هل صحيح؟: البشير في جكـة للــه لغاية ليبيا؟..

يبدو أن ناس المؤتمر الوطني فعلا كورتهم فكـّت..!
يعني طبخة نيّة للغاية..!!


حسب كلام الجرائد السودانية.. ناس مجلس الأمن داخيلن البلد يوم الإتنين..و البشير معرد..في جكة لله لغاية ليبيا..!!

كبر

عن صحيفة الصحافة السودانية..

Quote: مجلس الأمن يصل السودان الثلاثاء المقبل مصـادر: البشير لـن يلتقي أعضاء المجلس الخرطوم: نيويورك:جعفر السبكي: يزور السودان الثلاثاء المقبل، اعضاء مجلس الامن ،لمطالبة المسؤولين في الشمال والجنوب بتعجيل الاستعدادات الخاصة بالاستفتاء على استقلال الجنوب. واكد وزير الدولة بالخارجية، كمال حسن علي، لـ»الصحافة»ان الزيارة تأتي في اطار الزيارات العادية للوقوف على الاوضاع في السودان ،وجدد تمسك السودان بموقفه الرافض للزيارة حال اصرار الوفد على عدم مقابلة الرئيس البشير، ونقلت رويترز عن دبلوماسي في المجلس قوله ان المجلس سيعمل على حث الشمال والجنوب على بذل قصارى جهدهما لاجراء الاستفتاء في موعده التاسع من يناير ،ولضمان الانتقال السلمي بعد ذلك اذا اختار الجنوب الانفصال»،واضاف «نريد أيضا تفقد الوضع المثير للقلق على الارض في دارفور.» وقال مبعوثون في الامم المتحدة ان المجلس قرر هذه الزيارة قبل شهور، ولكنه كاد يلغيها بسبب مخاوف في الولايات المتحدة ودول اخرى بخصوص اضطرار السفراء الى الالتقاء بالرئيس البشير ،وكشف دبلوماسيون طلبوا عدم الافصاح عن اسمائهم، انه لكي يتسنى اتمام الزيارة اتفق أعضاء المجلس على عدم طلب مقابلة البشير، وأوضح دبلوماسي في المجلس «مجلس الامن لم يطلب الاجتماع مع البشير ولم تقترح حكومة السودان عقد مثل هذا الاجتماع.»،لكن مصادر مطلعة ابلغت «الصحافة» ان الرئيس البشير، لن يكون موجوداً في البلاد لمشاركته الاثنين المقبل في القمتين العربية الاستثنائية والعربية الافريقية بليبيا ،مؤكداً ان القمة مبرمجة من قبل تحديد زيارة مجلس الامن. ومن بين الشخصيات المتوقع سفرها الى السودان، سفيرة الولايات المتحدة لدى الامم المتحدة سوزان رايس، والسفير الفرنسي جيرار أرو، والسفير البريطاني مارك ليال جرانت،وتبدأ رحلة المجلس في كمبالا بأوغندا وسيتحرك الى جوبا ، ثم يعتزم الوفد التوجه الى دارفور ومنها الى الخرطوم.

يا ربي ..يكون ماشي يسلم على خليل ابراهيم؟..

طبعا الريس جنو مطالعة.. يكون ماشي يطالع خليل ابراهيم في خلاء ليبيا..!!


غايتو الله يجازي الكان السبب..!
اول مرة واحد يشوف ليهو سوداني بيعرد من ضيوفو..!!


كبر

ياخي كان تقول لينا ماشي دبكاية الزنقور في زيارة تفقدية لجماهير غرب كردفان ، لكن ليبيا عدييل؟!!

يازول اركز..!!
الناس الجايين دييل مافيهم بوليس واحد عشان يقبضك..!!



كبر

بالله يا كبر
الزول ده مرقها في ليبيا يا كبر؟؟!!

مبالغه!!

امانه ما تعريده بتي ك ل ب دي ؟؟!!

نسيت اقول سلام يا كبر.

اقعد في زيارة مرتبة..و زيارة مبرمجة..و زيارة مسبقة.. لمن يوم تلقى روحك في لاهاي..!

ياخي غشنا قول لينا ماشي رحلة شتا في جبيت..ولا اركويت..

ولا اقول ..ليك..!

قول ماشي لي عزاء..ولا طهور..ولا سماية ذاتو..في قرية من قرى السودان..!

لكن ليبيا؟!!..

سعادة الريس ، طبعا ما ح تستقيل.. لكن انتحر ياخي..!
ليبيا شنو يا زول..!!!

كبر

Quote: مبالغه!!

تراجي..حبابك يا صديقة

ناس (موصوهو و اشربو مويتو)..و ناس ( تحت نعالي)..الخ..!
الخوف الريس في الجكة دي تقع منو نعال..تاني يعفص بي شنو؟!!
و هو نحن فاضيين الريس يمشي من غير نعليين.تطير الجكة..و يا ليبيا ان شاء الله تعقري..!!!

كتر خيرك على المرور..
حولية فاتت هشام هباني..ياخ..!

كبر

تخرجون..
تهتدون..
تعودون..
تلفحون..
تلهطون..
تفلحــون..


لكن..
تتليبون..
دي اول مرة نسمع بيها..!!

حولا..!!
دي ما تركعون ذاتها ..ولا كلامي ده اعوج؟


كبر

الهبيب كبر...
سلامات يا اخي و كيف الحال بيكم في غربنا الحبيب...
كما يقول ود الباوقة ان الرئيس يحفظ لوح قرأن كل اسبوع و هو الان يناهز ال65 ... يا ربي يكون حفظ كم لوح ... و لكن يبدو انو كان مهموم بحفظ الالواح و لم يركز في انو البلد مدحرجة في اتجاه الهاوية..
اخيرا يبدو انه اكمل الالواح او توقف عن قراءتها و انتبه الي حال البلد فوجد الحال لا يسر فنطق بالاتي:
"في اجتماع مجلس الوزراء اليوم قال البشير اننا عرضنا البلد للانقسام من اجل السلام واذا حصل انفصال وحرب يكون هذا اسوء سناريو في التاريخ ونكون قسمنا البلد وما حققنا السلام "

علي كلام المصريين ... السوداني مخو بيجي الساعة 12

وفد مجلس الامن للخرطوم قال لن يصافحوا البشير/ والخارجية تستهجن.

الخرطوم تمنح الضوء الأخضر لمجلس الأمن لزيارة السودان د...بشير!ما قلتوا نوبة!!

المُؤْتَمَرُ الوَطَنِىُّ: لن نَسْمح لأى وَفْد يَزورالبِ...لْتقى ومن لا يَلْتقي



الإعلام الإلكتروني: أعلن حزب المؤتمر الوطنى أنه لن يسمح لاى وفد يزورالسودان أن يحدد من يلتقى ومن لا يلتقى

وقال امين أمانة الاعلام الناطق الرسمى باسم الحزب الاستاذ فتحى شيلا تعليقاً على الزيارة التى تم الاعلان عنها من قبل وفد من مجلس
الامن استبق وصوله بالاعلان بانه لن يلتقى الرئيس البشير قال أن الوفد لن يجد من يرحب به أو يلتقيه من قيادات الدولة أو المؤتمر الوطنى

من ناحية أخرى ، جدد الناطق الرسمى امين الاعلام بالمؤتمر الوطنى التزام الحزب بالحوار الدائر مع الحركة الشعبية عبر الآلية المشتركة وقال
أن قيادات الحزب فى انتظار الاستماع لتنوير من الاستاذ على عثمان محمد طه نائب رئيس الجمهوية والحزب حول مادار فى اجتماع نيويورك ومن
ثم تقييم الموقف واتخاذ مايتم الاتفاق عليه من قرارات.

Quote: اقعد في زيارة مرتبة..و زيارة مبرمجة..و زيارة مسبقة.. لمن يوم تلقى روحك في لاهاي..!

وما لها لاهاى يا كبر اخوى ؟؟!! عيبها لى!!

( دة اليوم الدايرينه ليك ياعمر مبروك عليك)

على الأقل راحة واستجمام من الجرى والخوف الحاصل ليه دة؟؟!!

تحياتى

صديقي محجوب..حبابك
حفظ القرآن كويس يا محجوب..و الريس بعض الجماعة سولوا ليهو انو ممكن يبقى فكي أمبتاري..!!
يادوبك اخونا فهم انو فعلا قسموا البلد..و ماشين على الحرب (حسب البوق مصطفى عثمان ..بتاع كل زول يجهز)..و الحاجة الماداير يقتنع بيها البشير انو برضك ح يتحاكم..بعد ما قسم البلد و دخل في الحرب و طيز الوزة كمان..!

كبر

محمد على حسن..حبابك يا صديق
كتر خيرك على المرور..

المؤتمر الوطني زي الإتجاه الإسلامي زمان في جامعة الخرطوم ، أول من يطلق كذبة و يجي تاني يصدقها..

زمان التضارب في الأقوال و المواقف كان بياخد فترات متباعدة.. اعتماد على ذاكرة الشعب السوداني المهترئة (كما يعتقد المؤتمر الوطني و اهله).. عشان كده بيقولوا تصريح..و بياخدو صنة..و بعد داك بيضربوا بيهو عرض الحائط..
لكن المرة دي بقت ام هلا..هلا..عديل.. يصرحوا و قبل ما يجف حبر التصريح.. يكون مشوا مية و تمانين درجة..!!

كبر

صديقتي مهيرة..حبابك..
لينا طولة..
كتر خيرك على المرور

Quote: وما لها لاهاى يا كبر اخوى ؟؟!! عيبها لى!!

لاهاي يا مهيرة بتشكل مستقبل الريس..باقي ليك زول بيقدر يقول فيها شق ولا طق؟..
يعني باقي ليك بنقدر نشكك في مستقبل الريس؟..ليه عشان بعدين الجماعة يطلعونا طابور خامس؟..

غايتو لو بعدين كمال حسن على ..جا و قال لينا الريس ماشي لاهاي وفقا لبرنامج مسبق..يكون احرجنا شديد..!

المؤتمر الوطني قاعد يتخلص من البشير رويدا رويدا..!

كبر

العزيز كبر

تحياتي التي لا تخفي عليك

ذَكرت الاتي

Quote: المؤتمر الوطني قاعد يتخلص من البشير رويدا رويدا..!

خلينا من البشير, المؤتمر الوطني ذاتو هو شنو

متين كان مؤتمر (تحديد زمان و مكان)

و متين كان وطني (تحديد افعال و أقوال) بِشَرطْ أن تَكُون مُتَجَانِسة

و ليَكُن تَفكيرنا عميقاً عُمق مَحَبَتنا لِلْوطن

نَحنُ لا نَخْشي البَشِير و لكن نحب الوَطَنْ

ــــــــــــــــــــ

دمت بعافية

الأخ كبر
لك التحية و الإحترام

Quote: حسب كلام الجرائد السودانية.. ناس مجلس الأمن داخيلن البلد يوم الإتنين..و البشير معرد..في جكة لله لغاية ليبيا..!!

بالله هل هناك فضيحة أكبر من دي؟

هسي منو سيد البلد ؟؟!!

منو البقعد و يقوم علي كيفو؟؟!!

ناس سوزان رايس جايين السودان .... رئيس السودان يتلب بالحيطة .. لليبيا !!!
لييييه؟؟ ... لأنو ناس سوزان رايس قالو لعلي عثمان : نحن جايين و مش عايزين نشوف رئيسك ده!!!
و الأقبح هو تبرير ناس الحكومة !!!

حامد الصاوي..حبابك يا صديقي
كتر خيرك على المرور من هنا..

Quote: و ليَكُن تَفكيرنا عميقاً عُمق مَحَبَتنا لِلْوطن

لا اعتقد أن محبة الوطن تساوي محبتنا للبشير.. فنحن نقول البشير يجب أن يحاكم اليوم قبل الغد..فهل هذه المحاكمة هي محاكمة للوطن؟..
الوطن تمزق يا صديقي..و حتى لو كان شبرا واحد من التراب هو برضك وطن..

Quote: نَحنُ لا نَخْشي البَشِير و لكن نحب الوَطَنْ

لا ادري يا صديقي قاعدة الشرط التي اعتمدتها هنا..فماهي العلاقة بين عدم الخوف من البشير و محبة الوطن؟..يعني نفهم من كده يا صديقي أن محاكمة البشير انت معترض عليها محبة في الوطن..ولا الفكرة شنو؟..

الوطن يا صديقي اليوم تحكمه الـ CIA و غيرها من المخابرات الواصلة..و حضور على عثمان محمد طه الى الولايات المتحدة.. ليس بغرض مصالح السودان و انما بغرض مصالح الجبهة الإسلامية..
غدا يا حامد..سيذهب الجنوب..
و بعد الغد سيذهب غرب السودان..
و سوف يبقى عمر البشير يدير ما تبقى من ضيعة..
اما الطيبون.. فألاماني لا تصنع وطن..!
و نشوفك يا صديقي..

كبر

محمد سليمان..حبابك يا صديقي
كتر خيرك على المرور من هنا..

Quote: بالله هل هناك فضيحة أكبر من دي؟

دي هينة يا محمد.. احتمال الراجل يسافر بلوري ZDy ولا.. KY

الحكومة يا صديقي صارت في حال لا تعي افعالها (يعني سفاهة قانونية عدييل كده تستوجب الحجر)..عشان كده الطربقة حاصلة..!

و الأغرب..بلد مليانة بجيوش الأجانب..و شركات الأجانب..و تجار السلاح..و المستثمرون (قدر ظروفك)..و بعد ده كلو في ناس عينها قوية تتجي تتكلم ليك عن العمالة و الإنبطاح للأجنبي..و هل هناك انبطاح اكتر من كده؟..

غايتو زيارة ليبيا الكتيرة في الآونة الأخيرة.. يا اما البشير ناوي يورث القذافي و يحكم ليبيا..او كمان يكون بيمهد لرحلته الى لاهاي بالبحر..!!

نشوفك ..
كبر

التراجع السريع في مواقف حكومة المؤتمر الوطني.. يعني أن تلك الحكومة فقدت البوصلة..
و امريكا هي التي جاءت بخوازيق كتيرة..و كان المؤتمر الوطني يقبل بها غصبا عنه..!

و الآن الحبل اتلف باحكام حول رقبة الحكومة..
الجنوب سينفصل..
و أبيي..ستذهب مع الجنوب..
و المؤتمر الوطني يعتقد أن في هذه التنازلات ما يحقق سلامته و سلامة افراده..و لكن !

سيذهب البشير ، كارها ، الى المحكمة الجنائية الدولية..
و في سبيل تفادي ذلك.. سيقوم المؤتمر الوطني بخطوتين:
الأولى: اجبار البشير على الإستقالة.. و الإختفاء عن الصورة..أو
الثانية: أن يتوفى البشير في ظروف غامضة..!

هكذا تبدو ملامح السناريو الظاهرة.. اما الملامح الباطنة فهي مختلفة تماما..و ستذهل المراقبين..!!

كبر

من المظاهر الباطنة..
ماذا تريد امريكا بالضبط؟..

مسالة انفصال أو بقاء الجنوب متوحدا مع السودان هو امر في يد الإدارة الأمريكية و مخابراتها..!

وسوف تستمر في المناورة..!
و سوف تحرك وفود مجلس الأمن و الأمم المتحدة..و الإتحاد الأوربي..للحضور الى السودان..و سوف يشهد بنزاهة الإستفتاء و التي تقود بدورها للوحدة..!!
وحدة السودان ، يمكن أن تقدمها امريكا منحة اكرامية لرجل واحد و هو على عثمان محمد طه.. كما تم الوعد بها في الزيارة الأخيرة..و لكن ما هو مقابل ذلك؟..

مثل هذا السؤال لا يعني اهل السودان..!!


كبر

منذ ان تسلم الجنرال جوناثان اسكوت قريشن مهمته كمندوب خاص من قبل الإدارة الأمريكية للسودان ، فلم يعد المؤتمر الوطني هو من يدير امور السودان ولا الحركة الشعبية، و انما الولايات المتحدة هي التي اصبحت تفصل الأمور..و الجماعة يشيلو و يطبقوا فيها بحذافيرها..

جكة البشير الى ليبيا.. هي سلعة صنعت في امريكا..

و مناديب مجلس الأمن (منهم اعضاء دائمي العضوية في المجلس ، مثل امريكا ، بريطانيا ، و فرنسا..و اعضاء مؤقتي العضوية مثل النمسا و المكسيك ) في زيارتهم للسودان.. كانت المسألة مرتبة ..و بتخطيط مشترك مع المؤتمر الوطني..تأخيرها كان بسبب الولايات المتحدة..و التي كانت تحرص على أن يقطع البشير وشو من السودان..!!

يبدا الوفد زيارته بكمبالا العاصمة اليوغندية..ثم جوبا .. ثم دارفور.. ثم الخرطوم..
في غضون ذلك يكون البشير متدسي في ليبيا..!!

فكرة ضرورة ترسيم الحدود قبل الإستفتاء هي الوصفة التي قـُدمت للمؤتمر الوطني و اخذ يعمل بها..!!

فهل لازال اهل السودان يعتقدون جزما أنهم يملكون امرا على الوطن الذي يعيشون فيه؟

كبر

سفر البشير المتتالي ، و الذي تروج له اعلام المؤتمر الوطني بأنه تحدي للمحكمة الجنائية، هو تدبير محكم من الولايات المتحدة الأمريكية..

الغريبة أيتها دولة البشير يعلن انو ماشي ليها ، يكون جوناثان اسكوت قريشن قد زارها ووضب الأمور فيها ..و بعد داك الريس يقدل..!!

و لكن لماذا ليبيا تحديدا ..و هذه اكثر من مرة البشير يذهب الى زيارتها؟..
قريشن مشى قطر..بعدو البشير مشى قطر..
قريشن مشى تشاد..بعدو البشير مشى تشاد..
قريشن مشى كينيا..بعدو البشير مشى كينيا..
قريشن مشى ليبيا..اهو البشير سواها درب زرع !!!
كل هذا التسارع وفقا للمخطط الأمريكي..!


الخطوة القادمة ، سوف تنزل الولايات المتحدة بثقلها في مفاوضات الدوحة(و هي التي اعلنت ندمها تكرارا على تماطلها في مفاوضات ابوجا) و تعجل باحداث اتفاقية سلام شامل هناك..و ستكون مثل اتفاقية نيفاشا..!!!
ستخط امريكا راسها مع الصين..و سيؤجل استقلال الجنوب الى حين..!!!



كبر

Quote: ،لكن مصادر مطلعة ابلغت «الصحافة» ان الرئيس البشير، لن يكون موجوداً في البلاد لمشاركته الاثنين المقبل في القمتين العربية الاستثنائية والعربية الافريقية بليبيا ،مؤكداً ان القمة مبرمجة من قبل تحديد زيارة مجلس الامن.

الأثنين المقبل ، الذي تحدثت عنه جريدة الصحافة السودانية..كان هو يوم الأمس الموافق الرابع من اكتوبر 2010..و البشير كان بيشارك في عزاء فقيد البلاد ميرغني النصري..يعني متواجد بالسودان..

السؤال: يا اما ليست هناك قمم استثنائية (افريقية/عربية).. او موعدها مختلف عن الموعد الذي ذكره الخبر..!

كبر

القمم الغامضة: في توضيب جكة البشير اياها..

بحثت في كل الصحف العربية ووكالات الأنباء عن اخبار تفيد انعقاد القمة العربية الإستثنائية في مدينة سرت الليبية في تزامن مع القمة الأفريقية العربية و التي ايضا تنعقد في ليبيا..!

كل الصحف ووكالات الأنباء العربية عاملة اضان الحامل طرشاء..و لم تتحدث عن قمم ليبيا الغامضة (حتى ولا بسوء)..و اليوم هو الخامس من اكتوبر..و ليست هناك اشارة لهذه القمم..!!

ناهيك عن اخبار عن الأجندة التفصيلية التي سوف يتم بحثها في تلك القمم الإستثنائية..!!


كبر

و لأن سيد الرايحة ، مستعد يفتح خشم البقرة بحثا عما اضاع..
اول مرة أقرأ الصحف الليبية..و اكتشفت انها سبع صحف ..!
و لأني مواطن اجزم ان مثل هذه القمم هي امور مهمة في تأريخ الأمم.. فلقد كنت اتوقع أن اخبارها تسد الصحف الليبية ( لأن البكا بيحرروهو اسيادو)..!

صحيفة الجماهيرية..و صحيفة الشمس.. في الأخبار الرئيسية .. تتحدث عن المحاولة الإنقلابية الفاشلة في الإكوادور و التي حدثت في 30سبتمبر 2010..!!
طبعا بقية الصحف تناولت نفس الخبر ولكن بصورة اقل..!
و لأول مرة اعرف أن الإخوة و الأخوات في ليبيا تهمهم امور الأكوادور اكثر من امور افريقيا و الدول العربية..و اكثر من ذلك اهمية الإكوادور في مقابل القمم الإستثنائية التي تعقد في ليبيا..مش مهم..حب الناس مذاهب..!

صحيفة الوطن الليبية.. تحدثت مقتضبا عن اجتماع اللجنة التحضيرية للقمة ألأفريقية العربية..و هو كلام عام أي زول ممكن يقولوا و يقول احسن من (الإخوة من ليبيا نو اوفينس)..!
صحيفة ليبيا اليوم.. تحدثت مقتضبا عن القمة العربية الإستثنائية..وحتى هذا الحديث المقتضب..مصدره القاهرة و ليس ليبيا..!

صحيفة عربية اخرى..و هي صحيفة اليوم السابع.. و نقلت الخبر بتأكيد مشاركة الرئيس مبارك في تلك القمة الإستثنائية..!!

اما الصحف السودانية..حالها تحنن.. فهي اول من يحاول ان ينسى كابوس جكة البشير الى ليبيا.. فلم تحدثنا عن القمم الإستثنائية اياها..!

يعني القمم التي يذهب البشير جاكا اليها ..مافي زول شغال بيها الشغلة..!
و هذا يؤكد أن البشير في عملية هروب كبيرة من السودان..!


كبر

يحدثنا البعض أن هناك تكتم في مؤتمر شريكي نيفاشا في اثيوبيا حول منطقة أبيي..!
و هذا التكتم كثر الحديث عنه لإخفاء تكتم اخر و هو اشد عمقا..تكتم عن متابعة اخبار وفد مجلس الأمن..و جكة البشير الى ليبيا..!

و عشان الناس ما يفوتها فيلم جكة البشير..نطئنهم و نقول.. موعد القمم اياها الثامن من اكتوبر الجاري..يعني بعد يومين من تأريخ اليوم..سيخرج البشير متسللا الى المحروسة ليبيا..!!



كبر

قلنا جكة البشير المقبلة الى ليبيا هي صناعة امريكية..ولا يغرن البسطاء ادعاء الجبهة الإسلامية و مؤتمرها الوطني بأنها في حالة عداء مستمر مع امريكا..!

حينما قدم جوناثان اسكوت قريشن خطاب استراتيجيته امام اللجنة الخاص من مجلس الشيوخ الأمريكي..و كان ذلك في يوليو 2009.. فلقد وضع المحاور التي ينوى من خلالها التحكم في المؤتمر الوطني في السودان..

من ضمن تلك المحاور ، قال قريشن:

Quote: To achieve our goals, we must also engage with Sudan’s neighbors and the international community. This is why we have traveled around the world to Chad, China, Egypt, France, Libya, Norway, Qatar, and the United Kingdom to meet with key leaders who share our common concern and want to work together toward shared objectives.

مثل تلك التفاهمات..هي التي بموجبها تم السماح للبشير بالحركة في المحيط الإقليمي..بصورة محدودة..
و مثل تلك الحركة..كان يغض الطرف الأمريكي عنها ..حينما يجعجع بها البشير و اعلام السودان الذي يتباهي بان البشير يتحدى اكامبو و المحكمة الجنائية..!!

و ما يجب أن يفهم اهل السودان.. ان صيحات الوعيد التي يصرخ بها البشير هي صناعة امريكية خالصة..ولو ما اخاف الكضب مرات الأمريكان قاعدين يقولوا ليهو تقول شنو بالضبط..!!

و ما هو المقابل لكل ذلك؟..

كبر