الباوقة, سحر, وجمال, ومصير مجهول ... توجد صور ...

الباوقة, سحر, وجمال, ومصير مجهول ... توجد صور ...


07-08-2009, 00:07 AM


  » http://sudaneseonline.com/cgi-bin/sdb/2bb.cgi?seq=msg&board=310&msg=1285873490&rn=121

Post: #1
Title: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 00:07 AM
Parent: #0

نقفل الساحة ونشيل مفتاحها وعليك يالباوقة اللذيذ تفاحها ...

أهلا ومرحبتين حبابكم في باوقة حمد والامين, ديار الإنقرياب...

أقعدوا في ضرا الرواكيب البانطون تراهو دآآآك جآي...

مرحبتين حبابكم واليوم السعيد الليلة جابكم...
Post: #2
Title: Re: الباوقة, سحر, وجمال, ومصير مجهول ... توجد صور ...
Author: نوفل عبد الرحيم حسن
Date: 07-08-2009, 00:11 AM
Parent: #1

قعدنا ومددنا اقامتنا
الينا بالصور








معاويه ازيك ياخ
Post: #3
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 00:13 AM
Parent: #1




في إنتظار البانطون...
Post: #4
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 00:17 AM
Parent: #3

Quote: معاويه ازيك ياخ


حبابك يا نوفل ...

أشرب لك كباية شاي, دوبنو البانطون ما وصل...

أنا موجود في السودان...
Post: #5
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 00:25 AM
Parent: #4




البانطون يتجه نحو الضفة الشرقية,

وقد لاحت أم نخيل في الأفق البعيد

بالضفة الغربية...
Post: #6
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 00:34 AM
Parent: #5




ما زلنا في الجانب الشرقي, وشرق

الباوقة تقع العبيدية, وهي المحطة

الثالثة شمال عطبرة بعد دار مالي

وبربر...
Post: #7
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 00:47 AM
Parent: #6




العبيدية وقد بدأت ملامحها

في الأفق البعيد...
Post: #8
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 00:54 AM
Parent: #7




الجماعة ديل بعد يمرقوا,

قولوا بسم الله, وأبقوا داخلين تب...
Post: #9
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 01:03 AM
Parent: #8




كدي دخلوا إيدكم في الكوتشينير

دي على بال ما عدينا...
Post: #10
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 01:11 AM
Parent: #9




البانطون قام بي وإنحدر

والدموع سالت كا المطر

يا خلاني كيف السفر

يا أم نخيل يا بلد الغزل...
Post: #11
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 01:20 AM
Parent: #10




حبابكم الف, والله البلد بلدكم,

والبكان بكانكم بالحيل...


صورة من داخل البرينسة...
Post: #12
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 01:29 AM
Parent: #11

كتب الباقر أحمد الشيخ تحت عنوان:

هل يكون جزاء سنمار لإنسان الباوقة؟؟؟


باوقة حمد والامين, هذاالتراث والتاريخ الضاربة جذوره في أعماق
بعيدة, والتي قطنها الأجداد منذ أكثر من خمسة قرون مضت. منذ قيام
السلطنة الزرقاء ودولة العبدلاب بزعامة أبونا عبد الله جماع, والتي حكمت
البلاد لأكثر من ثلاثة قرون.(1505 - 1821 ) دخول الاتراك السودان...

سكن في منطقة الباوقة أبونا إدريس (الإ(.........)) بن عبدالله جماع ومن بعده ذريته
الإنقرياب حتى الأن...

الباقر أحمد الشيخ...
Post: #13
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 01:45 AM
Parent: #12

ويواصل الباقر...

أخذت الباوقة طابعها المخضر بقيام مشروع الباوقة الزراعي في العام 1918,
والذي شيده الإنجليزلإعاشة وإسعاد أهل المنطقة, الذين قاموا بفلاحة الأرض
الأرض القاحلة الجرداء وتحويلها إلى بساتين خضراء من أشجار النخيل
والمانجو, والموالح, أغرقوا بها اسواق العاصمة والأقاليم, إلي جانب المحاصيل
الشتوية كالقمح والفول المصري والفاصوليا والتوابل وغيرها. وقد شهدت لهم
الأسواق المحلية بجودة الإنتاج...


الباقر أحمد الشيخ...

( حا ولت أعلاه تعديل إسم جدنا لكن فشلت, والإسم هو:
إدريس Alinager بن عبدالله جماع )...
Post: #14
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 01:54 AM
Parent: #13




نواصل بمشيئة الله...
Post: #15
Title: Re: الباوقة, سحر, وجمال, ومصير مجهول ... توجد صور ...
Author: Manal Mohamed Ali
Date: 07-08-2009, 02:12 AM
Parent: #14

عليك الله يا معاوية ياقريبي
تمشي تصور لي

مقابر العنج في طرف الجبل ( اسأل الناس الكبار بوروك ليها)
امشي صور لي الجامع القديم ( اعتقد انه اقدم جامع في الباوقة من 13 وحاجة هجرية ) ناسيه الاسم
وبرضوا اغشى صور لي ..ضريح ابشر ابو بشرية

وكمان في مكان اسمه الكنيسة ( قرب ضريح النقر واخته النصيحة) لان هذا المكان به اثار كنيسة من زمن العهد المسيحي في السودان والكرامة التي يؤمن بها الناس هنالك عن الشيخ الصالح النقر واخته النصيحة تشبه قصة سيدما عيسى والسيده مريم ..وضريحهم موجود في قرب اثار الكنيسة هناك

برضو اسأل عن خريجين معهد امدرمان ..ووثق ليهم لانهم كانوا بمشوا الى شندي بالارجل عشان يطلبوا العلم

صور لينا حلة المخازن وجداولها

صور اي حاجة
ينوبك ثواب
Post: #16
Title: Re: الباوقة, سحر, وجمال, ومصير مجهول ... توجد صور ...
Author: المسافر
Date: 07-08-2009, 05:05 AM
Parent: #15


ستين...
ديمة رزينة..
من حور الجنان جيتينا
طبعا..
نحن لو جنينا
زاد الشوق
وحن علينا


ستين ..
ديمة وريفة
وشايلة الندى في صيفها
قول لي كيف
لمان يجيها خريفها
Post: #17
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 08:16 AM
Parent: #16

ويواصل الباقر...

وقد عمَرها إنسانها البسيط بالطرق البدائية من محراث
تجره الثيران وطورية, وعآنى ماعآنى من عنت, ومشقة حتى أصبحت
الباوقة ليس لها مثيل في البلاد من حيث الخضرة والجمال, قال الغناي:
( والنخيل متاكي يا الحامل الثمار ). كل هذا دون تكليف الدولة أي
أعباء, بل ظلوا يؤدون واجباتهم من ضرائب وغيرها, دون أدنى خدمات
من جانب الدولة, حيث أنَ بنطونها العتيق والذي أرهقته الشيخوخة ظلَ
يخدم المنطقة لأكثر من أربعون عاما إلى أن خارت قواه وإستبدل بآخر
أقلَ جودة, لم يستمر طويلا, ليلجاء الأهالي إلى المراكب الحديدية الضيقة
والتي لا تسع الإنسان ناهيك عن نقل الأشياء الثقيلة.
ظلَ حال إنسان الباوقة منذ إنشاء الإنجليز لمشروعها العتيق, قبل
أكثر من تسعون عامامضت دون تقدم أو تطور, حيث لا خدمات تذكر, لا ماء,
لا كهرباء, ينيرون بيوتهم بالفوانيس, ويجلبون الماء من النيل على
ظهور الحمير بالأخراج أو الجركانات, أو يجلبنه النساء على رؤسهنَ...

الباقر أحمد الشيخ...
Post: #18
Title: Re: الباوقة, سحر, وجمال, ومصير مجهول ... توجد صور ...
Author: ياسر بيناوي
Date: 07-08-2009, 08:26 AM
Parent: #17

الليلة شفت الباوقة ام زهور
لقيتا جنة وبنوتا حور


البوست دا بالذات انا ما مارق منو تب


سلامات يا ابو القدح مشتاقين والله



خالص الود
Post: #19
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 08:28 AM
Parent: #17




جزء من معاناة أهلنا...

لقد جفَ الضرع, ومات الزرع...

لله نشكو أمرنا...
Post: #20
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 09:11 AM
Parent: #19

Quote:
ستين...
ديمة رزينة..
من حور الجنان جيتينا
طبعا..
نحن لو جنينا
زاد الشوق
وحن علينا


ستين ..
ديمة وريفة
وشايلة الندى في صيفها
قول لي كيف
لمان يجيها خريفها


يا قلبي الكتير أمنَته
من غير العذاب ما نلته
لي عينيها أنا عاينتَ
طلقت لي سهام وحرقته
أنافوق الخديدات شوفته
نازلات الشليخات ستَه...

رحم الله الحوري, لكم أطربنا وأشجانا...

أخوي المسافر أقعد فوق طرف الجدول داك

خلنا النجتر الذكريات, ونتفاكر في مصير البلد...
Post: #21
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 09:21 AM
Parent: #20




أزاي الليلة وبراي الليلة
حرق بنار الكماين ديلَه

يا خالي ويا عمي
النقوم الباوقة
ويروق دمي...


أهلا بيكم في ساقية المدراء...
Post: #22
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-08-2009, 09:21 AM
Parent: #19



البرينسة دي الت منو يا ود المدير ؟؟


اها بنجيب ليك الصور الما خمج ونجيك

ابوكم ادم سن المعاصي وعلمكم مفارقة الجناني

بلد زي بسيبوها ويمشو يتهجرو في بلاد الله البعيدة دي ..

بلد زي دي بغرقوها الحاقدين واعداء الجمال ؟!!
Post: #23
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-08-2009, 09:23 AM
Parent: #22







من بيت عمنا المرحوم هواري الماحي طيب الله ثراه
Post: #24
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-08-2009, 09:25 AM
Parent: #23




ودي خيتن للفوق
Post: #25
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-08-2009, 09:40 AM
Parent: #24

بوست جميل ياود المدير...لغاية مالزول فكر يخلى الفى أيدو ويمشى على موقف شندى طوالى.......لكن ياجماعة (النمرة) ماله فاضية وجافة...

بالله ياود العمدة طلب خاص (تنزل مع البوست ده ود الحورى)
Post: #26
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 10:07 AM
Parent: #24





البرينسة اللت الغفاري ود أبراهيم ( أب عجاج )...

ناس الحيكومة غايتو, شن تقول في مداح الرسول

عينهم في المسيد ويبيتوا عن جاد السَيد!!!

كدي قنَب جنبي فوق العنقريب ده, الغفاري هسَع

بيجي سادرين العمارة...

تبدو في الصورة عواميد الكهرباء,

وقد أوقف الشروع في الإمداد بعد قرار

الغراق, ومن يومها أصبح أصبح المشروع

في طي النسيان...

بقينا زرزور في إيد عيال...
Post: #27
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 07-08-2009, 10:21 AM
Parent: #26

معاوية ..

كيفنك ..

جر توبو وديسوا انهبل دا الازانا وزاد السهر ..

.......
Post: #29
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 10:29 AM
Parent: #26




كدي أرجوني مع الغفاري ده,

بجيكم صآد...
Post: #28
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 07-08-2009, 10:24 AM
Parent: #23

من بيت عمنا المرحوم هواري الماحي طيب الله ثراه

له الرحمة والمغفرة .

لقد كان مدير مدرسة الباوقة الجنوبية وكان يقوم بتدريسنا مادتي ( العربي والدين )

كذلك الرحمة للاستاذ الزبير النجومي لقد كان من المدرسين المحبوبين لكل التلاميذ ...
Post: #30
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 10:38 AM
Parent: #28
Post: #31
Title: Re: الباوقة, سحر, وجمال, ومصير مجهول ... توجد صور ...
Author: سيف النصر محي الدين محمد أحمد
Date: 07-08-2009, 11:26 AM
Parent: #30

سلامات يا ود المدير..
جدي قال لي انو اسم الباوقة ده اتحور من "الباقة" لأنها كانت جزيرة "بقت" وسط البحر في وقت
قصير..و ماني عارف مدى صحة الكلام ده! و عندنا عمنا رأيو أن اسم الباوقة ده اسم قديم و هو كلمة
نوبية تحور نطقها مع مر الزمان..بس برضو ما متذكر الكلمة الاقترحها زولنا ده كانت شنو..
المهم صورك سمحة بالحيل اثارت فينا الشجون و طرتنا الضحوي في النيمة .
الباوقة لن تغرق باذن واحد احد.
Post: #32
Title: Re: الباوقة, سحر, وجمال, ومصير مجهول ... توجد صور ...
Author: حسن البشاري
Date: 07-08-2009, 11:48 AM
Parent: #31

Quote: يا خلاني كيف السفر

يا أم نخيل يا بلد الغزل...


شكرا يا ود المدير
حباب الباوقة وحباب اهلنا وناسنا.
متابعين
حسن البشاري
بربر - القدواب
Post: #33
Title: Re: الباوقة, سحر, وجمال, ومصير مجهول ... توجد صور ...
Author: اتحاد مناهضي سد الشريك
Date: 07-08-2009, 04:03 PM
Parent: #32

خوفنا ان يطمر كل هذا الجمال بمياه سد الشريك


لا للسد
Post: #34
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-08-2009, 04:27 PM
Parent: #33

Quote: يا غبيان ده أنا معاوية المدير,


ود الباوقة ذرو قرقرقرقرقرقرقر

طيب قول معليش ياخ موش تمسح وتشتت ههههههههههه


انت قايلا صقرية مع البشير ولا شنو لطخت سمعت الباوقة ياخ .. ناس عاوزين يغرقو بلدك بالجمال دا كلو وبرضو ترقص مع رئيسهم ؟؟

حسع لو - لا قدر الله لا قدر الله - ناسكم ديل غرقو بلدنا دي ح تغير اسمك هنا ولا تعمل شنو ؟؟ على الاقل دافع عن الاسم وقت ماك قادر تدافع عن البلد !!!!!!!!!!!!
Post: #36
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 07-08-2009, 04:34 PM
Parent: #34

طيب قول معليش ياخ موش تمسح وتشتت ههههههههههه

يا اخوي اشتت ليه ..

انا مع خيار اهلي بالباوقة ومع ما يتخذونه من قرار مناسب يحقق المصلحة العامة للجميع ..

قال تشتت قال ...
Post: #37
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-08-2009, 04:37 PM
Parent: #34

العزيز حاتم الياس سلام والاهل

غالي والطلب رخيص لكن للاسف لا امتلك تسجيلات رقمية له الان بحاول استعين بالعم قوقل عسى ولعل واول ما عتر لي الكلمات الجميلة الكتبة عضو سودانيز قيسان وتعجبت كيف لم الحظ هذا البوست في حينه ..

Quote: يا قلب مالك تقول وَحْ
ويا وجع في سيدك نبَحْ
يا الدِفيفِيق الما وضح ..
لا إتغملْ لا شكوك سِبح ..
طيرو فوق العرجون نبح ..
***
ياحليل البلد يا حليل جميع سُكانا
يا حليل ام نخيل والقَدلة في حيشانا
يا حليل النِمَر يا حليل فريقنا برانا
يا حليل ام مساير الأنجبت رُمانا
**
عبد الكريم الحوري ..أو ود الحُوري .. فنان شعبي عرفته في فترة الثمانينات يجوب مناطق مديرية نهر النيل منطلقاً من الباوقة..
موزعاً فنه الجميل والمصحوب بالطمبور على غير العادة ..على غير العادة لأن اغلب هذه المناطق لم تجيد هذه الآلة في تراثها الشعبي وانما برع فيها اهل الشمال الآخرين ..وهذا رأي اسنده بالإشارة الى أغاني الفنانين بابكر ود السافل وأحمد عمر الرباطابي التي كانت بالشَتم والدلوكة فقط.. وهما من اشهر فناني تلك المناطق.
ود الحوري ربما لأنه منصوري..ولهذا أجاد عزف هذه الآلة ، فالمناصير ايضاً اهل لها
وهم من المساهمين في ما يعرف بأغنية الطمبور..كيف لا ومنهم الفنان عيسى بروي كله ..فبالإضافة الى الطمبور اعتمد الحوري على آلة "الطبلة" لضبط الإيقاع مبدلاً ما كان سائدا من "شَتَم" و"دلوكة" كأدوات موسيقي شعبية في تلك المناطق.
***
ود الحوري يقول في واحدة من أجمل "رمياته":
يا كريم تديني الصبُر
والثبات في كل الأمُر
النفِس غشّاشة و تضُر
المكتوب من الله يمُر
جنبها إبليس حافر مقُر
شركو لي وكت الموت يضُر
يا الرسول من طباتو كُر
الليلة حلوة وباكر المُـر..
***
كان يطربنا كثيراً عندما يغني:

سبعين.. سبعة يوم عينيّ ما شافن جمالك..
ست فنوني ..ست الجمال هاجراني مالك ..

في الكون جميع ماشوف مثالِك
في وشيك بدراً ليلو حالِك
سِت فنوني..
سِت الحِسان دهرِك صفالِك
محمودة بين الناس خصالِك ..
ست جنوني ..
الحوري قام يوصف جمالِك
توب العفاف جابو وكسالِك ..
ست فنوني ..
شاعر أم زهور غنّا وهدالِك
فوق طريقكن قام ماشي سالك
ست جنوني..
ست البنُوت ..هالكاني مالك..
***
عبد الكريم الحوري والذي تغني كثيراً للجمال..خطفه الموت وهو في قمة عطائه الإبداعي "منتصف الثمانينات"..فبكاه معجبوه بحسرة في تلك الديار..غني الراحل كثيراً للباوقة "أم نخيل":
ياخي الليلة كيف السفر
أم نخيل يا بلد الغزل

وقفتا فوق البحر
والفراق قاسي علي ختر
البنطون قام بيْ وإنحدر
والدموع نازلات كذا المطر
الحمام الزازا وقدل
الرِهيف العـــام وأنفذر
لا فوق وديسو إنبهل
دا الأذانا وزاد السهر
الصغير من قومة الجهل
غير هواهُو أنا ما اشتغلْ
الحوري فوقكن شَعر
يا اللهيجكن زي العسل
الليلة كيف السفر ..
لي ام نخيل بلد الغزل
***
برغم رحيله إلا أن أغانيه ظلت محفوظة في ذاكرة معجبيه..بما فيها أغانيه التي يهجو فيها "الممرضات"..( اللائي لم يهتمن كما يجب بعزيزه الذي كان بالمستشفى.. "حسب ما سمعت")..وقد اسهب في هجائهن بشكل غريب ولافت ..(الممرضات عادمات الذوق والصِفات ..والله ديل ..)..
وكذلك للحوري أغنية يتقن عزفها بلحن جميل لكنها تشنف وتهجو إحداهِن بشكل أكثر غرابة إذ يقول:
إنتي شينة وكُلِك عصب ..
بس في شان نضمك كعب ..
الحوري في وصفك ماكضب
من الرجال ناقصة الشنب
بس علي شان نضمِك كعب..
**
ود الحوري..ما زالت اغانيه بكل جمالها وطعمها الخاص يرددها البعض من الفنانين الشعبيين..كما تبعه على نفس الطريقة آخرون "طريقة الطمبور مع إيقاع الدلوكة اوالعرضة"..ولا زالوا ..منهم عبد الواحد محمد البشير "الباوقة" ..وعبد المنعم فضل المولى "المحمية" و عبد الرحيم الدامر..وغيرهم ..
***
من صغير تبيت جِنيْ ..
حالي عُشرة وراضي والديْ ..
ما بيقولو ود جيران أفيْ
إتقلبْ جاي الجرح نيْ
إتلقبْ جاي الجمر حيْ
داير أدق طمبوري النِقيْ..
ما بيونسني الليل شوي
داير اوصفا سمحة الزي ..
يا الولوف.. أنا حِن علي
قلبي في كرعين الحِدي
إنتا نايم وانا جمري حي
***
كانت لإذاعة عطبرة بعض التسجيلات مع هذا الفنان الشعبي..فالإذاعات الإقليمية من واجبها تجاه هؤلاء المبدعين منحهم منبراً - رغم محدوديته- لنشر إبداعاتهم..والوقوف على تلك الالوان من فن الغناء الشعبي ..
عليه فلتكن هذه الوقفة مع الراحل الحوري ومليون رحمة ونور تنزل عليه..بقدر ما قدم من فن شعبي جميل .."فقد كان يخلق فيني حالة من الطرب لا زالت تتلبسني كلما سمعت أغانيه..وتعيدني الى تفاصيل لا زلت اشتهيها" ..
لامتين يا كريم بالعود
لي ناس سيدة والمريود
لامتين
قوم يا حوري جيب تلحين
فوق البسمة بسامتين
لو كان ما القدر لاكين
نفوت باوقتنا نسكن وين
أو حنما يقول:
المستشفى يوم زارو
كل زول نسى أشغالو
الله يا زينة ..
سهام عينيكي ماذينا

وكذلك:
يا حبان لو شفتو حالي
أصلو النوم من عينِي أبالِي
**

ألف تحية لطمبوره المسكون بالحنين..
وتحية لكل الفنانين الشعبيين..
كما هي تحية لإنسان تلك الديار..
***
يا القلوباب أرفعوا الكف ..
ويا الفريعاب ارفعوا الكف..
أقروا ياسين وكتِروا التف ..
الكويريق الما خلف
واليعوم تالاك إنزقف
حالي يا ست الريد وقف
ليه ربطِك معاي مرق بف
***

* هذا الموضوع كتبته اعتمادا على ذاكرة كما انها مراجعة لايام خوالي احن اليها كثيراً ..


مع خالص التحايا

نفحـة من نخــيل الباوقــة - طمبور الراحل ود الحُــوري..

اتمنى يا حاتم انتو القاعدين بجوا تحاولوا توثقوا للبلد شفاهة من ما تبقى من اجدادنا وكبار البلد خاصة بعد ان هددنا بالدمار والغراق من اعداء الجمال قبح الله وجوههم واهلكهم قبل ان يهلكوا اهلنا ...

كنت احرص في اجازاتي السابقة الى ان استمع للكبار وكنت اكتب بعض ما اجده مهما جدا ولكن للاسف كثرة الترحال افقدتني كل شي
الان بعد ان دق ناقوس الخطر لا بد من حفظ ما نتوصل اليه للاجيال القادمة
Post: #35
Title: Re: الباوقة, سحر, وجمال, ومصير مجهول ... توجد صور ...
Author: علي الكرار هاشم
Date: 07-08-2009, 04:34 PM
Parent: #33

ود عمنا
معاويه المدير
التحية لك
وأري الشوق يفعل بك الافاعيل
خلي الجرسه واوتسد ضراعك الاخدر
وررد مع شريط قديم للحوري

..........
فوق القيف وقفت هللت ومشيت
سايقني الغرام لزول ما شكيت
ساير في طريقي بالحواشه جيت
هب لي نسيم زي ناس غيث بقيت
...............
طال الشوق عليك يا الباوقه او زهور جنة الحبان السكانه حور
Post: #38
Title: Re: الباوقة, سحر, وجمال, ومصير مجهول ... توجد صور ...
Author: Manal Mohamed Ali
Date: 07-08-2009, 05:16 PM
Parent: #35

الكريم معاوية المدير

وجودك الان في الباوقة فرصة كبيرة لتوثيق اشياء كثيرة

عشان كده انا طلبت منك تصور تلك الاثار ..لانه ناس الاثار ما شايفين شغلهم بالرغم من انه في الباوقة توجد مناطق اثار يعرفونها جيداً


وجودك وانت من ابناء المنطقة حايكون مفيد للتصوير والتوثيق

...........
طلب صغيروني ...عليك الله ولو سمحت ظروفك اخطف رجلك وامشي ناس تلفزيون عطبرة وجيب لينا من تسجيلات الحوري وود السافل ..لو لسه محتفظين بيها

تحياتي
Post: #39
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-08-2009, 06:07 PM
Parent: #38

الاخ معاوية سلامي لكل الاهل
ارجو منك الاتصال بالعمدة السر ابراهيم مصطفي ود العوض مختار الخليفة
المرضي ود عبده او الجعلي الشيخ لمزيد من التفاصيل عن مصير البلد
وآخر الاخبار وتنويرنا .
شكرا على هذه التحف الجميلة .
Post: #40
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 06:19 PM
Parent: #39

Quote: وجودك الان في الباوقة فرصة كبيرة لتوثيق اشياء كثيرة


بت أهلي منال, أصبري علىَ شوية,

بالمناسبة أنا غادرت الباوقة,

كدي بجيك برواقة, أبقي قاعدة فوق طرف

الجدول...
Post: #41
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 06:28 PM
Parent: #40

Quote: الاخ معاوية سلامي لكل الاهل
ارجو منك الاتصال بالعمدة السر ابراهيم مصطفي ود العوض مختار الخليفة
المرضي ود عبده او الجعلي الشيخ لمزيد من التفاصيل عن مصير البلد
وآخر الاخبار وتنويرنا .
شكرا على هذه التحف الجميلة .


يا شريف, باكر عقد بنت أمين عبد المجيد

إن شاء الله حااقابل عدد كبير من ناس الباوقة..

ملحوظة...
إتصل عليَ الأخ مصطفى حسن مصطفى الأن

وعرض عل]ض الذهاب للباوقة يوم الجمعة, ساحاول

الرجوع رغم أنَ مواعيد سفري قرَبت بالحيل...
Post: #42
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-08-2009, 08:28 PM
Parent: #41

معاوية الرطب الرطب

عليك الله لو مافي بوصطي صورا صور ساااااااي كدا بس خلينا نتشهى بعدين السيد الجعلي
جنبببببببب جامع المخازن طوالي خلي يرجيك سبيطة سبيطين كدا
Post: #43
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 11:32 PM
Parent: #42




سحر وجمال, نعم...

طمس وغراق, لآ والف لآ...
Post: #44
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-08-2009, 11:39 PM
Parent: #43

Quote: البوست دا بالذات انا ما مارق منو تب


يا ود بناوي, شوفلك تقنت

إتفرجخ فوقو, إنت إياك سيد

الجلد والراس...
Post: #45
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 00:23 AM
Parent: #44

Quote:




قريبتي منال...

فضل لي 5 يوم في السودان بس,

وإحتمال كبير أمشي الباوقة نزولا

لرغبتك,والمتداخلين...

أقعدي جنب الشتلة دي فوق طرف الجدول, وقولي يا لطيف...

غايتو بحاول أسحب يومين من رصيد الوليدات...
Post: #46
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 00:40 AM
Parent: #45




حفيد تربال غبش ومشققات إيدى...

الباوقة سحر, وجمال...

لا للسد...
Post: #47
Title: Re: الباوقة, سحر, وجمال, ومصير مجهول ... توجد صور ...
Author: منوت
Date: 07-09-2009, 03:03 AM
Parent: #15

الأخت منال محمد علي ،
سلام ،
وسلام لأهل الباوقة.

" ... برضو اسأل عن خريجين معهد امدرمان ..ووثق ليهم لانهم كانوا بمشوا الى شندي بالارجل عشان يطلبوا العلم... " .

* الشيخ محمد أحمد أبو دقن ( شيخ المعهد )
* محمد أحمد عثمان الهواري
* بابكر حاج موسى
* الطاهر محمد عبد الله بابكر
* أحمد عبد الله البشير
* محمد المغيره
* أحمد عبد القيوم
* عبد الرحمن الهواري
* مهدي الفاضل الطاهر

و آخرون.
Post: #48
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 08:09 AM
Parent: #47

Quote: خوفنا ان يطمر كل هذا الجمال بمياه سد الشريك


لا للسد


إستثناء الباوقة لايعني, التزام أهل
الباوقة منازلهم ولزوم الصمت, فالمعني
بالرفض هو السد, فالباوقة وأهلها ضد المشروع
من الأساس, يعني مقاومة أهل الباوقة للسد
لم ولن تقف حتي يتنازل رافعي الوية الخراب
ويلزموا هم سكناتهم...
Post: #49
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-09-2009, 08:25 AM
Parent: #48

بالمناسبة يا شباب الحديث عن ان البشير وعد بالا تطمر مياه السد منطقة الباوقة والعبيدية هو دليل على هروب هؤلاء حتى من التعويضات ان خربت وغمرت الباوقة ... هؤلاء القوم لا اخلاق لهم كما اقول دائما يقتلون القتيل ويمشون في جنازته ...

يريدون ان يغرقو البلد ويتهربو من التعويض ...

الباوقة الان متاثرة بسد مروي ومنطقة شمال الباوقة الاكثر تاثيرا فهي حتى بدون سدود كل سنة في غراق ....
Post: #50
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-09-2009, 08:33 AM
Parent: #49

Quote: الشيخ محمد أحمد أبو دقن ( شيخ المعهد )
* محمد أحمد عثمان الهواري
* بابكر حاج موسى
* الطاهر محمد عبد الله بابكر
* أحمد عبد الله البشير
* محمد المغيره
* أحمد عبد القيوم
* عبد الرحمن الهواري
* مهدي الفاضل الطاهر



العم بابكر الحاج موسى او الامام مالك الصغير كما يناديه اهل الباوقة ... مثله مثل بقية علماء بلادي لم يستفد منهم الا القليل هذا الرجل بحر في العلوم خاصة علم الانساب تجلس معه لا تحس بالوقت ابدا ... يسحرك ببلاغته وغزارة علمه وورعه .. يرحل بك بعيدا في عالم اللغة وجمالها فتتمنى الا تعود ابدا ... مقيم الان في التكاوين بين ابنائه

الخال احمد عبد الله البشير مقيم الان باليابان وعلى ما اعتقد يراس الجالية هنالك .. هو الاخر محيط في علم الانساب لا ادري ما سبب غرم هذا الجيل بالانساب وسحر اللغة مثله مثل مالك الصغير علم واداب ونعم الماجد ... استفادت منه كل الدنيا خاصة بلاد شرق وجنوب شرق اسيا من ماليزيا واندونسيا واليابان .. الفترة الوحيدة التي قضاها في السودان قضاها بالسوق المركزي بائعا للخضار وهو بكل هذه الثروة المعرفية والخبرات النووية ولكن هذا هو حال بلادي يحكمها جهلاء القوم بينما علمائها يقبعون في الاسواق والخلاوي !!!
Post: #51
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 09:29 AM
Parent: #50

Quote: جدي قال لي انو اسم الباوقة ده اتحور من "الباقة" لأنها كانت جزيرة "بقت" وسط البحر في وقت
قصير..

سيف النصر محي الدين, زولنا المننا وفينا’
كيف حالك؟...

هذا ماسمعت أيضا من أهلنا, بمشيئة الله نجيك بالأكيدة...


السيد الرئيس قام بإستثنا الباوقة من الغرق, لكن برضو
لا للسد, يجب أن يعلموا أن السد هو المرفوض, حكاية الإستثناء
دي يشوفوا غيرها...
Post: #53
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 09:41 AM
Parent: #51




سوق الباوقة العتيق لم تمتد له أيدي

الدولة بالعناية التقليدية...

الباقر أحمد الشيخ...
Post: #52
Title: Re: الباوقة, سحر, وجمال, ومصير مجهول ... توجد صور ...
Author: زياد جعفر عبدالله
Date: 07-09-2009, 09:41 AM
Parent: #50

ماشاالله بنبر بكري دا طلع كلو من الباوقة!
...
سلام متلت و مربع لي اهلنا الطيبين
شكرا معاوية ود المدير على المجهود
Post: #54
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 10:11 AM
Parent: #52

ويواصل الباقر...

سوق الباوقة العتيق لم تمتد له أيدي الدولة بالعناية
التقليدية, فإنه يجمع أهالي المنطقة من على بعد أكثر من
أربعين كيلو متر شمالا, وثلاثون كيلو متر جنوبا, يتبادلون
بيع وشراء منتوجاتهم الزراعية والبستانية, فيخرج الكل بعد
نهاية كل سوق في أيامه الإسبوعية الثلاثة محملين بالسلع
المختلفة.
هذه هي الباوقة التي أعطت وما بخلت, وقد سكنتها عدة
قبائل, واستقرت , وتعايشت مع أهلها, وأخيرا هاجر إليها
أهل غرب السودان وأصبحوا من مواطنيها...

الباقر أحمد الشيخ...
Post: #55
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 10:26 AM
Parent: #54




السوق...

هل من مغيث؟؟؟

هل من مجيَر؟؟؟
Post: #56
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 10:39 AM
Parent: #55




هل فكرتم يوما وضع طوبة واحدة
لصيانة هذا السوق, حتى تدعوا
لأنفسكم الحق في الغراق, والحراق؟؟؟

شن قدركم زي ما بيقولوا أهلنا!!!
Post: #57
Title: Re: الباوقة, سحر, وجمال, ومصير مجهول ... توجد صور ...
Author: زهير الزناتي
Date: 07-09-2009, 10:55 AM
Parent: #56




صور تستحق الأوسكار

ما عارف ليه الصورة دي كرتني حلفا القديمة
Post: #58
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 11:47 AM
Parent: #57

Quote: معاوية الرطب الرطب

عليك الله لو مافي بوصطي صورا صور ساااااااي كدا بس خلينا نتشهى بعدين السيد الجعلي
جنبببببببب جامع المخازن طوالي خلي يرجيك سبيطة سبيطين كدا


يا ود العمدة خليك قريب

عايزين نحصر أيَحاجة تخص البلد...
Post: #59
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 12:13 PM
Parent: #58

ويواصل الباقر...

هل بعد كل هذا يكافاء إنسان الباوقة
بالجحود والطرد من بلاده, وإغراق ممتلكاته بقيام
سد الشريق؟ لا والف لا لانقبل هذا. فكل ما نرجوه هو
الغاء مشروع السد, وان يكافاء إنسان الباوقة بإنشاء
كبري على النيل ككبري شندي المتمة, وتعبيد الطرق
الداخلية, وإدخال الكهرباء من الشبكة القومية,
وإنشاء محطة مياه من النيل دائمة الكينونة, وإنشاء
إمتداد مشروع الباوقة, وجلب مكينات ري حديثة,
وصيانة المدارس, وتشييد مدارس اخر بالمنطقة,
مع تشييد طريق النيل الغربي, امدرمان, المتمة
الباوقة.
هذا أبسط شئ نناشدالدولة القيام به حتى يكرم
إنسان الباوقة على ما قدمه من جهد وعطاء لينعم
وغيره بالخير والنماء...

الباقر أحمد الشيخ...

17/6/2009
Post: #60
Title: Re: الباوقة, سحر, وجمال, ومصير مجهول ... توجد صور ...
Author: حيدر حسن ميرغني
Date: 07-09-2009, 12:19 PM
Parent: #58

معاوية ولدنا

الباوقة دي موناكو عديل لينا نحن ناس عطبرة

والباوقويين المتعطبرين كتار

يهرولون اليها خفافا وثقالا في كل حين

اجمل الرحلات كنا نقيمها هناك

تحية لاهلها الكرماء
Post: #61
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 12:48 PM
Parent: #60

Quote: الباوقة دي موناكو عديل لينا نحن ناس عطبرة

والباوقويين المتعطبرين كتار


ولدنا حيدر...

أنا مولود في

السيالة القديمة ديييك جنب البحر...

حليل المحطة, ما تخلينانخلط المنقة

مع البرتكان...
Post: #62
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-09-2009, 01:55 PM
Parent: #61

ود الباوقة..الدويحية وأبن عم لى
سيف النصر محى الدين..زراريق وطيباب الجرانيس قريبى لأمى
المسافر أبن عمة لى بالصقورة أهل والدى وقريب للنقراب أهل أمى بجهة النواب
محمد حسن العمدة منهم جدتنا حسنة بت النقر وجده الفكى حسن وهو ودعمد (التكاوين ) ومافى حاجة مزعلانه منو اٍلا أنه صوت قوى لحزب الأمة فى منطقة راسخة فى ختميتها يعنى ياناس حزب الأمة شوفوا ليكم دايره تانية نزلوا فيها ود العمدة

المدير أبراهيم محمد حمزه أبراهيم ودحمزه الكاسر (حمزياب) وهم عمد الباوقة وأظن أن زياد ومعاوية هم أحفاد العمدة عبدالله ود أبراهيم..

لقيتونى كيف (نسابة فى عصر الأنترنت) مالم يصصحح المسافر المعلومات..

ياجماعة يجب استمرارية هذا البوست


عليك الله ياود الباوقة دى بلد يرحلونا منها لوادى الحمار
Post: #63
Title: Re: الباوقة, سحر, وجمال, ومصير مجهول ... توجد صور ...
Author: حيدر حسن ميرغني
Date: 07-09-2009, 02:21 PM
Parent: #62

Quote: لوادى الحمار


حاتم

وادي الحمار نميري كان عاوز يأدب بيهو الرفاق

واطاتو ياما حاضنة بشر جميلين

زرته مرتين وركبت نفس العربة الشالو فيها الشهيد محمد نور سعد

قريبي كان تبع العساكر الجزارين ديل ... بس ماقتل ... ساق القتلة

زمن يازول
Post: #64
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-09-2009, 03:27 PM
Parent: #63

Quote: المدير أبراهيم محمد حمزه أبراهيم ودحمزه الكاسر (حمزياب)


يا حاتم ود المدير دا ببقى لي ناس عمنا محمد الامين الكاسر شنو

والد محمد والهادي وحسان واللموني - وجه ضاحك وبريش - عبد الله - وعاكف - سيف
Post: #65
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-09-2009, 03:27 PM
Parent: #63

مكرر
Post: #66
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-09-2009, 04:00 PM
Parent: #65

Quote: السيد الرئيس قام بإستثنا الباوقة من الغرق, لكن برضو


ياجماعة يجب ان لا تنجح خطة البشير فى شق الصف
فمثل هذا الكلام هو للاستهلاك وكسب الوقت يجب ان
يكون مبدأنا استراتيجي وهو رفض هذا الخزان
فالموضوع ليس موضوع تعويضات بل هو موضوع هوية .
كيف نطمئن لمثل هذا الكلام ونحن كل سنة بيوتنا
غرقانة بسبب الفيضان .
Post: #67
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-09-2009, 04:14 PM
Parent: #66

Quote: يا شريف, باكر عقد بنت أمين عبد المجيد

إن شاء الله حااقابل عدد كبير من ناس الباوقة..

ملحوظة...
إتصل عليَ الأخ مصطفى حسن مصطفى الأن

وعرض عل]ض الذهاب للباوقة يوم الجمعة, ساحاول

الرجوع رغم أنَ مواعيد سفري قرَبت بالحيل...


يا معاوية مبروك مقدما
ودي فرصة طيبة اصلو الجماعة هناك طيبين وبيصدقوا اي
حاجة ركز علي انو موضوع استثناء الباوقةده مقصود بيهو
شق الصف بدون وحدة صفنا ووحدة كلمتنا ستهزمنا هذه
الفئة الباغية. تحياتي لابن عمي مصطفي حسن مصطفي.
Post: #68
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 09:34 PM
Parent: #67

Quote: .......لكن ياجماعة (النمرة) ماله فاضية وجافة...


أخوي ودالياس, خلني الوريك خبر جفاف النمرة...
أولا بالتبادي أنا من ربنا خلقني ما شفت نفر
مضرة الناس ديل. وإنت سادر لافوق مما تفوت المترة,
ودخلتك الحواشات بتشوف الفرق, الحواشات مخضرَة, ومن
المترة وإنت مندلي لا تحت جفاف شديد وما تشوف خضرة
إلا بعد تدخل الجزيرة...

كدي أنا بنزَل لك صور أخدتها مخصوص عشان المسالة
دي ولاحظ الفرق, علما بانه حتى لحظة كتابة هذه
السطور الموية ما وصلت التحتانية...

تعال معاي...
Post: #69
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 09:44 PM
Parent: #68




دي النمرة, جدول 7 الشريان الرئيسي لإمداد التحتابية
بالماء. الناس من يوم ما قالوا للوالي لا, ده ياهو
حالهم. هل تصدق الجدول ده نحن كنا بنصطاد منه السمك
في يوم من الأيام!!!
Post: #70
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 10:05 PM
Parent: #69




دي يا محمد الياس الحواشات, جدول دائم الجريان.
الحيكومة بتدي الموية لناس الحواشات الحكومية
وبتمارس الضغط علي الأهالي. يعني سياسة تركيع,
وتشتيت شمل برضو. شفته كيف!!!
Post: #71
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-09-2009, 11:52 PM
Parent: #70

Quote: شكرا يا ود المدير
حباب الباوقة وحباب اهلنا وناسنا.
متابعين
حسن البشاري
بربر - القدواب


حسن البشاري, شكرا علي المتابعة,

حبابك ماك غريب الدار
وماك لحقنا الودار...
إتوهط تب...
Post: #72
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 00:01 AM
Parent: #71

Quote: طال الشوق عليك يا الباوقه او زهور جنة الحبان السكانه حور


ود عمي علي الكرار...

والله أظني مشيت شحتفت
رويحتي ومرق...

كدي قنَب في البوست ده
مع شريط الحوري رمي دميعاتك...
Post: #73
Title: Re: الباوقة, سحر, وجمال, ومصير مجهول ... توجد صور ...
Author: Muna Khugali
Date: 07-10-2009, 00:02 AM
Parent: #3




Quote: في انتظار البنطون..



هايعدي براهو؟؟

سلام يا معاويه ليك ولاهل الباوقة
Post: #74
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 00:08 AM
Parent: #73

Quote: ماشاالله بنبر بكري دا طلع كلو من الباوقة!
...
سلام متلت و مربع لي اهلنا الطيبين
شكرا معاوية ود المدير على المجهود


شكرا يا زياد...

كدي جيَب بنبر بكري ده

وتعال قنَب معانابجاي...
Post: #75
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 00:18 AM
Parent: #74




معاهو الجماعة ديل يا منى,

والله شرفتينا بالحيل, حبابك الف...
Post: #76
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 00:27 AM
Parent: #75

Quote: صور تستحق الأوسكار

ما عارف ليه الصورة دي كرتني حلفا القديمة


لك الشكر الجزيل أخي زهير...

الوطن واحد يا زهير والمصير مجهول

منه ما غرق, ومنه ما ينتظر, نسال

الله السلامة...
Post: #77
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 00:36 AM
Parent: #76




إن شاء الله بكرة نشوف غرب الباوقة فيهو شنو؟؟؟


تصبحو على خير...
Post: #78
Title: Re: الباوقة, سحر, وجمال, ومصير مجهول ... توجد صور ...
Author: سيف الدولة كامل
Date: 07-10-2009, 03:57 AM
Parent: #77

نديدي العزيز \ ود المدير والله مشتاقين , تركت فراغ كبير

بعد سفرك الونسة مسخت , ومنتظرين عودتك بفارق الصبر.

بوست جميل جدا والباوقة اجمل ,, ربنا يحفظها ويبعدها من الغرق

ما تجيب لينا معاك حتيتة منقة

سلامنا لكل الحبايب
Post: #79
Title: Re: الباوقة, سحر, وجمال, ومصير مجهول ... توجد صور ...
Author: حيدر حسن ميرغني
Date: 07-10-2009, 05:24 AM
Parent: #78

Quote: الخال احمد عبد الله البشير مقيم الان باليابان وعلى ما اعتقد يراس الجالية هنالك .. هو الاخر محيط في علم الانساب لا ادري ما سبب غرم هذا الجيل بالانساب وسحر اللغة مثله مثل مالك الصغير علم واداب ونعم الماجد ... استفادت منه كل الدنيا خاصة بلاد شرق وجنوب شرق اسيا من ماليزيا واندونسيا واليابان .. الفترة الوحيدة التي قضاها في السودان قضاها بالسوق المركزي بائعا للخضار وهو بكل هذه الثروة المعرفية والخبرات النووية ولكن هذا هو حال بلادي يحكمها جهلاء القوم بينما علمائها يقبعون في الاسواق والخلاوي !!!


اخونا ود العمدة

الخال العزيز احمد عبد الله البشير قطب جاليتنا الرئيس السابق للجالية والسكرتير الاعلامي حاليا
رجل مليان كما قلت .. يطيب لينا مناقرته في السياسة
بكرة دي بمشي ليهو واجيب ليك المفيد... يمكن صور كمان
الله يحفظه
Post: #80
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 01:02 PM
Parent: #79




Quote: بوست جميل جدا والباوقة اجمل ,, ربنا يحفظها ويبعدها من الغرق

ما تجيب لينا معاك حتيتة منقة


نديدي...
وحات ربي مشتهيك, يا زول إنت غاتس وين؟

التلاتة قفف ديل حقاتك براك, ما تفضل فيهن شي...
Post: #81
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 01:16 PM
Parent: #80

Quote: بكرة دي بمشي ليهو واجيب ليك المفيد... يمكن صور كمان
الله يحفظه


عليك الله بسراعك يا حيدر, نحن منتظرين.
سلَم لي عليهو كتيَر...
Post: #82
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 02:15 PM
Parent: #81




الفوقانية... العمارة ...
Post: #83
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 02:46 PM
Parent: #82




بنيَة من فتوار موقده فيَالنار

من لهيب الشوق ببكي ليل ونهار...


هذه هي منطقة فتوار...
Post: #84
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 06:36 PM
Parent: #83




فتوار... أثار, تاريخ, حضارات,.. العنج....
Post: #85
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 09:53 PM
Parent: #84






كثر الهمس في الباوقةعن

إنه يوجد تصنيع حربي في

المنطقة, وحتى لو لم يصدق

الخبر, فهذا لايمنع إنه هنالك

تحركات مريبة, ومناطق ممنوع

الإقتراب منها؟؟؟!!!
Post: #86
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-10-2009, 10:56 PM
Parent: #85




عندما كان الكنديين يعملون في مجال البترول
في السودان, كان السودانيون يحضرون إلى كندا
لتلقي بعض الدراسات. حدثني أحد الجلوجيين وهو
ضليع في مجال الجلوجيا, وكان ضمن تيم قاموا
بمسح في أرض الشمال, أنه توجد كميات من البترول
في الشمال أكثر من أي منطقة أخرى, وأشار تحديدا
إلي منطقة غرب الباوقة, وإنها غنية بالبترول
وموارد أخري...

يا ناس الجلوجيا أفتونا؟؟؟
Post: #87
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 09:55 AM
Parent: #86




صخور بركانية تنبئ بانه قد
حدثت تفجيرات بركانية في
المنطقة قبل ملايين السنين...
Post: #88
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 10:16 AM
Parent: #87




الطريق لى المناطق المحظورة...
Post: #90
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 10:36 AM
Parent: #88




شاحنات شركات الذهب.
ذكر اأهالي إنهم دوما
يشاهدون شاحنات, السائق
سوداني والرفقة صينيين!؟...
Post: #89
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-11-2009, 10:35 AM
Parent: #87



الغريب بعد كل هذا الجفاف والتصحر امر الهنبته في وضح النهار وتحت حراسة بوليس الحيكومة !!

المزارع لازم يدفع الـ( طلبة ) واذا ما دفع البوليس في ...
المزارع لازم يدفع الزكاة والبتم تقديرا اول ما السبايط تسل وقبل القريع وبعد الهبوب والمطر والحرامية موظف الزكاة لا يهمه الا ما تم تقديره ويتناسون ان زكاته وقت حصاده !! وبرضو بوليس الحيكومة شايل البندقية ابو عشرة وواقف ....

المزارع لازم يدفع حق المجلس ولازم يدفع الضرائب ولازم يدفع ويدفع ويدفع وبعد دا كلو مافيش موية ومافي زراعة ومافي حصاد ...

نفس الممارسة دي تمت طوال العشرين سنة الماضية تجفيف ممنهج للمشروع عشان في النهاية المزارع يقول المشروع ما جايب حقو واحسن التعويض والهروب الى اراضي اخرى ...

وعشان تقنعو اكتر يجيبو ليكم خريج جديد لنج يمسكو ادارة المشروع !!! منتهى الاستهتار بحياة الناس ومنتهى اللامسئولية ...
Post: #91
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 01:30 PM
Parent: #89

المزارع لازم يدفع الـ( طلبة ) واذا ما دفع البوليس في ...

الغريبة يا ود العمدة, تحدثت مع
الأهل في هذا الخصوص, ووجدتهم
موفين بجميع التزاماتهم!!!
Post: #92
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 01:36 PM
Parent: #91




من نخيل الباوقة طرحة...
Post: #93
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 01:43 PM
Parent: #92




حسن محمد الحسن مصطفى المدير,

والبرتكان يا نسمة...
Post: #94
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 01:50 PM
Parent: #93




بقرة حلوبة تتضرِع, وليها ضرع...

يا جماعة موافقين, نبداء الغراق؟
Post: #95
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 01:58 PM
Parent: #94




سنونهن يمَة زي شخب الحليب
الصافي يرهج في الكبابي...

نواصل ...
Post: #97
Title: Re: الباوقة, سحر, وجمال, ومصير مجهول ... توجد صور ...
Author: عبد الواحد أبراهيم
Date: 07-11-2009, 02:17 PM
Parent: #95



تحياتى ليك ود المدير للاهل بالباوقة من وواسى الى تخووم الجول .


اخص بالتحايا اهلى بالتكاوين والحواشات والمناصير و العمارة و8 وبقية النمر

يا حاتم الياس ستين مرة قلنا ليك غالبية ناس الباوقة مش ختمية انما قادرية قادرية (كدباس)


Quote: محمد حسن العمدة منهم جدتنا حسنة بت النقر وجده الفكى حسن وهو ودعمد (التكاوين )
ومافى حاجة مزعلانه منو اٍلا أنه صوت قوى لحزب الأمة فى منطقة راسخة فى ختميتها يعنى ياناس حزب
الأمة شوفوا ليكم دايره تانية نزلوا فيها ود العمدة

.


كمان نديك حاجة تانية ود الحـــــــورى دى ولدنا وولدكم وهو هديتنا لاخوالنا فى الباوقة .


شد حيلك مع ناس مناهضة سد الشريك .


الحبيب محمد الحسن العمدة طبعا حاولت اتعرف عليك كثير لان اهلى جيران اهلك ولكنك ... مشغول

بحزب الامة والسياسية المهم يا سيدى انا جدى سليمان مكى الحسن - التكاوين - شمال جامع التكاوين

المقابر .
Post: #96
Title: Re: الباوقة, سحر, وجمال, ومصير مجهول ... توجد صور ...
Author: سلمى الشيخ سلامة
Date: 07-11-2009, 02:07 PM
Parent: #94

معاوية الحبيب
اهلنا فى بربر شايلين الهم انه حالهم يميل
والبيوت السيل يشيلا
من واقع سد الشريك
يعنى السدود دى محلها الا فى الشمالية ؟
وليه المناطق الاثرية
المناطق المنتجة ؟
من المشاهد الشفناها فى البوست دا تحس انه فى حاجة غريبة بتحصل فى البلد
فى استهداف للتاريخ والجغرافيا
وفى استهداف للبنية الديمغرافيه للسكان
استغرب لماذا الان كل هذه الهجمة على مناطق الشمالية؟

فى حاجة ما قادرة ولا دايرة تدخل راسى

مع ذلك اقول بدلا عن السدود
والباوقة اكثر ما تحتاجه مصنع لتعليب الفواكه
وليس سدا يشيل خيرها
Post: #98
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-11-2009, 02:23 PM
Parent: #96

الجول ..فطيتو مالك فى رحلتك دى كمان لو جبته صور من جزر السليمانية تكون حاجة جميلة....

ياسلمى الشيخ ماتخافى..زمان أضايقنا ورازونا هربنا سلاطين وفى الروايات الشفهية للمنطقة على عكس ماكتبه فى السيف والنار جبناهو متنكر فى (برقع حلبية وملبسنو حجل فى رجلو) وبقينا سبب رئيسى فى تشكيل السودان الحديث أها هسع أكان رازونا ودخلونا فى ملاوزات غراق بنبقى برضه سبب فى تشكيل سودان جديد
Post: #99
Title: Re: الباوقة, سحر, وجمال, ومصير مجهول ... توجد صور ...
Author: سلمى الشيخ سلامة
Date: 07-11-2009, 02:32 PM
Parent: #98

Quote: وبقينا سبب رئيسى فى تشكيل السودان الحديث أها هسع أكان رازونا ودخلونا فى ملاوزات غراق بنبقى برضه سبب فى تشكيل سودان جديد


حقيقى كانت الشمالية هى المكون الرئيسى للسودان الحديث
اتفق معك
وتشهد على ذلك الهجرات الى كل مواطن فى هذا البلد
حيث التجارة وحيث الخدمة المدنية التى كانت تجعل من التواصل امرا حتميا
التنقلات التى كانت تتم بين المحافظات
من اقصى شمال الوادى لاقصى جنوب بلادى
اعرف ان الجيش والشرطة والتعليم
السكة حديد
التمريض
الاطباء
والمدرسين
ناس البريد والبرق"البوستة"
كل هذا وغيره اسهم ان تتم هذه البنية الواسعة من هنا الى هناك
لكن اختل التوازن الان ياصديقى واخشى ما اخشى ان تنقلب علينا هذه المركب
Post: #100
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-11-2009, 03:06 PM
Parent: #99

هل هى صدفة أن تنجب هذه البلد الجميلة

الشاعر الحسين الحسن
الشاعر تاج السر الحسن
الشاعر والصحفى فضل لله محمد
والأديب على المك (نصفه أمدرمانى لأمة وأبوه هيلنا )
والصحفى عبدالواحد أبراهيم..(خاتيك معاهم ساى ياعبد الواحد ماتصدق)
Post: #101
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-11-2009, 08:47 PM
Parent: #100

Quote: يا حاتم الياس ستين مرة قلنا ليك غالبية ناس الباوقة مش ختمية انما قادرية قادرية (كدباس)


والله يا عبد الواحد انا ما عارف ليه حاتم مكنكش في حتى الختمية دي !!
قبل كدا قلت ليهو اهلنا ( الملاحة ) ديل ناس قادرية زي قولك دا ... لكن وقت صوتوا خاصة في الاستقلال صوتوا للوطني الاتحادي وليس الشعب الديمقراطي - السيد علي الميرغني - يعني من يومن ناس صفوة وكدا -- الكلام دا تلقيتو مباشرة من الجد الطيب يس والجد الفكي حسن عليهم رحمة الله جميعا والد خيلاني ناس قمر الفكي و مبارك الفكي وبرضو سمعتو من الخال عثمان الجعلي الله رحمة ونور عليه وكتير بقعد معاهم يحكوا لي عن فترة الاستقلال وتكوين وتاسيس مشروع الباوقة تلقيته مباشرة من العم المرحوم هواري الماحي الف رحمة ونور عليه ومن جدنا عبد الباقي زين العابدين وحامد زين العابدين وهرون الكندو والاستاذ بكري سعد كنت احرص شديد في اجازاتي على الجلوس مع كبار السن فاستفد منهم كثيرا ولكن للاسف الشديد لم اوثق منهم في تسجيلات صوتية املي في ان اجد من يقوم بهذا العمل قبل ان يضيع تاريخ بلدتي خاصة بعد ان حاصراها اعداء الانسانية والجمال كهنة الموت مصاصي الدماء من كل صوب وحدب ... الاستاذ قريبي عمر المكي من خيرة شباب البلد - لو ما اعترض حاتم على شباب دي - حافظ على عبقرية من سبقوه في حفظ الانساب وتاريخ البلد يا ريت لو قدرنا نشركو في البوست دا وشد حيلك معانا يا ود الياس



.



Quote: الحبيب محمد الحسن العمدة طبعا حاولت اتعرف عليك كثير لان اهلى جيران اهلك ولكنك ... مشغول

بحزب الامة والسياسية المهم يا سيدى انا جدى سليمان مكى الحسن - التكاوين - شمال جامع التكاوين

المقابر .


قريبي عبد الواحد ازيك واخبارك
غايتو اليوم الانا ابطل فيهو تفكير في حزب الامة بضبح جمل عديييييييييييييل كدا

كيف لا اعرف اهلي ناس هاشم سليمان والمزواج معتصم يا ربي لي حسع يكون عمل كم ( وجه ضاحك )
معتصم سليمان مكي على ما اعتقد انه اول من اسس بصات سفرية بين الدامر والخرطوم الرجل صاحب نضم وراسو مليان شديد ولا تكل ولا تمل منه قابلته في مدني ايام الجامعة عندما حل ضيفا على العم والخال والاخ والصديق ( الاسلاموي الكبير اوي اوي ) عبد القادر محنن ود حنونة هذا الرجل هو الاخر قمة في الوعي والفكر وكثيرا ما عقدنا المناظرات بعد كوتشينة الجمعة وانفضاض اهل البحوث اصحابه من حول الطاولة الرجل رغم كوزنته الا انه والشهادة لله رجل امة تختلف معه ولا تملك الا وان تحترمه وتجله .. هؤلاء هم ناس الباوقة الذين نعرف ...

كدي يا عبد الواحد نتمو بالماسنجر ..
Post: #102
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 09:44 PM
Parent: #101




أهلنا البادرآب, يواجهون نفس

المصير المجهول؟؟؟ ...
Post: #103
Title: Re: الباوقة, سحر, وجمال, ومصير مجهول ... توجد صور ...
Author: سيف النصر محي الدين محمد أحمد
Date: 07-11-2009, 10:08 PM
Parent: #102

Quote: سيف النصر محى الدين..زراريق وطيباب الجرانيس قريبى لأمى
المسافر أبن عمة لى بالصقورة أهل والدى وقريب للنقراب أهل أمى بجهة النواب
محمد حسن العمدة منهم جدتنا حسنة بت النقر وجده الفكى حسن وهو ودعمد (التكاوين ) ومافى حاجة مزعلانه منو اٍلا أنه صوت قوى لحزب الأمة فى منطقة راسخة فى ختميتها يعنى ياناس حزب الأمة شوفوا ليكم دايره تانية نزلوا فيها ود العمدة

المدير أبراهيم محمد حمزه أبراهيم ودحمزه الكاسر (حمزياب) وهم عمد الباوقة وأظن أن زياد ومعاوية هم أحفاد العمدة عبدالله ود أبراهيم..

لقيتونى كيف (نسابة فى عصر الأنترنت) مالم يصصحح المسافر المعلومات..

يا حاتم الياس مالك داير تسوي "النسابة" بدعة في عهد الانترنت..يعني ما بتلموا و للا شنو؟
Post: #104
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 10:14 PM
Parent: #103

Quote: تحياتى ليك ود المدير للاهل بالباوقة من وواسى الى تخووم الجول .


حبابك أخوي عبد الواحد,
أبقى معانا بجاي...
Post: #105
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 11:10 PM
Parent: #104

Quote: معاوية الحبيب
اهلنا فى بربر شايلين الهم انه حالهم يميل
والبيوت السيل يشيلا
من واقع سد الشريك
يعنى السدود دى محلها الا فى الشمالية ؟
وليه المناطق الاثرية
المناطق المنتجة ؟
من المشاهد الشفناها فى البوست دا تحس انه فى حاجة غريبة بتحصل فى البلد
فى استهداف للتاريخ والجغرافيا
وفى استهداف للبنية الديمغرافيه للسكان
استغرب لماذا الان كل هذه الهجمة على مناطق الشمالية؟

فى حاجة ما قادرة ولا دايرة تدخل راسى

مع ذلك اقول بدلا عن السدود
والباوقة اكثر ما تحتاجه مصنع لتعليب الفواكه
وليس سدا يشيل خيرها


أختنا الحبيبة سلمى...
أوَل حاجة مرحب بيك وسط أهلك ناس الباوقة...
الحكاية ما واقفة علي بربر بس, إتصلت بعمدة الباوقة
تاج السر إبراهيم, وقام بتوضيح نقاط هامة ساصيغها
وأقوم بإضافتها, أبقي قريبة...
ياسلمي حكاية كهرباء السدود دي إنتهت, وبمناسبة السدود
في منطقة السدود أعشاب النيل مآصة النيل مص, يعني مافي
طريقة يتم التخلص منها وتتولد كهربا من هناك؟؟؟
يا سلمي بتتذكري مطار دنقلا؟ السيد الرئيس في الإفتتاح
قال لناس دنقلا: عشان أولادكم المغتربين ينزلوا في دنقلا
طوالي؟؟؟ يعني المغتربين ديل في دنقلا بس؟ ماكان ممكن
يكون في عطبرة أو أي مدينة أخري؟؟؟!!!
الباوقة محتاجة للكثير, لكن في محاولة للضغط علي الأهالي
حتي يرحلوا مرغمين...
القضية ليست قضية سد ولا كهرباء.
السؤال: لمصلحة من يعمل هاؤلا؟؟؟
Post: #106
Title: Re: الباوقة, سحر, وجمال, ومصير مجهول ... توجد صور ...
Author: طارق جبريل
Date: 07-11-2009, 11:14 PM
Parent: #105

اقعد مغس فيني كدي بالصور لامن تلدغ
Post: #107
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 11:31 PM
Parent: #105




أنا أخو البنت اللكعت قرن الخمرة النآزة
علي وردان الصبوة الراكزة...

يحردن أكان يغرق شبر...
Post: #108
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 11:47 PM
Parent: #107




فطومة معاوية, وحوار مع
واحدة من بنات جيلها...
Post: #109
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-11-2009, 11:55 PM
Parent: #108

Quote: اقعد مغس فيني كدي بالصور لامن تلدغ


إنت جآي قاطع حبلك من وين زي الساعة دي؟

كدي أقعد أشرب لك فنجان جبنة مع الجماعة

ديل. ما في زول بيلدغ, الوغش ده محروس تب...
Post: #110
Title: Re: الباوقة, سحر, وجمال, ومصير مجهول ... توجد صور ...
Author: nourelhadi awad
Date: 07-12-2009, 00:17 AM
Parent: #100

فتنا السارة
ياناس لاتفجخو الطماطم
البلا اليحرقكم
عليك الله ياجنا أدي الجرجير دا رشة معاك

والتكيلي داس الابنصي
وود الدغور مابي جيهة العربات
وقال من جاتنا الهواستن والبوابير البركة قلت
شادي حمارو اللبيض وخرجو متنتح
ولاف الشال رأسي( نعمنو صبي لابس الجكانة وعراقي رهيف وخانق جيب الساعة بي دبوس)
وخالف رجلو ويجبد في سجارة برنجيهو (ودخانو عاجي زي دخان المحلي في المحتني) واصلو موساعل
الفطور في سوق الباوقة والشاي في العمارة

من راس كرني وعتايت ولاد عمر
من صغيرة مصباح
ومن سلمية
والغربية اتملت عوان وجهال وناس دفسيبة ودغنة شديدة نزلو في الضيقة من ود عنقر
العرس لامي
والله يكفينا شر العقرب طرينا الشر لي بعدو

تمرت الدرب حتت
والضريسا ملت البوغة
والقرتي وأم سيسي وخشم البنات والبياض بقت حراويل ساااااااي
والدوم بقى مر ضانقيل لعب جوهال
إماراسك واللا البلي
راس الجزيرة زي قعرا
والسدر جحور صبرة
وعشوش القمري سكنا البوم
ويمة حدية أديني بنية
حدوق وبدوق
والبحر كشر
والجرف غشا الهدام
صبح تزكار
وجحور أم بور اتملت حصحاص
وأم قيردون يالحاجة
والطبق فاضي
مافيهو فد شيتا
يبل الشوق

وسام سيدي
والجمهور عماسو علي دماسو
وقع مد أبوهو واتحدر واتفن رجع أصلو
صبح صلصال

ياود حضري انت براك
والسادة حباني ليه ماجوني
سفر الجفا والتريد لي الهقال

لاتربال ولاورتي
والجابية سكنا عبد البحر
والباقي الله ياالجنون
وقيامة في فتوار موقدة فيا النار
مركب شيخ خليفة وود أبو الفتح والمشرع الابيض وبنات الحور
ابوي ابشر أبو بشرية
بزورك بي أم أربع كرعين وأحلق التفة
تلحقنا وتحضرني
ويارجال كدباس
وأبوي هايب النملة
وأبوي عبد الرحمن
وفوقنا قلوبة والغرقان

برينسة ود حمد
وطابونة كنون
والحواشات
والتحتانية
والوقيعلاب
والبشيراب
والمكوكة
وناس فرحين
شليلنا الراح
منو الختفو
وتشيل النمة
وتدلا
تخوجل عمدة
تلوك التمرة قبال ماتبقى قرام طير
ويترصو الجنيات ريقان
الجابودي والواندوب
ويتسولب جميع من كان
شبالنا يمين بي شرو
وزغرودة العينة تشق الليل تخج في النيل

وتغتس جوة الدالة وتبل الشوق
الكاج همل
والوليد مالو؟
مايقولو ليك غرقان
الوليد حرم اتوسد طين البحر اللك
صبح تاريخ ونبت نخلةتمرت الضيف
عماتو ماحضرن ولاخالاتو ولانحنا
جبنة الضحوي مادقت
وبليلة الفساخ ابت تتبل ولابتنجض
ولا قنقر ولابطيخ
ياناس سعلتكم الله
منو البزح الغمة الأبت تتدلى من سدري؟
منو البعزيني في نفسي ويطريني
حروف اسمي؟
وأبوي منو؟
وأمحمد خير زقيق الطير
وحكاوي الليل
ولنيل حنين بالحيل

اللمبة البتوقد بقت بق
أكلت خيتا كمل الجاز
حليل بن جاز
والديناب اتكبت ضلم
لا العنقريب
لا الترية مرقن
مرقن مطارق
والعقرب
وغابت نجمة الضيف

لدغ الحس والفرح حسب
والكبت كبتن
نلقط تمر الهبوب
يااالا نملا الليد
ويادوبو ما صفر ومرق أم نص
دفيقا ني
وما قرب يكون مقمول
وما معقول
مامعقول
.....................

منو البرجعني لي وسمي
ويلملم سفير جرفي وينورقني
ويديني ملاح سبروق
حرف كسرة مطنبج روب
ويسقيني دمر النيل أبل حلقي؟


سلام لي عموم أهل البلد من شرقيها لي غربيها
من التحتانية للفوقانية
من الترتور للنتايل فوق

للحضور الانيق ربطة عنق بنفسجية نوعا ما

ولي عودة

نور الهادي الخضر
راس كرني
Post: #111
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-12-2009, 09:19 AM
Parent: #110

Quote: " ... برضو اسأل عن خريجين معهد امدرمان ..ووثق ليهم لانهم كانوا بمشوا الى شندي بالارجل عشان يطلبوا العلم... " .


الأخ الحبيب منوت...
بعد السلام...
ياريت لو كان في زمن كنت فتشت الجماعة
ديل , وجيتكم بالخبر اليقين, لكن الإجازة
كملت, وياريت يستلم الراية واحد من الداخل...

تقبل سلام أهل الباوقة...
Post: #112
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-12-2009, 10:47 AM
Parent: #111

Quote: هل هى صدفة أن تنجب هذه البلد الجميلة

الشاعر الحسين الحسن
الشاعر تاج السر الحسن
الشاعر والصحفى فضل لله محمد
والأديب على المك (نصفه أمدرمانى لأمة وأبوه هيلنا )
والصحفى عبدالواحد أبراهيم..(خاتيك معاهم ساى ياعبد الواحد ماتصدق)


معقول يا حاتم تنسى الفنان الاستاذ العم صديق الكحلاوي ؟؟!!!
وتنسى مرشح رئاسة حزب الامة محمد حسن العمدة ؟؟! ( صدور منفوخ ويد متضرعة )
Post: #113
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-12-2009, 03:17 PM
Parent: #112

Quote: وتنسى مرشح رئاسة حزب الامة محمد حسن العمدة ؟؟! ( صدور منفوخ ويد متضرعة )


إضرَع سآكت يا ود العمدة, وما تنسي: المرحوم
أحمد عثمان المكي, ومحمد يوسف محمد, وعجيب
عثمان عجيب, والأساتذةالأجلاء عليهم رحمة الله
عمنا هواري, وأحمد عبده. رحم الله خالنا
حسن مصطفي المدير, الوقَف قطر الرئيس عبود
في حادثة فريدة من نوعها...
Post: #114
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-12-2009, 09:53 PM
Parent: #113

http://www.albawga.com/forums/


ده منبر جديد بأسم الباوقة يستحق الزيارة والتسجيل
Post: #115
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-13-2009, 10:10 AM
Parent: #114

نور الهادى..يأخى ده كلام جميل وكارب (ماالكارب البوليس) أرجو ان تتسع له قدرات ود مدينى اللحنية ويختو فى قالب غنا سمح..

لفحت الذاكرة لفح جميل بتمر الهبوب لأنو لهسع زعلان ومحتار فى الزول الكان بيسرق التمر البكومه فى حوش حبوبتى التومة بت حميديد وأنا طفل صغير..
Post: #116
Title: Re: الباوقة, سحر, وجمال, ومصير مجهول ... توجد صور ...
Author: nourelhadi awad
Date: 07-13-2009, 11:23 AM
Parent: #115

حاتم الياس
حتى اسمك يربطني بالمكان
شكرن ايها الاريب
وبعدين التومة بت حميديد
دا كلام جرانيس ياربي؟
اذا كان كدا يبقى التهمة لاحقاني
سلام ايها الجميل
Post: #117
Title: Re: الباوقة, سحر, وجمال, ومصير مجهول ... توجد صور ...
Author: زياد جعفر عبدالله
Date: 07-13-2009, 11:50 AM
Parent: #115

حاتم الياس:
Quote: المدير أبراهيم محمد حمزه أبراهيم ودحمزه الكاسر (حمزياب) وهم عمد الباوقة وأظن أن زياد ومعاوية هم أحفاد العمدة عبدالله ود أبراهيم..

لقيتونى كيف (نسابة فى عصر الأنترنت) مالم يصصحح المسافر المعلومات..

لقيتك كدا لكين ياحاتم
بالحيل ...
جدودنا كانوا عمد و ملوك...و نحنا هسع نتفرج على بلدنا بغرقوها ....
المخير الله!
Post: #118
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-13-2009, 01:53 PM
Parent: #117




يكاد قلبي يتفطر في هذه اللحظات,
وشنيطاتي تراهن ديل قدامي وهسع
قايم علي المطار...
الأخ زياد, إعتقد إنك في السودان
ووالله أنا من الأول لو كنت عارفك
كنت وصلت لعندك, عموما جحا قالولوا:
عد الموجات, قال: الجايات أكتر
من الراحات...
Post: #119
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-13-2009, 02:27 PM
Parent: #118




يا بلدي يا حبوب
أبو جلابية وتوب...

فتَك عافية, وخليتك في أمان الله...

الشكر أجزله لبورداب الخرطوم,
وتجدوني كلي أسف للذين لم تسعفني
الظروف أن ألتقيهم...

أبقوا عشرة يا ناس الباوقة,
وسأتواصل معكم من كندا
بمشيئة الله...
Post: #120
Title: Re: الباوقة, سحر, وجمال, ومصير مجهول ... توجد صور ...
Author: زياد جعفر عبدالله
Date: 07-13-2009, 11:10 PM
Parent: #118

Quote: الأخ زياد, إعتقد إنك في السودان
ووالله أنا من الأول لو كنت عارفك
كنت وصلت لعندك,

هو أنا يا معاوية كان كنتا في السودان ... عليك أمان الله ..كنت بخليك تفوت فوقنا ساااااكت كدي!!!!...
ياريت...والله ياريت لو كنتا في السودان...ترانا...نطفي نار الشوق بي جنس صوركم دي...البركة في سودانيزاونلاين دي!
ناوي يا معاوية...و النية نية الله...ناوي انزل السودان نهاية السنة دي بأذن الله..
Post: #121
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-15-2009, 07:31 AM
Parent: #120

Quote: هو أنا يا معاوية كان كنتا في السودان ... عليك أمان الله ..كنت بخليك تفوت فوقنا ساااااكت كدي!!!!...[/QUOTE
ٌٌاياهه المحرية فيك يا زياد...
كتر خيرك كتير...
Post: #122
Title: Re: الباوقة, سحر, وجمال, ومصير مجهول ... توجد صور ...
Author: سيف اليزل برعي البدوي
Date: 07-15-2009, 03:38 PM

ود المدير

ربنا يوصلك بالسلامة

وترانا في إنتظارك


سيف
Post: #123
Title: Re: الباوقة, سحر, وجمال, ومصير مجهول ... توجد صور ...
Author: سيف اليزل برعي البدوي
Date: 07-15-2009, 04:12 PM
Parent: #122

وبرضو البركة فيكم في العمدة حمزة


سيف
Post: #124
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-16-2009, 09:42 AM
Parent: #123

Quote: وبرضو البركة فيكم في العمدة حمزة


البركة في الجميع يا سيف...

وصلت بحمد الله وانا الان في كالقري...

خليك جنب التلفون...
Post: #125
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-16-2009, 10:06 AM
Parent: #124




هو نحن من غير سد شوفوا الهدام عامل فينا شنو!!!

قالوا استثنونا!!!

عليكم الله نقول شنو???
Post: #126
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-16-2009, 10:19 AM
Parent: #125




قلنا مصير مجهول!!!?
اغتيالات وفتن من سيربح ومن سيخسر
ولحساب من???
رحم الله الشيخ حمزة ابراهيم
ولعن الله من سعى لزرع الفتنة...
Post: #127
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-16-2009, 12:20 PM
Parent: #126




متى سينقشع هذا الظلام???...

البادراب وقد لفها الحزن...
Post: #128
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-16-2009, 05:10 PM
Parent: #127

Quote: يأخى ده كلام جميل وكارب (ماالكارب البوليس)


يا سلاااااااام يا حاتم ياخ عمنا دا حسع وين ؟

بالله لو لقيتو خلي يرسل لي الردا حقي والسفنجة ..

زمان كنا بنعوم في 400 جنب طاحونة ناس عم احمد عبد الله عمنا ج براااااااااحة خم الهدوم واخوك ما يطلع الا في التحتانية فلليى

ايام والله
Post: #129
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-16-2009, 07:49 PM
Parent: #128

معقول ياود العمدة ماعارف الكارب وين..تجى وتقعد مع ناس ودلول ووالجعلى ود السيد وجون والراجل قاعد فى الكيايه جنب ناسكم..الكارب متزوج بت عثمان النقر..خلى اليرجع ليك هديماتك ونعلاتك..وأنا محمود ودالبرعى طالبه (غرقه) غرقنى ليها فى بدايات تعليمى العوم وبديت (أطلق الطين) أخدت ليه شقه صغيره وجيت فتران داير اقيف فى الحجره..دفرنى رجعنى تانى..وجمبلغ غرته وبقيت أرفس فى المويه وأدافر للطلعة وهو يضحك ويعاين لى..وتانى قام جبدنى للحجرة وهاك ياسب دين وشتيمة منى...(الوكت داك سادسه أبتدائى يعنى مرفوع عنى)..المهم دى كانت مبادئى تعليم السباحة وكورس مجانى على طريقة (جون) محمود ود البرعى...


والجمال والذوق فى المخازن فوق..
Post: #130
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-16-2009, 09:45 PM
Parent: #129

Quote: تمرت الدرب حتت
والضريسا ملت البوغة
والقرتي وأم سيسي وخشم البنات والبياض بقت حراويل ساااااااي
والدوم بقى مر ضانقيل لعب جوهال
إماراسك واللا البلي
راس الجزيرة زي قعرا
والسدر جحور صبرة
وعشوش القمري سكنا البوم



دغشا بدرى فوق المشرع المصيوب
لقيتها هناك واقفه تصارع الآلام
قلت سلام
قالت لى مرحب بيك
كسر دفارتى عاتى الموج
وقصر أجلى عرقا خاوى والهدام
بقيت يا الله أمسك...فى بعضى وأتلملم
أكان أقدر أشابى وأقوم
يا ولدى الزمن ماراح
زمنكم هادى شوم وغشوم
خلونى الصبين راحوا
شالوا البقعه والخرتوم
خرابات تمرى تسمع فيها
خاوى الريح وصوت البوم
حليل الكانوا ناس همه ويقينهم تام
حليل الكانوا بصدورهم
بصدوا الشيمه والهدام
حليل الكانوا فى درك الظلام
يتبنوا ويفقدوا الأيتام
حليل الكان تقاويهم
مصوبره قبله للعدام
آه أه يا ولدى إيدك جاى
كان أقدر أقوم لى فوق
ترابة جسمى من زمنا بعيد
نشفت وعدمت الماروق
وتمرى الكان زمان شامخ
وعاتى مواسى روق فى روق
صبح ميت نشف
يا ولدى عدم التمره والكروق
عميرى كمل بعد ما حاسه
إنو خلاص نشف دمى
حليل زمنى والغناى
أغنيلى يجر نمى
يا خالى ويا عمى النروح الباوقه
اليروق دمى
ومن نخيلى إشيلو طرحه
ومن لذيذ تفاحى أرمى
حليل زمنى هجرونى ولفظونى
منو البقدر يشيل همى
ومنو الداير يشيل همى
Post: #131
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-16-2009, 09:51 PM
Parent: #130

كدى قول لى إنت منو وجيت من وين
جنايا ليك كت فى الغربه لى سنين
وجيت الليله أكرف ريحتك
وأحضن جرفك الراسى ورزين وحنين
أقالد أهلنا الطيبين
وأنشد جملة الغايبين
يرجعو للديار سالمين
يشدوا الساعد المليان
يمرقوك يمه من وحل المطر والطين
يا ولدى...السواى مو حداث
منو البقدر يشق بحرا
متسب وطين
منو البقدر على الواسوق
والسلوكه والكاردين
منو البقدر يساسق يوت
بين الجول وسام اللمين
خلاص أدمنتو عيشة اللين بقيتوا
سراب وسجمانين ورمدانين
أرقدو عوافى قوموا عوافى
نحن ترانا مستورين
أقولك قول كدى أسدر فوق
وعقب أغشانى لا تنسى
Post: #132
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-16-2009, 10:00 PM
Parent: #131

ودعتك الله يا يمه
قليبى عليك من تبيت
لا بنساك ولا بقسى
وبالدرب التحت شاققت
كان فى المدرا إتمسى
مشيت ومشيت مشيت وفتر
لا حس طير ولا صوت زول
ولا فى الواطه شفت أتر
يقيت فى شقوقا إتعتر
وحاصرنى الغبار والحر
وقفت أناشد الفضل من الشرام
جناينا بالتمور والمنقه
كانت زاخره طول العام
دى كانت قبله للعدام
وكانت ملجأ للأيتام
وناسا كانوا فوق عزا
مكمل وتام
يخلفو الساق فوق الساق
يرقدوا ويكرفوا النسام
حواشاتم حواها
المشرق الرويان ود لقاى
وللعاقو الزمان وجفاهو
صوت قمريها كان هداى
وطيت قدمو لى ديارا
ينادوا الناس هوى يازول
تعال بى جاى وقرب جاي
هى كانت للبطش هداى
وكانت للحزين واساى
Post: #133
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-16-2009, 10:11 PM
Parent: #132

لعرب...من الضهارى بجوها
بالنغم الطروب
يملوا بالأموال جيويبهم
وأغنو من تمر الهبوب
بى مرح تقدل جمالهم
والسعون مليانه روب
ينسوا لفحات السمايم
والمعاناة والكروب
طيف خيالهم فوقى حايم
طفت فى كل الدروب
طفت أنشد جملة العابرين
وناسا فى السراب داقسين
هوى يا ناس وين
المتره والحاجاب وسام اللمين
وين تنقوره والبيضه
وين الكانوا...بعزو التراب والطين
وين الكانوا ناسا خلقه مسرورين
هوى يا ناس هوى يا ناس ما سامعين
لقيتهم فى لا سالين ولا ناشدين
وقفت حزين وحزنى حزين
وصدى صوتها الحنين ورزين
تسرب فى دواخلى أنساب
وداعب كل أوتارى
وخدر لى أحاسيسى
وعزف نغمات بمزمارى
حزينه تقول عقب أغشانى
ما تنسى
كان بتعز صحيح دارى
بدور الرجعه ليك يا يمه
أدوبيك شوق فى مسدارى
لكنى لقيت دروب الرجعه
فى عينى ما واضحات وما دارى
جرف الخدره فى ربوعك
بقى صحارى
وحسيت إنو دمع
الحسره فى عينى متضارى
وسموم الحرقه يوقد فى لهيب نارى
ومشيت هايم ألملم
من هجير الصى...فى أوزارى
وما دارى وما دارى وما داري




اخي نور الهادي عوض...
السلام يغشاك وما تطول مننا...
Post: #134
Title: Re: الباوقة, سحر, وجمال, ومصير مجهول ... توجد صور ...
Author: nourelhadi awad
Date: 07-17-2009, 08:15 AM
Parent: #133

ود المدير
عوافي اريت حالك زين
شهاني نضمك شيتاتن كتار بالحيل

الغربة ياود المدير
فسلة
ترانا ندور بلا التور الدخلاني
والجابية قاطة

شن السوا؟؟

وزي ما قال الغناي
تلقى الزمن غير ملامحنا
علا في القلب في القلب


علا الجبر

بجيك صادي
نور الهادي الخضر
السليمانية
راس كرني
Post: #135
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-17-2009, 07:02 PM
Parent: #134

Quote: ود المدير
عوافي اريت حالك زين
شهاني نضمك شيتاتن كتار بالحيل


بسط تب. نحمد الله...


الكاوياني بنارا
باظ عثمان الشيخ شالا...

شديرة المحنة وبليلة البادرابي...
وناس الصبرة والباحصين
راكبين فوق جمال الطين
شالوا البقعة شن دايرين
وبهدل رايهن ابراهيم...
(ابراهيم ود الكاسر)...

حبك زايد الامنا
وجننتينا يا امنة
حرام تنسيها ايامنا...

لقيتك قلبك حنين قلت اسرح بيك
شوية يا نور الهادي اخوي...




عليك الله شفت البانطون
ده كاشح الموية دي كيفن!!!
Post: #136
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-17-2009, 07:08 PM
Parent: #135




يا باوقة حمد والامين
يا الله تجيبو نور العين...
Post: #137
Title: Re: الباوقة, سحر, وجمال, ومصير مجهول ... توجد صور ...
Author: سيف اليزل برعي البدوي
Date: 07-17-2009, 08:19 PM
Parent: #136

ود المدير

حمد لله علي السلامة

مجهود رائع

راجيك جنب التلفون


سيف اليزل
Post: #138
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-17-2009, 08:47 PM
Parent: #136

اوضح لي احد اهالي الباوقة الاتي:

اولا: ناس السدود قرروا الالتزام بكلام السيد الرئيس. في حين
ان ناس الباوقة قرروا تعيين تيم مهندسي مساحة يقوموا بتوضيح
الكنتور الذي يخرج الباوقة من نطاق الغرق نهائيا, ويقوموا
بتقديمه لهيئة السدود( يعني مستندات دامغة ), واذا رفضت هيئة
السدود الالتزام بالكنتور الذي يخرج الباوقة, سوف نرجع للمربع
الاول, وهو معارضة السد. علما بان قيام اي سد في الشريق سيطيل
الباوقة بالغرق...

ثانيا: هنالك ثلاث كناتير: 34, 45, و49...
اذا تم تنفيذ الكنتور 49 سوف يغمر الماء مدينة عطبرة ويمتد
حتي منطقة سيدون على نهر اتبرا...

ثالثا: اذا تم غمر الباوقة, والعبيدية, وكدباس, حد السلمة, غمر
شامل للباوقة, الكهرباء المنتجة ستكون في حدود ( 420) ميقاواط,
علما بانه هنالك مهندسين مشككين في هذه الكمية, واوضحوا بانها
لن تتعدى ال ( 315 ) برغم كل الغمر. اما في حالة استثناء الباوقة
فسيتم غمر ( 161 ) الف فدان من اخصب الاراضي لتوليد ( 250) ميقاواط...

رابعا: اذا تم الالتزام بالكنتور ( 43 ) ونفذ, سوف يغمر الباوقة
جزءيا ويصل الغمر حتى منطقة السوق, يعني الباوقة الاصل غتست تب...
Post: #139
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 08:03 AM
Parent: #138

Quote: يا حاتم ود المدير دا ببقى لي ناس عمنا محمد الامين الكاسر شنو


ياود العمدة نفر الكلام ده بيجيب لي اللوم, من نعمني بليد في الحتة دي...
Post: #140
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 08:44 AM
Parent: #139

Quote: الجول ..فطيتو مالك فى رحلتك دى كمان لو جبته صور من جزر السليمانية تكون حاجة جميلة....


ودي كمان, بتحسسني اني مجربن باللوم من راسي لي كرعي ... غايتو اعذروني بس ...
Post: #141
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 09:54 AM
Parent: #140
Post: #142
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 09:57 AM
Parent: #140

nevermind...
Post: #143
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 09:58 AM
Parent: #140

اسف للتكرار...
Post: #144
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-18-2009, 11:31 AM
Parent: #143

Quote: والجمال والذوق فى المخازن فوق



دي حقيقة ...

بنية من فتوار موقدة في النار من لهيب الشوق ابكي ليل ونهار ...

دا البكاء الحراق
Post: #145
Title: Re: الباوقة, سحر, وجمال, ومصير مجهول ... توجد صور ...
Author: عبداللطيف حسن علي
Date: 07-18-2009, 12:13 PM
Parent: #144

Quote: الشكر أجزله لبورداب الخرطوم,
وتجدوني كلي أسف للذين لم تسعفني
الظروف أن ألتقيهم...




لو بتحضر الكورة في البيت بنجيك ، فشلنا مرتين بعد وصلنا خشم الباب !
Post: #146
Title: Re: الباوقة, سحر, وجمال, ومصير مجهول ... توجد صور ...
Author: nourelhadi awad
Date: 07-18-2009, 04:09 PM
Parent: #145

ياعبد اللطيف
الصورة بتاعت البروفايل مبالغة


ود المدير
حالنا وحال البلد واقف
حكمنا نشق اللين وخزان يخسر



سلام
Post: #147
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-18-2009, 04:15 PM
Parent: #146

كدي يا ود الياس جرب الروابط دي

http://www.albawga.com/songs/al7ori/om_nakheel_gana.mp3

http://www.albawga.com/songs/al7ori/almomaridat.mp3


نور الهادي باقي ليك الفي الصورة دا ولد ولا بت ؟!

غايتو الا كان بنات الزمن دا ما بنعرفن ...
Post: #148
Title: Re: الباوقة, سحر, وجمال, ومصير مجهول ... توجد صور ...
Author: nourelhadi awad
Date: 07-18-2009, 04:39 PM
Parent: #147

محمد حسن
غايتو كان شربت بت
وأكان شرب ضكر

واللا ماياهو؟
Post: #149
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 04:52 PM
Parent: #148

Quote:
بنية من فتوار موقدة في النار من لهيب الشوق ابكي ليل ونهار ...

دا البكاء الحراق


صادفها اسماعين
دق بوري حنين
خلا ارض الجول
في وحيح وانين...
Post: #150
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-18-2009, 06:32 PM
Parent: #149

اتاريك انتي يا دنيا
لسه فيكي ناس طيبين
تمد ايديها للمسكين
تنور بالفرح دربو
وتعيد من عمرو تاني سنين

عايش وحدي في حيرا
وتاري الدنيا بي خيرا
Post: #151
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 09:36 PM
Parent: #150

Quote: لو بتحضر الكورة في البيت بنجيك ، فشلنا مرتين بعد وصلنا خشم الباب !


حبابك الف الا وليدك المشوطن ده لاتجيبو
معاك, باقي انا زولا راسي ده صلعة...

ياناس انتو تاريكم في الخرتوم?
Post: #152
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 09:52 PM
Parent: #151


[IMG]http://www.sudaneseonline.com/u1/hostat1.gif[/IM
غايتو ده صبي...
Post: #153
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 10:04 PM
Parent: #152

Quote: ود المدير
حالنا وحال البلد واقف
حكمنا نشق اللين وخزان يخسر


ما تخاف اكان تكس بنديهو حريتو...

الله يكافينا شر ناس فيها والا اطفيها...
Post: #154
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 10:27 PM
Parent: #153




يا حليل زمن الرماي...

الحاج ود امحومد ود ياسين يطعم في جبادتو
بي عجوة, فيصل ود مكي قالوا: ده شنو يا الحاج
داير تقبض لك بشاري... (طبعاالبشاريين بيجو
الباوقة للتمر...
Post: #155
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-18-2009, 10:44 PM
Parent: #154




Quote: عايش وحدي في حيرا
وتاري الدنيا بي خيرا


برضو الباوقة بخيرها...
الله يكافينا شر خلقو...
Post: #156
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-19-2009, 08:08 AM
Parent: #155




خالنا اب سلوقة يحشلو في قش
واطه لبهايمو...
Post: #157
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-19-2009, 08:13 AM
Parent: #156

البوست سرب الى أحساس غريب ومحزن...(لكأننا ننعى الباوقة قبل ان تغمرها المياه وتصبح نسياً منسيا)
Post: #158
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-19-2009, 08:16 AM
Parent: #156




الغروب يسالني عنك
وامسياتنا في شوق اليك...

والله مشــتاقيـن...
Post: #159
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-19-2009, 09:31 AM
Parent: #158

البوست سرب الى أحساس غريب ومحزن...(لكأننا ننعى الباوقة قبل ان تغمرها المياه وتصبح نسياً منسيا)

افو يا ود الياس, ده كلام شنو ده ???

انا غردي من البوست, انو اولا بالتبادي يكون ديوان لينا نحن ناس
الباوقة نستقبل فيهو ضيوفنا, ونجتر فيهو الذكريات, ونناقش فيهو
قضايا منطقتنا...

وكمان نناقش فيهو موضوع الغراق زاتو, ونقيف مع اهلنا الكلهم تقريبا
رافضين الغراق, والحمد لله الذي انعم علينا بهذا المنبر حتي نتصدى
من خلاله لاي سهام غدر توجه صوب امنا الحبيبة باوقة حمد والامين...
Post: #160
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-19-2009, 09:43 AM
Parent: #159

Quote: البوست سرب الى أحساس غريب ومحزن...(لكأننا ننعى الباوقة قبل ان تغمرها المياه وتصبح نسياً منسيا)


يا شيخ استهدى بالله دا كلام شنو يا ود الياس

للباوقة رب يحميها من هؤلاء المجرمين اعداء الجمال والانسانية

باذن الله سوف يرتد كيدهم في نحرهم باذن الواحد الاحد الفرد الصمد
Post: #161
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-19-2009, 09:51 AM
Parent: #159




والله حكوا لي في مشيتي الباوقة الفاتت دي, طفلة من اطفال الباوقة
امها قالت لها: الباوقة دايرين يغرقوها! الطفلة سالت: ونحن حايعملولنا
شنو?. امها قالت لها: حايطلعونا منها!. الطفلة قالت لامها, لكن يمه
نمرق نخلي جدي يغرق?...
( جدها مات ومدفون في مقابر الباوقة )...

البنطون ده داخل الباوقة. يا اخوي ود الياس اطرد الشيطان
من قلبك وابقى راكب...
Post: #162
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-19-2009, 10:10 PM
Parent: #161




معقولة يوم من الايام الخروج ده
يكون من غير عودة???

البيقولوا كلام اخير يعقلوا...
Post: #163
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-19-2009, 11:02 PM
Parent: #162




قمنا جماعة ركبنا اللوري
عليك يالباوقة القصاد ارتولي...
Post: #164
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-20-2009, 08:05 PM
Parent: #163

Quote: ياجماعة يجب استمرارية هذا البوست


عليك الله ياود الباوقة دى بلد يرحلونا منها لوادى الحمار


ترانا جينا قافرنك يا حاتم الياس,
والله ما بنخليك براك للشيطان يلعبك.
جيب صينية فطورك وشاهيك وتعال لاحقنا
علي الديوان. يا اخوانا انتو وليد
شريف وين???...
Post: #165
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-20-2009, 08:12 PM
Parent: #164





التبليج...
Post: #166
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 07-20-2009, 08:12 PM
Parent: #164

اخوانا انتو وليد
شريف وين???...

حي يرزق ..

معاوية يا اخوي محمد خليفة خبرو اشنو ؟؟؟
Post: #167
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-20-2009, 08:22 PM
Parent: #166

Quote: حي يرزق ..

معاوية يا اخوي محمد خليفة خبرو اشنو ؟؟؟


خليك صاحي, هسع بضرب لك تلفون...
Post: #168
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-20-2009, 08:29 PM
Parent: #167




ابوي قال ليا
واخوي قال ليا
نبيع الساقية
ويعرسوا ليا...
حرق بنار الكماين ديلا...
Post: #169
Title: Re: الباوقة, سحر, وجمال, ومصير مجهول ... توجد صور ...
Author: زياد جعفر عبدالله
Date: 07-20-2009, 10:55 PM
Parent: #168

Quote: البوست سرب الى أحساس غريب ومحزن...(لكأننا ننعى الباوقة قبل ان تغمرها المياه وتصبح نسياً منسيا)

أعترف انو والله جاني نفس الأحساس
مشيت للحاجة..ربنا يديا العافية..و قلتا ليها:(عايني يا أمي صور الباوقة..يمكن تكون دي صور توثيقية قبال ما يغرقوها)
والحاجة من بربر لاكين حزينة جدا لأهل الباوقة و أراضيهم و نخيلم..
...
بالمناسبة يا معاوية..أبوي قال رايح الباوقة في اليومين ديل...يمكن تلاقيو
Post: #170
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-21-2009, 00:52 AM
Parent: #169

Quote: بالمناسبة يا معاوية..أبوي قال رايح الباوقة في اليومين ديل...يمكن تلاقيو

يا زياد, ان شاء الله ربنا يجمعنا في ساعات الخير, وفي الباوقة.

اذا انهزمنا نفسيا تبقي مصيبة كبيرة, عشان كده نحن ما دايرين
اي جهة تهزمنا نفسيا او على ارض الواقع, وزي ما قلت ليكم البوست
ديوان نتونس فيهو ونناقش فيهو هموم منطقتنا واهلنا.
امسح دموعك يا زياد, ونحن ما عاش راجل يخلي دموعنا تسيل فوق
خدودنا, والداير دمانا تخضب نحورنا اليجي...

كنت اتمنى اقابل الوالد, لكن انا الان في كندا مدينة كالقري...
Post: #171
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-21-2009, 01:08 AM
Parent: #170





فاطمة ترفض الغراق وبشدة...
Post: #172
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-21-2009, 01:25 AM
Parent: #171





Quote: ياحليل البلد يا حليل جميع سُكانا
يا حليل ام نخيل والقَدلة في حيشانا
يا حليل النِمَر يا حليل فريقنا برانا
يا حليل ام مساير الأنجبت رُمانا
Post: #173
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-21-2009, 08:31 AM
Parent: #172





مشيت للعمدة قال لي ما بمضى

طريت الزول الحماني الغمـدة...
Post: #174
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-21-2009, 08:38 AM
Parent: #173





مشيت للقاضي قال لي ما فاضي

طريت الزول القميصو رمادي...
Post: #175
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-21-2009, 09:13 AM
Parent: #174





الامومة مع الطفولة

رسالة ترمز للمحبة...
Post: #176
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 07-21-2009, 11:07 AM
Parent: #175

معاوية..

الصورة دي بالشرق مش كدا ..
Post: #177
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-21-2009, 11:55 AM
Parent: #176

[/IMG]




بيوتناوساقيتنا...النقراب
Post: #178
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-22-2009, 07:45 AM
Parent: #177

Quote: معاوية..

الصورة دي بالشرق مش كدا ..


بالحيل يا ود الباوقة,

فوق المشـرع ...
Post: #179
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-22-2009, 07:51 AM
Parent: #178

Quote: بيوتناوساقيتنا...النقراب


وين الصـورة يا حاتم الياسـ???...
Post: #180
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-22-2009, 08:06 AM
Parent: #179





يا حليل يوم السوق,

كان يومـ...
Post: #181
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-22-2009, 08:16 AM
Parent: #180





بلادي انا...
Post: #182
Title: Re: الباوقة, سحر, وجمال, ومصير مجهول ... توجد صور ...
Author: malamih
Date: 07-22-2009, 08:44 AM
Parent: #180



سلام يا أهل الباوقة سلام..

شفت بالحيل خضرتكم و تموركم و زراعتكم و بلدتكم السمحة..

وجاني سئوال إيه الأهم .. الكهربه ولا البلاد العامرة بي خيراتها..!

يعني إيه ينتجو 315 ولا 415 ميغا ويغرقوا كل المناطق الجميلة بي تاريخها و خيرها.. هذه ليست تنمية بل تدمير ...! لو كان الغرض أصلآ كهربة فما أسهل و أرخص من إقامة المحطات الكهربائية الجاهزة..
وثانياالناس ديل عايزين ينتجوا 400 ميغا لشنو ولمنو.. دي كمية كبيرة خلاس
إلا إذا قرروا عمل مفاعلات نووية في الشمالية..
اللهم لا تتم مرادهم بجاه نبيك محمد لا تتم مرادهم ..
Post: #183
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-22-2009, 09:24 AM
Parent: #182

Quote: اللهم لا تتم مرادهم بجاه نبيك محمد لا تتم مرادهم ..


اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
Post: #184
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 07-22-2009, 10:57 AM
Parent: #183



معاوية ..

سبحان الله ..

تحت هذه ( النيمة ) كان يجلس القرفيط ( رحمه الله )

وكان السوق وقتها يعج بالمتسوقين من كل فج

عميق ..

اين قهوة الحاج ود جعفر..

اين طابونة اب زينبية


اين جزارة ود رحمة ..



راجع ليك ...
Post: #185
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-22-2009, 09:36 PM
Parent: #184

Quote: Quote: اللهم لا تتم مرادهم بجاه نبيك محمد لا تتم مرادهم ..



اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
اللهم آآآآآآآآآآمييييييييييييييييييييييييييييييين
Post: #186
Title: Re: الباوقة, سحر, وجمال, ومصير مجهول ... توجد صور ...
Author: Osman Musa
Date: 07-22-2009, 11:49 PM
Parent: #185

العزيز معاوية المدير ؟
نعم ياهو
جلس بجوارى
فى حفل مطعم لافوشى تلك الليلة الخرتومية الجميلة .
كيفك ؟
سلامات .
والله كانت سعادتى كبيرة بالتعرف عليك .
أنشاءالله تكون وصلت الى البرتا شديد . ( السودان جميل المسكين )
والباوقة تظل بلاد التفاح والجمال .
تحياتى وكتير سلامى
Post: #187
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-23-2009, 09:58 AM
Parent: #186

Quote: وجاني سئوال إيه الأهم .. الكهربه ولا البلاد العامرة بي خيراتها..!


اخيmalamih...

الناس ديل عاملين بمبداء, البلاد بخيراتها تطير,
والمقصود ليست منطقة الباوقة وحسب, انما يجب اخلاء
الشمالية برمتها, هنالك مؤامرة تحاك. لمصلحة من?
الله اعلم...

اهلا بيك في ربوع الباوقة اخي malamih...
Post: #188
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-23-2009, 11:03 AM
Parent: #187

Quote:





صورة اخرى للسوق يا ود الباوقة...
وفي ضل الصباح هنا كان يجلس اعيان البلد:
حسن مصطفى المدير, العوض ود حاج الخليفة,
المدير ود الشيخ, اب زينبية, وغيرهم...
Post: #189
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-23-2009, 12:18 PM
Parent: #188

http://www.albawga.com/songs/al7ori/om_nakheel_gana.mp3
Post: #190
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-23-2009, 01:21 PM
Parent: #189

معاوية المدير ..الصورة التى لم تنزل هى الصورة التى أخدتها من الشرق (العبيدية) ويظهر فيها البنطون فى طريقه للشرق أو فى طريقه للمشرع وكنت قد عينت منطقة المشرع بالتحديد والمسمى فى الأصل (بمشرع ود النقر) جدى لأمى من الجهة اليمين مكان القهاوى الظاهره الفيها ناس حقار بيوت (بابكر عبد الماجد خالى ووالد أبشر بابكر عبد الماجد أبن خالتى ومن اليسار (جنينة) ناس الشيخ الجعلى التى أهداها لهم جدنا ود النقر وأقتطعها من ساقيته (مكان المشرع تحديداً هو مكان سكن أهلك النقراب وتسمى المنطقة بقوز النقراب لعلؤها وهى بالفعل منطقة عالية حيث يصادف أن ينكسر (الترس) فى مناطق كثيرة ويهدد المخازن ولايشكل تهديد للقوز..لكن (النز) أثر فى البيوت وهجر القوز للأسف وهو مرتع طفولتى وكنوز ذاكرتى الجميلة وبيتنا فى الباوقة يوجد فى النمر (الكيايه) لصق جامع القادرية مباشرةً..حبيت أنزل الصورة حتى (أتبوبر) بها هنا وأقول لأهل البورد بأن ذلك المكان الجميل هو بيتى ومراتع طفولتى جزء من طفولتى..

ياود الباوقة بالله (دويرانية) على المكان ده ويشمل المشرع والعدلن وقوز النقراب للصورة الماخودة من الشرق

________

الشرق (يقصد به بلدة العبيدية)
الترس (معروف وهوالسدود الترابية التى تحمى اليابسة من يضان النهر)
النز ( الماء الذى يتسرب من باطن الأرض ويؤثر على جدران البيوت بشقوقه العميقة ويجعلها تنهار مع الوقت)

طبعا دى معلومات من زول ود الباوقة صاح لكن مولود فى الدايات أمدرمان (لاسقنا) قبل كده لاجاتنا (سلكه) لكن السبيرتو جربناهو هههههههههه يعنى زى ود العمده ده ود مدن ..
Post: #191
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-23-2009, 06:47 PM
Parent: #190

Quote: طبعا دى معلومات من زول ود الباوقة صاح لكن مولود فى الدايات أمدرمان (لاسقنا) قبل كده لاجاتنا (سلكه) لكن السبيرتو جربناهو هههههههههه يعنى زى ود العمده ده ود مدن ..
(عدل بواسطة حاتم الياس on 23-07-2009, 02:21 م)
(عدل بواسطة حاتم الياس on 23-07-2009, 02:26 م


والله يا ود الياس, السبيرتو ده كان يلصق الرقعة في اللستك
ما يفكها الا الجليل الرحيم, الكان جابرك عليهو شنو??...

شايفك عدلت مرتين, غايتو الاولى دي تبقا لي سنر, علا التانية
دي ما عرفتها?. بعدين (السلكة) بفتح السين طبعا, مالك ما شرحتها,
والا راجي ود الباوقة يجي يشرحها??...

قعدت تضحك يا المطموس مو كدي??...
Post: #192
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-23-2009, 07:21 PM
Parent: #191

Quote: بعدين (السلكة) بفتح السين طبعا


الزبيرتو عرفتو لكن السلكة دي غلبتني تب يا ود المدير
Post: #193
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 07-23-2009, 07:48 PM
Parent: #192

وفي ضل الصباح هنا كان يجلس اعيان البلد:
حسن مصطفى المدير, العوض ود حاج الخليفة,
المدير ود الشيخ, اب زينبية, وغيرهم...

والعم عباس ود سليمان ( رحمهم الله جميعا )
Post: #194
Title: Re: الباوقة, سحر, وجمال, ومصير مجهول ... توجد صور ...
Author: طارق جبريل
Date: 07-23-2009, 08:03 PM
Parent: #193

اذيتنا اذي بي صورك
حليل شبا والبركل
حليل دكان ود تميم
حليل عمتي حواء بت الخضر ود كنيش
حليل الطيب ود قرن عمي
Post: #195
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-23-2009, 09:04 PM
Parent: #194

بالمناسبة يامعاوية المدير (ودالمدره) حقو تخت أيميلك أو اى أيميل خاص لمشاركة المتابعين من خارج الموقع..

ياود العمدة يقول ليك الزول ده (سايق البوغه) ومنها سواقة ويسوق اى يزرع ده اٍذا ماصححنى أيضاً المسافر..

السلكة بفتح السين أوربما كانت (الصلخة) ..ودى ماعاتق ود الباوقة من شرحها تب.
Post: #196
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-23-2009, 10:14 PM
Parent: #195

Quote: السلكة بفتح السين أوربما كانت (الصلخة) ..ودى ماعاتق ود الباوقة من شرحها تب.


يا ود الباوقة تعال اشرح. الليلة امانة ما وقع راجل...

يا ود العمدة, اوعك تركب الحمارة عري...(عري) بكسر

العين والراء...
Post: #197
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-23-2009, 10:31 PM
Parent: #196





يا ود جبرين, عليك الله عاين التمر دا!

كانوا عارف دايرين يصوروهوا, وكل تمرة

دايرة تجي قدام عشان تظهر...
Post: #198
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-23-2009, 11:05 PM
Parent: #197

Quote: والله كانت سعادتى كبيرة بالتعرف عليك .
أنشاءالله تكون وصلت الى البرتا شديد .


اخي عثمان, بمجرد قعدتي جنبك حسيت كاني
بعرفك من زمان بعيد يمكن عشان منطقتكم قريبة
من اتبرا, ويمكن نكون اتقابلنا في سوقها العامر...

بحمد الله انا الان في البرتا. اذا كنت وصلت الى
نيويورك, تلفوني في البروفايل عليك الله اتصل
خلينا نتواصل...
Post: #199
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-24-2009, 01:14 AM
Parent: #198

Quote: الزبيرتو عرفتو لكن السلكة دي غلبتني تب يا ود المدير


يا ود العمدة, بفتح السين واللام, بعد ده كان ما عرفتها

ارجى ود الباوقة, ودبنو جا اعمل بنصيحتي وماتركب الحمارة

عري, يعني من غير سرج او لبادة. اها دي ساعدتك فيها...

انتو يا اخوانا سبق الجوع مرق? . كدي اسالو لناالقمرية...
Post: #200
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-24-2009, 01:25 AM
Parent: #199

[email protected]

اعلاه ايميلي لمن اراد المشاركة

من خارج المنبر...


[email protected]
Post: #201
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-24-2009, 01:44 AM
Parent: #200





بنية نفيسة ومدرعة ديسها

ترد الروح ان بقت ما فيشا...
Post: #202
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-24-2009, 07:55 AM
Parent: #201

يا وليد الحوري كان ادق من

الكاميرا في الوصف...

نسال الله له الرحمة والمغفرة...
Post: #203
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-24-2009, 08:06 AM
Parent: #202

للمشاركة من خارج المنبر:

[email protected]
Post: #204
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 07-24-2009, 09:37 AM
Parent: #200

يا ود الباوقة تعال اشرح. الليلة امانة ما وقع راجل...

يا ود العمدة, اوعك تركب الحمارة عري...(عري) بكسر

العين والراء...

ود الياس ..

درسنا جزء من الابتدائية في مدرسة النمر

النور حبوبة قبل ان يتم نقلنا الى

المدرسة الجنوبية . كان معي ابن عمي
محمد حسن عبد القادر ( رحمه الله )

لكن تفاديا للسلكة ولطول المشوار من الدويحية

للنمر كنا ( نخت ) بردعة تفاديا للسلكة ..

على فكرة يا معاوية ناس ود ( سلكة ) ما مشيت

عليهم في جيتك دي ..

اها يا حاتم ارتحت ....
Post: #205
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-24-2009, 04:32 PM
Parent: #204

http://www.albawga.com/songs/al7ori/jal_almalik.mp3

عبد الكريم الحوري
جل المالك
Post: #206
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-24-2009, 07:02 PM
Parent: #205

ود الباوقة شكراً يأخ..ماقصدت أبداً أعصر عليك فى قصة الشرح ..لكنود العمده شبكنا دى شنى وكيفنها..

على العموم معاوية بقوم بدور مهم هنا وأرجو منا جميعاً ان نسجل صوت شكر وتقدير لولدنا الذى اجتهد وصمم موقع للباوقة حفيد على أحمد الحسين وأبن أخ بدرالدين ومحمد على..قاعد يقوم بدور كبيرللتعريف بالمنطقة ثقافتها وفنها وأهلها أرجومن الجميع الوقوف معه..


وكل مناي...http://www.albawga.com/forums/showthread.php?t=39
Post: #207
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-24-2009, 08:03 PM
Parent: #206

[/IMG]
Post: #208
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-24-2009, 08:06 PM
Parent: #207
Post: #209
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-24-2009, 08:10 PM
Parent: #208

شيل شيلتك يا معاوية
بت الجيلي قالت ليك لييييييييييييييييه
ما صورت الدويحية .
Post: #210
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-25-2009, 07:40 AM
Parent: #209

Quote: اذيتنا اذي بي صورك
حليل شبا والبركل
حليل دكان ود تميم
حليل عمتي حواء بت الخضر ود كنيش
حليل الطيب ود قرن عمي


إنها القرية يا ود جبرين
ناس زينين وريحة طين
كلها طابعها واحد, وذكرياتها
جميلة.
خليك معانا بجاي لا تمشي بعيد...
Post: #211
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-25-2009, 08:03 AM
Parent: #210





وحياة إبتسامتك...

يا عمر دي برضها بالشرق,

والشدرة دي طندبة. اوعك يا ود العمدة

تقول ما بتعرف الطندبة...
Post: #212
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-25-2009, 08:58 AM
Parent: #211

Quote: لكن تفاديا للسلكة ولطول المشوار من الدويحية

للنمر كنا ( نخت ) بردعة تفاديا للسلكة ..


يا ود العمدة, شرح ود الباوقة ده
كان ما وقع لك قول عووك. شايفو
جوبكلك الحكاية ساكت...
Post: #213
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-25-2009, 09:24 AM
Parent: #212

Quote: أرجو منا جميعاً ان نسجل صوت شكر وتقدير لولدنا الذى اجتهد وصمم موقع للباوقة حفيد على أحمد الحسين وأبن أخ بدرالدين ومحمد على..قاعد يقوم بدور كبيرللتعريف بالمنطقة ثقافتها وفنها وأهلها أرجومن الجميع الوقوف معه..


له منا الشكر الجزيل, وأنا بدوري أضع
هذا البوست تحت كامل تصرفه إن وجد فيه
ما يدعم المجهود الذي يقوم به...
Post: #214
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-25-2009, 09:41 AM
Parent: #213





دي برضو من داخل البرينسة...
Post: #215
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-25-2009, 09:51 AM
Parent: #214

Quote: بنصيحتي وماتركب الحمارة

عري


عرفتا عرفتا

الطندبة دي برضو ما عرفتا لكن ابكريمت مليانا بيها شديد
Post: #216
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-25-2009, 10:09 AM
Parent: #215

Quote: وتقدير لولدنا الذى اجتهد وصمم موقع للباوقة حفيد على أحمد الحسين وأبن أخ بدرالدين ومحمد على..قاعد يقوم بدور كبيرللتعريف بالمنطقة ثقافتها وفنها وأهلها أرجومن الجميع الوقوف معه..




الزول دا انا جد ليهو تب اسعل ود المكي

حبوبتنا تنقرتي جدي الجعلي خالا ليها

محمد ود علي زولا حبوب بالحيل كنا سويا في قصر الشوق بمنزل العم الحنون عبد القادر المحنن ود حنونة والناس دي مليانة حنان شديد خلاص

قدر او محمد عبد القادر من انقى الشباب اللي عرفتهم انسان .. لا يحمل حقد ولم ينام يوما حاملا على احد ...

عمنا عبد القادر رغم انو كوز كبير لكن من اعف خلق الله واكثرهم زهدا لولاه لاصبحت الجامعة جحيما

كان يقول في قفشاته الجميلة عندما نجتمع تحلقا حول سريره في الحوش من دخل دار عبد القادر فهو آمن ... هذا عندما يشتد وطئ النشاط السياسي بالجامعة واللافتات اللامعة ...

ايام لا تنسى
Post: #217
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-25-2009, 10:14 AM
Parent: #215

Quote: عرفتا عرفتا

الطندبة دي برضو ما عرفتا لكن ابكريمت مليانا بيها شديد


أمانة ماك نجييض, أكان الختوة ودتك
أبكريمت جيب لي معاك حنبق...
Post: #218
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-25-2009, 08:26 PM
Parent: #217

Quote: عبد الكريم الحوري
جل المالك


أتمنى أن يتم توسيق كامل للفنان
عبدالكريم الحوري, وإعادة تسجيل
جميع أغانيه بصوت احد فناني المنطقة
وحبذا لو تم التسجيل بصوت الفنان
عبد الواحد ود مديني (عبد الواحد
الباوقة)...
Post: #219
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-25-2009, 08:41 PM
Parent: #218




نحن راجعين في المغيرب
للديار لا حد يشوفنا لا نشوفو...
Post: #220
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-25-2009, 11:20 PM
Parent: #219

http://www.albawga.com/forums/showthread.php?t=61


موضوع مهم مقتبس من منتدى الباوقة
Post: #221
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-26-2009, 08:55 AM
Parent: #220

Quote: شيل شيلتك يا معاوية
بت الجيلي قالت ليك لييييييييييييييييه
ما صورت الدويحية .


شوفي يا بنت المقدم, اولا بالتبادي أنا البوست ده جاب لي
لوم شديد بالحيل منعمنو الناس إفتكروهو بوست توسيق للباوقة,
في حين ان الغرض الأساسي من البوست موضوع السد, وتتبع الأخبار
التي تقول إنه يوجد تصنيع حربي غرب الباوقة, لكن بقدرة قادر
إتقلب توسيقي مع إني لم أكن مهياء لذلك وواضح من تاريخ الصور
أن الزمن الذي قضيته في الباوقة قصير جدا ولايسمح بالتوسيق
لحي واحد من الباوقة. عموما كان الحكاية من الأول كانت توسيق
لومك بي الدويحية ما كنت فطيتها, وكنت جبت لك خبر شقيها
حوليتها, وأنصار سنتها, والشق الجديد الكيزاني الذي بدأ
كنبات الحلفا ينمو في عرصاتها...

بصراحة الناس دخلوا لي فكرة التوثيق في راسي ويا ريت أقدر
أرجع السودان تاني واقوم بهذا العمل...
Post: #222
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-26-2009, 10:21 AM
Parent: #221

ياود المدره..

اللوم البخليك ماتصور (جول الله المقابل الشام) مافايتك (عدلن شنو) كمان البصوروها بلاالوغش والصبار فيها شنو (ودى بالمناسبة) مناكفة لأبشر بابكر ود خالتى وخالى بابكر عبد الماجد ساكن (العدلن) فوق المشرع..ومن الطرائف أنو بنت أختى موده بت فاطمة بت بابكر عبد الماجد وأبوها المرحوم الشيخ كرار حميديد رحمه الله زمان وهى صغيره وجدتها فى أحدى زياراتى بتراسل برنامج مايطلبه المستمعون بأذاعة عطبره..بيتهم طرف العدلن وساكنين وسط الحواشات مالقت ليها اسم للمكان الساكنة فوقو قامت نجرت أسم من راسه..من(الباوقةـ حى النيل) موده تهدئ الأغنية للخالة فلانة والخال والعم..وهكذا..وبمناسبة الجول دائماً ماأداعب والدى بقصيدة ([الجول بلداً قبيح أحول يتقبح الغاشيهو)..فيقول لى أنا الجول عندى والله اٍلا الجنة بس..والغريب أننى بالبحث فى قوقل وجدت أن الجول منطقة فى اليمن ومشهورة بكثرة السيول والممرات المائية وفى اللغة الدنقلاوية (الجول) مكان يمر به السيل ولايؤثر فيه حيث ينتهى سريعاً للبحر..؟

المسافر يأخى طولنا من مداخلاتك..(لأنو كمان أخونا كمال الربيع ده ماعايزين أغنياتو تروح ساى برضو للراجل صولة فى زمنه)
Post: #223
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-26-2009, 09:20 PM
Parent: #222

صورة نادرة لود الحوري نسال الله له الرحمة



الشكر لحجر الزلط

المصدر
http://www.albawga.com/forums/showthread.php?p=426#post426
Post: #224
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-26-2009, 11:52 PM
Parent: #223

Quote: فيقول لى أنا الجول عندى والله اٍلا الجنة بس..


هلآ, هلآ عليك الله شوف نفر طعامة الكلام ده...

زمان أمي السيدة بت همزه, كانت تحكي لي قالت:
زمان كان في مشاكل بين المدره, والجرانيس, وكانو
الجرانيس يغنوا للمدره يقولوا:
إنقر باقي عبدا شين
وجبد بت همزه في النخرين...

والمدره يردو عليهن:
جرنوس الكلب مو زول
ينهض لي خسسة الجول...

الناس زمان أكانو زينين, وبلدنا سمحة,
ووالله بالجد دخلتوا لي حكاية التوسيق دي في راسي...

أخونا المسافر نحن رآجينك, بسراعك تعال...
Post: #225
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-27-2009, 00:34 AM
Parent: #224





الحوري, غنى لهذا الجمال, وحلق صوته مع أصوات القماري,
وإنداح بين أشجار النخيل والمنقة, وسافر مع تيار النيل
الهادئ, فاطرب النفوس, وجعل دارات أفراح أهلنا تموج
بالطرب المصحوب بالعنف الذي كان سمة هذه الإحتفالات حتى
كنا نعده جزء من طربنا كما يستمرئ بعض أهلنا ضرب السوط.
هكذا عاش الحوري بيننا يزرع الطرب في ربوع باوقتنا, ورحل
ليبقى فنه خالدا بيننا تتوارثه الأجيال, فوجب علينا التوثيق
له, في محاولة لإيفاءه حقه...
Post: #226
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-27-2009, 10:10 AM
Parent: #225

طبعاً كلكم عارفين اوضاع مستشفي الباوقة
يجب ان نتفاكر حول آلية لدعم المستشفي
كشراء مختبر او جهاز اشعة او عيادة أسنان .

الأخ وليد, الرجاء موافاتنا بالأخبار

في هذا الخصوص أول بأول, وشكرا...
Post: #227
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-27-2009, 12:08 PM
Parent: #226





نحن من خلف المدى الفرقنا طول
نبني تعريشة حنان طول بدا...
Post: #228
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-27-2009, 06:14 PM
Parent: #227

التعديل كنت عايز ارفع صورة معينة وفشلت آآآآآآسف جداً
Post: #229
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-27-2009, 06:50 PM
Parent: #228

Quote: التعديل كنت عايز ارفع صورة معينة وفشلت آآآآآآسف جداً


لعت طقيشة ولا شنو

وتقول لي صاحب تمبس حريف البورد ؟
Post: #230
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-27-2009, 07:22 PM
Parent: #229



اهة رايك في المنظر ده شنو يا ود العمدة
Post: #231
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-27-2009, 07:28 PM
Parent: #230



هاك دي برضو
انت القالك اهبشني منو يا ود العمدة
Post: #232
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-27-2009, 07:41 PM
Parent: #231




دي كلها صور من الباوقة يا ود العمدة
والصورة دي تحديدا هي جنينة طارق علي
عبد الرؤوف بالدويحية اختها قبل ثلاث سنوات
ابقى صاحى بس بعد شوية كان ما لقيت ليك
مداخلة بديك تلفون.
Post: #233
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-27-2009, 07:49 PM
Parent: #232



يازول اختاني ماتهبشني
انا قلت ليك ما تهبشني
الشيتات ديل راقدات هبطرش
ابقى صاح لكن لي هسه ما شفلك
مداخلة مشيت الهدى واللا شنو
Post: #234
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-27-2009, 07:56 PM
Parent: #233



الاستاذ عز الدين حسن ومولانا اسامة حسن
الصور دي من الدويحية يا ود العمدة
يا زول اختاني .
Post: #235
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-27-2009, 08:05 PM
Parent: #234



أبي علي عبد الرؤوف (بضم الالف)
الدويحية
ود العمدة ياخ ما تختاني
شكلك مشيت الهدى
يا جماعة مافي زول يحجزني من
ود العمدة ده يا وزل كملت صوري
Post: #236
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-27-2009, 08:15 PM
Parent: #235



يا ود العمدة هنااااااااااااااك كانت ارتولي


يا معاوية المدير ياااخ ما تجي تحجزني من ود العمدة
الزول كمل شوية الصور العندي وكنت داير احشش بييا في
بوستك السمح دة واقوم كل يومين انزل لي صورة منها
لكن بتاع التكاوين دة قام هبشني خلاني اكمل صوري كلها
اهة يا ود العمدة تاني انا احشش بي شنو .
Post: #237
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-28-2009, 01:06 AM
Parent: #236





يا معاوية المدير ياااخ ما تجي تحجزني من ود العمدة

يا ود العمدة, يا زول ما تيجي

وليد ده فهمو كمل تب...
Post: #238
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-28-2009, 03:40 AM
Parent: #237





ود العمدة, يا زول إنت غاتس وين؟؟؟

أقلع, وشوف لنا أخونا المسافر معاك,

الزول ده بالحيل مشتهينو...
Post: #239
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-28-2009, 07:23 AM
Parent: #238

Quote: اهة رايك في المنظر ده شنو يا ود العمدة


جميل ما في شك...

نيابة عن ودالعمدة, لحين حضوره,

هسع يجي...
Post: #240
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-28-2009, 11:48 AM
Parent: #239

يا معاوية المدير ليه لسه ما سجلت في منتدى الباوقة ده
http://www.albawga.com/forums/
Post: #241
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-28-2009, 05:20 PM
Parent: #240

Quote:
يا معاوية المدير ليه لسه ما سجلت في منتدى الباوقة ده


حاولت والله بس الحكاية ابت تظبط معاي...

أنا هسع مسافر, وبمجرد ما أصل ساحاول

تاني بمشسئة الله...
Post: #242
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 07-29-2009, 06:59 PM
Parent: #241

أفو عشان معاوية المدير مسافرلو سفرة صغيرة كدي البوست
حقنا يمشي الصفحة التالتة ... يحردن... كدي النجيب عكازي
والنقغد نحرس البوست وإن الله داير يغضبا عليو الينط يمشي
الصفحة التالتة.
Post: #243
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-30-2009, 07:33 AM
Parent: #242





الحمد لله يا وليد أنا وصلت بالسلامة,
وفي البلد سفنجتي إتقطعت, إلا كدناها
بي سعفة اللت تمر...

يا أخوي شايف حاتم الياس سجل غياب
مع أخونا ود العمدة, الناس ديل بعد
ده بيدورولن قفر, أما أخونا ود الباوقة,
الحكاية مما جابت لها سلكة ودبر كبَ
الذوغة. ما زلنا مشتاقين للمسافر...

الأخ محمد الشيخ, البركة فيكم ونحن
في إنتظار طلتك...
Post: #244
Title: Re: الباوقة, سحر, وجمال, ومصير مجهول ... توجد صور ...
Author: حاتم الياس
Date: 07-30-2009, 11:09 AM
Parent: #243

http://sudaneseonline.com/forum/viewtopic.php?t=3593&sid=...0dd51c8ca86dce1e3ee9


أخونا عبدالماجد بسودان فور أول
Post: #245
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-30-2009, 07:57 PM
Parent: #244

فى صوره جميلة فى (رمية) ودالحورى والقصيدة للحورى الأب وهو أيضاً فنان سارت بسيرته الركبان

الدفيفيق الماوضح وكلامك صاح تعنى فعلاً رطب التمر (القلب دابو) أى بدأ لونه ياخذ أصفراره ..وهو هنا يصف الحبيبة فى معنى العمر ولون الجمال (الأصفر) أما التانية ( لاأتغمل لاشكوك سبح) دى أنا زاتى محتاج فيها لرجعة للوالد أو الوالدة (بحسب مزاجهما) من حيث (الروقة) أو(الزهجة)


النخلة, أو التمرة...
هذه الشجرة تشكل جانب كبير من حياة أهلنا في الشمال,
فهي تكاد تكون مقدسة عندهم, يعني الواحد منهم لمان يقول
تمرتي, الحديث قفل.
والتمر في بداية ثمره يبداء (بالطلع) وهذا في لغة
العرب, أما عندنا فنقول: التمر سلآ, اي بمعنى, أن العراجين
بدات تطلع, والعرجون أيضا كلمة عربية فصحى كما ورد في
القرآن:(والقمر قدرناه منازل حتى عاد كالعرجون القديم),
وعندنا في دارجتنا بنسميهو(الخوصة)و وتنطق بالسين, يعني
الزول يقول لك: داير لي خوسة قرآع (بتضعيف الراء). والقراع
هو التابير كما ورد في الحديث, وهو التلقيح, أخذ ناتج الذكر
ووضعه في ناتج الانثى. (دي مرحلة القراع وهي أول مرحلة).
تليها مرحلة (السفاف, بضم الفاء) ويبداء فيها التمر يظهر في شكل
حبيبات صغيرة يتساقط جزء منها بفعل الرياح. ثم تليها
مرحلة (الدفيق) وتبداء فيها تظهر ملامح التمرة المكتملة
الخلاس بقت علي النجاض. قال الغناي:
الدفيفيق الدابو ني
البسيمتو بتكويني كي...
لاحظ قوله: الدابو ني. يعني لسع ما نجض, يعني البنية دي
دابة داخلة علي مرحلة الاستواء, ولونها الأخضر الجميل أهاج
الغناي مما جعلة يستوحي هذا التشبيه من بيئته.
الدفيق ايضا يتساقط منه جزء كبير, ويسمى عندنا (بالمغمول).
ومغمول تعني, إنو الدفيق بيصل مرحلة قريبة للتخمير, ليصبح
غير متماسك في السبيطة(أي العرجون)مما يجعل جزء منه يتساقط, والسبيطة تتشكل من
مجموعة دوالي تسمى (الشخاليب), والدفيق إذا مكث في الأرض
لمدة يومين او ثلاثة بالفعل يتخمر, وهو ذو طعم جميل جدا.
والناس في البلد ينضموهو في شكل عقود, أو في شكل سوار
يربط في يد الطفل الصغير تيمنا. (لا إتغمل لا شكوك سبح)
أي يشك هذا الدفيق بمعنى يطعن بإبرة أو شوكة تمر (لاحظ
كلمة شوكة جاية من الشك أي الطعن) وهي كلمة فصحى(شككت بالرمح الأصم ثيابه)
سبح, أي في شكل السبحة (المسبحة)...
ثم بعد ذلك تأتي مرحلة (الرطب) بضم الراء, الأحمر يميل
إلى الأحمر, والأصفر إلى الأصفر, وبعضه ينجض وهو أخضر, وهذا
نسميهو(الخدرواني). الناس في المرحلة دي بيقولوا: التمر
قلب. الغناي قال:
التميرة الفي سبيطتها
الصفار سابغ خدرتها...
أي بداء لونها يقلب من الأخدر للأصفر أو الأحمر.
لاحظ هناك قال الدفيفيق, وهنا قال التميرة, يعني
دخلت في مرحلة الإستواء والنضوج...
الغناي قال:
قالب دابو ود لقآي
وفوقو الطير يسوي الوآي...
أي التمر بداء يدخل في مرحلة النضوج, ودي مرحلة
بتظهر فيها(أم راس)يعني التمرة بيكون راسها أصبح
عجوة وباقيها ما زال أصفر أو أحمر, وتسمى (أم نص)
عندما يصير نصها عجوة و النص الآخر أصفر أو أحمر,
وتصبح (عجوة) عند إكتمال نضجها.
فوقو الطير يسوي الواي. أولا (ود لقآي) لمن لايعرفه
نوع من التمر حلو الطعم, والتمر عندما يصل هذه المرحلة
من النجاض يصبح جاذب للطير الذي تسمع تغريده على سبايط
التمر فرحا يتغنى لهذا الخير الوفير, والتمرة التي يأكل
الزرزور جزء منها تسمى (قرامة الطير)...
أيضا هناك (سبق الجوع) وهو أول التمر نضوجا, لذلك سمي
بسبق الجوع ولونه أحمر, وفي أيام نضوجه أهلنا بيقولوا
عندما يسمعوا قوقاي الدباسة, أي القمرية إنها بتقول:
سبق الجوع مرق سبق الجوع مرق...
مرق: بفتح الميم, إي إستوى, نضج...
بعد ده بتيجي مرحلة الحصاد, والحصاد عندنا بنسميهو
( القطآع ) بضم القاف...
Post: #246
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 07-30-2009, 08:17 PM
Parent: #245

Quote: ود العمدة, يا زول إنت غاتس وين؟؟؟


غاتس هنا يا ود شريف
http://www.albawga.com/forums/index.php
قلنا نشم ريحة البلد
وحاتك اخوك زي القاعد يعوم في الجسر وخايف من الكارب
دحن ما شفت الكارب الظهر بهناك ولا شنو ؟
Post: #247
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-31-2009, 06:11 AM
Parent: #246





الحواشات...
Post: #248
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 07-31-2009, 09:01 AM
Parent: #247





إشتقتة ليك ساعة المساء فرد الجناح
لملم مصابيح الصباح...
والعتمة نامت في الجروف
والكون لبس أجمل وشاح...
في اللحظة ديك
إشتقتة ليك...
Post: #249
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-01-2009, 02:07 AM
Parent: #248

باظ الجمعة يومو القام
خلآ الدمعة طول العام
تبكي وتشكي باالآم

صادفها أسماعين
دق بوري حنين
خلآ أرض الجول
في وحيح وضنين

الزهور حزينة مالآ
يبكي جيلها وخدارها

من عينيك يصيب نشاب
والباظ داخل الحاجاب

شايلة الريدة كل الريدة
والباظ خاشي أبو كبيدة

حلة يونس جاها مرور
يا اسماعين صباحك نور

من جاد الله شال إتنين
ركبوا للدروس طالبين

شايلة الريدة والإحساس
نزلت منو في كدباس

يا ابو السارة جوكم ناس
حنين والخشيم وناس...


يا وليد أبحت دي جيبها,
وجيب معاك العكاكيز...
Post: #250
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-01-2009, 09:26 AM
Parent: #249





في هذه الصورة تبدو حرازة حبوبتي
فاطنة بت ميدوب عليها رحمة الله, وكان
تحت الحرازة مراح بهايمها. أذكرها دوما وهي:
قايمة الصباح متكفلتي
شايلة الحليلة علي المراح...
Post: #251
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-01-2009, 10:35 AM
Parent: #250





سام اللمين...
Post: #252
Title: Re: الباوقة, سحر, وجمال, ومصير مجهول ... توجد صور ...
Author: الكباشى البكرى
Date: 08-01-2009, 10:42 AM
Parent: #251

الاخ معاويه المدير
سلامات
انشاء الله تكون وصلت بخير وعافيه
تشكر علي هذا البوست الجميل بعبق الريف السوداني الجميل وما يحمل من معاني كبيره
لايدرك كنهها الا من عاش في هذا الريف .

كل الود .
Post: #253
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-01-2009, 10:50 AM
Parent: #252

Quote: لاخ معاويه المدير
سلامات
انشاء الله تكون وصلت بخير وعافيه


تسلم الكباشي أخوي...
الحمد لله أنا وصلت بخير, وكان كل
ودي أن التقيك, لكن إرادة المولى
غلبت, عموما تلفونك معاي...
Post: #254
Title: Re: الباوقة, سحر, وجمال, ومصير مجهول ... توجد صور ...
Author: tmbis
Date: 08-01-2009, 12:00 PM
Parent: #253

لعت طقيشة ولا شنو
وتقول لي صاحب تمبس حريف البورد ؟
Quote: ونحيه, تحية عابقة برائحة نوار
الليمون والبرتكان, وهو قطع شك مكسب
كبير لينا, وانا من جانبي أتبرع له
بنخلتين, وشدرة منقة, وكمان معاهن
نعجة بجناها, وحمار أبيض لزوم المواصلات...
..
تمبس ينتقل لمنتدي الباوقة في صفقة تاريخية ..
يا ود العمدة مش صاحب بس .. حسع انا بقيت زول راسمالي عديل كدا في الباوقة .. ما شايف كلام معاوية الفوق دا ..؟
هاكم الصورة يا وليد .. من فوق خالص ..
Post: #255
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-01-2009, 09:21 PM
Parent: #254





ود الباوقة تمبس. ( طبعا بعد شوية حا نمنحك الإسم
وأنا متاكد أخونا عمر ما راح يبخل عليك)...
نشكرك على دعم البوست بصورة من الجو, ونهديك
الصورة أعلآه من الأرض, ونشكرك كتير على مرورك
الجميل...
Post: #256
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-01-2009, 10:35 PM
Parent: #255

Quote: هاكم الصورة يا وليد .. من فوق خالص ..


شكراً ود الباوقة تمبس علي تنزيل الصورة والتي تمثل بحيرة سد الشريك
المقترح ومدي الدمار الذي سيحيق بالمنطقة .


التعديل لإضافة المصدر ابو احمد .
Post: #257
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-01-2009, 11:10 PM
Parent: #256

Quote: لعت طقيشة ولا شنو
وتقول لي صاحب تمبس حريف البورد ؟


يا ود العمدة دي مالصورة ذاتها اللحقتناالغطس
ولولا الاستعانة بود الباوقة تمبس كان برضو الصورة
لحقت الغطس اهة شفت الاستعانة بتمبس خطرة كيف
تقول لي ود الياس بيتفاوض مع سجيمان عشان يسجل
ليناواحد بتاع قرين مبستر .
Post: #258
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-02-2009, 01:38 AM
Parent: #257

Quote: يا ود العمدة دي مالصورة ذاتها اللحقتناالغطس
ولولا الاستعانة بود الباوقة تمبس كان برضو الصورة
لحقت الغطس اهة شفت الاستعانة بتمبس خطرة كيف


القرضابي قال ماسورة, قال!!! عجبي وستين عجبي!!!
عليكم الله شوفو جنس المحن دي...
Post: #259
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-02-2009, 06:15 AM
Parent: #258


[IMG]http://www.sudaneseonline.com/u1/hostat1.gif[/IM

صهريج الموية, (سوق الباوقة)...
Post: #299
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 08-19-2009, 08:35 PM
Parent: #222

صورة من الجول
Post: #260
Title: Re: الباوقة, سحر, وجمال, ومصير مجهول ... توجد صور ...
Author: Yousif A Abusinina
Date: 08-02-2009, 07:47 AM
Parent: #100

والله جمال وطبيعه مفقودة فى هذا الزمن ( الخضرة . والماء . الوجهه الحسن )

ود المدير ود العمدة العرض مميز تميز الباااااوقة

ود الباوقة خليك مع اهلك جمال الشيل

وليد شريف قوم بالمهمه

تحياتى لكم ولاهلنا البواسل بالباوقة
Post: #261
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-02-2009, 10:26 AM
Parent: #260

Quote: والله جمال وطبيعه مفقودة فى هذا الزمن ( الخضرة . والماء . الوجهه الحسن )

ود المدير ود العمدة العرض مميز تميز الباااااوقة

ود الباوقة خليك مع اهلك جمال الشيل

وليد شريف قوم بالمهمه

تحياتى لكم ولاهلنا البواسل بالباوقة



التحية ليك يا أبو البواسل, ونشكرك علي المرور
الجميل, والمشاركة.
أقعد عشانا فطير بلبن...
الباوقة بوجودك إزدادت خضرة وجمال, أخونا أبو سنينة...
Post: #263
Title: Re: الباوقة, سحر, وجمال, ومصير مجهول ... توجد صور ...
Author: ود الباوقة
Date: 08-02-2009, 10:38 AM
Parent: #261

ود الباوقة خليك مع اهلك جمال الشيل

يا اخي انا مع اهلي قلبا وقالبا وقد اعلنت

ذلك مرارا وتكرارا ...

مع التقدير ..
Post: #262
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 08-02-2009, 10:37 AM
Parent: #260

Quote: الأخ محمد الشيخ, البركة فيكم ونحن
في إنتظار طلتك...

سلام
Post: #264
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-02-2009, 10:45 AM
Parent: #262

Quote: سلام


أهلا, مرحبتين حبابك, محمد الشيخ

ناشدين من خبرك, وإفتقدناك كتير,

أبقى داخل الدفة في إيدك...
Post: #265
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 08-02-2009, 11:00 AM
Parent: #264

عزيزي ود المدير و الأخوة الكرام
تحياتي لكم من داخل البلد وانا في طريقي غدا للباوقة وفتوار حيث عدت للخرطوم بعد انتهاء ايام العزاء بفتوار وان شاء الله سوف اصطحب معي كمرتي للبلد لموافاتكم بالأخبار و التقارير الحارة حيث لم نستطع الفترة السابقة التواجد معكم.
الى ان نلتقي استودعكم الله و اعدكم بلقطات كاربة من ام زهور بس تصبروا على شوية لحين عودتي الأسبوع القادم لابها.
ود الشيخ
Post: #266
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 08-02-2009, 11:09 AM
Parent: #265

ود الشيخ البركة فيكم والله ما عندنا خبر وتعازينا للاهل

عزائنا وتحياتنا لجميع الاهل وكتر لينا من صور الرطب والجمالا والركشات وحيضان البرسيم والحممر

وبعدين ما تنسى تمر تسجل معانا في منتديات الباوقة http://www.albawga.com/forums/############.php?f=2
Post: #267
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-02-2009, 11:09 AM
Parent: #265

Quote: تحياتي لكم من داخل البلد وانا في طريقي غدا للباوقة وفتوار حيث عدت للخرطوم بعد انتهاء ايام العزاء بفتوار وان شاء الله سوف اصطحب معي كمرتي للبلد لموافاتكم بالأخبار و التقارير الحارة حيث لم نستطع الفترة السابقة التواجد معكم


مش انت محمد الشيخ فتوار
عشان كدة يا محمد الشيخ فتشنا ليك فتيش شديد وانت ما ظاهر
لمان تصل ادينا خبر او كلم بدر الدين ود ابراهيم الخليفة .
Post: #268
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-02-2009, 11:12 AM
Parent: #267

يا محمد الشيخ سلم لي علي اهلي الفتاورة
خصوصا ناس كرار .
Post: #269
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-02-2009, 11:19 AM
Parent: #268

Quote: عليك الله يا معاوية ياقريبي
تمشي تصور لي

مقابر العنج في طرف الجبل ( اسأل الناس الكبار بوروك ليها)
امشي صور لي الجامع القديم ( اعتقد انه اقدم جامع في الباوقة من 13 وحاجة هجرية ) ناسيه الاسم
وبرضوا اغشى صور لي ..ضريح ابشر ابو بشرية

وكمان في مكان اسمه الكنيسة ( قرب ضريح النقر واخته النصيحة) لان هذا المكان به اثار كنيسة من زمن العهد المسيحي في السودان والكرامة التي يؤمن بها الناس هنالك عن الشيخ الصالح النقر واخته النصيحة تشبه قصة سيدما عيسى والسيده مريم ..وضريحهم موجود في قرب اثار الكنيسة هناك

برضو اسأل عن خريجين معهد امدرمان ..ووثق ليهم لانهم كانوا بمشوا الى شندي بالارجل عشان يطلبوا العلم

صور لينا حلة المخازن وجداولها

صور اي حاجة
ينوبك ثواب



بالسلامة أخونا ود الشيخ...

أرجو إن تعكس الطلب الذي ورد في هذه المداخلة
من خلال عدسة كمرتك, ويكون جميل لو تعرج كمان
علي (الكيرهانة) برضو فيها أثأر...
Post: #270
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-02-2009, 11:44 AM
Parent: #269






تماسك, وتوحد من أجل أمنا الباوقة...
Post: #271
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-02-2009, 12:09 PM
Parent: #270

يا معاوية يا زول مالك إتأخرت وماجيت علي ولاد عمل ديل هنا
http://www.albawga.com/forums/showthread.php?t=104

وبعدين انا رسلت الرابط ده لحسام وسارة علي الايميل
ولو في مشكلة في الدخول اديني خبر بالله كلم الجماعة ديل
معاك وبالمناسبة موضوع دعم المستشفي ماشي كويس جدا
بس انت لقط لنا مليليمات من الدولارت الكنديات السمحات ديل
عشان باقي دايرين نشتريلنا جهاز الليل اشعة لي اهلك الغبش
ناس الباوقة ديل .ادخل هناك وبتعرف التفاصيل
Post: #272
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-02-2009, 12:22 PM
Parent: #271

Quote: يا معاوية يا زول مالك إتأخرت وماجيت علي ولاد عمل ديل هنا


يا وليد أنا سجلتَ بس منتظر الرد
من أولاد أعمي عشان أجيكم بهنك,
شيل الصبر...
Post: #273
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-03-2009, 00:49 AM
Parent: #272






مسقط رأسي, ومرتع صبآي.( السيالة )
صورة مصغرة للباوقة...
Post: #274
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-03-2009, 00:59 AM
Parent: #273





المقداد معاوية المدير

بيحيكم كلكم, وبيقوليكم:

الباوقة في داخل قلوبنا...
Post: #275
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-03-2009, 07:12 AM
Parent: #274

Quote:
يا اخي انا مع اهلي قلبا وقالبا وقد اعلنت

ذلك مرارا وتكرارا ...

مع التقدير ..


الضفر ما بيمرق من اللحم يا ود أعمي...

تسلم...
Post: #276
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-04-2009, 02:46 AM
Parent: #275

ريدةً في ربيع أيامها
ليه يا أهلنا تبقى ندامة

من قومة الجهل وفطامها
جوه قلبي ردتو منامها
أحلام الزهور أحلامها
في سماها تبقى غمامة
فرقونا يا بسامة
وقالوا ليَ خلي غرامها
شوف آية الجمال التامة
لدروسها بي أقلامها
ست الصولة تم تمامها
تملأ جولها نور ووسامة
للخير يا المديني علآمة
ليلى وفيها أجمل شامة
أنا روحي قبل أيامها
مابية تمشي لي علامها...

ود مديني...
Post: #277
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-04-2009, 10:30 PM
Parent: #276





بلداٍ في ربيع أياما
كيف يا أهلنا تبقى ندامة؟؟؟
Post: #278
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-05-2009, 06:45 AM
Parent: #277






البادراب, وهي تقع شرق الباوقة.
مهددة بالزوال في حالة تنفيذ السد...
Post: #279
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-06-2009, 05:27 AM
Parent: #278





نحتاج لكبري.
الكباري إتعملت في أماكن ليست أكثر أهمية من الباوقة...
Post: #280
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 08-06-2009, 09:45 AM
Parent: #279

والله يا ود المدير الباوقة هي الاكثر اهمية حيث انها اكبر المشاريع انتاجا للخضر والفواكه والتمر على الاطلاق في طول وعرض ولاية نهر النيل لولا عبث ايدي النظام بالمشروع والذي احيلت ادارته مؤخرا لخريج حديث ليست لديه التجربة الكافية لادارة مشروع بحجم مشروع الباوقة كل هذه السياسات هدفها اثارة السخط والتزمر من قبل الاهالي تجاه ترك المشروع لتجار الجبهة الاسلاموية لاعادة استثماره باسماء شركات اجنبية ...

ولكن لن يترك اهل الباوقة ارضهم ابدا
Post: #281
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-06-2009, 10:00 AM
Parent: #280

Quote: ولكن لن يترك اهل الباوقة ارضهم ابدا



ده كــــــــــــــــــــــــــــــــــــلا سلـــــــــــــــــــــــــــــيـمـــــــــــــــــــــ100%...
Post: #282
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-06-2009, 10:55 PM
Parent: #281





هل هجرها أهلها؟ أم جفّ زرعها, ونضب ضرعها؟؟؟
لمصلحة من يعمل هاؤلا الإغراقيين, أقصد الإنقاذيين؟؟؟
Post: #283
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-08-2009, 04:25 AM
Parent: #282






أجيال قادمة تحلم بمستقبل جميل للباوقة...
Post: #284
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-09-2009, 11:11 AM
Parent: #283





من جناين الباوقة منقة...
Post: #285
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 08-10-2009, 04:48 PM
Parent: #284

شوف جنس النعمة دي

الحمد لله من قبل ومن بعد

تعرف اول امس كنت بتناقش مع واحد بتحدث عن الفرق بين زمان لامن الحواشة سيدا زول واحد وبين حسع ..

قلت ليهو اي زيادة لو الناس جادة ممكن ليها الف حل وحل ..
اولا ممكن عن طريق العناية بالصحة والتعليم والخدمات الاساسية لاهل المنطقة توفير ايدي عاملة اكثر كثافة وثقافة .. تاني التعليم قطلعا بهجر ناس زينا يعني ما كل الاسرة بتكون مزارعين ... ممكن تكون في توسع في المشروع يستوعب الزيادة في الايدي العاملة وزيادة الملاك الجدد .. ممكن عن طريق الادخار الناتج عن زيادة الانتاج البنتج بدورو عن توفر البنية التحتيه لمقومات الزراعة من سماد وماء ومواد بترولية واستخدام وسائل اكثر تطورا .. وتنوع المنتجات الاستهلاكية ودي بالمناسبة ممكن تغطي كل المصاريف الغذائية للمزارع يعني تحت تمرة واحده ممكن تزرع ليك حوض ملوخية وبامية واسود الخ الخ الخ وبحوض برسيم ممكن تكون عندك بقرتين وتور وكم غنماية وخروف ومرزعة دواجن الخ الخ الخ ودا كان شكل البلد زمان لكن من جات حيكومة الشوم دي ووقفت كل الدعم اللازم وحرصت جدا على الجباية وانطبق معاها قول الشاعر :
زي ابضروس الما انفطم بدو يرضعو الام في نهم والام عضام لا ثدي فيها ولا لحم
نشفوها وعدموها الحبة

اذا في راي محاولة اشاعة ان المشروع لم يعد ناجحا هي سياسة عملت عليها الحكومة منذ زمن بعيد وباتت امرا واقعا يكرره بعض السذج من اجل الامل في السراب ..
Post: #286
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-11-2009, 10:40 AM
Parent: #285

Quote: اذا في راي محاولة اشاعة ان المشروع لم يعد ناجحا هي سياسة عملت عليها الحكومة منذ زمن بعيد وباتت امرا واقعا يكرره بعض السذج من اجل الامل في السراب ..


يا ود العمدة, ماذا قدمت الحكومة للمشروع حتى تخلص الى هذه النتيجة؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟ سؤال حائر ؟؟؟؟؟؟؟؟

نحتاج لواحد من الحكومة ضكران بالحيل يجي يجاوب.......
Post: #287
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-12-2009, 11:36 AM
Parent: #286






جنّة شمال السودان...
Post: #288
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-16-2009, 01:14 PM
Parent: #287

اغنية السد //// غبد الواحد ود مديني

ما بنسيبا بلدنا
ما بنسيبا بلدنا ما بنسيبا نفوت
ما في لينا خيار غيرا إلا نموت
********
وحــدّو صفوفكم وأرفعو الرايـه
حكمـــو عقولكم بوعـي درايــه
الزمن مشكل القصة دي حكايه
ما ها دايـرا لبيب واضحة للغايه
********
عاينــو لحلفا ومنــها اعتبــروا
والبيقــول نرحل رايو ما تبـروا
أبقوا ليها ترس أوعـو تجبــروا
والثبات هيلكم وأصلكم قــدروا
********
مجدنا الموروث أرضنا وساسنا
عزت أبواتنا وتاجا فوق راســنا
روينــا شتــلاتا بعــرق فأسـنا
ريــــدا أدمــنّا وشـارك أنفاسنا
********
موطـــن الأسـلاف بلـدنا بخـيرا
وكــيف نقــوم نرحل ونرضا بغيرا
بكِفـاحُنْ ديــل تـــم تعمــــيرا
دا المحــال يا ( زيد ) نرضا تهجيرا
ما بنسيبا بلدنا
Post: #289
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-16-2009, 01:20 PM
Parent: #288

منقول من منتدى الباوقة جنة الشمال // الكاتب الانقريابي
الباوقة وحدة تدمير السدود

نعم تدمير السدود...ولو بعد حين...
إن كنت من الذين فى ... قلوبهم دخن فلا تدخل....
إن كنت من المرجفين... فلست من المعنيين....
إن كنت من المتزلفين... فلا تجادل....
إن كنت من المتوسلين... فلا تتعاطى ...
إن كنت من الذين يسمون الاشياء بغير إسمها ...(مثل) درء الاثار ...وتخفيف المعاناة...فلا تتفاعل...

نعم ... اخوتى ....
....بلغ السيل...!

وذلك بإهابة .. اللجنة العليا للاشراف ومتابعة إنفاذ مشروع سد الشريك...
...سكان المنطقة من الطرفاية وحتى باردة بالشرق .... ومن الزومه وحتى الجول بالغرب..
التواجد فى المنطقة فى الفترة من 10/8 وحتى 25/8/2009م... حتى لا تضيع الحقوق ...
أسئله كثيرة تتزاحم ....
...ماهى هذه اللجنة... وهل باع بعض من ابناء المنطقة القضية .. (علماً بان ابناء الطرفاية قد اقسموا مجتمعن على عدم قيام السد....؟
.... اليس فى أمر هذه اللجنة تشم رائحة المؤامرة والنصب ... على ابناء المنطقة والذين هم خارج المنطقة ..بل وخارج السودان....(طبعاً هذا إذا سلمنا جدلاً بالرضوخ لامر السد)....؟
... وماهو دخل منطقة الزومة فى المنطقة... ان كانت الزومه المعروف .. ام هو أمر لتلطيف الجو...؟
...أم هذا بلون إختبار .. لمدى صلابة وتماسك أبناء المنطقة...؟
...وسؤال عاجل ... هل بدأت الدراسة لإنشاء السد قبل إكتشاف الذهب بوادى السنقير ... أم بعده...وهذا السؤال يمحمل فى ثناياه الكثير من الاسئلة المتعلقة ...
.... عزيزى المشارك ... إن كنت واحد من الاصناف المذكوره عاليه ...نأسف للاحراج...

....وقريباً سنلتقى............
Post: #290
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-16-2009, 01:30 PM
Parent: #289

مداخلة رافضة للسدود // الكاتب علي جار النبي

لم يزل القائمون على أمر السدود سادرون في سياسة التعتيم والتعمية وذر الرماد في العيون ...والأمر في ظني لا يخلو من دسٍ ومؤمرة ليست بخافية على إنسان المنطقة ...... والقول بأنّ مياه السد تغمر المنطقة من الطرفاية وحتى باردة بالشرق .... ومن الزومه وحتى الجول بالغرب.. هو قول ( ما بيدخل في الرأس ...) على حسب قول أهالي المنطقة .
ومنطقتي الباوقة والعبيدية وهما المنطقتان الأوسع مساحة والأكثر ثقلاُ بالسكان اللتان لن تغمرهما مياه السد ، على حسب قرار رئيس الجمهرية المشير البشير والذي بشر بأن مياه السد لن تغمرهما ولم يأخذ أهالي المنطقة بشارته مأخذ الجد ومن المؤسف له حقاً أن يفقد المواطن الإحساس بعدم مصداقية قول رأس الدولة ....... وقد تأكد من قبل لأكثر من مرة وفي أكثر القضايا حساسية لإرتباطها بمصير البلاد أن صرح البشير وحلف يميناً مغلظاً وراحت تصريحاته مع صدى دقات الطبول .............
واليوم تقرع الطبول ......وأي طبول في هذه المرة ...!!؟؟ ولا نرى إلا وعلامات يوم القيامة قد تبدت .....ومن قبل قيل ( القيامة بتقوم من الباوقة ...) قالها أحد العباقرة المظنون بأنه مجنون ولم يدرك أحداً مقصده ساعتها .......
.
.
الباوقة والعبيدية وعلى حد قول أحمد التربال ( وهو أحد مزارعي الباوقة البسطاء ) حين سمع البشير بيقول ( الباوقة اللذيذ تفاحها ما بتغرق ) ساعتها قهقة أحمد التربال وهو لم يزل يقول ( البشير جماعتهو كضبوا عليهو وقالوا ليهو الباوقة ما بتغرق ... هو اشنو الما بتغرق .... لو يختوا طوبة واحد في مكان سد الشريك الموية تركب الباوقة للجبل ..... دي مؤآمرة ....!!!! ) .
.
.
.
واضح ان القائمين على الأمر لم يزلوا مغرقين في تحقيرهم لإنسان هذه المنطقة وإستخفافهم بعقله ظانون أن وسائل التعمية وتغبيش الرؤية يسعفهم لتخطي مرحلة التخطيط للبدء في تنفيذ السد ..... ولا يهمهم ماذا يحدث بعد ذلك ...... المهم تدق الطبوع وتنعق الأبواق ويرقصون في هذه المرة على إيقاع الدلوكة إلى دلوك الفجر ولا يهم ماذا يحدث بعد ذلك ....!!!؟؟
ولا أخال نهارات الأيام القادمات إلا أنها ستأتي ساجة ولياليها داجة وأمواج نهر النيل لن يزدها الهواء إلا هوى وقديماُ قيل :
الجمرة بتحرق الواطيها .......
.
.
.
حتى نعود ...
.
.
.
ود وتحية




التوقيع
.
يا اااااا أرضنا الخضراء
الباوقة
ياااااأأأأأااا وطن الجدود
.
Post: #291
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-16-2009, 09:56 PM
Parent: #290

Quote: الباوقة والعبيدية وعلى حد قول أحمد التربال ( وهو أحد مزارعي الباوقة البسطاء ) حين سمع البشير بيقول ( الباوقة اللذيذ تفاحها ما بتغرق ) ساعتها قهقة أحمد التربال وهو لم يزل يقول ( البشير جماعتهو كضبوا عليهو وقالوا ليهو الباوقة ما بتغرق ... هو اشنو الما بتغرق .... لو يختوا طوبة واحد في مكان سد الشريك الموية تركب الباوقة للجبل ..... دي مؤآمرة ....!!!! ) .
Post: #292
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 08-18-2009, 10:54 AM
Parent: #291



اعداء الجمال بتامرون عليه ...
Post: #293
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 08-18-2009, 10:57 AM
Parent: #292



قاموا بتجفيف الباوقة وقنوات الري من المياه حتى ييئس انسان الباوقة من
المشروع من النخيل من الفواكه بكل اصنافها ولكن ما دروا
ان تربال الباوقة سوف يسقيها بدمائه ووفائه
Post: #294
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-18-2009, 11:07 AM
Parent: #293

Quote:
قاموا بتجفيف الباوقة وقنوات الري من المياه حتى ييئس انسان الباوقة من
المشروع من النخيل من الفواكه بكل اصنافها ولكن ما دروا
ان تربال الباوقة سوف يسقيها بدمائه ووفائه


لانزيد غير نقول ده كلام صحيح, مهما كان حجم القوة المعاكسة...
تسلم يا عمدة...
Post: #295
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-18-2009, 11:27 AM
Parent: #294





لانقبل حتى ترويع القماري فوق الأغصان...
Post: #296
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 08-19-2009, 06:14 PM
Parent: #295
Post: #297
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 08-19-2009, 08:21 PM
Parent: #296

قصيدة للشاعرعلي حمزة احمد الزين لاعب فريق الشبيبة بالحصاحيصاو التاج الأمدرماني السابق



الشاعر على همزة




قالوا السد اتمدد حدو
في حتة ناسا ما بتهدو
ناس تربال المنجل جدو
و حبوبات السعف الأدو
بلد النخلة الربت جيل
طعم التمرة اكيد قنديل
بكل بساطة تجيها تشيل
الا تشيل معاها النيل
الجروف علت لي هاماتنا
ربت فينا كل حاجاتنا
رغم الضيق بطعم شهاتنا
ما بنتنازل لو كان شبرا فيهو رفاتنا
وطننا الشامل جوة عيون
فيهو تهونوا عقول وجنون
نحن بنسأل عن تهميش مقصود ....
وعن مستقبل كلو ظنون.
كضابين ان قام السد
خطوطا حمرا الجد الجد
الثقة معدومةو بيننا الرد
و على الأشلاء و بالارواح حا يكون الهد

ما بنتهدد كما دارفور
وفي التاريخ حطمنا جسور
ان دايرين وداع للدور
عالي الهامة حاتحمي جذور

ما حانبيع وطننا العشنا
فيهو ارضنا و فيهو جرفنا
دوام همشتو ونحن عرفنا


دا حكم الجائر للمظلوم
نحن صبرنا دوام مكتوم
و ما عرفناكم غير باللوم

ما في تخاذل و عن واطاتنا ما بنتخل
بي سياساتكم تقسموا الصف تزيدوا الغلة
في كل ظروف حاتبقى الحلة
و بأرواحنا نموت بالجملة
في كل خطوة تخلقوا شعار
فارغ معنى و كلو بهار
اتمددتوا في حجم صغار
الا ارضنا شمة قدحة و لهبة نار


على همزة احمد الزين
فتوار
5-7-2009
Post: #298
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 08-19-2009, 08:31 PM
Parent: #297

الأخ وليد
ابشر من الليلة معاكم في منتدى الباوقة و ما عندي شغلة غير مناهضة الخزان بعد الشفتو من وقفة اهلنا في الباوقة-فتوار - الجول -السليمانية و الرباطاب
اهدي لكم هذه اللقطة ويمكن متابعة بقية اللقطات في بوستي الآخر
Post: #300
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-19-2009, 11:41 PM
Parent: #298

Quote: كضابين ان قام السد
خطوطا حمرا الجد الجد
الثقة معدومةو بيننا الرد
و على الأشلاء و بالارواح حا يكون الهد


صدقت أخي همزة, وقُتل الخراصون...
لافضَّ الله فوُّكَ...
Post: #301
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-21-2009, 11:57 AM
Parent: #300

Quote: الأخ وليد
ابشر من الليلة معاكم في منتدى الباوقة و ما عندي شغلة غير مناهضة الخزان بعد الشفتو من وقفة اهلنا في الباوقة-فتوار - الجول -السليمانية و الرباطاب
اهدي لكم هذه اللقطة ويمكن متابعة بقية اللقطات في بوستي الآخر


تسلم يا ود الشيخ وما بتقصر واسمح لينا برضو نزين منتدى الباوقة من صورك الرائعة
مع الاحتفاظ بحقوق النشر بإسمكم .
Post: #302
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 08-21-2009, 01:03 PM
Parent: #301

اذنك معاك ابننا وليد و الصور صورك
Post: #303
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-21-2009, 04:45 PM
Parent: #302

فوق
Post: #304
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 08-27-2009, 00:22 AM
Parent: #303

فوووووووووووووووق عشان سعادة الوالي في الرياض...
Post: #305
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 08-29-2009, 10:30 PM
Parent: #304

Quote: فوووووووووووووووق عشان سعادة الوالي في الرياض...

فوق عشان سعادة الوالي مازال مصر على الإساءة للباوقة بتلميحاته
عن تمر الباوقة الردئ واستعماله في أغراض معينة يفهمها اللبيب
ولا نفهمها نحن ابناء الباوقة .
Post: #306
Title: Re: الباوقة, سحر, وجمال, ومصير مجهول ... توجد صور ...
Author: المسافر
Date: 08-30-2009, 11:00 AM
Parent: #305

Quote: معاوية المدير ..الصورة التى لم تنزل هى الصورة التى أخدتها من الشرق (العبيدية) ويظهر فيها البنطون فى طريقه للشرق أو فى طريقه للمشرع وكنت قد عينت منطقة المشرع بالتحديد والمسمى فى الأصل (بمشرع ود النقر) جدى لأمى من الجهة اليمين مكان القهاوى الظاهره الفيها ناس حقار بيوت (بابكر عبد الماجد خالى ووالد أبشر بابكر عبد الماجد أبن خالتى ومن اليسار (جنينة) ناس الشيخ الجعلى التى أهداها لهم جدنا ود النقر وأقتطعها من ساقيته (مكان المشرع تحديداً هو مكان سكن أهلك النقراب وتسمى المنطقة بقوز النقراب لعلؤها وهى بالفعل منطقة عالية حيث يصادف أن ينكسر (الترس) فى مناطق كثيرة ويهدد المخازن ولايشكل تهديد للقوز..لكن (النز) أثر فى البيوت وهجر القوز للأسف وهو مرتع طفولتى وكنوز ذاكرتى الجميلة وبيتنا فى الباوقة يوجد فى النمر (الكيايه) لصق جامع القادرية مباشرةً..حبيت أنزل الصورة حتى (أتبوبر) بها هنا وأقول لأهل البورد بأن ذلك المكان الجميل هو بيتى ومراتع طفولتى جزء من طفولتى..

ياود الباوقة بالله (دويرانية) على المكان ده ويشمل المشرع والعدلن وقوز النقراب للصورة الماخودة من الشرق
.





العدلن كانت إمرأة

جمعت من الصفات ما ميزتها عن حال فيه غيرها وعلت بما لديها فوق ظروف طمرت أجيال قبلها فكانت تلك الصفات لتي جمعت أناس من مشارب عدة وعشائر وبيوت .. لكي يتميزو بهذا الإسم.. في القدامية..

وفي العدلن الوقيعلاب.. وقيع الله شيق محمد ود النو جاب النقر وزروق ومحمد وعثمان والنقر جاب النقراب
وفيم كانت النقرابيات سكينة ونفيسة المعروفات بالعسليات..
Post: #307
Title: Re: الباوقة, سحر, وجمال, ومصير مجهول ... توجد صور ...
Author: المسافر
Date: 08-30-2009, 11:12 AM
Parent: #306

Quote:

حبيت أنزل الصورة حتى (أتبوبر) بها هنا وأقول لأهل البورد بأن ذلك المكان الجميل هو بيتى ومراتع طفولتى جزء من طفولتى..




في ذلك المكان أرض جدتي نفيسة وزوجها الأمين المكي.. ومنه إلى أرض جدي علي ود محمود وزوجته بخيتة المكي وعلى طول الجروف وسيقان اللوبيا وكليقة الكاويقا وبليلة القوسيال وزراعة الماقات..ومن بين ظلال النخل والجداول كم مشينا متأبطاً طرف ثوب جدتي نفيسة إلى دار النقرابية والسدرة التي تجمع تحت ظلها الوارف الناس وكثير من الدواب.. وكم جلست في مقام السجود طرف ترقوقة النقرابية والتي عرفت بين صاحباتها "بالقانون"..
Post: #308
Title: Re: الباوقة, سحر, وجمال, ومصير مجهول ... توجد صور ...
Author: المسافر
Date: 08-31-2009, 09:25 AM
Parent: #307

النقرابية كان لديها ملكة التفاعل مع هموم الناس وتخريجها بشكل مناسب للواجبات والمطلوبات وصولاً للحلول وفي سرعة فهمها كان تجاوب الآخرين معها في طرحهم ومداولتهم ومعرفة جوانب تقصيرهم وضرورة التغيير، بأسلوب أقرب للروح والمناجاة واللطف، ولا ينحصر حوارها في جنس أو علاقة قربى بل الكل رجالا ونساء في مكان منها قريب، مما جعل دارها دائبة الحركة والمزار بدون تكلف.. في بساطة لا تثقل الأكتاف ولا توهن الأعطاف، في زمان من إشراقها حتى المغيب لا يثني الانعطاف دخول ولا مدعاة للخروج ملول، شيء من الآلفة وكثير من الرغبة في التآلف والتكاتف..
النقرابية كانت تملك صفة الإنسان الذي تعرفه الأرض وتتنسم وجوده أوراق الشجر، تدب الحياة حوله شعوراً بمحياه، وتحزن الكائنات لفراقه يوم الرحيل.. فقد علا يوم رحيلها الغبار وتغبرت الأرجل وأجتمعت الجموع دون تناد..
Post: #309
Title: Re: الباوقة, سحر, وجمال, ومصير مجهول ... توجد صور ...
Author: المسافر
Date: 09-01-2009, 07:24 AM
Parent: #308


في وقت ما يتفاعل الإنسان مع الأرض فتصبح أخباره أحاديثاً تسعها الصدور وتسير بها القوافل لتترك آثاراً تجري الرياح فوقها لتبقى أسراراً في طيات الكتمان وانبهاراً في وقت الإنبلاج..
هنا كان الإنسان
وكان أنثى عظيمة في نشأتها
ترتاح العظمة في بساطتها
وتعلو البساطة فوق كل عظمة..
هنا كانت العدلن
والنقرابية في العدلن
Post: #310
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 09-02-2009, 10:11 AM
Parent: #309

Quote: النقرابية كانت تملك صفة الإنسان الذي تعرفه الأرض وتتنسم وجوده أوراق الشجر، تدب الحياة حوله شعوراً بمحياه، وتحزن الكائنات لفراقه يوم الرحيل.. فقد علا يوم رحيلها الغبار وتغبرت الأرجل وأجتمعت الجموع دون تناد..



الشُكر لكَ أخي المسافر وأنتَ ترفد البوست بهذه التهويمة
من عمق ماضي بلد نقاتل النيل الذي إحتضنها منذ بدء الخليقة
عندما يثور ويعلن عليها الحصار، ناهيك من بشر لا تربطهم بها
صلة من قريب أو بعيّد...
Post: #311
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 09-16-2009, 01:08 PM
Parent: #310

فوق عشان الارشفة
Post: #312
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 09-16-2009, 01:19 PM
Parent: #311

Quote: فوق عشان الارشفة


تُشكر يا وليد...

ذكرتني ما نسيت...
Post: #313
Title: Re: الباوقة, سحر, وجمال, ومصير مجهول ... توجد صور ...
Author: المسافر
Date: 09-17-2009, 07:46 AM
Parent: #312

الأخ معاوية المدير
الشكر لك وأنت ترفد المنبر بمعلومات عن حجك إلى موطن الجمال..
وأصحاب الجمال في داره
وقد عرفت الدار غير توهم
بحسنها المتنسم
وروعة ترانيم الصغار
بين الظلال
في أطراف الحقول
وحوافي الجداول
والسرابات
والمحافل
Post: #314
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 09-17-2009, 11:26 AM
Parent: #313



أخي المسافر، هذه هدية لك
قبل أن يفرد المساء الجناح،
ويلملم مصابيح الصباح، أهلنا
الجميلين رآجعين في المغيرب
للديار...
Post: #315
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 09-20-2009, 01:13 AM
Parent: #314

--------------------------------------------------------------------------------

منطقة الباوقة هي احد المعالم البارزة في ولاية نهر النيل تتبع لمحلية بربر تقع في الجزء الشمالي الغربي في الضفة الغربية للنيل، تعد من اكثر مناطق المحلية ازدحاماً بالسكان من مختلف الاجناس والقبائل إذ نجد المناصير والنوبة والجعليين والشايقية والدناقلة والبني عامر وغيرهم.

تحدها من الشمال قرية الردي، واقصى الجنوب قرية ابوكبيدة ومن الغرب الطبيعة الربانية وهي الجبال الشامخة شموخ الابطال ومن الشرق باقي الطبيعة النيل الساحر الجذاب الذي تتراقص له اشجار النخيل مع عزف امواجه ووصف كثير من الفنانين والشعراء اشجار النخيل، حيث يقول الفنان صلاح بن البادية: من رهيد البردي لمحة.. ومن نخيل الباوقة طربة. وايضاً الفنان اللحو: من تفاح جناين الباوقة وغيرهم من الفنانين المحليين.
من الناحية الاقتصادية يعتبر البلح او «الثمر» هو المحصول الرئيسي الموسمي الذي يعتمد عليه المزارعون في متطلباتهم اليومية وقضاء الحاجيات، وتعتبر اشجار النخيل من اقدم الاشجار منذ وجود الاستعمار يقوم بعض المزارعين بتخزين واحتكار كميات من جولات البلح لارتفاع اسعارها بعد انتهاء المحصول، واحياناً تصنع عجوة محلية لتسويقها في الاماكن الاكثر رغبة وهي مدينة كسلا.

نجد ان انواع البلح عديدة منها المشرق وهو الاكثر انتشاراً ويليه ود لقاوى، والعجوة والسكوت والجاو ومن اشجار الثمار ايضاً البرتقال والقرين فروت واشجار المانجو باشكالها المختلفة التي تباع في اسواق الخرطوم والسوق المركزي وهي ايضاً اشجار موسمية، ومن انواع المحاصيل البقولية التي تسهم في الاقتصاد للبلاد القمح والفول والذرة اثناء الري الفيضي.


نقلا عن منتدى الباوقة...

بواسطة الاخت ام جود...
Post: #316
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 09-25-2009, 06:35 PM
Parent: #315

طبعاً كلكم عارفين اوضاع مستشفي الباوقة
يجب ان نتفاكر حول آلية لدعم المستشفي
كشراء مختبر او جهاز اشعة او عيادة أسنان .
اولا اقترح على الاخ المدير حجر الظلط بتبني الموضوع وتثبيته
ثانيا الاخ حجر الظلط هو المسؤول عن التوجيه وتلقي الدعم .
ياللا نتفاكر مع بعض .... وفي إنتظار مقترحاتكم ..
وهي انشاء الله صدقة جارية
وخيركم خيركم لإهله .
بالتوفيق لنا جميعا



نقلاً عن منتدى الباوقة...

بقلم وليد شـــريف...
Post: #317
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 09-27-2009, 08:54 PM
Parent: #316






فوق المُشرع...
الضفة الشرقية...
Post: #318
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 10-02-2009, 00:40 AM
Parent: #317
Post: #319
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 10-02-2009, 10:44 PM
Parent: #318

up...
Post: #320
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 10-08-2009, 01:12 PM
Parent: #319


sudansudansudansudansudan36.JPG


فاطمة معاوية المدير ( بت الباوقة )...
Post: #321
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 10-11-2009, 02:37 PM
Parent: #320


mig3.JPG



الاخ وليد كلنا نعلم ان قرار الرئيس قرار سياسى ولكن هل القرار السياسى سبقة قرار بمراجعة الخرط والدراسات واللة كلام وبس اى ان الرئيس يقول واللة ما يقول دى ما القصة القصة هى فى الدراسات والخرط وهى التى تنفذ وليس القرار وكم وكم الرئيس طلع قرارات الاشتغل بيها منوة ما هو ذات الرئيس قال مافة رسوم فى الطرق القومية من متين ولحدى الليلة الرسوم والجبايات شغالة
يا اخوانا لاتصدقوا هولاء القوم واحذروهم ولم يكن قرار الرئيس سوى لزرع الفتنة وتشتيت الناس ودا ديدن الموتمر الوطنى واعملوا حسابكم من هولاء القوم .

نقلاً عن منتدى الباوقة...

الكاتب الفتواري...
Post: #322
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 10-11-2009, 11:36 PM
Parent: #321


mig4.JPG


الذين يعرفون الباوقة جيدا هي (الباقة) حيث بقت وكانت في الماضي مغمورة بالمياه ومن هنا جاء اسم الباوقة ونحن ولدنا وعشنا وترعرعنا فيها ونعلم كل صغيرة وكبيرة وعاصرنا الفيضانات منذ عام 1974 وكنا في ذلك الحين في المرحلة الإبتدائية وحتي عام 1988م كان اخر فيضان حضرناه في الباوقة ثم توالت الفيضانات وكان اخرها 1998م والذي ازال الاخضر واليابس وكانت النتيجة رحولنا الي منطقة النمر وحتي في مقر نا الجديد نحن مهددين حيث ياتي النيل من المنطقة الشمالية (خور ود عقيص ) لاحظ كل تلك الفيضانات الهادرة لم يكن هناك سدود على النيل من الجهة الشمالية لاسد مروي ولاسد الشريك ونحن نعلم كما يعلم جميع ناس الباوقة إن الباوقة غرقانة في حال قيام السد لانها لاتبعد من منطقة الشريك إلا بأربعين كيلو متر فقط وقد لاتغرق العبيدية او المناطق التي حول الباوقة لانها مرتفعة وقول رئيس الجمهورية من باب تخدير الناس وهو يعلم ماآل اليه حال بعض المناصير الذين اعترضوا وبقوا في مناطقهم في هذا العام رغم صغر ارتفاع منسوب النيل .

نقلاً عن منتدى الباوقة...
الكاتب حاج أبشر...
Post: #323
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 10-15-2009, 05:55 PM
Parent: #322

سمعنا في الاخبار ان عدو منطقة الباوقة المجذوب ربما تم اعفائه من منصبه للخرمجة وفوحان الرائحة الكريهة التي عمت الريف والحضر ... الوالي الذي لم يترك المجال حتى لاصحابه .. الوالي الاناني الطبع والمزاج ... سوف يذهب وتذهب معه الكراهية والظلم .. نتمنى ذلك
Post: #324
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 10-15-2009, 10:14 PM
Parent: #323

Quote: سمعنا في الاخبار ان عدو منطقة الباوقة المجذوب ربما تم اعفائه من منصبه للخرمجة وفوحان الرائحة الكريهة التي عمت الريف والحضر ... الوالي الذي لم يترك المجال حتى لاصحابه .. الوالي الاناني الطبع والمزاج ... سوف يذهب وتذهب معه الكراهية والظلم .. نتمنى ذلك



إلى مزبلة التاريخ، غير مأسوفاً عليهِ...


mig5.JPG Hosting at Sudaneseonline.com


ولتبقى الباوقة لأهلها الطيبين...
Post: #325
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 10-17-2009, 01:16 AM
Parent: #324

mig6.JPG Hosting at Sudaneseonline.com



[يرجع تاسيس الباوقه الي حمد ودعسيلي بن ادريس الانقير وعسيلي ووديدي وعبد الدئم والصقر هم اخوه
وبعد ذلك جاء اليها من ارتولي الكاسراب وقد حدثت بينهم والجرانيس معارك وخلافات حول الارض وبعد تدخل الوسطاء تم تقسيمها بينهم وقد تجدد الصراع بينهم ايام المهديه ايام حكم ابراهيم محمد حمزه فكان الصراع في (مرن وهو الفاصل بين الارض هذه وتلك ) وقد وثقت لنا الاشعار هذه المنازعه فقد قالت شاعره من الجرانيس شعرا نذكر منه كاسر حملوا وشدوا كان المرن هيل جدوا كان خبر حدوا ) وجاء الرد من الطرف الثاني امراه اخري من الكاسراب
(جرنوس كلب مازول ياشراب خمائر الجول )
واخيرا احتكوا الي الخليفه عبد الله التعايشي وتمت التسويه بينهم وقد قالت فيهم المراه الكاسرابيه حين رات الرجال مستعدون للسفر لامدرمان لمقابله الخليفه فانشدت شعرا
ناس الصبره وابو الحصين راحوا البقعه شن دايرين
هذه المداخله اردنا ان نوثق بها لتاريخ الباوقه وليست اثاره النعرات مع ان الكل هم ابناء عمومه


نقلاً من منتدى الباوقة...
الكاتب/ المانجلك...
Post: #326
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 10-19-2009, 04:44 AM
Parent: #325

mig8.JPG Hosting at Sudaneseonline.com


قبل أكثر من عامين قام أحد المحسوبين على الموتمر الوطنى بدعوة أبناء المنطقة التى تقع فى الجزء الشمالى من محلية بربروالتى تشمل مناطق الباوقة وريفها التى تضم الضفة الغربية للنيل ، وأرتولى والقرى والحلال التى تقع شمالها ،كانت الدعوة تحت ستار أوغطاء الخدمات بالمنطقة على إثر إفتتاح مدرسة ثانوية للبنات بأرتولى قامت بالجهد الشعبى أو إن صح التعبير بالتضحية والتنازل على حساب مدرسة أرتولى الأساسية للبنات التى تم دمجها مع البنين في مدرسة واحدة ،ورجع اهالى أرتولي ثمانية وعشرين عام للوراء حيث تم فك الأختلاط (بين البنين والبنات) وبالجهد الشعبى من أبناء أرتولى الخيرين ،تم الاختلاط فى زمن تشدد الدولة فى سياساتها من الحد منه،ولكن مناطق الظل المهمشة لاتشملها مثل هذه السياسات،.هذا ليس موضوعنا الان ،موضوعنا جمع الناس الطيبين بمسجد الشهيد بالمقرن ومحاولة كسب بعض الاغراض الدنيئة على حسابهم .

الغرض من الدعوة طرح مشروع خزان الشريك وما أدراك ما الشريك ،وبالفعل عرض القائم بالدعوة برنامجه الذي لم يحظى باى قبول لا من بعيد ولا من قريب ، وقدمت خلاله مقترحات وتوصيات أتى بها صاحب الدعوة مكتوبة ،من التوصيات طرح برنامج الشراكة بين الحكومة والاهالى فى مشروع السد ، ولم يستطيع أن يشرح مفهوم الشراكة رغم إستعانته بأحد أطباء الأسنان المعروفين ،لان الامر من أصله قائم على باطل وما بني على باطل فهو باطل ولايمكن أن يصبح حقا فى يوم من الايام ،إحتار الجميع فى هذه الشراكة التى لم يجدوا لها أي تفسير،وعندما عدنا الى المنطقة المعنية بالشراكة مع الدولة في إحدى الإجازات، سألنا أحد الساخرين من ابائنا عن رأيه فى هذه الشراكة (شراكة الاهالي مع الحكومة في مشروع يبحث عن تمويله عند العرب والاجانب وبالفوائد ولاجل طويل قد تتعاقب عليه عدة حكومات تختلف في سياساتها ) ،وكان رده حاضرا كما عهدناه حيث قالشراكة الحكومة ذى شراكة ( ود الخليفة) ( للحلب) في (حمارة ) ولاد (فاروق) !!!!!!!!!!!!!!!!!!!!!!!
وبدأ يحكي عمك في القصة .....ودالخليفة ماشى بي كرعيه (يعنى أرجله) ماعنده حمارة وسط الجماعة بعدين ولاد فاروق أدوه نصف حمارة من الصنف نمرة واحد (يعني بقت الحمارة شراكة بينهم) ،وطبعا المستفيد الاول والاخير ود الخليفة لان (الحمارة إن حييت للشيل وإن ماتت للطير)، وبمرور الزمن ود الخليفة قنع من الحمارة وضمر كيده لأولاد فاروق ،وذهب لاحدهم بعد نهاية السوق يوم جمعة (السوق هنا ثلاثة أيام في الإسبوع) وعرض عليه بيع الحمارة وفي الحين وحدث بينهم
جدل وطلب منه ولد فاروق ان ينتظر الى السوق القادم بالاثنين ،ولكن
لم يقبل ودالخليفة ذلك ،وانصرف يردد( أنا المهم أعلنتك ) ،واتجه مباشرة
الي (الحلب) وكانوا على أهبة الاستعداد للرحول من منطقة (الباوقة ) الى
أمدرمان ومنها الي الابيض ،وعرض عليهم بيع الحمارة واتفق معهم علي
أول ثمن (وكان ثمن بخس) وباركها لهين ،لكن قالهم نصفها يتبع لاولاد فاروق و يبقي معاكم متى مايجيكم أدوهم حقهم ،وأشهد علي ذلك شخصين من أتباعه الذين يعملون بتعليماته ويشهدون له على الخطأ والصواب وإشترط عليهم أن
لايذكروا هذا الموضوع لاي شخص الا عندما يطلب منهم الشهادة فيه،مرت
الايام وجاء يوم الاثنين يوم السوق ولكن لم يحضرودالخليفة علي غير عادته،واخيرا علم ولد فاروق أن الحمارة إتباعت للحلب ،وذهب مباشرة الي ود الخليفة :
........(وين الحمارة) ؟ ........ورد عليه( الحمارة بعتها)
.....تبيعها ليه من غير ما تشاورني ؟
......شاورتك يوم الجمعة الفاتت.
......لكن انا ما قلتك بيع ابدا .
.....أنا قلتك بائع وبعت والحصل حصل.
......طيب نصه في القروش وينه؟
......نصك مع الحلب
.....كيف يعنى مع الحلب؟
....تركته معاهم والشاهد على ذلك فلان وفلان أسألن.
....ولد فاروق بقى أمام الأمر الواقع ،وفكر يسرع يحصل الحلب فى أقرب موقع ،وتحرك في إتجاه حركة الحلب جنوبا بالمنطقة الغربية للنيل يطلع وينزل مرة بيحمارة ،ومرة بيعربية،ومرة بيكرعيه كلما ينزل في قرية يعلم برحول الحلب للقرية الأخرى،الى ان وصل بالقرب من أمدرمان بعد أن قطع أكثر من (300 كلم) ووجدالحلب ،ولقى حمارته وتأكد أن مبلغه مع الحلب ،ولكن ما عندهم قروش في هذه اللحظات وطلبوا منه ينتظرن الى أن يبعوا اما في أمدرمان أو الابيض حسب السوق .أخيرا فوض أمره لله وفكر في الرجعة و طلب من الحلب أن يعطوه حق المواصلات يرجع به الى أهله بعد أن حسب تكاليف رجوع الحمارة ،.وصحا من غفوته لكنه عاد صفر اليدين
لاحميده ولاشكيره.........
دي شراكة الحكومة مع الاهالي البعرفها أنا،وأنهي عمك قصته هكذا.
ونقول أخيرا الحلب يمكن يتلقوا ويتفاهموا ،لكن الحكومة يمسكوها من وين ،وكيف ؟؟؟؟؟؟؟؟
وهذا خير مثال للشراكة ،]

نقلاً من منتدى الباوقة...
الكاتب المانجلكـ ...
Post: #327
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-17-2009, 11:50 AM
Parent: #326

sudansudansudansudansudan33.JPG Hosting at Sudaneseonline.com

اصطفى لها الله مكانا خاصا فى الكرة الارضية ومثاليا حين وضعها لاول وهلة بين احضان النيل وزادها حبا بعد فيضان 1946م حين وضعها عروسا تابس النخيل زفافا وترسم من رمل الجزر الناعم طلاء لاظافرها ومن خضرة الجروف اشكالا من الحناء وتتوج من جبالها ملوكها بتيجانهم وتتخز من عرق رجالها عطرا وتسهر مع طيبة سامريها وحكاويهم انها امى وام ابى واخت جدى وجدتى وحبى الابدى وعروس كل جيل
حبانا الله بالنيل العظيم الذى يشق ارض المليون وجعل هذة الجزيرة هى التى تشقة وتضع نفسها فى مكان لايمكن تصورة هو فى قلب النيل فى مواجهة التيار وجعلها تغرس جزورها وتحجز لنفسها مكانة لايمكن ان تزحزحهاتيارات اخرى
هذة الارض الطيبة الخصبة التى ورثناها عن اجدادنا وامجادنا ستظل نحرسها تحرسنا جبالها الصامدة التى تدر علينا من المعادن التى ابسطها هو الذهب الذى يغطى كل شبر من وديانها ونخيلها رمز شموخها وجروفها التى هى جنة من جنان الله فى الارض ورمال شواطيها التى تتخز من صفا النيل وبريق الشمس لمعانا كانها مراءة تعكس اصالة معدن اهلها وملاكها الزين لايرضون ان يشاركهم فى خيرها الا اخيارها الزين ان مشوا عليها تبادلهم الحب وان مشوا منها تغرس فيهم اشواق وحنين الرجوع وان مشوا اليها تحضنهم بحب وحنان فابسط مايقال عنها انها عروس كل الاجيال...

نقلاً عن منتدى الباوقة،
الكاتب حسن...
Post: #328
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-17-2009, 11:56 PM
Parent: #327

sudansudansudansudansudansudansudansudansudansudansudansudansudansudansudansudansudansudan13.jpg Hosting at Sudaneseonline.com


شمس الغروب في الباوقة...
نقلاً عن منتدى الباوقة...
عدسة محمد...
Post: #329
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-18-2009, 10:50 PM
Parent: #328

sudansudansudansudansudan154.jpg Hosting at Sudaneseonline.com


من نخيل الباوقة طرحة...

عدسة إبننا محمد...

منتدى الباوقة جنّة الشمال...
Post: #330
Title: Re: الباوقة, سحر, وجمال, ومصير مجهول ... توجد صور ...
Author: المسافر
Date: 12-20-2009, 07:11 AM
Parent: #329



عثمان النقر كان المساعد الطبي بمستشفى الباوقة عند تأسيسه وكان أغلب الأطباء يأتون في فترة الإنتيرنشيب لذلك كان كل الهم على عاتق المساعد الطبي وهمته التي جعلت من ذلك المكان عالم قائم بذاته، وشخصيته الفذة أعطت المكان هيبة خاصة، وقصدته بعد أن سكنت جسمي البلهارسيا وإتكأت على سرر من إخواتها الملاريا وفقر الدم والهزال وضعف وظائف الكلى والبول الدمي، وكان اهتمام عثمان النقر بعلاجي نابع من فهمه لمعنى الحياة، وإحساساً بالحراك الإنساني في جوانح الأبدان، هو عثمان يتحدث إليك وأنت في حقل عينيهتتنسم في الكلمات معنى حقيقي ريان بندى يفيض فوق ضفاف المشاعر ، وتجد نفسك في رحاب شخص غيرك يمنحك الإطلالة من عينية ، والتمدد في فيما بين كتفيه والتسرب حناناً في الحشا...

حاصرني إصراره القوي على علاجي والقفز من قطار الموات فوق سهل موعود بالحياة، وكان الخيار الصعب الحقن بثمانية من الحقن العاتية التي كان من رأيه أنني سوف لن احتملها ولكن لابد من العلاج، بعد الحقنة الأولى ارتخت العضلات في جوانب الجسد الهزيل، والحقنة الثانية تخلت الرجلين عن صلابتها في تحمل الوقوف وعند الحقنة الثالثة وهنت الخطوات وحاولت تعلم المشي من جديد وعند الحقنة الرابعة تملكت الحيرة كل من يعرفني، وعند حضور الوالد ثار ثورة عارمة وحملني إلى مكتب عثمان النقر وبدأت المشاحنة الساخنة تشابكت الألسن بأفظع النعوت وخرج الوالد متوعداً بفتح بلاغ وملاحقة قانونية، وإنسحبت خلفه أجر نفسي فصاح بي عثمان النقر " تعال ياولد !!" " ماشي وين؟؟" " كان دفنوك الليلة دي لازم أكمل ليك العلاج" وإلى غرفة الحقن والخامسة ... ولم يضر الشاة سلخها... والسابعة فما بميت إيلام... والثامنة وبر السلامة.. بعد التحليل جاءت النتيجة اختفاء البلهارسيا... " بعد ده خلي أبوك يجي يضبحني"
Post: #331
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-20-2009, 11:45 AM
Parent: #330

Quote: والسابعة فما بميت إيلام... والثامنة وبر السلامة.. بعد التحليل جاءت النتيجة اختفاء البلهارسيا... " بعد ده خلي أبوك يجي يضبحني" [/QUOT

خبرة ودراية، وعزيمة، وإصرار، وثقة بالنفس.
أين أطباءنا منها اليوم...






مزيد من الدعم سِري المسافر
يديك العافية...













فوق من أجل الباوقة وأهلها...
Post: #332
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-21-2009, 12:15 PM
Parent: #331

sudansudansudansudan134.jpg Hosting at Sudaneseonline.com



سحر وجمال،
فنان يا محمد...
نقلاً عن منتدى الباوقة...
Post: #333
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-23-2009, 01:39 PM
Parent: #332

نحن لإبنائنا القادمين....
....الكرقه ...دايرنها كرقه بالصح ...نشرب فيها جبنتنا ...
.... الكرقه.... نستريح فيها من حراتت واطاطنا ، ونوسقا....
الكرقه.... نقعد فيها نربط قراعنا....
نخرت لوبيتنا......
........نحاحي منها عيشنا ... وفولنا... وقمحنا......
....نحلب بقيراتنا....
نغرزسلوكتنا.....نملخ ليفنا ...نفتل وندق حبالنا.......
..............اخوي ودالفكى ،،،حبابك وين عدة جبنتك....
واخوى على ود جار النبى .... وين بستلة كسرتك بالروب ,,,, ويلا ورونا إبداعاتكم.....
جناكم الانقــــــــــريــــــابــــــــي


نقلاً عن منتدى الباوقة.
الإنــقــريـــابــــي...
Post: #334
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-25-2009, 11:56 PM
Parent: #333

sudansudansudan43.jpg Hosting at Sudaneseonline.com


سحر كاميرة محمد...
منتدى الباوقة...
Post: #335
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-28-2009, 10:44 AM
Parent: #334

balda.jpg Hosting at Sudaneseonline.com


عدسة محمد...
Post: #336
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-31-2009, 12:15 PM
Parent: #335

bawga2.jpg Hosting at Sudaneseonline.com


عدسة عادل عبدالباقي...

منتدى الباوقة جنّة الشمال...
Post: #337
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 12-31-2009, 12:32 PM
Parent: #336

sudansudansudansudansudansudan99.jpg Hosting at Sudaneseonline.com

لو ما قسوة ظروف
نفارق طين الجروف
عزانا مقالد الأهل
مصيرو الحي يوم يشوف...


عدسة محمد.
منتدى الباوقة جنّة الشمال...
Post: #338
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 12-31-2009, 12:41 PM
Parent: #337

sudansudansudansudansudansudansudansudansudansudansudansudansudansudan42.jpg Hosting at Sudaneseonline.com

صورة من منتدى فتوار
Post: #339
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 12-31-2009, 12:48 PM
Parent: #100

P1010509.JPG Hosting at Sudaneseonline.com


حذف للتكرار
Post: #340
Title: Re: الباوقة, سحر, وجمال, ومصير مجهول ... توجد صور ...
Author: MOHAMMED ELSHEIKH
Date: 12-31-2009, 12:55 PM
Parent: #339

P1010554.JPG Hosting at Sudaneseonline.com


P1010575.JPG Hosting at Sudaneseonline.com

P1010568.JPG Hosting at Sudaneseonline.com


[B]القروناب( شمال فتوار)[/B]
Post: #341
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-03-2010, 07:19 AM
Parent: #340

محمد الشيخ يا قريبي، مشكور على المرور
والدعم الثر.





أبقى وآصل، وما تقطع...
Post: #342
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-06-2010, 06:44 AM
Parent: #341

sudansudansudansudansudansudan.jpg Hosting at Sudaneseonline.com


يا نسمة قولي بدون بُكاء
المنقة كيف؟
والبُرتُكان يا نسمة صح
شال وإنتكى؟ يا نسمة مالك ساكتة
ما قلبي إشتكى؟


عدسة محمد.
منتدى الباوقة جنّة الشمال...
Post: #343
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-07-2010, 11:53 AM
Parent: #342

sudansudansudansudansudan38.jpg Hosting at Sudaneseonline.com

حقاً سحر وجمال هذا الذي تعكسه
لنا عدسة محمد في هذه اللقطة الخُرافية...



منتدى الباوقة جنّة الشمال...
Post: #344
Title: Re: الباوقة, سحر, وجمال, ومصير مجهول ... توجد صور ...
Author: عفاف الصادق بابكر
Date: 01-07-2010, 12:14 PM
Parent: #343

جمل يفوق حد الدهشة يا الباوقة ...
نعمة الاهية .. وجنة في الارض ..
Post: #345
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-08-2010, 11:30 AM
Parent: #344

علي ماعتقد ان الانقرياب ناصروا المهديه لانهم كانوا اهل الملك المسلوب من قبل الاتراك
فقد ورد ذكرهم في كتاب المستهدي بسيره الامام المهدي بقياده ابراهيم محمد حمزه وكثيرين منهم كانوا امراء في المهديه امثال عبد الرحمن النور وغيره
بعد موت المهدي وقياده الخليفه لدوله المهديه وصلفه وغروره لم يعجب الانقرياب هذا الامر
فقد دبر ابراهيم محمد حمزه مع محمد ود الفحل زعيم الفحلاب تهريب سلاطين باشا
فكانت نتيجه ذلك اعدام ود الفحل وسجن ابراهيم بسجن السائر
وحين وقف ابراهيم امام الخليفه كان ثابت القلب وحين ساله الخليفه كيف هرب سلاطين ولم يقبض عليه فقد كان رده مدهش وغير متوقع فقال للخليفه ان سلاطين هرب من امدرمان ام حيل وخيل تسال عنه ابراهيم في الباوقه فهذه الشجاعه اثارت الشناوي وهو شاعر من ميرفاب العبيديه فقال يمدح ابراهيم
اسد الكتر الانطرح في هيشوا ************* قلبك ماندخل من الخليفه وجيشوا
فقد وصفه صاحب كتاب نفثات اليراع بقوله
كان ابراهيم محمد حمزه الانقريابي ذا خطر ومهاب في قومه عادلا لايظلم عنده احد
وهناك صفه اتصف بها الانقرياب دون غيرهم وهو عدم الخوف من الحاكم والسلطان فقد ينطق احدهم قولا امام السلطان لايتوقع اشجع الحاضرين ان يقال مثل هذا
وهذه امثله
مختار عبد الله الطيب ( ابو سادوبه ) من منطقه مبيريكه كان عنده محكمه في بربر فجلس علي احد الكراسي المصنوعه من الخيزران داخل قاعه المحكمه فقد كان الكرسي الذي جلس عليه رجله مكسوره فوقع به حتي طارت عمامته فنهض وامسك بالكرسي وضرب به الحائط وكسره وصاح باعلي صوته ( حكومه جيعانه كراسي ماعندكم)
فمثل هذا الامر لم يكن متوقع ومختار من حقه ان توفر له المحكمه كل سبل الراحه حتي يدافع عن حقه له الرحمه والمغفره فقد كان رجلا سابق لااوانه...

الكاتب المانجلكـ...
منتدى الباوقة جنّة الشمال...
Post: #346
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-08-2010, 11:34 AM
Parent: #345

Quote:
جمال يفوق حد الدهشة يا الباوقة ...
نعمة الاهية .. وجنة في الارض ..


الشكر الجزيل لك أختي عفاف، وأتمنى أن يكون مرورك
حقيقة وسط بساتين الباوقة. الدعوة مفتوحة لك ولكلٍ من
مرّ عبر جداول وجنائن هذا البوست...
Post: #347
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-25-2010, 05:51 AM
Parent: #346

sudansudansudansudan63.jpg Hosting at Sudaneseonline.com

عدسة منير الكندو.
منتدى الباوقة جنّة شمال السودان...
Post: #348
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-25-2010, 06:01 AM
Parent: #347

sudansudansudansudansudansudan26.jpg Hosting at Sudaneseonline.com


مشرع الباوقة،
كاميرا ود الباوقة بتاع منتدى الباوقة
ما بتاع سودانيس اون لاينز...

منتدى الباوقة جنة الشمال
Post: #349
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-25-2010, 06:16 AM
Parent: #348

sudansudansudansudansudansudansudansudansudan30.jpg Hosting at Sudaneseonline.com

عناق حار بين المنقة والنخيل،
كاميرا ود الباوقة، بتاع منتدى الباوقة...

منتدى الباوقة جنة الشمال...
Post: #352
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-25-2010, 10:57 AM
Parent: #347
Post: #350
Title: Re: الباوقة, سحر, وجمال, ومصير مجهول ... توجد صور ...
Author: عبدالحافظ سعد الطيب
Date: 01-25-2010, 06:42 AM
Parent: #100

Quote: خوفنا ان يطمر كل هذا الجمال بمياه سد الشريك

لا للسد



سجل موقفك ياود الباوقة ياتغير أسمك لمناهضة سد الشريك

دايرين كلام واضح وصريح
Post: #351
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-25-2010, 07:51 AM
Parent: #350

Quote:
سجل موقفك ياود الباوقة ياتغير أسمك لمناهضة سد الشريك

دايرين كلام واضح وصريح


يا عبد الحافظ،
أخونا عمر ده قال مع خيار أهلوا،
كفاهو زربده...



مشكور على المرور...
Post: #353
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-25-2010, 11:16 AM
Parent: #351

حى السوق
معالم حى السوق
الحدود الجغرافية
يمتد حى السوق من كبرى الدقونة شمالاً الى العسيلياب جنوباً ومن المترة غرباً الى نهر النيل الخالد شرقا .
فرقان حي السوق
يتكون حى السوق من عدة فرقان وهى من الشمال للجنوب الدقونة الكرماب الحاجاب الفرحاب الجنيناب البراهمة الكنوز الكنانين العاقباب الحرازة الشريفاف المدراء سام الأمين الكواكوة العمارنة العسلياب حلة ابراهيم ودحمزه مترة حاج النافع مترة حاج الخليفة مترة سليمان
معالم حي السوق
اولاً :- سوق الباوقة
سوق الباوقة العتيق والعريق وايضاً من معالمة بوستة الباوقة القديمة ومحطة المياه ومحكمة الباوقة وهى مكان نادى الأهلى الحالى
ثانياً:- الكيرهانة
وهى بناية اسمنتية اثرية قديمة والآراء حولها مختلفة منهم من يقول معبد فراعة ومنهم يقول مشروع زراعى فى عهد التركية السابقة وآخر يقول هى مصنع صبغة ملابس الجيش التركى وغيره يقول كانت مقر إقامة الحاكم الأنجليزى .
ثالثاً:- مسجد الشريفاب
وهو من مساجد حى السوق العتيقة واستمد المسجد عراقتة من صلاة العيدين التى تقام عليه منذ زمن بعدين .ايضاً مسجد الشريفاب المسجد الوحيد فى المنطقة التى تقدم فيه وجبة الإفطار فى يوم عيد الفطر.
رابعاً:- الدليبة فى العمارنة
المعلم الرابع الدليبة فى فريق العمارنة وهى شجرة دليب عملاقة عملاقة عملاقة
خامساً:- مسجد وخلاوى الكنانين
مسجد الكنانين وخلاوى الكنانين من معالم حى السوق ولكن للأسف الخلاوى توقفت عن دورها واصبحت ذكرى
سادساً :- نادى الأهلى العريق
نادى الأهلى من اقدم الأندية فى الباوقة وحتى الآن يقوم بدوره الإجتماعى الثقافى والرياضى فى الحى
رموز حي السوق
الرموز:- الإجتماعية
اميز رموز حى السوق الإجتماعية اولاد جعفر الحاج كحلاوى (حسن جعفر – هاشم جعفر – محجوب جعفر – كريو الخ ) وكنيش ، ابين كبرص ، على السيد ، التنى ، الجاورى ، شرحبيل ، الأحمر، عزالدين النصيح ، اب سلوكة عبدالله ود احمد والقائمة ممتدة
رموز وطنية وسياسية
من رموز الحى السياسية والوطنية السيد /مجذوب عثمان مجذوب عليه الرحمة وكان ممثل الباوقة فى البرلمان وايضاً السيد / مختار عبدالله ابراهيم رئيس المجلس التشريعى فى ولاية نهر النيل كذلك تاج السر ابراهيم الخليفة .
رموز دينية
الشيخ عثمان ودعبدالله كان من رجال الدين فى الحى وكان حافظ لكتاب الله والشيخ ود المبشر كان عالماً من اعلام الدين فى المنطقة وكان احد شيوخ خلاوى الكنانين وأخونا وشيخنا الجليل السمانى النصيح السمانى.
رموزفنية
من زموزنا الفنية فى الحى الفنان الكبير القامة فنان الحقيبة المعروف صديق الكحلاوى وأنتهز هذه الفرصة واطلب من حبيبنا حجر الزلط ان ينشى سايد خاص بالفنان صديق الكحلاوى وانا مستعد لجمع جميع اعماله وله المبوم خاص فى موقع مكتبة الأغانى السودانية ممكنن ياحجرو تنقلو من الموقع لاننا عندنا الحق فى الكحلاوى اكتر من غيرنا .
حواء حى السوق
حواء فى حى السوق موجود وتقوم بدورها الإجتماعى والتربوى الخ..... ولكن لانريد ان ندخل فى تفاصيل الأسماء .
شخصيات واعلام الحى
من اعلام الحى الموجودين حالياً اولاد الحسن ودشيخ احمد اولاد الريد اولاد الكرم اولاد ودعرديب اولاد العسكرى اولاد على حنتيب اولاد الكاسراولاد عثمان مجذوب اولاد ابراهيم سرالختم اولاد سويكت اولاد عثمان ودحران واولاد عمر ودحاج المين وحمزة ودعجيل الكامل حاج على واولاد صيام واولاد الكنين والعالم واولاد النصيح واولاد عثمان ودالخليفة وابراهيم ودالخليفة واولاد الفقير واولاد احمدالعباس اولاد الحسين شريف اولاد حمزة شريف اولاد جعفرالحاج اولاد حسن مصطفى اولاد عبده اولاد كحلاوى اولاد كرار حاج كوكو اولاد احمد الخير اولاد عمر والعوض حاج الخليفة اولاد المدير وعباس ود سليمان والاد الدقونى وبابكر ودعبدالقيوم ونعتزر لكل النسيناهو.

نقلاً عن منتدى الباوقة جنّة الشمال.
بقلم/ معروف...
Post: #354
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-26-2010, 05:54 AM
Parent: #353

sudansudansudansudansudan87.jpg Hosting at Sudaneseonline.com

الـمـعـصـوّد،
كاميرا منير الكندو.
منتدى الباوقة جنّة الشمال...
Post: #355
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 01-26-2010, 06:00 AM
Parent: #354

sudansudansudansudan73.jpg Hosting at Sudaneseonline.com

عِناق النخيـل...
كاميرا منير الكندو.
منتدى الباوقة جنّة الشمال...
Post: #356
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-12-2010, 07:30 AM
Parent: #355

sudansudansudansudansudansudansudansudan50.jpg Hosting at Sudaneseonline.com


يبدو الغير على زاتُن يقسمو اللقمة بيناتُن.

عدسة محمد حسن العمدة.
منتدى الباوقة جنّة الشمال...
Post: #357
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-12-2010, 07:35 AM
Parent: #356

sudansudansudansudansudansudansudansudan51.jpg Hosting at Sudaneseonline.com

بيدو الزاد حتى أن كان مصيرُن جوع
ديل أهلي.

عدسة محمد حسن العمدة.
منتدى الباوقة جنّة شمال السودان...
Post: #358
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-12-2010, 07:45 AM
Parent: #357

sudansudansudansudansudansudansudansudan52.jpg Hosting at Sudaneseonline.com

بلادي أنا يا بلادي الف تحية ليكِ من الفؤادِ.

عدسة محمد حسن العمدة.
منتدى الباوقة جنّة الشمال...
Post: #359
Title: Re: الباوقة, سحر, وجمال, ومصير مجهول ... توجد صور ...
Author: عبد المنعم عبدالله
Date: 02-13-2010, 03:32 AM
Parent: #358

dear Mawia
you said
Quote: نقفل الساحة ونشيل مفتاحها وعليك يالباوقة اللذيذ تفاحها ...

this is Alboga of yestarday and hope of tommorow
carry on
fighten we will be with you with our hart and mind

wa shokraan
Post: #360
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-13-2010, 08:38 AM
Parent: #359

Quote:
dear Mawia
you said
Quote: نقفل الساحة ونشيل مفتاحها وعليك يالباوقة اللذيذ تفاحها ...

this is Alboga of yestarday and hope of tommorow
carry on
fighten we will be with you with our hart and mind


أخي عبد المنعم بوجودكم معنا و بتوحد أبناء الباوقة
ستصير الباوقة أجمل مما كانت عليه. ومنتدى الباوقة الآن
بتوحد أبناء وبنات الباوقة يسير في طريق إعمار الباوقة
والسير بها قُدُماً حتى تستعيد ما ضيها التليد بمشئة الله
تعالى...
مشكور أخي عبد المنعم عبد الله، والصورة التحت
المداخلة دي هدية ليك...
Post: #361
Title: Re: الباوقة, سحر, وجمال, ومصير مجهول ... توجد صور ...
Author: فيصل محمد خليل
Date: 02-13-2010, 08:54 AM
Parent: #360



والمدى يمتد وجد عابر هذي المدينه
Post: #362
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-13-2010, 09:02 AM
Parent: #360

32_1265654476.jpg Hosting at Sudaneseonline.com


عدسة محمد حسن العمدة.
منتدى الباوقة جنّة شمال السودان...
Post: #363
Title: Re: الباوقة, سحر, وجمال, ومصير مجهول ... توجد صور ...
Author: محمد حسن العمدة
Date: 02-16-2010, 09:18 PM
Parent: #362

جنة الفرودس السكانا حور
Post: #364
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-17-2010, 07:38 AM
Parent: #363

Quote:
والمدى يمتد وجد عابر هذي المدينه


نشكر لك مرورك البهى أخي فيصل.
معاً حتى ينزاح الكابوس عن صدر أهلنا الطيبين...
Post: #365
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-18-2010, 02:42 AM
Parent: #364


في البدء من هم الانقرياب الاجابه هم ابناء ادريس بن عبد اللة جماع الملقب بالانقير وهو عشب يقتل البهائم وهم فرع من العبدلاب ونسبهم كلاتي
ادريس بن عبداللة جماع بن محمد الباقر بن السيد علي بن السيد محمد جبل بن السيد عبداللة بن السيد بن السيد بركات بن السيد القاسم بن السيد راتب بن السيد شهوان بن السيد مسيبع بن السيد ثعلبة بن السيدهوبر بن السيدالذاكر بن السيد سراج بن السيد جاء النصر بن الشريف غيث بن الشريف شافع بن السيد عمير بن السيد عمران بن السيد علي نور الدين بن السيد حسين بن السيد علي بن السيد ابراهيم بن السيد محمد بن السيد بابكر بن السيد اسماعيل بن السيدعيسي بن السيد علي بن السيد محمد التقي بن السيد الحسن العسكري بن السيد علي الهاديبن السيد محمد الجوادبن السيد علي الرضا بن السيد موسي الكاظم بن السيد جعفر الصادق بن السيد محمد الباقر بن السيد علي زين العابدين بن سبط سيد الكونين الامام الحسين بن بضعة خير البرية صلي اللة علية وسلم السيدة فاطمة الزهراء رضي اللة عنها من الامام علي كرم اللة وجهة
كتب هذا النسب الشريف بالحرمين سنة 946 هجرية وعلية سبعة عشر ختما من اختام الاشراف المجودين بالحرمين في ذلك الزمان
يسكن الانقرياب في المنطقة ارتولي جنوبا حتي مبيركة شمالا وبالضفة الغربية للنيل من الباوقة جنوبا حتى فتوار شمالا
انجب ادريس اربعة من الابناء وهم الصقر وعبد الدائم وعسيلي ووديدي
الصقر انجب الصقورة بفتوار وفي حوذتهم نحاس القبيلة
عبد الدائم انجب السيداب والسلقاب وخلاف ذلك من العبدايماب ابناء بنات
عسيلي انجب العسلياب والجرانيس والضياباب بالجول
اما وديدي انجب الاونساب والعقدة اولاد حمد عقيد والجضوعة اولاد حماد الجضع والبطرن والكاسراب ايضا جدهم حماد الجضع والبطرن والهيايس والبليواب
وتطبيقا" للحكم اللامركزي فقد تم انشاء أمارات فى شمال السودان لإحكام سيطرة دولة العبدلاب على الشمال، فتم تأسيس امارة بربر تحت حكم إدريس بن عبدالله جماع ، الملقب بالنقير لأنه كان مشلخا بالشلخ المعروف بالنقرابى وهو حرف T،وهو شلخ القبيلة،سمى بذلك لأن شلخه كان صغيرا". والأمارة الثانية كانت فى منطقة الخناق، تحت إدارة إسماعيل العقيل بن عبد الله جماع وتضم هذه مناطق العفاض وقوشابى وتنقسى الجزيرة وماحولها، وأحفاده ما زالوا يوجدون هنالك. أما الأمارة الثالثة فكانت فى منطقة مشو شمال دنقلا،تحت قيادة أحمد بن عبد الله جماع،الملقب ب(أدركوجا)،كان ذلك فى العقد السابع من القرن السادس عشر، فى عهد الشيخ عجيب المانجلك. حكم ادريس أمارة بربر وكان للميرفاب أمارة فى رأس الوادي المعروف الان بالسلمة . أدار إدرييس أمارته الممتدة على الجزء الشمالى من ولاية نهر النيل الحالية،مع الإحتفاظ للقبائل الأخرى ببعض الذاتية. وعندما أراد الشيخ عجيب نشر الإسلام فى شرق السودان قاد رحمة كبير الميرفاب جيشا" عرمرما" لمعاونة الشيخ عجيب في حربه وأبلى الميرفاب في تلك الحروب، مما دعا الشيخ عجيب لعزل إدريس من أمارة بربر وتعيين رحمة أميرا" عليها تقديرا له، ووجه إدريس بالإقامة شمال بربر ليشكل حائط دفاع عن بربرومن ثم مشيخة العبدلاب فى حلفاية الملوك.وإختار إدريس أن يقيم في الجزيرة أرتولي التي تقع شمال بربر القديمة على بعد حوالي 35 كيلوميتر،ويعنى اسم أرتولى المكون من مقطعين أرتي ومعناها جزيرة و أولي ومعناها الخندق أو الحماية ، وهى تشابه كلمة جبل أولي وليس كما ينطقها الناس جبل أولياء وكذلك الجزيرة أولي فى منطقة سد مروى الحالى.كانت هذه الجزيرة واحدة من المراكز المهمة قبل ذلك التاريخ، والشواهد على ذلك الأثار الموجودة فى منطقة العدوة فى أرتولي،حيث توجد مقابر بها محتويات تدل على استمرار الحياة خلال كل الحقب التاريخية في السودان القديم، كذلك بقايا كنيسة،وكذلك الأثار الموجودة بالضفة الشرقية للنيل والأثار الموجودة الى الجنوب والى الشمال منها فى منطقتى كرني وراجل العدوة ،وتم تحديد المنطقة التى الت إلي إدريس من شمال محطة الجمارك الحالية بالعبيدية حتي السيمافور الحالي فى محطة الكربة شرقا" وغربا" وكان سكانها السابقين من النوبة القديمة أو ما يعرف عند السكان بالعنج ،وتعايشت المجموعتان. أما الباوقة فقد نشأت لاحقا" ، وكلمة الباوقة تعني الأرض الخلاء_ وهذه الكلمة معروفة في أرض البطانة _، وهي معروفة بباوقة حمد واللمين وهذا يدل علي نشأتها اللاحقة، و أول سكانها هم الجرانيس .
ويقيم الإنقرياب فى مبيريكة و الجول وفتوار ولهم عموديتان: الأولي بمبيريكة فى ال هييس، وإنتقلت إلى الكاسراب في الجزيرة أرتولي، والثانية بالباوقة فى ال ابراهيم ود همزة. إستمرت العلاقات بين الميرفاب والإنقرياب تسير علي ما يرام لا تشوبها شائبة ولكن دارت حروب بينهم وبين جيرانهم الرباطاب من الناحية الشمالية، وبينهم وبين الشايقية لأكُثر من مئتى عام فيما عرف بحرب القيمان، فهم قد وقفوا لحماية الأطراف الشمالية من دولة العبدلاب وكانوا المكون الرئيسي للجيوش التي تاتي من الحلفاية لكسر شوكة المعتدين وخاصة الشايقية ،وكانت هذه الجيوش الاتية من الحلفاية ترتكز فى المنطقة التي عرفت بالقيقر أو قوز الفونج جنوب بربر القديمة ،وكثير من الذين يقيمون فيها الان من العبدلاب ويغلب إسم عجيب فيها،أثرت هذه الحروب فى أعداد الإنقرياب الحاليين. كما ذكر يوسف فضل أن حرب القيمان أسسها الأنقرياب وكانت لكسر الشوكة، وأستمروا يلعبون هذا الدور إلي نهاية القرن الثامن عشر، حيث كانت اخر الحملات التى شاركوا فيها هى حملة أبناء الأمين ود مسمار (أخوان ناصر)اخر ملوك الحلفاية ،والتى أقام احفاده المعروفين بالسوكتراب وهم أبناء محمد الصقاع بن الامين ود مسمار، ونحاسات محمد الصقاع هذا موجودة لدي أحفاده بالمنطقة مما يؤكد تواصل العلاقة . والامين ود مسمار هذا هو الذي هزم االفونج في أربجى ودمرها وهزم ملوك سنار،وحكم المشيخة من الحلفاية ومات فى حوش بانقا وقبر داخل قبة الشيخ بانقا وهو الذى كتبت فيه القصيدة التي فيها :
غني وشكريه الليلة يا رقية دابى الكواني الضارب الليه
سامعة لى كتال جيهة الهلالية خمستاشر حصان سكن سبعمية
وذلك عندما داهمه الفونج بالهلالية فإنتصر عليهم ،عبر النيل إلي أبو عشر في طريقه لتولي السلطة في الحلفاية 1801م).
ومن العبدلاب الذين يقيمون في المنطقة أيضا" اسرة الشيخ البدري المقيمة ببربر القدواب وكذلك أحفاد إدريس ود الفحل زعيم الجعليين الذي تزوج ستنا بت عجيب الثالث التي حكمت أمارة شندي في العقد الثامن من القرن الثامن عشر(1772م) وكتب عنها المؤرخ النمساوي كابو .
وساهمت أيضا" قبيلة الإنقرياب في التاريخ الحديث حيث ساهموا في معارك المهدية ببربر بقيادة كبيرهم إبراهيم ود همزة وورد ذكرهم بقيادته في كتاب إسماعيل الكردفاني:المستهدي بسيرة الإمام المهدي وكتاب نعوم شقير ،وأيضا" حاربوا في كرري والنخيلة وكان كثير منهم أمراء كموسى ود الشيخ السوكترابي وعبد الرحمن ود النور . ومن الذين قدمتهم القبيلة لهذا الوطن سيادة مولانا السيد على الميرغني فهو حفيد النور ود الكاسر بامه وكذلك قدمت الأستاذ محمد يوسف محمد و يوسف حسن سعيد وهما من الأربعة الذين أسسوا الحركة الإسلامية فى السودان، وعبد المنعم محمد عبد الرحمن النور الذي كان واحدا" من الأربعة الذين أسسوا حزب البعث السوداني وشقيقه شهيد أكتوبر عبد الله محمد الشهير بالإنفيزيبلinvisible ) ،وكذلك شهيد بورتسودان فى أكتوبر الشهيد محمد الخليفة أحمد.والمؤرخ بشير كوكو حميدة و الأديب علي المك. ومن الشعراء قدمت تاج السر الحسن (اسيا و أفريقيا) والحسين الحسن وعوض أحمد الحسين(يانسيم أرجوك) ،وقدمت محمود الزبير لاعب الموردة الشهير . ولقد ظلت دائرة بربر الشمالية حكرا" على أبنائها، ففي الخمسينات كان عبد العظيم عبد الرحمن وبعده الأستاذ محمد الحسين والد يحي محمد الحسين عضو المجلس الوطنى عن البعث ثم تلاه مختار عبد الله إبراهيم في( 68 و 86 )ومجذوب عثمان مجذوب فى مايو، ومن ابنائها كذلك الشيخ النور أحمد عبد الله والشيخ أحمد عبد الله والد جعفر أحمد عبد الله بالمجلس الوطني وقائد قوات الفتح والأستاذ علي جاويش نائب رئيس حركة الأخوان المسلمين ، ومنهم أيضا عبد الماجد بشير الأحمدى ببربر واله،وينتمي كذلك بجهة أمه حاتم سكنجو وال جبارة العوض بكسلا وساطع محمد الحاج القيادي في حركة القوميين العرب والبطل الحسن ودسالم الإنقريابي (الوافر ضراعو) والذي يقيم أهله بالسعدابية

والدويم.
مواقف ورجال
نبدا بابراهيم ودحمزة عمدة الانقرياب بالباوقة حين هرب سلاطين باشا من امدرمان كانت اصابع الاتهام اشارت لابراهيم وفعلا ابراهيم هو من هرب سلاطين لكن الخليفة لايملك دليل قاطع لادانته فستدعي مقاديم بربر كلهم حين وقفوا امام الخليفة فقال ابراهيم للخليفه انا المسئول عن مقاديم بربر فساله الخليفه كيف هرب الكافر كنت وين ياابراهيم فردعليه ابراهيم قائلا
سلاطين هرب من بيتك ومن امدرمان ام حيل وخيل تسال عنه ابراهيم في الباوقه اسال نفسك
حقيقة الموقف كان صعب ماكان الحضور يظنون ان ابراهيم سوف يتجاسر علي الخليفة بهذه الصوره القاسيه فعفا الخليفه عن بقيه العمد وسجن ابراهيم
فبهذا الموقف نجا رجال في قامه عمد المنطقه من القتل
فقال فيه شاعر الميرفاب الشناوي
ياشجر الرجاله الماقطعك فرار *** بحرك مكير ياكل في الحجر والسار
ايضا من المواقف البطوليه
ان جدنا الامين ود عيسي ود الشيخ من ارتولي هذا الرجل كان بسوق الدامر فجائه وقف امامه عسكري يسوق رجلا مكبل بالجنازير والرجل قاتل ويريد شخصا ان يضمنه وكلما حكي قصته لااحد من الرجال نظر الي الارض واعتذر وحين جاء عند الامين وحكي له قصته نظر الامين الي وجه الرجل ولم ينظر في الارض فعرف الرجل ان هذا هو الرجل الذي يبحث عنه فقبل الامين ان يضمن الرجل وسافر الرجل الي كبوشيه وتم اخذ الاين مكانه بعد ان حددت له المحكمه مده ثلاثه ايام لان الرجل عنده وصايا ونسبه لظروف ذلك الزمان فالقصه حدثت في اول عهد الانجليز حيث لم تكن هناك وسيله مواصلات سريعه فتاخر الرجل عن الميعاد المحدد فتم اخذ الامين الي حبل المشنقه وفي اللحظات الاخيره حضر الرجل ومعه اهله رجال ونساء وحين راي الامين يقف علي المشنقه اسرع اليه وطلب منه النزول لكن الامين حلف بالطلاق لن ينزل مادام وصل للموت في محله والرجل يحلف والامين مصمم علي موقفه حقيقه هذا الموقف ادهش الجميع فطلب احد العمد اهل الفاتل وطلب منهم ان يعفو الرجل وقالوا عفونا عنه اكراما لهذا الرجل فتم العفو هذا الموقف اثار احد النساء من اهل القاتل فقالت في الحال هذه الابيات
تسلم يامقنع الكاشفات **** قشاش الدموع وكتين يجن نازلات
شرا يجيك انت يتقسم علي الشمات
وتم اخذ الامين الي كبوشيه وزوجوه امراه من هناك واكراما له ان اي امراه كانت حامل في ذلك الوقت وانجبت ولدا اطلق عليه اسم الامين
وقد توفيت زوجته وزوجوه اختها لكن الاثنين لم ينجب منهما فكل اولاده كانوا ن زوجته الانقريابيه
ويذكر والدي في فتره الستينات في بورتسودان التقي باحد احفاد هذا الرجل حيث سكن معهم في بيت واحد وحين عرف انهم انقرياب سالهم عن الامين واسرته فكانت مفاجاه لهم الاثنين ومنذ ذلك الزمن انقطعت اخبارهم عننا

نقلاً عن منتدى الباوقة جنّة الشمال.
الكاتب، المانجلكـ...
Post: #366
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-20-2010, 01:56 AM
Parent: #365

sudansudansudansudansudan164.jpg Hosting at Sudaneseonline.com

كاميرا محمد حسن العمدة.
منتدى الباوقة جنّة الشمال...
Post: #367
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-20-2010, 02:01 AM
Parent: #366

sudansudansudansudansudan165.jpg Hosting at Sudaneseonline.com


يا حلاة النيل في العصآرى.
عدسة محمد حسن العمدة.
منتدى الباوقة جنّة الشمال...
Post: #368
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-24-2010, 00:30 AM
Parent: #367

sudansudansudan153.jpg Hosting at Sudaneseonline.com

بين الحواشات.
عدسة منير الكندو.
منتدى الباوقة جنّة الشمال...
Post: #369
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-24-2010, 00:59 AM
Parent: #368

sudansudansudansudansudan180.jpg Hosting at Sudaneseonline.com


الحواشات.
عدسة محمد حسن العمدة.
منتدى الباوقة جنّة الشمال...
Post: #370
Title: Re: الباوقة, سحر, وجمال, ومصير مجهول ... توجد صور ...
Author: عبدالحافظ سعد الطيب
Date: 02-25-2010, 07:48 AM
Parent: #369




حسن حاج علي بابكر الكنين
مرشح الحزب الشيوعي السوداني للدائرة (5)
الباوقة تشريعي نهر النيل


: سنعمل على الحد من بيع الأراضي للمستثمرين الأجانب.
: ندعو لتوفير امتدادات للباوقة شرق النيل.
قال حسن حاج علي بابكر الكنين مرشح الحزب الشيوعي للدائرة خمسة الباوقة تشريعي نهر النيل في الحوار الذي أجرته معه الميدان، أنه سيعمل على طرح كل المشاكل التي تعاني منها المنطقة في المجلس التشريعي للولاية في حال انتخابه وأضاف أنه سيعمل كذلك على الحد من بيع الأراضي الزراعية للمستثمرين الأجانب. وهذا نص الحوار:
* مشروع الباوقة
* ما هي أهم المشاكل التي يعاني منها مواطن الباوقة والتي ترغب في المساهمة في حلها عبر التنافس للمجلس التشريعي لولاية نهر النيل؟
** هذه المنطقة تعاني من مشاكل عديدة نبدأها بأوضاع المنطقة الاقتصادية عبر مشروع الباوقة الذي أسس في العام 1917م من القرن الماضي وتعتمد عليه المنطقة من ناحية زراعية واقتصادية وهو يساندها ويزرع فيه النخيل منذ زمن الاستعمار الإنجليزي. والحواشات بهذا المشروع كانت توفير محصولاً جيداً للناس. لكن مثله مثل بقية المشاريع الزراعية الأخرى بدأ يتدهور بصورة مريعة والمياه أصبحت شحيحة والوابورات التي تؤمن مياه الري قديمة. وتعميرها لا يفيد. وأن عائد الأرض ما عاد يعيش الناس لذلك بدأت الهجرة بصورة كبيرة للعاصمة ومختلف مناطق السودان وبدلاً من أن توفر الحكومة لنا حلولاً فهي تريد إغراقنا عبر تشييد سد الشريك.
نحن نرى أن توفر امتدادات للباوقة شرق النيل، والأراضي التي باعتها الحكومة لبعض المستثمرين الأجانب كان يجب أن تكون امتداداً للمشروع أي أن تمنح للمزارعين من أبناء المنطقة الذين ضاقت عليهم الأرض بسبب تجدد الأجيال وتكاثر الناس.
وهؤلاء المزارعين مؤهلين لفلاحة الأرض ويملكون الخبرة اللازمة أباً عن جداً.
* تصدير البنجر
* ألم يستفد أهل الباوقة من وجود المستثمرين الأجانب؟
* هؤلاء المستثمرين يزرعون مثلاً البنجر لكنهم يقومون بتصديره للخارج وبالتالي لا تصاحبه أي صناعة للسكر بالبلاد، كنا على الأقل استفدنا عبر تشغيل أبنائنا في المصانع، لكن هذا لم يتم.
لكن الأهم من كل ذلك نحن في حاجة ماسة لهذه الأرض كما قلت لك ونحن الأولى بها لأن أبنائنا باتوا يتقاسمون مساحة صغيرة من الأراضي الزراعية. وبالتالي بدلاً من أن تمنح الحكومة أراضي لبعض المستثمرين الذين لا تستفيد منهم المنطقة أولى أن يمنحوها لأهلها الذين لم تزد. نحن لم نطالب بأن تمنح الحكومة أرض زراعية جديدة لأي شخص وإنما للمزارعين المتواجدين بالباوقة الذين أصبحوا يتقاسمون مع أهلهم وإخوتهم مساحة صغيرة جداً من الأرض.
* مستشفى واحد
ثانياً نريد أن نقول أن منطقة الباوقة لا توجد بها خدمات مؤثرة. هذه المنطقة بالرغم من تواجد أعداد كبيرة من الناس بها إلا أن مستشفى واحد هو الذي يخدمها منذ عهد الدكتاتور جعفر نميري لكن لا يوجد اختصاصي والعمليات التي تجري به جراحية أو قيصرية يجريها أطباء عموميين أو أن يتم تحويل المريض إلى مدينة عطبرة.
نطالب على الأقل بأن يكون بالمستشفى عدد اثنين من الاختصاصيين مع العلم بأنه يخدم مناطق أخرى بجانب الباوقة وهي الجول والسلمانية والسلمة وقرى شمال وجنوب الباوقة غرب النيل. نطالب بأن تهتم الحكومة بهذا المستشفى وأن توفر الاختصاصيين اللازمين له.
* مشاكل الدائرة
* ماذا يمكن أن توفره للناس في حال فوزك في الدائرة التشريعية؟
* سوف أسعى لطرح مشاكل الدائرة خمسة في المجلس التشريعي القادم إذا ما نلت ثقة أهلي بالباوقة. نحن في الحزب الشيوعي نطرح ضرورة تطوير مستشفى الباوقة وتأهيله مع إيجاد تخصصات من الكوادر الطبية والعمل على استنهاض وتفعيل صحة البيئة ومكافحة مرض الملاريا. وكذلك تطوير مشروع الجول الزراعية والعمل على النهوض بالزراعة في مناطق الدائرة كلها. وكذلك متابعة إنجاز مشروع الكهرباء وأن تعمم على كل مناطق الدائرة والكهرباء لم تعد رفاهية وإنما هي واحدة من الميسرات للحياة الكريمة لأن عن طريقها يمكن أن توفر الري للزراعة بدلاً عن استخدام الجازولين وكذلك طبخ الطعام وحفظه وغسيل الملابس وكيها وحفظ الأدوية وغيرها من ضروريات الحياة بإنارة المستشفى والمدارس عبرها مباشرة.
* مياه نقية
* وسوف نعمل من أجل إيجاد مياه شرب نقية صالحة وتوصيلها للدائرة وكذلك تحديث الطرق وردمها وتوصيلها للقرى المجاورة.
* سد الشريك
* والعمل على المحافظة على توحيد الجماهير الواقفة ضد سد الشريك حتى لا يكون القرار الأخير الصادر مناورة سياسية مع العلم أن السد يوفر فقط 315 ميقاواط من الكهرباء حسب ما أعلنته الحكومة في خطتها مع أن محطة حرارية واحدة يمكن أن تقام في مساحة محدودة جداً من الأرض يمكن أن تنتج هذه الطاقة التي تريد الحكومة تشريد ما لا يقل عن مائة ألف نسمة من أجل توفيرها، وذلك بإغراق أراضيهم وتوزيعهم على مناطق أقل خصوبة من القرى والبلدان التي يعيشون فيها.
* تقنين التنقيب
* أما فيما يتعلق بالتنقيب اليدوي للذهب الذي جذب بريقه المئات أن لم نقل الآلاف من أبناء السودان فإننا سنبذل أقصى ما في وسعنا من أجل تقنين التنقيب اليدوي وكذلك السماح باستخدام الأجهزة السطحية لأن مثل هذا النشاط متعارف عليه في مناطق أخرى من السودان مثل جنوب النيل الأزرق وغيرها. ونقول أن التنقيب اليدوي ساهم في إعادة البسمة والحياة للكثير من البيوت لأنه أصبح مورد رزق أبنائها الذين يعانون من البطالة والتشريد بفعل سياسات حكومة الإنقاذ التي احتكرت كل شيء. ونكرر نحن مع هذا النشاط اليدوي البسيط لأنه لا يعتبر خصماً على ثروة البلاد باعتبار أنه غير مجدي اقتصادياً للشركات الكبرى التي تعمل في مجال التعدين.
وسنطالب نحن كذلك بنصيب المنطقة من تنقيب الذهب الذي تقوم به بعض الشركات التي تعمل في مجال التعدين، وفقاً لاتفاقية نيفاشا التي نصت على منح أي منطقة2.5% من أي استثمار يقام عليها.
* إيقاف بيع الأراضي
* كذلك سنعمل على توسيع الرقعة الزراعية شرقاً بإيجاد مساحات شرق النيل والحد من بيع الأراضي للمستثمرين الأجانب على حساب مواطن المنطقة.
وسنطالب كذلك بدعم الأندية الرياضية والثقافية حتى تتمكن من القيام برسالتها المنوط بها.
ونطالب أيضاً بتوفير معدية أو بنطون إضافي مع التفكير في إنشاء كبري تستفيد منه المنطقة التي تعتبر المناطق ذات الإنتاجية العالية من التمور والموالح والمانجو لأننا نمد العاصمة وشرق السودان من كل هذه المنتجات.
وسنعمل كذلك على النهوض بالتعليم وتكمله المنشآت التعليمية والعمل على إيجاد مراحل عليا ثانوية وكليات وكذلك العمل على حل مشكلة الغلاء عبر إقامة الجمعيات التعاونية وبث الدماء في مشروع الباوقة الزراعي وتنفيذ امتداداته وكذلك العمل على إعادة البنوك التجارية إلى الباوقة ونطالب أيضاً بإلغاء كل القوانين المقيدة للحريات.
معكم فى التحالفات التنسيقية لآسقاط زمرة الجبهة الأسلامية ورجالات الأمن
Post: #371
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 02-26-2010, 06:43 AM
Parent: #370

لك الشكر الجزيل أخي عبد الحافظ، وأنت تدعم هذا البوست بمقتطفات من برامج عمنا حسن الكنين
سائلين الله له التوفيق في مسعاه الجاد لأجل رفعة المنطقة والنهوض بها...

sudansudansudansudan177.jpg Hosting at Sudaneseonline.com


مشكور أخي عبد الحافظ.
بالتوفيق عمنا حسن الكنين...
Post: #372
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 03-22-2010, 11:29 AM
Parent: #371




كاميرا محمد حسن العمدة.
منتدى الباوقة جنّة الشمال...
Post: #373
Title: Re: الباوقة, سحر, وجمال, ومصير مجهول ... توجد صور ...
Author: وليد شريف
Date: 03-31-2010, 01:09 PM
Parent: #372

لأن الانتخابات على الابواب ولأن هناك من يريد ان يطمس كل هذا الجمال في النيل بقيام سد الشؤم الشريك
اتمنى من ابناء منطقة الباوقة عدم التصويت لمن يريد لهم الضياع والتشرد ويجعلهم بدون مأوى ويطمس
حضارة الجدود والاباء ...فوز مرشح المؤتمر الوطني للمنطقة وللولاية يعنى ضعف صوت المعارضة
لسد الشريك وضياع الحقوق....
Post: #374
Title: Re: الباوقة, سحر, وجمال, ومصير مجهول ... توجد صور ...
Author: معاوية المدير
Date: 06-28-2010, 12:23 PM
Parent: #373

sudansudansudansudansudan127.jpg Hosting at Sudaneseonline.com


كاميرا زكريا،
منتدى الباوقة...
Post: #375
Title: Re: الباوقة, سحر, وجمال, ومصير مجهول ... توجد صور ...
Author: معاوية عبيد الصائم
Date: 11-30-2010, 08:11 PM
Parent: #374

يازول سلام
وعيد سعيد
Post: #376
Title: Re: الباوقة, سحر, وجمال, ومصير مجهول ... توجد صور ...
Author: Mohammed Awad
Date: 12-01-2010, 08:28 AM
Parent: #375

كل عام وانتم بخير يامدير

واستغرب انو شفت البوست دا just now

بوست ممتع للغاية

كانت لى ايام فى نقزو وحوش الدار والقدواب كمان اها النوريك

ولمن ندور نروح عن نفسنا بنركب نمشى الباوقة بس الزمن داك كاميرات ماعندنا

بعدين منير الكندو دا ليهو علاقة بى مصطفى الكندو من نقزو؟



ياخ لكن انتو عنكم منقة تلخم


والله انا اشك انو المُصران بتاعى دا سببو منقة الباوقة دى
Post: #377
Title: Re: الباوقة, سحر, وجمال, ومصير مجهول ... توجد صور ...
Author: احمد الأمين على إدريس
Date: 12-01-2010, 10:21 AM
Parent: #376

ود المدير وبقية الاهل والاحباب
اتفسحت هنا بمتعة بالغة
فقد كان لى ومازال وسيظل شرف الانتماء للباوقة
فمولدى هناك