمثلها. وشغل مجوك الذي ينحدر من قبيلة الرزيقات في دارفور منصب الامين السياسي لـ "حركة تحرير السودان جناح عبدالواحد نور", ثم الامين السياسي لـ "حركة تحرير السودان الارادة الحرة".)) |
لذلك نستبعد عنه صفة الكوزنة وانه جاثم على صدرونا عشرون عاما عجافا انه قادم جديد ولسع في بداية الطريق ووزير دولة ولم يترقي لمنصب وزير بعد لذلك ربما نجد له العذر ولكن في الحلقة غصة مما حصل للاستاذ ود اللمين
|
Post: #21
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: Salah Abdulla
Date: 10-04-2010, 07:50 AM
Parent: #19
عشان الحركات دي ( وغيرها ) شارع الأسبوع السوداني ده ما قاعدين نجي ماشين بيهو..
|
Post: #22
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: محمد أبوالعزائم أبوالريش
Date: 10-04-2010, 08:07 AM
Parent: #21
| Quote: عشان الحركات دي ( وغيرها ) شارع الأسبوع السوداني ده ما قاعدين نجي ماشين بيهو.. |
والله يا صلاح ياخوي .... أنا زيك ما مشيت ولا فكّرت ......... لكن الوزير ده السواها ما سبقوا عليها زول.
قلتو لي السبب شنو؟ ماشي ينوم؟ .......... قول ليهو (النجما)
|
Post: #37
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-06-2010, 04:12 PM
Parent: #19
Quote: تحياتي للاستاذ عثمان وللجميع
وزير الدولة للثقافة الذي امر بإنهاء الحفل غير جدير بهذا المنصب تماما لانه ليس له علاقة بالثقافة او الفنون هو محارب سابق في حركة عبد الواحد ومن موقعي اتفاقية ابوجا وما هذا المنصب إلا محاصصة للحقائب الوزارية التي حظي بها من حظي من متمردي دارفور والحركات المسلحة
وهذا اقتباس من عمنا قوقل عنه
Quote: (يذكر ان الوزير مجوك هو احد موقعي اتفاق ابوجا للسلام بين الحكومة السودانية وعدد من حركات دارفور المسلحة من بينها حركة "الارادة الحرة" التي يمثلها. وشغل مجوك الذي ينحدر من قبيلة الرزيقات في دارفور منصب الامين السياسي لـ "حركة تحرير السودان جناح عبدالواحد نور", ثم الامين السياسي لـ "حركة تحرير السودان الارادة الحرة".))
لذلك نستبعد عنه صفة الكوزنة وانه جاثم على صدرونا عشرون عاما عجافا انه قادم جديد ولسع في بداية الطريق ووزير دولة ولم يترقي لمنصب وزير بعد لذلك ربما نجد له العذر ولكن في الحلقة غصة مما حصل للاستاذ ود اللمين |
أخي إبراهيم علي
أشكرك على إثراء البوست...
بس أنا مقصدي من البوست في الأساس هو تبيان ما حاق بالأستاذ محمد الأمين- وأنت وكلنا يعرف من هو أبو اللمين - من ظلم وحرج مع جمهوره ...
سواء صدر هذا الفعل الذي سبب رد الفعل ده من وزير أو خفير ....
وسواء كان مجوك كوز ولا شيوعي ..
فالتصرف هو المرفوض .. وخاصة أنه صدر من وزير دولة يفترض فيه إهتمامه بالثقافة ومنوبيها بشكل عام - خليك من أن يكون المنسوب ده أبو اللمين ..
من ينسب لمن ؟؟؟
الثقافة السودانية - في رأيي - هو من تتشرف بالنسب والإنتساب لود الأمين ..
تشكر مجدداً على المرور
|
Post: #25
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-04-2010, 05:54 PM
Parent: #18
Quote: و الوزير ده ما يمشي ينوم كان داير ينوم, الناس ذنبها شنو ولا يكون اللاستاذ مأجر منه العود ولا مستلفه منه؟
ذكرني واحد كان بيأجر ساوند سستم لفنان و بيمشي معاهم اي حفله بس عشان يحرس الساوند حقه و اول ما الحفله ما تعجبه يصر انهم ينهوا الحفله و يدوهوا الساوند حقه, اها اتفقوا عليه الشباب و اشتروا ليهم ساوند عشان يرتاحوا منه.. |
ههههههههههههههههه
تعرفي يا دانيا كلامك ده ذكرني قالوا زماااان ناس الجريف غرب والشيطة كان عندهم بص واااحد
وناس الجريف عادة بيجوا يخشوا سينما كلوزيوم
وعمك بتاع البص يقعد في السينما ولما الفيلم ما يعجيو يقوم على حيلو ويلف عمتو ....
ومن يشوفوه ناس الجريق يقوموا كلللهم يتخارجوا ويركبوا معاهو ...
يعني هو الكان بيحدد ليهم يكملوا الفيلم ولا لأ ...
وزولك بتاع الساوند ده تراهم الناس لقوا ليهم مخارجة وإشتروا ليهم ساوند براهم ..
نحن نسوي شنو ... نشتري لينا وزير يفهم ثقافة من وين ؟؟؟
الله يكون في عونا ...
وتشكري على المرور وإثراء البوست
|
Post: #27
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: أبو ساندرا
Date: 10-05-2010, 08:23 AM
Parent: #25
على صلاح عبدالله ومحمد أبوالعزائم
أن يموتا بغيظهما
أنا ظلت منذ السبعينات الأولى أسك حفلات الأستاذ ابواللمين
وشهدت مئات إن لم تكن الآف الحفلات له
أقول وبغم مليان أن أبواللمين في حفل الإفتتاح في المسرح
وفي القرية التراثية بحديقة البدع على الكورنيش
غنا كم لم يغن من قبل
بمزاج حاضر وصافي
وقد قلت ذلك للأخ الصديق الطيب بشير وزوجته
ومن النادر أن يغني ابواللمين عويناتك
وعندما يغنيها فهذا مؤشر لحالته المزاجية
وتبعآ لها يكون الناس على موعد مع الإبداع والتألق
ويوم البدع فعل العجب في زاد الشجون
غايتو علي مجوك بناني ، بالغ
انا كنت مشتهي ( بتتعلم من الأيام )
|
Post: #28
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: طارق ميرغني
Date: 10-05-2010, 08:54 AM
Parent: #27
اخي عثمان
كونو ابو اللمين يغني ليكم عويناتك وزاد الشجون
معناتا انو في غاية الانبساط واراد ان يقدم لكم كل شي يا ناس الدوحه
لكن لو غني تاني عندكم يكون بالغ
مفروض يتلايم عودو وعلي المطار عدل
او ياهو يا الوزير
وانا عارفو راجل لا يخلو من حماقه
|
Post: #40
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-06-2010, 07:56 PM
Parent: #28
Quote: اخي عثمان
كونو ابو اللمين يغني ليكم عويناتك وزاد الشجون
معناتا انو في غاية الانبساط واراد ان يقدم لكم كل شي يا ناس الدوحه
لكن لو غني تاني عندكم يكون بالغ
مفروض يتلايم عودو وعلي المطار عدل
او ياهو يا الوزير
وانا عارفو راجل لا يخلو من حماقه |
الأستاذ طارق ميرغني
سعيد أنا بإطلالتك هنا ..
فعلاً ده كان رأي الأستاذ في المرة التانية الإتكرر فيها الإحراج ده أنو ما حيغني تاني
لكن ما حدث بعدها هو أن سعادة السفير إبراهيم فقيري الرجل الدبلوماسي المحترم وسعادة القنصل عماد حجازي الرجل الخلوق قد قاما بالإعتذار للأستاذ عما حدث وبينا له أن ذلك كان نتيجة لسوء فهم يتمثل في عدم معرفة الوزير بسير البرنامج
وفي كل الأحوال كلنا مدينون للأستاذ بالإعتذار للقامة محمد الأمين عما حدث ..
والغريب أنه هو - أي الأستاذ أبو اللمين - من قام بالإعتذار للجمهور في الحفل التالي وقد كان إعتذاراً لبقاً منه حيث ذكر بأنه كان قد جاء ليغني ويغني ويغني إلا أنه لم يكن باليد حيلة ...
وشكله كده فش غبينته بالكلمات دي ..
تسلم مجدداً على تشريف البوست
|
Post: #29
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: قلقو
Date: 10-05-2010, 08:56 AM
Parent: #27
الأخ عثمان دغيس ,
انا لا أدرى لماذا تحولون الأحداث السعيدة الى احزان ؟ فالوزير اداكم عرض اكتافو وعجاج كرعي . اليس هذا حدثا مفرحا فى حد زاتو؟ فكان من المفترض بعد داك تدورو غنا ومزازيك حتى صياح الديك .
ولو ماعندكم ديكة فى الدوحة كان ممكن تستعينو بالأخ ابو ساندرا, فكان حيقوم بالواجب وزيادة .
مع تحياتى لكما.
|
Post: #30
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: محمد أبوالعزائم أبوالريش
Date: 10-05-2010, 11:23 AM
Parent: #29
| Quote: المفترض بعد داك تدورو غنا ومزازيك حتى صياح الديك . |
يا قلقو ياخ ... قال ليك الزول ده قفلها وشال معاهو المفتاح وكسح.
عايز تعملها دكاكينية؟ أو زي ما سموها الأيام دي Overnight?
|
Post: #31
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: أبو ساندرا
Date: 10-05-2010, 12:43 PM
Parent: #30
Quote: ولو ماعندكم ديكة فى الدوحة كان ممكن تستعينو بالأخ ابو ساندرا
فكان حيقوم بالواجب وزيادة . |
ديوك شنو يا قلقنا العزيز
بس ( دجاجي يلقط الحب )
بعدين واجب الديك أبو هوا ده ما بيخارج معاي
حبابك
|
Post: #32
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: قلقو
Date: 10-05-2010, 01:41 PM
Parent: #31
| Quote: بس ( دجاجي يلقط الحب ) |
انا عارف ياابوساندرا بس حبيت ارفع المعنويات .
|
Post: #34
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-06-2010, 08:11 AM
Parent: #30
| Quote: عايز تعملها دكاكينية؟ أو زي ما سموها الأيام دي Overnight? |
أبو العزائم
والله كتلتني بالضحك ...
هو زول قال علي وعلى أعدائي ...وشتت
مع إننا ما أعداؤه ...
ولا أبو اللمين طبعاً
وإلا ما كانوا جابوه معاهم ...
|
Post: #33
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-05-2010, 10:29 PM
Parent: #29
فوق
ان كان ود القريش يحن علينا بي صورة ولا فيديو
ان شاء الله سلفة من منبر السودانيين الاحرار ...
|
Post: #35
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: أبوالقاسم مضوي أحمد
Date: 10-06-2010, 11:08 AM
Parent: #33
حبيبنا عثمان الدغيس
اخشى أن يكون السبب في الإنهاء المبكر لحفلات الأستاذ محمد الأمين هو عدم القدرة على تذوق هذا الفن الأصيل وعدم المعرفة بقدرات الأستاذ دوما على اسعاد الناس ، لذلك ربما لم يكن ذا اهمية ان ينتهي أو بالاحرى ينهى الحفل بإشارة من مسئول لكن المأساة أن هذه الطريقة قد احرجت فننا قبل ان تحرجنا مع فنان بقامة الأستاذ.
الله يصلح الحال
|
Post: #39
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عماد شمت
Date: 10-06-2010, 07:40 PM
Parent: #38
والله يادغيس انا في البلد البعيييييده دي اتمغست ومرارتي انفقعت
الناس جات من وين؟؟؟؟؟
|
Post: #41
Title: Re: الموسيقار محمد الأمين في حفلات الدوحة ....كاد أن يموت غيظأ بسبب وزير الثقافة السوداني !!!!!
Author: عثمان دغيس
Date: 10-07-2010, 08:34 AM
Parent: #36
| Quote: ولدنا راكوبة كان حاضر |
تسلم يا ود العباسية ويسلم ولدكم راكوبة على دعم البوست بالشغل النضيف ده ....
بس يا ود القريش تاني تعال إتبسم لي وقول لي انا أخوي وزير ولا رئيس ...!!!
قلنا ليه أدعمنا بصور إن شاء الله سلفة قام عملت ميت ...!
|
|