Post: #1
Title: على الحكومـة التحرك بسرعـة، فإن كـرة الثلج تتدحرج!
Author: Abureesh
Date: 10-02-2010, 02:26 AM
بيان ولو مقتضب من القصر أو من رئاسـة الوزراء، أو من مكتب الوزير نفســه، يفسـر تصريح
السيـد كمال عبيد ويضعه فى إطار يمكن فهمـه..
هـذا التنبيه والتحذير موجـه للسيـد مدير الامن الوطنى.. تذكروا كيف بدأت مشكلـة دارفور
حتى صرتم لا تطيقون مجرد سمـاع إسمها الان.. الان بدأت بالفعل الوكالات تتداول هـذا التصريح
ولم يصل الى السياسيين الدوليين بعد، وبعد قليل سيركب الموجة كل من هب ودب وكل من له أطماع
فى البلاد، ويمكن أن تقولوا أعداء الإسلام..
وعلى الله قصـد السبيل ومنها جائر ولو شاء لهداكم اجمعين.
|
Post: #2
Title: Re: على الحكومـة التحرك بسرعـة، فإن كـرة الثلج تتدحرج!
Author: cantona_1
Date: 10-02-2010, 02:31 AM
Parent: #1
نفهم من كدا سيلفا كير يعلنها داوية أنه سيصوِّت مع الإنفصال وما في زول يقول ليهو عينك في راسك.. والمطلوب من كمال عبيد يعتذر.. دا كلام شنو العوج دا؟ سيلفا عايز إنفصال دا الرد الطبيعي من كمال عبيد عشان سيلفا ما يفتكر أنه ماسك السودانيين من يدهم البتوجعهم عشان الوحدة! دا وهم ساكت.. كل زول ينام على الجنب البريحه.
كبـَّـاشي الصــَّافي
|
Post: #3
Title: Re: على الحكومـة التحرك بسرعـة، فإن كـرة الثلج تتدحرج!
Author: Abureesh
Date: 10-02-2010, 02:48 AM
Parent: #2
سلفاكير يا كباشى عنده حق يصوت للإنفصال أو للوحدة حسب قانون ونص فى الدستـور.
ولكن أى قانون أو نص فى الدستور يعطى الحق للسيد عبيد فى حرمان مواطن ســودانى ولد
هو وابوه وجده فى الشمال؟ وبأى شريعـة أو قانون يمنع مريض جاء للطوارئ من حقنة تحفظ
له صحته وربما حياته.. هل نصت إتفاقية نيفاشا أن لو إنفصل الجنوب يحرم الجنوبيون الشماليون
من حقوقهم الدستورية والإنسانية؟
هل تعلم يا كباشى أن منع مريض من العلاج الطارئ يعتبر جريمـة، وهـذا الوزير يدعو لإرتكاب
هـذه الجريمـة؟ وهل تعلم ان أى طبيب تحت قسم بقراط لا يستطيع منع العلاج وإلا يفقد رخصته..
لماذا يصـر المسؤولون ان يكونوا صغاراً؟
|
Post: #4
Title: Re: على الحكومـة التحرك بسرعـة، فإن كـرة الثلج تتدحرج!
Author: النصرى أمين
Date: 10-02-2010, 03:05 AM
Parent: #3
سلام محمد
امس وصلنى ايميل من احدى الجهات التى اتعامل معها..
لاحظت انهم يخاطبونى بالسيد لاشئ ..الحقيقة اتحيرت
وقلت الناس ديل مالهم ...
اليوم وصلنى منهم ايميل بتاع اعتذار ...
وشوف الاعتذار هنا
ناس السودان بتعاملو بعشوائية واى زول ممكن يقول
اى كلام .... فما تؤاخذهم
|
Post: #5
Title: Re: على الحكومـة التحرك بسرعـة، فإن كـرة الثلج تتدحرج!
Author: Zoal Wahid
Date: 10-02-2010, 06:01 AM
Parent: #4
Quote: سلفاكير يا كباشى عنده حق يصوت للإنفصال أو للوحدة حسب قانون ونص فى الدستـور.
ولكن أى قانون أو نص فى الدستور يعطى الحق للسيد عبيد فى حرمان مواطن ســودانى ولد
هو وابوه وجده فى الشمال؟ وبأى شريعـة أو قانون يمنع مريض جاء للطوارئ من حقنة تحفظ
له صحته وربما حياته.. هل نصت إتفاقية نيفاشا أن لو إنفصل الجنوب يحرم الجنوبيون الشماليون
من حقوقهم الدستورية والإنسانية؟
هل تعلم يا كباشى أن منع مريض من العلاج الطارئ يعتبر جريمـة، وهـذا الوزير يدعو لإرتكاب
هـذه الجريمـة؟ وهل تعلم ان أى طبيب تحت قسم بقراط لا يستطيع منع العلاج وإلا يفقد رخصته.. |
الاخ ابو الريش
عنوان البوست حكمة تقال لناس عقلاء و يتحسبون ليوم غد و يتعظون من مواعظ التاريخ.
لو لاحظت ان جميع اعضاء المنبر من الكيزان قد اختفوا من حوار مثل هذه النقاط الحساسة التي تمس الوطن
اما اخي كباشي فقد حيرتني مواقفه، احيانا اقول قلبه على الوطن ثم فجأة اجده يدافع عن المجرمين.
كباشي، كما قال ابو الريش، الذي يمنع قطرة ماء او حقنة فهو مجرم و قاتل ويجب ان لا نقارن موقفه بحقوق شخص اخر.
لقد ضرب احد الاخوة هنا مثلا بالالمانيتين. رغم الفراق بينهما ظلت المانيا الغربية حنونة و دافئة في عطائها
و تستقبل الهاربين من جحيم الشرقية فظلت القلوب تشتاق لبعضها.
كبار الانقاذ يزيدون النار حطبا لنصطلي، (التصريح الاخير لابي الديلوماسية الانقاذية مصطفي كما يسميه الكيزان
بالاستعداد للحرب). لماذا لا يوجه الشباب بالاستعداد النفسي لقبول نتيجة الاستفتاء و التعامل معه بروح الاخوة او بروح
الطلاق الذي ربما بعد حين تهدأ النفوس فيتراجع الزوجان!!!!
العقلية التي فرطت في الجنوب ستفرط في دارفور و غدا لناظره قريب.
تحياتي
|
Post: #6
Title: Re: على الحكومـة التحرك بسرعـة، فإن كـرة الثلج تتدحرج!
Author: Abureesh
Date: 10-02-2010, 06:05 AM
Parent: #5
سلام يا النصرى،
دى أعتقد فى البرمجـة، يعنى مافى زول كتب ليك (لا شئ) دى.. لكن لما الحقل فى قاعدة
البيانات يكون فاضى مرات البرنامج تلقائيا يعوض بكلمة (لا شئ).. خطأ فى حقل الإسـم،
بدل يكون فاضى كان فيه (لا شئ).. وفى البرمجة فرق بين (فاضى) و (لا شئ).
المهم من دا كلو..
ياخى لو على وعليك هين.. لكن المسؤول يقول أى كلام، ومعاك فى دى.. لكن أى كلام دا مكلف
والوطن يدفع الثمن.. وفى جهات عارفاه أى كلام، لكن يستغلوه.. شوف لما جمال عبد الناصر كان
يقول فى الرادى أى كلام.. وحنرمى دويلة العصابات الصهيونيـة فى البحـر.. وإسرائيل عارفة
إنو دا كان أى كلام ولن ستطيع فعل ما يقول، لكنهم ابرزوه واستدروا عطف الرأى العام العالمى
لأن اليهود فى خطر وجمال حيرميهم فى البحر.. والعالم يصدق ذلك.. لعبوا دور الضحية
المسكين المحيطة بيه المرافعين.. ونجحوا فى ذلك والعلم برر لهم (الدفاع عن النفس) بل ازرهم
ووقف معهم..
مسؤول ياخى أى كلام لما يصدر من مسؤول عواقبه وخيمـة على البلاد، لأن المستمعين ليسوا كلهم
ابرياء مثلك ويقولوا سيبك دا أى كلام.. بل يقولوا دى هدية من الله.. ويبنوا عليها..
capitlize on it
وأنت ترى هـذا الان، وهو ما أتحدث عنه.
|
Post: #7
Title: Re: على الحكومـة التحرك بسرعـة، فإن كـرة الثلج تتدحرج!
Author: haroon diyab
Date: 10-02-2010, 06:07 AM
Parent: #5
بعيدا عن االعواطف......
ليس لاي كائن كان ان يمنع مريضا
من العلاج......!!!!!
ياخي ماياها دي البلد الليها خرتمية
سنة بتستقبل اللاجئين من كل دول افريقيا
وعائشين في آمن وامآن...لامن جات علي اسياد
الحق زااااااااااتو بقت مقلوبة......؟
للجنوبي الحق في الحياة الكريمة مثله مثل
اي سوداني اخر ....توحد السودان ام انفصل .
هذا راي شخصي .
محمد عثمان
كيفنك.....؟
راجع الخاص
|
Post: #8
Title: Re: على الحكومـة التحرك بسرعـة، فإن كـرة الثلج تتدحرج!
Author: عبدالمجيد المقابل
Date: 10-02-2010, 07:05 AM
Parent: #7
Quote: للجنوبي الحق في الحياة الكريمة مثله مثل
اي سوداني اخر ....توحد السودان ام انفصل .
|
تسلم أخي هارون ..
سلام لصاحب البوست و ضيوفه الكرام.
|
|