Post: #1
Title: ضرب بالسوط هل يُعتبر هـذا "تَخلّف" ؟ ............... ( توجد صور).
Author: احمد محمد بشير
Date: 09-04-2010, 06:15 PM
|
Post: #2
Title: Re: ضرب بالسوط هل يُعتبر هـذا "تَخلّف" ؟ ............... ( توجد صور).
Author: motaz
Date: 09-04-2010, 07:20 PM
Parent: #1
والله يا أحمد أخوي
بلا شك في أذى للجسد من جراء ما يتعرض له
لكن بيني وبينك في أغاني كدا بتخلي الواحد يلقى نفسو
قدام السوط
أها في الحالة دي الزول يعمل شنو،، وطريقه زوغة مافي
نترك ناس الاختصاص يدونا رأيهم
|
Post: #3
Title: Re: ضرب بالسوط هل يُعتبر هـذا "تَخلّف" ؟ ............... ( توجد صور).
Author: Mohammed Awad
Date: 09-04-2010, 07:48 PM
Parent: #2
Quote: لكن بيني وبينك في أغاني كدا بتخلي الواحد يلقى نفسو
قدام السوط
أها في الحالة دي الزول يعمل شنو،، وطريقه زوغة مافي |
واهلنا بيقولوا السيرة معاها الشيطان (المقصود غُنا السيرة)
على باليمين اول مرة امشى البلد اخوك ماخد سوطين
غايتو اليوم داك عرفت قوس قُزح فوقو كم لون
لكن بقول ليك ياحبيبا دا ما تخلف
دى عاداتنا وتقاليدنا... والبيشوفا تخلف
مايعاين ليها... خلونا نستمتع بى قوس قُزح دا
وكت مافى طريقة نشوفو مع المطر اخير لينا نشوفو بالسوط
مودتى
|
Post: #4
Title: Re: ضرب بالسوط هل يُعتبر هـذا "تَخلّف" ؟ ............... ( توجد صور).
Author: احمد محمد بشير
Date: 09-04-2010, 10:21 PM
Parent: #2
في الحقيقة يا معتز تفسير الحكاية دي ومحاولة تصنيفها كـ"تخلف" صعب جداً.
نزلت الصور والبوست وإمتنعت عن التعليق ....... حتي لا أحكم علي الموضوع من جانب واحد , حبيت أعرف راي الأخوة في الاول
وحبيت أسأل الاأخوان هنا عشان نعرف تفسير للعادة دي.
وتبقي الأسئلة لماذا الجلد ؟
هل تُعد هذة الظاهر كتخلف من منظور قبائل وأناس آخرين غير الذين يمارسوها ؟
هل هذة العادة مقتصر علي قبائل معينة فقط أم علي جميع قبائلنا السودانية ؟
هل توجد هذة العادة في دول الجوار مثلاً ؟
هل ستنتهي هذة العادة مع تقدم العالم و مرور الزمن ؟
هل ظهرت مؤشرات إضمحلال هذة العادة أم انها منطلق ومستمرة بقوّة ؟
حكيت لواحد من الخواجات عن هذة العادة ‘‘ إستغرب بشدة وقال لازم تقوم دراسات للبحث عن اسباب الظاهرة وهل العادة ناتجة عن التطريب الذائد الذي يحدث للفرد أثناء إستماعه و إندماجه مع الأغاني الحماسية ‘ أم أن العادة تُـعد كتعبير عن الهاشمية و الرجالة , و من المعلوم أن الجلد يكون امام الفتيات و الاُمهات و الأطفال و الأباء ‘ أصدقاء العريس و أقاربه هم من يكشفون ظهورهم و بعدها يتم جلدهم بنوع خاص من السياط معروف لدي كل السودانيين بإسم " سوط العنج " .
|
Post: #5
Title: Re: ضرب بالسوط هل يُعتبر هـذا "تَخلّف" ؟ ............... ( توجد صور).
Author: احمد محمد بشير
Date: 09-06-2010, 11:55 PM
Parent: #4
وصلتني الرسالة أدناه عبر الإيميل من قراء المنبر
Quote: To [email protected]
السلام عليكم ورحمة الله سيدي المحترم 0هو تعليق في شكل سؤال : مع إنتشار أمراض الدم في عصرنا000 أظن علي كل من أحب أن يجلد في هذه المناسبات أن يأتي وهو يحمل معه سوطه الخاص الذي سيجلد به000لأن السوط الواحد لاشك هو ناقل لأمراض الدم00فقد رأيت كثيرا من مقولة )خلط اللحم بالعضم( في هذه المناسبات000000ولك تحياتي0000 محمد عبدالقادر الفاضلابي
|
شكرا ليك أخي محمد الفضربي علي الإيميل المفيد جدا و الذي أشرت فيه لشئ مهم ‘‘ والخاص بمسألة أمراض الدم ‘‘ و إسمح لي أن أرفق إيميلك هنا ليناقشه الإخوة ‘‘ و سأعود للتعقيب علي البوست بإذن الله.... واصلنا معي يا أخ الفضلابي عبر الإيميل حتي تحصل علي العضوية و سأُرفق ردودك علي الإخوة هنا بإذن الله.
|
Post: #6
Title: Re: ضرب بالسوط هل يُعتبر هـذا "تَخلّف" ؟ ............... ( توجد صور).
Author: abubakr
Date: 09-07-2010, 05:03 AM
Parent: #5
كما ان دق الشلوفة والشلوخ والوشم وكثير من اشكال التعدي علي صورة الانسان كان بغرض التجميل والجمال وكما الختان تعدي بغرض العفاف وكل هذه الاشكال مؤلمة وذات اضرار بدرجات متفاوتة فضرب السوط هو كان من اشكال التحفيز والحماسة واثبات القوة والتحمل .. اذن كل هذه الاشكال من التعدي البدائية كانت لاغراض انتفت اما لثبوت ضررها البالغ علميا وطبيا وانسانيا (الختان مثلا) او لو جود بدائل حديثة متطورة لا تؤذي ( مواد التجميل من مكياج ..الخ ) وتجاوز اثبات التحمل والقوة هذا الشكل البدائي بوسائل علمية متقدمة تتجاوز الفرد الي الجماعة والدولة ....الاصرار عليها الان وقد عرفت اضرارها وبدائيتها هو التخلف ....
|
Post: #7
Title: Re: ضرب بالسوط هل يُعتبر هـذا "تَخلّف" ؟ ............... ( توجد صور).
Author: ahmed haneen
Date: 09-07-2010, 11:44 AM
Parent: #6
يا زول هووووي
ارعي بي قيدك
دا كلاما ما بتقدر عليهو.ودا سوطا ما عندك ليهو ضهر
احسن ليك تقيف بعيد..
ارجو ان تحترم تراث الأخرين .. ولا تصفهم بالتخلف ...
|
Post: #8
Title: Re: ضرب بالسوط هل يُعتبر هـذا "تَخلّف" ؟ ............... ( توجد صور).
Author: قلقو
Date: 09-07-2010, 01:06 PM
Parent: #7
| Quote: ضرب بالسوط هل يُعتبر هـذا "تَخلّف" ؟ ............... |
اذا لم يكن تخلف , فكيف يكون التخلف اذن ؟
|
|
